هنــــا " انـــتــــقــــد " الشــبـــكة

[Abrar Al-Janahei]

السلام عليكم ورحمة الله وبركاته

كيف حالكم يا أعضاء هذه المنظمة .. التي انتم اعمدتها .. ان ذهبتوا انهدت

موضوع فقط لطرح جميــع سلبيــات وايجــابيات هذه الشــبكة على حد سواء
انتقد كما يحلو لك .. لك حرية الرأي .. نقد بنــــــــــــــــاء ..

انتـــقاد شبــكة الطلبة القطريين

كل منظمة لها عيوب ومزايا .. انتوا ادرى وانتوا اخبر

علمونا فيها .. ورحم الله امرئ اهدى إلي عيوبي

قانون الموضوع :

1- ممنوع التحفظ في جهة الشبكة فقط .. والدفاع الجنوني عنها
2- ممنوع الطعن في شخصيات الأعضاء .. والنقد فقط على الشبكة
3- ممنوع الذم بطريقة تجرح او تسيء لأحد
4- مسموح ذكر مواقف ( بشرط تعلقاها بالموضوع )
5- كونوا حقـــــــــــانيــــــــــــــــــيـــــــــن

كثر كثر كثر ما تقدرووون قولوا الحق عن هالشبكة .. قولوا ما يرضي الله

فالظلم ظلمات يوم القيامة


نبــــــــــــــــــدأ
بابتسامة


:)

[Jassim Al-Naama]

عليكم السلام ورحمة الله وبركاته

الأخت أبرار .. جزاج الله خير على طرح الموضوع :)

وبنكون متابعين للردود ان شاء الله ^^

[Mohammed Al-haddad]

يالله بسم الله نبتدي

اول شي هذي مو وجهة نظري كانت من اكثر واحد من ربعي

نقطة ان التسجيل في الشبكة لازم يكون بالأسم الحقيقي ( وايد ناس كلموني عن هذي النقطة )

وإذا تسمحون ارد على نفسي في هذا الشي كوجهة نظر شخصية اشوف انها لها ايجابيات اكثر من ان له سلبيات

قد تحسسك هذي النقطة بمسؤلية اكثر ( لأنك تمثل شخص حقيقي او تمثل عائلتك ) عند كتابة موضوع او رد ( شي جميل و ايجابي )

[M. Al-Merekhi]

الاخوان والاخوات ... قبل كل شئ ... كلمة حق تقال ... و الشكر واجب على كل الجهود المبذوله ...

انا الصراحه عندي كم ملاحظه ... بس مادري هل هم انتقادات او بس ملاحظات ... اترك الحكم لكم ...

1. الشبكه غير مرئيه بالنسبه للجميع .. بمعنى مافي تغطيه كافيه لها تعطيها حقها .... انا اعرف وايد اخوات يدرسون و مايعرفون عنها الا يمكن الاسم ... و الصراحه مجهود عظيم نفس الشبكه لازم ياخذ حقه من الانتشار و الدعم.
2. باتكلم شوي عن موضوع ما شفته ان اخذ حقه لين الحين .. اللي هو مرحلة مابعد التخرج ... ما مصير الطلبه و كيف ممكن نساعدهم انهم يوصلون للاماكن اللي يبغونها ... انا عن نفسي انظميت للشبكه بعد التخرج على طول و الصراحه حسيت ان هي بحكم طبيعتها مركزه على المرحله الجامعيه ... ليش ما تكون ممتده لمرحلة مابعد الجامعه و هالشي ممكن نتساعد فيه كلنا من خلال ال networking مع باقي الجهات او حتى اعضاء الشبكه اللي ينضمون لبعض الجهات ...لان بالتاكيد بتكون في منفعه للجميع لما تتضح الرؤيه للطبه و الخريجين. :)


الصراحه هذي النقاط اللي جات في بالي الحين ... و ان شاء الله اذا فكرت بزياده با كتبهم ...

بالتوفيق :)

[Omar Al Hazaa]

عليكم السلام ورحمة الله وبركاته..

اختي ابرار وينج اختفيتي مره وحده؟

قبل لا نبتدي فالانتقاد.. نتمنى من الاداره انها توسع صدرها واتطول بالها..

ونبيهم يعرفون ان أي كلمه بتنقال هذا راح يكون في مصلحتهم ومصلحة المنتدى..

المنتدى ماعليه كلام..

ومميز وهذا اذا ماكان اهوه احسن المنتديات القطريه!!

المواضيع والادراه والاعضاء كلهم حلوين..

واذا كان لازم نحط انتقاد..

بحط انتقاد بس شكله اقتراح!

منتدى حديث الروح لو يتم اغلاقه ودمجه مع المنتدى العام؟؟

لأنه صار مهجور والمواضيع الي فيه محد يشارك فيها حتو لو كانت جديده..

هاي انتقاد حق الاعضاء ههههه..

احياناً الاداره تتسرع في اغلاق بعض المواضيع..

الصراحه انا استغرب من هالشي!!

كلموا العضو الغلطان وفهموه غلطه وماعتقد انه راح يستمر على غلطه!



حرام والله يتم ايقاف عضوية الاخت دانه الكواري..

والله حزنت وتضايقت يوم سمعت الخبر..
ماتوقعت اني مره بشوف اسمها وبحزن..

اكيد الاداره لها اسبابها وانا بس حبيت اعبر عن حزني..

[Abrar Al-Janahei]

السلام عليكم


مشكور اخوي محمد على هالنقطه .. في ناس بيني انهم يبون الاسامي بالعربي

اختي بنت المريخي :) ... الادراة ان شاء الله راح تحط فكرتج في عين الاعتبار لكن انظن بينحذف اسم الطلبه من المسمى العام للشبكة ..

اذا عندج اي اقتراحان شلون نخلي الشبكة تهتم بالمتخرجين نرجوا منج تبينيينها :)

اخوي عمر .. غيابي ظريبة ادفعها للجامعة
قسم حديث الروح ..فكرت الادراة بالهقرار .. وان شاء الله خير ..
بالنسبة للمواضيع ..للحين يتناقشون في اغلاق وتحرير الردود وبعد انشاء الله خير

لكن المشكلة ( الناس ما تلتزم بالقوانين المذكورة ) فاللي يخالف القانون يتحاسب .. مثل مخالفات المرور
:)


الحوار مفتوح للجميع .. اللي عنده اي اقتراح لا يبخل علينا

وجزاكم الله خير

[Omar Al Hazaa]

وعليكم السلام ورحمة الله وبركاته اختي ابرار..

الله يوفقج في امتحاناتج..

والله يوفقج الاداره في شغلهم..

ونتمنى انهم يطولون بالهم شوي..

[Abrar Al-Janahei]

اخوي عمر :)

شلون بتتصرف مع الاعضاء اذا كنت رئيس مجلس ادارة شبكة الطلبة القطريين

حطل ان نقاط ..

[Abrar Al-Janahei]

وين باقي الأعضاء !

[Omar Al Hazaa]

بتصرف معاهم بسهوله كبييييييييره..

مثل ماتصرفت معاهم في عدة مواضيع؟

بعطيج 3 امثله.. والامثله وااايد..

مثل موضوع "الدم الثقيل"

اعضاء وايد تكلموا غلط؟ فهمتهم الغلط بطريقه ماتخليهم يعيدونه مره ثانيه..

"هذا اسلوبي"

مثل موضوع "هذي قوة امريكا"

كنت اتناقش مع الاعضاء وقالوا احنا صح وانت بنفسك محد يأيدك ليش تستمر؟؟

فهمتهم شنو الصح من وجهة نضري!! بطريقه ماتخليهم يعيدون لي الكلام الي قالوه عن المجاهدين؟

مثال اخير؟

اختي دانه الي تم ايقاف عضويتها؟

تناقشت معاها في عدة مواضيع وقلت لها قولي كل الي عندج..

