تأثير المظاهر

[A al-thawadi]

السلام عليكم ورحمة الله وبركاته


اخواني واخواتي الكرام

حبيت اعرف آرائكم في موضوع لفت نظري

او بالأحرى ظاهرة بدت تنتشر بقوة هالايام


الا وهي الاهتمام بالمظاهر ونسيان البواطن

خلوني اوضح كلامي بمثال واقعي..


مثلا... من اسبوع كنت ابي اروح مبنى النشاط الطلابي في الجامعة

ومعاي وحده من الطالبات.. قلت لها تعالي نتغدى في النشاط

قالت ( مستحيل اروح النشاط بهالشكل وانا مب كاشخه)

استغربت :43: .... يعني ما شاء الله ماكان فيها شي مرتبه شحليلها

بس مادري شحقه البنات صاير تفكيرهم في مظاهرهم مبالغ فيه بدرجة تقيد حركتهم وتصرفاتهم

مادري شرايكم في هالظاهرة, وهل تلاحظون وجودها مثل ما لاحظتها


انتظر تفاعلكم وردودكم :)

[Omar Al Hazaa]

1- يمكن البنت تخاف ان ربعها يعيبون عليها واهيه مب كاشخه..
"لازم ماتهتم في كلامهم"


2-بعض البنات لما تجرب وتحط المكياج تستانس عليه وماتصدق نفسها ههههههه..
تتعود على المكياج وماتروح مكان ولا عزيمه الا واهيه صابغه ويها..
"حتى لما تزور اهلها"

وتخاف ان الناس يشوفونها على شكلها الطبيعي..
"لأنها تحسب الجمال فالشكل مب فالقلب"


3-في بنات يتعدلون ويكشخون عشان ينخطبون..
"ويمكن هالشي من حقهم"


4- في بنات يكشخون عشان الكل يشوفهم انه حلوات..
وماترتاح هالبنت الا اذا استعرضت بجمالها جدام الكل حتى فالمجمعات التجاريه..
وهذاً طبعاً غباء ونقص فالدين والعقل.. بس في ناس اغبى وتنطلي عليهم هالحركات..

اهم شي جمال القلب والاخلاق والكلام الطيب الي يسعد القلب..
ياما شفنا ناس جمال شكلهم عادي,
لاكن كلامهم يـســـعـــد القلب ويـفـــر ـــحـــه,
كلامهم عجيب وتصرفاتهم حلوه..

ولولا مساعدتهم وجمايلهم وكلامهم الطيب جان كنا ضايعين..
الواحد يتمنى انه يكون قريب منهم وينسى شي اسمه جمال الشكل..

الواحد لما يعيش معاهم يحس انه قريب من الجنه..

قال صلى الله عليه وسلم.. "لا تنكحوا النساء لحسنهن، فعسى حسنهن أن يرديهن، ولا تنكحوهن على أموالهن فعسى أموالهن أن تطغيهن وانكحوهن على الدين، فلأمة سوداء خَرْماء ذات دين أفضل"


من الي قال هالكلام؟
الذي لاينطق عن الهوى..


الرسول صلى الله عليه وسلم قال خير.. يعني خير خلاص..
يعني الانسان بيحصل السعاده مع الأمه السوداء الخرماء "ذات الدين" اكثر من ذات الحسن والمال..

والرسول صلى الله عليه وسلم وضح شلون الجمال ممكن يردي المرأه والمال ممكن يخليها تطغى ..


من يمشي على هالكلام فالزمن الحاضر..
محد للأسف..


الشباب يغترون بجمال الشكل ويقولون اهم شي البنت تصلي وتصوم..
ويالله تزوج بالرفاء والبنين..

لاكن الزواج يتحول ويصير بالطلاق والمحاكم هههههههههه..
كيفهم وهذي حياتهم..


والي يبي السعاده..
نصايح الرسول صلى الله عليه وسلم موجوده..

لاكن الناس تهاونوا في اوامر الدين في اشياء خطيره مثل..
"الصلاه والتعامل بالربا وسفر المرأه وخروجها من بيتها متعطره بدون محرم"

ف مابنتسغرب لو انهم اتركوا نصايح الرسول صلى الله عليه وسلم في زينة الشكل واختيار شريك العمر..


