حقوق الرجل..!!

[Amna M. Murad]

السلام عليكم ورحمة الله وبركاته

في البدايه فلننظر لهذه الصورتين..

http://www.up7up.com/pics/n/23/1214690308.jpg
هذا كان محتوى الصوره الأولى..
http://ar.wikipedia.org/wiki/%D8%AE%D8%A7%D8%B5:%D8%A8%D8%AD%D8%AB?search=%D8%A D%D9%82%D9%88%D9%82+%D8%A7%D9%84%D8%B1%D8%AC%D9%84
::

http://www.up7up.com/pics/n/23/1214752406.jpg

::
:

موضوع كان يدور في بالي..:39:

و هذه هي محاور النقاش:

1-هل مصطلح "حقوق الرجل" موجود..؟
2-اذا كانت الاجابه بنعم..فماذا يشمل هذا المصطلح (امثله)..؟
3-اذا كانت الاجابه بلا..فلماذا..؟
4-مقارنة بمصطلح "حقوق المرأة"..ما مدى اهميته..لمجتمعاتنا العربيه..؟

وشكراا..
ننتظر ردودكم و آرائكم..
:)

[Abrar Al-Janahei]

حلو موضوعج يا آمنة :):)

من رايي ..

كل حد له حق .. وحقه يكون في اي موضوع له حق فيه .. اما اذا ماله حق .. فماله حق حتى لو الحكومة عطته الحق ان يكون له حق فيه

^
مادري مفهومة ولا لاء


لكن بما ان الرجال اشقاء النساء .. ولا فرق بين لشقائي .. فحقوقنا سواء .. لكن حق الرجل يختلف عن حق المرأه .. بسبب الأختلاف الفطري والعام


وموجودة حقوق الرجل .. واول حق .. انه له الحق بإنه يكون عنده حق في هالأرض
ونفس الي للمرأه

مادري ليش صار في رواج لهلمصلح .. هو بالفطره موجود ..

وغلب الاعلام في جعل ان حقوقالرجل اكثر من المرأه .. اجوفه خاطئ .. خصوصا في قطر ..

الحمدلله مافي تمييز

[Amna M. Murad]

اختي ابرار..تشكرين على ردج الرائع..
لاكن شنو الامثله لحقوق الرجل..
مثلا المرأه عرفنا..
ان مثلا دافعوا عن حقها بقيادة السيارة او عن حقها بالتعليم..الخ..

الرجل..اين موقع اعرابه بين كل هذا الدفاع عن حقوق المرأة..؟

[khaled Al-Marri]

مشكووره اختي Amna M. Murad ,,

اولا كلمه "حقوق الرجل " موجوده بس نادره ,,

لانه مظلوم وساكت ومهظوم الحق ,,

له حقوق على زوجته
عائلته
اولاده
اقاربه
فزوجته انها تعطيه حقه الكامل في المعاشره وتلبي جميع اوامره ,,

وان تتجمل له فهناك عدد لا بأس به من الزوجات لا يتجملون لأزواجهم ,,

بل يتجملون لصديقاتهم واهاليهم ,,

اما اولاده فإذا كان كبير السن ان يقدروه وان يعنتوا فيه وان يستشيروه وان يبرووه ,,

اما لعائلته فعليهم توفير البيئه الامنه للعيش فيها عندما يكون قاصرا وان يوفرا له التعليم الجيد ,

وان يربووه تربية جيده ,,

اما بالنسبه لاقاربه فعليهم ان يصلوا الرحم به خصوصا اذا كان يمر بظرووف ماديه وغيرها ,,

او اذا كان كبير السن ولا يستطيع ان يصلهم ,,

ومشكووره مره اخرى على الموضوع المهم ,,

ويعطيج الف عافيه ,,

دمتِ بود ,,

:)

[Amna M. Murad]

يعطيك العافيه على الردز.كفيت و وفيت.
بس نفس ما قلت الكلمه نادره..
هاي وجهة نظري بعد..
هل تعني ندرتها ان الرجال مآخذين حقوقهم كامله..
او انها ما لقت من يتبناها..
مثلما لقى مصطلج "حقوق المرأه" متبنين له..
هل هاي يرجع الى ان المرأه بطبيعتها متكآتفه مع اختها المرأه..
بينما مجتمع الرجل مجتمع تنافسي..
ولا في اسباب غير جي تماما..

[S.A.M]

لانه مظلوم وساكت ومهظوم الحق ,,


:)



مساكين الرجال

:)

[khaled Al-Marri]

يعطيك العافيه على الردز.كفيت و وفيت.
بس نفس ما قلت الكلمه نادره..
هاي وجهة نظري بعد..
هل تعني ندرتها ان الرجال مآخذين حقوقهم كامله..
او انها ما لقت من يتبناها..
مثلما لقى مصطلج "حقوق المرأه" متبنين له..
هل هاي يرجع الى ان المرأه بطبيعتها متكآتفه مع اختها المرأه..
بينما مجتمع الرجل مجتمع تنافسي..
ولا في اسباب غير جي تماما..

