في بـلادهـا متـسـترة وفـي الـخـارج مـتـستـرة ولكن بـألـوانـ

[Jassim AL Hamar]

بسم الله الرحمن الرحيم
الحمد لله رب العالمين والصلاة والسلام على أشرف الأنبياء والمرسلين نبينا محمد وعلى آله وصحبه أجمعين أما بعد ..

السلام عليكم ورحمة الله وبركاته

اخواني واخواتي الاعزاء يشرفني الانضمام الى هذا الموقع ( المنتدى )
واتنمى الاستفادة منه وان افيد ..

ندخل في صلب الموضوع ..

نعم نلاحظ في كثير من الاحيان بعض النساء تكون متسترة في بلادها بالعبائه
ولكن اذا سافرت الى الدول الاوروبيه او الاسيويه اقصد دول ماليزيا سانغفورة
تخلع العبائه وتلبس الجينز والبالطوا والاشياء المزكرشه بالالوان

ولكن اذا سافرت الى الدول الخليجيه تلبس العبائه
واذا سافرت لدول العربيه البعض يرمي العبائه والبعض الاخر يلبس الجينز والبالطوا

لماذا هذا التناقض بالنسبه للبس العبائه والاختلاف في اللبس بالنسبه لدوله المسافرة أليها
هل اصبحت العبائه تعتبر من العادات والتقاليد وليس سترآ لهم

ماهو رأي الاسلام في ذالك (( وهو الاهم ))

حيث يكوون من اسباب رمي العبائه يكون كالتالي ..
1- اخذ الاريحيه في السفر وخاصه في الاماكن الترفيهيه
2- عدم جذب الانظار أليهم جيث ان الحجاب و العبائه تكون بالون الاسود
فبتالي يكون محط جذب واهتمام من قبل الاجانب على انهم ارهابيين :surprise:

ومن ثم نأتي لرجل هل يعتبر ( ديووث ) لان الخليجيين يتواجدوون في كل مكان
يعني من الممكن ان يرى اصدقائه هناك في هذه البلاد ويكون مغطي حريمه في بلاده

هل ترضى النساء ان ترمي العبائه في بلادها ..

في النهايه انا لا اعمم على كل النساء

وفي الختام تقبلوا هذا الموضوع برووح رياضيه

والسلام عليكم ورحمه الله وبركاته

[F.H]

لماذا هذا التناقض بالنسبه للبس العبائه والاختلاف في اللبس بالنسبه لدوله المسافرة أليها

الجواب كالتالي :

لبس العبائة عند البعض يعتبر من العادات والتقاليد ... لهل سبب هل نوعيه مايتمسكون بالستر بالخارج ..

أما إلي تلبس العبائة من باب إن الإسلام يحثنا على الستر وإن هذا واجب .. مستحيل تتخلى عنها وين ماكانت ..

بالنهاية يعتمد على التربية والبيئة إلي يعيش فيها الإنسان ..

[Abrar Al-Janahei]

مشاركة طيبه اخوي جاسم :)

بالنسبة حق رايي في الموضوع ..

العباة والشيلة .. اهمة يعتبرون شكل لثقافتنا .. وعاداتنا وتقاليدنا .. اهمه شكل للبس القديم لكن بتحديثات

النساء في الجاهلية .. كانوا يلبسون خمار .. وعبادة مثلنا .. وكانت اهيه ثايبهم العادية .. لكن في اختلاف بانهم كانوا يظهرون جزء الرقبة .. وكان في نطاق يلف على الخصر

كانت ثيابهم ملونة .. + انهم يشمئزوون من اللون الاسود .. يعتبرونة لون يجلب الحظ السئ .. هاي ..

غير ان اللون الاسود .. قصة في اللبس ( عباية وشيلة ) .. كانت ياية من العراق .. بان تاجر عراقي ياب لمنطقة الجزيرة خمار بس باللون الاسود .. وخسرة تجارتة .. غير انه سوا لها دعياة .. بانه اعطي حق شاعر مبلغ ليألف شعر على الليون الاسود .. وصار .. وربح .. يعن ياالالون في الحجاب مباحه

وصار هاي لون الملابس

الحين .. شكل العابية والشيلة .. لا يدل على الحجاب .. انما اهوه عادة .. لكن هالعادة دخلت عليها أوامر الاسلام فتطبقت وصارت ظمن هالعادات والثقافة


والحجاب الاصل فيه .. عدم لفت نظر الرجال للمرأه .. يعني في الخليج .. لما الكل لابس اسود واتيينا بنت لابسه ثياب ملونة .. بتلفت النظر لها


اما في الخارج .. لما يكون كل البنات لابسين ملون .. واهيه الوحدية لابس اسود بتلفت النظر عليها .. واهني تخترب قيمة الحجاب ..

انا اجوف ان البنت لازم تواكب الشكل المتاعرف عليه في الدول .. بحيث تتسر ويكون حجابها عدل ,, من نايحة الستر واللباس الفضافاضة .. عشان ما تلفت النظر .. وهاي الاصل


لكن الغلط .. لما يكون الموضوع مثل عرض ازياء .. بانواع واشكال الحجاب ..


اعتقد من تنكسر قاعدة ( لفت النظر ) تخترب قيمة الحجاب .. حجابي لازم ما يكون لافت للنظر .. لايص ولا يشف

ومشكور على الموضوع مره ثانية :)

[Omar Al Hazaa]

مرحبا اخوي جاسم.. الحمر اهلنا من فريج النجاده..

بالنسبه حق الموضوع..

اتفق مع اختي F واختي ابرار في كلامهم السابق..

واذا البنت بتلبس ملابس ملونه لاكن وسيعه وماتضيق على الجسم! هالشي بيكون طيب..

احنا سافرنا ماليزيا وتايلند فالسابق..

والكل يلبس عبايه وعادي..

ومادري عن الدول الثانيه..

اما اذا البنت بتفصخ العبايه وبتلبس تنوره قصيره فوق الركبه؟

هذي وحده من الخليجيات شفناها في سوق الليل في تايلند..

مابي اقول بالتحديد اهيه من أي دوله!

وبعض البنات يلبسون لبس ضيق يفصل جسمهم؟

الغلط مب منهم؟

من الديوث الي يمشي معاهم؟

بتغار على هلك من القطري؟

لاكن مابتغار عليهم من التايلندي والماليزي؟

لأسف البنات هذولا ماسافروا مع رجال لاكن مع اشباه الرجال

ومافيها شي لو المرأه تمسكت بعبايتها حتى لو في اوروبا..

خل تلفت الانظار واهيه لابسه عبايه ونقاب؟ عادي مافيها شي..

ماشفنا الاجانب يلبسون عبايه ونقاب لما يجون قطر؟

[A.A.Al-Nasser]

.................................................. ........................ يرجى حذف الرد للتكرار

[A.A.Al-Nasser]

دام إن شرط "الستر" موجود أنا ما أقدر أجادل أخواتي في الموضوع..

لكن للأسف.. عندنا الحين اللي لابسين العباة لكن رامية الشيلة.. فراعت التقاليد في مسألة العباة السودة.. ولا راعت مسألة وجوب الستر.. هذا وهي في بلادها.............!!!!!!!