هالناس الي تجاهلوا اشياء كثيره فالدين, ماطبقوا حديث الرسول صلى الله عليه وسلم..
"إذا جاءكم من ترضون دينه وخلقه فزوجوه إلا تفعلوا تكن "فتنة في الأرض وفساد عريض"

ماطبقوا الحديث الي يمنع الفساد وقاموا يحطون شروط للعمر فالزواج على كيفهم؟
حتى لو الشاب كان عنده راتب..

ونسوا تعامل الرسول صلى الله عليه وسلم مع الشباب..
وتعينه لأسامه ك قائد للجيش وعمره 18.. "عينه ك قائد وماقال سن مراهقه!!

وشفنا فساد الشباب والأمه الي حذر منه الرسول صلى الله عليه وسلم..

الفساد الي فالجامعات والمجمعات التجاريه.. وظهور الكاسيات العاريات..
صار نتيجة منع الزواج بدون سبب شرعي ونتيجة الفراغ العاطفي عند الشباب..


نشر الفتن + تصعيب الزواج = فساد المجتمع من جميع النواحي.. مش بس فالجامعات..

هذا الي يسبب حق الشاب والفتاه الوحده والمشاكل النفسيه والمراهقه!! وهذا الي خلاهم ضايعين فالمجمعات!!


تأخير الزواج اهوه الي يسبب المراهقه والمشاكل النفسيه عند الاجانب!!
وبيبون ينقلون لنا هالشي..
واحنا بكل سذاجه نسمع كلامهم..

يعكسون السالفه ويقولون ان الشاب يفعل الحرام لأن عمره صغير ولأنه يعيش فالمراهقه؟؟

يعني انت يالشاب؟؟ اقعد لاتتزوج وشوف الفتن في كل مكان..
زواج ممنوع لأنك صغير؟؟ بتسوي شي ثاني؟ احنا متوقعينه منك لأنك مراهق؟
بتقول انك مهموم متضايق حزين تبي تتزوج؟هذي علامات المراهقه؟ اصبر الهموم والضيقه واحساسك لما تشوف الفتن هذا كله شي عادي؟؟
والعفاف والزواج له سن معين وانت مراهق مايصير تتزوج وماراح ينجح زواجك..
بتقول انك غازلت وكلمت بنات وسافرت مع ربعك..
هالشي متوقعينه فالمراهقه..
تبي زواج؟ هذا اكبر المستحيلاااااااااات..

^
^
لدرجة ان احنا نستغرب لما نسمع شاب مراهق عمره 17 18 19 20 21 22 وحتى 23 ويبي يتزوج؟؟

ياااااااااه ياهل ويبي يتزوج هههههههه..

توه مراهق خل يتمشى مع ربعه ويعيش حياته..

هم يعتبرون الشاب ماعنده احساس اتجاه الجنس الاخر؟؟

وانتوا شباب وكل واحد فيكم عارف الاحساس الي في قلبه شنو...

يمكن في ناس يشذون بس هذا الي صاير فالمجتمع..

هالكلام ماسمعناه فالدين ولا شفناه فالقراَن, ماسمعناه في سنة النبي صلى الله عليه وسلم.. ولا عند الصحابه رضي الله عنهم..

وبالعكس الشاب لو تزوج راح يكمل نص دينه وراح يبتعد عن كل المشاكل النفسيه.."ومابيكون له حاجه انه يطالع غير زوجته أو يروح ويغازل فالمجمعات"

سن المراهقه وهالكلام الفاضي يتعارض مع اوامر دينا..

الصحابه والتابعين الي افتحوا العالم كانوا اغلبهم شباب صغار اعمارهم على 17 و18..
ماسمعنا الطيش على ايام الصحابه والسلف الصالح رضى الله عنهم؟

لأنهم كانوا يطبقون حديث الرسول صلى الله عليه وسلم "اذا جائكم من ترضون............. وفساد عريض"

والي كان مهر بنته درهمين والي كان مهر بنته القراَن..
بس عشان يستعففون ويبتعدون عن الحرام.. وكانوا اغنى الاغنياء.. بس الغني فيهم يتفهم ظروف الفقير!!

للأسف الاجانب انجحوا في تفهيم الناس ان فعل الحرام طبيعي وناتج عن المراهقه..
وان الزواج لازم مايكون مُبكر..

