الدراسة في مصر ..!!

[Abdulla Al-Tamimi]

السلام عليكم ورحمة الله وبركاته ...

شخباركم يا أعضاء المنتدى وشعلومكم ان شاء الله بخير :3leahm:

طبعاً هذا أول موضوع لي وان شاء الله ماكون ثقيل عليكم فيه :)

انا واعوذ بالله من كلمة انا ناوي اني ادرس في مصر بأذن الله بس عندي مشكله ..!!

اني ماعرف ولا شي ،، مب عارف شنو الجامعات الي معترف فيها في الدوحة

او شنو النسبه المطلوبه لبعض التخصصات ..؟؟ :1639_thinking:

وافكر الصراحة اني ادخل جامعة القاهرة تخصص علوم سياسة :39:

وسمعت ناس الصراحة تمدح في جامعة القاهرة ويقولون انه دراستها مو صعبه كثير نفس الجامعات الثانية

ولهذا السبب فضلت هذي الجامعة عن بقية الجامعات واتمنى يكون معترف فيها في الدوحة :5:

لانه ودي اني اكمل جامعة والمشكله اني مرتبط مع الدوام :depressed:

وانا اخترت هل جامعة لاني سمعت انه عندهم نظام نفس الانتساب ويسمى التحاق اضن

الي هو تجي قبل الأمتحان بشهر وتداوم في الجامعة وتقدم امتحانات :4b424803ccc8ea4f0b8

ومعرف عندنا في الدوحه الانتساب موقفينه من زمان ...!! :err:

وأتمنى من أعضاء المنتدى يفيدوني في هذي الأسئلة الله يجزيهم خير ... :1639_11196799410:

وآسف على الأطاله في الموضوع :209f:

.......
.....
.

[Ahmed Alobaidly]

انا اليوم سئلت في الوزارة لانها الجهة المسؤلة عن الجامعات العربية
اذ تبي تسئل معترف فيها والخ ..

عطوني جواب مختصر وبسيط
( كل جامعة عربية و حكومية هي معترف فيها وشرط تنتظم فيها ! )

جامعة القاهرة وعين شمس سئلت عنهم قالوا معترف فيها لانها حكومية ,,
=\

[Ahmed Alobaidly]

ونسيت شغله
اذ تبي تقدم لها احسن وافضل لك كلم السفارة القطرية اللي في مصر بيرتبون لك كل شي
وهذا الويب سايت

http://www.qatarembassyegypt.com/arabic/default.aspx

وبالتووفيق

[Abdulla Al-Tamimi]

السلام عليكم

مشكور أخوي على الرد بس بخصوص انه كل الجامعات العربية معترف فيها

فهذا الكلام اضنه مو صحيح لانه في جامعات عربية كثيره مومعترف فيها

وفي جامعات ايضاً معترف فيها بس تخصصات معينه فيها

وانا امس سئلتهم وعطوني ثلاث جامعات قالو لي ذول 100%100 معترف فيهم لاننا احنا نبعث طلبه على حسابنا

والجامعات هي (( جامعة القاهرة - جامعة عين شمس - جامعة الازهر ))

وسئلتهم بخصوص اذا اني ابي ادرس على حسابي الخاص في جامعات ثانية ..؟؟

قالو لي ماندري ،، واسئل ادارة الامتحانات قسم معادلة الشهادات وهم بيفيدونك أكثر

والي ابي اعرفه اكثر تخصص علوم سياسه في جامعة القاهرة هل معترف فيه في الدوحة أو لاء ..؟؟

اذا حد ممكن يفيدني في هذا السؤال .. :)

ومشكور أخوي على الرد وماقصرت

[Abdulla Al-Tamimi]

السلام عليكم

احب اعطيكم خبر اني استفسرت وردو علي بـأن الجامعة والتخصص معترف بهمها

وهذا لتعم الفائدة ..

وشكراً لكل من ساهم بالموضوع .. :)

[Ahmed Alobaidly]

والله زيين الله يوفقك اخوي عبدالله
انزين ماسئلت عن الجامعة الامريكية اللي في مصر
معترف فيها ولا ..؟

=)

[Nadya AL-Owynati]

وعليكممم السلام اخوي..
انا بعد نفسك حابة استفسر عن اشيا وايد عن الدراسة بمصر..
بس ابي اتاكد منك انت سالت من وقالوا ل ان يبعثون طلاب ع حسابهممم..
لان انا خبري المجلس الاعلى مايطرش مصر واصلا مب معترفين فيهاا.. فممكن تعطيني اسم الجهة اللي سالت فيها عشان اتاكد..