[Abrar Al-Janahei]

صح .. العياة من العادات والتقاليت .. راعت مسألت الحجاب والحشمة .. لكن اذا انكسر فيها هالشرط .. صارت اردى من الثياب الملونة

[Fahad Buhendi]

انا لا ارى مانع من رمي العباءه في الخارج لعدم لفت الانظار وخاصة في هذا الوقت حيث جريمة الارهاب تلصق بنا

ولكن ضد فكرة الجينز والملابس الضيقة للنساء والفتيات

بدون زعل

لبس البنات في بريطانيا وامريكا يفشل .. واتمنى ان يحسنوا اختيار الملابس

راي شخصي

[Abdulla Muhairi]

صحيح العباه مهمه وهي ستر للبنيه .. لكن فالغربه صعبه يا بن عمي

انا ما احرض البنات انهن ما يلبسن عبي ويتسترن لكن اضايج يوم اشوف وحده لابسه عباه
والاجانب يطالعونها بنظرات ... وهي مسكينه تحاول تتقيد بالعادات والتقاليد والقيم الاسلاميه ...
والله هالشي يحز فخاطري

يعلني فداهن هاذيل البنات .. والله ينحطن عالعين والراس .. لكن الغرض من العباه الستر وعدم لفت الانظار .. لكن فالغربه يصير العكس ... العباه ملفته للنظر اكثر من ماهي ستر

تلبس لبس مريح وساتر .. وما في مانع يكون أنيق P:

هذا رايي والسموحه

[Omar Al Hazaa]

^
^

بالعكس والله..

يوم شفت مضاهره في امريكا للمسلمين..

الحريم كانوا لابسين عبايات ومتسترين ومحد يقدر يمسهم والله..

بالعكس الاجانب يخافون!!

والحين نشوف الهنود متمسكين بالساري في كل دول العالم..

والاوروبيين والامريكيين لما يجون قطر عادي يقعدون بالملابس الشفافه؟ الضيقه؟ الصغيره؟

امس يوم رحت اشتري ملابس من فيلاجيو..

راعية المحل لابسه شورت يبين (.......)

ولابسه فانيله من فوق تبين(.......)

انا الصراحه توهقت مع هالمنظر وقاعده تتضحك وحالتها حاله..

قلت في قلبي مادري اتكلم معاها وانصحها.. بس بعدين قلت شكلها مب مسلمه..

المهم..

الامريكان وحكومتهم الي بقيداة بوش والي انتخبوها الامريكان مرتين؟ بس يمكن بدون قصد؟

احنا ك مسلمين نشوفهم ارهابيين..

ومانشوفهم يستحون ويلبسون الثوب لما يجون قطر؟

الامريكان كلهم يلبسون بدلات في قطر..

واحنا ك مسلمين لازم نلبس كلنا الثوب والعبايه؟

وهالشي ماراح يكون فيه لفت نظر اذا مجموعه كبيره طبقته..

لاكن العالم يخافون وماعتقد انهم بيسون هالشي..

[Abdulla Muhairi]

خويه عمر .. أتقبل رايك لكن انا ارمس عن البنات اللي متغربات للدراسه

خل امريكا وسياستها فصوب ... البنات الخليجيات لهن وضع خاص غير عن الجاليات الباكستانيه والهنديه هاذيل رابين فبلاد الاجانب من هم صغار يعني ماتفرق عندهم نظرة الاجانب على اساس انه البلاد بلادهم ^^! فهم يعتبرون من اهل الدار

انا مب لهالدرجه مهتم لنظرة الناس لكن الدين يسر وانا خوك ... التشدد مرات ما ينفع

والغربه كربه .. متعبه للشباب كيف البنات ... يعني هاذي البنت اللي تعنت وطلعت من بلادها
عشان تدرس .. وستين الف هم فراسها .. مب ناقصه زيادة هموم .. الاحساس بانك منبوذ فالمجتمع اللي تعيش فيه تراه مب شي موليه ... الاندماج مع المجتمع اليديد مع المحافظه عالقيم الاسلاميه هذا هو المطلوب

والله يوفق اليميع ان شاء الله

[Omar Al Hazaa]

اخوي الغالي عبدالله..

اشكرك على توضيحك وانا مع كلامك الي قلته 100000%

بس حبيت اتسائل ليش مايلبسون العبايه!

وفعلاً البنت يمكن اريح لها بدون عبايه في ضل الهجمه الصليبيه على الاسلام..

ونتمنى والله من البنات انهم يراعون اللبس المحترم الي مايتعارض مع الشرع..

و ك توضيح.. البنات مايصير يلبسون ضيق..

والي تلبس ضيق تدخل ضمن الكاسيات العاريات الي هم من اهل النار..

والدين يسر وابداً ماكان تشدد..

[Jassim AL Hamar]

السلام عليكم ورحمه الله وبركاته

اخواني واخواتي الاعضاء اشكركم جزيل الشكر
على تفاعلكم من خلال هذا الموضوع ..

وسوف ارد على كل عضو (ة) في منتصف الليل او غدآ في اليوم المبارك وهو يوم الجمعه

لتوضيح :
انا اقصد من خلال هذا الموضوع اخواتنا الذين يسافروون لسياحه في البلاد الاجنبيه او الاسيويه

وليس الذين يدرسون في الغربه بعيدين عن اهلهم وبلادهم لانهم لهم عذر في هذا الامر

ولا اقصد بالعذر ان يلبسوا الضيق وان يظهروا مفاتنهم !!

في أمان الله

[Jassim AL Hamar]

الجواب كالتالي :

لبس العبائة عند البعض يعتبر من العادات والتقاليد ... لهل سبب هل نوعيه مايتمسكون بالستر بالخارج ..

أما إلي تلبس العبائة من باب إن الإسلام يحثنا على الستر وإن هذا واجب .. مستحيل تتخلى عنها وين ماكانت ..

بالنهاية يعتمد على التربية والبيئة إلي يعيش فيها الإنسان ..

اختي الفاضله F
لقد اصبتي كبد الموضوع في هذا الرد
نعم التي تلبس العباءه من باب الاسلام لو مهما يحصل من نظرة الاجانب لهم لاترمي مثل البعض هداهم الله
وكذالك ايظآ التربيه والبيئه التي تعيش فيها البنت له دور ايجابي وفعال في تكوين شخصيه البنت
ولكن اذا ننظر في وقتنا الحالي للاسف الشديد في بلادها ( فاصخه الحيا ) فما بالك خارج بلادها !!


مشاركة طيبه اخوي جاسم :)

بالنسبة حق رايي في الموضوع ..

العباة والشيلة .. اهمة يعتبرون شكل لثقافتنا .. وعاداتنا وتقاليدنا .. اهمه شكل للبس القديم لكن بتحديثات

النساء في الجاهلية .. كانوا يلبسون خمار .. وعبادة مثلنا .. وكانت اهيه ثايبهم العادية .. لكن في اختلاف بانهم كانوا يظهرون جزء الرقبة .. وكان في نطاق يلف على الخصر

كانت ثيابهم ملونة .. + انهم يشمئزوون من اللون الاسود .. يعتبرونة لون يجلب الحظ السئ .. هاي ..

