من هنا نبدأ المشوار ((للشعراء

[Ali Almarri]

السلام عليكم ورحمة الله وبركاته

أخواني واخواتي الأعضاء

خطر في بالي فكره ولو انها يمكن تكون قديمه والله اعلم

ولكن من باب الأخذ والعطاء قلت اقترح عليكم هالفكره

طبعا الكل منكم يكتب قصيد حتى ولو انه موب شاعر بس عنده محاولات

بعضنا يكتب بيتين او بيت وبعضنا يكتب قصيده كامله بس انها ما تشوف النور

يمكن تخوف من النقد ويمكن اعتقاد الكاتب بتفاهتها وانا من هذا المنطلق

خطرت في بالي هالفكره الا وهي: اي شخص عنده محاولات حتى لو بيت واحد

يكتبها لنا يمكن ما تعجبه بس تعجب غيره ..ويمكن انه ما اكتشف موهبته

وطبعا اذا ما احد لقى تشجيع اكيد بيوقف عن الكتاابه عشان جذيه

انا قلت احطكم جدام الأمر الواقع

انا طولتها وهي طويله

طبعا اي واحد يكتب ابيات من شروط المشاركه الأبيات تكون لكاتبها

وما يكون فيها اي مغالطه بحق اي احد لأنه بأمكاننا كتابة مساجلات بيننا

بس في حدود المعقول .....وسلامتكم

نبي نشوف مشاركات الكل

[Ali Almarri]

السلام عليكم ورحمة الله وبركاته

اشوف الجماعه موب متشجعين للفكره بس انا ما راح اهون منها

وراح ابدأ بنفسي لعل وعسى اكون فاتحة خير عليهم


سريت وسرني برق(ن) سرى بأقصى المدينه لاح

على أقصى مدينة بيرث وجه وجهة الديره

سبحت وهمت ببحور الغرام ولاني بسباح

فقدت أغلى حبيبه لي وضعت وصرت في حيره

يقولون الهوى غلاب ومن صابه فلا يرتاح

وأقول أن الهوى يروي عروقي في دعاثيره

ترى ما أفسر أقوالي كذا والا كذا يا صاح

تراها تجربة فاشل فشل بآخر مشاويره

نصيتك ياهوى بالي ترجع لي زمان(ن) راح

رجيتك لا تخليني كذا من دون تأشيره


وسلامتكم

[Meshal Al-Malki]

السلام عيكم

صح لسانك ياعلي واناعندي كم<ن>بيت بس علشان اكون واضح مش من عندي لا والله من عند اخوي وصديقي القرناس @@@
يقول؛؛؛
يالله ياللي كل خلقك ترجاك\\\عبدك بغاك اليوم تغفر ذنوبه
نفسي مع الشيطان والحب في اعراك\\\مره تعف ومره تسلك دروبه
يابنت ياللي كل قرما تمناك\\\منتي على خوض الهوى بمغصوبه
حرمت عيني شوف ضحكت ثناياك\\\ولديتني عن كل عذرا عذوبه
وحرمتني من مز سكر ثناياك\\\في ذمتك ماتشوف هاذي عقوبه
تقول خايف من حكي الناس يقفاك\\\كم واحدا جا صاحبه مادروبه

[Ali Almarri]

مرحباا مليوون أخوي مشعل ولا هنت على الأبيات وصح لسانك يا راشد

وهذي كم بيت كتبتها وانا قاعد أدرس ((لأني موب فاهم شقاعد ادرس))المهم

تمنيتك تجي جنبي وتقهر جملة العذال
لقيتك جالس يم العذول تأشر بصوبي
تمنيت اعرف شذنبي يخلي صاحبي يختال
لقيت أن الذنوب تقول ذنبك أطهر ذنوبي
تمنيتك ولكنك بخيل بكلمتين وصال
نويت أصبح العذال لكنهم تعشوا بي
حبيبي يا عسى ربي يحرمك راحة بالبال
مثل ما احرمتني لذة غرام صار لي ثوبي

[Tareq Al-Saei]

الله يعطيك العافية اخوي علي على جهودك الواضحة والمتميزة في الشعر النبطي ...

والابيات اللي نحطت كلها رائعة تعكس شاعرية وعذوبة احساس كتابها صح لسانكم ...