مشكور :)

[J.H.Al-Qahtani]

المجلس الآعلى يبعث لبعض الجامعات العربية بمصر والأردن وسوريا على مااظن اذا كانت ناوي تدرس لغة عربية او شريعة او حقوق او اي من التخصصات الأدبية اللي تحتاجها الدوله

[Ahmed Alobaidly]

وعليكممم السلام اخوي..
انا بعد نفسك حابة استفسر عن اشيا وايد عن الدراسة بمصر..
بس ابي اتاكد منك انت سالت من وقالوا ل ان يبعثون طلاب ع حسابهممم..
لان انا خبري المجلس الاعلى مايطرش مصر واصلا مب معترفين فيهاا.. فممكن تعطيني اسم الجهة اللي سالت فيها عشان اتاكد..

مشكور :)

اختي لو كان الكلام موجه لي برد والسموحه ع التاخير
ولو مهب لي فـ السموحه بعد ع الملاغه

انا سئلت الوزارة وقالوا لي هالكلام
ولما سئلت عن الجامعات العربية في المجلس الاعلى
قال لي وبالحرف

شوف اذ حد قالك من الوزارة احنا مالنا شغل قول له لا انتوا هاي شغلكم
والمجلس مايبعث لاي دولة عربية

الدول العربية مسؤلة من الوزارة
وسئلت الوزارة وقالوا ان كل جامعة عربية حكومية معترف فيها
الاخ العزيز اللي فوق يقول ان مهب كل جامعة حكومية
بس انا انصحج لو حابه بجد تدرسين هناك كلمي السفارة القطرية هناك

اخوي ونسيبي بيدرسون موازي هناك وخلصوا كل شي عن طريق السفارة اللي هناك

ومن الجامعات المعترف فيها : القاهرة وعين شمس والازهر والاسكندرية

وبالتوفيق
:)

[Abdulla Al-Tamimi]

اخوي ونسيبي بيدرسون موازي هناك وخلصوا كل شي عن طريق السفارة اللي هناك


السلام عليكم

أخوي الغالي أحمد العبيدلي ...

بالنسبة لدراسة الموازي فهي مغلقة من زمان للقطرين يعني الي بيدرس موازي ويخلص وبعدين يجي الدوحة يبغي يصدق شهاته ماراح يصدقونها له ..!!

لاني اصلن كنت مفكر ادرس بنظام احسن من الموازي والي اعتقد يسمونه التحاق ،، وهو مختلف عن الموازي ،، وهو اني اجي ادوام قبل الامتحان بشهر واقدم امتحانات وارجع الدوحة ..

وسئلت مسؤل في وزارة التربية والتعليم عن هذا الشي وقالي انه مو معترف فيه وماراح يصدقون شهاتي وقالي او شي بيطلبونه منك هو جوازك علشان يشوفونك هل كنت ادوام صج ولا بس تجيهم ايام الامتحانات وترجع ..!!

وقالي حرام تدرس كم سنة بعدين تجي الدوحة وتتفاجأ بأنه شهاتك مو معترف فيها ..

وقالي " اسئل عن كل شي قبل لا تفكر تسوي اي شي "

وبخصوص الدراسة بنظام الالتحاق فمادري يمكن هو مافهمني عدل لانه هذي فيها دوام بس مو دوام كاامل طول السنة ..

بس بالنسبة للموازي فأنا متأكد انه مو معترف فيه ..

وهذا بس علشان افيدك أخوي ... :)

[Nawari.Al-Qahtani]

لاني اصلن كنت مفكر ادرس بنظام احسن من الموازي والي اعتقد يسمونه التحاق ،، وهو مختلف عن الموازي ،، وهو اني اجي ادوام قبل الامتحان بشهر واقدم امتحانات وارجع الدوحة ..

وسئلت مسؤل في وزارة التربية والتعليم عن هذا الشي وقالي انه مو معترف فيه وماراح يصدقون شهاتي وقالي او شي بيطلبونه منك هو جوازك علشان يشوفونك هل كنت ادوام صج ولا بس تجيهم ايام الامتحانات وترجع ..!!

وقالي حرام تدرس كم سنة بعدين تجي الدوحة وتتفاجأ بأنه شهاتك مو معترف فيها ..
:)

احب اشكركم ع الموضوع الصرآحه فادني واكيد فاد غيري
بس
آلشيخ ماعليك امر بغيت تتأكد لي من موضوع الالتحاق وترد علي لو تقدر
وان شالله يكونون معترفين فيه : (

[Ahmed Alobaidly]

نعم اخوي التميمي فهمت اللي تقصجه
واذذ ماخاب ظني انا اللي خانتني الذاكرة
نعم بنظام الالتحاق يعني قبل الامتحانات بشر يداومون ويقدمون وهذا اللي راح يسوونه
والحمد لله كل امورهم تمام ومستفسرين زين مازين وحتى من وزارة العمل غير التربية :)

وبس

[Nadya AL-Owynati]

مشكووور اخووي احمد ومشكور انك افدتني..
ان بعد رحت المجلس الاعلى وقالو لي نفس الحجي مالنا شغل ف الوزارة وقالو لي من2010 بيلغون الوزارة وانتي لو رحتي درستي ف مصر بتتوهقين لان ماافي حد راح يعادل شهادتج.!.!

