استفسار عن مطار بريطانيا

[Nory.n.n]

السلام عليكم ورحمة الله وبركاته

شلونكم عساكم طيبين


انا بغيت اسال عن المطار

اولا انا اول مره بروح بريطانيا ان شالله شهر 10 بروح ادرس لغه بمدينة (هيستنج) !!؟

واكلمت مركز قطر للتعليم وبيوفرون كل شي

بس حبيت اعرف يوم اوصل المطار الاجرااءات عاديه مثل كل مطار ولا لازم معاي مرافق .؟ تشوفون اسلالفه سهله ولا ششوي تعقيد؟؟

والي ينتظروني وين احصلهم وين يكونون ؟؟

سوري ع الاسئله بس خايفه لازم اسئل اعذروني:(

انا كان ودي اروح مع جروب بس كل الجروبات شهر 6 و7 ماقدر مايناسبني :(
اذا في بنات رايحين شهر 10 مايبون مرافقه ههه
:1639_11196799410: :1639_11196799410: :1639_11196799410:

[Nory.n.n]

عندي سؤال بعدددددددددددددددددددددددددددد

بريطانيا تحسن مستوى اللغه عند الفرد ولا لازم يكون قبلها ماخذ كورسات في بلاده موصلها لفل معين

وشلون طريقة دراستهم ...؟؟؟

[Nasser Al-Saadi]

انا بغيت اسال عن المطار

اولا انا اول مره بروح بريطانيا ان شالله شهر 10 بروح ادرس لغه بمدينة (هيستنج) !!؟

واكلمت مركز قطر للتعليم وبيوفرون كل شي

الله يعينج اختي على هالمركز اللي للأسف ،، اسعاره خيالية ،،طبعاً لان هدفه ربحي ،،
وما عليج من الكلام وشغل الدعاية ،، يعني يقولون بيوفرون كل شي ،، وللأسف يقصرون في وايد امور ،، << عن تجربة

والمدينة انا ما اعرف عنها شي ،، لكن سمعت انها مدينة زينة وحلوه وقريبة من لندن طبعاً،،
لكن في بعض المعاهد مايمدحونها مثل معهد الـ EF اللي منتشر في بريطانيا كلها ،،

لذلك تأكدي اختي من اسم المعهد ،، اذا كان الـ EF انا انصحج تغيرينه ،،
لانه عن تجربة هالمعهد يهتم بالعدد اللي يجونه اكثر من الكواليتي،،




بس حبيت اعرف يوم اوصل المطار الاجرااءات عاديه مثل كل مطار ولا لازم معاي مرافق .؟ تشوفون اسلالفه سهله ولا ششوي تعقيد؟؟

والي ينتظروني وين احصلهم وين يكونون ؟؟

الإجراءات في المطار عادية جداً ،، يعني احسن من مطارات امريكا ،،
ومافي اي تعقيدات ،، ولا اي حاجه صعبة ،،
وما يحتاج يكون معاج مرافق ،، إلا إني افضل يكون معاج مرافق طوال الرحلة ،،
على الاقل اذا توهقتي ،، يكون معاج حد ممكن تتصرفون ،،
لأن للأسف مركز قطر للتعلم اكتبوا عنه العام الماضي في الجرايد وسوء التنظيم والتنسيق،،

اما بالنسبة للي ينتظرونج ،، لازم تتأكدين اذا المعهد راح يوفر لج وسيلة مواصلات من المطار إلى المدينة ،،
ولا تحاتين اول ما توصلين هناك وتطلعين من الصالة ،، راح تحصلين ناس وايد واقفين ،، ورافعين لوحات عليها اسامي ،، ما عليج إلا انج تدورين اسمج :) ،،




سوري ع الاسئله بس خايفه لازم اسئل اعذروني:(((((((((((((((((((((((((

انا كان ودي اروح مع جروب بس كل الجروبات شهر 6 و7 ماقدر مايناسبني :((((((((((((((

الاسئلة طبيعية بحكم انج اول مرة بتروحين ،، وأي اسئلة او استفسارات اسئليها والجماعة ما راح يقصرون ،،

ونعم انا معاج ان القروبات كلها راح تسافر في الصيف ،، شهر 6 و 7 و 8 ،،
:)