غير ان اللون الاسود .. قصة في اللبس ( عباية وشيلة ) .. كانت ياية من العراق .. بان تاجر عراقي ياب لمنطقة الجزيرة خمار بس باللون الاسود .. وخسرة تجارتة .. غير انه سوا لها دعياة .. بانه اعطي حق شاعر مبلغ ليألف شعر على الليون الاسود .. وصار .. وربح .. يعن ياالالون في الحجاب مباحه

وصار هاي لون الملابس

الحين .. شكل العابية والشيلة .. لا يدل على الحجاب .. انما اهوه عادة .. لكن هالعادة دخلت عليها أوامر الاسلام فتطبقت وصارت ظمن هالعادات والثقافة


والحجاب الاصل فيه .. عدم لفت نظر الرجال للمرأه .. يعني في الخليج .. لما الكل لابس اسود واتيينا بنت لابسه ثياب ملونة .. بتلفت النظر لها


اما في الخارج .. لما يكون كل البنات لابسين ملون .. واهيه الوحدية لابس اسود بتلفت النظر عليها .. واهني تخترب قيمة الحجاب ..

انا اجوف ان البنت لازم تواكب الشكل المتاعرف عليه في الدول .. بحيث تتسر ويكون حجابها عدل ,, من نايحة الستر واللباس الفضافاضة .. عشان ما تلفت النظر .. وهاي الاصل


لكن الغلط .. لما يكون الموضوع مثل عرض ازياء .. بانواع واشكال الحجاب ..


اعتقد من تنكسر قاعدة ( لفت النظر ) تخترب قيمة الحجاب .. حجابي لازم ما يكون لافت للنظر .. لايص ولا يشف

ومشكور على الموضوع مره ثانية :)

اختي الفاضله ابرار
شكرآ على المعلومات التي اظفتي لها في الموضوع :)

لماذا تعتقدين انه يجب مواكبه الدوله في اللبس
هل اذا انتي في بلادك ورأيتي الاجانب وهم يرتدون الملابس العاريه ماذا تقولين في نفسك
اتوقع تقوليين هذا الامر عادي بالنسبه لهم وهذه ديانتهم وهذه وبيئتهم
وكذالك الاجانب يقولون ذالك هذه ديانتهم وبيئتهم

من الممكن اذا سافرت البنت الى دوله سياحيه ان تفصل عبائه مخصصه لهذه السفره
وان تكون العبائه وسيعه ومريحه وتلبي الطلب في الاماكن الترفيهيه

مرحبا اخوي جاسم.. الحمر اهلنا من فريج النجاده..

بالنسبه حق الموضوع..

اتفق مع اختي F واختي ابرار في كلامهم السابق..

واذا البنت بتلبس ملابس ملونه لاكن وسيعه وماتضيق على الجسم! هالشي بيكون طيب..

احنا سافرنا ماليزيا وتايلند فالسابق..

والكل يلبس عبايه وعادي..

ومادري عن الدول الثانيه..

اما اذا البنت بتفصخ العبايه وبتلبس تنوره قصيره فوق الركبه؟

هذي وحده من الخليجيات شفناها في سوق الليل في تايلند..

مابي اقول بالتحديد اهيه من أي دوله!

وبعض البنات يلبسون لبس ضيق يفصل جسمهم؟

الغلط مب منهم؟

من الديوث الي يمشي معاهم؟

بتغار على هلك من القطري؟

لاكن مابتغار عليهم من التايلندي والماليزي؟

لأسف البنات هذولا ماسافروا مع رجال لاكن مع اشباه الرجال

ومافيها شي لو المرأه تمسكت بعبايتها حتى لو في اوروبا..

خل تلفت الانظار واهيه لابسه عبايه ونقاب؟ عادي مافيها شي..

ماشفنا الاجانب يلبسون عبايه ونقاب لما يجون قطر؟

هلا عمر للاسف ما عرف حد من النجاده :D

نرجع للموضوع

انا لا اتكلم في هذا الموضوع عن البنات الذيين يلبسون القصير والشفاف وما الى آخرة من ملابس الزينه واتمنى الهدايه لأخواتنا التي تلبس بهذه الطريقه وان يهديها الى السراط المستقيم بأذن الله

نعم وحتى انا يا اخي عمر شاهدت الكثير والكثير من اخواتنا يلبسون العبائه وكذالك النقاب في البلاد الاجنبيه والاسيويه ( وما افتكروأ بأحد ) ولم يتجرأ احد المساس بهم

وبالنسبه لبعض الرجال او يوصفون انفسهم بأنهم رجال :457--:
فلا عليهم حرج ومثل ماتفضلت وقلت يخاف عليها من القطري ومن الاجانب(تكعكع وضحك وسوالف)
ليش لان الاجنبي (مب رجال)


دام إن شرط "الستر" موجود أنا ما أقدر أجادل أخواتي في الموضوع..

لكن للأسف.. عندنا الحين اللي لابسين العباة لكن رامية الشيلة.. فراعت التقاليد في مسألة العباة السودة.. ولا راعت مسألة وجوب الستر.. هذا وهي في بلادها.............!!!!!!!

اختي الفاضله A

نعم يوجد الكثير والكثير والبعض تلبس العبائه والحجاب بالاسم وليس بالفعل
حيث اقصد بالاسم عبائه مزكرشه ومفتوحه على مصراعيها لكي نرى ماهو نوع الجينز والحجاب
( مغطيه الشعر الي ورة ومطلعه كذلتها )
فسأل الله عز وجل الهدايه لأخواتنا المسلمات في كل بقاع العالم انشالله:)


انا لا ارى مانع من رمي العباءه في الخارج لعدم لفت الانظار وخاصة في هذا الوقت حيث جريمة الارهاب تلصق بنا

ولكن ضد فكرة الجينز والملابس الضيقة للنساء والفتيات

بدون زعل

لبس البنات في بريطانيا وامريكا يفشل .. واتمنى ان يحسنوا اختيار الملابس

راي شخصي

اخي فهد وفقك الله في دراستك الخارجيه وترجع لبلادك بالشهاده ( العوده ):8888:
ليس انت فقط كلنا ضد هذه الفكرة

وبخصوص بدول الفشيله هذا يرجع
في المقام الاول قربها من الله عز وجل
وفي المقال الثاني المحرم الموجود معها واذا لايوجد محرم فهذه احد اسباب ان تلبس بهذه الطريقه

ولكن الحمدلله سمعنا عن بنات يدرسوون بالخارج ونعم فيهم واسأل الله ان يبعد عنهم اولاد الحرام


صحيح العباه مهمه وهي ستر للبنيه .. لكن فالغربه صعبه يا بن عمي

انا ما احرض البنات انهن ما يلبسن عبي ويتسترن لكن اضايج يوم اشوف وحده لابسه عباه
والاجانب يطالعونها بنظرات ... وهي مسكينه تحاول تتقيد بالعادات والتقاليد والقيم الاسلاميه ...
والله هالشي يحز فخاطري

يعلني فداهن هاذيل البنات .. والله ينحطن عالعين والراس .. لكن الغرض من العباه الستر وعدم لفت الانظار .. لكن فالغربه يصير العكس ... العباه ملفته للنظر اكثر من ماهي ستر

تلبس لبس مريح وساتر .. وما في مانع يكون أنيق P:

هذا رايي والسموحه

اخي عبدالله
هذه البنت التي تسترت بتعاليم الاسلام وغطت نفسها فهذا عند رب العباد شأن عيظم
وسوف تجازي به انشالله يوم الحساب

واحترم رايك :9:


==================

ووجهه نظري من خلال هذ الموضوع ( الي هو موضوعي ):58:

اذا البنت مرتديه العبائه والحجاب الاسلامي يجب ان تتقيد به اذا سافرت للبلاد الاجنبيه في الخارج
وحتى اذا كانت مغطى الوجه في بلادها وفي الخارج لاتغطي وجهها فهذا الامر عادي
اهم شيئ عدم لفت النظر ..