مشكووؤة اختي ,,

على الرد الخاص ,,:8888:

الحمدلله عطيتيني حقي في الرد ,,:)

اولا :

الكلمه يمكن نادره صح او يمكن ما احد تبناها ,,

الحاله صحيحه في كلا الاختيارين ,,

وبعدين اختي ,,

ترى في فرق بين المرأه والرجل ,,

المرأه اذا انهضم حقها تشتكي للهيئات المختصة((دار الانماء الاجتماعي والمجلس الاعلى لشؤون الاسره وغيرها من الهيئات )) ,,

اما الرجل مستحيل يشتكي لهذه الهيئات ,,

على الاقل

المرأة بتروح لهم بتقووول اهلي او زوجي مب معطيني حقي ,,

اما الرجل ما اتوقع ابدا انه يروح لهذه الهيئات ويشتكي من حريمه ,,

يحس بالذل ,,

ومشكووورة اختي على هذا الطرح الطيب ,,

والعقل الواعي والركز ,, :)

[Amna M. Murad]

يعطيك العافيه اخوي..
صحيح..الرجل بيتردد مرتين قبل
لا يعلن انتهاك حقوقه من النواحي الي ذكرتها..
و اغلب الضن ان اعلانها ممكن يعني له
عجزه عن اخذها بنفسه..
و احساسه بابداء نوع من الضعف..
وكلنا نعرف كيف ان كلمة الضعف
بأي موقف و كلمة الرجل..
لا يحبذ اجتماعهما معا..
ويستنكر اجتماعهما اغلب افراد المجتمع..
مثل هذه المواقف..
كمثل الذي يستنكر بكاء الرجال..
وكأنهم مجردين من
الاحاسيس..

[S.A.M]

مادري اذا تتفقون معاي يا جماعة الخير لو نتكلم على مستوى مجتمعاتنا محد ماخذ حقه كامل سواء كان هذا الشي مقصود ولا غير مقصود

في اشيا كلنا مشتركين فيها ومحد يقدر يعترض عليها وهي ان كل انشان عنده حقوق عامه تستوجب المحافظه عليها :

- حق العباده
- حق الحياة
- حق الملكيه
- حق التعلم
- حق ماعرف شاسميه بس نقول حق الحفاظ على الجنس الانساني

وهذي يسمونها العلماء : الحقوق العام او حقوق الله او الضرورا الخمس للمصلحه العامه الي خذنا بابتدائي مادري اعدادي:

- حفظ الدين
-حفظ النفس
-حفظ المال
- حفظ العقل
-حفظ النسل


واي شي يفسد اي حق من هالحقوق يعتبر سالب لحقوق الانسان...فنجي في الحروب تضيع كل هالحقوق فيصير فرض علينا ننادي بالحقوق لكل المجتمع...عشان جذي في في بلده مثل العراق او فلسطين الرجل مسلوب الحق مثل مالمرأه مسلوبة الحق

في مجتمعات آمنه مثل مجتمعاتنا ممكن يصير اختلال بالتوازن ... يعني مثلاً زمان كان تعلم المرأه في الجامعه مب شي محمود او مب منتشر ومب مهتمين في تعليم البنات كثر الاولاد..فيصر عندك انك سلبت من المرأه حق وهو حق حفظ العقل وهالشي من الدين...والرجل ماظن محروم من التعلم او الاستمرار في التعلم

حق حفظ النسل يمكن المجتمع اليوم يهتم فيه بالمرأه - من الناحيه الصحيه والتوعويه- اكثر من الرجل لكن خيره عائد للرجل والمرأه . قبل المرأه كانت تتعرض انها تموت في النفاس بسبب سوْء توعيه القابله لها او الي حولها مب مساعدينها..واليوم المرأه تعرف الي لها والي عليها (وهذا مجرد مثال بسيط كيف ان جهلها ممكن يودي بحياتها)..فلما صار حق التعليم حق مشترك (ومب شرط التعليم المدرسي فقط) انقلب الخير للمجتمع كله

وقس على ذلك الحقوق الاخرى

فهل الرجل يبي ينافس المرأه في هالحقوق؟ عيل اقول صج (لإيلاف قريش) النعمه الي ما انحرمتوا منها اشكروا ربكم عليها

الحقوق الثانيه والي هي اقل أهميه من الضرورات الخمس -مع اهميتها- مثل حرية التعبير فهذي اذا انسلبت من الرجل فهي مسلوبه من المرأه بالمثل...فما يحتاج نقول حق الرجل مسلوب ..ولكن حق الشعب مسلوب


اما عالمستويات الشخصيه ..فالحقوق والواجبات تبادليه ومتكامله..

