الماجستير = (كشخة .. أو طلب علم .. أو زيادة راتب)

[Fahad Buhendi]

إذا قال لك شخص أنه يدرس ماجستير إدارة او MBA فأعرف انه بنسبة 85% يدرس على حسابه

وإذا قال لك شخص انه يدرس ماجستير تخصص آخر غير الادارة فاعرف ان 95% يدرس على حساب شركة او مؤسسة او وزارة

من الذي يدرس الماجستير؟

1. الذي يبحث عن زيادة في الراتب أو ترقية في العمل ليصبح مدير (أذكر ان في اول حصة ماجستير سألنا الدكتور عن سبب دراستنا للماجستير فأجاب جميع من في الصف عشان الراتب او الترقية) .. وهناك مواقع لشركات لها قسم خاص لقبول وظائف لمن لديهم ماجستير في الادراة وعلى سبيل المثال شركة AES .. والراتب يزيد 500 دولار تقريبا للي عنده ماجستير وفي سلطنة عمان اظن يزيد 250 ريال قطري

2. منافسة : أعرف أكثر من شخص ذهب لدراسة الماجستير لان صاحبه او قريب له ذهب لدراسة ماجستير أيضا .. وهذه منافسة محمودة ولكن مبالغة نوعا ما .. ولاحظت انها موجودة بكثرة عندنا فقط في قطر وبعض دول مجلس التعاون.

3. كشخة: البعض يدرس ماجستير (ليكشخ) .. وهذه حقيقة رايتها بعيني واعتقد ان هذا حق له ان يفتخر بشهادة او علم

4. طلب شركة او مؤسسة: بعض الشركات او المؤسسات او الوزارات تبعث بعض موظفينها لدراسة تخصص معين تحتاج اليه .. مثلا أعرف شخص تخصص ماجستير الصدأ ليعمل في شركة غاز .. وآخر درس ماجستير تخصص السلامة بناء على طلب شركته .... وآخر درس ماجستير تخصص البيئة بناء على طلب شركته. .. ونادر ماتبعث شركة دراسسة ادارة واعمال لموظفينها

5. البحص عن فيزا عمل: كان معي بعض الباكستانيين وعندما سألتهم عن سبب دراسة الماجستير قالوا لي حتى يحصلوا على فيزا لاستراليا .. وآخر قال لي لانه يريد فيزا لكندا

MBA .. ماجستير إدارة واعمال

أشهر تخصص لدراسة الماجستير موجود على سطح الكرة الارضية .. 80% او اكثر من طلاب الماجستير يدرسون هذا التخصص بالذات ..... بل اذكر ان مدير شركة قال امام 40 من كبار موظفين الشركة انه لايفهم لماذا يريد كل الموظفين في الشركة دراسة MBA فقط

وهناك مئات والاف الجامعات تدرس هذا التخصص .. وهي دراسة تقوم على تدريس المواد الادارية كشؤون الموظفين .. والمالية .. والمشاريع .. والتشغيل ..والاسواق .. واللاقتصاد .. والمخاطر .. الخ

أنواع دراسة MBA

FULL TIME: دراستها لمدة سنة واحدة فقط . وتكون حصص يومية .. وكل الجامعات تقوم بهذا الشيء

Part Time: دراسة لمدة يوم واحد بالاسبوع .. لمدة سنتين .. واذكر ان بعض الاماراتيين كانوا مبتعثين للعمل في مشروع غاز في بريطانيا .. واكملوا ماجستير بهذه الطريقة .. وهناك جامعة في البحرين تسمى (هيل) تدرس نفس الشيء .. وجامعة قطر تقوم بهذا النوع من الدراسة لمدة يومين او ثلاثة في الاسبوع

DISTANCE lEARNING: الدراسة عن بعد .. وهي أكثر شهرة الآن .. تحضر لمدة اسبوع او اسبوعين فقط للدراسة في السنة للجامعة .. وتقوم بارسال الابحاث عن طريق الانترنت .. وتقوم بعمل امتحان على الانرنت او عن طريق معاهد مثل المجلس الثقافي البريطاني بقطر واشهر جامعة هي مانشستر وسكوتلاند وسمعت ان ليفربول

ON LINE : ليفربول اشهر جامعة ولكن غير معترف فيها بقطر .. ( من سخريات القدر ان الاجنبي الي عنده ماجستير من ليفربول يقبل منه .. والقطري ماتقبل منه)

شراء الشهادة: جامعة معروفة من دولة معروفة تقوم ببيع شهادة الماجستير واعرف شخصين اشتروا هذه الشهادة منهم موظفي اجنبي



كم تكلفة الماجستير

في جامعة قطر تكلف قرابة 30 الف على حسب ماقيل لي .. وفي جامعة هيل في البحرين او مانشستر تكلف 80 الف ريال قطري



الماجستير تنفع للي يدور ترقية في شركته ... بس والحق يقال ان الماجستير مب اقوى من (الواسطة) ومب اقوى من الي (يتودد) للمدير

الدكتوراه هي الوحيدة الي اقوى من (الواسطة) ومن المدير

وهذا رايي الشخصي

واذا حد عنده سؤال فأنا حاضر

وبالتوفيق للجميع

[Jassim AL-Jaidah]

الماجستير تنفع للي يدور ترقية في شركته ... بس والحق يقال ان الماجستير مب اقوى من (الواسطة) ومب اقوى من الي (يتودد) للمدير

الدكتوراه هي الوحيدة الي اقوى من (الواسطة) ومن المدير

وهذا رايي الشخصي

واذا حد عنده سؤال فأنا حاضر

وبالتوفيق للجميع____________________________________________ ________________________

انا اعرف كم واحد من ربعي كملوا ماجستير ادارة اعمال وما رقوهم في الشغل
واللي عندهم بكالوريوس صاروا مدراء مع انهم متوظفين في نفس الفترة

مثل ما قلت الواسطة

وحتى اللي عنده دكتوراه وما عنده خبره في مجال الشغل اللي يكون مقدم عليه بيقولون له مافي شاغر وان عارف هالشي اخوي فهد

انزين بسئلك عندك فكره عن جامعات في بريطانيا دراستها تبدا شهر يناير؟

[Fahad Buhendi]

[I]الماجستير تنفع للي يدور ترقية في شركته ... بس والحق يقال ان الماجستير مب اقوى من (الواسطة) ومب اقوى من الي (يتودد) للمدير
انا اعرف كم واحد من ربعي كملوا ماجستير ادارة اعمال وما رقوهم في الشغل
واللي عندهم بكالوريوس صاروا مدراء مع انهم متوظفين في نفس الفترة

مثل ما قلت الواسطة

وحتى اللي عنده دكتوراه وما عنده خبره في مجال الشغل اللي يكون مقدم عليه بيقولون له مافي شاغر وان عارف هالشي اخوي فهد

انزين بسئلك عندك فكره عن جامعات في بريطانيا دراستها تبدا شهر يناير؟

بالنسبة للجامعات الي تدرس distance learing عندي فكرة عنها وتقبل الدراسة بداية شهر يناير اذا تحب

