(أتمنـى اتساعدونـي وتعطونـي نصايحكمـ)

[Fatma A.Al-shemary]

السلام عليكم ورحمة الله وبركاتة

انا بكتب قصتي كلها وان شاءلله تساعدوني..

انا في ثالث ثانوي .. بكره اخر امتحان لي ومتوقعه اجيب نسبه فالـ 60 :1639_11196799410:
او 70 هاي حسب توقعاتي وعلى اللي قدمته اعتقد نسبتي بتكون في هالاحدود ..

الحمدلله على كل حال.. بما انه ظروفي ماساعدتني عالدراسة بس انا مصره اكمل دراستي واشد حيلي واعوض اللي راح
هاي امنية الوالدة ووصيتها الله يطول بعمرها وان شاءلله اقدر اجيب لها الشهادة وافرحها ..
لو تدرون اشلون بتفرح اذا درت اني بكمل في جامعة او اقبلو اوراقي المجلس بتفرح وايد الغاليه..

ان شاءلله بمساعدتكم بنفرحها ..

انا ابي اكمل دراستي بس عن طريق شركة او المجلس الأعلى وغيرهم..
بس الشركات اللي تقبل نستي يبعثون الأطلنطي والاطلنطي شهادتهم دبلوم
والحين صعب ادش الكلية لان ماينجحون الطلاب في الامتحان اللي يقدمونه قبل الدخول للجامعه بسهوله ويخلونهم في كباين او كورسات لمدة شهور .. ليــــن مايدخلونهم واخر شي دبلوم للأسف
وانا ابي اخذ (بكالوريوس) ومابي اضيع وقتي في الاجازه ومابي اقدم عندهم وينقعوني شهور ابي اضمن اني بعد الاجازه خلاص اكمل دراستي على طول ان شاءلله مابي اتضيع علي سنه عالفاضي صج نسبتي نازله بس
في وايد حلول ومافي شي مايصير .. سمعت ان المجلس الاعلى يبعثون بدون نسب وتوفل او آيلتز بس لازم اجيب قبول!!! هل هذا الكلام صحيح ..!
اذا الكلام صحيح مع العلم عندي ايلتز (5) فهل اقدر اجيب قبول من اي جامعة في بريطانيا او اي بلاد ثانية بسهولة! بس اتكون جامعة معترف فيها وجامعة تقبل الآيلتز 5 واذا وديت لهم القبول
يطرشوني على طول ولا يبيلهم فتره طويله .. اتمنى اللي يقدر يعطيني فكره عن الموضوع يساعدني او طرق ثانيه اتساعدني اني اكمل او حتى الدراسه اهني في الدوحه مب شرط برع بس اقدر اخذ فيها البكالوريوس وأنا عندي ايلتز (5)..
او تنصحوني ادش معاهد الحين والسنه الجايه اكمل أي فكررره تفيدني ارجو انكم تكتبونها لي..

اسمحولي طولت عليكم بس محتاجه لنصايحكم ولكل من جرب ودرس وعاش هالحيرة اتمنى اتردون علي بأقرب وقت أدري فيكم الخير ومشكووريــــن ..

في انتظاركـــــــــــم ..

اختكمـ فاطمــــــه الشمـــــري..

[Omar Al Hazaa]

اختي لازم تجيبين قبول من الجامعات الي موجوده في لستة المجلس الاعلى وعادي بدون امتحان التوفل أو الايلتس..

لاكن حاطين شرط حق النسبه مايصير تقل عن ال80..

درجتج الي فاليلتس حلوه وااايد وتقدرين تجيبين القبول من برا لاكن النسبه!!

لو تعيدين ثالث "منازل" وتجبين النسبه بيكون هالشي حلو..

وثالث مايبيله غير حفض "اذا كنتي ادبي"

البنات الي نفسج بعضهم راحوا دول عربيه مثل مصر والاردن عشان البكلوريوس!!

ليش؟ لأن على كثر الجامعات الي عندنا نسوا يحطون جامعه حق اصحاب النسب النازله؟


وفي ناس راحوا شمال الاطلنطي وخذوا الدبلوم وبعدين راحوا يكملون برا "على حساب البترول" عشان شهادة البكلوريوس..

فهل انتي مستعده تسافرين برا ولا تكملين في شمال الاطلنطي؟؟

فكري عدل ولاتستعيلين لأن هذا مستقبلج...

