المساعد الشخصي الرقمي

مشاهدة النسخة كاملة : بنات الفكر

Ali Almarri
27-05-2005, 03:07 AM
السلام عليكم ورحمة الله وبركاته

هذي قصيده ولو اني ما كملتها بس امتحانات وزحمه قلت اكتبها

ولو انها ما لها حلاه بس ما قدرت اكملها من الأمتحانات
وان شاء الله لنا رجعه لكم

يابنات الفكر ودي اتغنى بالقصيد....شاعر ما هاب يمشي على وعر الدروب

والله أن اكتب حروفن على وزنن جديد...وأتحدى أي شاعر يهدد بالحروب

والله أن أسن سيفي على بيت النشيد....وتختلط الأفكار عندي ولا يمكن أتوب

ما أتوب الا لربي وجسمي من حديد....ما انحنى جسمي لغيره على كثر الكروب

الحقيقه ياقصيدي ولا عنها تحيد....خل عنك المزح فيها ترى عني تنوب

أتصبر كود صبري مع المده يفيد....يوم بعض الناس دبر يهوجس بالهروب


والسموحه على القصيده الناقصه ..وأبشروا بالعوض

أخوكم/علي المري
Hamad Al-Ibrahim
27-05-2005, 03:11 AM
صح لسانك يا علي , وسلمت الانامل الي كتبت
Ali Almarri
27-05-2005, 03:12 AM
مرحبا ومسهلا ...صح بدنك ...ويسلم راسك


وتسلم على المرور يالغالي
Hamad Al-Ibrahim
27-05-2005, 03:20 AM
بسألك الغالي, كلماتك الصراحه حلوه وتنفع للاناشيد هل تمانع نعرضها على المنشدين ونحاول نسوقها بعلمك؟
Ali Almarri
27-05-2005, 03:24 AM
مرحبا بك ...تآمر أمر ....بس منو اللي راح يوافق عليها

بس مثل ما قلت لك ما عندنا الا حلالك


وتسلم على المرور يالغالي
Hamad Al-Ibrahim
27-05-2005, 03:29 AM
بالعكس والله,وايد منشدين يدورن كلمات حلوه....وتدري ساعات الواحد عنده هالقدره لكن يبي حد يوصله...فخلني اعرضها على ربعنا في قطر وارد عليك خبر باذن الله اذا صار اي شي

صح لسانك مره 2 ويعطيك العافيه
Hamad Al-Ibrahim
27-05-2005, 03:33 AM
هذي قصيده اكتبتها وحده من بنات المنتدى,و نشدها واحد من اخوانا فيالله شد حيلك والله يوفقك في الامتحانات

http://www.qataries.net/vb/showthread.php?t=1073
Ali Almarri
27-05-2005, 11:22 AM
تسلم يالغالي مره ثانيه ....بصراحه شغل حلو وترتيب اجمل

مشكور على اللنك يابو شهاب..والله كريم
Mohamed Al-Naimi
27-05-2005, 12:42 PM
.. 97 lsank a5oe Ali ..

.. ma mnk q9oor ..

.. mnt'6reen baqee alq9ayed ..

.. wa baltawfeeq in Ur exams ..
Meshal Al-Malki
27-05-2005, 03:32 PM
صح لسانك لسانك ياعلي ولاتحرمنا من جديدك وشد حيلك في الامتحانات جعل ربي يوفقك
Saoud Albinali
27-05-2005, 08:30 PM
.. 97 lsank a5oe Ali ..

.. ma mnk q9oor ..

..oo 97 alsank..
Ali Almarri
28-05-2005, 07:21 PM
مرحبا مليون أخوي محمد النعيمي.وصح بدنك ياغالي

وأبشر ان شاء الله ...والله يوفق الجميع
.................................................. .........................

مشعل المالكي ...اسفرت وأنورت المشاركه بمرورك العطر...

وصح بدنك يالغالي..وأبشر بالخير



.................................................. .......................

