الدراسة في الخارج اصبحت اسهل من الدراسة بقطر [الأرشيف]

مشاهدة النسخة كاملة : الدراسة في الخارج اصبحت اسهل من الدراسة بقطر

Fahad Buhendi

06-06-2008, 02:12 PM

الدراسة في بريطانيا وامركيا اصبحت اسهل من الدراسة بجامعة قطر او مدينة الجامعات التي تضع شروط تعجيزية

سمعت عن عشرات الطلاب توقفوا عن الدراسة بالجامعات داخل قطر وتوجهوا اما للبحث عن عمل او للدراسة خارج قطر

لا اعرف بالضبط مايريده القائمون على التعليم ...فاقل من 18% من طلاب قطر حاصلون على شهادات جامعية

ولا اعرف ان كانت الدولة تريد نسبة اقل من 18%

راي شخصي

وياليت اسمع رايكم

Aisha Ali.A

06-06-2008, 02:32 PM

Mohammed Al-haddad

06-06-2008, 03:19 PM

سؤال : قاعدين نقارن جامعات لها ترتيب و سمعة على العالم ( جامعة من أحسن جامعات العالم) و جامعات .............. ( لا أقصد الأهانة أو الأستهزاء )

نمسك جامعة مثل كارنيجي ميلون الأولى في مجال الكمبيوتر و معروفة في أشياء أكثر ( بدون ذكر تفاصيل أكثر لأن ما بنخلص ) و جامعة تكسس الأولى في تخصص الهندسة البترولية في العالم و جامعة نورث وسترن الأولى في الأعلام .....

شلون وصولوا إلى هذه المرحلة وصلوا بطلاب متفوقين و مستعدين يتعبون وايد و سمعة و الخ ........

و الجامعة مب مستعدة تطيح أسمها بسبب طلاب هي مب محتاجتهم و لا مرغمه فيهم صج انها صعبة بس هل أحنا مب قادرين لا أحنا قادرين ونص

لكن بتدش جامعة أنت الله بالخير كل يوم طلعة و مطقع طول السنة و في الأمتحانات بتدرس وبتنجح

و بعدين تعال قارن خريج من هذه الجامعات مع خريج من جامعات ثانية و تشوف الفرق بنفسك شوف الخريجين في الشغل شلون شوف الخريجين في اأبحاث و الأنجازات

و في جامعات في امريكا أصعب من الموجودة في قطر مثل MIT و غيرها ( ما ابي اذكر أمثلة أكثر )

الجامعات الموجودة هني هي نخبة العالم و الأولى في تخصصاتها

أتكلم بشكل عام أخوي فهد و لا أقصد شخص معين و لكن هذه الحقيقة

R. Al-Harami

06-06-2008, 03:25 PM

السلام عليكم ورحمة الله وبركاته

بالفعل اخوي فهد ،،

كلامك صحيح 100% ،، الجامعات في دولة قطر باتت مستحيلة على الطالب دخولها ،، فبالتالي يتغرب الطالب عدة سنوات في دول اقصى الكرة الارضية ويعيش في ظروف لا يعلمها الا الله عز وجل بالرغم من الجامعات التي لا تبعد عن منزله سوى بضع دقائق او ساعه !!

ناهيك عن الشروط التعجيزية التي تضعها تلك الجامعات ،، اصعب من نظيراتها الام في الولايات المتحدة ،، فمثلاً احد الجامعات في الولايات المتحدة يعفى الطالب من احد الاختبارات اذا مر على خروجه من الثانوية حوالي ال5 سنوات اما هنا في قطر يتطلب على الطالب المتقدم تقديم هذا الاختبار ،،

وايضاً هنالك فرق بين الطالب الInternational او الطالب المتخرج من مدارس لغتها ليست الانجليزية والطالب الذي لغته الام الانجليزية او المتخرح من مدارس انجليزية ،، فكلاهما لهما شروط مختلفة ،، اما في المدينة التعليمية يتم المساواة بينهما وهذا ليس من العدل مطلقاً !!

لا اعرف ماهو الغرض من تحطيم واحباط الطالب القطري ! يا ناس يا عالم احنا مب 100 مليون في قطر عشان نقول مافي اماكن ومافي طاقة استيعابية ،، كم طالب قطري يتخرج فالسنة ؟ وكم طالب قطري يستوفي الشروط في المدينة التعجيزية عفواً اقصد التعليمية !! والله حرام !!