انا يا بوحسن عندي كتابات بسيطة بس بالفصيح يصير انزلها ولا هذا خارج الموضوع ؟؟؟

بالتوفيق يا خوي

[Ali Almarri]

السلام عليكم ورحمة الله وبركاته

اخوي طارق مرحباا مليون أنورت المشاركه بوجودك...صح بدنك

طبعا يصير تحط كل محاولاتك هنا ونص بعد وحتى لو ما يصير


انت بالذات تخليها تصير ....النبطي والفصيح ...بس النثر ما أظن

ويامرحبا بك مليون ....ونرحب بكل محاوله حتى ولو كانت بيت واحد

تمنياتي للجميع بالتوفيق

أخوك /علي المري

[Jassim Al-Khaldi]

السلام عليكم ورحمة الله

أخوي العود علي طال عمرك ماقصرت

وأطربتنا إبصرحه كثير وخاصةً أخر مانزلته

صح الله إلسانك وكثر الله من أمثالك حبيبي

وحبيت أزيد أشوي و أنزل هالبيتين إلي كتبتهم في ابلادي قطر وأتمنى يعجبونك
أقــــــــــــــــــــــــول

كلما ضمة عيوني دمعة حزنها +++ جـاتــها ذكــرى أيــام فـرقــاهــا

وكـلما دق قـلبي يـنبض بحبها +++ تـذكرهـا يـوم قـال أنـي أفـداها

[Ali Almarri]

السلام عليكم ورحمة الله وبركاته

أخوي جاسم جعل عمرك طول وبيض الله وجهك على هذا الأطراء وانا ترى

ما سويت شي لحد اللحين هذي بس محاولات عشان اطلع اللي في قلوب الأعضاء

وصح بدنك يالغالي وصح لسانك على القصيده ما شاء الله عليك


وفي انتظار المزيد يابو محمد

وهذي كم بيت وان شاء الله تعجبكم اقول فيها

يكفي أني لا كتبت بيات شعري تنبهر .....ويكفي أني لا رمست تقول رمسة الأصمعي

ويكفي أني صرت خلك بس من بد البشر....ويكفي أني لا حسبت الناس عديتك معي

ويكفي أني لو أغيب ايام يمكن تنتحر .....ويكفي أني لو أجيلك قلت هب المطلعي

ويكفي أني يوم شفتك مبعده شفت القهر .....ويكفي أني يوم فارقتك تحدر مدمعي

جيتني في حلمي البااارح تلدين النظر.....قلتي أرحل؟؟؟؟قلت والله ما تفرق معي

واتمنى أنها تعجبكم وأن شاء الله نشوف مشاركات الكل

أخوكم/علي المري

[Ali Almarri]

السلام عليكم ورحمة الله وبركاته

طبعا السموحه على التأخير وضع مشاركات ولكن أحنا في بداية الكورس

وتخبرون مع بداية الدراسه الواحد يبي يرتب جدوله علشان ما يتأخر عن غيره

بس ان شاء الله في القريب العاجل راح يكون لنا تواجد بشكل أكبر والسموحه منكم

وبعدين مش معناتها اني ما اشارككم انتوا توقفون عن المشاركات الشعريه .....ترى

انا من أشد المعجبين بالقصائد المبتدئه لنها دايما يكون فيها محاوله مستميته لأبراز

ما تحتويه قلوبنا فللأمام ويالله اللي عنده شي يكتبه بالطيب أحسن له والا ترى عاد بنزعل

وطبعا فيه لنا اخوان شعراء متواجدين بس نطلب منهم التواجد اكثر اذا سنحت لهم الفرصه


وتحياتي لكم

[Ali Al-Rumaihi]

هذا شعر كتبه واحد من ربعي في واحد ثاني بيعرس وماقدر يحضر عرسه ولما تعذر منه في هالأبيات تعذر حتى عنا أحنا لأن عرسه بالسعوديه وبعيد عنا.

أبدا كلامي بالسلام وأتبعه بالتهانـــــــــي...وأزف لك يا(.............. ............. القحطانــــي)
أحلى كلام الشعر مني وعذب المعانــي...يالله عســـى يباركـــــك بكريمـــة الثانـــــــــــــــي
وتهنى حياتك وتصفالك جميع الأمانــــي...ويتممـــــك ربي بطاعتـه وتستشهده بالبنانـــــي
وأخط لك عذري وجامع العذر بأخوانــــي...على عدم المقدره والحضور بالمكان الفلانـــي
عساك تقبل عذرنا وتسمح يالسنافـــــي...وترجــــع لنـــــا ولديرتــــــك وتعيش هانــــــــــي

و سلامتكم :)

بالبناني=الصبع ويقصد بها السبابه عند التشهد بالصلاه.

[Ali Almarri]

صح لسانك يالسنافي ولسان قايلها

بس كلمة السنافي في البيت الأخير طلعت عن الأبيات اللي قبلها واللي كان الباين فيها (نــي)

وهذا رائي وسلمت يالغالي

[Ali Al-Rumaihi]

تسلم لي يا علي و إن شاء الله أبلغ الأخ برأيك :)