وتميت اصحح لها وحده وحده؟

وماقدرت تستمر على الخطأ؟؟

لين ماشفتها تحب الدين اكثر وشفتها كانت فرحانه!

اختي ابرار.. تقدرين تشوفين عدة مواضيع.. مثل "ماحصل فالعاصمه اللبنانيه بيروت"

وموضوع "الدنماركيين بيحرقون القراَن يوم السبت"

وموضوع "شرايكم في كنيستنا"

انا شفت عندها بعض الاخطاء وكنت ماشي معاها وصار النقاش ايجابي اكثر وشفتها صارت تتقبل النصايح بكل قناعه وثقه..

انا قاعد اتكلم عن نفسي ومالي خص فالاداره.. واكيد الاداره لها ضروفها..


بتصرف بهالطريقه.. وهالشي ماعتقد انه فيه صعوبه؟

اذا كنت عارف ومقتنع انهم غلطانين وعندي اسباب واضحه!!

اقول الاسباب وتخلص السالفه بكل بساطه!!

اقول حق الشخص قول كل الكلام الي عندك ولاتنسى أي كلمه مهما كانت..

ان كان غلط؟ افهمه الغلط وخلاص الحمدلله مايقدر يستمر عليه..

حتى لو ماقتنع وكان يحب الخطأ!! بعد مايقدر يستمر عليه!!

هذا الي لاحظته..

وفالجهه المقابله؟ بقول لهم اذا شفتوا فيني غلط قولوه؟

وعلى طول احاول اني ابتعد الاخطاء..

والله يجيب الي فيه الخير..

[Abrar Al-Janahei]

هاي بخصوص المنتدى

انا اتكلم في الحياة .. بشكل عام .. في الانشطه والفعاليات ..
شنو رايك


باقي الاعضاء .. ايش في الشبكة من غلط ( مــــش بس المنــــتدى )

[Omar Al Hazaa]

اختي ابرار.. ماحسينا في قيمة مشاركاتج الا يوم اختفيتي..

بخصوص الفعاليات والانشطه..

انا سمعت ان المنتدى عنده انشطه برا مثل نشاط ليدز الي الشباب يمدحونه..

اذا في انشطه تساعد الطلاب الي برا وتجمعم.. هالشي وايد حلو..

واحنا نشجع الاداره ونتمنى انهم يستمرون..

[Jassim Al-Naama]

السلام عليكم ورحمة الله وبركاته

أظن اللي الاخت أبرار تقصده

ان شرايكم في انشطة الشبكة بشكل عام ؟

للتوضيح : المنتدى هو جزء من الشبكة

الشبكة حزئين ..جزء على الانترنت وهو الموقع .. والجزء الأكبر على ارض الواقع من خلال المشاريع اللي تم تطبيقها وتنبها من الشبكة . الاندية الفرعية التابعة للشبكة

باختصار .. الموقع هو جزء من الشبكة والشبكة أكبر من الموقع فقط :)

نبي نسمع ارائكم وافكاركم عن مستقبل الانشطة واقتراحاتكم مش بس عن الموقع ^^

يعطيكم العافية

[Omar Al Hazaa]

انشطة الشبكه الي في قطر مش واضحه!!

حطوها في منتدى خاص ابرك.. عشان نبدي راينا فيها..

وبالتوفيق ان شاءالله..

[Jassim Al-Naama]

مرحبا اخوي عمر:)

يعطيك العافية بداية على الاهتمام والمتابعة ^^

الانشطة الخاصة داخل قطر تلاقيها بقسم الاندية في قطر ..تحصل المشاريع اللي قاعدة تصير وتسويها الاندية المختلفة سواء بالمدينة التعليمية او نادي جامعة قطر


خذ لك فرة واذا ماقدرت .. بعطيك لنكات مختلفة لأنشطة ماضية سوتها الشبكة بالاندية المختلفة او على مستوى قطر بشكل عام :)

ولو تنزل بالصفحة تحت شوي تلقى " الارشيف" وفيه سمرنا 1 و2 و3 وونترنا وانشطة اخرى وكلها انشطة مختلفة صارة تقدر تاخذ لك فرة عليها :)

[Omar Al Hazaa]

اشكرك اخوي جاسم على التوضيح..

وان شاءالله راح تسمعون النقد البناء..

[Jassim Al-Naama]

جزاك الله خير ياعمر :)

وهاي اللي نبيه

الصراحة التااااااامة ^^

برايفت لك ياعمر: ودنا نشوفك بالجامعة قبل لنخلص الدوام ..كلمني باجر اذا كنت بالجامعة من 12 - 4 :-D

[Omar Al Hazaa]

اشكرك على الدعوه اخوي جاسم..
وبطرشلك رساله على الجوال..

وابشر بالصراحه التامه..
صراحتي ثقيله شوي الله يعينكم عليها ههههههه..

[Jaber Al-Musallam]

كنت اتناقش مع الاعضاء وقالوا احنا صح وانت بنفسك محد يأيدك ليش تستمر؟؟

فهمتهم شنو الصح من وجهة نضري!! بطريقه ماتخليهم يعيدون لي الكلام الي قالوه عن المجاهدين؟


من هذا الشخص الي قال هذا الكلام لك؟ , انك لا!!! تتناقش , و انك انت ياعمر غلط خلاص اسكت؟
انا شفت رد مكتوب فيه بس : الملخص :
"ياخي عمر اذا انت جاي المنتدى تتناقش مع ناس فهمه" - هذا انت قلت في موضوع ثاني
- خذ بكلامهم

بس واحد قالك "لا تتناقش محد يأيدك لا تستمر" الصراحه ماقدر احصل هذا الرد الي تقصده.
اذا تقدر تطرشه لي رساله خاصه او شي عشان مانطلع من اطار الموضوع.

السموحه عن الخروج عن ايطار الموضوع بس لما اشوف شي مب عدل مكتوب لازم ارد عليه :)

[M. Al-Merekhi]

اختي بنت المريخي :) ... الادراة ان شاء الله راح تحط فكرتج في عين الاعتبار لكن انظن بينحذف اسم الطلبه من المسمى العام للشبكة ..

اذا عندج اي اقتراحان شلون نخلي الشبكة تهتم بالمتخرجين نرجوا منج تبينيينها :)



مرحبا اختي ابرار... السموحه عالتأخير بس كان لازم اعطي الموضوع حقه من الانتباه و التركيز ...:)

اختي الغاليه بخصوص اسم الشبكه ماله داعي يتغير ... لانها بالنهايه بتخدم الطلبه القطريين ... حتى لو تخرجو ... بيظلون دايما جزء من الشبكه ...:)

اما بخصوص كيفية الاهتمام بالمتخرجين ... اتوقع ان الشغل بيبدي معاهم اثناء مرحلة الدراسه وقبل التخرج ... في موضوع اشتغلت عليه من فتره واسمه career development paths يعني مسارات التطوير المهني – اتمى الترجمه صحيحه ... هذا يطلع منه مايعرف ب Career Development Program (CDP) اللي هو عباره عن خطه توضع للطالب توضح الاحتياجات التطويريه اللي تنسبه عشان يوصل الموقع اللي يبيه ! اللي حاصل ان بعض المؤسسات تحطها للمتدربين عشان توصلهم للبوست الموجود و هذا من حقهم لكن الاصل ان تكون في خطه اشمل توضع للشخص و ليس للوظيفه ...:)

اعطيكم مثال ... الاخت الغاليه ابرار – تخصصها تسويق بس مثلا نفرض ان هي تبي تشتغل في قطاع الطاقه . ... ممكن تشتغل سنتين في التسويق و بعدها تاخذ كم كورس و كم internship تؤهلها للطاقه... طبعا الهدف ان كل شخص يحدد مسار واضح للتطور المهني اللي يبيه وليس المفروض عليه.

