كم واحد فيكم (سلف) رفيجه ... وكم واحد فيكم رجعت له فلوسه كاملة

[Fahad Buhendi]

تسلفت 3 مرات, ولله الحمد اعدت السلفيات كلها.

ولكن عندي قصص راح اذكرها عن السلف ووجع الراس:

القصة الاولى: سلفت احد الاصحاب قبل 3 سنوات مبلغ من المال ورجع لي ثلاثة ارباع المبلغ, والى اليوم مارجع لي باقي المبلغ (اعتقد انه نساها والله اعلم)

القصة الثانية: سلفت احد الاصحاب من دول مجلس التعاون مبلغ من المال قبل 4 سنين, وكل مايشوفني بالسيتي او الكورنيش او سوق واقف يسوي نفسه مايعرفني. (الله يسامحه .. وللعلم السلفة كانت بسيطة جدا).

القصة رقم ثلاثة: سلفت احد الاصحاب مبلغ من المال قبل 6 سنين, ويشوفني كل اسبوع ويقول لي نكت ويضحك معاي ويبعث لي ايميلات ولكن مو راضي يرجع السلفة (يمكن بعد نسى السلفة والله اعلم).

القصة الرابعة: سلفت احد الاصحاب مبلغ قبل سنة واعاد لي المبلغ في 5 ايام فقط, وحسيت اني ملكته وكأنه مانسى هذا المعروف .. وانطبق عليه قول الشاعر: ان انت اكرمت الكريم ملكته

الصراحة,

السلف واجب للاصحاب والاهل

ولكنه اصبح مذله ووجع راس بهذا الزمن

[Mohammed Al-haddad]

بالنسبة لعمري ( 17 ) لحد الحين ما سلفت احد إلا وكان المبلغ قليل جداً جدأ ( نقدر نقول تافه) في ابعد الحدود لا يتجاوز 100 ريال

و ما تفرق عندي إذا رجعها او لا

بس المشكلة ان تشوف واحد كل ( دائماً ما يمر اسبوع إلا ) يتسلف و مايرجع و ذي الشي بعد فترة بسيطة شوف كم تصير !!!

[Omar Al Hazaa]

انا بعت على واحد من ربع 4 تواير "تواير السياره"

المهم وصار له 3 شهور ماعطاني الفلوس واهوه قال لي بعطيك اياها بعد شهر من تاريخ الصفقه!!

والحين قال لي انطر لين تاريخ 8/6 .. وقلت له خذ راحتك وبنشوف اخرتها!

اخوي الغالي فهد..

ترا أي ريال يضيع من حقك الحين وماستلمته..

تطمن ان يوم القيامه راح تاخذ حقك كاااااامل..

وبالعكس الحسنات راح تكون عندك احلى من الفلوس!!

[M. Al-Merekhi]

يقال ان "المال في الغربه وطن" ... اتوقع شي صعب بالذات عالناس اللي تسلف وهي اصلا بغربه ... فما بالك اذا كانت الديون معدومه ؟؟

شخصيا انا سلفت ونسيت ... بس مبالغ كبيره... (ديون معدومه) بس الحمدلله مب خساره في الناس اللي خذوها ...

اتوقع انه يعتمد على ثقتك بالناس و بالشخص نفسه ... و الصراحه احتمال وارد ان في ناس مايردونها ... بس انت عليك انك تخلص النيه و ينحسب في ميزان حسانتك :)

انا دايما اقول ان شاء الله دافع بلا عن امي و ابوي و هلي كلهم و عيالهم ...

:)

[Nory.n.n]

صراحه هالزمن الواحد مايضمن نفسه كيف يضمن غيره

بقولكم سالفه صارت لي هالاسبوع

وحده اعرفها من مده ويابلفيت صداقه وجات للبيت وقالت لي والله محتاجه 2000 ريال بس براويهم لامي وبرجعهم لج لاني دفعت الفاتوره من وراها واخاف تسالني وين فلوسج وبرجعهم لج المغرب

قلت لها يفلانه الفلوس مب لي امي تركتهم عندي وعادي اي وقت بترجع تسال عنهم بس دام قلتي المغرب اخذي من فرج ع مسلم كربه من كر بالدنيا فرج الله عليه كربه من كر ب الاخره

تركتها اول يوم وثاني يوم اتصل لها ماترد عادي ضروف انشغلت عقب مسجات وماترد ولوردت امي بالمستشفى انا معاها الحين مع ابوي سوينا حادث ليش يماما تفاولين ع اهلج خلاص قولي ماقدر اردهم خلني اتصرف بس لاتوهقيني وتخليني انتظرج

وللاسف امي سالتني عنهم قلت لها نسيتهم بالدوام وان شالله الراتب ينزل واعطي امي
ولاانتظر حاجه منها والله انا استحيت اني اطلبها مره ثانيه شلون اهم


