O+ .. هي أكثر فصيلة دم ثقيلة منتشرة في العالم --- AB .. هي الاقل

[Fahad Buhendi]

http://www.stopmikelupica.com/images/Blood_Types.gif


ترتيب فصيلة الدم على مستوى العالم بدون موجب او سالب



http://theanimeblog.com/wp-content/uploads/2007/01/blood-type-chart.jpg

ترتيب فصيلة الدم مع ذكر الموجب والسالب



فصيلة دمي B+ ... ونسبتهم 9% في العالم.. ودائما ماتصلني رسائل على الجوال من مؤسسة حمد كل 4 اشهر للتبرع بالدم .. بسبب النقص الحاصل عندهم


للاعضاء: ماهي فصيلة دمكم؟



.


.


.

[Saleh Alkhulaifi]

الا سؤال ثاني ... كم مرة تبرعتوا بالدم ...

وهل مسجات طلب الدم اللي نستلمها كل يوم تأثر فيننا ...

هذه القضيه ...

اسمحلي اخوي فهد :p

[Nory.n.n]

انا فصيلتي


O+

ومحد يطرش لي مسجات امكن علشان متوفر بكثره :10:

[Fahad Buhendi]

الا سؤال ثاني ... كم مرة تبرعتوا بالدم ...

وهل مسجات طلب الدم اللي نستلمها كل يوم تأثر فيننا ...

هذه القضيه ...

اسمحلي اخوي فهد :p

تبرعت بالدم قرابة 4 مرات

اول مرة (دخت)

وبعدها عادي تحس بانتعاش

والتبرع بالدم يجب ان يفصل من بينهم شهرين على حسب علمي

ولازم ماتكون رحت حج او عمرة او عملت (جحامة)

وتوصلني مسجات كل 4 اشهر تطالب بالتبرع نتيجة نقص حاد ببنك الدم

بس ماعرفت وش فصيلة دمك

[Fahad Buhendi]

انا فصيلتي


O+

ومحد يطرش لي مسجات امكن علشان متوفر بكثره :10:

المسجات تبعث للي يتبرع بالدم ويوافق على تسجيل جواله للتبرع مرة اخرى

[S.S.Ahmed]

:)


O+


وحــاولت مــرة أتبرع,,,وكنــت كلي حمــاس وقــايمه مــن صباح الله خيــر,,,وفــي النهــاية قالت لي الممرضة ((آسفه حبيبتي وزنــج مــايسمح)) :(

ومــن بعدهــا وأنــا أحاول أزيد وزنــي,,,وأفكــر بكل جدية أتبرع,,,,منهــا أجــر,,ومنهـــا صحة للجسم



ومــاشاء الله عليك,,, فصيلة دمك نــــادرة,,,

[Nasser Al-Saadi]

-B
وتبرعت مره وحده ،، من فترة قريبه

[Mohammed Al-haddad]

O+

ولا مرة تبرعت لأنهم ما خلوني كل مرة يقولون عمرك اقل ( صغير )

[E.E.A]

بصراحه شي طيب عندكم ،،

يطرشون مسجات للعالم "تعالو تبرعوا بالدم":)

وبخصوص فصيله الAB ،، احس في منها وايد ،، استغربت لما شفت النسبه :58:

ما توقعت انها تكون اقل نسبه

يعطيك العافية اخوي فهد

[Abdulla H.Al-Hajri]

السلام عليكم ورحمة الله وبركاته..... بالنسبه لفصيله دمى انا مع العالم +AB انا على مااعتقد انى أقدر أخذ دم بس ماأقدر أعطى لغيرى والله أعلم لانى ماتبرعت من قبل والله أعلم

[Fahad Buhendi]

بصراحه شي طيب عندكم ،،

يطرشون مسجات للعالم "تعالو تبرعوا بالدم":)

وبخصوص فصيله الAB ،، احس في منها وايد ،، استغربت لما شفت النسبه :58:

ما توقعت انها تكون اقل نسبه

يعطيك العافية اخوي فهد

الصراحة كل شيء بقطر صار بالمسج

مرة جاني طلب حضور من محكمة المرور بمسج

حتى الراتب ينزل بمسج

واما بخصوص فصيلة اي بي .. فانتي محظوظة ...مثل ماقال عبدالله .. لانك تستقبلين دم من اي شخص (باستثناء السالب على ما اذكر)

[Fahad Buhendi]

O+

ولا مرة تبرعت لأنهم ما خلوني كل مرة يقولون عمرك اقل ( صغير )

معلومة جديدة


لاول مرة اسمع بها

[E.E.A]

واما بخصوص فصيلة اي بي .. فانتي محظوظة ...مثل ماقال عبدالله .. لانك تستقبلين دم من اي شخص (باستثناء السالب على ما اذكر)

اخويه فهد صار لبس في الموضوع :D

انا كنت مستغربه واتحرى نسبتها كبيره لان عندي عايله من هلي كلهم AB ماشاء الله

اما عن فصيله دمي A :)

[N.A]

+A
يعل درجاتي تكون مثلها لول

[A.Al-mohammadi]

السلام عليكم ورحمة الله وبركاته

فصيله دمي +O ..
يعني اعطي الكل بس ماخذ الا من نفص الفصيله.. I think so :39:

[Ahmed Al-Ali]

+O
ماتبرعت من قبل لان كان فيني نقص دم ، ان شاء الله بالمستقبل :)

[Omar Al Hazaa]

B+ نفسك اخوي فهد..

