حر موت بالدوحة .. واحنا بعدنا اول شهر 6

[Fahad Buhendi]

درجة حرارة غير طبيعية بالدوحة هذه الايام

وصلت 47 درجة مئوية

وهذا رقم اشوفه لاول مرة مع العلم اننا ببداية شهر 6

والصيف معروف انه يبدأ 20 يونيو

حتى مكيف السيارة عندي ما استحمل مع انه موديل 2005

احد الاصحاب سيارته موديل 2007 وحرارة السيارة ارتفعت

ما ادري وش رايكم بالجو هذه الايام

[Omar Al Hazaa]

اليوم الساعه 9 فليل.. احترقنا من الحر واحنا طالعين من نادي السد..

قلنا يمكن هالشي من الزحمه..

لاكن شفت درجة الحراره بعدين..

وكانت 41.. الساعه 9 فاليل و الدرجه 41!

شلون عيل الظهر!

الظهر اتحدى حد يغسل يده بالماي هههههه..

الله يستر من الايام الجايه..

بس يمكن نتعود على هالشي مع مرور الوقت..

وكل هذا بسبة طبقة الاوزون وتلويث الناس للأرض..

[Fahad Buhendi]

اليوم الساعه 9 فليل.. احترقنا من الحر واحنا طالعين من نادي السد..


لاكن شفت درجة الحراره بعدين..

وكانت 41.. الساعه 9 فاليل و الدرجه 41!
شلون عيل الظهر!
..

انا اتفق معاك

2008 سنة الارقام القياسية (بالنسبة لي على الاقل)

اول مرة اشوف درجة الحرارة 7 .. (احد الاصحاب قال لي انا وصلت 1 بالشمال شهر يناير)

واول مرة اشوف درجة الحرارة 47

هذي السنة .. بردنا برد .. وحرنا حر

[Omar Al Hazaa]

^
^

العلماء توقعوا ان هالشي راااااح يزيد مع مرور السنوات..

[M M Al-kuwari]

ماقول الا

الله يعين :(

[Noor Al-Hajri]

ومتوقعين توصل 50
الله يعين

[Nasser Al-Saadi]

اوصلت 50 امس ،،
وهذي الصورة بتاريخ 2/6

http://farm4.static.flickr.com/3160/2545140360_dfac5e6862.jpg?v=0

[Abdulrahman Fakhroo]

Two Words: Global Warming

[Mohammed Al-haddad]

الحمد لله على كل حال

الجو بانسبة لي عادي حار شوي ( لحد يستغرب !!!!! )

أموت في شي أسمه حر

[Ahmed Al-Ali]

صدقت بوهندي ، الجو جداً حار ومكيف السياره تقل كفائته كل مازدادت الحراره.

بس بصراحه ، حلاة الدوحه بالحر واللواهيب ، وحلاة لعب الكوره فليل بالرطوبه ، علشان تصب عرق وتحس بطعم اللعب ، وعقب ترد البيت تتسبح بماي حاار ، وعقب تطلع وتشرب لك عصير توت باااارد وانت عالكمبيوتر والمكيف يدفف عليك :P

[Omar Al Hazaa]

^
^

مكيف الغرفه قلة كفائته هههههه..

والله ماصار له شهرين..

هذا واحنا نايمين بدون لحاف..

[Fahad Buhendi]

ومتوقعين توصل 50
الله يعين

سيارة ناصر السعدي وصلت 50

بس سيارة واحد من الربع وصلت 51

وسيارتي وصل 47 الساعة 3 ونص

وامس الساعة 12 بالليل وصل 39 بالكورنيش

[Fahad Buhendi]

صدقت بوهندي ، الجو جداً حار ومكيف السياره تقل كفائته كل مازدادت الحراره.

بس بصراحه ، حلاة الدوحه بالحر واللواهيب ، وحلاة لعب الكوره فليل بالرطوبه ، علشان تصب عرق وتحس بطعم اللعب ، وعقب ترد البيت تتسبح بماي حاار ، وعقب تطلع وتشرب لك عصير توت باااارد وانت عالكمبيوتر والمكيف يدفف عليك :P

جربت نفس الشعور بالضبط أمس بالليل

وكان شيء حلو

مع الاختلاف اني شربتي عصير اناناس :8888:

[Amer Al-Hemaidi]

الله صج
لما أركب السيارة والله أن السكان يطبخ على يدي

عازل حراري ما نفع

مخفي مانفع

تشغل المكيف من اليوم لين بكرة حتى ما ينفع
.
.
.
.
بس أنسان واحد شفته مستانس على الحر الي هني
حتى أنه كنسل سفرتة لتايلاند و قعد في الدوحة

لما قالي شي طالعتة :13: أستوعب الي يصير جدامي

بس شتقول

[Ali H. Al-Emadi]

وقاعد اذم مكيف موتري المسكين

الحر لا يطاق

اطلع من الموتر واروح المحاضره كمن خطوه احس اني طفشت من الحر

[Mohammed Al-haddad]

يا جماعة الخير الله يعين الحر صج محد يستحمله ربعي و أهلي يموتون من الحر و أنا شوي

الحمد لله

و الله يخلي التدريب اللي علمنا الصبر علمنا على حر الظهر

[F.H]

حر الدنيا ولا حر جهنم

ربي يصبرنا ...