اخوكم // جاسمـ

[Ahmed Al-Nameh]

بو سلطان الله يعطيك العافيه .. ويا هلا ومرحبا فيك في المنتدى :)

ووجهة نظري في الموضوع ما تختلف عن وجته نظر الاغلبيه ..

العباءه وسيله للستر وليست غايه ، بمعنى انه العباءه مش فرض علينا ولكنها تحقق لنا فرض وهو الستر .
هذي هي القاعده ..

فكيفما وجد الستر فلا حرج ان شاء الله سواء كان بالعباءه او بغيرها من الملابس الفضفاضه ..
اما بالنسبه للخليج فصار نوع من العرف ..

[Abrar Al-Janahei]

اختي الفاضله ابرار
شكرآ على المعلومات التي اظفتي لها في الموضوع

لماذا تعتقدين انه يجب مواكبه الدوله في اللبس
هل اذا انتي في بلادك ورأيتي الاجانب وهم يرتدون الملابس العاريه ماذا تقولين في نفسك
اتوقع تقوليين هذا الامر عادي بالنسبه لهم وهذه ديانتهم وهذه وبيئتهم
وكذالك الاجانب يقولون ذالك هذه ديانتهم وبيئتهم

من الممكن اذا سافرت البنت الى دوله سياحيه ان تفصل عبائه مخصصه لهذه السفره
وان تكون العبائه وسيعه ومريحه وتلبي الطلب في الاماكن الترفيهي

يا خوي جاسم .. مثل ما انت قلت اذا الاجانب يتعرون في بلادنا احنا نتضايق .. كذلك اللون الأسود في بلاد الغرب يضايق .. او يعتبر شؤوم

ممكن تخصص عباية خاصه مثل ما قلت .. اللي تسمى ( الـــجـــلبـــاب )

او شيء وسيع وفضفاض مثله .. تكون فيها لون .. لان الاسود هناك يلفت .. فتكون ملونه .. مثل لون بيج او ازرق فاتح .. ونحو هالألون ..

لكن اذا لبست نفس العابة .. بتخلي الشباب هناك يطالعونها على شكل اللي لابسته فبيكون في لفت نظر

:)

[Jassim AL Hamar]

بو سلطان الله يعطيك العافيه .. ويا هلا ومرحبا فيك في المنتدى :)

ووجهة نظري في الموضوع ما تختلف عن وجته نظر الاغلبيه ..

العباءه وسيله للستر وليست غايه ، بمعنى انه العباءه مش فرض علينا ولكنها تحقق لنا فرض وهو الستر .
هذي هي القاعده ..

فكيفما وجد الستر فلا حرج ان شاء الله سواء كان بالعباءه او بغيرها من الملابس الفضفاضه ..
اما بالنسبه للخليج فصار نوع من العرف ..

هلا اخوي حمد ومشكور على ترحيبك فيني :)
نعم الغرض من العبايه الستر مثل ماقلت ولكن نرى بعض الحريم الله يهديهم
كأنها ماتصدق انها تسافر بس عشان تاخذ حريتها والمشكله ان كله حاطيين في بالهم
ان الاجانب مب رياييل فعادي يشوفني :14:


اختي الفاضله ابرار :)
نعم يجب ان يكوون فضفاض
ولكن بعض الحريم شسوون يلبسوون جينز وجلباب لين الركبه
هذا مب ستر اختي
:)

[Omar Al Hazaa]

^
^

اخوي جاسم انا مع كلامك الي قلته بس عندي تعليق بسيط..

الجلباب الي لين الركبه حلو..

لاكن مايكون ضيق..

والبنطلون بعد مايكون ضيق ويبين ملامح الجسم..

وان شاءالله هالشي راح يكون فيه الستر..

والبنت الي تبي تتطمن اكثر خل تسئل لها شيخ فاهم في هالامور..

[Jassim AL Hamar]

^
^

اخوي جاسم انا مع كلامك الي قلته بس عندي تعليق بسيط..

الجلباب الي لين الركبه حلو..

لاكن مايكون ضيق..

والبنطلون بعد مايكون ضيق ويبين ملامح الجسم..

وان شاءالله هالشي راح يكون فيه الستر..

والبنت الي تبي تتطمن اكثر خل تسئل لها شيخ فاهم في هالامور..

اهم شي على البنت انها ماتبين ملامح جسمها
سواء كان جلباب او اي شي ثاني تخترعه لها رفي سفراتها

وانا قلت في الموضوع نفسه ماهو رأي الاسلام في ذالك وهاي الاهم
لاني انا او غيري مستحيل اني افتي في شي وانا مو مخول اني افتي

[Sh.W]

أخوي جاسم... أشكرك على طرحك للموضوع ومتابعتك لنقاشه،، قلت المواضيع
المطروحة في القسم ونتاجها يكون نقاش هادف،، دايماً ما يكون عقيم...
يعطيك العافية...لي عودة

[Jassim AL Hamar]

أخوي جاسم... أشكرك على طرحك للموضوع ومتابعتك لنقاشه،، قلت المواضيع
المطروحة في القسم ونتاجها يكون نقاش هادف،، دايماً ما يكون عقيم...
يعطيك العافية...لي عودة

الله يعافيج اختي FH
لاشكر على واجب :22:
وناطرين العودة :)

[Sh.W]

باك،،،،
توقعتك تقصد بالملونة ،، الحجاب الملون،، العباية أفضل للبنت وتقدر تكون عملية بالعباية
أكثر من اي لبس ثاني..صراحة ،، لبسنا هالأيام ما يصلح تطلع فيه البنت بدون عباية،،
لكن لو تلبس بالطو مثل ما تقصدون بيكون عملي والله...

[Aljazi Almannai]

السلام عليكم ورحمة الله وبركاته

بسم الله الرحمن الرحيم

اخوي جاسم .. مشكور على هذا الموضوع واسمح لي على التاخير في الرد .. بس الهدف من تاخيري هو اني كنت ابي اعرف رأي الاغلبيه .. والحمدلله ماقصروا الاعضاء في النقاش والحوار ولكل منا وجهة نظر و رأي شخصي .. وانا اشكر الكل على ابدائهم الراي و وجهة النظر

اما بالنسبه لرأيي
الهدف من العبايه هو الستر .. وطالما كانت البنت متستره فهذا المطلوب .. سواء في داخل قطر او خارجها .. على سبيل المثال انا لي صديقات عربيات اهلهم يلبسون العبايه بحكم تربيتهم و عيشتهم في قطر بس البنات لباسهم واسع وفضفاض و ستير فهذا ما يمنع انها تلبس ملون و ستير على انها تلبس العبايه ...