[Dana Al-Kuwari]

ماحصل لي الشرف اعرف فصيله دمي .

اخبر سويت الفحص من زمان ايام الثانويه علشان البطاقه الشخصيه
ومن يومها ولا ادري وين هالبطاقه

الاي دي الي عندي مافيه هالمعلومه. وانا من النوع الي مايحط باله الاشيا الي مو ضروريه
انشالله تطلع فصيله دمي Z

شابستفيد الحمدلله الصحه عاااااااال
جايز لما اطيح طيحه خشنه راح اتعرف عالفصيله :)

[Omar Al Hazaa]

^
^
يفيد عشان تعرفين هل فصيلة دمج نادره ولا موجوده بكثره..
عشان الواحد يتطمن اكثر..

اذا جددتي البطاقه الشخصيه بتطلع لج الفصيله ان شاءالله..
ولاتفاولين على نفسج..

[Mona Al-Emadi]

AB+

الA من امي و الB من ابوي عشان محد فيهم يزعل

حد يتأكد الله يرضى عليكم اذا يصير نتبرع و لا لا

[Fahad Buhendi]

ماحصل لي الشرف اعرف فصيله دمي .

اخبر سويت الفحص من زمان ايام الثانويه علشان البطاقه الشخصيه
ومن يومها ولا ادري وين هالبطاقه

الاي دي الي عندي مافيه هالمعلومه. وانا من النوع الي مايحط باله الاشيا الي مو ضروريه
انشالله تطلع فصيله دمي Z

شابستفيد الحمدلله الصحه عاااااااال
جايز لما اطيح طيحه خشنه راح اتعرف عالفصيله :)

هلا اختي الدانة

اتمنى انك تتقبلين النقد بسعة صدر

ولكن انا مستغرب كيف درجتك 3.6 وانتي واضح انك مطنشة لكل شيء تقريباً

يعني تحصيلك العلمي في صوب .. وطريقة حياتك وكتابتك في المنتدى في صوب

اتمنى تتقبلين انتقادي

وبالتوفيق

[Fahad Buhendi]

AB+

الA من امي و الB من ابوي عشان محد فيهم يزعل

حد يتأكد الله يرضى عليكم اذا يصير نتبرع و لا لا

يصير

انا زرت مركز فحص الدم بمستشفى حمد مرتين

والاقيه فاضي

اظن ان الناس ماعندهم توعية عن اهمية التبرع بالدم مثل بريطانيا

[Fahad Buhendi]

+O
ماتبرعت من قبل لان كان فيني نقص دم ، ان شاء الله بالمستقبل :)

تقصد (ثلاسيميا)

او نوع ثاني من نقص الدم؟

[Fahad Buhendi]

B+ نفسك اخوي فهد..

ترى انا وانت مطلوبين بمستشفى حمد ;)

[Rowda M Al-Ali]

حاولت أتبرع 5 مرات

المرة الأولى كنت توني راجعه من تايلاند , قالوا لي سوي فحص مالاريا قبل

المره الثانيه قالوا لي انتي تتعاطين أدوية أو شي قلت أيه

المره الثالثه رحت , وعطست وانا عندهم , قالوا لي انتي مزكمه مايصير تتبرعين

المره الرابعة نسبة الحساسية كانت مرتفعه عندي

المره الخامسه قالوا لي فيج فقر دم


الله مب كاتب اني أتبرع :smile:

فصيلة دمي +O

[F.R]

B+

حالي من حال اختي روضه )=

اول مره رحت بتبرع ومشتطه حدددددددي..ورفضوني والسبب اني توني راده من السفر يعني المفروض يصير لي شهر تقريبا وبعدها اتبرع ..بصراحه شي ينرفز:1639_11196799410:
صحيح هالاجراءات مهمه..
بس احيانا الواحد محتاج ومضطرالله لايحوج حد ^^

يعطيك العافيه..

