حرب البسوس بين جامعات أمريكا وبريطانيا .. في قطر

[Fahad Buhendi]

تغير بعض الناس في مجتمعنا واصبحوا يتفاخرون في كل شيء تقريباً .. ووصل هذا التفاخر الى الطلاب المتخرجين من جامعات بريطانيا وجامعات أمريكا .. فكل شخص يقول ان الدولة التي تخرج منها هي الافضل في التعليم

وهنا سأضع رأيي

1. أمريكا بها 166 جامعة بين افضل 500 جامعة في العالم .. بينما بريطانيا بها 42 جامعة فقط بين افضل 500 جامعة .. ولانستطيع ان نستخدم هذا المقياس لان عدد سكان بريطانيا 58 مليون شخص بينما امريكا 304 مليون شخص وهذا يعني ان الغلبة لبريطانيا

2. الجامعات البريطانية اقدم عمرا من الجامعات الامريكية (باستثناء هارفارد الامريكية الاقدم)

3. امريكا حصلت على المركز الاول والثاني والثالث والخامس والسادس والسابع والثامن والتاسع كافضل جامعة في العالم بينما بريطانيا حصلت على الرابع والعاشر فقط كافضل جامعة (كامبردج واكسفورد)

ورأيي الذي لاحظته أن خريجي بريطانيا لديهم قدرة اقوى على .. (البحث (Search) في الكتب بكثرة وتبادل الأراء بين الموطفين ... وهم أقوى في الادارة والاعلام (بريطانيا اقوى دولة اعلاميا) والتطوير وبرامج السلامة والبيئة) .. بينما خرجي امريكا لديهم قدرة اقوى في (الامور التقنية والهندسة والدعاية (المبيعات) وشؤون الموظفين .. وهم يستخدمون لغة الابحاث والتجارب والمختبرات)

ولاحظت في العمل .. ان الموظف البريطاني ضعيف في الامور التقنية والفنية والهندسة ودائما يهرب من المسؤوليات التي بها حسابات ورياضيات وهندسة (لاحظ ان السيارات البريطانية فاشلة في العالم واي شيء فيه تكنلوجيا تجد بريطانيا فاشلة فيه باستثناء رولس ريز) .. بينما ناجح ومبهر في السلامة والبيئة Saftey and Environment ومبدع في الادارة والتعامل مع المشاكل .. ويستخدم لغة (شعرة معاوية) .. ولديه دهاء وخبث ويعرف كيف يصل الى مايريد .. وكتب القصص والادب هم الافضل بلا منازع في العالم ومثال ذلك شكسبير

اما صاحبنا الامريكي .. فهو متمكن في الامور التقنية والفنية والهندسة ولذلك تجد التكنولوجيا الامريكية تنافس بقو كل من اليابان والمانيا .. ولديهم طريقة جميله في الدعاية لانفسهم من خلال تعاملهم مع الناس .. ولهذا تجد كل أمريكي مشهور في اي مكان تذهب اليه لان ودود وسلس وله شعبية .. اما في الادارة فالامريكان جيدون ويتعاملون بعاطفة ولكن ليسوا دهاء كالبريطانيين الي يعيبهم ان ماعندهم شعبية وتجدهم باردين

بأختصار

أمريكا افضل مكان لدراسة .. الهندسة والتكنولوجيا والدعاية والاعلان والمبيعات ولمن يحب التجارب والمختبرات

وبريطانيا أفضل مكان لدراسة .. الادراة والاعلام والادب والفن والتاريخ ولمن يحب البحث بين الكتب ويكره المختبرات

هذا رايي الشخصي وهو نفس راي الدكتور غازي القصيبي

وياليت اسمع رأي الي درس في بريطانيا وأمريكا؟؟

[Ahmed Alobaidly]

انا ادور مثل هالمواضيع يااخوي
بس ماحصلت في المنتدى :9:

المهم انا اتفق وياك في كلام كثير قلته
امريكا افضل للتكنلوجيا

وانا بتكلم عن نفسي

لحد الان مادري ليش مب مقتنع في امريكا كـ بلد للدراسة
امريكا مملــة ممــلة ممــلة !

