العلمانيه في قطر

[Omar Al Hazaa]

السلام عليكم ورحمة الله وبركاته

شخباركم ان شاءالله مرتاحين

زرت قبل مده مدرسة ابو بكر الصديق الاعداديه للبنين

اول مادخلت المدرسه شفت 3 بنات قاعدين على مكاتبهم!

والرابعه كانت ماسكه اوراق وتمشي

يعني المجموع الحين صار 4

أي حد يدخل من البوابه الرئيسيه للمدرسه يقدر يشوفهم لأن مكاتبهم اتطل على الساحه الرئيسيه

البنات كانوا كاشخين ومتعدلين

سئلت واحد من الطلاب الصغار البنات شنو يسون هني في مدرستكم؟

قال هم يشتغلون هني

قلت له يدرسونكم؟ قال لا بس يساعدون المدير والوكيل :w5rw:



البدايه لازم تكون بجس النبض

مايصير مره وحده يحطون عدد كبير لأن الناس بيلاحظون هالشي

لازم تكون الخطه مرتبه



هالسنه 4 بنات, حلو محد قال شي



الي بعدها 8



والي بعدها 20



لين ماتصير مدارس الدوحه خــلااااــص مختلطه والناس تعودوا على هالشي



والبنت تقعد جنب الولد طبعاً بأدب وبأحترام وبقواعد



يمكن هالشي من متطلبات التطور

وراح يساهم في انشاء اجيال فاهمه وواعيه

بس مب حرام يشغلون البنات عند الأولاد الصغار في مدرسه اعداديه ؟

ولا حرام البنت تقعد فالبيت واهيه عندها فرصه انها تشتغل في مدارس الطلاب وتاخذ راتب قوي!

ولايمكن بنت البلاد اولى فالشغل من المقيمين في مدارس الشباب

ماشاءالله دولتنا قاعده تتطور بسرعه

نبي رايكم فالموضوع بصراحه

[Mohsin Al-shaikh]

السلام عليكم ورحمة الله وبركاته

هل شي لا بد منه ياعمر وماتقدر تبدله هذا اسمه عولمه تعولم من في ظل الانفتاح على الغرب والشرق ...وتوقع باجر بنت تقعد جنبك وتقولك ياعمر يالله خلنا نطلع نتمشى شوي جو حار في المكتب. وستي سنتر يمنع دخول النساء لانهم يغازلون شباب..وتوقع ان انت بتقعد تخم وتربي العيال وتسمع وتطيعها في البيت وزجتك تشتغل هذا اسمه شراكه في الحياة..توقع بعد ان البنت تجي تخطبك من اهلك...توقع ان كل نصف الوزارة حريم ونصف ثاني رجال...وتوقع الدمقراطية انك تنتخب المراءة...

هذا كلام ولد عمي جنبي قاعد (انا مب ضد الختلاط ولكن كل شي له حدود...وليش مايكون الختلاط طريق ان شاب وشابه يتعارفون علشان يتزوجون) أرد عليه ولا اخليكم تدردون عليه...

بعد يقول يحس موقع قطريز ضد فكرة الختلاط وضد فكرة العولمة. والنفتاح..هذا بعد متطلع على بعض المواضيع...ابيكم تردون عليه..لي معاه يقول اوافقه الراي...

[Omar Al Hazaa]

عليكم السلام ورحمة الله وبركاته..

اول شي انا مستغرب من الاعضاء الي يقرون المواضيع ومايشاركون..

يمكن عبالهم يقرون الجريده ههههه..

ترا هاي مواضيع فالمنتدى مب فالجريده الكل يقدر يشارك فيها ;)



اشكرك على مشاركتك اخوي محسن..

واحنا متوقعين كل شي فالمستقبل..

وطول ماحنا عايشين ماراح نسمح حق احد انه يمشي افكاره الفاسده علينا..

الفساد الي ينتشر في بلادنا يحتاج مواجهه قويه وطولة بال..:err:

وبعدين انشاءالله بنقول "وزهق الباطل ان الباطل كان زهوقا" :16:

وبنشوف اخرة هالتطور!!!

ولو يسمعونا مسؤولين الدوله "ترى هاي قي ذمتكم وبتندمون اذا ماصححتوا اخطائكم" ;)

اخوي محسن: قول حق ولد عمك خله يشارك معانا ويقول رايه اذا كان واثق منه..

