اول عيوب الاطلنطي من اول يوم دوام

[Saleh Alsafran]

السلام عليكم

ادري ان فيه ناس تبي تبيض صفحة الاطلنطي وتتوقعون اني في الموضوع ابي اسودها لا بس انا عندي عتب في شىء انا داخل على حسابي طيب ودفعت رسوم خدمة الطلاب ماقلنا شىء بس اما اليوم اضيع من الساعة 12:40 الي 2:12 ادور من مبني لثاني لين صقعت فيني الشمس ورديت البيت مدوخ كل ماروح بناية يقولون لا مناك وفي النهاية طلبو ورقة يعني ركزو ماطلبوها في البداية ويوم طلبوها ويبتها قالو الحين ادفع الحساب قلت هاي حق شنهو قالو بس نتأكد تابع لشركة او لا علشان قيمة الكتب يعني بالله عليهم لو انا تابع لشركة بقص عليهم ابي ادفع كان بالاول سألو لو تابع لشركة يطلبون الاورقة لو بروحي يدفعوني الاحساب وخلاص بس صراحة الله يعيني على الايام الباقية دام هاي اول يوم وشكراً << سالفة :)

[Dana.Al-s]

خخخخخخ اخوي لاتحاتي لحين ماشفت شي ..
اهم شي لازم تكون جايب معاك غراش ماي :)
الله يوفقك

[Mohammed Y Al-Malki]

غريبه انا داومت سنتين ونص وكان تعاملهم وياي اوكي
ماعدى موقف واحد وفنفس المكان اللي صادك فيه الموقف =P

بس الكنديين تعاملهم اوكي ويخدمونك بعيونهم =)

[Saleh Alsafran]

:7: بس صج صج من ناحية روحة من مبني الي ثاني عذاب مب ماي بس الي مضلة وهاي الكاب الي فيه مروحة :10: الي دايم يلبسونة الشغالين بس صراحة بتقولون فيه اماكن مخصصة للمشي صح بس لو بتمشي فيها بتقطع دبل المكان الي تبية 4 مرات يعني احسن شىء تطلع قطوع :10: << مال اول سيلين :D

[Saad Al-Hababi]

أنا سجلت حوالي 12 مره والحمدلله ماصادفتني خلالها أي مشكله

التسجيل مب معقد ذاك الزود

اول شي تسجل وتعطيهم يالبطاقه الشخصيه والا بطاقة الكليه

عقب تروح حق الدفع سواء سبونسر أو لا

عقب تروح تاخذ جدولك

هاي النظام اللي متبع عنده بس يمكن انت ما انتبهت حق الدفع

وغريبه أخبرهم قبل لا تطلع يشيكون على اوراقك جاهزه والا لا ؟؟

يالله علشان ماتنسى أو يوم :P

[Saleh Alsafran]

ياريال زين خلها على الله انشاء الله اوكية وتري صراحة احم مستواي يفشل 1040 احم :D على قولت اخوي يدرسونك A B C :3leahm:

[Saad Al-Hababi]

1040 ???

حرام تضيع وقتك

تبي نصيحتي روح لك مركز ابرك

انت بتدرس لين توصل 1090 عقب بيعطونك ماث ويمكن كمبيوتر

على ماتوصل 1090 يبيلك سنه يمكن أو أكثر

لأنه باقي قدامك 1050 و 1060 و 1070 و 1080 :39:

بس لو تروح مركز اعتقد بامكانك انك تخلص في اقل من هالمده :22:

عقب روح الكلية

[Mona Al-Emadi]

في بنات ما انقبلوا بالكلية لضعف مستواهم

خلال الصيف رفعوا مستواهم لدرجة انهم حصلوا قبول و فوقه عدوا كم مستوى و اختصروا المشوار

[Saleh Alsafran]

:1639_11196799410: باااال مايصير بعد مطاح الفاس في الراس دقيقة خلوني اوضح لكم شىء يمكن يخفف السالفة انا :+devwatch: داش بس ابي ثلاث كورسات الي هي سنة يعني مثلاً 1040 بعدين 1050 بعدين 1060 بأذن الله اكون شقحت نص المستوي بعدين باسفر على حسابي لغة برى بس يعني ابي تأسيس قوي بالاول اما المعاهد مب شىء ساعة او سعتين يومين وشكراً ارجوا سدح الراء << شكلة كلها :_Kaboom__by_Zeraga:

[Saad Al-Hababi]

اذا تبي تأسيس قوي وعلى قولتك و بتكمل لغه برى

روح دايركت ليس ما تتأسس هناك أحسن لك ؟؟

اللغه يبيلها ممارسه وهنيه مابتمارسها الا فالكلاس والا برى بتضطر انك تتكلم انقليزي


بالتوفيق أخوي

[Saleh Alsafran]

مشكور على الرد Saad Al-Hababi من ناحية دايركت في الواقت الحالي ماقدر بسبب ظروف فقلت في نفسي اجلس هاي المده كلها بعدين اسافر ولا ادش مكان اطقطق فيه لغة لين اسافر فدخلت :)

[khaled Al-Marri]

الله يوفقك أخوي صالح ،،

وتنال مراااادك ،،

يعطيك العافية ،،

ودمت بووود ،،

:)

[Saleh Alsafran]

مشكور اخوي خالد على المرور والتشجيع على مرادي :) وبالتوفيق للجميع

[Fars.Al-Mohannadi]

السلام عليكم ورحمة الله وبركاته


الله يعينكم ويووووفقكم

[M. AL_dosari]

آجــر إن شاء الله ومافي شي فالدنيا سهل بالتوفيق

[Saleh Alsafran]

thank you for Reply

Fars.Al-Mohannadi

and

M. AL_dosar

[Abdulaziz Almulla]

الصراحه 1040 مستوى نازل وايد

يبيلك سنتين لين ما تعدي التاسيسي اذا ما خاب ظني

ننصيحه روح لك مركز او مكان تعلم فيه لغه

علشان تعدي امتحاناتهم بسرعه ،،

وبالنسبه للتسجيل . فالتسجيل ميسر وسهل

لكن المشكله في الحذف و الاضافه وتغيير السكشنات

الله يعين الي يطيح على مدرس تعبان

مايقدر يغير السكشن الا بطلعة روح .. هاي اذا غيره اصلا