دور الشبكه بيكون من خلال توفير الخبرات المتاحه من الاعضاء اللي ممكن يساعدون بعض في وضع هالخطه او حتى تصور للمستقبل المهني. ايضا يمكن للشبكه انها تبتدي بانشاء علاقات مع المؤسسات الموجوده بصفه رسميه حتى يتم تزويدها بقوة عمل قطريه ملائمه...

اتوقع في المستقبل بتكون الشبكه نقطة وصل مابين الطلب و العرض في سوق العمل القطري. اتمنى والله هالشي لانه احسن من حالة الفوضى اللي الحين تعم المكان. بدال مايكون في يوم مهني واحد , بيكون في شبكه اقوى من اليوم المهني و مصدر ثقه للقطاعات المختلفه ...

عذرا للإطاله بس حاولت اوصل اللي في بالي ...

الله يوفق الجميع

[Omar Al Hazaa]

اخوي الغالي جبر.. كلامي واضح..

شكلك قريته بسرعه..

انا ماقلت قالوا لي لاتستمر..

لاكن قالوا ليش تستمر؟

وماقالت انهم قالوا لي انت غلط؟

لاكن كانوا واثقين في وجهة نضرهم!! ومستغربين اني كنت معارضهم!!

ان شاءالله الكلام صار واضح الحين..

[F.H]

اتوقع في المستقبل بتكون الشبكه نقطة وصل مابين الطلب و العرض في سوق العمل القطري. اتمنى والله هالشي لانه احسن من حالة الفوضى اللي الحين تعم المكان. بدال مايكون في يوم مهني واحد , بيكون في شبكه اقوى من اليوم المهني و مصدر ثقه للقطاعات المختلفه ...

ليش مانبتدي أختي نحط تصور كامل ودراسة لهل مشروع ونعرضه على الشبكة تتبناه ..

وأنا مستعده أساعدج :)

[Abrar Al-Janahei]

جزاكم الله خير ..

فكرة واييد اعجبتني :):)

خلوها تعيش

[M. Al-Merekhi]

ليش مانبتدي أختي نحط تصور كامل ودراسة لهل مشروع ونعرضه على الشبكة تتبناه ..

وأنا مستعده أساعدج :)


مرحبا اختي الغاليه .... :)

اسعدني ردج وايد و انا حاضره بكل اللي اقدر عليه ... بس ماعندي خلفيه عن تسلسل خطوات بداية المشاريع بالشبكه بمعنى شلون نبتدي هل يكون نفسنا في الاداره (مكاتبنا) مسودة مقترح و ينطرح للنقاش مع الادراه وعقب نتدرج فيه ونحط خطه للتنفيذ ولا شلون؟؟؟

واكيد بنحتاج مساعدتج و مساعدة كل الاخوات و الاخوان بالشبكه :)

[Omar Al Hazaa]

السلام عليكم ورحمة الله وبركاته..

شدعوه شكلي انا الوحيد الي مب عاجبه الوضع وجاي انتقد ههههههه..

المهم.. عندي انتقاد صغير..

الرسايل الخاصه..

امس الصبح طرشت 3 رسايل!! وولا وحده اوصلت؟ شدعوه!!

هالرسايل طرشتهم حق بنت فالاداره..

المهم.. انا كنت كاتب رد اول امس وثواني بس وجاتني رساله من الاداره تقولي عدل الرد!!

شدعوه رسايل الاداره توصل في نفس اللحضه؟

وانا رسايلي ماتوصل نهائياً؟ والحين كملت 24ساعه تقريبا من طرشت الرسايل..

نبي توضيح..

[F.H]

مرحبا اختي الغاليه .... :)

اسعدني ردج وايد و انا حاضره بكل اللي اقدر عليه ... بس ماعندي خلفيه عن تسلسل خطوات بداية المشاريع بالشبكه بمعنى شلون نبتدي هل يكون نفسنا في الاداره (مكاتبنا) مسودة مقترح و ينطرح للنقاش مع الادراه وعقب نتدرج فيه ونحط خطه للتنفيذ ولا شلون؟؟؟

واكيد بنحتاج مساعدتج و مساعدة كل الاخوات و الاخوان بالشبكه :)


نفسكم نبتدي نحط مسوده واقتراحات .. وبعدها تصور كامل للمشروع وأخيراً خطة العمل .. :)

وممكن لو تحبيت نجتمع يوم ونرتب كل هل أمور ..

.. وإذا تحبين نكمل النقاش عن طريق الرسائل الخاصة :)

[Abrar Al-Janahei]

اخوي عمر .. الرساله تاخذ وقت عشان توصل منك لان اول شي تراقب .. وبعدين المسلتم لين ما يكتب ويطرش .. بعد يراقبون رسالته .. ياخذ يعني يومين بالكثير

بس الادراة رسائلهم توصل لانهم ادارة

[Omar Al Hazaa]

^
^
زين في حد عبرنا ههههه..

اشكرج اختي ابرار على التوضيح..

بس في رسايل خذت لها اكثر من شهر وماوصلت؟

فالمنتدى الثاني الي ادخله رسايلي توصل في ثانيه وحده بس.. مافي رقابه.. "مع العلم انه منتدى ديني"

رقابة الرسايل يمكن تدخل في نوع من انواع التجسس؟

اتمنى من الاداره انها تنتبه حق هالشي..

[Abrar Al-Janahei]

ان شاء الله يوصل كلامك للإدارة يا عمر

هل من انتقادات أخرى يا عــــرب ؟ :)

اشياء تبون انها تزدهر .. او ان نعطيها حق زياده ؟ .. او انتقادات آخرى

[Omar Al Hazaa]

عندي سؤال اذا ممكن..

اذا الرسايل تاخذ لها يومين! يعني كم مراقب يشوفها؟

الله يستر عيل اطلعت الفضايح هههههه..

والله حرام مايصير..

هالشي يستحق الانتقاد..

ونتمنى من الاداره انها تنظر للأمر بجديه..

يمكن ابي اتشاور في مشكله خاصه فيني مع عضو انا ارتاح له.. "ومشاكلي الخاصه وايد ههههه"

ف مايصير الاداره تشوف مشكلتي الخاصه وانا داخل بأسمي الحقيقي!!

[Abrar Al-Janahei]

لا تخاف يا عمر .. شخص واحد يجوف الرسائل

احنا بس نضمن ما يكون فيه تناقل ارقام او ايميلات او الفاض بذئية .. وغيرها من الاشياء السيئة .. لكن كتجسس لا ان شاء الله

[Jaber Al-Musallam]

لا يتم القرائه مابين السطور و انما البحث عن ارقام هواتف و جوالات او ايميل .
خاصه اذا كنت الرساله من رجل الى بنت او من بنت الى رجل.
(ويتم حذف الرساله وابلاغ راعيها)

واما انا نقرأ كل الرسائل الخاصه ,هذا صعب جدا , و لا يتم القرائه مابين السطور ,
لا تخاف :P , احنا بس نحاول نبعد الأمور اذا واحد مثلا حاول يتحرش او شي .

الخير يخص و الشر يعم مثل مايقول المثل .

[Omar Al Hazaa]

اختي ابرار واخوي جبر.. مشكورين عالتوضيح..

بس بعد الواحد مايقدر يتطمن..

[Jaber Al-Musallam]

عطنى بديل؟
لانه هذا الي احنا نسويه يحمي من المشاكل و الفضايح , و التشويه.
لو شرايك؟

[Omar Al Hazaa]

البديل جاهز لدخول الملعب ههههه..