والسموحة على الازعاج والقصور

[Nasser Al-Saadi]

عندي سؤال بعدددددددددددددددددددددددددددد

بريطانيا تحسن مستوى اللغه عند الفرد ولا لازم يكون قبلها ماخذ كورسات في بلاده موصلها لفل معين

وشلون طريقة دراستهم ...؟؟؟


نعم بريطانيا تحسن مستوى اللغة ،، ومب شرط أخذ كورسات قبل ،،
طريقة دراستهم طبعاً تعتمد على حسب كل معهد ،،

لكن اغلب المعاهد اللي اعرفها ،، طريقة درستها عبارة عن قسمين ،، طبعاً للي يدرسون لغة انجليزية عامة،،

1- Intensive 30
اللي هي يوم كامل ،، من الساعة 9 الصبح إلى الساعه 3
وهي عبارة عن 30 حصة دراسية (في الشهر طبعاً) + حصة إضافة للجرامر كل اسبوع ،، وهي اختيارية،،

هذا هو جدولهم
09:15 - 10:45 Grammar, vocabulary and speaking
11:15 - 12:45 Reading, listening and speaking
13:45 - 15:15 Fluency activities, discussions
15:30 - 17:00 Optional extra lesson (one afternoon a week)


2- Intensive 20
اللي هي نص يوم دراسة من الساعة 9 الصبح إلى الساعة 1 الظهر تقريباً
وهي عبارة عن 20 حصة (في الشهر)،، بدون حصص اضافية للجرامر

هذا جدولهم
09:15 - 10:45 Grammar, vocabulary and speaking
11:15 - 12:45 Reading, listening and speaking

ودايماً الكتاب الاول مجاني << على اللي اذكره

[Fahad Buhendi]

ناصر السعدي كفى ووفى

وماقصر

بس انا عندي نصيحة وحدة بس

تعلم اللغة الانجليزية (ماله علاقة) بالمعهد

تعلم اللغة الانجليزية يعتمد على (الشخص نفسه) اذا كان (يقرأ كتب انجليزية بكثرة في وقت فراغه) و (يخالط الانجليز)

[Nory.n.n]

تسلمون ع الرد والمرور يعطيكم العافيه


بس خرعتني اخوي ناصر :(

الحين وين اروح يرتبون كل شي وين احسن مكان

وبخصوص سؤال اللغه وايد فدتوني صراحه جعله بميزان حسناتكم

مرافق طول الرحله اهو حلو وانا من البدايه ابي هالشي بس حصلته عب اكثر من كونه مرافق بيخليني اظطر اسكن معاه بشقه وماقدر اختلط بالناس وراح احاتيه لانه للاسف كبير بالسن ومب متعلم وماعندي غيره :(

ياليت الي يعرف مكتب عدل يقولي وين ..:(

[Nasser Al-Saadi]

بس خرعتني اخوي ناصر :(
الحين وين اروح يرتبون كل شي وين احسن مكان

ياليت الي يعرف مكتب عدل يقولي وين ..:(
انا اتفق مع اخوي بوهندي ،، في طريقة اكتساب اللغة ،،

اما بالنسبة لأحسن مكتب ،، الصراحة مافي مكاتب إلى الآن ،،
لكن قريب في مكتب راح ينفتح في قطر ،، وهذا المكتب شراكة بين واحد قطري ،، وبريطاني مسلم اسمه يوسف النصار ،، رجل كبير في السن ،، ما يقارب الـ60 سنه (الله يطول بعمره)

وهو المفترض يوصل اليوم عشان التوقيع والتسجيل وهالامور ،،

والصراحة يوسف النصار ،، صارلنا نتعامل معاه 5 سنين ،، وهو رجل محترم جداً ،، ويسهل الامور على جميع العرب ،، وخاصة الخليجيين ،، بحكم علاقاته في الخليج ،،

والصراحة هذا الشخص انا اضمنه ،، وكثير من الناس يشهدون له ،، سواء في قطر او الخليج،،

عندي رقمه وايميله ،، لكن قوانين المنتدى تمنع وضع الايميلات و الارقام :)
ما ادري شنهي الطريقة اللي ممكن ان الواحد يوصل لج الايميل :)

[Nory.n.n]

