المساعد الشخصي الرقمي

مشاهدة النسخة كاملة : أزمة مباني في المدينة التعليمية

Ahmad Telfat
15-06-2005, 02:30 AM
بسم الله الرحمن الرحيم
في الوقت الذي تزاحم طلاب تكساس مع طلاب الجسر الأكاديمي في مبنى واحد ، تأتي جامعة أخرى بموظيفها وطلابها وتزاحمنا.

الكل سمع بجامعة جورج تاون الجديدة ، التي ستباشر عملها في السنة القادمة ، ولكن هنا السؤال يطرح نفسه : لماذا لانفكر في مكان هذه الجامعة قبل إحضارها إلى هنا؟ فلاتتصورون ياإخواني وأخواتي حجم الطلاب بالنسبه للمبنى ، اعتقد أنه على مؤسسة قطر أن تنظر جديا في موضوع إيجاد المباني للجامعات ، نحن كطلاب تكساس موعودون بمبنى كبير سوف يتم الانتهاء منه في عام 2008 ، طبعا بعد 3 سنين تخيلوا حجم الطلاب الذين سيكونون في المبنى الحالي الذي يضم الجسر الأكاديمي وتكساس وجورج تاون!

تحياتي لكم جميعا :)
Adel Al-Jalham
15-06-2005, 03:59 AM
الله يعينكم صراحه بس دايما في مقوله تقول السعه في القلوب مب في المكان
RRR
15-06-2005, 08:14 AM
السلام عليكم الله يعينكم ياخوووي بس مثل ماقال اخوي السعه في القلوووب وقول الحمدالله لانه حالكم يمكن احسن من حال غيركم في اماكن ثانيه
وربي يوفقكم دنيا واخره
Jassim Al-Asmakh
15-06-2005, 09:00 PM
السلام عليكم

الله يعينكم و السعه في القلوب نفس ما قال اخوي عادل

اخوي احمد بالله عليكم طلاب الجسر .. مايجون 150 طالب و تكساس كلها بالكثير 100 طالب

و الادارين و الموظفين بالكثير 100 يعني حول الــ 350 طالب و جورج تاون راح تاخد بالكثير 50 طالب

يعني المجموع ان كثر 400 ... عيل طلاب المدارس شيقولون اذا في الصف الواحد 40 طالب ...

الله يعنكم
Mubarak Al-Sowaidi
16-06-2005, 03:02 AM
السلام عليكم جميع ..........
انا والله مع راي اخوي عادل الجلهم في اللي قاله ان السعه بالقلب
بس اختلف اشوي مع اخوي جاسم في الارقام لأن ببساطة العدد يزيد كل سنة
وقطر حاليا صارت عامل جذب تعليمي بسبب هالمشروع لسكان
هاذا اللي عندي ويعطيك العافية يا احمد على مشاركتك :)

================================================== ==================================================




" الحياة مليئة بالحجارة .. لا تتعثر بها .. بل اجمعها .. و ابني سلما تصعد به نحو النجاح "
Ahmad Telfat
16-06-2005, 03:14 AM
والله ياشباب انتو ماخذين الامور ببساطه

عدد طلاب الجسر يتعدى ال 200

وتكساس بيتعدى ال 100 بسهوله

وجورج تاوون مشكلته مب في الطلاب في الاداريين لأنه كل موظف يحتاج إلى غرفه فراح يشغلون جميع الغرف ويضيقون شوي من تكساس.

أول كان عندنا غرف للدراسه اما الحين للأسف ماراح نحصل هذي الفرصه..

أما بالنسبة لسعة القلوب فالحمد لله قلوبنا والله متسعه للكل بس والله يكون احسن لو كانت السعه في المكان والقلب ..

تحياتي لكم وشكرا على التفاعل
J.A
16-06-2005, 10:56 AM
السلام عليكم,
اخوي احمد الي انا اعرفه انه مباني المدينة التعليمية وسيعه و مبنى تكساس تكفي على الاقل الف طالب و طالبه بالراحه يعني.. و هاي شي اهمه اكيد مفكرين فيها من قبل بالذات انه اكيد كل سنه بتزيد عدد الطلاب و الطالبات عندهم و في يوم اكيد بتوصل للعدد الي فيها حالياً, من طلاب تكساس و الجسر الاكاديمي و ادارة جورج تاون.. بس على العموم الله يعينكم و اكيد الكلكم تتمنون انه المبنى تكون بس لتكساس بس مع الوقت المباني الجديده بتخلص و كلن بيكون في مبنته
:) اسفه على الاطاله
Ahmad Telfat
17-06-2005, 02:52 AM
هههههههه اخوي جي ايه ماادري اذا شفت مبنانا والا لا .. يااخي مايكفي لثلاث جامعات صدقني .. بس شنسوي لاحول ولاقوة الا بالله بنصبر وأمرنا لله ..