البديل اهوه "الثقه"

البديل انكم تعرفون ان كل طالب يتحمل مسؤولية نفسه..

البديل انكم تعرفون ان الي يبي يلعب ويغازل المجمعات موجوده والشات الخخ..

البديل اهوه.. اذا كان في انسان تفكيره تعبان وطرش رساله تعبانه!!

ان شاءالله الي بيستقبل الرساله راح يعرف شلون يتعامل معاها!!

يمكن شخص ولا شخصين يشذون؟؟

لاكن ماعندنا غير هذا البديل..

والله يوفقكم لأدارة المنتدى وتوجيهه للأفضل..

[Omar Al Hazaa]

واظم صوتي مع صوت اختي الي قالت ان المنتدى يحتاج دعايه؟؟

شدعوه طلاب قطر الي برا بس عددهم 4000؟

والصراحه انتوا مقصرين فالدعايه.. وفي موضوع بخصوص الدعايه بحطه الحين!!

[Jaber Al-Musallam]

البديل جاهز لدخول الملعب ههههه..

البديل اهوه "الثقه"

البديل انكم تعرفون ان كل طالب يتحمل مسؤولية نفسه..

البديل انكم تعرفون ان الي يبي يلعب ويغازل المجمعات موجوده والشات الخخ..

البديل اهوه.. اذا كان في انسان تفكيره تعبان وطرش رساله تعبانه!!

ان شاءالله الي بيستقبل الرساله راح يعرف شلون يتعامل معاها!!

يمكن شخص ولا شخصين يشذون؟؟

لاكن ماعندنا غير هذا البديل..

والله يوفقكم لأدارة المنتدى وتوجيهه للأفضل..

مابنتحاسب يوم القيامه على هذا الشي؟;)
لما نجي ونوسأل "شسوينا عشان نقي من هذا؟"
انت مطوعنا ياعمر :D

[Omar Al Hazaa]

^
^

انا مابي افتي واتوهق ههههههه..

خلاص راقبوا وشدوا حيلكم..

[M. Al-Merekhi]

نفسكم نبتدي نحط مسوده واقتراحات .. وبعدها تصور كامل للمشروع وأخيراً خطة العمل .. :)

وممكن لو تحبيت نجتمع يوم ونرتب كل هل أمور ..

.. وإذا تحبين نكمل النقاش عن طريق الرسائل الخاصة :)

اكيد عزيزتي ... ياليت لو نقدر نجتمع ايضا مع بعض الاخوات و ناخذ افكارهم ... دايما الافكار اللي تجي من مجموعه تكون خلاقه و واقعيه :)

[Mohammed Al-haddad]

في شي أحب أني أذكره

مرات وايد نشوف الردود تطلع عن اطار الموضوع ( ليش ؟؟؟ )

انا ما ألوم الأدارة كثر ما ألوم الأعضاء ( لان كل عضو مسؤل عن رده وإذا هو خرج عن الأطار العام للموضوع فهو المسؤل رقم واحد عن هذا الشي ) ( لحد يقول متحيز !! )

[N . A . AL-KORBI]

السلام عليكم ورحمة الله وبركاته

الله يعطيكم العافيه كلكم على جهودكم الطيبه ، واكيد هالموضوع ما انطرح إلا من اجل يفيد الشبكة

مشكوره اختي ابرار على الموضوع الطيب

اولا : انا عندي طلبات واتمنى الإداره تتقبلهم بسعة صدر

1 . نبي قسم للرياضه

2 . نبي قسم للأخبار المحليه وقسم للاخبار العالميه

3 . نبي يكون فيه تحفيز للاعضاء ، مثلا وضع وسام للعضو المتميز

هاي كل الي عندي ومن تجيني فكره راح اطرحها

وسلامتكم

[Abrar Al-Janahei]

جزاكم الله خير على الرد جــدا اسعدتوني ^__^

تؤخذ اقتراحاتكم بالحسبــــــــان :)

[Sh.W]

أحب أركز على نقطة اختي م. المريخي... صحيح ما فيه ناس وايد تعرف عن الشبكة،،
كل ما اسأل فلانة وفلانة طالبات،، ما يدرون عنها،، أتمنى كتريز تضم عدد أكبر من الناس..
نظرتنا كمجتمع للعمل التطوعي انه ما له أي فايدة... نشوف شبابنا دايماً يبتعد عن العمل التطوعي..لازم نشتغل على تغيير هالفكرة.. ونشجعهم عليه...
أتمنى كتريز يفتح المجال لطلبة المدرسة ونفعلهم في الصيف ،، لما يوصلون الجامعة يكونون مؤهليين للعمل الطلابي..

لي عودة ،، لأنه عندي نقاط ثانية ...ان شاء الله
يعطيج العافية أبرار... وولكم باك...

[Omar Al Hazaa]

للأسف الثلاث رسايل الي طرشتهم حق المشرفه ماوصلوا؟ وصار لهم 4 ايام تقريباً

والحين ابي اطرش رساله؟ اخاف اتعب نفسي وبعد ماتوصل!!!

[Nasser Al-Saadi]

للأسف الثلاث رسايل الي طرشتهم حق المشرفه ماوصلوا؟ وصار لهم 4 ايام تقريباً

والحين ابي اطرش رساله؟ اخاف اتعب نفسي وبعد ماتوصل!!!

لاحظ ان موضوع العنوان انتقد الشبكة ،، مب اعرض المشكله اللي صايدتك مع الرسائل الخاصة ،،
لاحظ انك ما اضفت شي مفيد للموضوع ، غير زيادة في الردود والمشاركات ،،

عندك منتدى شوركم ،، ممكن تحط مشاكلك مع الرسايل الخاصة هناك ،، مب في موضوع ماله خص في اللي انت قاعد تقوله ،،


_______________

اما بالنسبة للإنتقاد اللي عندي ،، هو في الاصل مب انتقاد ،، لكن استفسار
ليش الشبكة ما تطبق القوانين الموجوده للمنتدى على الاعضاء في المنتدى ؟؟

[Omar Al Hazaa]

هههههههههه لاتعليق..

انا انتقد ان رسايلي ماتوصل؟

وانت قاعد تحور الكلام يسار ويمين..

ماشاءالله عليك اخوي ناصر..

قاعد مركز على كلامي في كل المواضيع..

زين حلو استمر وشد حيلك وانا احب الشخص الصادق الي يبين لي عيوبي..

والحياه بتكون حلوه هههههههههه..

واسئل الله ان يهديك..

ومنتدى شوركم انا مادري عنه..

وخلاص انا ذكرت الانتقادات الي عندي ومافي شي ازيده..

والحين جاي تستفسر وتقول ان الشبكه ماتطبق القوانين؟
نصيحتي.. وضح لهم القوانين الي ماطبقوها عشان يفهمون قصدك..

واذا مشينا على القواعد الي انت حاطها (وانا اشوف انها تعقد الامور)

عيل ليش حاط استفسار في موضوع الانتقاد؟

كلامك مافاد الموضوع غير زيادة فالردود؟

هاه حسيت في شعوري الحين ههههههههههههه..

اخوي ناصر انتبه على نفسك واخطائك؟

ولا ليكون انت تطلع عن الموضوع عادي؟

وانا انتقد واقول رسايلي ماتوصل مب عادي؟

مادري على أي اساس انت قاعد تقول كلامك؟

والله ترا الكلام الفاضي مب زين..