انزين سوال بد مااعليكمم امر يعني عشان ادرس ع حساب السفارة لازم ادرس موازي ولا انتظام يعني اذا ابي اعيش هناك وادرس مايصير..!!

وبخصوص التقديم ع جامعة القاهرة او عين شمس.. شلون اقدم اروح ع السفارة المصرية اللي ف الدوحة ولا اتصل ف سفارتنا الي ف مصر..

مشكوورين ويعطيكم الف عافية..

[Ahmed Alobaidly]

اختي اللي اعرفه واللي اقدر افيدج فيه
ان تكلمين السفارة القطرية اللي في مصر
وشووفي وش يقوولوون لج عن السبونسر وبخصوص انج تقعدين في مصر يصيير ليش لا
ومافي موازي الحين في التحاق تلتحقين بالجامعه قبل امتحاناتها بشهر وتمتحنين ولازم تكونين مقيمة في مصر
على الاقل شهر هذا اللي يخص الجامعه

واسهل طريقة تسجلين فيها كلمي السفارة اللي في مصر
http://www.qatarembassyegypt.com/arabic/default.aspx

بتحصلين ارقام اتصلي عليها وماراح يقصرون وياج اكيد
والتسجيل سهل يطلبون شهاداتج والله يسهل ان شاء الله

وقبل كل شي قبل ماتسجلين في الجامعه اسئلي عنها في الوزارات والمجلس الاعلى لو معترف فيها !
قولي لهم ان مابعد الوزارة وش بيكون الوضع على ماظن ان المجلس الاعلى بتكون عندهم !
واسئلي عن التخصص اللي بتتخصصينها
ونصيحه : دامج بتدرسين في مصر وعندج حيل للدراسة هناك سجلي في الجامعه الامريكية اللي تدرسين فيها 4 سنوات
وشهادتها بكاليورس و ماجيستير

يعني امريكية واكيد معترف فيهاا اهني وقوية وشهادتها 2X

والله كريم الله يوفقج اختي

[Abdulla Al-Tamimi]

ونصيحه : دامج بتدرسين في مصر وعندج حيل للدراسة هناك سجلي في الجامعه الامريكية اللي تدرسين فيها 4 سنوات
وشهادتها بكاليورس و ماجيستير

يعني امريكية واكيد معترف فيهاا اهني وقوية وشهادتها 2X



السلام عليكم

أخوي احمد بخصوص الجامعة الأمريكية الي في مصر

انت استفسرت عند من وقالك انها معترف فيها .. ؟؟

لانه واحد من الربع يبي يدرس فيها ونبي نستفسر عنها من فتره ومب عارفين نستفسر عند من ..!!

لانه الله يهديهم وزارة التربية والتعليم العالي المسؤولين الي اهناك نصهم مايداومون وصارلي فتره كل ماسئل عن واحد بالتلفون يرد علي سكرتيره بنفس الجواب (( طلع عنده اجتماع ))

ومادري شهل اجتماعات الي ماتخلص .. :39:

والمهم يالغالي ياليت لو تقولي الجه المختصه علشان اقول حق رفيقي يروح يستفسر عندهم او عند الشخص المطلوب

وتسلم .. :)

[Ahmed Alobaidly]

والله ياخوي انا مابكتب اي شي الا متاكد منه
مثل انت ماقلت لو يبي يستفسر يروح يسئل الشركات والوزارات
لان بيتوظف فيها بعدين
كييوتل تعترف فيها وفي غيرها كثير .. !

روح اسئل عند هالشركات والوزارات

والله يوفقكم

[Abdulla.AL-Khulaifi]

المختصر المفيد

الجامعات المعترف فيها والي مسجله في السفارة القطريه في مصر هي 4 جامعات ( القاهرة - عين شمس - الازهر - الاسكندريه ) وفي بعد الاكاديميه العربيه للعلوم والتكنلوجيا والنقل البحري وهذي مسجلين فيها طلبه قطريين اعدادهم معقوله وفي وزارات تعتمد هذي الاكاديميه وفي وزارة متأكد منها 100%

هناك جامعات خاصه وفيها طلبه قطريين بس عاد هل تعتمد ولا لا هذا الشئ ماعرفه

اخر بعثات كانت من وزارة البلديه وكانت العام الماضي وكانت لجامعة القاهرة ولتخصصات هندسة وراثيه وطب بيطري