سوري ع الاطاله




وثنكيووو مان

[Nasser Al-Saadi]

وللاسف امي سالتني عنهم قلت لها نسيتهم بالدوام وان شالله الراتب ينزل واعطي امي
ولاانتظر حاجه منها والله انا استحيت اني اطلبها مره ثانيه شلون اهم

والله ترى الصدق منجاه ،،

واما بالنسبة للفلوس ،، انا محد طلب مني إلى الآن ،، وغالباً اللي يطلب مني يكون شخص معرفتي به وثيقه ،، مب بس وثيقة ،، يعني بينا عيش وملح مثل ما يقولون ،،

فـ عادي حتى لو ما رجعهم ،، لاني ادري اني اذا احتجت في يوم من الايام ممكن اروح اطلبه منه بدون احراج ،، لان اللي بينا اكبر من مسئلة فلوس :)

[Nory.n.n]

اكيد الصدق منجاه


بس من البدايه ماقلت لها ادري بترفض لانه شايفه مالها حاجه وانا مابي اردها وساعات الواحد يسوي شي بدون تفكير وتالي يتحسف

الله كريم

[M. Al-Merekhi]

والله ترى الصدق منجاه ،،

واما بالنسبة للفلوس ،، انا محد طلب مني إلى الآن ،، وغالباً اللي يطلب مني يكون شخص معرفتي به وثيقه ،، مب بس وثيقة ،، يعني بينا عيش وملح مثل ما يقولون ،،

فـ عادي حتى لو ما رجعهم ،، لاني ادري اني اذا احتجت في يوم من الايام ممكن اروح اطلبه منه بدون احراج ،، لان اللي بينا اكبر من مسئلة فلوس :)


اخوي ناصر كلامك نفس وجهة نظري ... لحد الآن اللي طلبو كلهم قراب و عيش وملح و اهل حتى... وانا اقولهم الفلوس عندي ماتسوى دوستكم بالارض كلها بهانس ... و الحمدلله الخير وايد وصدقني لما تحس بضيق - الله لايقول بتلقاهم اول الناس حواليك و يدافعون عنك في الكبيره و الصغيره ...

:)

بس شتسوي في حالة الغرب؟ اتوقع هذا اللي يقصده اخوي فهد :)

[Nasser Al-Saadi]

في حالة الغربة ،، نفس الحاله مع القراب ،، لكن اذا واحد ما اعرفه او علاقتي فيه مجرد صداقه عابرة ،،
مافي امل اني اسلفه << عن تجربة ،، لاني مرة سلفت واحد وكنا متغربين احنا الاثنين ،،
وتحسفت قد شعر راسي ،، راح يفسفسهم يمين ويسار ،، واللي قهرني بزود ،، ما يحتاج اقول وين صرف الفلوس ،،

[Mohammed Al-haddad]

عندي نقطة

إذا كنت تسلف ترى شي عادي و ما فيها مشكلة ( خصوصاً الأهل و العائلة) لكن المشكلة يجي يوم تحتاج فيه فلوس وتدور من يسلفك ( شنو بتسوي ) و ما تحصل حد

شنو بيكون موقفك خصوصاً إذا كان الي يقدر يساعدك موجود ( وما يساعدك )

؟؟؟؟؟؟

[Fahad Buhendi]

عندي نقطة

إذا كنت تسلف ترى شي عادي و ما فيها مشكلة ( خصوصاً الأهل و العائلة) لكن المشكلة يجي يوم تحتاج فيه فلوس وتدور من يسلفك ( شنو بتسوي ) و ما تحصل حد

شنو بيكون موقفك خصوصاً إذا كان الي يقدر يساعدك موجود

؟؟؟؟؟؟

كلامك مهم جداً

وانا شخصيا فكرت في هذه النقطة اكثر من الف مرة وقررت من اول يوم عمل اني احط مبلغ من المال في محفظة خاصة ولا استخدمه مهما حصل استعداد لليوم الاسود

عشان لما احتاج ما اطلب سلف من احد واكون مستعد

[E.E.A]

انا ما اذكر اني سلفت حد او تسلفت منه :28:

بس انا اتوقع اذا سلفت حد مستحيل اقوله رد فلوسي :107: حتى لو كنت محتاجه لها ،، مع ان لي الحق بس احس ماعندي الجرأه :58:

والمفروض المتسلف اول ماتييه الفلوس يردها لان هذا حق ولازم يرده لاصحابه



وانا راي من راي اخويه فهد

اني احط مبلغ من المال في محفظة خاصة ولا استخدمه مهما حصل استعداد لليوم الاسود

عشان لما احتاج ما اطلب سلف من احد واكون مستعد

[N . A . AL-KORBI]