[Ahmed Al-Ali]

اولا : انا عندي طلبات واتمنى الإداره تتقبلهم بسعة صدر

1 . نبي قسم للرياضه

2 . نبي قسم للأخبار المحليه وقسم للاخبار العالميه

3 . نبي يكون فيه تحفيز للاعضاء ، مثلا وضع وسام للعضو المتميز



عليكم السلام ورحمه الله وبركاته

برد على استفسارج اختي الكربي بس الرد بيكون من منظوري الشخصي وطبعا بننتظر رأي الأداره الموقره.

منتدى قطريز هو منتدى اكاديمي تطوعي لذا اذا افتتحنا قسم للرياضه بيسجل بالمنتدى "كل من هب ودب" والكل بيشارك بالقسم الرياضي وبتصير زحمه وبيقل التركيز على الاقسام الاكاديميه والنقاش الاكاديمي اللي هو اكثر اهميه وسبب افتتاح الموقع

نقدر نتكلم ونحط اهم المواضيع الرياضيه واهم الاخبار المحليه والعالميه في القسم العام ، وفي رايي الشخصي مالنا حاجه لقسم الرياضه او قسم للاخبار :)

اما اقتراحج الثالث فانا مؤيد له :)

[F.H]

لاحظ ان موضوع العنوان انتقد الشبكة ،، مب اعرض المشكله اللي صايدتك مع الرسائل الخاصة ،،
لاحظ انك ما اضفت شي مفيد للموضوع ، غير زيادة في الردود والمشاركات ،،

عندك منتدى شوركم ،، ممكن تحط مشاكلك مع الرسايل الخاصة هناك ،، مب في موضوع ماله خص في اللي انت قاعد تقوله ،،


_______________

اما بالنسبة للإنتقاد اللي عندي ،، هو في الاصل مب انتقاد ،، لكن استفسار
ليش الشبكة ما تطبق القوانين الموجوده للمنتدى على الاعضاء في المنتدى ؟؟


بارك الله فيك هذا الكلام العدل ..

.. وإبشر بإذن الله ماراح نسمح إن يتم تجاوز قوانين المنتدى .. بنحاول قد مانقدر نتابع الموضوع ... وسامحونا على القصور ..

[Omar Al Hazaa]

^
^

اختي الي يحط استفسار في موضوع الانتقاد عادي؟

لاكن الي ينتقد الشبكه على اختفاء الرسائل الخاصه مب عادي؟

ممكن اعرف على أي اساس قلتي ان هذا الكلام العدل..

عشان نفهم قوانين المنتدى ومانتجاوزها..

وفي اشياء ثانيه لاكن بأجلها لين بعدين..

[Nasser Al-Saadi]

إنتقادي هو << والله كلمة جافة وما احبها

انا افضل اقول اللي عندي مع استبدال الكلمة بـإقتراح او إستفسار لأنهم اخف

بس إقتراحي هو ،، ليش ما يتم إضافة بند في قوانين المنتدى تخص المواضيع المنقوله ؟؟
البند ينص على ان يجب ذكر المصدر مع وضع رابط للمواضيع المنقوله.

يعني لما الاقي موضوع مكتوب :
1- قد ما ادري انه منقول ، ففيه تضيع لحقوق ناس ثانيين.
2- قد يكون النقل من مصدر غير موثوق ،، فذكر المصدر امر مهم جداً، مثال قناة الجزيرة مصدر موثوق ،، لكن قناة العربية ؟؟

هذا اللي عندي ،،
واذا تشوفون ان هذا الاقتراح ما يضيف فايدة للموضوع ،، احذفوا الرد ،،
لان كلمة انتقاد جداً لاذعه وجافة ،، كان الأولى يكون العنوان (اضف نقاطك التطويرية) او شيء يدل على التطوير والبناء ،، لأن النقد فقط لمجرد النقد لن يقدم أو يأخر ،، فهناك كثير من الناس تعيش لتصيد الأخطاء والزلات والعثرات ،، وتنتقد فقط لمجرد النقد لاغير :)
وشكراً

[F.H]

يعني لما الاقي موضوع مكتوب :
1- قد ما ادري انه منقول ، ففيه تضيع لحقوق ناس ثانيين.
2- قد يكون النقل من مصدر غير موثوق ،، فذكر المصدر امر مهم جداً، مثال قناة الجزيرة مصدر موثوق ،، لكن قناة العربية ؟؟

في خاصية ضفناها مع الترقية الأخيره بس غلطتنا إنشغلنا ونسينا نشرح لكم الإضافات الجديدة ..

لاحظ أخوي ناصر لما بتكتب موضوع جديد بتلقى في النهاية سؤال

(( هل الموضوع منقول ؟ ))

في خيار نعم ولاء ،، إذا اخترت نعم راح يطلب منك تذكر المصدر وتضيف عنوانه لحفظ الحقوق وبيطلع لك تلقائياً بعد ماتضيف الموضوع ..

[Abrar Al-Janahei]

(اضف نقاطك التطويرية)

جزاك الله خير يا ناصر .. انا حطيت العنوان لان الفترة اللي حطيته فيها كان الكل ينتقد .. فكان في بالي نجمعهم في مكان واحد

بس حاولت اغير العنوان من عندي ما يصير .. وصح احنا مثل ما قلت نبي نعدل ونبني

:)

[Omar Al Hazaa]

عندي استفسار (نقد بناء)

ليش موضوعي انحذف الي كان فالعام "الضربه القادمه........"

1-ليش انحذف؟

2-لو كان فيه خطأ ليش على الاقل ماتم اغلاقه مع وضع سبب الغلط مثل ماصر في اغلب المواضيع؟

3-ليش مانبهتوني انكم حذفتوه؟

انا تعبت نفسي وكتبت الموضوع ومن ابسط حقوقي اني اعارض الحذف الي صار!!

وانا قريت شروط المنتدى ومتأكد مليون% ان الموضوع ماكان فيه أي مخالفه؟

والحين اخاف اكتب موضوع ثاني وفيه كل الشروط وبعد ينحذف؟

[Rowda M Al-Ali]

تقدر تطرح استفسارك في قسم شوركم :)

[Omar Al Hazaa]

اسمحيلي اختي هذا انتقاد مش استفسار..

وانا تعبت على الموضوع وماعجبتني الحركه الي صارت..

[Nasser Al-Saadi]

عندي استفسار (نقد بناء)

ليش موضوعي انحذف الي كان فالعام "الضربه القادمه........"

1-ليش انحذف؟

2-لو كان فيه خطأ ليش على الاقل ماتم اغلاقه مع وضع سبب الغلط مثل ماصر في اغلب المواضيع؟

3-ليش مانبهتوني انكم حذفتوه؟

انا تعبت نفسي وكتبت الموضوع ومن ابسط حقوقي اني اعارض الحذف الي صار!!

وانا قريت شروط المنتدى ومتأكد مليون% ان الموضوع ماكان فيه أي مخالفه؟

والحين اخاف اكتب موضوع ثاني وفيه كل الشروط وبعد ينحذف؟

يا كبتن << على قولة عبدالله

لاحظ ردك ماله خص كلش ،، لا بالنقد ولا الاستفسار ولا حتى الاقتراحات ،،
حذف موضوع ،، ماله خص بالاستفسار اللي ممكن يضيف فايدة للموضوع ،،

هذا شي بينك وبين المشرف على المنتدى اللي انت كاتب فيه موضوعك ،،

اما انك تجي تنتقد تقول موضوعي مافيه شي،، فهذا مع احترامي الشديد لك مب انتقاد ،،هذا اللي انت كاتبه نقاش ،،
واتوقع احنا مالنا ذنب نقرا مشكلة موضوعك اللي انحذف ،، هذا الامر بينك وبين المشرف المسؤول ،،

عندك منتدى شوركم ممكن تستفسر فيه عن موضوعك المحذوف ،،

وشكراً

[Rowda M Al-Ali]

موضوعك يخالف سياسة المنتدى " من وجهة القائمين عليه "

و يحق لهم انهم يحذفونه , دام انهم شافوا انه يخالف قوانيين و سياسة المنتدى و مايخدم اهداف المنتدى



** ملاحظه:
لست الشخص المكلف بالرد على الاستفسارات و تفسير تصرفات الإدارة
أنا في النهاية عضو "متواضع" في المنتدى و أرشدتك للمكان الصحيح اللي ممكن تلجأ له في حال عندك ملاحظات أو استفسارات ممكن توجهها للإدارة

[Omar Al Hazaa]

اخوي ناصر..