لاكن عن نفسي مستحيل اعترف في كلامهم الفارغ وبديت اكسر هالقواعد كلها..

والحل شنو.. احنا ك شباب لازم نكسر القواعد والاعراف الباطله الي حطها المجتمع وتخالف اوامر الدين..
ولازم نتبع تعاليم الرسول صلى الله عليه وسلم..


وفالختام.. ترا لو الشاب فعلاً عقله ناقص ولازم يعيش المراهقه ويبتعد عن الزواج لأنه صغنون..
جان ماتحاسب على اعماله من سن البلوغ!
وجان ماعينه الرسول صلى الله عليه وسلم ك قائد للجيش..
وجان حط الرسول حدود لسن الزواج لو هالشي فيه خير..
وجان سمعنا الرسول صلى الله عليه وسلم يتكلم عن سن المراهقه..
وايضاً جان سمعناه يقول "من ترضون خلقه ودينه + عمره..



اسمحيلي اختي A طولت فالرد بس حاولت اختصر قد ماقدر..
وحبيت اتكلم عن كل الاسباب الي تخلي الشباب والبنات يظهرون بمظاهر تخالف اوامر الدين..

جزاج الله خير اختي على الموضوع الطيب.. ومرحبا فيج ك عضوه جديده..

[A al-thawadi]

مشكوور اخوووي عمر وماقصرت

وضحت اسباب كثيرة

بس الله يهداك قلبت الموضوع زواج ومهر ... شووي رحت بعيد

الله يسلمك انا كل اللي ابي اعرفه وببساطة

هل صارت المظاهر من الاهمية انها تعطل اعمالنا ؟؟؟؟

وبالنسبة لكل عضو ما اهمية المظهر في حياتك؟؟؟

ولأي درجة تهتم فيه؟؟؟ يعني الحين اشوف بنات يضيعون عليهم محاظراتهم ومايطبون الجامعة

ليش... تقول دفتي وايد جافووها.. ومب يايه الا اذا خيطيت وحدة ثانيه ... عنبووو يايه عرض ازياء؟؟

المهم... المظهر شيمثل في حياتك/ حياتج؟؟ وليش؟؟

بانتظار آراكم المثرية

[Aisha Ali.A]

اشــكرج اختي على الموضووع الحلوو:D
وهاي ظااهره منتشره بشكل مب صااحي..خصوصا البنااات..يعني عاادي وحده تروح صالون وتجي المدرسه..شدعووه؟؟جايه عررس مب مدرسه!!
المظهر صج مهم..بس ما نباالغ واايد..يعني مب لازم تكوونين ملكة الجمال في المدرسه او في الجامعه...اهم شي مرتبه ونظيفه!!
وبعدين انا اكتشفت شي في البنات :18: لازم بين فتره وفتره تتعدل شووي..حتى لو مب طاالعه..علشان تحسس عمرها انها حلووه :10:
IT’S THE HEART THAT MATTERS..NOT THE LOOK!!

[Omar Al Hazaa]

اسمحيلي اختي A.. انا الصراحه مب عاجبتني القواعد الي حاطها المجتمع ونسيت نفسي وانا اكتب ههههه..

بخصوص المظهر..

امس رحنا صوب شارع النصر عشان ناخذ عشا..

زحمه والعالم كاشخين يوم الخميس.. حذفت القحفيه على جنب ورحت مع اخوي الصغير..

وبعد احيناً في دوام الجامعه احذف الغتره واقعد مرتاح..

لما اكون زهقان مظهري يعبر عن حالة الزهق الي فيني ههههه..

مب 24 ساعه كاشخ, الكشخه لها وقتها..

عشان اذا كشخت مره وحده يلاحظون هالشي :16:

[F AL-Jaidah]

اختي A اشكر طرحج للموضوع

انا اعتقد ان الموضوع بدأ لما صارو هالناس يشوفون اللي عند غيرهم

ويحاولون ينافسونهم... فالنتيجه اهتمام مبالغ به بالمظاهر

فأصبح جل اهتمامهم وتفكيرهم التميز في الظهور

وفي هالحالة مستحيل يظهرون قدام (المنافسين) بدون استعداد مسبق =)

[A.Al-mohammadi]

السلام عليكم ورحمة الله وبركاته

اممم..موضوع حلوو..مشكوره اختي على طرحه..:)