و طبعا غير امنه .. صح في مدن و ولايات امنه بس نسبة الامان مب عالية وماتضمن
اكيد الكل يختلف وياي في هالنقطة

بريطانيا افضل واجرائاتها اسهل والبيئة البريطانية افضل للدراسة من الامريكية

ولي عوده مع عالنقطة
خلني استمتع بارائكم الحين
:)

[Fahad Buhendi]

انا ادور مثل هالمواضيع يااخوي
بس ماحصلت في المنتدى :9:



بريطانيا افضل واجرائاتها اسهل والبيئة البريطانية افضل للدراسة من الامريكية


:)

ياهلا فيك أخوي

أنا زرت أمريكا وبريطانيا

ومؤيد تماما للفقرة الي كتبتها من أن بريطانيا اجراءاتها أسهل ..

أمريكا بيئتها للوناسة والطلعات افضل من بريطانيا ..... أما في الدراسة فانا اتفق معاك في ان بريطانيا بيئتها أفضل لطلب العلم

ولاحظت ان الي يروح أمريكا يريد يجلس هناك ومايبي يرجع قطر .. واعرف شخص كمل 5 سنوات بدون مايرجع لقطر يوم واحد

أما الي في بريطانيا فتلاقيه كل اجازة كريسمس او اجازة ايستر نازل الدوحة ... هذا غير اجازة الي بين الفصلين في شهر فبراير

[S.J.A]

موضوع رائع أخوي فهد

و سردك لرأيك بخصوص الجامعات في بريطانيا و أمريكا ، كان واضح و مبسط

أنا ماجربت الدراسه في أمريكا ، و لكن عاجبتني بريطانيا من ناحية القرب لقطر و الحمدلله مرتاحين فيها

[Fahad Buhendi]

موضوع رائع أخوي فهد

و سردك لرأيك بخصوص الجامعات في بريطانيا و أمريكا ، كان واضح و مبسط

أنا ماجربت الدراسه في أمريكا ، و لكن عاجبتني بريطانيا من ناحية القرب لقطر و الحمدلله مرتاحين فيها

يعطيك العافية

ونقطتك مهمة

لاني اذكر ان اكثر من طالب يدرس في امريكا قالي لي انه مايحب يرجع لقطر بسبب طول المسافة وبسبب تغير طريقة النوم

وهذي مشكلة واجهتها انا واضطريت ان الغي سفرة الى امريكا لانها كانت لمدة اسبوع فقط

احد الاسباب التي تشجع للدراسة في بريطانيا هي قربها من الخليج (7 ساعات بالطائرة)

[J.H.Al-Qahtani]

دراستي بامريكا جات من بالصدفة ومن غير اي تخطيط...

سبحان الله هناك..ارتحت كثير ...ومثل ماقلت اخوي فهد...البلد عجبي لدرجة اني كنت ابي اتم فيها ولا ارجع الدوحة بالآجازات ...

بعض من معارفي ببريطانيا...ودايما يقولون لي انهم مو مرتحات خير شر....

الحلو بالدراسة بامريكا...انه الجامعة تتيح لك فرص التدريب باي مكان ..تكون جزء من شركة او جزء من معمل بحثي.....

عندهم الخبرة مهمة مثل العلم....

خلال قعدتي بامريكا....اتيحت الفرصة لي اني اتطوع بمعمل ابحاث ...وتميت معاهم قرابة ال4 شهور.....وفي بنت كانت معاي تمت معاهم تقريبا سنه ونص بالضبط...خلالها...سوت معاهم بحث كامل وتم تقيمية...وطبعا البحث مانركن بالأرشيف مثل مشاريع التخرج اللي تصير بالجامعات...بالعكس ... كان بحثها مهم وكملوا عليه ...

السياحة بامريكا...ممتازة...مو مثل سويسرا طبعا..بس تقدر تلقى اللي تبيه...مدن طبيعة .حر برد..اللي تبي....