موضوعي انحذف بدون توضيح للخطأ.. وهذا انتقاد مش استفسار؟

واغلب المواضيع يتم اغلاقها؟ ليش موضوعي ينحذف؟

وانا متأكد ان الموضوع مافيه خطأ؟ ويمكن بسبة هالشي الي حذف الموضوع ماقال لي شنو الغلط..

وانا ناطر التوضيح وناطر سبب الحذف؟ وبقارن بينه وبين شروط المنتدى؟

وبشوف هال تم تضيق الحريه علي ولا فعلاً الموضوع يستحق الحذف..

من ابسط حقوقي اني انتقد لما ينحذف موضوعي بدون توضيح؟؟

[Omar Al Hazaa]

اختي روضه انتي قلتي موضوعي يخالف قوانين الاداره..

انا ماعترضت وانتقدت اهم ليش ماوضحولي السبب؟؟

عشان ماحط مواضيع ثانيه تخالف شروط المنتدى؟

السالفه بسيطه هههههه وماشاءالله عليكم مارديتوا الا على هالاستفسار؟

في استفسار ثاني حطيته امس فالصفحه رقم 5؟

محد رد علي لا اداره ولا اعضاء..

اخوي ناصر واختي روضه..

انتوا طولتوا السالفه وانا ناطر الرد من الي حذف الموضوع..

[Nasser Al-Saadi]

اخوي ناصر..

موضوعي انحذف بدون توضيح للخطأ.. وهذا انتقاد مش استفسار؟

واغلب المواضيع يتم اغلاقها؟ ليش موضوعي ينحذف؟

وانا متأكد ان الموضوع مافيه خطأ؟ ويمكن بسبة هالشي الي حذف الموضوع ماقال لي شنو الغلط..

وانا ناطر التوضيح وناطر سبب الحذف؟ وبقارن بينه وبين شروط المنتدى؟

وبشوف هال تم تضيق الحريه علي ولا فعلاً الموضوع يستحق الحذف..

من ابسط حقوقي اني انتقد لما ينحذف موضوعي بدون توضيح؟؟


اولاً الظاهر انت ما تعرف الفرق بين النقد والنقاش ،،

ثانياً اذا انت بتنتقد ممكن تتكلم عن المواضيع بشكل عام انها تتسكر بدون علم صاحبها ،،
اما انك تقول ليش موضوعي انحذف وتسمي هذا انتقاد ،،

انا اتوقع انك قاعد تتكلم عن مشكلة شخصية انت تواجهها ،، فلذلك مثل ما قالت الاخت روضة ،،
عندك منتدى شوركم ،، ممكن تكتب موضوع هناك وراح ترد عليك الادارة بالنسبة لموضوعك ،،

بإختصار تبي تعرف ايش قضية موضوعك ،،
عندك منتدى شوركم ،، او ممكن عن طريق الرسائل الخاصة ،،

وشكراً

[Nasser Al-Saadi]

اختي روضه انتي قلتي موضوعي يخالف قوانين الاداره..

انا ماعترضت وانتقدت اهم ليش ماوضحولي السبب؟؟

عشان ماحط مواضيع ثانيه تخالف شروط المنتدى؟

السالفه بسيطه هههههه وماشاءالله عليكم مارديتوا الا على هالاستفسار؟
..

عمر ،، ترى والله تعبنا من كثر ما نكرر لك الكلام ،،
تبي تعرف شنو مشكلة موضوعك اللي انحذف ،،

روح اكتب موضوع في منتدى شوركم ،،
هذا هو الرابط
http://qataries.net/vb/forumdisplay.php?f=22

وبعدين الموضوع مب بسيط ،، لانك قاعد تخرب المواضيع بردودك اللي ماله داعي ومافي اي رابط بينها وبين الموضوع المطروح ،،




في استفسار ثاني حطيته امس فالصفحه رقم 5؟

محد رد علي لا اداره ولا اعضاء..

اخوي ناصر واختي روضه..

انتوا طولتوا السالفه وانا ناطر الرد من الي حذف الموضوع..

الاستفسار اللي في صفحة 5 ،، انا رديت عليك وقلت لك نفس الكلام،،
اذا عندك مشاكل شخصية في المنتدى،، تخص مواضيع او رسائل خاصة او غيرها من الامور ،، اكتبها في منتدى شوركم

لكن اذا عندك نقطة سلبية مأثرة على المنتدى او نقطة تطويرية للمنتدى والشبكة ،، ممكن تكتبها في هذا الموضوع ،،

واحنا ما طولنا السالفة ولا شي ،، انت اللي مطولها على نفسك ،،
تبي تعرف من اللي حذف الموضوع روح راجع الادارة في منتدى شوركم

وشكراً

[Omar Al Hazaa]

رسايلي الخاصه ماتوصل؟

ومب بالغصب تسمي كلامي نقاش؟

انت شكلك ماتفهم؟

انا قلت موضوعي انحذف بدون توضيح؟ وكتبت هالكلام اربع مرات؟ وهذا اهوه انتقادي..

لهدرجه يعني انت ماتشوف الكلام؟

ولا لحضه نسيت؟ انت قلت انك قاعد اتدور المشاكل؟

احب اقولك حاول مره اخرى هههههه..

[Omar Al Hazaa]

اختي روضه..

ماقلتي حق اخوي ناصر شي يوم حط استفساره بخصوص تطبيق القوانين في هالموضوع؟

هذي نقطه؟ وضحيها؟

ولا بس انا تبيني اروح منتدى شوركم؟

وثاني شي..

انا الي عندي مب استفسار..

الي عندي انتقاد؟ ليش موضوعي انحذف بدون توضيح؟ ف حطيته هني..

يعني كلامي الي حاطه صح مافيه خطأ؟ عشان تقولين انتي واخوي ناصر روح منتدى شوركم؟

وماطلعت عن الموضوع؟ وانتي واخوي ناصر طلعتوا وايد عن الموضوع..

وغيرتوا قوانين الموضوع وماتبوني احط انتقادي هني؟

اتمنى انكم تفكرون عدل وتراجعون كلامكم الي قلتوه..

اختي لاتنسين تجاوبين على النقطه الاولى..

[F.H]

اتمنى انكم تفكرون عدل وتراجعون كلامكم الي قلتوه..

اختي لاتنسين تجاوبين على النقطه الاولى..



احترم التخاطب بينك وبين الأعضاء ..

وموضوعك إلي عندك استفسار عنه عندك منتدى شوركم ستين ألف مره بلغوك الأعضاء وين تضيفه ..

[Omar Al Hazaa]

انا الحمدلله محترم الاعضاء كلهم وماغلطت على احد..

وردي واضح وهذا الي خلاني اقول لهم راجعوا كلامكم السابق..

وضحت ان كلامي فيه انتقاد مش استفسار.. لاكنهم يصرون ويقولون لي استفسار وانتي بعد؟

انا انتقدت الي حذف موعوضي بدون مايعطيني السبب والتوضيح..

هذا انتقاد واضح..

وقلت حق اختي روضه راجعي كلامج؟ لأنها تكلمت على استفساري وماتكلمت على استفسار اخوي ناصر؟

يعني لما اقول لها راجعي كلامج؟ هالشي مايقلل من الاحترام..

