computer science in USA

[Ali AL-muraikhi]

السلام عليكم ورحمه الله تعالى وبركاته .. شخباركم اخواني وخواتي انشالله بخير ..

الحمدلله فضل من الله افتكينا من الثانويه العامه وجا وقت الجامعه واتمنى من الله انكم اتساعدوني اني احصل الجامعه المناسبه لي.. وانشالله انا ناوي ادش مجال الكمبيوتر في تخصص .. software engineering او تخصص computer science بس انشالله تتوافر في الجامعه :-
1) يكون المكان مناسب للدراسه.
2) اتكون المنطقه حلوه وشرحه ومب بس دراسه نبي نستانس بعد لوول .
3)ترتيبها كم في مجال الكمبيوتر وشلون سمعتها . :39:
4) الحياه شلون ممله ولا اونس من بريطانيا .

ويعطيكم الف عافيه ... :)

[Ahmed Alobaidly]

في بريطانيا لاتحاتي المدن
لان كلهم اووكي ترى انا وايد قريت واستفسرت ملغت ع الاعضاء كلهم
والدراسة في بريطانيا تفرق عن امريكا لان في امريكا كل الجامعات مستوى واحد
مافي فرق بين جامعه والثانية بس تفرق الـ مدينه ! وناس حولوا من جامعة لثانية بس
علشان المدينه ماتساعد

فـ اختيارك او نيتك لـ بريطانيا افضل من وجهة نظر اخوك .اللي هو انا

اما عن الجامعات والتخصصات فـ ماعندي علم والله ان شاءا لله مايقصرون وياك الاخون
اما انا عن نفسي فـ خذت لي قبول في جامعة ليفربول وعندهم التخصيين اللي تبيه

واي شي عن جامعة ليفربول والتسجيل فيها لايردك كيبوردك عن سؤالي لحظه :p

والله يوفقك

[Saif-Alnaimi]

السلام عليكم

اعذرني اخوي العبيدلي اني اخالفك الرأي

بالنسبه للدراسه في الولايات المتحده بلا شك انها الاقوى على مستوى العالم , وهناك تقارير من هيئات عالميه منها اليونيسكو تثبت هذا الكلام ان الجامعات الامريكيه هي الاقوى , ويستطيع الاخ المريخي ان يرى ماهي اقوى 100 جامعه على مستوى العالم بالسنوات السابقه ..

وبالنسبه للنظام المتعلق بمناهج الجامعات اكيد يختلف من جامعه لاخرى وهذا موجود في جميع دول العالم ..

نصيحتي لك يالمريخي وخذها من واحد بمثابة ابوك او اخوك الكبير توكل على الله وروح امريكا ولايكون عندك اختيار اخر , وان بغيت الجامعات المتفوقه بالمجالين اللي ذكرتهم ابشر بسعدك وإن شاء الله في اليومين الجايين اعطيك اساميهم ..

وبخصوص المدن إن شاء الله ماراح انسى وراح اذكر السلبيات والايجابيات عنها

سلام عليكم

[Ahmed Alobaidly]

والله ياخوي الكبير لو تلاحظ ردي عدل

انا قلت من وجهة نظري واني سئلت ناس واستفدت من اللي قالوه
وباللي استفدته لخصته لاخوي اللي استفسر :9:

واتمنى بعد لو تشوف وتسئل اخوانا الشباب اللي حولوا من جامعه لجامعة في امريكا والسبب المدينه

وبس
الله يوفقكم اثنينكم
والسموحه

اخوك العبيدلي

[Ali AL-muraikhi]

الله يعطيكم العافيه اخوي سيف واخوي احمد ماقصرتو بس انا الي سمعته عن امريكا انها اونس من بريطانيا حتى الدراسه اتكون اسهل فيها بس مب درجه انك تستهين فيها حتى كنت حاط كمن ولايه في راسي بس محتار ومادري شسالفه والي هم 1) ميرلاند 2) واشنطن ( سياتل ) 3)كلفورنيا 4) كولورادو < عند ربعنا القطرين

واتمنى احصل معلومات مفيده عن هالمناطق
ويعطيكم الف عافيه

[Ahmed Alobaidly]

بالعكس انا ماقللت ولا شي وفي الاخير
ردي ينكتب ويطلع بنكي واسمي
يعني وجهة نظري انا يالغالي
وهذا مستقبلك انت تحدده

http://www.qataries.net/vb/showthread.php?t=15009

شوف هالموضوع وايد بيفيدك عن المناطق والدراسة في امريكا ..

[Ali AL-muraikhi]

الله يرحم والديك ماقصرت
ويعطيك الف عافيه

[Ahmed Alobaidly]

و والديك يالغالي
وحاظين لك باللي نقدر عليه
^^,