أخوي سعود البنعلي...مرورك يفرح القلب ...صح بدنك يابو عبد العزيز

وتسلم طال عمرك يالغالي

........................

أخوكم/علي المري
Jassim Al-Khaldi
28-05-2005, 08:04 PM
الله يوفقك إن شاء الله يا علي

وتسلم يمناك على ماكتبت

ولا تحرمنا من جديدك طال عمرك


أخوك الصغير جاسم الخالدي
Mubarak Al-Marri
05-06-2005, 05:57 PM
صح لسانك اخوي علي

اسمح لي على التأخير في الرد

التعليق لايوفي قصائدك حقها ...فمهما قلت لن انصفها

لا استطيع الا ان اقول ....ابدعت وهي ناقصه

فكيف بها اذا اكتملت؟؟

تحياتي
Hamad Al-Qahtani
05-06-2005, 11:53 PM
صح لسانك.... اخوي علي... ولا تبخل علينا بالكلان الطيب هذا
Ali Almarri
06-06-2005, 12:56 AM
هلا بك أخوي جاسم الخالدي ,صح بدنك يالغالي

تشرفنا بمرورك يابو محمد ..جعلك ذخر يا اخووي

.................................................. ..............

أخوي مبارك ...أرحب ارحب يالسنافي

صح بدنك ...ومسموح يالغالي ...وأبشر بتكملتها عن قريب

.................................................. .................

حمد القحطاني ...مرحبا بك مليون مرورك زادنا ثقه

وتعليقك يرفع معنوياتنا ....صح بدنك يا بو شهااب

وأن شاء الله نكون عند حسن الظن يالغالي

.....................
أخوكم /علي المري
Meteb Al-Qahtani
06-06-2005, 01:04 AM
السلام عليكم

صح لسانك يابوحمد

وانشالله تعطينا القصيده كامله في الايام الجايه

وبالتوفيق للجميع في الاختبارات
Ali Almarri
06-06-2005, 01:09 AM
مرحبااااا ملايين يا بو مبارك

صح بدنك يالغالي ..يوم شفت رردك قلت الله يستر

قلت سواها ونفذ تهديده

مرورك وسام على الصدر يابومبارك ولاهنت
Rashed Qarh
22-06-2005, 08:34 AM
ياعلي كنك تحديت من باب القصيد::::::دونك ابشر بالتحدي على شتى الدروب
احمد الله اجبر القاف للبحر العنيد::::::وفي مجال الشعر طاغي ولا ارضى بالرسوب
يابنات الفكر ردي سلامي من جديد::::::وخبريه الشعر مفتاح للبواب القلوب
نبغي القاف المرتب وغيره مايفيد::::::نبغي انجر المواويل بالحن العذوب
بندقي والسيف في الساني الي مايحيد ::::::عن طريق الصدق ماهوب كذاباً كذوب
كلما زاد التحدي معه فرحي يزيد::::::والله اني في التحدي حماسي وطروب
والسموحه على القصور يالغالي
Ali Almarri
21-07-2005, 06:33 AM
مرحبا مليون يا بوعبدالله

لنا رجعه في القريب العاجل صح لسانك وبيض الله وجهك

مابه قصور يالغالي
Ali Almarri
23-07-2005, 01:10 PM
مرحبا باللي تغنى وأنا منه بعيد......والرحا لو دار عندي أنا بقول هووب

كان عادك طاغيه وأنت قلبك من حديد...لا تواجه ديكتاتور به العلقم شروب

يابنات الفكر دزي الرسايل بالبريد........ يمكن الشاعر يفكر .. يفكر ثم يتوب

يبغي القاف المرتب مع البحر الفريد ......والسوالف لجل يطرب لها القلب اللعوب

سن سيفك يالسنافي وحاول لو تصيد .....للسيوف دروع والنار تحييها الهبوب

والبنادق ما تفيدك وناري تستقيد..........أتحمس لا طرالي قصيدك ياطروب

والسموحه على القصور يابوعبدالله