وأتمنى من المدينة التعليمية أنها تستعجل في البناء بس طبعا يبنون لنا بنيان عدل علشان مايصير لنا مثل ماصار السنه السابقة (الله يرحم سياراتنا )..

تحياتي للجميع
Jassim Al Obaidly
17-06-2005, 07:48 AM
مرحبااا


المسأله مب مسألة سعة صدر وغيره القلب ياما شال واتحمل وكفايه عبئ الدراسه على الطلاب

الله يهداك اخوي عادل هذي جامعات عالميه مب روضه

الطالب لازم يتهيأ له جو هادئ ومناسب للدراسه للمساعده على التركيز

واللي يده بالماي مب مثل اللي يده بالنار

الله يعينكم اخوي احمد
Mohammed Al-Mansouri
17-06-2005, 07:56 AM
اولا هلا وغلا باخوي احمد

الصراحه اشوف الحق معاك احمد...وللاسف اشوف الي ردو خذو الموضوع ببسااطه زياده عن الازم.. وحلوه هاي سعة الصدوووور....(يعني لو مافي مكان يقعدون فحظن بعض من زود المحبه)..المهم

صح المبنى الي يجمع تكسس والجسر ما اتوقع يستحمل اكثر من الي فيه... حتى المرافق والخدمااات(كفاتيريا ومواااقف وغير وغير...)احنا درسنا فهالمبنى وعاارفيه....

الله يعيينكم اخوي احمد..وان شااء الله يلقووون لكم حل
Ahmad Telfat
18-06-2005, 04:29 AM
هلا بشباب استراليا

هاي اللي كنت ابي اوصله يااخواني جاسم ومحمد والحمد لله انتو فاهميني ، عاد بعد هذا واقع وانفرض علينا ولازم نتأقلم الله يعيننا ان شاء الله

:p سلموا على الكناغر اللي عندكم

تحياتي لكم
Abdullah Al-Harami
10-07-2005, 02:13 PM
السلام عليكم ورحمة الله وبركاته...
بصراحة هاي أول مشاركة لي في هالمنتدى.. بل هاي أول موضوع أكتبه انا في حياتي في منتدى... بالنسبة لموضوع أزمة المباني يمكن الطلاب إلي في الخارج ماعرفوا وماحسوا بالمعاناة الي نعيشة احنا طلاب المدينة التعليمية ...العام الماضي كنا احنا والجسر الاكاديمي في مبنى واحد ،وماسلمنا من المشاكل معاهم من ناحية الازعاج اوحتى من ناحية الصفوف ... الحين جتنا جامعة جديدة وبطلابها.. يعني المبنى صار مزدحم اكثر ... وانا لما أقول مزدحم أقصد مزدحم من ناحية عدد الجامعات مب عدد الطلاب... احنا مبنانا يستحمل الف طالب .. بس هالألف لا زم يكونون من جامعة وحدة ... مب من ثلاث جامعات... تدرون السنة الجاية شبيصير.... اذا احنا طلاب تكساس بغينا قاعة محاضرات لازم نكتب رسالة لثلات جامعات ناخذ الإذن منهم .. عاد شوف اذا حصلت حجز... أنا كان عندي صف صغير كنت كل يوم أشرد من البيت نظرا لإزعاج اليهال عشان ادرس فيه ادرس فيه وكل شباب تكساس يعرفون هالصف ((( العرين ))... لكن الحين جامعة جورج تاون خذوه وقفلوه ... يعني السنة الجاية تلاقيني ادرس في الممر... هاي بالأضافة للمشاكل الي ممكن تصير بين طلاب الجامعات والي نتمنى انها ماتصير......
الله يستر ثلاث جامعاااات في مبنى واحد :rolleyes: ... لا وازيدكم من الشعر بيت :confused: ... احتمال كبير السنة الجاية جامعة فرنسية تفتح عندنا في نفس المبنى :eek: :eek: ... وهالخبر انا سمعته من مسؤولين من مؤسسة قطر....
الله يعينا.....
تسلمووووون
Hassan Al-Ibrahim
10-07-2005, 02:18 PM
أخوي عبدالله يا مرحبا بك في منتداك

المشكلة مش في المباني المشكلة أنهم " سياسيين " يعني لو مهندسين كانت المشكلة أخف تعقيداً