بس الواحد شيقول ،، مهما قلنا وتكلمنا الكلام لا راح يقدم او يأخر !! الواحد يدرس بره ويتحمل الغربة افضل من انتظار القبول في المدينة التعليمية ،،

وفقنا الله واياكم لما يحب ويرضى ،،

Fatma A.Al-shemary

06-06-2008, 04:31 PM

صح كلامك اخوي الحين الدراسه في الدوحه اصعب من برع والمفروض العكس !!

Omar Al Hazaa

06-06-2008, 07:33 PM

^
^

بخصوص جامعات المدينه التعليميه وشروطها التعجيزيه..

الحمدلله احنا ك طلاب مب خسرانين شي اذا مادرسنا فيها..

والدراسه برا احسن لأن الطالب يدرس بالانقليزي ويطبق اللغه ويتكلم مع العالم..

اما في قطر الطالب بس يحفض ويحفض بدون مايطبق اللغه "الكلام فالدكاكين والمطاعم مايُعتبر تطبيق للغه..

والجو في قطر اصلاً مايساعد على الدراسه..

لاكن الرحله لطلب العلم الواحد يتفرغ فيها عدل ويجتهد فالدراسه..

ونفس الشي الحين معاي شباب في جامعة قطر.. والله لين الحين يغشون وكل همهم النجاح فقط؟؟؟؟

وين البيئه الي تساعد على الاجتهاد.. طبعاً تكون موجوده برا..

تكون مع الي ترك بلاده عشان يدرس..

R.A.M

06-06-2008, 08:35 PM

اخوي الهزاع..بما انك قادر اتسافر بره.. خلاص .. انت قلتها الدراسه بره افضل.. وانا ائيدك..

يعني الشروط التعجيزيه اهني مابتضرك .. صح ولالا اخوي؟! :)

وبالتوفيق..

Fahad Buhendi

06-06-2008, 08:49 PM

صــح لساانك اخووي..هاي الصااير الحين كل شوي سمعنا عن بنت اطلعت من كورنيل ولا من تكساس!!..
هاي الي خلاني اتشجع وافكر اني ادرس برره!!
الصرااحه انا مب عاارفه السبب..يمكن ضااغطيين عليهم واايد؟؟..الله اعلم:39:

المشكلة ليست بتكساس فقط

حتى جامعة قطر

عندي عدة قصص لشباب خجوا من جامعة قطر وكان التوفل هو السبب الرئيسي

هذا غير المواد التعجيزية والانذارات

شيء غريب

مدارس مستقلة سهلة

وجامعات تسحق الطلاب

الصراحة الوضع صار مو طبيعي وكان الشعب راح يصير شرطي او جندي او ناطور ويدلعونه ويقولون له (سكيوريتي)

Fahad Buhendi

06-06-2008, 08:56 PM

سؤال : قاعدين نقارن جامعات لها ترتيب و سمعة على العالم ( جامعة من أحسن جامعات العالم) و جامعات .............. ( لا أقصد الأهانة أو الأستهزاء )

نمسك جامعة مثل كارنيجي ميلون الأولى في مجال الكمبيوتر و معروفة في أشياء أكثر ( بدون ذكر تفاصيل أكثر لأن ما بنخلص ) و جامعة تكسس الأولى في تخصص الهندسة البترولية في العالم و جامعة نورث وسترن الأولى في الأعلام .....

شلون وصولوا إلى هذه المرحلة وصلوا بطلاب متفوقين و مستعدين يتعبون وايد و سمعة و الخ ........

و الجامعة مب مستعدة تطيح أسمها بسبب طلاب هي مب محتاجتهم و لا مرغمه فيهم صج انها صعبة بس هل أحنا مب قادري لا أحنا قادرين ونص

لكن بتدش جامعة أنت الله بالخير كل يوم طلعة و مطقع طول السنة و في الأمتحانات بتدرس وبتنجح

و بعدين تعال قارن خريج من هذه الجامعات مع خريج من جامعات ثانية و تشوف الفرق بنفسك شوف الخريجين في الشغل شلون شوف الخريجين في اأبحاث و الأنجازات

و في جامعات في امريكا أصعب من المجودة في قطر مثل MIT و غيرها ( ما ابي اذكر أمثلة أكثر )

الجامعات الموجودة هني هي نخبة العالم و الأولى في تخصصاتها

أتكلم بشكل عام أخوي فهد و لا أقصد شخص معين و لكن هذه الحقيقة

وماذا عن جامعة قطر

لماذا صارت تعجيزية هي الاخرى مع العلم ان ماعندهم تصنيف ولا من بين الف جامعة

المشكلة ان هناك ضغط رهيب يمارس على الطلاب

الكل بدأ يطفش

وبينتهي ان عندك شعب 95% ماعنده شهادة جامعية

Fahad Buhendi

06-06-2008, 09:19 PM

الواحد يدرس بره ويتحمل الغربة افضل من انتظار القبول في المدينة التعليمية ،،

،،

هذي الفقرة اعجبتني وانطبقت على احد الاصحاب

ينتظر (قبول) احد الجامعات بقطر

Omar Al Hazaa

06-06-2008, 09:52 PM

اخوي فهد اشكرك على طرحك الراائع..