الإهتمام بالمظهر شي مهم خصوصاً للبنت قبل الشاب..بس الشي إذا زاد عن حده ماله معنى..وفي واجد بنات ال Make up مايفارق وجههم..يعني مكياج الأعراس صار عادي نشوفه في عز النهار..حلو إنه الوحدة تهتم في نفسها لكن في حدود الحشمه والأدب وبدون لفت الإنتباه..ودينا الحمدلله كرم المرأه ورفع مقامها..وكل إمرأه تعتبر جوهره مب أي حد يشوفها و يتمتع بالنظر إلى مفاتنها..لأنه كل هذي الأشياء خاصه بشريك حياتها زوجها..
والله يستر علينا وعلى بناتنا من هالزمن ومن الجاي..

[Aljazi Almannai]

السلام عليكم ورحمة الله وبركاته

اشكرج اختي على هذا الموضوع .. فعلا المظاهر ذابحه خلق الله

انا مابي اتكلم في هذا الموضوع لان لو تكلمت صفحتين يمكن مايكفوني .. بس باتكلم عن المظاهر في موقف واحد الا وهو العزاء .. اي العزاء .. انصدم من هالحريم الي يجون العزاء بمكياجهم و عباياتهم و الشناط و الالماسات والمركات و .. و.. الخ

انا كنت اسمع عنهم بس ماجفتهم .. ولكن من بعد وفاة جدتي الله يرحمها صدقت كل الي سمعته .. شدعوه ايش صاير بالدنيا .. وعلى ايش كل هذا .. واتضح لي ان يابلفيييييت ناس برستيج وهاي كلاس !!

والله ان في حيم جونا برستييييج وهاي كلاس ومن وجهاء البلد .. والله ماسووا كل هذا .. حتى كحل في العين ماجفناه .. هذا وهم الي لازم يكونون 10 على 10 مثل مايقولون

لكل موقف مظهر .. اما الحين مظهر واحد لكل المواقف !!

عجبي

حلو الواحد يهتم في مظهره ويطلع للناس بصوره حلوه .. بس مب جي .. مب الصوره الي تنجاف في كل مكان.

واسمحوا لي على التاخير .. موضوع مريت فيه وحبيت اذكره

جزاكم الله الف خير

[A al-thawadi]

اختي عااايشة اشكر مروورج وصح مثل ماقلتي

صرنا نجوف بنات وايد يروحون الصالوون بس حق الدوام العادي

اخوي عمر: بالضبط الناس صارت تعطي كل اهتمامها بالمظهر... وكل مكان له مظهره اللي يناسبه

اختي F : لخصتي الموضوع في سطرين =) انا معاج في هالسالفه

اختي: A.Al-mohammadi بالضبط الواحد لازم مايتجاوز حدود الحشمة والدين... وحتى اعراف المجتمع المفروض مايتجاهلها اذا ما كانت ضد الدين

اختي الجازي :صج تجاوزو الحد المعقوول شلوون هلوون,,, بصراحة اذا حتى العزى ما احترموه اشبقى؟؟


الشكر لكل من قرأ او شارك في الموضوع ويارب يوفق الجميع

.

[Mona Al-Hammadi]

اذا انتي قصدج جامعه قطر انا مرات يصير فيني شي لا ننسى ان الصوره والشكل هي مسكن النفس ماقول انبالغ بس في حدود المعقول انا تعودت مثلا اني احط مكيك اب خفيف ولا اكحل عيني واتمسكر كل يوم يعني خلاص صار لي طبع عاده سمى الي تسمونه بس لين اضطر اطلع بدونه اتضايق واحس ان ناقصني شي ولا ما احب اشوف نفسي لاني تعودت وارتاح لما اشوف نفسي جي احس اني مرتبه ونشيطه وكل شي اقدر اسويه يعني هو شعور يختلف من شخص لين شخص :9:وخاصه انا من النوع الي احب اشوف جي ناس كاشخين ومرتبين بس ف حدود المعقول مب مبالغ فيه جني رايحه عرس :22_4:

[Mona Al-Hammadi]

بخصوص سالفه العزى هالايام فعلا اشوف بنات بمكياج كامل مرات لين نطلع عزى مع بنات الجامعه

اشوف بنات رافضين بشده انهم يشلون المكياج ع اساس انهم رادين من الجامعه ((((عذر

الله يهديهم