المساعد الشخصي الرقمي

مشاهدة النسخة كاملة : اتمنى مساعدتكم .. ابغي حد يمشي معاي خطوه خطوه

Dana.Al-s
06-08-2008, 06:45 PM
السلام عليكم ..

اخواني خواتي انا ابغي اخذ كورس لغه في جامعه اريزونا وتقريبا الكروس كامل مدته 8 شهور
بس شلون اخذ قبول من الجامعه ؟؟؟ وماعرف شلون املي الاوراق واطرشها ووين ارووح وايش اسوي خاصه سوالف الفيسا ماعرف شلون اسويها .. عمري 19 ودام المجلس الاعلى ماتهتم بالنسبه بس قبول الجامعه ..شلون اخذ قبول منها ؟؟ ارجووكم ساعدوووني انا ابغي احد اكلمه يعلمني ويمشي معاي خطوه خطوه من يقدر يساعدني :1639_11196799410:

وهاي رابط موقع الجامعه حق كورس لغه بس !!

http://www.cesl.arizona.edu/

بنتظاركم
Hassan Al-Ibrahim
06-08-2008, 06:51 PM
السلام عليكم أختي

الأفضل أنج تحصلين قبول في الجامعة مشروط بالحصول على التوفل وبعدها تدرسين لغة أختي لأن بعض الجامعات تطلب معدل عالي للقبول

كم معدلج في الثانوية أختي وهل شفتي إذا هم بياخذونج أو لا؟
Dana.Al-s
06-08-2008, 06:59 PM
هلا فيك اخوي اشكر مرورك

بالنسبه للتوفل اوكي انا ممكن اقدم توفل بس ماعتقد ذكر لي فورقه تقديم الطلب ان يبي توفل
او يمكن ماقريت عدل لان في واايد اشيا مكتوبه فالورقه انا مافهمتها
بس انا معدلي 76% فالثانويه واقدر اجيب توفل بس المشكله ماعرف كم السكور لازم يكون واصلا شلون ابتدي :(
Hassan Al-Ibrahim
06-08-2008, 07:02 PM
وش التخصص اللي تبين تدرسينه؟
Dana.Al-s
06-08-2008, 07:06 PM
هلا اخوي بالنسبه للتخصص ماابي ادرس تخصص اي شي هناك بس ابغي ادرس لغه انجليزي

اللي على هالرابط اخوي مكتوب Center for English as a Second language - University of Arizona

http://www.cesl.arizona.edu/
Faisal Al Qattan
06-08-2008, 07:23 PM
المجلس مابيودونج اذا تبين تاخذين لغة بس

بيودونج اذا يبتي لهم قبول دراسة البكلريوس.... يعني اذا تبين تدرسين تخصص كامل 4 سنوات لازم تييبين قبول من الجامعة وبعدين تقديم ع المجلس
Dana.Al-s
06-08-2008, 07:52 PM
اها يعني لازم تخصص 4 سنوات ..اوكي اخوي واذا اختي اللي تدرس فالنورث عن طريق البترول .. هل تقدر تاخذ كورس لغه لو تم قبولها؟ وله عادي تروح المجلس الاعلى بعد حتى لو كانت تحت سبونسر بس تجيب كتاب لامانع من الشركه ؟؟

مشكورين ع المرور
khaled Al-Marri
06-08-2008, 10:10 PM
والله ما أقدر أفيدج ،،

بس إن شاء الله أخواني يقدرون يفيدونج ،،

ودمتِ بود ،،

:)
Dana.Al-s
06-08-2008, 11:18 PM
مشكور اخوي ع مرورك :)

وبنتظار باقي الاعضاء للمساعده
Hassan Al-Ibrahim
06-08-2008, 11:43 PM
اختي على حد علمي ما في قانون للبعثات ..

يعني يعتمد على حسب الحالة اللي تتقدم بطلب البعثة ..