أما بالنسبة full time ما اعرف

لان هناك مواد اولية لازم تاخذها في الماجستير في بداية الفصل الدراسي .. يعني في شهر 9

وما اعرف اذا في جامعات توافق او لا

جربت التيسايد ؟؟

سمعت انهم يدرسون ماجسيتر ... وفي كذا شاب قطري تخرج من عندهم

[Jassim AL-Jaidah]

بالنسبة للجامعات الي تدرس distance learing عندي فكرة عنها وتقبل الدراسة بداية شهر يناير اذا تحب

أما بالنسبة full time ما اعرف

لان هناك مواد اولية لازم تاخذها في الماجستير في بداية الفصل الدراسي .. يعني في شهر 9

وما اعرف اذا في جامعات توافق او لا

جربت التيسايد ؟؟

سمعت انهم يدرسون ماجسيتر ... وفي كذا شاب قطري تخرج من عندهم




distance learning ما احس لها طعم بصراحة
انا حاب اروح برطانيا وادرس هناك
جامعه coventry و sunderland عندهم الماستر اللي ابيه Engineering Management Msc ويبدون في شهر يناير 2009 وقالولي عب الطلب وبنقبلك بس رفيجي في الدوام عندنا قالي لازم جامعة موجودة في لستة التعليم العالي عشان الدوام يوافقون عليك

وتحمل تقول انك تبي تدرس ادارة اعمال MBA

لان الجماعة اللي فوق من يقرونها بيقولون هاي مهندس ليش يدرس ادارة اعمال !!!

وصارت مع كم شخص على قولته

لان خبرك فهد الجماعة اللي فوق ما يبحثون في حالة الشخص ليش هاي يبي يدرس ماستر, اهم شي ترشيح مدير ادارته ويشوفون اي قسم شغال

يعني اللي في التوظيف يروح MBA عادي لانه خريج ادارة اعمال
بس اللي في المالية او المشتريات او مهندس لا ما يصير

فهمت قصدي
جذي يعني

وحاط في بالي Project Managment Msc بعد وعندي قبول من كم جامعة بس مثل ما قلت لك مديري خرب علي لان خلاص الحين مافي وقت حق شهر 9 :14:


والتيسايد اخبر اول ما خذيت افادة التخرج رحت حق دكتور يدرس ماستر اللي كان يدرس اسامة ونزار اذا تذكرهم وقالي عادي تدرس ماستر وبنقبلك بس خبرك جامعتنا الغراء الحين شلوها من اللست والمدينة صارت دمار بصراحة من عقب ما انترست لاجئين

ولا هي بتكون بالنسبة لي احسن من غيرها
مكان عارفه متعود عليه وعلى ناسه

انا ابي جامعة معترف فيها من قبل المجلس الاعلى
ما تعرف مواقع ممكن تساعدني في البحث عن الجامعة والتخصص وفيها تسجيل حق شهر يناير ؟

[Fahad Buhendi]

distance learning ما احس لها طعم بصراحة
وتحمل تقول انك تبي تدرس ادارة اعمال MBA

لان الجماعة اللي فوق من يقرونها بيقولون هاي مهندس ليش يدرس ادارة اعمال !!!

وصارت مع كم شخص على قولته

؟

نفس الشيء صارت مع احد الاصحاب في احدى الشركات, قال لهم انه بيتخصص دراسة ماجستير في Engineering Management

وبالطبع وافقوا

ولكن يوم انكشفت السالفة الغوا اي ماجستير لاي شخص

شركاتنا لاتدعم دراسة الماجستير او الدكتوراة .. فقط البكالريوس عشان شهادة ISO

الي تشترط خبرة جامعية للموظفين بدرجات معينة

ولو مب شهادة الايزو كان ما ابتعثوا ولا شاب للبكاليريوس

بس اختلف معاك

لان 80% من الي معاي مهندسين ويدرسون MBA

وروح جامعة قطر وشوف كم مهندس يدرس MBA

[Jassim AL-Jaidah]

نفس الشيء صارت مع احد الاصحاب في احدى الشركات, قال لهم انه بيتخصص دراسة ماجستير في Engineering Management

وبالطبع وافقوا

ولكن يوم انكشفت السالفة الغوا اي ماجستير لاي شخص

شركاتنا لاتدعم دراسة الماجستير او الدكتوراة .. فقط البكالريوس عشان شهادة ISO

الي تشترط خبرة جامعية للموظفين بدرجات معينة

ولو مب شهادة الايزو كان ما ابتعثوا ولا شاب للبكاليريوس

بس اختلف معاك

لان 80% من الي معاي مهندسين ويدرسون MBA

وروح جامعة قطر وشوف كم مهندس يدرس MBA

انزين هاي رفيجك اي جامعة راح ؟

واللي قاعدين يدرسون في جامعة قطر كلهم على حسابهم مثل ما انت قلت

ولو MBA جامعة قطر سمعته قوية جان انت ما رحت تاخذ الماستر من جامعة مانشستر :)

[khaled Al-Marri]

هلا أخواني ،

جاسم وبوهندي ،

والله في ناس ياخذونها كشخة ،طلب علم (نادر)،زيادة راتب أو ترقية ،،

أشكرك أخوي على الموضوع الرائع ،،

يعطيك العافية ،،

ودمت بوود ،،

:)

[Fahad Buhendi]

هلا أخواني ،

جاسم وبوهندي ،

والله في ناس ياخذونها كشخة ،طلب علم (نادر)،زيادة راتب أو ترقية ،،

أشكرك أخوي على الموضوع الرائع ،،

يعطيك العافية ،،

ودمت بوود ،،

:)

أنا ما الوم الشباب عندنا اذا انه مايفكر ياخذ ماجستير لعدة اسباب:

1. الدولة تشجع بشكل قوي على البكالريوس وماتشجع على الماجستير مثل السعودية

2. الترقية في الشغل تكون للي (يتودد) و(يتملحس) ويتقرب من المدراء وهذي حقيقة عندنا ومحد يقدر ينكرها .. الماجسيتر في قطر ماينفع للترقيات .. بينما عملت في شركة multinational في قطر ولقيت ان الي عنده ماجستير له هيبة ومركز وهذا الي شجعني على دراسة الماجستير

3. العلاوة بسيطة جدا وهي 500 الى 100 ريال وهذا مبلغ لايساوي شيء لان الشعب ولله الحمد مرتاح ماليا

4. بيضع الشاب سنة على الفاضي من عمره بينما يقدر يشتغل ويساوي الي عنده ماجستير

[Fahad Buhendi]

انزين هاي رفيجك اي جامعة راح ؟

واللي قاعدين يدرسون في جامعة قطر كلهم على حسابهم مثل ما انت قلت

ولو MBA جامعة قطر سمعته قوية جان انت ما رحت تاخذ الماستر من جامعة مانشستر :)