قول له لاتستحي;)

[Saad Al-Hababi]

وعليكم السلام ورحمة الله وبركاته

يعطيك العافيه أخوي على هالطرح

ونقطه هامه يجب أننا نوقف عندها

للأسف انتشرت هالظاهره في كثير من الأماكن
لازم المساعده تكون بنت

يعني ماينفع يكون رجال لازم عنصر نسائـي ,, ليش طيــّـب !!

بنات وفي مدرسه اعداديه ,, يعني عند مراهقيـن !!

والتطور مب بالخلط ,, الحين بعض الدول الغربيه اللي يعتبرون دول متطوره تطالب بالفصل فالمدراس والجامعات بين الجنسين ,,

وديننا الإسلامي نافع لكل زمان ولكل مكان والتزامنا بتعاليمه ما يعد تخلف
الا ابتعادنا عنه هو سبب التخلف والجهل اللي تعيشه الأمه حاليا

من اللي علم الغرب الحساب والكيميا والطب وغيرها ؟؟ علماء المسلمين رحمه الله عليهم

بذكر لكم موقف حصل لواحد من ربعي في شركة قطرية

تخرجنا من الكلية ,, طلبوه اداره من الادارات لأنه كان عندهم نقص
كان بيداوم كأداري ,, لما راح لهم ,, الا يقولون له آسفين لقينا موظف غيرك,,

بعد شويه تحريات فالقسم طلعوا جايبين بنت بداله !!!!! لا وللحين ماتخرجت !!
المدير ماعنده مانع ينطر كورس ليما تتخرج ؟؟

هذا موقف من المواقف ,, وحدث ولا حرج عن بعض ضعفاء النفوس من المدارء او المسؤولين وغير الناس اللي تجي تراجع المدير

أنا ما اعترض على عمل المرأه ,, لكن كسكرتيره كل من هب ودب مر وطق سوالف وياها !!

ممكن البنت في قمه الاحترام والأدب ولكن هل كل من مر على المدير بهذه الصفه ؟؟

الله يستر على بناتنا وخواتنا من عيال الحرام وبنات الحرام

شاكر لك الطرح أخوي عمر

[mohamed alotbi]

اول شي مرحبا يا اخوي

ثاني شي صراحه الموضوع ولا اروع صراحه حلوو

ثالث شي اخوي انا من وجهة نظري المتواضعه اوافقك في بعض الاشياء يعني شوف قطر بحكم انه

دوله مسلمه وفالخليج وتدري ماكانت عندنا ذي السوالف قبل لكن الغرب وعمايله ياخوك ( الغزو

الفكري) واذا احنى بندمر نفسه بندمره بنفسنه محد راح يقولنه دمرو نفسكم انا مااقصد انه شي

مب زين او سلبي لا

اقصد انه مب متعودين على السوالف ذي يعني صراحه المفروض يكون العدد مب وايد للبنات اللي

يشتغلون عند الاولاد واذا بياخذون ماياخذون وحده صغيره لا ياخذون وحده كبيره وفاهمه كبر امهم

ترى والله العظيم حتى الصغار الحين قامو يعروفون كل السوالف عن كل شي وبروحكم افهموها

بالمختصر المفيد فيها سلبيات وايجابيات بس سلبياته اعتقد اكثر من ايجابياتها

[Omar Al Hazaa]

الله يعافيك اخوي سعد

اثرت فيني القصه الي ذكرتها.. المفروض رفيجك مايسكت عنهم

وصح كلامك الغرب ينادون بالفصل بين الجنسين.. لاكن المسؤولين الي عندنا مب فاهمين هالشي

وفي سياسة الدوله لازم يحطون البنات سكرتيرات وفالاستقبال عشان يصيرون 5 نجوم!

[Omar Al Hazaa]

اشكرك على مشاركتك اخوي محمد..

وصح كلامك الي يصير غزو فكري..

بس شلون هالغزو قاعد يمشي على المسؤولين الي فالتعليم بكل سهوله!


وترى الاولاد الي فالعداديه اغلبهم عدوا مرحلة البلوغ.. يعني عندهم احساس وفاهمين

[mohamed alotbi]

ما اقول الا الله يستر مدام عندهم ذي التفكير

( الى الهاوية بهذا التفكير )

مدام ناس كبار ووزراء التعليم واصحاب القرار عدت عليهم السالفه وبكل سهوله تراهم والله العظيم

يدرون بس يسوون نفسهم مب عارفين

[Omar Al Hazaa]

شنسوي اخوي محمد

في مسؤولين هم مب قد المسؤوليه.. ولايعرفون شنو معنى الاداره

وبعضهم فيهم خبث يتعمدون نشر الفساد وهذا هدفهم الاساسي..