والله ماشوف شي يسوى ان البنت تتعب وتسافر برا..

اختي نصيحتي لج عيدي ثالث ثنوي منازل واخذي دورات انقليزي "خلال السنه الجايه"

وادخلي جامعة قطر..

[Fatma A.Al-shemary]

تسلم اخوي عمر بس انا ماقدر اعيد ثالث ومالي رغبه اعيد .. مب شرط ادرس برع لو في اهني والله ماطلعت اتمنى اتفيدوني اكثر ..

مادري انا سمعت ان المجلس يبعث باي نسبه مب شرط 80 ؟؟

[Mohammed Al-haddad]

صراحة الله يعينك اختي

علشان ما أقص عليج وضعج صعب شوي بس لا تخافين في حل

الحين صج المجلس الأعلى يودونج بس لازم تيبين قبول من جامعة معترف فيها و ما يحتاج شرط النسبة 80 % ( شرط غير مطلوب )
بس القبول

لا تفقدين الأمل أختي خصوصاً انك لين الحين ما خلصتي ثانوية عامة ( ممكن سؤال أنتي في مستقلة ولا حكومية )

ممكن جامعة قطر بنسبة 70 على حسب ما أظن ( موازي )

و إذا بتحاولين تشوفين جامعة برع حاولي تشوفين أقل جامعة في صعوب القبول

و في أمكانية إذا ما قدريتي تدشين جامعات بريطانيا أو أمريكا على حسابج بعدين تحولين على المجلس الأعلى

[Fatma A.Al-shemary]

شكرا لك اخوي ولد الحداد اي هاي اللي سمعته ان مب شرط ال80 بس القبول مشكله بعد
انا حكومية الشيخ ومادري بوصل ال70 ولا لا اتمنى اوصلها .. اذا ابي ادرس على طول الفصل الجاي هل اقدم اوراقي من الحين بعد ماتطلع الشهادات مع القبول ؟؟!!
واذا تقدرون اتفيدوني بالجامعات اللي تجيب قبول بسرعة ومعترف فيها ؟؟
وهل جامعة sussex الكندية معترف فيها ؟؟ وشكرااا

[Mohammed Al-haddad]

للأسف أختي الجامعة الي قلتي عنها مب معترف فيها

[Fatma A.Al-shemary]

لاحول الله شوف لي جامعات الشيخ اذا اتعرف حد ابي احصل القبول باسرع وقت قبل لايغيرون قرارهم بعد ويوهقوني.. يعطيك العافيه

[Mohammed Al-haddad]

أختي أن شاء الله
و ما يصير خاطك إلا طيب

بس المشكلة أني ما عندي خبرة وايد بالنسبة حق برع قطر أخواني و اخواتي الباقين بيساعدونك أن شاء الله أكثر من و أنا بحاول على اللي أقدر عليه

[Fatma A.Al-shemary]

تسلم محمد ماقصرت والله .. لو في بنات في جامعات برع اقدر اتواصل معاهم حلو جي
بس شاسوي الصبر مفتاح الفرج .. في انتظار الردود

[Ahmed Al-Ali]

[


في وايد حلول ومافي شي مايصير .. سمعت ان المجلس الاعلى يبعثون بدون نسب وتوفل او آيلتز بس لازم اجيب قبول!!! هل هذا الكلام صحيح ..!

صحيح


اذا الكلام صحيح مع العلم عندي ايلتز (5) فهل اقدر اجيب قبول من اي جامعة في بريطانيا او اي بلاد ثانية بسهولة! بس اتكون جامعة معترف فيها وجامعة تقبل الآيلتز 5 واذا وديت لهم القبول
يطرشوني على طول ولا يبيلهم فتره طويله

درجتج بالايلتزحلوه وتقدرين تجيبين قبول ، بس مب اي جامعه ولا بالسهوله ، في جامعات وايد تقبل 5 وعلى سبيل المثال ليفربول وشيفيلد ولكن تطلب 80 بالشهاده الثانويه ، وفي جامعات تقبل نسب متدنيه لكن درجه عاليه بالايلتز

في اكثر من جامعه تقبلج وعلى سبيل المثال جامعه برادفورد و اكسفورد بروكس وايست انجيليا راح يقبلونج بمعدلج وبدرجه الايلتز اللي عندج ، وهالجامعات مُعترف فيها من قبل المجلس الأعلى.