راح برادفورد او ليدز ان ماخانتني الذاكرة

والصراحة جامعة قطر اصبحت قوية آخر 4 سنين .. بس نظام الماجستير جديد عندهم ومطلوب حضور ودوام مكثف

[Jassim AL-Jaidah]

في شي حاب اضيفه اخوي فهد على موضوعك بالنسبة للي يروح يدرس ماجستير
مش كشخة ولا طلب علم ولا حق ترقية
بس هروب من الواقع المرير

في مدراء انا اعرفهم
رواتبهم مشالله عالية ونفس الشي مناصبهم, بس في مضايقات صايرة لهم في الشغل من اللي فوقهم

فأيش سووا, راحوا طلعوا لهم تفرغ لدراسة الماجستير Part Time لمدة سنتين في بريطانيا
يداوم اسبوع في الشهر في بريطانيا وباقي الايام راقد في بيتهم في قطر

[Essa Al-Mansouri]

جزاك الله خير وتسلم ويسلم كل من شارك بالموضوع

وبمناسبة ذكر الحرب بين من يبتغي الماجستير ورؤساء العمل, بغيت رايكم في سؤال سألته أكثر من شخص, لكني أريد إجابات أكثر.

بشكل تقريبي الدراسة في بريطانيا 4 سنين للبكلريوس, وللماجستير سنة وحدة (والدكتوراه سنتين).

شرايكم في من يشبك البكلريوس بالماجستير ولا يرجع البلاد إلا مع الماجستير؟
أو أيهم أفضل:
1- دراسة الماجستير شبك (ويمكن الدكتوراه),
2- أو دراسة البكلريوس والرجوع, ومن ثم الدخول في الحرب مع رؤساء العمل من أجل الحصول على الماجستير؟

مع مراعاة أن عمر الطالب في نهاية دراسة البكلريوس قد لا يتعدى ال23, و24 إذا تبعتها الماجستير, (و26 للدكتوراه)

:)

[Ahmed Alobaidly]

ارحم الله والديك اخوي عيسى ع الرد
انا افكر مثل تفكيرك بالضبط

دام توني في بداية حياتي وعمري 18 .. 6 او حتى 7 ماراح يؤثرون على عمري بالعكس بتخرج
بالدكتوراه مثلا وانا 25 وبكون حققت الكثير في بدايتي واقدر استقر بعدها واشتغل واتزوج
واخذ ترقيات اومسك المناصب والخ ..

انا افضل واكيد اكمال الدراسة بالخارج للطلاب دون 20 باولوية اكثر عن البقية
ومافي فرق طبعا بس 7 او 8 سنين مابتكون السنين الصعبه واكيد مب السهلة .. واقصد
ان الطلب بيكون ماعنده ذيك المسؤلية وهو متزوج ومسؤل عن اسرة


ويعطيك العافيه فهد ع الطرح
:)
* اخوي عيسى : كم سنة اخذ لدكتوراه في امريكا **,

[Fahad Buhendi]

بشكل تقريبي الدراسة في بريطانيا 4 سنين للبكلريوس, وللماجستير سنة وحدة (والدكتوراه سنتين).

شرايكم في من يشبك البكلريوس بالماجستير ولا يرجع البلاد إلا مع الماجستير؟
أو أيهم أفضل:
1- دراسة الماجستير شبك (ويمكن الدكتوراه),
2- أو دراسة البكلريوس والرجوع, ومن ثم الدخول في الحرب مع رؤساء العمل من أجل الحصول على الماجستير؟

مع مراعاة أن عمر الطالب في نهاية دراسة البكلريوس قد لا يتعدى ال23, و24 إذا تبعتها الماجستير, (و26 للدكتوراه)

:)


1. شبك الماجستير مع البكالريوس أفضل (بالنسبة لي) لان اذا خلصت بكالريوس تقدر تكمل .. انما اذا اشتغلت فمن سابع المستحيلات يخلونك تكمل ماجستير الا اذا انت محظوظ او عندك لسانك شرس

2. بعض الجامعات تشترط ان يكون المتقدم للماجستير بعد ترك البكالريوس .. عنده خبره 3 سنين في العمل ويكون عمره اكبر من 30 سنة .. واذكر ان طلبي للماجستير رفض بسبب هذا الموضوع

3. شبك البكالريوس مع الماجستير مع الدكتوراة .. جيدة ولكن ما أشوف منها فائدة .. لان خبرة العمل بتساعد الطالب على تحضير الدكتوراه .. وتلاقي الدكتور الي ماعنده خبرة تخرج ومستواه ضعيف مقارنه مع الدكتور الي عنده خبرة في العمل

4. الدكتوراه في قطر اقوى من الواسطة ومن التودد للمدير .. تلاقي الدكتور كلمته قويه حتى لو كان كلامه فاضي وتلاقي الكل يخاف منه ويترقى بسرعة الصاروخ .... وانا اشوف الي يدرس ماجستير ومايكمل دكتوراه يضيع وقته .. وهذا الكلام للي يشتغل هني بقطر

راي شخصي والله اعلم

وياليت الي يدجرسون ماجستير ودكتوراه يعطونا رايهم

[Fahad Buhendi]

في شي حاب اضيفه اخوي فهد على موضوعك بالنسبة للي يروح يدرس ماجستير
مش كشخة ولا طلب علم ولا حق ترقية
بس هروب من الواقع المرير

في مدراء انا اعرفهم
رواتبهم مشالله عالية ونفس الشي مناصبهم, بس في مضايقات صايرة لهم في الشغل من اللي فوقهم

فأيش سووا, راحوا طلعوا لهم تفرغ لدراسة الماجستير Part Time لمدة سنتين في بريطانيا
يداوم اسبوع في الشهر في بريطانيا وباقي الايام راقد في بيتهم في قطر

انا ماسمعت عن هذا الشيء من خلال خبرتي البسيطة في العمل او دراسة الماجستير

بس ياليت اتعرض لمضايقات من هالنوع .. واخذ تفرغ :8888:

[Jassim AL-Jaidah]

جزاك الله خير وتسلم ويسلم كل من شارك بالموضوع

وبمناسبة ذكر الحرب بين من يبتغي الماجستير ورؤساء العمل, بغيت رايكم في سؤال سألته أكثر من شخص, لكني أريد إجابات أكثر.

بشكل تقريبي الدراسة في بريطانيا 4 سنين للبكلريوس, وللماجستير سنة وحدة (والدكتوراه سنتين).