اخوي يعني يوسف النصار يقوم بعمل المكتب من حيث التسجيل وتوفير كل شي ولاكيف؟

[Nasser Al-Saadi]

اخوي يعني يوسف النصار يقوم بعمل المكتب من حيث التسجيل وتوفير كل شي ولاكيف؟
نعم يوفر كل شي ،،

سواء من ناحية اللغة او حتى من ناحية القبول في الجامعات ،،

[Nory.n.n]

اخوي ناصر

مايصير تكتبتهم بالعام بما انه شخصيه معروفه يوسف النصار؟؟

[Nasser Al-Saadi]

والله ماودي اخالف قوانين المنتدى ،،
بس ان شاء الله الادارة عندها طريقة ،،
او ممكن تسمح نحط ايميله :)

[Omar Al Hazaa]

^
^

كح..

انا ترا رحت مركز قطر للتعليم..

مابي اتوهق معاهم ههههههه..

عيل زين اني ماوقعت الاتفاق معاهم لين الحين..

والله صليت الاستخاره وشكلها النتايج توها تطلع هههههه..

مشكوور اخوي ناصر على توضيحك..

وشكلي برجع اكلم الدكتور الي راسل لي الجامعات الكنديه..

اخوي ناصر.. اذا ممكن نعرف من أي ناحيه مركز قطر للتعليم قصر على الطلاب؟

[Omar Al Hazaa]

اختي نوري اسمحيلي لو طلعت برا الموضوع..

بس اخوي ناصر ماقصر..

وانا حالي من حالج مب عارف شسوي...

واعتقد ان البنت لازم يكون معاها محرم..

اسئلي المشايخ اختي عشان تتأكدين اكثر..

[Nasser Al-Saadi]

^
^

كح..

انا ترا رحت مركز قطر للتعليم..

مابي اتوهق معاهم ههههههه..

عيل زين اني ماوقعت الاتفاق معاهم لين الحين..

والله صليت الاستخاره وشكلها النتايج توها تطلع هههههه..

مشكوور اخوي ناصر على توضيحك..

وشكلي برجع اكلم الدكتور الي راسل لي الجامعات الكنديه..

اخوي ناصر.. اذا ممكن نعرف من أي ناحيه مركز قطر للتعليم قصر على الطلاب؟

أولاً كمركز تعليمي يبغي الربح ،، مب مشكلة ما قلنا شي ،،
لكن انك تستغل هذا الشي وماتوفر خدمات زينه تناسب المبلغ اللي انت تطلبه ،، فهذا الصراحه ظلم ،،

مثال ،، شي طيب انك ترسل 200 طالب إلى بريطانيا ،، لكن انك ترسلهم والاداريين الي المفترض يشرفون عليهم ،، ولا يدرون عنهم ،، فهذا ظلم الصراحه ،، (واحد من ربعي ارسل اخوه الصيف الماضي معاهم،والله ان اخوه ضحكني،متصل في امه يقولها ان في العاب في بريطانيا عجيبه،تحط باوند واحد ويعطيك فلوس وايد) << شي جميل عيالنا يلعبون هالسوالف

شي جميل انك ترسل 200 طالب لدراسة اللغة ،، لكن انك تحط كل 5 طلاب في غرفة وحده لمدة اسبوعين بحجة ان مافي عوائل ممكن تستقبلهم ،، فهذا قمة الظلم ،،

انا ما اقول لا تربحون فلوس ،، لكن على الاقل الخدمة تسوى اللي ادفعه ،،
________________________________________________

[Nasser Al-Saadi]

ياليت الي يعرف مكتب عدل يقولي وين ..:(

اختي الكريمة ،، تفضلي هني
http://qataries.net/vb/showthread.php?p=120475

[Nory.n.n]

شكراً لك اخي الكريم

يعطيك العافيه ياربي ماقصرت

[Essa Al-Mansouri]

عندي رقمه وايميله ،، لكن قوانين المنتدى تمنع وضع الايميلات و الارقام

In theory you can't, but in practice you can write emails, numbers, and maybe mobiles in case you wanted. Notice that the officers of Europe forum are either away from the electronic world or under examination side-effects.
Life is a bunch of chances.
In case you just can't depart from the old-fashionable code of practice, you can still be safe and cool by PMing the other side with the data while it is being under surveillance.