وبالنسبه للسياحه .. من وجهة نظري .. فهو على حسب المكان الي بتروح له البنت .. طبعا اوروبا واجانب ونظرتهم لنا من الاساس هذه عوامل تخلي الوحده تبدل العبايه بالملابس الملونه .. اما اسيا طبعا وجوها فاتوقع نفس الوضع البالطو والبانطلون هم انسب شي .. اما بالنسبه للبلاد العربيه والخليج فالعبايه شي معروف ومتداوله بين هذه البلدان فما اتوقع اي اشكال عليها.

اما بخصوص الغربه والدراسه .. سواء البنت لحالها او مع احد من محارمها فالملابس الوسيعه والمريحه والستيره هي الانسب من وجهة نظري

وجزاكم الله الف خير على غيرتكم ودعائكم الطيب لبنات بلادكم

الله يوفقنا لما يحبه ويرضاه

[Abdulrahman Al-Hammadi]

http://www.youtube.com/watch?v=JtBwYcED-JA

[A.Al-mohammadi]

السلام عليكم ورحمة الله وبركاته

موضوع رائع واسمحولي بمداخلتي..

أولا خواتي ماقصروا كفوا ووفوا..بس احب اوضح شغله انه اذا الوحده قطت العبايه بأمر من زوجها أو أخوها..او اي احد من أهلها مش معناته انه هو مافيه غيرة بل على العكس وشوف عيني اغلب اللي مايلبسون عباه وهم بالخارج للسياحه استر من اللي بعباه..وفي حقيقه لاننساها..انه الاجانب صج هم رجال بس ترا الاجانب مايطالعون الوحده مثل ما الخليجي او العربي بيشوفها..يعني القصد انه معظم الاجانب في حالهم..وفي بعض الشباب((البعض وليس الكل)) مايرحمون ولايخلون رحمه الله تنزل..((مع احترامي للكل))..ف يمكن يكون كان هذا سبب من عدة اسباب..واحب بس اوضح للأخ اللي قال انه لبس البنات يفشل..ياأخي الكريم..هذا رأيك وانا احترمه بس ترى عمر اللبس ولا الجاه ولا الحسب ولا النسب ماكان مقياس لاخلاق واطباع الانسان..واذا كانت الملابس اللي تسترنا ((فشيله)) ف يازينها من فشيله..:5:

والله يوفقكم انشالله..

[A al-thawadi]

السلام عليكم

فالبداية احب اشكرك اخوي على طرحك للموضوع

باختصار شديد ......... ( اذا لم يخالف اللباس الشرعي فما المانع؟؟؟ )


ويزاكم ربي الجنة

[Aisha Ali.A]

خووش مووضووع اخووي :D

العباايه مب داايما ضرووريه..انا عن نفسي ..لما اساافر بره ما البس العباايه..بس البس شي سااتر
ومب ضيق على الجسم!!!
الحين البنت ما تفصخ العباايه والشيله بس بره!! الحين حتى هني وفي بلداااان عربيه تفصخ العباايه!!!
وفي نااس صج ما تفصخ العباايه..لكن الله لا يرويك العباايه شلون ضيقه!! خل تفصخ العبااايه احسن!!
انا شخصيا افصخ العباايه لانها مب مريحه حق السفره..طويله وتزحف في الارض واطيح منها وتتووصخ وما اقدر العب وانا لابستها!! :18:
بس اهم شي الي البسه يكوون ساااتر وما يجذب:)

[S.S.Ahmed]

:)

بوركت

موضوع بالنسبة لي حساس ومهم

حقيقة أنــا لم أسافر قط إلى الخارج,,ولكني على وشك الدراسة في الخارج بإذن الله وأعتزم أن لا (أفصخ) العباءة أبداً لأنهــا بالنسبة لي أستر وأريح بكثير من البالطو ..


وحقيقة أنا أحترم جميع النساء,,,ولكني لم أقتنع بــ (البالطو) أبداً وبأنه أستر وأريح من العباءة....ويظل هذا رأيي أنــا ولست أحاول أن أقنع أحد به...


شكراً لك..

[Mona Al-Hammadi]

ماقصرتوا بالردود والموضوع كله له راي واحد بالموافق والمعارض

بس والله احنا العرب الي متسامحين مع الاجانب احنا برع ننجبر ع عاداتهم وع الي هم يبونه انا مره كنت رايحه دوله اجنبيه طبعا كنت من الي يرفضون يفصخون الشيله والعبايه وكنت مفتخره ولا و شوي واحط علم قطر ع كتفي هههه الا واحد اجنبي تخيلوا تفل ع الطريج الي مريته منه وقال تف مسلم وكانوا الناس متحتقرين بشكل مب طبيعي لدرجه اني اليوم الثاني نفستي اتعبت وقررت اني افصخ العبايه واتم بالبنطول والبالطوا واحنا في دولتنا للاسف انصدمت يوم كنت في الجسر ان الطلاب معارضين ع اغلاق ستار بوكس والكفتيريا ف رمضان عشان هم مالهم خص في حياتنا

[Abdulla Y Al-Mulla]

الفرق بيننا وبينهم ان شخصياتهم قوية في بلادهم

وشخصياتنا ضعيفة في بلادنا

وبعض السيك يلبسون عمامتهم هني ليش محد يطالعهم

مع ان السيك معروفين بالارهاب وتحرق المسلمين في الهند

المشكلة فينا انا عن نفسي الحمدلله

هلي يتنقبون ويلبسون العبي لما يكونون برع ومايهمنا كلام الناس

ولو سافرت بنفسي لبلاد امنة ومافيها حرامية يبوقون الخليجيين عادي

بالبس ثوبنا ومب مهتم لنظراتهم

يعطيك العافية بوسلطان

[Abdulla Y Al-Mulla]

ماقصرتوا بالردود والموضوع كله له راي واحد بالموافق والمعارض

بس والله احنا العرب الي متسامحين مع الاجانب احنا برع ننجبر ع عاداتهم وع الي هم يبونه انا مره كنت رايحه دوله اجنبيه طبعا كنت من الي يرفضون يفصخون الشيله والعبايه وكنت مفتخره ولا و شوي واحط علم قطر ع كتفي هههه الا واحد اجنبي تخيلوا تفل ع الطريج الي مريته منه وقال تف مسلم وكانوا الناس متحتقرين بشكل مب طبيعي لدرجه اني اليوم الثاني نفستي اتعبت وقررت اني افصخ العبايه واتم بالبنطول والبالطوا واحنا في دولتنا للاسف انصدمت يوم كنت في الجسر ان الطلاب معارضين ع اغلاق ستار بوكس والكفتيريا ف رمضان عشان هم مالهم خص في حياتنا

كفو عليج اختي

وللاسف هاللي تكلمتي عنهم من طلاب الجسر مالهم شخصية

ومتأثرين بالعلمانية ذكروني بالتيار الليبرالي في الكويت

لما صار الفصل في الدراسة بين الذكور والاناث

[Amna M. Murad]

ماقصرتوا بالردود والموضوع كله له راي واحد بالموافق والمعارض

يوم كنت في الجسر ان الطلاب معارضين ع اغلاق ستار بوكس والكفتيريا ف رمضان عشان هم مالهم خص في حياتنا

اختي انا كنت حاظره المناظره..
او بالاحرى..انا كنت من الفريق الي ناظر ضد اغلاق الكافتيريا (و ستار بوكس لم يتم شمله بالمناظره)..
و المناظره لا يمكن اختصارها في ان السبب "ان مالهم خص في حياتنا"..
المناظره كانت تشمل اسباب و نواحي غير عن جي و اعمق بوايد..