السلام عليكم ورحمة الله وبركاته

انا عن نفسي سلفت وحده من ربعي تدرس برع ، كانت محتاجه الفلوس ، تقول تبيهم لتسجيل

طبعا انا مو موظفة ، بس الوالد الله يطول بعمره طارحلي مبلغ بالبنك ، وانا مو من حقي اتحكم بهالفلوس

سو استاذنت من الوالد وماقصر قالي " سلفي ، ولازم توقفين مع رفيجتج " ، وقلت للوالد :

" البنت راح تردهم عقب اسبوع لما تجي الدوحه " والوالد قال " اتركي هالشي لوجه الله ولا تطلبين

منها الفلوس " ، رحت الصراف وحولت لها فلوس وعطيتها الرقم الي راح تستلم عن طريقه فلوسها

طبعا هاي رفيجت عمري ، واحبها في الله ، والي حز بخاطري ، من ذاك اليوم وماسمعت صوتها ،

والله الفلوس ما ابيها ، اهم شي عندي سلامتها ، والفلوس مو همي فداها

سو هالشي لاحضته في الكل ، من يسلف الواحد شخص ، خلاص تنقطع اخبار هالشخص

وماعد نسمع عنه اي خبر ، المشكله هالشخص لازم يفكر الف مره ، هالشي دين، ومو كل واحد

راح يسامح ، وراح تظل بذمته لو مارد هالدين .

فيا جماعة الخير سامحوهم واتركوا هالشي لوجه الله

ومثل ماقالت اختي الكريمه M. Al-Merekhi

" اقول ان شاء الله دافع بلا عن امي و ابوي و هلي كلهم و عيالهم ... "

جزاج الله الف خير والله يبارك في اموالج ويرزقج الرحمن من خيره

[N . A . AL-KORBI]

تسلفت 3 مرات, ولله الحمد اعدت السلفيات كلها.

ولكن عندي قصص راح اذكرها عن السلف ووجع الراس:

القصة الاولى: سلفت احد الاصحاب قبل 3 سنوات مبلغ من المال ورجع لي ثلاثة ارباع المبلغ, والى اليوم مارجع لي باقي المبلغ (اعتقد انه نساها والله اعلم)

القصة الثانية: سلفت احد الاصحاب من دول مجلس التعاون مبلغ من المال قبل 4 سنين, وكل مايشوفني بالسيتي او الكورنيش او سوق واقف يسوي نفسه مايعرفني. (الله يسامحه .. وللعلم السلفة كانت بسيطة جدا).

القصة رقم ثلاثة: سلفت احد الاصحاب مبلغ من المال قبل 6 سنين, ويشوفني كل اسبوع ويقول لي نكت ويضحك معاي ويبعث لي ايميلات ولكن مو راضي يرجع السلفة (يمكن بعد نسى السلفة والله اعلم).

القصة الرابعة: سلفت احد الاصحاب مبلغ قبل سنة واعاد لي المبلغ في 5 ايام فقط, وحسيت اني ملكته وكأنه مانسى هذا المعروف .. وانطبق عليه قول الشاعر: ان انت اكرمت الكريم ملكته

الصراحة,

السلف واجب للاصحاب والاهل

ولكنه اصبح مذله ووجع راس بهذا الزمن



ما شاء الله عليك اخوي فهد ، شكلك كريم ويدك جذيه :broke:

اخوي تسلفني ؟ بس 100000000000000000000000 وارد لك المبلغ عقب سنه ونص

هاه شقلت لاتردني ، ياله ياجماعة الخير الي يبي يتسلف ، يتسلف ترى الاخ فهد مايقصر

كريم ، ويحب يعطي ، والي يطلبه مايرده ، ولا وإذا مارديت الدين ترى مو مشكله قلبه كبير ، بيسامحك

فرصه يات لي عندكم

[Omar Al Hazaa]

^
^
^

نصيحتي لكم..

الي سلفتوهم وضحوا لهم عقاب عدم رد الدين..

الشهيد ينغفر له كل شي الا الدين!!

فهموهم خطورة هالشي برساله سريعه على الجوال عشان تبرون ذمتكم..

وبالتوفيق ان شاءالله..

[Fahad Buhendi]

سو هالشي لاحضته في الكل ، من يسلف الواحد شخص ، خلاص تنقطع اخبار هالشخص

وماعد نسمع عنه اي خبر ، المشكله هالشخص لازم يفكر الف مره ، هالشي دين، ومو كل واحد





قمت بوضع عبارة شكر من اجل هذه الفقرة لاني اتفق معها 100%

وبالنسبة للتسليف.. فاغلب الاموال التي سلفتها للاصحاب كانت ليس بالمبلغ الكبير (اقل من 4000 ريال)

والبركة في الاسهم وفي الامير وفي الدولة

[Fahad Buhendi]

^
^
^

نصيحتي لكم..

الي سلفتوهم وضحوا لهم عقاب عدم رد الدين..