لكن تخيل 50 طالب جديد و كلهم أمثال م*** الله يستر عليه

:)

الله يعينكم و أتوقع المسئولين بيحلون المشكلة في أسرع وقت و لو تفعلون دور المجلس الطلابي اللي عندكم و تقدمون باسم الطلاب عريضة تكتبون فيها هذي الشكوى

و لكن انتظروا وشوفوا أولا النتائج من الدمج بعدين احكموا و اكتبوا
Jassim Al-Naama
10-07-2005, 02:23 PM
السلام عليكم

ماقول الله الله يعينكم شباب تكساس .. زيادة سكانية في المبنى

بس مدري المفروض من مؤسسة قطر وتوزع الجامعات بدل ليحطونهم كلهم في مبنى واحد

واذا مافي مباني . الركادة زينة .. كل يوم جامعة جديدة وكلهم في مبنى واحد

شدعوه !!!


مستغرب والله هالتخبط من مؤسسة قطر
Fahad Al-Jefairi
11-07-2005, 11:07 AM
السلام عليكم ورحمة الله وبركاته ...

جزااكم الله خير على الردود والله يعطيك العافية يا ولد عمتي على كتابة الموضوع :) :)

والله بصراحة انا اختلللف مع كلل اللي ردوا على الموضوع ... ابتداءا بكاتبه

اول شي جامعة جورج تاون راح تزاحم تكساس والجسر فقط في الصفوف الدراسية ... اما ادارتها فراح تكون في ال Qatar academy jounior school

واللي أعرفه انه هم ما راح ياخذون اكثر من 4 غرف بحكم ان طلابهم كلهم 25-30 طالب ...

ادري ان طالب الجامعة يبون يتمتعون بالخصوصية واحنا حاسين بنفس المشكلة في كورنيل وكارنيجي .... لكن خلونا نفكر شوي بدولتنا .....

هل لازم نأجل قدوم جامعة لين ما نبني لها مبنى يكلف ما لا يقل عن 40 مليون ريال ؟؟؟

ولما يجهز المبنى نتعاقد مع الجامعة وتكون ل40 طالب فقط ؟؟؟

وفي طفرة النهضة الموجودة في الدوحة وفي العالم ...مافي مجال انك تتأخر ..... والحمدلله رب العالمين كل شي مدروس ومجهز له

مرة ثانية ادري انه راح تكون زحمة وقد تسبب مضايقات .... لكن بشكل عام ... والمال العام .... والمصلحة العامة ... تحتم هالشي

والله يعطيكم العافية وما قصرتوا :) :)
Joaan Bin Hamad Al-Thani
11-07-2005, 06:18 PM
السلام عليكم جميعن.. اخوي احمد الموضوع الي انت تتكلم عنه خارج عن ارادتنا ك مدينه تعليمييه.. مع العلم انا الجامعات الي موجوده الحين او بالاحرى المباني,تشيل جامعت قطر كلها. و بعدين اذا انت عندك اقتراح او اي شخص في الجامعه متضايق من اي شي من ناحيت الضيق . اعتقد انا في اداره تقدرون تكلمونها.. انا مادخلت هذي المداخله الا لانا الموضوع شد انتباهي بطريقه سلبيه .. انا احترم رايك و رأي الاخوه و اخوات, بس اذا تشوف الشي من بعيد ماراح تحس بالي بالداخل.. الجامعات الي افتتحت في قطر من افضل جامعات العالم.. والشي الثاني هو انا المئسسه قاعد تشتري الاراضي الي حول الجامعات عشان تبني مباني اضخم.. و للعلم الطموح لين الحين ما وصلناه ك قطرين.. و لازم انا الواحد يشد على نفسه بلان من المكان ضيق ولا وسيع... كلنا على ماعتقد طلاب و مش اي طلاب (نقوه)من بين مأت الاشخاص.. المهم انا اسمحولي عل اطاله ..
و اسمحولي اني سارلي فتره ابتعت عنكم لانا ضروفي في الكليه ماتساعد..
تـــــــــــــــــــــــــــــــــــــــــــــــــ ـحـــــــــــــــــــــــــــــــــــــــــيــــــ ـــــــــــــــــــــــــاتـــــــــــــــــــــــ ـــــــــــــــــــــــــــــــــــــي
Ahmad Telfat
13-07-2005, 02:17 AM
أشكر جميع الذين تفضلوا بالردود .. سواء كان الرأي مع أو ضد فأننا نحترم جميع الآراء.. ..

نحمد الله أننا موعدون بمبنى جديد لتكساس بعد حوالي 3 سنين .. وهذا شيء جيد ..

..

تحياتي للكل