شرايكم في من يشبك البكلريوس بالماجستير ولا يرجع البلاد إلا مع الماجستير؟
أو أيهم أفضل:
1- دراسة الماجستير شبك (ويمكن الدكتوراه),
2- أو دراسة البكلريوس والرجوع, ومن ثم الدخول في الحرب مع رؤساء العمل من أجل الحصول على الماجستير؟

مع مراعاة أن عمر الطالب في نهاية دراسة البكلريوس قد لا يتعدى ال23, و24 إذا تبعتها الماجستير, (و26 للدكتوراه)

:)

اخوي عيسى انا مع كلام اخوي فهد
هو بقولك يعتمد على الماستر اللي بتاخذه
يمكن ما يحتاج تكون عندك خبرة في مجال العمل بس اذا قدرت تشبكها انا اشوف انه افضل
لانك اذا رجعت قطر واشتغلت وتزوجت
ذيك الحزه الموضوع بيصير اصعب نفس اللي صاير فيني الحين

تهاوشت مع مديري عشان الماستر مع ان في 4 شباب من ادارات ثانيه رايحين يدرسون الحين شهر 9 وفي منهم مدراء بعد

وفي بعض الشركات والمؤسسات بيقولون لك احنا وايد علينا بكالوريوس ما نبي ماستر

ومديري قالي هالحجي, قالي انا مابي شباب عندهم ماستر ابيك تركز في الشغل ( في الاخير حقد وحسد )

[Jassim AL-Jaidah]

انا ماسمعت عن هذا الشيء من خلال خبرتي البسيطة في العمل او دراسة الماجستير

بس ياليت اتعرض لمضايقات من هالنوع .. واخذ تفرغ :8888:

الحين في شركات ومؤسسات وايد اخوي فهد قاموا يبعثون ماجستير
وسمعت ان كهرماء بعثت كم شخص بريطانيا
وعندك مستشفى حمد
والداخلية كاتبين من فترة في الجريدة انهم باعثين ناس ماجستير ودكتوراه

[M. Al-Merekhi]

جزاك الله خير وتسلم ويسلم كل من شارك بالموضوع

وبمناسبة ذكر الحرب بين من يبتغي الماجستير ورؤساء العمل, بغيت رايكم في سؤال سألته أكثر من شخص, لكني أريد إجابات أكثر.

بشكل تقريبي الدراسة في بريطانيا 4 سنين للبكلريوس, وللماجستير سنة وحدة (والدكتوراه سنتين).

شرايكم في من يشبك البكلريوس بالماجستير ولا يرجع البلاد إلا مع الماجستير؟
أو أيهم أفضل:
1- دراسة الماجستير شبك (ويمكن الدكتوراه),
2- أو دراسة البكلريوس والرجوع, ومن ثم الدخول في الحرب مع رؤساء العمل من أجل الحصول على الماجستير؟

مع مراعاة أن عمر الطالب في نهاية دراسة البكلريوس قد لا يتعدى ال23, و24 إذا تبعتها الماجستير, (و26 للدكتوراه)

:)

اخوي عيسى ... خذهم شبك و ماعليك من الخبرة ... تقدر تعوضها بالالتحاق ببعض الجهات اثناء الدراسة ... و نصيحة اخوية كمل الدكتوراة بعد ... بحكم مكاني اقدر اقولك ان شهاداتك بتنفعك اكثر من الخبرة اللي بتاخذها من "اغلب" و ليس كل الجهات في الدوله ... و خاصه ان تخصصك ما شاء الله نادر و يدخل في الدبلوماسية و العلاقات السياسيه ... لو كنت تدرس تخصص تكنكال كان الوضع بيختلف بحكم القطاع نفسه مثل البترول و الغاز و غيرهم لانهم عندنا متطورين و بتاخذ خبرة ممتازة ...

go for it.... good luck

:)

[Fahad Buhendi]

اخوي عيسى ... خذهم شبك و ماعليك من الخبرة ... تقدر تعوضها بالالتحاق ببعض الجهات اثناء الدراسة ... و نصيحة اخوية كمل الدكتوراة بعد ... بحكم مكاني اقدر اقولك ان شهاداتك بتنفعك اكثر من الخبرة اللي بتاخذها من "اغلب" و ليس كل الجهات في الدوله ... و خاصه ان تخصصك ما شاء الله نادر و يدخل في الدبلوماسية و العلاقات السياسيه ... لو كنت تدرس تخصص تكنكال كان الوضع بيختلف بحكم القطاع نفسه مثل البترول و الغاز و غيرهم لانهم عندنا متطورين و بتاخذ خبرة ممتازة ...

go for it.... good luck

:)

كلام سليم

ولكن للعلم اغلب الي في البترول والغاز يروحون ماستر بتخصصات ادارية مثل MBA

نادر ما اسمع ان مهندس راح بتخصص فني او تقني

واعتقد في مكان الاخ عيسى من الافضل انه يكمل دكتوراة

وبالتوفيق للجميع

[J.H.Al-Qahtani]

اخوي عيسى...


إذا قدرت تشبكهم كلهم ...اشبكهم....لانه الخبرة تقدر تاخذها من خلال الآنترشب ومن خلال دراستك بالدكتوراة (كpart time time)...ماادري شلون النظام ببريطانيا بس بامريكا اي طالب يدرس ماجستير ودكتوراة لازم يشتغل للجامعة ويكون من ضمن هيئة التدريس ويسوي مشاريع لها وجي....او يمسك شركة تكون متعاونه مع الجامعة ويشتغل لهم بعدد ساعات وتنحسب للجامعة .. يعني الخبرة بتاخذها بتاخذها... إلا الهم لو تيقنت من وظيفة تكون في مجال تخصصك الحالي او المستقبل وبمكان راقي ويقدرون الجهد مع تحفظي الشديد لعدة اماكن اللي تدمر الشخص نفسيا و اكاديميا!!!


اخوي العبيدلي:

الدكتوراة بامريكا تختلف باختلاف التخصص وباختلاف البرنامج...بس في الأغلب من 3 سنوات لين 7 سنوات (لو كنت مسوي فقط بحث ...او معاه مشروع تطبيقي....او فقط كورسات...) يعني انت واختيارك!


----


اما سبب خوضي للدراسات العليا

1- تخصصي جدا نادر بالدولة ومافي إلا اربعة متخصصينه بكل قطر...بس للأسف مافي شي لنا....كلها امور روتينيه مملة وباماكن ميته! فالآفضل اني اكمل دراستي واشغلي وقتي لين تفتح السدرة :)
يعني هروب من الواقع و اشغال وقتي...

2- اعشق الطب من وانا بالثانوي......:)

3- طلب العلم....

4- فرصة ذهبية بقطر.... ولازم نستغلها :)

5- لين الحين ماتشبعت من الدراسة الجامعية...>> فيها عقدة...نقص... وابي اسد هالنقص...وخاصة اني استمتعت بحياتي الجامعية على اخر سنتين فقط!


دمتم بود

[Jassim AL-Jaidah]

اخوي عيسى...


إذا قدرت تشبكهم كلهم ...اشبكهم....لانه الخبرة تقدر تاخذها من خلال الآنترشب ومن خلال دراستك بالدكتوراة (كpart time time)...ماادري شلون النظام ببريطانيا بس بامريكا اي طالب يدرس ماجستير ودكتوراة لازم يشتغل للجامعة ويكون من ضمن هيئة التدريس ويسوي مشاريع لها وجي....او يمسك شركة تكون متعاونه مع الجامعة ويشتغل لهم بعدد ساعات وتنحسب للجامعة .. يعني الخبرة بتاخذها بتاخذها... إلا الهم لو تيقنت من وظيفة تكون في مجال تخصصك الحالي او المستقبل وبمكان راقي ويقدرون الجهد مع تحفظي الشديد لعدة اماكن اللي تدمر الشخص نفسيا و اكاديميا!!!