صحيح السفر لامريكا طويل ومتعب..........بس حلاته...انك كل مرة تقدر تجرب مطار غير...:) اهم شي :)

[Essa Al-Mansouri]

السلام عليكم ورحمة الله وبركاته

موضوع هام ذا وجهات نظر متعددة ويستحق التثبيت :)

أما رأيي فلولا أن تخصصي يدرس في ما لا يقل عن 7 سنين في أمريكا لاخترت بكل بساطة الدراسة هناك

أما من ناحية دراسة التخصصات الإنسانية فبريطانيا من أكثر الدول الواقعة في نطاق السيطرة والاستقرار لأسباب مختلفة من وجهة نظري. القانون يعلوا ولا يعلى عليه (عموماً) والشعب يميل إلى إخضاع الحكومة للمبادئ المثالية (بغض النظر عن صواب المبادئ). البلاد معرضة للنقد البناء من قبل المؤسسات البحثية والتعليمية الكثيفة أو ممن يجيده من العامة, ولا يضار كاتب ولا شهيد. والتصرفات والأفعال تتميز بمقدار مرض من الشفافية, والشعب يبدي تفاعلاً إيجابياً تجاهها. الحريات والحقوق محفوظة ومصانة بغض النظر عن قوة الركائز التي تقوم عليها الحقوق. والجهات الرسمية مسؤولة عن تصرفاتها بشكل أكبر نسبياً, ولا يستغرب كون الحكومة في سعي ذليل للخضوع لمتطلبات القانون. لا ننكر بأن العيوب موجودة في كل نظام ومكان وبريطانيا ليست بالصغيرة, لكن هذا ما برز من الايجابيات بشكل تقريبي ونسبي.
باختصار قد تكون البيئة البريطانية أكثر ميلاً للمثالية من غيرها. كل هذا من شأنه أن يزيد من أهمية التجربة البريطانية على نفسية الدارس وكيفية نظره وتعامله مع البيئة مستقبلاً.

أما من لا يحتك بالبيئة البريطانية ويحصر احتكاكه على البيئة العربية فقد لا يشعر بالفرق.

[Fahad Buhendi]

ياهلا يا أختي وأنا أحب اعقب على ردك نقطة نقطة, لان ردك عجبني:


سبحان الله هناك..ارتحت كثير ...ومثل ماقلت اخوي فهد...البلد عجبي لدرجة اني كنت ابي اتم فيها ولا ارجع الدوحة بالآجازات ...)

أنا زرت الولايات المتحدة لاول مرة في شهر ابريل الماضي وزرت 6 ولايات وراودني نفس الشعور, وكل اصحابي الي كانوا معاي بالثانوية كان لديهم نفس الشعور لسبب لا أستطيع فهمه بنسبة 100% .. حتى اني أحد الطلاب القطريين شعر بالندم لانه رفض عرض شركة أمريكية ورجع يشتغل بقطر .. صادته الصدمة من البيروقراطية في مؤسسات ووزارات قطر


بعض من معارفي ببريطانيا...ودايما يقولون لي انهم مو مرتحات خير شر....
:)

هذا الكلام سليم ولكن لاحظت انه ماينطبق على لندن .. فقط على المدن خارج لندن .. أغلب شبابنا يملون من بريطانيا ويريد يرجع قطر في كل اجازة وطبعا انا واحد منهم .. ما اعرف هل بسبب الملل او بسبب ان الشعب البريطاني بارد في تعامله او لان قطر قريبة فقط 7 ساعات او لان بريطانيا دولة صغيرة وامريكا كبيرة فيها اماكن كثيرة للزيارة .. .. او ان النشاطات في بريطانيا ميته مقارنة بامريكا..باختصار الي يروح بريطانيا يمل .. والي يروح امريكا يستانس ..