[Abdulla Al-Malki]

لندن وهي لندن ما جابت الراس ** حسبي على الدوحه وذيج اللواهيب

والله شكلي بهون مب راد الدوحه على هالحر .. يبمدحون براد هالبلاد ههههه

[N . A . AL-KORBI]

السلام عليكم ورحمة الله وبركاته

عجبا عجبا عجبا عجبا عجبا

ايها القوم ماذا حل بكم

اي حر ، اي رطوبه ، الجو شحلاته يهبل

انا مو رافع ضغطي إلا هالشباب ، بالسياره يروحون المحاضرات ويقولون حر

اقول احمدوا ربكم ، شتقولون عنا ، صج مجاهدات ، مشوار من التأسيسي لي كلية العلوم

ومن كلية العلوم لي المكتبه ، لا وشحلاتهم الدكاتره لي قالوا تعالوا مبنى البنين ، كرف من قلب

انا عن نفسي مو حاسه بالحر ، بالعكس الجو شحلاته ، خريف " خالف تعرف "

لا صج ، تخيلوا المكيف ماخذ إجازه ما ابطله وايد ، يعني نص ساعه وعقب ابنده

والله اشتقت حق الحر والرطوبه ، يازين جونا ، ففي الصباح الباكر ترى اشعة الشمس عموديه

وعندما تخرج تصاب بضربة شمس ، والرطوبه يازينها ، ترى الشمس نعمه من الله ، اسألوا مجرب

ماعرفت اهميتها إلا من سافرت صلاله ، صج معاناه من قلب ، شمس ماكو ، ورطوبه لا إلاه إلا الله

تقوم الصبح ماكو شمس ، الجو ماعليه كلام روعه وبراد ، بس حسيت بضيقه من قلب ، الحمد لله على جونا

[Layal_bani nasser]

يا ويلي على الحر ,:, امبارح بس طالعه من كلية العلوم رايحه السياره صرت كرسبي .:,
من الهوا السخن , الله يعيني شكلي ماراح اخد :39:صيفي

[Nayef Al-mansouri]

شي طبيعي جدا

بما ان الكهرباء في قطر تصرف بشكل كبير

وعوادم السيارات تضاعفت مرتين

الامر اللذي يؤثر على الجو

وعلى قولة فخرو

global warming

[Mohammed Al-haddad]

الحمد لله أني من الشباب مب البنات ( صراحة البنات الله يعينهم لبسهم دبل لبس الشباب عباية و شيلة و ما ادري وشو الله يعينهم حرهم دبل عن اللي أحنا نحسه )

[Sh.W]

الحمد لله على كل حال

الجو بانسبة لي عادي حار شوي ( لحد يستغرب !!!!! )

أموت في شي أسمه حر

الحمدلله لقيت حد يأيدني ويحب الحر،، أحب كل شي أسويه في الصيف
من يوميين كنت أمشي في الشمس الساعة 3 ،، شعور رهيب مع الحر
حبيت الجو وايد،، أحلى شي الصيف...

[F.Al-Sheeb]

الســلام عليكم ورحمه الله و بــركاته ..

,

الحـر حلو اذا فيه هوا حــاار ..
الحـر مب حلو اذا فيه رطوبه .. لأن يصيدني ضيق تنفــس !


بس شممسسس تحرق .. ذاك اليوم طلعت من الامتحـان انشوييت كانت درجه الحراره 50 و الساعه 10 الصبح !! ....


خـاطري في " ثـلج " ^___________^ .. ابي اشووف ثلج : ( ...



الله يعيين : ) ..

* هذا الحـر اللي نحـس فيه .. جــزء بسيييط جدا من حــر النـار ..

,

[Fahad Buhendi]

الحمدلله لقيت حد يأيدني ويحب الحر،، أحب كل شي أسويه في الصيف
من يوميين كنت أمشي في الشمس الساعة 3 ،، شعور رهيب مع الحر
حبيت الجو وايد،، أحلى شي الصيف...
صج الرطوبة في الجو شي ممل،، لكن عادي..
بس تتوقعون لي بداية الصيف ،، كم توصل درجة الحرارة ؟؟
يمكن أهون.. وأغير رأيي وقتها ..

الجو اليوم بالليل كان حلوووووووووووووووو

رحت اتمشى بالكورنيش ...

وبعدين مشي الساعة 3 العصر

شوي صعبة هذي الايام

؟؟

[Sh.W]

الجو اليوم بالليل كان حلوووووووووووووووو

رحت اتمشى بالكورنيش ...

وبعدين مشي الساعة 3 العصر

شوي صعبة هذي الايام

؟؟

لا مب رايحة متعنية أبي أمشي....الحمدلله العقل للحيين موجود :D

كنت رايحة أخلص أوراقي في مكان... و وكان فيه مساحة كبير تقطعها مشي...
وكنت مستمتعة بالجو ...

[Mohammed Al-haddad]

أمس في الليل تمشينا في الغبار على الكورنيش بس صراحة شي وايد حلو

كسرت ربعي مشيتهم 4 كيلو متر :D

[A.Al-mohammadi]

السلام عليكم ورحمة الله وبركاته

الله يعين كلها كم يوم وانجي حق الرطوبه والحـــــــر..يعني مجرد مالواحد يكشخ ويطلع ويوصل المكان اللي يبيه الا الكشخه ساحت من الحر
وكأني سمعت انه الرطوبه لها فوائدها حق الروماتيزم..:39:
لانه نسبة اللي يعانون من الروماتيزم أكثرهم في الدول الأوروبيه اللي مافيها نسبة
رطوبه نفس اللي عندنا..والله أعلم..:)