اخوي العبيدلي:

الدكتوراة بامريكا تختلف باختلاف التخصص وباختلاف البرنامج...بس في الأغلب من 3 سنوات لين 7 سنوات (لو كنت مسوي فقط بحث ...او معاه مشروع تطبيقي....او فقط كورسات...) يعني انت واختيارك!


----


اما سبب خوضي للدراسات العليا

1- تخصصي جدا نادر بالدولة ومافي إلا اربعة متخصصينه بكل قطر...بس للأسف مافي شي لنا....كلها امور روتينيه مملة وباماكن ميته! فالآفضل اني اكمل دراستي واشغلي وقتي لين تفتح السدرة :)
يعني هروب من الواقع و اشغال وقتي...

2- اعشق الطب من وانا بالثانوي......:)

3- طلب العلم....

4- فرصة ذهبية بقطر.... ولازم نستغلها :)

5- لين الحين ماتشبعت من الدراسة الجامعية...>> فيها عقدة...نقص... وابي اسد هالنقص...وخاصة اني استمتعت بحياتي الجامعية على اخر سنتين فقط!


دمتم بود

في بريطانيا في شي اسمه placement
الطالب يقدر يروح يشتغل ويكتب خبرة خلال فترة الدراسة سواء خلال البكالوريوس او بعد الماستر او خلال الدكتوراة مثل ما قريت في بعض مواقع الجامعات بس التعليم العالي ما يرضون بهالشي عشان الخساير لانها صارت معانا ايام البكالوريوس والتربية والتعليم ما رضت بال placement year

يمكن نظام امريكا غير لانه نظام ساعات, انا مادري بصراحه

اختي القحطاني, اذا رحتي امريكا واشتغلتي هناك خلال الدراسة, لما ترجعين قطر بتنصدمين صدمة قوية

لانها صارت مع ناس وايد اعرفهم وخاصة طلبة الطب

اللي اشتغلوا في مستشفيات بريطانيا وارجعوا قطر واشتغلوا في حمد, لين اليوم مصدومين ومب قادرين يستوعبون الوضع

وطبعا الكل عارف الاوضاع عندنا في الدول العربية

طلب العلم شي ضروري والكل لازم يركض وراه والفرص كثيرة عندنا بقطر

وكلنا نفس الشي اختي, تعودنا على الغربة على اخر سنتين وكنا مستمتعين بالجو البارد والطبيعة الخلابة وانصدمنا لما خلصنا الدراسة ورجعنا قطر ومسكنا خط ام سيعيد وانشوينا في الشمس والجو المغبر المكفهر :)

والحين لما جات فرصة الدراسات العليا المدير ما يبي يطرشني :(

[Ahmed Alobaidly]

تسلمين اختي القحطاني ع الطرح
واستفدنا من ردج

:)

[Fahad Buhendi]

اخوي عيسى...


إذا قدرت تشبكهم كلهم ...اشبكهم....لانه الخبرة تقدر تاخذها من خلال الآنترشب ومن خلال دراستك بالدكتوراة (كpart time time)...ماادري شلون النظام ببريطانيا بس بامريكا اي طالب يدرس ماجستير ودكتوراة لازم يشتغل للجامعة ويكون من ضمن هيئة التدريس ويسوي مشاريع لها وجي....او يمسك شركة تكون متعاونه مع الجامعة ويشتغل لهم بعدد ساعات وتنحسب للجامعة .. يعني الخبرة بتاخذها بتاخذها... إلا الهم لو تيقنت من وظيفة تكون في مجال تخصصك الحالي او المستقبل وبمكان راقي ويقدرون الجهد مع تحفظي الشديد لعدة اماكن اللي تدمر الشخص نفسيا و اكاديميا!!!


اخوي العبيدلي:

الدكتوراة بامريكا تختلف باختلاف التخصص وباختلاف البرنامج...بس في الأغلب من 3 سنوات لين 7 سنوات (لو كنت مسوي فقط بحث ...او معاه مشروع تطبيقي....او فقط كورسات...) يعني انت واختيارك!


----


اما سبب خوضي للدراسات العليا

1- تخصصي جدا نادر بالدولة ومافي إلا اربعة متخصصينه بكل قطر...بس للأسف مافي شي لنا....كلها امور روتينيه مملة وباماكن ميته! فالآفضل اني اكمل دراستي واشغلي وقتي لين تفتح السدرة :)
يعني هروب من الواقع و اشغال وقتي...

2- اعشق الطب من وانا بالثانوي......:)

3- طلب العلم....

4- فرصة ذهبية بقطر.... ولازم نستغلها :)

5- لين الحين ماتشبعت من الدراسة الجامعية...>> فيها عقدة...نقص... وابي اسد هالنقص...وخاصة اني استمتعت بحياتي الجامعية على اخر سنتين فقط!


دمتم بود

ياهلا يا اختي

انا كنت انتظر ردك على احر من الجمر لان حسب علمي ان انتي الوحيدة الدكتورة هني

وبغيت رايك في موضوع الماجستير والدكتوراة ومشاكلها ومميزاتها

واتفق معاك ان هذي السنوات فرضة ذهبية ما اظن انها راح تتكرر

[Buthaina.R]

الماجستير بالنسبه لي هدف وطلب علم + هروب من واقع

يعني الواحد درس وتخرج بتفوق وتوقع انه يشتغل في مكان يلقى فيه تقدير وتبني افكار وطموحات لكن ماشفت الا التهميش والمنافسه الغير شريفه خصوصا من اللي اقدم منا ..معني لو بذكر اسم المكان اللي اشتغل فيه واللي يعتبر من اعلى الجهات الحكومية في البلد بتظنوني ابالغ بس للاسف هاي الحقيقه..يعني ادري ومتوقعه حتى لو خذت الماستر الراتب يادوب بيزيد 500 ريال او يمكن يطلعوون لك مليووون عله وحجه عشان مايعطونك هالزياده..

السالفة سالفة مبدأ ومكان مايتساهل اني اتخلى عن حلمي في اني اكمل دراسه عشانه..

تسلم اخوي فهد على طرح الموضوع

[Fahad Buhendi]

الماجستير بالنسبه لي هدف وطلب علم + هروب من واقع

يعني الواحد درس وتخرج بتفوق وتوقع انه يشتغل في مكان يلقى فيه تقدير وتبني افكار وطموحات لكن ماشفت الا التهميش والمنافسه الغير شريفه خصوصا من اللي اقدم منا ..معني لو بذكر اسم المكان اللي اشتغل فيه واللي يعتبر من اعلى الجهات الحكومية في البلد بتظنوني ابالغ بس للاسف هاي الحقيقه..يعني ادري ومتوقعه حتى لو خذت الماستر الراتب يادوب بيزيد 500 ريال او يمكن يطلعوون لك مليووون عله وحجه عشان مايعطونك هالزياده..