ان شا الله الصوره وصلت

[Dhoha Al Meer]

الموضوع وايد حلو تسلم الايادي
بس مثل ماقالت اختي S.A.M ان محد ماخذ حقه كامل هالشي قد يكون اجباري مثل الحروب
وهاي اعتداء على حقوق الانسان او ان شخصي في ناس تسكت عن حقها
يعني انا مره كنت في مطعم بالمول و كان في 2 بريطانين هو طلب بيتزا و اكل ربعها و بعدين قال حق الي تشتغل there is something wrong with the cheez
وقالها شيلي الصحن انا مارح ادفع للطبق وجات قالت له تبي شي قالها شكرا
وفي نفس المطعم كنت طالبه اكله و كانت باايته و يوم قلتلها رجعي خلاص انسدت نفسي قالت مايصير لازم نحسبه طبعا انا تذكرت الموقف و عاندت ومادفعت:D
بس حقوق المراه طلعت لان المراه ماكان لها الحق مثل الرجل يعني بالسعوديه مثال المراه ممنوع انها تسوق هنا تطالب بحقها انها تسوق لكن الرجل بشنو يبي يطالب !!
دور المراه سياسيا .. طول عمره كان للرجل حق حتى باكثر الدول تقدما للرجل له الحق
يعني هاي محاضرة انا حضرتها بلفربول لوحده تشتغل بمؤسسه بريطانيه حق الاستيراد والتصدير بالشرق الاوسط شي من هالقبيل و سوالها بنات اذا تحسين في فرق بين الرجل والمراه قالت طبعا شي صعب ببريطانيا يعني عشان هي تمسك هالمنصب كانت مجبروه توقع على اوراق انها لمدة سنتين لازم تستعمل حبوب منع حمل .. يعني حرموها من حقها انها تكون أم صح هي مو مجبوره بس ليش يكون هالشي عائق ..؟؟ و في دول عربيه وايد و حتى بقطر نساء وصلوا لمناصب ومراكز لو كانوا متزوجين ماكانوا يقدرون يوصلونها التضحيه بشي عشان شي ليش ماقدر احصل الاثنين مع بعض وماانكر وجود نساء ناجحين و لهم اسر وبيوت
و يمكن عكس الدوله الاجنبيه احنا بالخليج المراه عشان تمسك منصب لازم يكون عندها شهادات و خبرات و مدري ايش لكن ممكن في نفس الوقت رجل ماعنده نص شهادتها لو حتى الربع ان يمسك نفس المنصب طبعا غير الواسطات اكثر المناصب ماسكينها رجال و تفكير الرجل الشرقي اكيد راح يفضل رجل انه يكون مدير وغيره طبعا انا ماعمم بس الاغلبيه
واذا كان الرجل لاياخذ حقه من زوجته فهو مايحتاج لجنه عشان تجبر زوجته تقوم بهالشي
الدين نفسه يجبرها و اذا دينها ماكان كفايه الشرع حلل للرجل انه يتزوج 4 ويقدر يطلق
واذاا كانت الزوجه لا تتجمل حق زوجها بس تتجمل حق صديقاتها .. هل المشكله تكون بس بالزوجه ممكن هو ماينتبه او مايقدر هالشي بكلمه حلوه صح بينه وبين نفسه ممكن يستانس بس هل قدرها شكرها؟؟ حقوق الزوجين غير عن حقوق الرجل والمراه
فاذا هناك رجل مو قادر يتواصل مع زوجته فاصلن هالشي غلط لان التواصل والاحترام و تلبيه حاجة الغير هي اساس الزواج

سوري على الاطاله و مشكوووورين و يعطيكم العافيه على الموضوع الحلو و الردود الاحلى :)

[Sh.W]

كمجتمع خليجي ما نعترف بحقوق الرجل،، وحقوق المراءة مصدرها أجنبي،، لانه كمجتمع عربي حقوق المراءة موجودة الحمدلله،، لكن في الوقوع في ظلم ،، تكون الحقوق موجودة
نفس الشي الرجل ممكن ينظلم،،لكن بعض العادات والتقاليد في المجتمع الخليجي
تهضم هذه الحقوق الموجودة..


تسلمين اختي آمنة على الموضوع.. جديد علينا =)

[Amna M. Murad]

يعطيكم العافيه اخواني و خواتي..
على ردودكم الي اثرت موضوعي..
و اتمنى لكم دوام الاستفاده..

:)

[khaled Al-Marri]

الموضوع ما خذا حقه :D ،،

عندج أختي آمنه ،،

مثل المُطلق والمطلقة ،،

المصطلح الشائع ،،

احنا نقول :

فلانه مطلقة ،،

ماعمري سمعت حد يقوول ،،

فلان شخص مُطلق ،،

وكذلك الأرمل والأرملة ،،

المصطلح الشائع ،،

فلانه أرمله ،،

ماقد سمعت حد يقوول ،،

فلان شخص أرمل ،،

ويعطيج العافية على مثل هذه المواضيع ،،

بس حبيت أوضح وجهة نظري ،، :)

دمتِ بوود ،،

:)