والقبول تقريباً يبيله اسبوعين الى عشر ايام علشان يوصل ، وعلشان تتفادين الانتظار كل هالمده انصحج تخلين الدي اتش ال يجيبونها لج.

اذا في استفسار ثاني انا حاضر :)

الله يوفق الجميع

أطيب تحيه..
أحمد العلي

[A.Al-mohammadi]

السلام عليكم ورحمة الله وبركاته

مرحبا أختي فاطمة..إسمحيلي اضيف عاللي قالوه اخواني..
درجتك في الأيلز حلوه ومطلوبه بس أهم شي تكون درجتك 5 في الwriting and reading وهذا طبعاً بالنسبه لجامعه كنت..ويقبلون بعد نسبة الثانوية من 70 وطالع..ومثل ماقال أخوي محمد المجلس الأعلى ما يهمهم النسبه اهم شي يكون عندج قبول من الجامعه نفسها..
وإذا حابه أي استفسار أو مساعده أنا حاضره..

موفقه انشالله.. :)

[Mohammed m. Bujassoum]

السلام عليكم ورحمة الله وبركاته

الله يعينج اختي فاطمه,,

الاخوان ماقصروا في شرح البعثه عن طريق المجلس الاعلى,, والي سمعتيه صح, اهم شي القبول غير المشروط + درجه النجاح في الثانوية العامه

اما بالنسبة للدراسة خارج قطر, انا بتكلم عن بريطانيا بحكم اني مريت بهالمرحله في البحث ومراسلة الجامعات,,

اختي جامعات بريطانيا حسب ماشفته من الشباب انهم مايعطون نسبة الثانوية العامه اهمية كبيره

اعرف وايد شباب دخلوا جامعات بريطانيا على حسابهم ونسبهم شي و 50 , ودرجة الايلز مالتج بتساعدج وايد لانها زينه

انتي اختاري الجامعه وراسليهم والله يوفقج انشالله


بالنسبة للجامعات الي تقبل 5 في الايلز حق الفاونديشن عندج:

ليفربول - شفيلد - برادفورد - نيوكاسل - اكسفورد بروكس - ساسكس

ذيلا الي طروا على بالي الحين

اذا اخترتي الجامعه,, شوفي هالمو ضوع وطبقي عليه :)

::: طريقة التسجيل فالجامعات البريطانيه ::: (http://www.qataries.net/vb/showthread.php?t=11276)

واذا عندج اي استفسار اختي, انا حاضر :)

[Fatma A.Al-shemary]

تسلللم يالغالي لى تشجيعك لي من تقصد بال اتش ال ؟؟

[Mohammed m. Bujassoum]

اختي اخوي احمد يقصد الـ DHL ( شركة شحن معروفه )

بس ما اظن انج تحتاجين تراسلين الجامعه عن طريقهم, لان تو الناس السنه الاكاديمية الجديده تبتدي في نص 9 وعندج في حدود الـ 3 شهور لين ماتراسلين الجامعه وتحصلين القبول وتخلصين امور الفيزا والسكن, يعني في وقت طويييل ولاتحاتين :)

[Fatma A.Al-shemary]

بنت المحمدي تسلمين يالغاليه ماقصرتي والله وشكرااا لك بوجسوم .. كفيت ووفيت اخوي تسلم والله شجعتنيييي وايد

[Khalid Alhamar]

هلا والله ,,

والله يا اخت فااطمه الجامعاات البريطاانيااا اكثرهاا همهاا الفلووس !!

فالقبوول ان شاء الله راح يكوون سهل ان شاء الله بماا انج جبتي 5 في الايلتز ,

جربي جامعات مثل شيفيلد , سسكس, برادفوورد , ليفربوول !!

ومايصير خاطرج الا طيب ! =)

[Fatma A.Al-shemary]

شكرا لك اخوي خالد على مشاركتك ..

ان شاءلله بشوف الجامعات بس احسن جامعه من بينهم شنهي؟؟شفيلد ولا لفر بول ولا براد فورد؟
ابي مكان اتكون دراستهم اسهل واسرع في التخريج .. ثانكــــــس

واشتنصحوني في الصيف ادش دورة انجليزي ولا كمبيوتر؟ !!!

[Mohammed m. Bujassoum]

انا مره ثانيه :D

شكرااا لك بوجسوم .. كفيت ووفيت اخوي تسلم والله شجعتنيييي وايد

any time :)

ان شاءلله بشوف الجامعات بس احسن جامعه من بينهم شنهي؟؟شفيلد ولا لفر بول ولا براد فورد؟
ابي مكان اتكون دراستهم اسهل واسرع في التخريج .. ثانكــــــس

والله اختي هالثلاث جامعات تقريبا نفس المستوى, ومده الدراسة وحده في كل جامعات بريطانيا 4 سنوات ( سنه فاونديشن + 3 سنوات تخصص )

بس اختي ماقلتي لنا شنو ناوية تدرسين؟؟

واشتنصحوني في الصيف ادش دورة انجليزي ولا كمبيوتر؟ !!!

اختي الكمبيوتر ممكن تتعليمنه في اي وقت ومب مهم مثل الانقلش ( اكيد تعرفين تمسكين الماوس وتستخدمين الكمبيوتر كاستخدام عادي )

انا نصيحتي اخذي كورس انقلش وقدمي ايلز مره ثانية وحاولي تجيبين 5.5 عشان تقل فتره الفاونديشن من 12 شهر لي 8 شهور ( هاي بالنسبة لشفيلد وليفربول )

تحياتي//
محمد بوجسوم,,

[Fatma A.Al-shemary]

هلا محمد امس شاورت امي ووافقت بس الوالد رفض =( ؟؟؟؟؟؟؟؟؟

جان اصيح =( قالي دشي اي مكان اهني حتى لو خلط بس ماتغربين برع

قلت له مايدخلوني مكان مافي الا البترول قالي معليه اخذي دبلو وعقب يصير خير حق

البكالوريوس حاولت اقنعه وجي لكن مافي فايده لان محد بيكون معاي وتدرون

بروحي يمكن صعبه شوي وهلي عندهم اشغالهم ومحد يقدر ييجي معاي للاسف

واخواني صغار بعد يعني محد وياي ونسبتي رايحه فيها وانا الحين متوهقه احترت الصراااحه وااايد

وتضايقت الحين مافي جدامي غير البترول او............. مادري في شي احسن منهم ولا لا

فبضطر ادش الاطلنطي .. =( وعقب اكمل ان شاءلله برع او اي مكان على قولة الوالد عقب ريلج بيوديج اتكملين :22:

شاسوي يعني

[Omar Al Hazaa]

^
^
اختي..

اخذي لج دورات لغه وكمبيوتر "وفي نفس الوقت عيدي ثالث ثنوي منازل"

وجيبي نسبة القبول في جامعة قطر..

وجامعة قطر عندهم سنتين تأسيسي فقط وبيدرسونج رياضيات وانقليزي وكمبيوتر..

حاولي انج تدرسين مواد التأسيسي الحين وبعدين ان شاءالله تدخلين جامعة قطر على طول..

بدون ماتضيعين سنتين على التأسيسي..

وبتكونين ان شاءالله استفدتي من السنه القادمه حتى لو كنتي قاعده فالبيت..

بس اهم شي انج تكونين جاده ولا مابتوعين الا والسنه مرت بسرعه وانتي مادرستي شي..

وانتظري نسبتج الحين وان شاءالله تكون زينه..

[Mohammed m. Bujassoum]

هلا اختي,, معليه تم للاهل نظره احنا العيال مانقدر قيمتها :)

في هالحاله عندج خياريين,,

الاول: مثل ما قال اخوي "عمر" انج انشالله تجيبين نسبة حلوه تدخلج جامعه قطر او انج تروحين البترول ومن ثم الاطلنطي

او تعيدين السنه وتقويين اللغه عندج

الله يعينج اختي وموفقه انشالله

[Fatma A.Al-shemary]

صعبه اني اعيد السنة لان المنهج بيتغير .. يعني اخر حل هو الأطلنطي .. =( بس دبلوم للاسف
ان شاءلله بعد النسبه بشوف وين بروح يمكن ترتفع الله اعلم ..
سمعت ان الموازي بيشيلونه ؟؟
صج الكلام ولا لا؟؟!

ومشكوورين محمد + عمر يعطيكم العافيه

[Mohammed m. Bujassoum]

الله يعافيج, وانشالله الاخوان بيساعدونج في مسألة الموازي :)

[Fatma A.Al-shemary]

تسلم اخوي ماقصرت