السالفة سالفة مبدأ ومكان مايتساهل اني اتخلى عن حلمي في اني اكمل دراسه عشانه..

تسلم اخوي فهد على طرح الموضوع

انا اتفق معاك يا اختي

الحقيقة الي تكلمتي عنها واجهتها بنفسي .. واخبرني عدة اصحاب انهم واجهوا نفس المشكلة

على العموم الله يوفق الجميع بعد التخرج و(يعينهم)

[Jassim AL-Jaidah]

الماجستير بالنسبه لي هدف وطلب علم + هروب من واقع

يعني الواحد درس وتخرج بتفوق وتوقع انه يشتغل في مكان يلقى فيه تقدير وتبني افكار وطموحات لكن ماشفت الا التهميش والمنافسه الغير شريفه خصوصا من اللي اقدم منا ..معني لو بذكر اسم المكان اللي اشتغل فيه واللي يعتبر من اعلى الجهات الحكومية في البلد بتظنوني ابالغ بس للاسف هاي الحقيقه..يعني ادري ومتوقعه حتى لو خذت الماستر الراتب يادوب بيزيد 500 ريال او يمكن يطلعوون لك مليووون عله وحجه عشان مايعطونك هالزياده..

السالفة سالفة مبدأ ومكان مايتساهل اني اتخلى عن حلمي في اني اكمل دراسه عشانه..

تسلم اخوي فهد على طرح الموضوع

عجبتني كلمة هروب من الواقع
وهاي اللي صاير مع اكثر الناس بصراحه
بس مب الكل عنده واسطه عشان يخلونه يروح يدرس :(

[Waleed Al-Mushiri]

السلام عليكم ورحمة الله وبركاته ..

ما شاءالله الكل يتكلم عن الماستر و هذه فرصه ان شاءالله اكتسب منكم الخبرة و اكمل مسيرة تعليمي بإذن الله ...

كون إن الكلام على الماستر و بالأخص عن الــ MBA .. فحبيت في البداية اوضح شئ بسيط بالنسبة للجهة اللي انا شغال فيها ( قطر للبترول )..

الــ MBA شئ ضروري للمهندسين و روأساء اقسام و مدراء الادارات و خاصة اللي شغالين في الــ Up Stream و الــ Contract و خلافهم .. و السبب انهم يتعاملون بشكل رئيسي مع مدراء الشركات و بالاخص الاجنبية .. و من واقع تجربتي لابد يحملون الماستر و هذا الشئ لأكتساب فن ومهارة المعامله من نواحي كثيرة مثل فنون الادارة و المناقصات و الخ .. و الشئ هذا ما راح تعرفه الا بدارسة
الماستر MBA او إنك تلتحق بكورسات متقطعه و هذا الشئ اللي انا سويته امثال PMP و Project procurement skills و Time and cost management و Communications و Risk management و الى اخره .. و لكن دراسة الماستر و بالاخص MBA راح توفر الوقت و الجهد ..

مثال بسيط : 15 شخص قاعدين في اجتماع Kick-of meeting و من بينهم 2 asset holders..

الاول حامل شهادة هندسة ميكانيكية بالاضافة الى MBA , و الثاني فقط شهادة هندسة ميكانيكية ..

السؤال .. ممكن اعرف المهندس هذا اللي بدون MBA اشلون يعرف طريقة التعامل في فنون الاجتماعات من ناحية الــ Risk management و Time and cost management و بالاضافة الى
نوعية الكونتراكت و فنونها امثال Reimbursement Contracts و incentive contracts. و Sam lam الخ ؟؟؟

فالهذا من الضروري على البعض بأن يرتقي بالفنون هذه عن طريق الحصول على شهادة MBA



و في الاخير .. هذا لا يعني إن في ناس تبي تكشخ و ترفع خشمها بالشهادة ,.., بالطبع راح اتحصل ناس تبي تكشخ و ناس تبي زيادة بالرواتب و ناس تبي ينادونه بالدكتور الفلاني و الخ ..

-----------------

شكلي كثرت بالكلام .. سامحوني و لكن لين الحين ما قلت طلبي او سؤالي بالاصح .. و اتمنى انكم تساعدوني بالقدر المستطاع .. :)

كون منصبي حاليا Mechanical Engineer و شهادتي دبلوم عالي و ان شاءالله السنة هذه بكمل دراستي Beng لمدة سنه او سنتين بالكثير ..

هل اقدر اخذ الماستر مع الــ Bachelor of Engineering في وقت واحد ؟؟

للعلم .. السنة اللي طافت كنت مقدم اني اكمل MBA قبل لا اخذ Bachelor of Engineering و هذا الشئ طبعا يصير و يتطلب سنوات خبرة لا تقل عن 3 الى 5 سنوات و هذا يعتمد من جامعه الى جامعة ولكن كون إن جاتني فرصه على حساب جهة عملي اني اكمل الــBachelor فقلت يالله بكمل و بعدها باخذ الماستر .. و في نفس الوقت قلت ليش ما اخذ الشهادتين في وقت واحد كون اقدر اخذ MBA بفضل سنوات الخبرة ..


انتظر منكم الاجابة ..

و دمتم بود ..

[Jassim AL-Jaidah]

اخ وليد
انا احييك على طموحك الصراحة ويعجبني الانسان الطموح
وانت لفيت مخي بكلامك
انا كنت مفكر ادرس ماجستير في ال project managment او Engineering Management
والحين عقب كلامك عن ال MBA خليتني اعيد حساباتي

وبالنسبة لسؤالك
على ما اظن تقدر تسويها, واذا دراستك سنتين للبكالوريوس
تقدر تاخذها سنتين بارت تايم تدرس MBA عشان ما يكون ضغط عليك

انت اي جامعة بيطرشونك تدرس؟

[Waleed Al-Mushiri]

اهلين اخوي جاسم ..

بالنسبة للجامعه ان شاءالله بدرس في جامعة برادفورد ..

و شكرا على استجابتك لطلبي و رحم الله والديك ..

[Jassim AL-Jaidah]

العفو اخوي وليد
متى مسافر ان شاء الله ؟

[Waleed Al-Mushiri]

ان شاءالله 18 من الشهر اخوي جاسم .. :)

[Jassim AL-Jaidah]

بالتوفيق اخوي وليد
وابيك اذا ما عليك امر اول ما توصل الجامعة
تسئل لي عن برنامج ال MBA عندهم وترد لي خبر

[Waleed Al-Mushiri]

ان شاءالله اخوي جاسم و ما يصير خاطرك الا طيب ..

[Jassim AL-Jaidah]

ما تقصر اخوي :)

[F.N.ALEMADI]

يعطيكم العافية..
بصراحه انا حاابه من اتخرج على طول اخذ الماستر
مزيدا من العلم مش عشاان ترقيه او راتب وانا وايد متحمسه وحابه هذا الشي
ولكن في جامعه قطر لازم الي بياخذ الماستر عندهم يكون تقديره امتياز..
والباقي وش يسوون يمووتون!!

