طرد 7 بريطانيين من قطر

[Fahad Buhendi]

كنت مع احد الاصحاب وقال لي قصة صاحبه البريطاني

فقد قال صاحبه البريطاني ان 7 من اصدقاءه البريطانيين (بعضهم اسكتلنديين) قد تم طردهم من الدوحة في السنوات الماضية

والسبب انه تم القبض عليهم في حالة سكر اثناء قيادة السيارة

واعرف قصة بريطاني تم القبض عليه وتم سجنه لتعاطيه الكحول وقيادة السيارة

ثم تم سجنه مرة اخرى لان عليه ديون من البنك حيث لم يسدها بسبب طرده من قطر للبترول وايقاف راتبه

ثم قام بتسديد المبلغ والسفر من قطر

الصراحة شعرت بالفرحة لان الدولة تطبق القانون على هؤلاء الذين يظنون انفسهم فوق القانون .. فانا اعرف بريطاني من اصل عربي يتعامل وكان حكومة قطر لاتستطيع ان تلمس شعره من راسه

الحين راح اسمعه هذي القصة اول ما اشوفه

[A.A.Al-Nasser]

شكراً أخوي على الخبر.. وأتمنى لو توافينا بتفاصيل موثقة عن الخبر... :)

وتعليقاً على كلامك :

الصراحة شعرت بالفرحة لان الدولة تطبق القانون على هؤلاء الذين يظنون انفسهم فوق القانون .. فانا اعرف بريطاني من اصل عربي يتعامل وكان حكومة قطر لاتستطيع ان تلمس شعره من راسه


والله معاك حق.. شفت كذا موقف قدامي لأشخاص عرب يحملون جنسيات غير عربية يرددون نفس الكلام...

يعني مثلاً واحد عربي يقول حق الشرطي يوم وقف سيارته للمخالفة... يوم اسأله عن جنسيته.. : "أنا كندي.. شتبي تسوي يعني...؟!! " >> يعني أتحداك تزخني...!!!!!
:
:
:

[Fahad Buhendi]

يعني مثلاً واحد عربي يقول حق الشرطي يوم وقف سيارته للمخالفة... يوم اسأله عن جنسيته.. : "أنا كندي.. شتبي تسوي يعني...؟!! " >> يعني أتحداك تزخني...!!!!!
:
:
:


كلام سليم

وهناك قصة اخرى لموظف عربي عنده جواز بريطاني في قناة الجزيرة صدم باكستاني بسيارته .. ولما قبضوا عليه الشرطة رفض انه يدخل شرطة العاصمة الا ومحامي السفارة معاه

وهناك شخص سرق من مؤسسة نفطية كبرى بالدوحة عدة ملايين .. ولما كاد ان يقبض عليه هرب الى داخل السفارة الامريكية

مثل هذي القصص نسمعها كثير

وياليت الي عنده قص يكتبها

والحق يقال اني اعرف شخص عنده جواز امريكي وهو محترم جدا وقلبه ابيض

[A.Al-mohammadi]

السلام عليكم ورحمة الله وبركاته

مشكور أخوي على طرحك لهذا الموضوع..

ومن وجهة نظري..حلاة الثوب رقعته منه وفيه..يعني ماخلوا خبير إلا وجابوه من بلاده سواءً بريطاني أو من أي جنسيه أخرى..وآخرتها ضروا البلد وخسروها أكثر من ما فادوها..ومره كنت أسولف مع وحده كنديه جايه مع زوجها اللي مرتبط بعقد عمل مع إحدى الشركات..فقعدت تتكلم عن البدالات اللي تنصرف لهم..تصدقون إنهم ياخذون بدل إنهم تخلوا عن بلادهم المطوره علشان يجون لبلد همجيه أو غير متطوره..وغير البدلات اللي لهم وحق عيالهم..وآخرتها يأكلون من خيرنا ويذمونا..مايدرون إنه إحنا وصلنا لإنجازات ماراح يقدرون يوصلون لها إلا عقب 100 سنه..