وان شاءالله ماراح يطولون في مراكزهم

لأن الباطل عمره قصير وينكشف بكل سهوله

وراح نعمل على هالشي فالمستقبل القريب بأذن الله :)

احنا ك شباب علينا ان احنا نتجهد فالعلم

لازم نتعلم ونقرا في كل شي :4b424803ccc8ea4f0b8

والمستقبل بيكون حلو ان شاءالله

[Muhammed Al-Hajri]

العلمانية موجوده في الدولة وفي مختلف المجالات ... اختلاط التلاميد موب اولها ..

لكن قد يكون أخطرها

حتى ألان ..

[khaled Al-Marri]

السلام عليكم ورحمة الله وبركاته ،،

أشكرك أخوي عمر على الموضوع ،،

وماشاء الله أخواني الأعضاء كفووا ووفوا ،،

بس حبيت أضيف أن طلاب الأعدادية ،

طلاب مراهقين حالهم حال طلاب الثانوية والجامعة ،،

والله حراااام !!

والله يستر من اللي جاي ،،

يعطيك العافية ودمت بوود ،،

:)

[Omar Al Hazaa]

مشكورين على مشاركتكم.. اخوي محمد الهاجري وخالد المري..

قبل كنا نقول الله يستر من المستقبل

والحين.. الله يستر من الحاضر هههه

اخوي الصغير الحين يدرس في هالمدرسه

وبيكمل فيها

وفالمستقبل الواحد بيكون معرض ان بناته وعياله يدرسون في هالمدارس

لين الحين اتذكر مقوله خبيره سياسه امريكيه

قالت: امريكا راح تتحكم فالشعوب العربيه مثل قطيع الخرفان بدون مايكون لهم أي كلمه

وانا كنت افكر محتار شلون هالشي بيصير؟

وطلع هذا الواقع غصبن الي يرضى والي مايرضى

[Hadi Al-Marri]

السلام عليكم .. مبارك عليكم الشهر ...
اخوي عمر .. الواقع وتوجه الدولة في ذا الاتجاه (مبدأ حقوق المرأة طبعا واحنا للحين ماخذنا حقوقنا).. يعني امريكا مالها شغل .. وبعدين تعداد البنات اكثر من الشباب وين يشغلونهم .. امتلت الوزارات والهيئات. حتى العسكرية دخلوها وبعد للحين في بنات عاطلات عن العمل والدولة لازم توفر لهم فرص عمل. وكلكم راعي ومسؤول عن رعيته. اذا ولي امرها راضي امره لله . ولا يضركم من ضل اذا اهتديتم.
ملاحظة: البنات احسن من الشباب في الامور الادارية يعني هم احق وانسب في رأيي بس الاختلاط هو اللي للحين موب عارف ليش يبون يفرضونه فرض ممكن عشان نستضيف الاولمبياد 2020.
تحياتي

[Omar Al Hazaa]

السلام عليكم .. مبارك عليكم الشهر ...
اخوي عمر .. الواقع وتوجه الدولة في ذا الاتجاه (مبدأ حقوق المرأة طبعا واحنا للحين ماخذنا حقوقنا).. يعني امريكا مالها شغل .. وبعدين تعداد البنات اكثر من الشباب وين يشغلونهم .. امتلت الوزارات والهيئات. حتى العسكرية دخلوها وبعد للحين في بنات عاطلات عن العمل والدولة لازم توفر لهم فرص عمل. وكلكم راعي ومسؤول عن رعيته. اذا ولي امرها راضي امره لله . ولا يضركم من ضل اذا اهتديتم.
ملاحظة: البنات احسن من الشباب في الامور الادارية يعني هم احق وانسب في رأيي بس الاختلاط هو اللي للحين موب عارف ليش يبون يفرضونه فرض ممكن عشان نستضيف الاولمبياد 2020.
تحياتي

عليكم السلام ورحمة الله وبركاته..

مشكوره على مشاركتج اختي هدى << ان شاءالله كتبت الاسم صح

اختي هدى انا احترم رايج بس مافي شي يلزم الدوله انها توفر فرص العمل للبنات

واذا بتوفر خل توفر لهم شغل مايكون مُحرم

ومايصير تقولين "ولا يضركم من ضل اذا اهتديتم"

لأن لازم ننهي عن المنكر ولازم نغيره

اما بالنسبه للأمور الاداريه

والله احنا نتمى الخير كله للمرأه

لاكن ادارة المرأه لبعض المؤسسات التعليميه الصراحه ماتشجع..