[Fahad Buhendi]

يعطيكم العافية..
بصراحه انا حاابه من اتخرج على طول اخذ الماستر
مزيدا من العلم مش عشاان ترقيه او راتب وانا وايد متحمسه وحابه هذا الشي
ولكن في جامعه قطر لازم الي بياخذ الماستر عندهم يكون تقديره امتياز..
والباقي وش يسوون يمووتون!!

حسب علمي لازم يكون تقديره جيد جدا

وياخذ توفل (500) على ما اذكر

و 3 سنوات خبرة

ومقابلة

ومشكلة جامعة قطر انه ياخذ سنتين مب سنة

وما ادري اذا كان الوضع تغير

[Anas Al-Ansari]

حلو موضوعك اخوي المشكلة مثل ماتقول ان الواحد لازم يوفق بين التطور المهني والأكاديمي

انا الحين في اخر كورس في الجامعة ومحتار هل ابتدي حياتي المهنية او اكمل دراستي الأكاديمية

وهل اذا بكمل اخذ ماجستير في البترول او الغاز امتداد لدراستي كوني كيميائي

او اخذ المقولة الي تقول ان في نوعين من التوسع العمودي والأفقي فانا طورت نفسي عموديا من الناحية العلمية ليش ماطور نفسي اداريا من الناحية الأفقية واخذ mba

الحلو ان حر مو مرتبط في شغل وعندي عروض من الجامعة ومن شركة قابكو واقدر اكمل عن طريق ايضا المجلس الأعلى

الصراحه وايد محتار ومابي اخطوا خطوه اندم عليها وفي نفس الوقت مابي اخر شي من حياتي ابي مسيرتي تتوافق مع عمري والحمدلله عمري 22 وبخلص الجامعة باذن الله

[Essa Al-Mansouri]

السلام عليكم ورحمة الله وبركاته

في أثناء مشوار البحث مررت بنظرية منطقية بخصوص من يستبق الماجستير. قال لي شخص بأنه يعرف أناساً لا يستطيعون إيجاد وضيفة على الرغم من حصولهم على شهادة الماجستير بعد البكلريوس مباشرة في سن مبكرة, فكانت هذه الشهادة عالة على الطالب.

سألته عن تفسير هذه الظاهرة الغريبة فأجاب بأنه من العادات الراسخة أن المدير أو مسؤول العمل لا ينبغي أن يقبل في دائرته من قد ينافسه فيها, فكيف هو الحال بمن يفوقه في الشهادة ويصغره في العمر ويغلبه في الفرص المستقبلية؟

النظرية سارية المفعول وتنتظر من يبطل مفعولها

[Jassim AL-Jaidah]

السلام عليكم ورحمة الله وبركاته

في أثناء مشوار البحث مررت بنظرية منطقية بخصوص من يستبق الماجستير. قال لي شخص بأنه يعرف أناساً لا يستطيعون إيجاد وضيفة على الرغم من حصولهم على شهادة الماجستير بعد البكلريوس مباشرة في سن مبكرة, فكانت هذه الشهادة عالة على الطالب.

سألته عن تفسير هذه الظاهرة الغريبة فأجاب بأنه من العادات الراسخة أن المدير أو مسؤول العمل لا ينبغي أن يقبل في دائرته من قد ينافسه فيها, فكيف هو الحال بمن يفوقه في الشهادة ويصغره في العمر ويغلبه في الفرص المستقبلية؟

النظرية سارية المفعول وتنتظر من يبطل مفعولها

صح كلامك اخوي عيسى
وفي بعض المدراء يقولك انا مابي ناس عندهم ماجستير
البكالوريوس كفايه

[Jassim AL-Jaidah]

حلو موضوعك اخوي المشكلة مثل ماتقول ان الواحد لازم يوفق بين التطور المهني والأكاديمي

انا الحين في اخر كورس في الجامعة ومحتار هل ابتدي حياتي المهنية او اكمل دراستي الأكاديمية

وهل اذا بكمل اخذ ماجستير في البترول او الغاز امتداد لدراستي كوني كيميائي

او اخذ المقولة الي تقول ان في نوعين من التوسع العمودي والأفقي فانا طورت نفسي عموديا من الناحية العلمية ليش ماطور نفسي اداريا من الناحية الأفقية واخذ mba

الحلو ان حر مو مرتبط في شغل وعندي عروض من الجامعة ومن شركة قابكو واقدر اكمل عن طريق ايضا المجلس الأعلى

الصراحه وايد محتار ومابي اخطوا خطوه اندم عليها وفي نفس الوقت مابي اخر شي من حياتي ابي مسيرتي تتوافق مع عمري والحمدلله عمري 22 وبخلص الجامعة باذن الله

اخوي انس
بالتوفيق في دراستك
وانا اقترح تاخذ MBA احسن لك
عشان متى ما بغيت تطلع من مجال الهندسة
معاك شهاده ادارة اعمال
ولا تحصر نفسك في مجال واحد

[M. Al-Merekhi]

السلام عليكم ورحمة الله وبركاته

في أثناء مشوار البحث مررت بنظرية منطقية بخصوص من يستبق الماجستير. قال لي شخص بأنه يعرف أناساً لا يستطيعون إيجاد وضيفة على الرغم من حصولهم على شهادة الماجستير بعد البكلريوس مباشرة في سن مبكرة, فكانت هذه الشهادة عالة على الطالب.

سألته عن تفسير هذه الظاهرة الغريبة فأجاب بأنه من العادات الراسخة أن المدير أو مسؤول العمل لا ينبغي أن يقبل في دائرته من قد ينافسه فيها, فكيف هو الحال بمن يفوقه في الشهادة ويصغره في العمر ويغلبه في الفرص المستقبلية؟

النظرية سارية المفعول وتنتظر من يبطل مفعولها



وعليكم السلام ورحمة الله وبركاته

للأسف انا لن أبطل مفعولها بل سأدعمه ...

لحد الآن للأسف هناك نظره نوعا ما عنصرية لمن يحمل شهادة عليا و هو صغير بالسن ... قد يكون احساس بالنقص (وهذا هو الغالب) وقد يكون ان في بعض الاحيان "مب لازم عشان تترقى" لكن و الحق يقال هنالك قلة قليلة اللي تنظر لهالموضوع على انه استثمار في رأس المال البشري ...

من خبرتي البسيطه.. انا شفت ان في بعض الاحيان من الافضل ان الواحد يكمل الماستر و الدكتوراه على طول و بالتالي هذا يدعم المهنة .. كما هو الحال في جامعة قطر لما انضميت لها ... الفرق بين الجامعه و غيرها ان الشهادات العليا في الجامعه هو للاغراض الاكاديميه فقط مثل البحث العلمي و التعليم و ليس للقطاعات الاخرى و هالشي طبعا مب جيد ... و النقاش فيه يطول...