لأن حركتها كانت خطأ من وجهة نضري ونبهتها وابيها تراجع الكلام السابق عشان ماتعيد الخطأ مره ثانيه..

ماعتقد ان هذا يقلل من الاحترام؟

يعني انتي اختي F لو تسوين حركه وحد ثاني يسويها نفسج؟

لاكن الناس بس يقولون لج انتي خطأ؟ هل راح تسمعين كلام هالناس؟

انا عن نفسي سمعت نصيحتهم وراح امشي عليها؟

لاكن نبهت اختي روضه اني مش انا الوحيد الي حطيت الاستفسار (الانتقاد)؟

واستغربت يوم انها تكلمت عن استفساري الي انا اعتبره انتقاد؟ ونست استفسار اخوي ناصر؟

واخوي ناصر جاي ينصحني ونسى نفسه؟

اقل شي اقوله لهم اهوه .. راجعوا كلامكم الي قلتوه وانتبهوا فالمستقبل؟؟؟

اختي F انتي جاوبتي على استفسار اخوي ناصر في هالموضوع؟؟

ماقلتيله روح منتدى شوركم..

هذا انتقاد ثاني اتمنى انكم ماتحسبونه استفسار..

[F.H]

هذا آخر رد بكون عليك ..

انت شكلك ماتفهم؟

هذا ماهو إسلوب نقاش وحوار مع الغير ..

ثاني شي أخونا ناصر وجه نقد بعدم تفعيل القوانين في فرق بين استفسار عن مشكله وبين نقد ...

لو كنت قاري القوانين مثل ماتقول كنت عرفت من قبل إن الرسائل الخاصة مراقبة ..

عندك مشكله واستفسار عن رسائل خاصة أو موضوع منتدى شوركم موجود مختص بهل أمور ..


أعتقد أوضح من هل كلام مابتحصل ومفهوم ...

وهذا آخر رد يوجه لك ... وعليك إنك تلتزم بمحور الموضوع ..


------------------------------------------

نتمنى من البقية يكملون النقاش

بالتوفيق

[Abrar Al-Janahei]

يا عمر ..

الموضوع انحذف .. لان كان فيه خطأ على بعض الأشخاص .. والمواضيع المحذوفة .. ما تكون محذوفة حذف بدون رجعة ( هاذي لاغلب المواضيع على حسب ظني )

ممكن اصيغ استفسارك بطريقة ثانية ...

< المواضيع او الرد اللي ينحذف اتمنى يكون في خبر قبلها على الموضوع او الرد انه في غلط اذا .. واذا ما تعدل الخطأء بقصد ينحذف >

والادراة ان شاء الله بيتخذون اجراء في هالسالفة

وخلونا ناخذ راي ثاني في موضوع او اقتراح ثاني للمنتدى

[Rowda M Al-Ali]

السلام عليكم

الأخ عمر الهزاع


نقطة بسيطة و مهمة لازم أتمنى أنك تحطها في بالك

أنا مهب جاية اهني عشان أرد على الموضوع , ولا عشان أتصيد على أحد

أنا دخلت أقرى ردود الأعضاء و مدى تفاعلهم مع الموضوع

شفت استفسارك , وهو فعلاً ماله خص في الموضوع

كان من باب أولى أنك تطرحه بشكل سؤال عام بدون ما تخصص مواضيعك ولا مواضيع أعضاء ثانيين

بعدين حزتها محد كان في المنتدى إلا انا وانت و الأخ ناصر السعدي

رديت عليك مب تهجماً حشى لله , مابيني وبينك وبين كل الأعضاء إلا كل خير بالإضافة إلى الاحترام والتقدير
بس أنا كنت أبي أبين لك أن هالموضوع مهب مكان طرح مشاكل خاصه

لو أنت حاس أن المشرفين و إدارة الموقع فعلاً ظالمتك و مضيقة عليك

أطرح مشكلتك في قسم شوركم و تكلم معاهم بأريحية هناك قول اللي في خاطرك كله

على فكر محد يشوف قسم شوركم غير إداريين الموقع , يعني لو رحت و كتبت في قسم شوركم أن زيد أو عبيد من الناس قاعد يتصيد لي محد راح يشوف أنت اشكتبت غير الناس المخولين بأمور هالمنتدى و اللي راح يحلون المشاكل اللي تواجهك في المنتدى

أنا ماجيت أقولك لا تقول " ليش انحذف موضوعي؟ " لا قول , ليش ماتقول لو أنت قلبك محترق على مواضيعك اللي تتعب فيها و تنحذف بكبسه زر , قول ليش ماتقول

بس مب في هالموضوع , أطرح المشكله اهني بشكل العام وخصصها في مكانها الأساسي
لان هذا موضوع محتاج جلسة و نقاش كبير بينك وبين الأشخاص اللي لهم سلطة في المنتدى قد يمتد هذا النقاش لعشر صفحات , ماتدري

لكن اتجي وتطرح مشكلتك اهني , ويردون عليك المشرفين و انت ترد عليهم , ... وضاعت هوية الموضوع

الموضوع اهني "انتقد الشبكة أو أطرح نقاطك التطويرية للمنتدى" وليس اطرح مشاكلك الخاصة في المنتدى

بعدين أنا ما طلعت عن الموضوع لاني أساساً ماكنت جايه أنتقد أنا قلت لك يا أخوي طرحك للنقطه "ذي" مهب في محله وطلعت من الموضوع و أنت مصر انك تعيد وتزيد وترجعني للموضوع عشان نتناقش في شي خارج الموضوع


بعد هالكلام الطويل , أرد و أقول أنا عضو "متواضع" حالي من حال أي عضو , ولست مكلفة أو مؤهله لتفسير تصرفات الادارة مجرد أني دليتك على المكان الصحيح لطرح مشاكلك المتعلقه بالمنتدى
و مابيني وبين حد إلا كل خير

لا تحط في بالك أني قاعده أتحبل لك


حزّ في خاطرك يوم أني ماقلت للأخ ناصر أطرح استفساراتك في قسم شوركم

أول شي الأخ ناصر السعدي عضويته 204 أقدم مني ومنك عارف قوانيين و شروط المنتدى وعارف وين يطرح كل شي في مكانه الصحيح

مب دفاعاً لكن , لو أي شخص طلع مرة ولا مرتين في موضوعٍ ما, أنا مايحق لي أني أقعد له قعده و أمسك له عصا و أقوله يا فلان لاتسوي ولا تفعل

لكن لو كل مرة , ضروري أبادر بـ "لفته أخويه" و أقوله يا طويل العمر طرحك مش في محله


في النهاية أسمح لي الشيخ جان غلطنا على شخصك الكريم , و أتوقع اني شرحت أسباب ردي فوق
و ماكنت داشه عشان أخوض في نقاشات أنا في غنى عنها

هذا ردي الأخير بخصوص هالموضوع , اذا عندك رد على كلامي , وجهه لي برسالة خاصه أو عن طريق المشرفين , عشان تضيع هوية الموضوع و ندخل في نقاشات و نضيع الأعضاء معانا


أعضائنا , أسمحولنا طلعنا عن الموضوع

إدارتنا , اذا كنتوا شايفين أن بعض الردود محتاجة حذفت , أتمنى تكون ردودي أولها :)


و السلام عليكم ورحمة الله وبركاته

[Nasser Al-Saadi]

عندي (.....) << اختاروا اللي يعجبكم ،، (نقد،استفسار،اقتراح،نقطة تطويرية) ،، كل شي ممكن هاليومين ،،

بالنسبة لخاصية التعديل على المواضيع ،، ليش ما تحدد بفترة زمنية ،، يعني مثلاُ 5 دقائق من بعد نزول الموضوع او الرد ،، وبعدها ..صاحب الموضوع/الرد ما يقدر يعدل على اي شي

ودمتم سالمين

[Omar Al Hazaa]

اختي F واختي ابرار واختي روضه..