خلال قعدتي بامريكا....اتيحت الفرصة لي اني اتطوع بمعمل ابحاث ...وتميت معاهم قرابة ال4 شهور.....وفي بنت كانت معاي تمت معاهم تقريبا سنه ونص بالضبط...خلالها...سوت معاهم بحث كامل وتم تقيمية...وطبعا البحث مانركن بالأرشيف مثل مشاريع التخرج اللي تصير بالجامعات...بالعكس ... كان بحثها مهم وكملوا عليه ...
:)

في بريطانيا كنا مجبرين نقضي اغلب الوقت في المكتبة .. الطالب القطري المتخرج من بريطانيا متخصص كتب ومكتبات وجرائد علمية وبحث ونسخ ولصق من كتب .. ولاحظت ان نادر ما الاقي طالب قطري عمل في شركة او تعاون مع شركة في مجال بحث .. والي يقهر زيادة ان اي طالب عربي تكون درجته C .. حتى ان مرة مدرس طلب منا ان مانضع اوراق البحث في غطاء بلاستيك لانه يشعر بالتعب في اخراج الملفات .. وحينها عرفت ان درجاتنا راح تكون C

ويعطيك العافية اختي

[Fahad Buhendi]

السلام عليكم ورحمة الله وبركاته

موضوع هام ذا وجهات نظر متعددة ويستحق التثبيت :)

أما رأيي فلولا أن تخصصي يدرس في ما لا يقل عن 7 سنين في أمريكا لاخترت بكل بساطة الدراسة هناك

أما من ناحية دراسة التخصصات الإنسانية فبريطانيا من أكثر الدول الواقعة في نطاق السيطرة والاستقرار لأسباب مختلفة من وجهة نظري. القانون يعلوا ولا يعلى عليه (عموماً) والشعب يميل إلى إخضاع الحكومة للمبادئ المثالية (بغض النظر عن صواب المبادئ). البلاد معرضة للنقد البناء من قبل المؤسسات البحثية والتعليمية الكثيفة أو ممن يجيده من العامة, ولا يضار كاتب ولا شهيد. والتصرفات والأفعال تتميز بمقدار مرض من الشفافية, والشعب يبدي تفاعلاً إيجابياً تجاهها. الحريات والحقوق محفوظة ومصانة بغض النظر عن قوة الركائز التي تقوم عليها الحقوق. والجهات الرسمية مسؤولة عن تصرفاتها بشكل أكبر نسبياً, ولا يستغرب كون الحكومة في سعي ذليل للخضوع لمتطلبات القانون. لا ننكر بأن العيوب موجودة في كل نظام ومكان وبريطانيا ليست بالصغيرة, لكن هذا ما برز من الايجابيات بشكل تقريبي ونسبي.
باختصار قد تكون البيئة البريطانية أكثر ميلاً للمثالية من غيرها. كل هذا من شأنه أن يزيد من أهمية التجربة البريطانية على نفسية الدارس وكيفية نظره وتعامله مع البيئة مستقبلاً.

أما من لا يحتك بالبيئة البريطانية ويحصر احتكاكه على البيئة العربية فقد لا يشعر بالفرق.

تحية لك يا أخ عيسى

والصراحة انا مثلك كنت اتمنى اني ادرس بامريكا

ولأني صريح جدا فسبب رغبتي في الدراسة في امريكا هي الكلام الي سمعناها واحنا بالثانوية العامة .. (أدرس في امريكا .. لأن أمريكا احسن من بريطاينا)

ولكن الرغبة اصطدمت بان هناك مقاعد محدودة لامريكا من قبل وزارة التربية والتعليم اضف ان الاختيار تكون لمن درجاته اعلى .. وياحظهم الشباب هذي الايام ... عندهم باب مفتةح للدراسة في اي مكان واي تخصص

ولو رجعت الى الوراء لدرست الهندسة بامريكا .. اما دراسة الادارة فلن اختار غير بريطانيا .. لان الامريكان ضعفاء في الادارة الا من رحمه ربي

والشيء الي يعجبني في بريطاينا هي الكلمة الي قلتها (القانون يعلو ولا يعلى عليه) . ويوم رجعت قطر وعملت في بعض الشركات .وتعاملت مع بعض مؤسسات الدولة شعرت بالفرق .. بين العدل والنظام هناك وبين اللخبطة والتملحس هني .. بس والحق يقال ان الوضع تحسن عندنا وبدا يسير على نفس مسيار بريطانيا