وبعدين نشدتج عن التخصص لأن حسب التخصص بتعرفين كم لازم تجيبين بالتوفل عشان تنقبلين
Dana.Al-s
07-08-2008, 01:07 AM
اها مشكور اخوي ماقصرت

بالنسبه للتخصص اوكي خلاص راح اختار تخصص بس معناتها ان مافي امل ادرس اللغه هناك وانا مبعوثه من الهيئه او الشركات ؟؟؟
Faisal Al Qattan
09-08-2008, 06:57 AM
اها يعني لازم تخصص 4 سنوات ..اوكي اخوي واذا اختي اللي تدرس فالنورث عن طريق البترول .. هل تقدر تاخذ كورس لغه لو تم قبولها؟ وله عادي تروح المجلس الاعلى بعد حتى لو كانت تحت سبونسر بس تجيب كتاب لامانع من الشركه ؟؟

مشكورين ع المرور


بالنسبة لأختج... بعد مابيقبلونها المجلس لانها اولردي عندها سبونسر اللي هو QP

وحتى لو ماعندها سبونسر وتبي تروح كورس لغه بعد مابيودونها لان مثل ماقلت لج هم يودون اللي يبون يدرسون بكلريوس...:)
Faisal Al Qattan
09-08-2008, 06:59 AM
اها مشكور اخوي ماقصرت

بالنسبه للتخصص اوكي خلاص راح اختار تخصص بس معناتها ان مافي امل ادرس اللغه هناك وانا مبعوثه من الهيئه او الشركات ؟؟؟

في امل ... بس لازم عقب ماتدرسين لغة تكملين دراسة التخصص لييييين ما تتخرجين

وفي هالحالة المجلس مابيودونج... QP ويمكن الديار او اللجنه بس المجلس مايصير لانهم يبون قبول غير مشروط يعني بدون لغة او foundation year
Dana.Al-s
10-08-2008, 05:56 PM
اخوي فيصل اشكر مرورك وماقصرت

طيب عندي استفسار .. لو السبونسر كيو بي .. شنو شروطهم للالتحاق بجامعه ف اميركا او لغه ولو قالوا لازم تخصص مو مشكله بختار تخصص بس هل موافقتهم سريعه وله لهم شروط مثل ال جي بي اي ؟؟؟

بنتظاركم
Faisal Al Qattan
11-08-2008, 04:32 PM
الكيو بي لازم الجي بي ايه يكون فوق ال 2 اعتقد او ال 2.5

وعندهم شرط انج تييبين التوفل... وطبعا لو يبتي التوفل مايحتاي تدرسين لغة هناك بتدخلين في التخصص على طول

موضوع معقد شوي... بس لو تبين تبسطين الامور شوفي لج فيتامين واو
Dana.Al-s
11-08-2008, 06:11 PM
بااال ... اخوي ليش جي تخرعني وتحطمني ؟؟

يعني لو جاتني قبول من الجامعه ماراح يوافقون علي الا اذا الجي بي اي مالي على اللي يبغونه ؟؟؟ بس جاتني قبووول !!!!!

اوكي اخوي والمجلس الاعلى مالها شرووط؟؟؟ يعني جاتني قبول خلاص راح يوافقون ؟؟؟
Faisal Al Qattan
13-08-2008, 11:42 AM
المجلس الاعلى سهالات

جيبي قبول من اي جامعة من الجامعات الموجودة في اللسته... حتى لو في الهند... بعد بيودونج

شرطهم الوحيد ان شهادتج الثنوية مايكون عمرها اكثر من 5 سنوات

وماعندهم شروط ثانية... جيبي القبول وتوكلي على الله
Dana.Al-s
13-08-2008, 02:43 PM
المجلس الاعلى سهالات

جيبي قبول من اي جامعة من الجامعات الموجودة في اللسته... حتى لو في الهند... بعد بيودونج

شرطهم الوحيد ان شهادتج الثنوية مايكون عمرها اكثر من 5 سنوات

وماعندهم شروط ثانية... جيبي القبول وتوكلي على الله

اي والله اخوي وانت الصاج وهاي الشي اللي شجعني على اني اقدم واشوف

والله يكتب اللي فيه الخير وان شالله اتوفق