كفو عليج اختي

وللاسف هاللي تكلمتي عنهم من طلاب الجسر مالهم شخصية

ومتأثرين بالعلمانية ذكروني بالتيار الليبرالي في الكويت

لما صار الفصل في الدراسة بين الذكور والاناث



و الموضوع لو تم تعريفه بهل جمله((ان مالهم خص في حياتنا))..
حتى انا بصفه باليبراليه..
و انعدام المنطق..

بس حبيت اوضح..
و ما اقدر اتوسع..
عشان ما نخرج عن الموضوع..

::
:

مع الشكر و الاحترام لآراء الجميع..
:)

[Mona Al-Hammadi]

والله لو كان شنو المفروض مانوافق انا قلبي يحترق اشوف اجنبي ياكل جدامي وفي ارمضان بعد


احنا شنو بيجمعنا مع الاجانب غير الاحترام بالعكس لو اشوفه فاهم هالشي ويحترمه بتكون لي مشاعر تقدير ناحيه

احنا مجموعه بلدان بنتقرب من بعض اذا كل واحد اظهر احترامه لديانه الثانيه

اختي امنه مافي نواحي غير ولا عمق اكثر من جي يوم صدر هالقرار واحد قالي بكل بساطه انتوا ليش تسون جي فيهم هم مالهم خص في حياتنا

والكلام مب من عندي

[Amna M. Murad]

اختي..Mona Al-Hammadi..
الموضوع بعيد كل البعد عن "البساطة"..
وانا مستعده اعيد كلام المناظره و ازيد عليه لو حابه..
لاكن مب بهل موضوع..لان مثل ما قلت..
ما ودي اطلع عن الموضوع المطروح..

:28:

[R.A.A]

كم أتألم و أتأزم نفسيا عندما أرى شخصا غير أهل للفتوى وغير أهل لأبداء الرأي السديد يفتي في أمور الدين ولا يتجاوز بالأمر للنهر والزجر و بعض الاحيان الاهانات المباشره وغير المباشره.

شبابنا الكريم المحب للعبايه...الاصل في الإسلام ستر البدن بما لا يشف ولا يفصل ولم يقرن الدين الستر بالعبايه السوداء. لو أقتنعنا بهذه الفكره الخاطئه لما أصبح بالعالم مسلمين غير أهل الخليج اللاتي يرتدين نساءه العباءه السوداء!

ولو قصد بالموضوع النصح...قال تعلى: ولو كنت فضا غليظ القلب لأنفضوا من حولك. بما يعني ان الاصل في النصيحه التحبيب وليس الإكراه.

دائما ما تتعرض الفتاة الخليجيه و بالاخص القطريه للنقد الهادم من قبل ابن بلدها الموقر الذي يغمض عينيه عن اخطاءه وعيوبه. فكم من مره انحرجت فيها اثناء دراستي بالخارج عندما يسألوني الامريكان لما يحرم الاسلام العلاقات المحرمه بينما يمارسها نسبه كبيره من شبابنا الموقر؟ ولماذا يشرب بعض شبابنا الخمر بينما يحرمه الإسلام؟
وفي كل مره اجد نفسي في حيره و في مراجعه نفسيه لنقد الشباب الاذن لنا (الفتيات الخلجيات) متناسين كبائر الاعمال التي يقوم بما البعض منهم والتي تتطلب منهم لفته اكبر واهتمام يصبونه في التفكير في لباس الفتيات و أبداء رايهم في أمر لم يطلب رأيهم فيه من الاساس.

والله اكثر ما يضحك ويبكي عندما تتعرض بعض الفتيات للنقد على لباسهن من قبل بعض الاشخاص اللذين يرتكبون كبائر الامور سراء وعلانيه عندما يسدل الليل ستاره.

فلنكن عونا لبعض و لنتخذ اسلوبا راقيا للنصح والارشاد. فلو طرح الموضوع بطريقه (ما اجمل العباءه على القطريه في الغربه) ومصحوبا بقصص عن مدى اعجاب و تقدير الشباب القطري المسلم الحق بالفتاه التي تحافظ على العادات والتقاليد التي توفر اقصى درجات الستر في بلد الغربه...صدقوني لزادت نسبة الفتيات الابسات للعبايه في بلاد الغربه.

وتقبلوا مني فائق الاحترام والتقدير

[T.A. Al-Rowily]

السلام عليكم ورحمة الله وبركاته
موضوع تشكر عليه يدل على غيرتك على دينك ,,,,,,,,,,,,,
بنظري الرجال ألي يغار على أهله هو ألي ما يسمح لها بالتبرج لا داخل بلادها ولا خارجها ,,
ةألي تخاف الله تعرف أن الله في كل مكان يعني هي محاسبه على كل تصرف ,,,,,
فتقوا الله

[H.M.]

السلام عليكم

أنا صار لي سنتين أدرس في بريطانيا والصراحه في البدايه، في اول خمس شهور بالتحديد، واجهت صعوبه في اختيار اللبس "الساتر والأنيق" مثل ما اقترحتوا

وما لقيت حل إلا إني ألبس عباتي
وفعلا لبسناها أنا وصديقاتي
في البدايه ترددنا وفكرنا انها ممكن تلفت الانظار
وإن ممكن نتعرض لمشاكل
لكن الحمدلله الكل يحترمنا وما حصلنا أي مضايقات من الأجانب
وبالعكس وايد انعجبوا بثيابنا
ويقولون ان العباة وايد راقية

:5:

[Ahmad al-Emadi]

ترى رب العالمين بكل مكان ياعالــــــــــــــــــــــــــــــــــــــــــــم

[Khadeja A]

السلام عليكم..

احب اشكر الاخ الي طرح المووضوع ..ويعطيك العافيه انشاءالله..
ثاني شي .. عجبني النقاش الي دار هنا والي كان باين عن احترام عالي بين الجمميع.. وهاي شي طبعا يشرف ويسعد..
موضوع العبايه برايي شوي صعب ..زي ماقالو الكل عن نظره الاجانب عن العبايه وانه العرب والمسلمين ناس سوداوويين .. واللون الاسوود باميركا خاصه يمييز ال"ميتل" وهمه مجموعه تعبد الشيطان.. والعياذ بالله..

نفس ما معظم الطلاب الي دارسين باميركا يعرفون انه الالوان برا ياخذونها عل الشخصيه .. ويعلمونها فيك حته لو مااعرفو انته شوو.. اصلا هل انه انسان طيب انسان حزين انسان كئيب .. مايهمهم .. لانه اللون وطريقه لبسك تاثر..

وانا ابدا مو قصدي بكلامي انه لبسنا غلط بالعكس لبسنا الخليجي وقار ووعفه وشي ماكو منه بالدنيا..بس السالفه انه مو كل الامريكان او الاجانب يعرفون شو يعني عبايهه او شوو هو البس التردشنل للدول الخليجيه.. فبيحسوون انه حنا قرووب غريب ومخيف بالنسبه لهم.. خصوصا النقااب.. لانه مو مفهووم بالنسبه لهم ليش الشخص يغطي وجهه ومايبين اله عينه.. وهاي الشي بييب خووف وورهببه ووماابتحسهم اصلا يتواصلون معك كطالب هناك وحته بتحس الرفض في تصرفاتهم لو البروفسسور حطك مع قرووب اجننبي لعمل برووجكت او شيي..