والي يعجبني في قانون بريطانيا ان الشرطي يخاف منك ويحترمك ويعمل لك حساب خاصة اذا عرف انك طالب او سائح وهذا مالاحظته .. اما في امريكا فتحس ان للشرطة بطش وهيبة وقوة وحتى ظلم ... ولاحظت ان الشباب ربعنا يخافون اذا تكلمت عن موضوع الشرطة الامريكية .. واغلبهم قال لي انه اذا حطك الشرطي الامريكي براسه فراحت عليك .. عكس بريطانيا الي انت تقدر تحط الشرطي براسك وتقاضيه

اعتقد ان بريطانيا افضل ميلا للمثالية في البيئة من حيث العدل والنظام . واحسن ان بريطانيا مرتبة اكثر من امريكا

[Khalid AL-enazi]

هلا اخوي فهد بالنسبه لي انا من الناس اللي يفضلون بريطانيا يمكن عشان انها اقرب من امريكا وآمن ,ولا تنسى بعد انهاا معروفه عند الخليجين اكثر يعني اللي ما يدرس هناك يروح لها سياحه وتكون عنده خبره بعد .لكن من ناحيه وناسه وراحه ورخص وحريه اكثر اعتقد امريكا افضل من بريطانيا .
اخووك خالد العنزي.

[Fahad Buhendi]

هلا اخوي فهد بالنسبه لي انا من الناس اللي يفضلون بريطانيا يمكن عشان انها اقرب من امريكا وآمن ,ولا تنسى بعد انهاا معروفه عند الخليجين اكثر يعني اللي ما يدرس هناك يروح لها سياحه وتكون عنده خبره بعد .لكن من ناحيه وناسه وراحه ورخص وحريه اكثر اعتقد امريكا افضل من بريطانيا .
اخووك خالد العنزي.

ياهلا يا أخ خالد

وأنا رأيي نفس رأيك

أعتقد ان الخليجيين في بريطانيا اكثر من أمريكا وخاصة بعد أحداث 11 سبتمبر الشهيرة (أذكر ان الاماراتيين كانوا قليلين جدا في بريطانيا ... وزاد عددهم بشكل كبير بعد احداث 11 سبتمبر لان 2 من منفذي عملية 11 سبتمبر اماراتيين .... ونفس الشيء مع السعوديين)

والله يوفقك بالدراسة في بريطانيا

[Jassim AL-Jaidah]

السلام عليكم ورحمة الله وبركاته

انا عن نفسي اشوف بريطانيا احسن من امريكا من كل النواحي
بس امريكا ارخص في المعيشة
هاي الفرق

[Mubarak..S..AL-Jassim]

السلام عليكم ورحمه الله وبركاته
انا بصراحه اشوف امريكا احسن....
اولا" ..لانك تعيش جو الجامعه تحس انك طالب جامعي ... والي يدعي انه النظام البريطاني احسن .. ليش تقريبا" 90% من درجه الطالب تروح على الاختبار النهائي فبريطانيا .. يعني نفس نظام المدراس الحكوميه في فقطر .. على عكس امريكا .. الي فيها يقيمك الدكتور على حسب جهدك فالصف.. يعني بما انك انت تراوي المدرس انك معطي الماده حقها هو بيساعدك ...وانت عليك الباقي ..
ثانيا"
في بريطانيا لغتك ماتقوى .. لانك ماتحتك فالانجليز يعني مثلا" انا نص ربعي يدرسون فبريطانيا .. ولا واحد فيهم قالي انه عنده ربع بريطانين.. شالفايده انت تروح تدرس فبلاد وماتتعرف على اهلها تتعرفلي على روس واسبان ....الخ

هاذي وجه نظري :)

[Fahad Buhendi]

السلام عليكم ورحمة الله وبركاته

انا عن نفسي اشوف بريطانيا احسن من امريكا من كل النواحي
بس امريكا ارخص في المعيشة
هاي الفرق

اتفق معاك بعد ياجاسم

بس مب كل ولاية رخيصة

مثلارحت ولاية كليفورنيا لمدة يومين وكانت غالية .. حتى يمكن اغلى من لندن

[Fahad Buhendi]

