المساعد الشخصي الرقمي

مشاهدة النسخة كاملة : بخصوص information system hardware

Mohamed R Al-Naimi
31-01-2009, 02:56 PM
السلام عليكم

شحالكم ان شاء الله بخير

الغاليين انا سجلت بتخصص hardware وقال لي واحد ان الجامعات الي برا ماتعادل لي الساعات لان المواد الي بالتخصص هذا مب مطلوبه ؟!

وقال لي اغير للسوفت وير لان ساعاته تتعادل !!

فايارييت الي عنده خلفيه عن هالموضوع يفيدني لاني ناوي بعد ماخذ الدبلوم اكمل في امريكا << ولين الحين ادور جامعه ولا لقيت جامعه فيها تخصصي << تنصحوني اروح للتعليم العالي واسئل

او في طلاب هني في نفس التخصص وعندهم خبره في الموضوع

انتظركم
D.N.J
11-02-2009, 12:31 AM
هلا اخووي...

في ناس في الكليه نفسها ممكن يساعدونك في هذا الشي...

انا اعرف اثنين منهم...

تروح قسم التسجيل وتسال عنهم...

واذا تحب ممكن اجيب لك الاسماء و راقامهم...

السموحه ع القصوور...
حسين الربيعي
17-03-2009, 03:57 AM
اخوية العزيز محمد
لايوجد شي اسمه الجامعات الي بره مراح تعادل المواد الي اخذتها
هذا يعتمد على التخصص الي تريد ان تكمل تخصصك فيه
مثلا اذا اخذت تخصص الهاردوير وبعدها تريد ان تكمل في جامعة بره وبتخصص السوفت وير
اكيد الجامعة مراح تعادلك ولا ماده
بينما اذا رغبت انو تكمل في تخصص قريب على الهارد وير فممكن تلقه جامعات وكثير جدا
مثلا عندك اخوي انا درست تقريبا سمستر واحد وصيفي في كليه النورث
واجيت هنا الى كندا وعادلت المواد الي اخذتها هنا لان اني اخترت تخصص قريب على التخصص الي اخذته في النورث وترى اغلب الجامعات الي هنا في كندا تعادل شهادة الكليات ومن ضمنها النورث
فلاتخاف اخوية ان شاء الله تكمل تخصصك في الهارد وير وتكمل بعدها جامعة
واذا احتاجيت اي مساعدة انا حاظر للطيبين .....
Anas Al-Ansari
17-03-2009, 11:03 AM
اخوي انت تدرس في اي كليه

لو كانت شمال الأطلنطي ففرصتك في برطانيا كبر من امريكا ان يعادلون لك نسبه كبيره من الساعات انا اخوي تخصصه كمبيوتر راح امريكا ماعادلو له شي ستاهل حاليا بحول برطانيا وحصل قبول حق نسبه كبيره من ساعاته
Abdulrahman AlThani
21-04-2009, 06:30 PM
انا متخرج من الكليه الصيف اللي راح .. وقدمت في بريطانيا واقبلوني والحمد لله السنه الثانيه..بتخصص Computer Support Specialist .. بس يكون معدلك مرتفع شوي من 3.5 وفي جامعات ثانيه تقبل على السنه الثانيه بس لازم يكون مخلص ماده الجافا .. ويبون ايلز 6 .. فتأكد تاخذ ماده جافا 1 و 2 عشان يحذفون السنه الاولى.. ولاتوهق هني..