انا مع اللبس المحتشم ... والي فيه عفه واناقه وذوق .. مو معترضه على العبايه ومو معترضه على لبس البنطلون والقميص..

وطبعا البنطلون والقميص الطوويل الي يغطي لين فوق الركبه بشوي.. انا عندي اختيار زين لانه يعطي للبنت حريه الحركه .. وماايبهدل خاصه مع المطرر.. لو حده لبس عباايه بينكررف من الغسيل اليومي..

وهاي رايي الشخصي.. وانا عندي انه الاحتشام يكون بلبس الشيله وهاي اهم شي هو ستر الشعر والمفااتن وبهاي اظمنو انكم بعيد عن المحظوور الله يوفق الجمميع..

ويخلي لنا بناتنا ويردهم سالمين لبلادهم وهمه رافعين الراس..

[Abdolrhman AL-langawi]

اخوي الغالي جاسم
البنت المحترمه والمتربيه صح لو شلبست بتكوون محترمه اخوي

وفي بعض الدول ماينفع ان الواحد يلبس فيها الدفه
مثلا اوروبا وجي

ومب يعني تقط الدفه يعني خلااص ماتتحشم تلبس اللبس السااتر يخووك ..

مب الفاااضح ..

وهاي رااي انا ..

[Kholoud Al-khuzaei]

اخواني وخواتي
خلونا نحدد بالاول

لبس العبايه عشان الدين ولا عشان العادات والتقاليد

لو العادات والتقاليد فمب كلها صح واتباعها اصلا مش واجب الواجب اتباع الامور الي وردت فالدين والاصح ان احنا نتبع الدين والدين مايشترط لبس العبايه ولكن في شروط حددها للبس الاسلامي يكفي ان الوحده تلتزم فيه وبس

ف لو لازم نلبس العبايه عشان عاداتنا وتقاليدنا فالاولى بالشباب بعد انهم يلبسون الثوب والغتره والعقال!!!!

فالمفروض محد يفتي من نفسه اعتقد شروط اللبس الاسلامي واضحه

وسواء البنت لبست عبايه او جينز وجاكيت او بالطو مش مهم طالما هي ساتره نفسها ومراعيه شروط اللباس الاسلامي

وبالنسبه لي ادرس في بريطانيا ومالبس العبايه ولاافكر البسها حتى

يعني العبايه شطول وليفربول كل يوم مطر ونغرق بالمطر بعد البس عباتي عشان تتوصخ وتستوي كلها طين وماي؟؟؟ هاي حتى صلاه عقب ماقدر اصلي فيها!
وسواء كنا رايحين سياحه او لدراسه ماتفرق بالنسبه لي المهم البنت تشوف اللبس الي تحسه عملي ومريح وساتر

والسموحه طولت عليكم

[Essa Al-Mansouri]

السلام عليكم ورحمة الله وبركاته

يعني العبايه شطول وليفربول كل يوم مطر ونغرق بالمطر بعد البس عباتي عشان تتوصخ وتستوي كلها طين وماي؟؟؟ هاي حتى صلاه عقب ماقدر اصلي فيها!

هالعبارة تذكرني بناس من أبناء جلدتنا يعتزون بلبس العباية لكنهم مدركين بأنها ليست أصل العبادة, فإن تركوها لم يتخلوا عن حجابهم.

وناس يتحجبون بحيث لو الموت ما تتسرب شعرة من راسهم

وناس يمكن تطلع منهم شعرة بالغلط ولو شافوها يعدلون بسرعة
Negligence

وناس لو طلعت شعرة من راسهم يخلونها نص ساعة وبعدين يعدلون من باب حفظ ماء الوجه
Gross Negligence

وناس يطلعون شعيرات (دموية) كجزء لا يتجزأ من الكشخة
Recklessness

وناس يستحون من التحجب أو إخفاء شعرة عن أنظر الناس في الخارج
Intention

أما أغرب الأنواع فكانوا ناس كالأجانب لا تفرق معهم مسألة إظهار الشعر والزينة أو إخفائها سواء في البلاد أو خارجها (وهذا أمر عادي نجده عند الكثيرين). وهم يراعون الشكل الخارجي
لكن الغريب في الأمر أنهم يسعون جاهدين لهدف جعل الشكل الخارجي أقرب ما يكون لل"سكسية" منه إلى الجمال الطبيعي (الحشمة برع المقارنة بالكامل مثل ما تلاحظون)
ما عندها مشاكل "تلبس من غير هدوم", لكنها قبل ذلك ستسأل سؤالاً محدداً:
Would it be more sexy
?
مجرد لمح سريع هذا النوع يمشي في الشارع يعطي انطباع عن الفساد الحاصل في بلداننا العربية والإسلامية. أما إذا علم الشخص بأنها من جلدتنا فالتعابير ستختلف لا محالة
Malice aforethought


في النهاية أود التنويه على نقطة هامة. يوجد على الأقل مقابل كل صنف من أصناف النساء التي ذكرت (حتى الغريب منها) صنف يوازيه في الصفات والنوايا حسنها وسيئها من الرجال.

الغربة في الخارج, وما أدراني ما الدراسة بالخارج. تمحص معادن الناس فيكون الشخص كالزجاجة يعلم باطنها من الإيمان من ظاهرها

واسمحوا لي عالإطالة ;)

[Nawari.Al-Qahtani]

),= كله ع البنآت

هالموضوع قريته نفس محتواهـ ف أكثر من منتدىآ
واحترم كل وجهآت نظر اللي ردو =)
لكن انا بعد لي وجهة نظر واهي إن \\
الدين يسر مو عسر ... والله سبحآنه أمرنآ بالستر ما احنآ مأمورين ب عبآهـ بس .. مافي دليل من السنه ولا القرآن انذكر فيه العباهـ \\ اللي انذكر هو الستر =)

والستر ماينربط بالعباهـ ابد .. روحو المجمعات مثلأ اهني شوف العبايات ومقاساتها ! ووالزخارف والموديلات اللي كل يوم قاعدين نشوف موديل اغرب من الثاني

وتبون الصج في فئه يتفننون بالعبآهـ بحكم انهآ كشخه
وفي فئه اللي هم ( العرب ) اكثرهم مايلبسون عباهـ بس ساترين روحهم وفحالهم

وبالنسبه لخارج الدوله ... مافيهآ شي لو البنت مالبست عباهـ بشرط انهآ تحتشم وتستر كامل جسمهآ وشعرهآ

انا بسألكم \\\ الحين ايام قبل مو كانو يلبسون البخنق وثوب النشل ؟ صح
ليش ماقلتو انهم كانو غلطانين للعلم انهم يلبسون هالشي ف الديره؟ موبرهـ

انزين والدول العربيه \\ حالهم حالناآ مسلمين وفي منهم الزين والشين ... بس ماعندهم عباهـ !
بس عندهم لباس مستر وحجاب وبعضهم يلبسون جلباب ؟ وفي منهم متمسكين بدين الله والقرآن ومايرضون بالغلط

انزين وايآم الرسول عليه الصلاة والسلام .. ماعتقد كانت فيه عباه ؟ بس اكيدفي لباس ساترهم من راسهم لساسهم

