دراسة الماجستير في المحاسبة

[Maha J A A AL-Kuwari]

السلام عليكم ورحمة الله وبركاته

لوسمحتوا ابغي بس حد ايدلني إذا كان هناك فيه جامعات معتمده في الخليج أو الدول العربيه لدراسة الماجستير عن طريق الانتساب - خاصه اني ام و ما أقدر أترك أولادي فتره طويله - وفي نفس الوقت ما أقدر أترك طموحي و اتخلى عنه ( محتاره ارجوكم ساعدوني )

جعله الله في ميزان حسناتكم.:clap:

[M. Al-Merekhi]

مرحبا اختي الغاليه ...

في برنامج لدراسة ال CPA وهي تعتبر من اعلى درجات الماجستير في المحاسبه و هالشي يتم بالانتساب ... تروحين تمتحنين في امريكا و تردين و الشي الحلو فيه انج تدرسين و تتجهزين في كلية الادارة والاقتصاد في جامعة قطر ... طبعا هالشهاده من اقوى الشهادات و معترف فيها و الاحلى من جذيه ان الجامعه و الكليه يجهزونج عدل قبل لاتروحين تمتحنين ... انا اعرف كم وحده من زميلاتي يدرسون هالشهاده .

اتمنى اني افدتج اختي ...:)

و بالتوفيق الغاليه ... واذا في شي ثاني بليز لاتترددين في السؤال :)

[Maha J A A AL-Kuwari]

جزاج الله خير وما قصرتي ،،، أنا باروح جامعة قطر اليوم و بأشوف شو المطلوب ،،
ادعي لي بالتوفيق ،

[M. Al-Merekhi]

جزاج الله خير وما قصرتي ،،، أنا باروح جامعة قطر اليوم و بأشوف شو المطلوب ،،
ادعي لي بالتوفيق ،


ربي يوفقج عزيزتي ... بشريني عنج و اي شي تبينه انا حاضره و بالشوفه الغاليه ...

الله يوفقج :)