احب اشكركم على نصايحكم وراح افكر فيها عدل..

اختي روضه انتي حللتي تفكيري والي احس فيه..

بس ترا الي انا افكر فيه غير وماراح اقوله عشان مانطلع برا الموضوع..

وراح افكر في نصايحج..

وانتي فكري في نصيحتي الي بقولها لج..

اذا بتنصحيني نصيحه انصحي غيري الي مسوي نفس فعلتي.. "ومب عذر ان الشخص قديم فالمنتدى خلاص ماننصحه"

عيل اذا الانسان قديم فالحياه بعد مب لازم ننصحه..

اختي فكري فالتصيحه .. نصيحه واضحه وبسيطه..

[Omar Al Hazaa]

انتقاد..

بعد مره ثانيه للأسف انحذف ردي في احد المواضيع بدون توضيح..

وانا عارف ليش.. لأن اصلاً مافي توضيح للحذف الي صار..

متى بناخذ الحريه؟

ولا بس مكتوب في حكم المنتدى "الحريه حق"

و هالشي مجرد شعار!!

[F.H]

انتقاد..

بعد مره ثانيه للأسف انحذف ردي في احد المواضيع بدون توضيح..

وانا عارف ليش.. لأن اصلاً مافي توضيح للحذف الي صار..

متى بناخذ الحريه؟

ولا بس مكتوب في حكم المنتدى "الحريه حق"

و هالشي مجرد شعار!!


لا تستعجل على رزقك !

بيوصلك الرد قريب على ردودك إلي تخالف قوانين المنتدى ..


والله المستعان

[Omar Al Hazaa]

مر وحده صارت ردود تخالف المنتدى؟ :c17:

انتظر الرد منج اختي...

في اشياء ابي استفسر عنها.. بس بنطر لين مايجيني التوضيح احسن..

[Saleh Alkhulaifi]

عمر .. ابيك تروح وتقرى قوانين المنتدى ..

لاتتكلم عن السياسه .. !! فقط .. واذا بتتكلم لاتقعد تقط مرادم .. ثبت كلامك ..

شي ثاني .. لاتتكلم فالمنتدى كنك تكلم الشباب فالمجلس .. حاول شوي ترتبه .. انصحك بدال سالفه التعديل الف مرة .. اقعد الله يسلمك عالوورد .. واكتب .. وعدل .. وروح تمشى وارجع شوف الرد جان ودك تغيره ولا لا .. وبعدها كوبي بيست عالمنتدى :)

وبعدين نقطه .. لما ترد على حد فحدا المواضيع .. وهو يرد عليك .. مب شرط انك تروح وترد عليه .. المنتدى مب منتدى عمر بس .. اخوي انت ماخذ مساحه كبيره ... لغواً ....

واسمحلي اذا طولت ... ولو سمحت هاي انتقاد .. فمابي اسمع رد .. !!!

[Mona Al-Hammadi]

يعطيكم العافيه ع هالموضوع يمكن انتقادي مثل عمر ع الرسايل والتسجيل بعد انا صار لي شهر اسجل
ويالله يالله اقبلوني من الفرحه ما رقدت

بالنسبه حق عمر هههههههههه انا اسميه فير بوي متحمسس حق كل شي مشاءالله عليه

[F.H]

يعطيكم العافيه ع هالموضوع يمكن انتقادي مثل عمر ع الرسايل والتسجيل بعد انا صار لي شهر اسجل
ويالله يالله اقبلوني من الفرحه ما رقدت

بالنسبه حق عمر هههههههههه انا اسميه فير بوي متحمسس حق كل شي مشاءالله عليه

الله يعافيج أختي ...

بس قوانين المنتدى واضحه في شروط للتسجيل لازم نراجع بيانات كل عضو مسجل قبل مايتم تفعيل العضوية ..

والرسائل الخاصة مراقبة ومافي أي تأخير بتفعيلها يوميا مرتين يتم مراجعة الرسائل للتفعيل ..

[khaled Al-Marri]

السلام عليكم ورحمة الله وبركاته ,,

اخواني واخواتي المسؤولون عن هذا المنتدى الرائع,,

احسُ بأن الشبكة تعاني من بروووود في هذه الايام ,,

حيث ان هنالك موضوع او موضوعان هما الجديدين في المنتدى يوميا,,

فأحببتُ ان اعرف السبب لمثل هذا البروووود ,,

والسلام عليكم ورحمة الله وبركاته ,,

[Khalid Al-Qahtani]

السلام عليكم ورحمة الله وبركاته ,,

اخواني واخواتي المسؤولون عن هذا المنتدى الرائع,,

احسُ بأن الشبكة تعاني من بروووود في هذه الايام ,,

حيث ان هنالك موضوع او موضوعان هما الجديدين في المنتدى يوميا,,

فأحببتُ ان اعرف السبب لمثل هذا البروووود ,,

والسلام عليكم ورحمة الله وبركاته ,,

وعليكم السلام ورحمة الله وبركاته

يا هلا بك اخوي...

طبعا سبب البرود هذا مثل ماانت عارف فترة امتحانات تقريبا للكل...

وثاني نقطه ايضا يتم التجهيز للانشطه الصيفيه...

يعني فترة بسيطه وتعدي...

وحاب اشكرك على الملاحظه هاذي....

ودمت بود وعبير الورد....

[khaled Al-Marri]

السلام عليكم ورحمة الله وبركاته ،،

أخواني إدارة المنتدى ،،

ليش المنتدى رااااااقد ،،

وما في ردووود ،،

لدرجة إن بعض المواضيع تطووف عليها الأيام وما فيها إلا رد ،،

هذا إذا ما كان فيه بعد ،،

وأحس المنتدى ميت ،،

صرااااحةً ،،

فحبيت توضوحون ،،

السبب ،،

ومشكوووورين ويعطيكم العافية ،،

دمتم بود ،،

:)

[Shaikha Al-Jaber]

السلام عليكم

أولا أود ان أشكر على كل من فتح لنا المجال لنقد الشبكة سواء بشكل ايجابي أو سلبي

وأكيد هذا لمصلحة الشبكة

عندي انتقاد بسيط وأتمنى أن يأخذوه بعين الإعتبار

أتمنى أن يتم تخصصيص أكثر من قسم فالمنتدى مثلا قسم التكنولوجيا والكومبيوتر

قسم خاص لل English

تقبلوا فائق احترامي وتقديري

[F.Aldosari]

...السلام عليكم والرحمة والبركة...

...ياجماعة الخير لاتنسون عنوان الموضوع...((هنا انتقد """" الشبكة"""" )) ....!!

الشبكة تجمعها الروح وغناها بالأفراد قبل المنتدى اللي المفروض يكون توثيق للأنشطة وساحة لمناقشة الأفكار والمواضيع فقط....!


*********************

- أفتقدنا وجود أنشطة الشباب لهذا الصيف ؟!

- :) لاتنسون أجندة أنشطة السنة القادمة والمواسم...فلنقلل الأقوال ونشمر عن الأفعال...!

-شخصيات جداً رائعة " بالمنتدى" لازم نكسب وجودها " بالشبكة" ...لاوهمياً ولا إلكترونياً خلف الشاشة فقط !

الله يذكره بالخير اللي قال: " قطريز شبكة...يعني مثل القرقور...مثل ماخيوط القرقور مترابطة لازم أفراد الشبكة بعد" :D


...تحيــــــــــــــــــــــــاتي...