ليش ماقلتو عن كل ذولآ غلطانين


< بغض النظر عن اللي مومتحجبات ... لان هذولا شي ثاني

هذا اكبر دليل ان العبآه مو فرض اساسي على البنت \\ الستر ( بكل انواعه ) هو اللي مفروض علينآ وواجب على كل بنت مسلمه


واسمحولي ع الإطاله

[Essa Al-Mansouri]

),= كله ع البنآت

هالموضوع قريته نفس محتواهـ ف أكثر من منتدىآ
واحترم كل وجهآت نظر اللي ردو =)
لكن انا بعد لي وجهة نظر واهي إن \\
الدين يسر مو عسر ... والله سبحآنه أمرنآ بالستر ما احنآ مأمورين ب عبآهـ بس .. مافي دليل من السنه ولا القرآن انذكر فيه العباهـ \\ اللي انذكر هو الستر =)

والستر ماينربط بالعباهـ ابد .. روحو المجمعات مثلأ اهني شوف العبايات ومقاساتها ! ووالزخارف والموديلات اللي كل يوم قاعدين نشوف موديل اغرب من الثاني

وتبون الصج في فئه يتفننون بالعبآهـ بحكم انهآ كشخه
وفي فئه اللي هم ( العرب ) اكثرهم مايلبسون عباهـ بس ساترين روحهم وفحالهم

وبالنسبه لخارج الدوله ... مافيهآ شي لو البنت مالبست عباهـ بشرط انهآ تحتشم وتستر كامل جسمهآ وشعرهآ

انا بسألكم \\\ الحين ايام قبل مو كانو يلبسون البخنق وثوب النشل ؟ صح
ليش ماقلتو انهم كانو غلطانين للعلم انهم يلبسون هالشي ف الديره؟ موبرهـ

انزين والدول العربيه \\ حالهم حالناآ مسلمين وفي منهم الزين والشين ... بس ماعندهم عباهـ !
بس عندهم لباس مستر وحجاب وبعضهم يلبسون جلباب ؟ وفي منهم متمسكين بدين الله والقرآن ومايرضون بالغلط

انزين وايآم الرسول عليه الصلاة والسلام .. ماعتقد كانت فيه عباه ؟ بس اكيدفي لباس ساترهم من راسهم لساسهم

ليش ماقلتو عن كل ذولآ غلطانين


< بغض النظر عن اللي مومتحجبات ... لان هذولا شي ثاني

هذا اكبر دليل ان العبآه مو فرض اساسي على البنت \\ الستر ( بكل انواعه ) هو اللي مفروض علينآ وواجب على كل بنت مسلمه


واسمحولي ع الإطاله


من قال ان لبس العباية السودة فرض كما هو الحال مع الحجاب, ويكفر تاركها؟

حد فيكم يا جماعة قال هالكلام؟ ما انتبهت للموضوع فاللي قاله ياريت يجيب لنا دليل لعله ينفعنا معه :)

أما أحد أدلتي في الحشمة فكالتالي:

{يَا بَنِي آدَمَ قَدْ أَنزَلْنَا عَلَيْكُمْ لِبَاسًا يُوَارِي سَوْءَاتِكُمْ وَرِيشًا وَلِبَاسُ التَّقْوَىَ ذَلِكَ خَيْرٌ ذَلِكَ مِنْ آيَاتِ اللّهِ لَعَلَّهُمْ يَذَّكَّرُون}

ركزوا على نقطة مهمة. من دقة القرآن اللغوية أن الكلام المحدد بالأسود ليس هو الوحيد المبين للساتر (فلا ينبغي أن يخلع الحجاب بغرض الإبقاء على لباس التقوى) وإدخاله في سياق الآية يتطلب عدم إهماله عند التستر بأي لباس (فلا ينبغي التخلي عن التقوى على الرغم من لبس العبائة التي قد تكون الضيقة الشفافة التي تكشف ما تحتها). وللتفسير تفصيل.

هذا والله أعلم

[N . A . AL-KORBI]

مشكورين على الموضوع الطيب ..

أنا ما راح اطول عليكم بالكلام مجرد اسألة واتمنى المعنى يوصل ..

من خالقنا ؟ من الذي يعلم بسعادتنا وشقائنا ؟ من هو العدل الذي لايظلمنا ؟ ..

لا يريد لنا إلا الخير والسعادة يذلل آلاف العقبات في طريقنا إليه ..

إنه الله " سبحانه وتعالى " ..

ومع اتباعنا لهذا النهج العظيم يشعر البعض بالإكراه في هذا النهج ..

خلاصة الكلام ..

كل وحده تعرف مصلحة نفسها وتعرف الصح من الغلط ، يعني ماعدنا صغار ..

اسألة دائما تتكرر من قبل النساء " هل الوجه حلال ام حرام " " هل يجوز ترك العباءة فالدول الاجنبية ام لا " ........ الخ ..

تسأل ومع ذلك تسوي الي براسها ..

نصيحة لكل فتاة ولكل شاب ..

" الله سبحانه ماحرم ولا احل شي إلا لان له ضرر علينا او نفع " ..

يعني بعض المشايخ يحلل الوجه او ترك العباءه خارج الدوله ، طيب انا عندي سؤال ؟ مش البنت لازم ماتفتن ، مش البنت لازم ما تلفت الأنظار ... الخ ..

إذا الوحده حست بمضايقة من تركها للنقاب او العباءة شتسوي ؟ ..

انا ما اقصد من كلامي إن الحشمه بالعباه السودا ، بس عندكم الإيرانيات سبحان الله ، لبسهم

جدا محتشم وتحس إن الوحده من قلب مستتره ، تحاول إنها ماتظهر زينتها او تلفت الانتباه ..

والي عندنا ماتصدق على الله انها تقط العباه وتبدا تلبس البنطلون الضيق وتلون بهالحجاب ... الخ ..

" سوي تست وشوفي ، هل راح تحصلين مضايقات من لبسج ؟ هل راح تكونين فاتنه بهالبس ؟

هل راح يزيد من جمالج ؟ الله سبحانه وتعالى راح يكون راضي عنج ؟ ..

انا مازلت اتذكر قصة فتاه كانت بالخارج " في إحدى الدوله الاجنبيه " وطلب منها خلع الحجاب ..

شنو تتوقعون ، هل راح تخلع الحجاب ؟ نعم خلعت الحجاب بعد ان حلقة شعرها بالكامل ..

منو منا راح تستغني عن شعرها ، تميت اسال نفسي الف مره شنو راح اسوي إذا كنت بمكانه ؟

تخيل شكل بنت من دون شعر اكيد ماراح يكون حلو لأن الشعر زينة للفتاة ..

بس سبحان الله محد يعرف شنو بنيتها إلا الله ..

[Ahmed Alobaidly]

السلام عليكم ورحمة الله وبركاته


,

بسم الله الرحمن الرحيم..
{ يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَى أَن يُعْرَفْنَ فَلَا يُؤْذَيْنَ وَكَانَ اللَّهُ غَفُوراً رَّحِيماً }

,


ماعندي غير هالكلام .. واحسن الكلام !

يعني بتسون شي احسن من امر الله ! استغفرا لله ..
والله يهديكم ويستر عليكم و يوفقكم كلكم

:9: