بعثاااااااااات للدول العربية

[N.A]

السلام عليكم كلكم

ياجماعه والله اني مليت من عيشتي
يعني الحمدلله تخرجت من الثنويه سنه 2002 بمجموع فوق التسعين
دشيت كورنل ماتوفقت . . غيرت تخصصي لطب اسنان .. ماتيسرت
لي الامور اني ادرس في بريطانيا او مكان ثاني على لسته المجلس الاعلى
طب الاسنان . . وهذاني رحت الامارات . . سنتين احاول اخذ بعثه مافي امل

الاهل مب مقصرين عني بشي بس من حقي كقطرية اني اخذ لي بعثه
حالي من حال غيري ... ادري بتقولون تستاهلين ليش ماخذتي من اللسته

والله الواحد يمر بظروف بس مايبي يتكلم كفايه الهموم اللي على راس كل واحد
منكم . . . صج ماقاصرني شي بس انا متضايقه من نفسي متضايقه من المجلس
الاعلى متضايقه من وايد اماكن متضايقه من الدوله نفسها

اتضايق لي شفت ان اتعب هلي بمصروفي و الجامعه اللي كل سنه تزيد لين 5% من
رسوم كل شي

كلمت مؤسسة حمد و المجلس الاعلى وقطر للبترول
اللي يقولي لا مانبعث باجلر . . واللي يقولي صكرنا العيادة واللي واللي . . .

والله ماعرف شقول انا تعبت واللي عنده حل ياليت ينورني

[N A A]

وعليكم السلام ورحمة الله وبركاته

اختي N.A تتكلمين عن شي كثير منا يعاني منه وانا وحده عندي نفس المشكله والله مانقول غير الله يطول في عمر أهلنا ويخليهم ذخر لنا احنا مانطلب من الدوله الا حقنا كمواطنين للبلد اعتقد احنا اولى للإبتعاث من المقيمين او حتى المجنسين الحاصلين على الجنسيه من سنوات قليله عذراً والله العظيم احترم الكل لكن في القلب غصه حتى كتوظيف صعب نتوظف في الأماكن الحكومية يعني ماقبلونا في المدينه التعليميه وبعد يحرمونا من الدراسه في الدول العربية واذا اهلنا مايرضون إلا بالدول العربية شنسوي نقعد بدون شهاده

ربي يفرجها عليج وعلينا


وياريت لو كلنا نكون يد وحده ونخلي صوتنا مسموع لعلى وعسى احد ينظر لحالنا

[A.O.A]

هلا اختي الله يسر لج كل امورج ويفرج ضيقتج ان شاء الله ...

اختي ليش ماتقدمين على المستشفيات الخاصه مثل المستشفى الاهلي, وحاولي مع مستشفى حمد اكثر من مره لاتيئسين ان شاء الله ياخذونج ,والله كريم ان شاء الله ...

[Shooq Al-Hamadi]

باال الله يعينج اختي ,,

دشي مستشفى حمد شوفي شيقولون لج وعندج المستشفى الاهلي حاولي وياهم ..

واذا مافي فايده اشتكي في وطني الحبيب ,,

الله ييسر لج امورج ..

[N.A]

مشكورين على المرور

[Faisal Al Qattan]

والله الدولة ماقصرت يعطيهم الف عافيه

قوانين سهلة وبسيطه

يقولون لج هذي اللسته وجيبي لنا قبول من اي جامعه ... وفالج طيب

شتبين اكثر من هالدلع

[B.A.M]

بسم الله الرحمن الرحيم

اخوي فيصل
ماعرف شقول لك
بس ياخوي اذا انت ماجربت نار المجلس الاعلى قول الحمدلله
الكل تلته بسبتهم
الشباب ماعليهم كلام يروحون اي مكان عادي هم شباب
لكن مو (ليس) كل البنات تقدرون يدرسون في الخارج
هذا اولا

ثانيا الطلاب اللي كانو في كورنيل يبهدلونهم زياده لان ولا جامعه تقبل ساعاتهم
والمجلس الاعلى كلمه يعلون شوي عليهم
يعني تكون من الاوائل ايام الثانويه وتجيب فوق ال90
وبس لانك مت توفقت في جامعه نادر مااحد يتم فيها يقولون لك يا تروح جامعه قطر يا النورث؟؟؟؟؟؟؟

قول الحمدلله ياخوي دام ماعندك مشاكل معاهم وادعي للباقي

[Faisal Al Qattan]

i'm studying at the university of dubai and i asked the supreme education council if i can transfer to a university in the satates

they told me that they dont mind at all

studying outside your native country is not easy. you'll be living on your own so if you want that you have to give up some other things

and if you say that not all ladies can study there, that's not their problem. it's the lady's problem

sorry i wrote in english coz i'm in the office now and arabic is not available

[N A A]

والله الدولة ماقصرت يعطيهم الف عافيه

قوانين سهلة وبسيطه

يقولون لج هذي اللسته وجيبي لنا قبول من اي جامعه ... وفالج طيب

شتبين اكثر من هالدلع


نعم! ليكون احنا نتبلى نعم الدولة ماقصرت على عينا وراسنا على الرغم ان احنا ندرس على حسابنا الخاص :) مادري أي قوانين سهلة تتكلم عنها

وبعدين احنا نتكلم عن الدول العربية اعتقد في جامعات في الدول العربية من أعرق الجامعات ومستواها عالي احنا نطلب شي واحد اللي هو الإعتراف بشهاداتنا ونتوظف حالنا حال الغير والله العظيم غصة في القلب اذا كنت مواطن قطري ودرست في دولة عربية مايعترفون بشهادتك لكن اذا اجنبي تخرج من نفس الجامعه عادي يمسكونه منصب مدير ياناس محد بينفع هالبلد الا عيالها

في فرق لما احد يتكلم وعايش هالظلم وشخص ثاني يتكلم بقلب بارد:5:

[Ahmed Alobaidly]

الله يعنيــج اختي والله ..

في مثل حالتج كثييير وينتظرون الفرج
الله يفرجها عليكم ان شاء الله واظن اظن ان بعد 2010 بتنلغي الوزارة
وبعدها يمكن ينزلون لستة الجامعات العربية في المجلس الاعلى !

بس صج قهر المفروض يعترفون فيهم !

[Faisal Al Qattan]

عادي انا ادرس في جامعة دبي وعلى حسابي (جامعة عربية) وهي مب من اعرق الجامعات ولا شي عمرها مايوصل العشر سنوات

ولكن معترف فيها في الامارات

وحسب قوانين الوزارة... لو تدرسين في جامعة عربية على حسابج وهالجامعة معترف فيها في دولتها... هم على طول بيعترفون في الشهادة

بس اعتقد جامعات مصر لهم حسبة ثانية... وانا لو صاحب قرار جان نزل قرار بعدم الاعتراف بالجامعات المصرية وبعض الجامعات اللي في بلاد الشام !

[khaled Al-Marri]

صراااحة الله يعينج أختيN.A ،،

وأنا واقف في صفج ،،

حراام ما نآخذ بعثات من الدولة واحنا مجامعينا فوق التسعين ،،

ومب ناقصنا شيء وغير كذا قطريين الجنسية والأصل ،،

والمجلس الأعلى ماله مبررات يرفضنا ،،

وأهالينا مب ملزومين أنهم يصروفون علينا إلى أن نتزوج ونجيب أعيال (إن شاء الله)،،

ويعطيج العافية أختي على الطرح ،،

ومشكووورة أختي على الموضوع ،،

ودمتِ بود ،،

:)