انا مادري اتكلم عن شنو؟ واخلي شنو؟

اختي R.A.M

الشروط التعجيزيه فعلاً مابتضرني وماراح اسمحلها انها تضرني..

لاكن قاعده تضر غيري ;)

اول شي في نقطه ابي اوضحها..

الدوله ملزومه انها توفر اكبر الجامعات حق الشعب؟ والفلوس الي تنصرف على الجامعات اهيه فلوس الشعب وفلوس خيرات بلادهم.. هالفلوس مش ملك للحكومه..

والحكومه مدام جابت هالجامعات الكبيره..

ليش ماجابوا جامعه كامله كبيره وخلوها للبنات فقط؟؟ اهااا يمكن الفلوس خلصت؟

جابوا فرجينيا وكرنجي ميلون ووايل كورونيل وتاكساس.. لاكن جامعه كبيره للبنات مافي..

الخير في بلادنا وايد ويقدرون يجيبون 10 جامعات زياده..

بس احنا مانطلب غير جامعه وحده للبنات فقط!

ليش؟ عشان بناتنا مايكونون مجبورين على الاختلاط أو السفر والاغتراب..

والخلط الي فالجامعات منع بنت خالي من الدراسه وسبب لها مشاكل مع اهلها..

وهذا غير الرشوط التعجيزيه الي اذكروها الشباب فوق..

احنا مانرضى بهالشي..

عيل يعطون الطلاب قبول وعقب يسحبونه؟؟

عيل الطالب يطلع من الثنويه لازم يجيب 470 فالتوفل عشان يدخلونه الجسر الاكاديمي!!

ولما يبي يسافر يدرس اللغه برا يقولون المسؤولين فالمجلس الاعلى مانبعث لدراسة اللغه؟

الشعب يبي هالشي والفلوس موجوده!!

ولا حرام دراسة اللغه برا وحلال الدراسه الجامعيه برا..

اوكي بنقعد في قطر بس حطوا شروط عدله للجسر الاكاديمي "والدراسه برا ابرك لأن فيها تطبيق"
والحمدلله اني بروح ادرس برا..

المسؤولين قصروا في اشيااااااااء كثيره..

والله يستر من المستقبل..

قطر دوله غنيه وشعبها صغير..
وقالوا الخبراء ان راتب الشخص العادي لازم يصير مثل الوزير فالدول الثانيه؟؟
لاكن!!

الاعذار تطلع من المسؤولين واحنا جاهزين للرد على الاعذار الي اهيه اقبح من ذنب!!

Amna M. Murad

29-06-2008, 05:04 AM

موضوع رائع..
::
و انا بختصر رايي في سطرين:

انا ائيد..ان هناك صعوبه نسبيه بالقبول للجامعات المذكوره..ولاكن..
نحن نبحث عن "الجوده"..لا "الكميه"..

ويعطيكم العافيه..

Jassim AL-Jaidah

18-08-2008, 05:33 PM

موضوع رائع..
::
و انا بختصر رايي في سطرين:

انا ائيد..ان هناك صعوبه نسبيه بالقبول للجامعات المذكوره..ولاكن..
نحن نبحث عن "الجوده"..لا "الكميه"..

ويعطيكم العافيه..

اختي امنة
الجودة لما تتخرج وتدخل سوق العمل اللي كله واسطات ومحسوبيات
بتندثر وهاي كلام عن واقع ملموس

Jassim AL-Jaidah

18-08-2008, 05:41 PM

وماذا عن جامعة قطر

لماذا صارت تعجيزية هي الاخرى مع العلم ان ماعندهم تصنيف ولا من بين الف جامعة

المشكلة ان هناك ضغط رهيب يمارس على الطلاب

الكل بدأ يطفش

وبينتهي ان عندك شعب 95% ماعنده شهادة جامعية

جامعة قطر في السابق اول ما فتحت ابوابها وعشان محد يقول عنها انها جامعة فاشلة, كانت الناس تسميها جامعة التفريخ

كانت كل فصل تفرخ لها خريجيين في مختلف التخصصات
والبعض وليس الكل كان خبر خير في الجامعة وانسان فاشل في الحياه

والحين اكثرهم مدراء ولاعبين في خلق الله
وهذا كلام من واقع ملموس

Ali Alkuwari

18-08-2008, 07:05 PM

موضوع رائع..
::
و انا بختصر رايي في سطرين:
انا ائيد..ان هناك صعوبه نسبيه بالقبول للجامعات المذكوره..ولاكن..
نحن نبحث عن "الجوده"..لا "الكميه"..
ويعطيكم العافيه..