الله يديم علينا خير هالبلاد ويحفظها من كل شر يارب..

[Ali H. Al-Emadi]

والله زين انهم اطردوهم لضبطهم يسوقون وهم في حالة سكر

واحد من الشباب الله يذكره بالخير كاانت سيارته وسياره اخوه واقفين برع البيت وجيه واحد كأنه فنزولي سكران ،، ويدخل في موتر الريال وموتر اخوه ، وفوق كل هاي ، موتر ولد الجيران ما سلم منه ،،
وكل هاي علشان سكران ،، طبعا ما تأكدت من الحكم النهائي على السكران ، اتوقع انه تسفر ،،

[Sh.W]

الحمدلله على هالإجراءات،، سمعت الكثير من القصص عن السكارى و فيه مواقف يتحدوون فيها القطريين،، سواء مسؤول او غيره

[Essa Al-Mansouri]

تسلم على هالمواضيع...

الصراحة شعرت بالفرحة لان الدولة تطبق القانون على هؤلاء الذين يظنون انفسهم فوق القانون .. فانا اعرف بريطاني من اصل عربي يتعامل وكان حكومة قطر لاتستطيع ان تلمس شعره من راسه

صاحب الجواز لو انه بريطاني ما بيطولها وهي قصيره لأنه عارف قدره ومحترم نفسه. ولو تقول لهم يا جماعة خرقتوا القانون بيقدرون هالنقطة وبيستحون على وجيههم. هم عندهم مبادئ تمشيهم بغض النظر بريطانين أو غيره لأن النظام في بلادهم والمجتمع هناك أنشأهم ورباهم تربية سوية, مقارنة بالنظام التربوي الحالي في الأنظمة العربية. فالمشكلة تبدأ في العرب إذا عطوهم جوازات بريطانية أو غيره, وما طامة العربي إلا العربي.

الكلام مذكور على وجه العموم وليس من باب التعميم.

[fatma.j]

عاد تبون الصج .. احنا عندنا عقدة من الاجنبي اقصد الاوروبيين .. احس حتى وهو غلطان يكون عالراس من فوق .. ولو بينفذون أي حكم فيه .. يكون بمنتهى الرفق والادب بعكس الغير !!

وان شاء الله مثل ماتقول اخوي ان الحكم تنفذ في هالسبعه بالفعل!

[Abdulla Y Al-Mulla]

ياجماعة صح مافي حد فوق القانون وكلنا شفنا الثلاث وزراء اللي طيحوهم في سالفة الاسهم !

لكن الصراحة مثل ماقلتو هالاجانب وايد ماخذين راحتهم في بلادنا

والقهر لما يجيك واحد من اصل عربي وشايف نفسه وبعضهم للاسف جوازاتهم قطرية

ياخوان عمركم شفتو دولة خليجية المواطن فيها ياخذ اقل من المقيم !!

انا ماقصد المقيمين الفقارة المدرسين وهالسوالف

اقصد القطاع شبه الحكومي لان الحكومي مسيطرين عليه ومثل ماقال وزير

العمل وتكلم عن سياسة التقطير لكن للاسف القطاع الخاص او شبه الحكومي

غير مسيطر عليه

[Abdulla AL-Marri]

هذا الانجليز والبريطانيين بشكل عام ، في كل مكان ف العالم وصخين ، انا ودي اشوف انجليزي نظيف ، مشان الله واحد بس مب محصل ههههههههه

خله يستاهل ينطرد انشالله بدون رجعه ، مفكر روحه في بريطانيا الحبيب ، لابارك الله فيهم كلهم

[T.A. Al-Rowily]

السلام عليكم ورحمة الله وبركاته
الله يعطينا خيرهم ويكفينا شرهم ويسخرهم لنا ولبلادنا