الشهيد ينغفر له كل شي الا الدين!!

فهموهم خطورة هالشي برساله سريعه على الجوال عشان تبرون ذمتكم..

وبالتوفيق ان شاءالله..

كلام جميل ولكن لايفهمه احد

الشهيد يغفر له كل شيء الا الدين

ولكن في زماننا الناس لاتهتم

[N . A . AL-KORBI]

قمت بوضع عبارة شكر من اجل هذه الفقرة لاني اتفق معها 100%

وبالنسبة للتسليف.. فاغلب الاموال التي سلفتها للاصحاب كانت ليس بالمبلغ الكبير (اقل من 4000 ريال)

والبركة في الاسهم وفي الامير وفي الدولة

اخوي فهد هالشي إن دل ، دل على شي واحد ، طيبة اصلك ومعدنك ، هالشي ما اقوله

بس لأني اتكلم جدامك ، الدوله ولله الحمد ماقصرت ، بس فيه بعض الناس مايسلف وكأنه

هالفلوس ملكه ، هالفلوس مو لك أنت يالإنسان وحدك ، لازم الكل يعرف إن هالنعم والخير لنا

وللناس المحتاجين ، يعني مو من تصير عندي فلوس ، ابذر وما اعرف شنو راح اسوي فيها

البس وآكل واشرب ، ولازم اتصدق ، واعطي كل محتاج وما أذله ، إن عطيت ، عطيت رغبه في رضا المولى

وما اتمنن عليهم ، هالشي ولله الحمد تعلمته من هالأرض الطيبه ومن اجدادي رحمة الله عليهم

وراح اظل ماشيه على دربكم يالغاليين

اخوي لاتفهمني غلط ، ترى ماكنت اقصد شي يوم قلت سلفني ، بس كنت حابه اشوف ردك

وانت إنسان طيب و أصيل ، والله يبارك فيك ويزيدك من خيره ، ويجعل كل ريال سلفته احد دافع بلا

عن أهلك كلهم

اختك في الله

[Kholoud Al-khuzaei]

اذا عن السلف فاكيد صارت وتسلفت اكثر شي من اختي لوول بس اردهم لها
وحزات هي ماترضى تاخذ مني ومم عادي يعني لو دفعت عني بمكان او ادفع لها وماناخذ من بعض لان خوات

اما فالغربه ف ماقدر اخذ من حد الا لو كلش كلش قريب مني يعني في كم صديقه مقربه عادي ناخذ من بعض وجي ونردهم

وفي موقف اذكره مره ايام المدرسه كانت معاي بالصف زميله عربيه
بفترة الامتحانات رحت لها البيت مرتين مره اخذ ملزمه اصورها ومره اردها وبالمرتين تطلب مني اشتريلها كروت واونها بتعطيني الفلوس بعدين وماردتهم ولاجابت الطاري وطلعت مسويه الحركه فاكثر من بنت فالصف وكلها كانت بفترات متقاربه لكن وايد منهم عرفوا لها وماعطوها شي

و ياما سلفت ناس فالغربه بعد وماشفنا شي ولا اظن بيردون شي وبصراحه عادي ما اهتم لان اذا هم من نفسهم ما ردوهم مابروح انا اقولهم تعالوا وين فلوسي المفروض الواحد من نفسه يعرف

لان فهالزمن تسلف الناس ولى جيت تطالب بفلوسك تصير جنها مذله او جنك تطر منهم ف افضل اني ماطلب شي الي بيردهم يردهم من نفسه والي مايبي فذمته ليوم القيامه

[Abdolrhman AL-langawi]

اخوي فهد لا تحط فباالك شي
صدقني تلاقيهم نسووو واحنا طبعنا فالدوحه نلف العاالم ومانطلب منهم يردوونه عل وعسى هم يتذكروون ...

اخوي انا فعمري كله سلفت 5 مرات


4 مارجعو وبصرااحه المبلغ يتراوح من تااافه وفي مبلغ قوي ..
بس انا استحي اطلب منهم واقوول عسااهم يتذكروون واذا نسوو حلاال عليهم

اما المره ال5

صديق عزيززز علي

وايد والله لويطلب عيوني تفدااه
كانا مسافرين وباقو بووكه وفي واحد طالب منه شغله ولاحنا مسافرين بكره فطلب مني الفلووس وعطيته والله مامدانا وصلنا الدوحه الصبح كل واحد رد بيته ورقد المغرب هو عندي وعطاني الفلووس ...

وسبحان الله النااس اجنااس يافهد ..

يعطيك الف عافيه ع الموضووع

[Shaikha Al-Jaber]

صراحة

أنا أعطي أهلي وصديقتي العزيزة لكن مب سلف

ماأنتظر منهم يردون لي المبلغ بل أعطيهم لوجه الله

حتى لو كان المبلغ كبير


تحياتي