بس اختي انتي نسيتي نقطه مهمه مب شرط الواحد المتفوق دراسيا ينجح في الشغل

لان الشغل غير تماما عن الدراسه

ياما ناس تخرجوا من احسن جامعات العالم .. ولما اشتغلوا ما يعرفون اساسيات الشغل

واكبر دليل اللي في المصانع .. الحبيب مهندس وما يدري شسالفه واللي يفهمه ويشرحله فني درس هالسوالف في سنه

سلام

Ahmed Alobaidly

18-08-2008, 08:59 PM

بقولك شي واحد

مايكون الواحد قطري اذ ما تغرب علشان يدرس اذ كان حاط في باله يرس صج
ولا كان قطري اذ الاجانب يمسكون مناصب هو اولى فيها
ولا كان قطري ...

فهمت اشلون القطريين هذا حالهم حلهم وحلالهم لغيرهم
:)

Jassim AL-Jaidah

18-08-2008, 09:03 PM

بس اختي انتي نسيتي نقطه مهمه مب شرط الواحد المتفوق دراسيا ينجح في الشغل

لان الشغل غير تماما عن الدراسه

ياما ناس تخرجوا من احسن جامعات العالم .. ولما اشتغلوا ما يعرفون اساسيات الشغل

واكبر دليل اللي في المصانع .. الحبيب مهندس وما يدري شسالفه واللي يفهمه ويشرحله فني درس هالسوالف في سنه

سلام

اخوي علي
انا بسئلك سؤال
انت الحين تدرس محاسبة ؟ هل اول ما تتخرج على طول بتعرف تشتغل؟
اذا انت رايح عن طريق قطر للبترول اكيد عندك علم انك اول ما تتخرج في لك برنامج تدريبي لمدة 3 سنين عشان تتثبت على وظيفتك

من اللي بيعلمك حزتها؟ مب اول شي بيحطونك مع موظف
لازم بيحطونك مع clerk بحكم ان المهندس يعلمه فني
فالاداري بيتعلم من كاتب لانه لازم يبدا من الصفر
ولا بكره شلون بتقدر تحاسب موظفينك اخوي علي اذا انت ما تعرف طبيعة عمل كل موظف

ثاني شي انا اتحدى اي واحد يكون توه متخرج من الجامعة سواء كان في مصنع او غيره
انه يعرف طبيعة الشغل
الاساسيات تكون موجودة عند الخريج اخوي علي سواء كان مهندس او غيره
الحين المحاسب في البترول طبيعة عمله غير عن المحاسب في اي شركه ثانيه

ونفس الشي على سبيل المثال مهندس الميكانيكا طبيعة عمله في مصنع الغاز غير عن مهندس الميكانيكا في مصنع الاسمدة بس اساسيات دراستهم وحده اخوي علي

والفني ما درس هالسوالف في سنه
الفنيين درسوا اساسيات العمل الفني من فك وتركيب وغيره وانا اكلمك من واقع خبره كوني انا مهندس ومريت بهالاشياء كلها

والفني خبرته بس في الموقع اما سستم او برامج مستواه التعليمي ما يسمح له

ولا عيل ليش عندكم في الكلية اكثر من مجال
في السرتفيكيت
وفي TMP
وفي دبلوم

كل مجال يعطيك امتيازات ومجال تقدر تتحرك فيه وبكره اذا اشتغلت بتتذكر كلامي

وشد حيلك في دراستك اخوي علي
وبالتوفيق

Jassim AL-Jaidah

18-08-2008, 09:08 PM

Ahmed Alobaidly

18-08-2008, 09:41 PM

انا وياك يالغالي مااختلفنا بس الغمندة كانت
ان الستجيل والدراسة في جامعات برى احسن واسهل للقطريين من جامعة قطر والمدينه

Jassim AL-Jaidah

19-08-2008, 08:27 PM

انا وياك يالغالي مااختلفنا بس الغمندة كانت
ان الستجيل والدراسة في جامعات برى احسن واسهل للقطريين من جامعة قطر والمدينه

وانا افضل ان الواحد يروح يدرس برا ويتعلم احسن له