تبي تدرس في امريكا, كندا, بريطانيا, استراليا, الخ...

[Omar Al Hazaa]

في خبر حلو مادري اذا سمعتوه ولا لا..

المجلس الاعلى خلاص مايشترط على طالب البعثه أي درجه في امتحان الايلتس أو التوفل.. ومايشترط أي نسبه فالثنويه

واشترط على الطالب انه يجيب قبول من الجامعه لو كانت درجته نازله فاللغه وياخذ له كورس أو كورسين فالجامعه..

يعني اهم شي قبول الجامعه..

[Nasser Hamad]

وعليكم السلام ورحمة الله وبركاته ،

كانوا معذبينا .. ومسوين لنا قلق .. وتأخرنا سنه كامله عشان نجيب الي يبونهـ ،، ..

وبعدين .. :) يقولون كذا بكل بساطه ..

" ماقول الا مبرووك لـ اخوانا و اخواتنا المتخرجين .. ع البعثه الي زي كذا ، بس شدوا حيلكم برى .. "

// انا شفت سعوديين واجد وجنسيات ثانيه كثييييييير ..!! .. يجون ويتعلمون لغه برى .، وبعدين يبدون جامعه ومافيه اي مشاكل ،

بس البركه فـ الطلاب الجدد .. :)

ويعطيك العافيه اخوي Omar Al Hazaa

[Bader Al-Bader]

يعطيك العافيه عالخبر ، وانا سمعت هالخبر من قبل بعد ،،

بس شالفايده الحين ، وفي الاجتماع الاخير للمجلس الاعلى للمبتعثين لـ بريطانيا قالوا لهم مايصير تدخلون الفاونديشن يير ، لازم تدخلون عالفيرست يير على طول

[S.Al Mansoori]

السلام عليكم

بخصوص الجامعات الكنديه والامريكيه ما يشترطون المجلس الاعلى قبول غير مشروط منهم

لان جامعة ميامي قالو لي بندخلج كورس اسمه IEP قبل ما تدخلين الجامعه

فإذا كان قبولهم بس قبول جامعه فهاي شي جيد للطلاب

اذا ممكن اخوي بس تتاكد من هالخبر عشان اسجل فالجامعه :)

[L_Alsada]

اي صح الكلااااااااااام انا رحت لهم بنفسي وقالو لي نفس الكلااااااااام تجيبووون قبول غيررر مشرووط ويبعثون الطلااااااب ...

بس إذا اشترط عليكم لغه لازم تكون عليكم والباقي الدراسه ع المجلس الاعلى ....



بالتوفييق للجميييييع :)

[G Al-sayegh]

السلام عليكم ورحمة الله وبركاته

بالتوفيق للطلاب المبتعثين الجدد جميعا

[Omar Al Hazaa]

وعليكم السلام ورحمة الله وبركاته

مشكورين خواني وخواتي على المشاركه..

مادري اتكلم عن قرارات المجلس الاعلى الي قبل شهر! ولا الي قبل شهرين! ههههه ولا اتكلم بعد شهر!!!

اقروا هالرابط من المجلس الاعلى http://www.education.gov.qa/content/blog/detail/24070/

القبول لازم يكون غير مشروط..

يعني الجامعه لازم تقبل الطالب بدون أي شرط..

لأن في بعض الجامعات يطلبون من الطالب انه ياخذ كورس او كورسين فاللغه عشان يكون مستعد عدل..

لاكن المجلس الاعلى للتعليم يستكثر هالشي على الطالب..

ولا يمكن يقدرون يدفعون حق الطالب نفقات 5 سنوات دراسه فالجامعه.. لاكن مساكين مايقدرون يطرشون الطالب اذا جاه قبول مشروط عشان ياخذ له كور او كورسين فاللغه!!!

المهم.. راح نتعلم غصبن عنهم وعن حركاتهم..
والله يعين الطلاب الجدد..

وين مصلحة الطالب في هالقرارات!!!!!



وهذا رقمهم اذا حد يبي يتأكد من قراراتهم..

4559555