السلام عليكم ورحمه الله وبركاته
انا بصراحه اشوف امريكا احسن....
اولا" ..لانك تعيش جو الجامعه تحس انك طالب جامعي ... والي يدعي انه النظام البريطاني احسن .. ليش تقريبا" 90% من درجه الطالب تروح على الاختبار النهائي فبريطانيا .. يعني نفس نظام المدراس الحكوميه في فقطر .. على عكس امريكا .. الي فيها يقيمك الدكتور على حسب جهدك فالصف.. يعني بما انك انت تراوي المدرس انك معطي الماده حقها هو بيساعدك ...وانت عليك الباقي ..
ثانيا"
في بريطانيا لغتك ماتقوى .. لانك ماتحتك فالانجليز يعني مثلا" انا نص ربعي يدرسون فبريطانيا .. ولا واحد فيهم قالي انه عنده ربع بريطانين.. شالفايده انت تروح تدرس فبلاد وماتتعرف على اهلها تتعرفلي على روس واسبان ....الخ

هاذي وجه نظري :)



1. غير صحيح ان 90% من درجة الطالب تروح على الاختبار النهائي .. بعض الدكاترة يعطي 70% وبعضهم 50% .. ويختلف من دكتور الى آخر

2. كلامك سليم 100% ان الشباب في بريطانيا ماعندهم ربع بريطانيين .. والسبب ان الامريكي (فرندلي) و ودود وسلس .. بينما البريطاني تلاقيه بارد ومايعرفك الا اذا في حاجة .... واذا شافك في الشارع ماسلم عليك .. واذا سلمت عليه يرد عليك السلام بأسلوب يكرهك في انك تفكر تسلم عليه مرة ثانية ..

ملخص الكلام .. الشعب البريطاني مب (فرندلي) .. بينما الامريكي (فرندلي) .. ورايي ان الامريكان اكثر شعب فرندلي في العالم ..

[Jassim AL-Jaidah]

ملخص الكلام .. الشعب البريطاني مب (فرندلي) .. بينما الامريكي (فرندلي) .. ورايي ان الامريكان اكثر شعب فرندلي في العالم ..
__________________________________________________ ________________________
هاي صح 100% اخوي فهد
انا بس طلعت من مطار واشنطن ذاك اليوم
اكثر من 5 امريكان على فترات متباعدة
اللي يسلم
واللي يسولف
واللي يسئل ايش رايك بامريكا وايش تشتغل
شعب طيب بصراحه

[Ahmed Alobaidly]

من خلال قراتي للموضوع واستفساري المتكرر عن الطلاب في امريكا
وحتى بريطانيا

تقريبا النسبة الاكبر امدحوا لي امريكا ..
معني ماحطيتها خيار .. مثل بريطانيا

استاذنا الامريكي المسلم المقيم في قطر لاكثر من 6 سنين واكثر
في حصة من الحصص تكلم عن هالموضوع وسوا لنا مقارنه بين
الامريكي و البريطاني

البريطاني : يتكلم وايد ولا تفهم منه شي !
الامريكي : يتكلم وتفهم لهجته لان كلامهم سهل !

في بريطانيا الدراسة اصعب وطبعا مافي شي صعب اذ الواحد شد حيله وحط في باله
انه يدرس بس راح تفرق ويايه في مواد كثيره احنا دراستنا اللي درسنهاا هالـ 12 سنة
ماتساعد كلش ..فـ اكيد راح نحصل الصعوبه حتى لو في امريكا ..

وسمعت ان نظام امريكا وامتحاناتهم نفس المدراس المستقلة يعني الكوزس والانشطة
لها نصيب كبير في الدرجة بالعكس في بريطانيا اللي الدرجه ااكبر من نصيب final exam

وطبعا اكيد احب ااكــد على ان الانجلييز الله يصلحهم :) . ابدا مايحبون العرب
والامريكان فرندلي مثل ماقالوا الشباب .. وهذا الشي اعرفه من اهني في قطر من خلال صدقاتي
معاهم ..

مستوى الجامعات الامريكية يفوق البريطانيه بمراحل . وفي التصنيف الاخير للجامعات
احتلت الامريكية اول 25 مرتبه وبعدها صنفت البريطانية والكندية ! .. يعني بالراحه الدراسة في
في امريكا افضل للكل .. واسهل وايسر في تغير الجامعه او الكميونتي كولج ..

هذا اللي عندي اتمنى اللي عنده تعقيب يعقب

والحين عندي كم استفسار

- صج ان الساعه 6 او 7 تبند كل المطاععم ولو حاب اتعشى اتعشى في بار هالكلام في بريطانيا
واسمحولي ع الكلمة . ؟

- في كلاسات بريطانيا حوالي 200 طالب وفي امريكا مايكثرون عن 30 ؟ < معلومة غريبة حاب اتاكد
منها .


ولي رجعه ان شاء الله
:)

[Fahad Buhendi]

استاذنا الامريكي المسلم المقيم في قطر لاكثر من 6 سنين واكثر
في حصة من الحصص تكلم عن هالموضوع وسوا لنا مقارنه بين
الامريكي و البريطاني

البريطاني : يتكلم وايد ولا تفهم منه شي !
الامريكي : يتكلم وتفهم لهجته لان كلامهم سهل !


:)



كلام شيق ويعجبني .. وبرد عليه نقطة نقطة

كلام دكتورك سليم

مع اني درست في بريطانيا ولازلت ادرس .. ألا اني أفهم على الامريكي أكثر ما افهم على البريطاني



في بريطانيا الدراسة اصعب وطبعا مافي شي صعب اذ الواحد شد حيله وحط في باله
انه يدرس بس راح تفرق ويايه في مواد كثيره احنا دراستنا اللي درسنهاا هالـ 12 سنة
ماتساعد كلش ..فـ اكيد راح نحصل الصعوبه حتى لو في امريكا ..

وسمعت ان نظام امريكا وامتحاناتهم نفس المدراس المستقلة يعني الكوزس والانشطة
لها نصيب كبير في الدرجة بالعكس في بريطانيا اللي الدرجه ااكبر من نصيب final exam

:)

كلام سليم,

لاحظت ان الدراسة في بريطانيا أصعب من امريكا وهذي وجهة نظري .. أما كلام ان الدرجات الاكبر من نصيب final exam فهذا غير صحيح بالنسبة لي .. وتختلف من دكتور لآخر .. البعض يشترط 70% والبعض 50% .. باستثناء مادة الرياضيات واخواتها تكون 100%




وطبعا اكيد احب ااكــد على ان الانجلييز الله يصلحهم :) . ابدا مايحبون العرب
والامريكان فرندلي مثل ماقالوا الشباب .. وهذا الشي اعرفه من اهني في قطر من خلال صدقاتي
معاهم ..

:)

غير صحيح ان البريطاني يكره العرب, هم يمكن يكرهون الباكستانيين والهنود المتواجدين بكثرة هنا .. والحق يقال اني ماسمعت شتيمة وحدة ضد العرب

ماسمعت الشتيمة الا من (الباكستانيين المسلمين) ..

وعلى العموم الانجليز يسخرون من كل شيء .. حتى انهم يسخرون من الامريكان والالمان بكثرة في برامج التلفزيون البريطانية

وتريد الحق, احنا عنصريين اكثر من البريطانييم والامريكان




مستوى الجامعات الامريكية يفوق البريطانيه بمراحل . وفي التصنيف الاخير للجامعات
احتلت الامريكية اول 25 مرتبه وبعدها صنفت البريطانية والكندية ! .. يعني بالراحه الدراسة في
في امريكا افضل للكل .. واسهل وايسر في تغير الجامعه او الكميونتي كولج ..

:)

غير صحيح تقريبا

تصنيف الجامعات الامريكية اقوى اول 7 تصنيفات ومحد ينافس امريكا في التعليم الا بريطانيا .. ولاتنسى ان امريكا اكبر من بريطانيا اكثر من 20 مرة وعدد سكانها اكثر 5 مرات

وهذي لها نسبة وتناسب






- صج ان الساعه 6 او 7 تبند كل المطاععم ولو حاب اتعشى اتعشى في بار هالكلام في بريطانيا
واسمحولي ع الكلمة . ؟

:)

يمكن في الماضي

اما الآن فهناك مطاعم تفتح حتى الساعة واحدة واغلبها مطاعم بيتزا .. وهناك مجمعات تجارية تفتح 24 ساعة

ويختلف من مدينة الى مدينة

واذكر في الماضي يوم كنت صغير كان كل شيء في بريطانيا يغلق يوم الاحد اما اليوم فكل شيء تغير

وانا زرت امريكا ولقيت ان اغلب مطاعمها يغلق في نفس توقيت بريطانيا






- في كلاسات بريطانيا حوالي 200 طالب وفي امريكا مايكثرون عن 30 ؟ < معلومة غريبة حاب اتاكد
منها .

:)

اذا كانت عندك 8 مواد فغالبا تجيك مادتين او ثلاثة مشتركة بين جميع التخصصات (ميكانيكا - كهرباء - كيميائية - كمبويتر ... مثال مادة الرياضايات او المصفوفات) ويكون الصف فيه 100 الى 200 شخص

وبعض المواد يكون فيها 30 شخص فقط

اما بخصوص امريكا فياليت تسال الاخوان لان ماعندي علم

[Jassim AL-Jaidah]

كفيت ووفيت اخوي فهد
يعطيك العافية

[Ahmed Alobaidly]

تسلم لي اخوي فهد ع الرد على ردي واستفسارتي
وصصحت لي معلوماتي

والله يسهل ويحبب لي امريكا والدرسة فيها
واشوف النجاح والتفوق فيها باذن الله

[Essa Al-Mansouri]

وطبعا اكيد احب ااكــد على ان الانجلييز الله يصلحهم . ابدا مايحبون العرب
والامريكان فرندلي مثل ماقالوا الشباب .. وهذا الشي اعرفه من اهني في قطر من خلال صدقاتي
معاهم ..

الكثير من الشباب يتناقل هالمعلومة, وطبعاً مب شرط انت اللي قايلها فأنت للحين ما جربت الحياة بالخارج.

أما إذا تقدمت بهذه المعلومة للمحايدين من الطلاب فالرأي سيختلف. أنا بصراحة أوافق أخوي فهد بنقطتين على درجة من الأهمية

النقطة الأولى أن البريطانيين بشر وشعب وأمة وناس طبيعيين مب شرط انهم يسخرون من أحد ولا يكرهون أحد. يمكن الشعب الأمريكي "فرندلي" أكثر وهذا يزيد من ميزاتهم, لكن هذا لا يقلل شيء في الشعب البريطاني. بالعكس مبادئ عدم التفرقة بين البشر راسخة بشكل جيد لديهم, وهذا على الأقل معكوس بشكل بارز في قوانينهم. رحب بالبريطاني إذا مريت عليه وهو بيرحب بك وبيسولف, لأنه يعتبرك انسان مثلك مثله.

النقطة الثانية أنه إن كان ولابد لأحد أن يكون عنصرياً, فنحن (سواء عرب أو خليجيين أو قطريين) بنكون في هالحالة أصحاب راية عنصرية, على الأقل في تعاملنا مع الآسيويين وفي بعض الأحيان بيننا نحن العرب.

[Ahmed Alobaidly]

^

مشكور اخوي عيسى
ومثل ماقلت في ردي ان اتمنى احد يصلح لي معلوماتي
وانا اكيد مادرست هناك بس جربت الحياة يوم كنت ياهل فـ ماعرف اي شي
واكيد اكيد بسئل اللي يدرسون هناك او اللي لهم خبره وهذا اللي حصلته منهم

والمهم اني عرفت الاهم وهذا اللي ابيه

:)

[Mubarak..S..AL-Jassim]

لسلام عليكم ورحمه الله وبركاته ..
اخوي احمد بالنسبه لعدد الطلاب فالصف ..هو على حسب الصف يعني مثلا احنا عندنا الكمستري 3 صفوف حصه لكتشر وهي الحصه الي الدكتور يشرح الدرس وغالبا يكون بدون نقاشات مع الطلبه لانه عدد الطلاب يكون مئتين او اكثر ... والصف الثاني هو الريستيشن وهي حصه التطبيق والاسئله وعدد الطلاب فهالصف يكون تقريبا عشرين ... وثالثا الاب وهو المختبر ويكون فالصف تقريبا ثلاثين ...

هذا هو النظام الي ماشي في جامعتي ..
واتمنى اني اكون افدتك