اقتراح مهم لتطوير الاطلنطي . لتطوير مستقبلنا و مستقبلكم

[ahmad marzooq]

السلام عليكم

شباب
كلنا عارفين ان كلية شمال الاطلنطي صارت مهمة في البلاد وفيها عدد كبير من الطلبة
وكل سنة شهرتها تزيد وعدد الطلاب اللي يسجلون فيها يزيد

هذه الكلية متكاملة تقريبا , فيها تخصصات قوية و مطلوبة ومهمة في سوق العمل
لكن للاسف ينقصها شي واحد حتى تكون قادرة على منافسة العمالقة

الا وهو




( برنامج البكالورويس )

بصراحة حان الوقت لنطالب بتحقيق ذلك
الى متى تستمر هذه الكلية بطرح برامج الدبلوم فقط !
لابد ان تتقدم للامام وتطرح برامج البكالورويوس


ان من شأن هذه الخطوة ان تدفع الكلية الى الامام لتنافس الجامعات الموجودة في الدولة
مثل جامعة قطر وبقية الجامعات المتطورة الموجودة في المدينة التعليمية


ان العامل الرئيسي المساهم في تحقيق هذا الامر هو ( انتم )
نعم انتم طلاب كلية شمال الاطلنطي

لابد ان تتكلموا وتوصلوا اصواتكم الى ادارة الكلية وتتقدموا بهذا الاقتراح

ان هذه الكلية اذا قدمت برامج البكالوريوس , فسوف يكون لها قوة اكبر بكثير من الجامعات الوطنية الموجوده في الخليج
وذلك لانها كلية كندية معترف بها عالميا بطبيعة الحال :5:


ارى ان تطالبوا بذلك بشكل جدي
وانتم المستفيد الاول من هذه الخطوة اذا تحققت ( ولن تكونوا المستفيد الاخير )
وسوف ينعكس ذلك على مستقبلكم المهني بشكل مبهر جدا..

والله الموفق ..

[Khalid Al-Qahtani]

بسم الله الرحمن الرحيم

الله يعطيك العافيه اخوي...

اقتراح جميل...

طبعا كلية شمال الاطلنطي كلية كندية شهاداتها الدبلوم العالي والدبلوم العادي...

وتعتبر شهادة الدبلوم:

community college diploma

او

post-secondary institution degree

والفرع الرئيسي نفسه مايوفر بكالريوس...

لكن في امكانية ان تكمل كمثل بجامعة ميموريال بنفس مكان الفرع الرئيسي للكلية...

اوباحدى الجامعات الكندية او الامريكية او البريطانية....

نظام الكلية هذا موجود منه كثير بامريكا وكندا...

يعني كليات توفر دبلوم فقط...

لكن بالطرف الآخر توجد اتفاقيات بين الكلية وبعض الجامعات لاكمال البكالريوس...

كمثال جامعة كيب بريتون في سيدني في نوفا سكوشيا بكندا...

او انك تقدم على جامعه اخرى كندية ويتم اعفائك من شروط القبول ويتم لك معادلة المواد...

طبعا مب كل المواد...

وكمثال بعض الكليات بولاية فلوريدا توفر دبلوم فقط لكن بينها وبين الجامعات بفلوريدا اتفاقية...

لاكمال البكالريوس...

ومن وجهة نظري ماراح يصير ان الكلية توفر بكالريوس لان تكلمنا قبل وقلنا ولا في فايدة لان الكلية...

نظامها هالشكل وعندها فوق 17 فرع...

صحيح يمكن البعض مايقدر يكمل دراسه بالخارج بحكم ظروفه ويبي يكملها بقطر...

الباقي على الجامعات الموجوده بقطر...

كمثال جامعة قطر او الجامعات بالمدينة التعليمية...

في ان يصبح بينهم اتفاقية لاكمال البكالريوس لخريجين كلية شمال الاطلنطي...

واللي يبي يكمل بره في جامعات وايد تقبل...

وانا ارسلت شهادتي الدبلوم لمعهد تقييم شهادات بفلوريدا...

وعادلوها لي على انها دبلوم من كلية مجتمع امريكيه يعني

US community college

وهالشي ساعدني وايد...

في بعض الجامعات تقبل من غير شروط توفل وغيره...

وبعضهم لا يقبل شهادتك بس يبيلها تقييم من معهد تقييم ومن ثم يقبلها لكن يبي منك توفل والشروط الاخرى...

ادري طولتها وهي قصيره...

فزبدة كلامي:

ان الكلية مستحيل توفر شهادات بكالريوس...
لكن في اتفاقيات من قبل موجوده بينها وبين جامعات اخرى...
او ان الكلية نفسها تخاطب الجامعات الموجوده بقطر لعقد اتفاق اكمال البكالريوس...

