ممكن مساعدهـ

[Mneera AL-Dosary]

بسم الله الرحمن الرحيم
السلام عليكم ورحمة الله وبركاته

بصراحه انا متردده ادخل كلية شمال الاطلنطي لاني قريت بعض المواضيع في القسم للاسف ماتشجعت ادخلها

اولا : في ناس تقول شهاداتها مو معترف فيها وفي بعضهم يقولون معترف فيها ..

وثانيا: انا بصراحه سمعت عن هذه الكليه بعض الشباب والبنات اخلاقهم دنيئه ومغازل وخرابيط .

احترت والله ادخلها ولالا .. واذا دخلتها وشفت هالمسخره ماقدر اكمل سنه في هالكليه

ياليت اللي يدرس في هالكليه يفيدني لاني بصراحه محتاره

[Maha J A A AL-Kuwari]

يعطيج العافيه حبيبتي ( اطلبوا العلم ولو في الصين )... وفيه مثل قطري يقول كل ديره فيها مقبره ، يعني كل مكان مثل مافيه الزين والمحترم لازم بتلقين فيه المسخره وغيرها ( الحافظ الله ) وكل انسان يعرف يوضع حدود لنفسه وحدود للي حواليه وغصب عنهم إذا انه محترم بيحترمونه وماراح يعملون المسخره قدامه لأنهم يعرفون الحدود اللي وضعها هو لنفسه وللي حواليه .
حبيبتي كملي دراستج في المكان اللي اتشوفين نفسج راح تعطين وتاخذين منه اللي يفيدج ويفيد مجتمعج.......... ( ما خاب من استخار ) استخيري في كل امر وراح الله ايسرلج امرج .
بالتوفيق

[Mneera AL-Dosary]

الله يعافيج حبيبتي ..

الحمدالله استخرت وقراري الاخير خلاص ماراح ادخل هالكليه وان شالله انه خير لي ..

بس ابي اكمل دراستي بس ماعرف عن الكليات الثانيه :39:

وخاطري الانتساب في جامعات الامارات واللي يعرف عنها شي يفيدني

مها الكواري اشكرج على البادره الطيبه والله يوفقج يارب ويعطيج العافيه

[Hmd Mohd]

بسم الله الرحمن الرحيم
السلام عليكم ورحمة الله وبركاته

بصراحه انا متردده ادخل كلية شمال الاطلنطي لاني قريت بعض المواضيع في القسم للاسف ماتشجعت ادخلها

اولا : في ناس تقول شهاداتها مو معترف فيها وفي بعضهم يقولون معترف فيها ..

وثانيا: انا بصراحه سمعت عن هذه الكليه بعض الشباب والبنات اخلاقهم دنيئه ومغازل وخرابيط .

احترت والله ادخلها ولالا .. واذا دخلتها وشفت هالمسخره ماقدر اكمل سنه في هالكليه

ياليت اللي يدرس في هالكليه يفيدني لاني بصراحه محتاره

السلام عليكم اختي
في الحقيقه الكليه ماعليها كلام وانا امخلص منها دبلوم ومقبول في معظم الجامعات خاصه في بريطانيا اذا انتي تفكرين تدرسين برع بعدين في المستقبل اما اذا انتي تبين توظفين بعد شهادتها زينه يعني في اماكن يعطون كبار الموظفين سنيور ستاف في الدوحه وفي اماكن لاء يعني شهادتها تنفع وانتي ماراح تخسرين شيء وبعدين عن سمعتها ماعليج من احد انا ادشها واحط على عيوني نظارات ومالي شغل في احد وانتي داشه تدرسين موب داشه تتعرفين او انج تبين سمعه يعني من الكليه وعلى قولتي اختي الي فوق كل مكان فيه مقبره وفيه الزين والشين وكلن يعرف مخلاصه وانتي الرأي الاول والاخير يعود لج وانا اشوف انه ماعليها كلاااااااااااااام ابدا

بالتوفيق

[Ali Alkuwari]

اي مكان مختلط فيه سوالف المصخره .. سواء شغل .. دراسه .. اي شيء

وبالنسبه لهذي السوالف انا كنت اسمع وايد كلام قبل لا ادخلها

بس طلع 95% من هالكلام .. كلام فاضي وخرابيط

بالنسبه لشهادة الكليه .. الشهادة قوية بس هي دبلوم فقط

ونصيحه اختي .. ياليت تغيرين الصوره اللي حاطتها

[S.A.M]

الاخت منيره اسإلي عن الجامعه الامريكيه بالشارقه ..وايد يمدحونها

[A.O.A]

هلا اختي , مثل ما الاخوان قالوا كل واحد فيه الزين والشين في اي مكان, اذا انتي داشه عشان دراستج وانتي كنتي محترمه نفسج الكل بيحترمج غصبن عنه, الكليه اجوفها دراستها قويه وايد, صج هي دبلوم بس تقدرين تكملين في اي مكان برع قطر

نصيحه لكل اللي يقرى هالموضوع: ماعليكم من الكلام اللي تسمعونه عن الجامعه, الجامعه زينه , اذا الشخص ملتزم وغرضه وهدفه هو دينه وخلقه ودراسته كل شيء بيمشي 100% والله يوفق الجميع...

[Ahmed Alobaidly]

اخوي هي
كلية
يعني الشهادة اللي بتاخذها دبلوم مهب معترف فيها الا في الشركات اللي هم يبعثون شباب لها
باختصار لو تبي تدرس زييد سنتين لها وادرس في جامعة قطر ابرك لك واللله
والسموحه ع الرد

[Dana.Al-s]

اختي ... مثل ما قال اخوي علي الكواري وانا اقولج ترى انا بنت ومثل ماكنتي تفكرين ومتردده انا

كنت مثلج لاكن بعد مادخلتها انا ماتحسفت. وفعلا كل الكلام اللي تسمعينها اذا علي يقولج %95

غلط انا اقولج%99 غلط ... انا سمعت بلاووووي لاكن اخر شي كله طلع خرااابيط والحمدلله

بتشوفين ان الكل ف حاله وما شالله شكثرهم البنات هناك ووصج اتمنى تغيرين نظرتج للكليه والله

يوفقج ان شالله

[khaled Al-Marri]

موفقه أختي إن شاء الله ،،

ما شاء الله عليهم أخواني ،،

كفوا ووفوا ،،

وأنتِ إستخرتي ،،

شوفي الأنسب لج ،،

وأدخليه ،،

دمتِ بووود ،،

:)