ولكن في القطاعات الاخرى مثل الطاقه و الصناعه و التجاره ... الغرض من الشهادات العليا هو ربط المعرفه بالتطبيق و الاغلب ان ال MBA هو الحل المثالي ... و من اراد الدكتوراه فهو يطمح للخبره العميقه و يكون مستشار which is not bad !

لما بديت ادرس ال MBA كان مهم ان احنا نعرف الهدف منه و ما المتوقع الحصول عليه ... طبعا الهدف هو صقل المهارات الاداريه و تأهيل الطالب انه يكون مدير .. لهالسبب ارجع (بعد اللفه الطويلة) لدعم مفعول النظرية الآنفة الذكر و اقول ان "اغلب" المدراء في قطر لما يحصلون موظف جديد عنده MBA او يطمح للحصول عليه فهذا سيترجم للفور على انه تهديد و خطر...

السموحه على الإطالة ....

[salah alhammadi]

السلام عليكم ورحمه الله وبركاته
اخوكم صلاح الحمادي,, في كندا حاليا,’,,,

ياخي ذكرت انه قطر لا تعترف بجامعه ليفر بوول؟؟؟ هل هذا الكلام فقط في الام بي ايه ؟ ولا الجامعه عموما؟

لانه اخوي توه رايح هالجامعه اذا مش معترف فيها , بقوله يغيرها

ارجو انك تفيدني في اسرع وقت

[remi khalid]

شكرا على الموضوع الوافي ....
من متى وانا ادخل الموقع ولا القى مواضيع عن الماستر ..فيه اشخاص ساعدونا وعطونا معلومات والاخ القحطاني ماقصر .. بس ماشالله فجاه لاحظت اهتمام الكل بالماستر
انا ودي اكمل لاني حابه يكون عندي تخصصين وخاطري اكمل دكتوراه .. وكنت شاله من مخي اني ادرس في الجامعات الموجوده في القائمه لانها صعبه
لكن رحت للكليه ابي برنامج الدبلوم في الاداره قلت يمكن يسهل الماستر وعلى طريقي دخلت اسال عن الام بي اي قالت الموظفه انه يقبلون نتيجتي مالت التوفل مع انها اقل بعشر درجات عن المطلوب (لاحظت انه في نوع من التساهل حتى مع المعدل وتشجعت ) لكن المصيبه يبون جيمات ومصرين عليه حتى للانترناشونال ستودينتس
شريت الكتب مالت الجيمات احس بموت من صعوبتها مافهم شي ابدا خير حلل وما حلل
خاصه الجانب المختص باللغه ..وبديت احس باليأس
حد فيكم جرب الجيمات ؟
ودي اخذ دبلوم اداره لكن يبون متطلبات وايد مثل علم الاجتاع والنفس وهالسولف تقريبا 5 مواد والرياضيات واااايد وانا ماعندي في شهادتي هالمواد يمكن وحده ولا ثنتين .. واحس مابي اضيع وقتي واتعب نفسي على دبلوم

ومره ثانيه شكرا على الموضوع

[Fahad Buhendi]

شكرا على الموضوع الوافي ....
من متى وانا ادخل الموقع ولا القى مواضيع عن الماستر ..فيه اشخاص ساعدونا وعطونا معلومات والاخ القحطاني ماقصر .. بس ماشالله فجاه لاحظت اهتمام الكل بالماستر
انا ودي اكمل لاني حابه يكون عندي تخصصين وخاطري اكمل دكتوراه .. وكنت شاله من مخي اني ادرس في الجامعات الموجوده في القائمه لانها صعبه
لكن رحت للكليه ابي برنامج الدبلوم في الاداره قلت يمكن يسهل الماستر وعلى طريقي دخلت اسال عن الام بي اي قالت الموظفه انه يقبلون نتيجتي مالت التوفل مع انها اقل بعشر درجات عن المطلوب (لاحظت انه في نوع من التساهل حتى مع المعدل وتشجعت ) لكن المصيبه يبون جيمات ومصرين عليه حتى للانترناشونال ستودينتس
شريت الكتب مالت الجيمات احس بموت من صعوبتها مافهم شي ابدا خير حلل وما حلل
خاصه الجانب المختص باللغه ..وبديت احس باليأس
حد فيكم جرب الجيمات ؟
ودي اخذ دبلوم اداره لكن يبون متطلبات وايد مثل علم الاجتاع والنفس وهالسولف تقريبا 5 مواد والرياضيات واااايد وانا ماعندي في شهادتي هالمواد يمكن وحده ولا ثنتين .. واحس مابي اضيع وقتي واتعب نفسي على دبلوم

ومره ثانيه شكرا على الموضوع

ممكن توضح التخصص الي تريده

وعلى فكرة كلنا قلنا صعب ولكن بعد انتهاء الدراسة حسينا بسهولتها وتمنينا لو الايام ترجع عشان ندرس اكثر

[Fahad Buhendi]

السلام عليكم ورحمة الله وبركاته

في أثناء مشوار البحث مررت بنظرية منطقية بخصوص من يستبق الماجستير. قال لي شخص بأنه يعرف أناساً لا يستطيعون إيجاد وضيفة على الرغم من حصولهم على شهادة الماجستير بعد البكلريوس مباشرة في سن مبكرة, فكانت هذه الشهادة عالة على الطالب.

سألته عن تفسير هذه الظاهرة الغريبة فأجاب بأنه من العادات الراسخة أن المدير أو مسؤول العمل لا ينبغي أن يقبل في دائرته من قد ينافسه فيها, فكيف هو الحال بمن يفوقه في الشهادة ويصغره في العمر ويغلبه في الفرص المستقبلية؟

النظرية سارية المفعول وتنتظر من يبطل مفعولها

أشهد انك جبتها على الجرح

وانا اعرف شخص لم يتم توظيفه بسبب هذي المشكلة مع احدى الشركات الكبرى

واعرف شخص اخر ذكي حصل على الماجستير اثناء عمله وتعال شوف الحسد ضده وش سوى

ترقى بسرعة بفضل الماجستير

ولكن واجه اعداء كثر

وهناك دكتور واجه نفس المشكلة وهو بمنصب كبير في الدولة ومعروف

[salah alhammadi]

أشهد انك جبتها على الجرح

وانا اعرف شخص لم يتم توظيفه بسبب هذي المشكلة مع احدى الشركات الكبرى

واعرف شخص اخر ذكي حصل على الماجستير اثناء عمله وتعال شوف الحسد ضده وش سوى

ترقى بسرعة بفضل الماجستير

ولكن واجه اعداء كثر

وهناك دكتور واجه نفس المشكلة وهو بمنصب كبير في الدولة ومعروف



اخي الكريم فهد ,, مارديت على سؤالي

[remi khalid]

ممكن توضح التخصص الي تريده

وعلى فكرة كلنا قلنا صعب ولكن بعد انتهاء الدراسة حسينا بسهولتها وتمنينا لو الايام ترجع عشان ندرس اكثر

ام بي اي
نظم المعلومات الادارية

[Abdulla Muhairi]

اخوي الماجستير كشخه وطلب علم وزيادة راتب .. ثلاثه في واحد