وآسف عالاطاله...

ودمت بود وعبير الورد...

[Ali Alkuwari]

والله الواحد وده .. يعني مثلا البزنس عندنا معترف فيه وجامعة قطر مش معترف فيه

لكن هم شهادتهم بكالريوس واحنا دبلوم

يعني المفروض الدولة على هالتقدم .. توفر لنا جامعة في الدولة تعادل مواد النورث

فـ اللي حاب انه يكمل يدخل واللي ما يبي براحته

يعني بدل الواحد ما يروح يراكض لجامعات برى وقبول ومعادلة مواد وشروط التسجيل

الصراحه الكلية ما قصرت بين كل فتره وفتره يجيبون جامعات من برى لشرح سالفة المعادلة

والكلية توقع اتفاقيات مع الجامعات الخارجيه .. بس احنا اللي نبيه جامعه وحده بس في قطر

لو مش جامعه لو اي شيء بس يعطينا شهادة البكالوريوس

انشاء الله خير

[Fatma A.Al-shemary]

والله ياريت يصير انكمل البكالوريوس بس شنقول .. No Comment

[Mona Al-Emadi]

مادري فهمي غلط او لا
الكلية اذا طرحت بكالوريس، معناته بتصير جامعة، صح؟
و فرق بين نظام الجامعات و نظام الكليات
الكلية ناس تهتم بالطالب لأقصى حد و متفرغين للتدريس، الطالب بس يسوي الي عليه من شغل و امتحانات و ناجح باذن الله، و يركزون عالعملي أكثر

اما الجامعة فبنبتلش بالدكاتره، المواد بتصير اصعب و تعتمد عالنظري، و يمكن يطبقون نظام المنحنى يعني لازم نسبة معينة من الكلاس ترسب حتى لو سووا كل الي مطلوب منهم

اذكر احد الطلاب بالمنتدى ذكر ان احسن شي هو ان الطالب الي يدرس برا يبدي في كلية و عقب يكمل في جامعة، تأسيسة بيكون قوي

الي مستغربه منه هو ان جامعة قطر ما تخلينا نكمل عندها بكالوريس
فيها تخصصات بزنس و هندسه و كمبيوتر... الخ
بالعقل ليش نروح آخر الدنيا ناخذ بكالوريس و هم عندهم و خالصين!


و اما عن المدينة التعليمية، الجامعة الوحيدة الي يخلون طلبة من الاطلنطي يكملون عندها هي كالجاري حق تخصص العلوم الصحية

البقية ما سمعت ان حد كمل عندهم...

[A.O.A]

الصراحه هالفتره انا اجوف الجامعه صارت تفكر اكثر بان الطالب يكمل بكالورياس وفي كذا جامعه جات وسوت برزنتيشن حق الطلاب عن جامعاتها,وحق الطلاب اللي يبون يكملون بكالوريس ومنهم ليفربول وليدز وتيسايد بس كلهم اطلبوا متطلبات حق الدخول منها المعدل من 3.2 وطالع وايلز 6.5 او 6.00 والمواد اللي بتنقبل على حسب كل طالب ويعتمد عل تخصصه وقالت جامعه ليفربول انها بتنزل لسته حق المواد اللي بتنقبل حق التخصصات مثلا البزنس وال الاي تي والهندسه بس ليحين مانزلوا , ان شاء الله خير والله كريم يارب ....

[Ali Alkuwari]

^

كل شيء سهل انشاء الله .. بس الواحد ما وده في الغربه

[S.J.A]

دام الفرع الرئيسي للكليه مايوفر برنامج البكالريوس .. ماعتقد إن هالشي ممكن بالكليه عندنا في قطر

والحمدلله .. الحين غيروا قوانين هيئة التعليم ، والنسبه صارت غير مطلوبه للحصول على بعثه للدراسه بالخارج

نصيحتي للكل .. إذا قدرتوا تجيبون قبول جامعه من برى يكون أحسن

لأن دراسة النورث قويه ومتعبه .. وآخر شي مب بكالريوس .. حرام والله

الله يوفقنا جميع

:)

[Abdulaziz Almulla]

كلية شمال الاطلنطي تبقى كليه

يعني صعب تتحول إلى جامعه بالسهوله الي تتصورونها

أعتقد وأوافق الشباب ان المفروض يتم معادلة شهادة الجامعه

بحيث يقدر الطالب يكمل البكلاوريوس في أحد جامعات قطر

وأن تعادل مواد الجامعه مع الجامعات الثانيه