[Fahad Buhendi]

حاولت أتبرع 5 مرات



المره الخامسه قالوا لي فيج فقر دم


الله مب كاتب اني أتبرع :smile:

فصيلة دمي +O

اما انك تقصدين ثلاسيما .. وهو فقر دم متوسط منتشر بقطر بسبب زواج الاقارب

او تقصدين ان نسبة الهوموجلوبين تحت 13 نقطة بسبب الريجيم

[Mohammed Al-haddad]

معلومة جديدة


لاول مرة اسمع بها

المشكلة اني من مواليد 90 شهر تسعة

لين الحين ما وصلت 18

[Omar Al Hazaa]

يالله ان شاءالله نحصل فرصه للتبرع..

اخوي فهد عاد خلك قريب وقت الحاجه هههههههه..

وانا صار لي يومين ماكل غير وجبه وحده فاليوم..
اخاف اتوهق اذا خذوا شي من دمي هههه..

[Rowda M Al-Ali]

او تقصدين ان نسبة الهوموجلوبين تحت 13 نقطة بسبب الريجيم

النسبة الطبيعية للرجال 13

وللنساء 12

وانا دمي تحت الـ 12 بشوي

[Fahad Buhendi]

النسبة الطبيعية للرجال 13

وللنساء 12

وانا دمي تحت الـ 12 بشوي

مسويه ريجيم

او فقر دم جزئي بسبب زواج الاقارب؟

انا اواجه المشكلتين بعض الاحيان

[Fahad Buhendi]

يالله ان شاءالله نحصل فرصه للتبرع..

اخوي فهد عاد خلك قريب وقت الحاجه هههههههه..

وانا صار لي يومين ماكل غير وجبه وحده فاليوم..
اخاف اتوهق اذا خذوا شي من دمي هههه..

اول مرة راح تحس بدوحة وبتحس ان ملابسك صارت وسيعة شوي

وعشان الدوحة راح يرفعون الكرسي عشان الدم الي في الرجل يروح للراس

اول مرة تكون مرعبة

الأبرة كبيرة

[Dana Al-Kuwari]

او فقر دم جزئي بسبب زواج الاقارب؟



شنو ؟؟؟؟؟؟؟؟
زواج الاقارب يسوي فقر دم جزئي
ناقصين مشاكل احنا

[Sh.W]

فصيلة دمي O+
والا مرة تبرعت للأسف
ان شاء الله للمرات الجاية =)

[Eman Al-Marri]

دمي A+ مثل ابوي .. وعلى فكرة انا اشبه ابوي كثير ... له دخل ؟؟؟؟؟ خخخ

واظن اطفالي راح ينقسمون مابين ال A وال O +

مشكور ياخوي على مواضيعك السخيه بالفوايد :)

[Omar Al Hazaa]

اخوي فهد.. ماعليك احنا لازم نتحدى الرعب..

وان شاءالله الله يقدرنا ونتبرع..

[Fahad Buhendi]

دمي A+ مثل ابوي .. وعلى فكرة انا اشبه ابوي كثير ... له دخل ؟؟؟؟؟ خخخ

واظن اطفالي راح ينقسمون مابين ال A وال O +

مشكور ياخوي على مواضيعك السخيه بالفوايد :)


أنا الولده O+

بس ولا واحد من اخواني من نفس الفصيلة

ودي ادرس طريقة فصيلة الدم بين الوالدين والابناء

[Noora Al-S]

انا AB
بس ماتبرعت بروحي معاي فقر دم ..

[Noor Al-Hajri]

أنا +A
ولا يبون مني دم لان عندي فقر دم :)

[Fahad Buhendi]

أنا +A
ولا يبون مني دم لان عندي فقر دم :)

اغلب الاعضاء عندهم فقر دم !!!!

هل تقصدون ثلاسيميا (نتيجة زواج الاقارب)

ام تقصدون تقص الصفائح الدموية نتيجة الريجيم او الحمية الغذائية ؟؟

[F.Al-Sheeb]

الســلام عليكم ورحمه الله و بــركاته ..

,

فصيـلتي B+ ! ..

خـاطري اتبـرع بس عندي نقص حديد ! ...


بس اتوقع فقـر الدم ف الاعـضاء " انيميـا " ... !

,

[Shooq Al-Hamadi]

انا فصيله دمي + B

بس ليش النسبه قليله !!

واااااااايد ناس فصيله دمهم B

[Fahad Buhendi]

انا فصيله دمي + B

بس ليش النسبه قليله !!

واااااااايد ناس فصيله دمهم B

انا الي لاحظته ان اغلب الناس فصيلة دمهم +O

[F.S.I]

السلام عليكم ورحمة الله وبركاته

فصيلة دمي A+ وماشالله طلعوا وايد مع إن 3 من أخواني AB وأنا وأبوي بس ال A+

أنا بعد ما أقدر اتبرع بسبب الأنيميا

[N. Al-Raesi]

+B ، وتفاجأت لما شفتها بهالندرة! كله ببالي يا هي يا الـ O الغالبين :13:

ما قط مرة تبرعت لكن إن شاء الله إذا حصلت فرصة أقدر، وشكراً لك أخوي عالمعلومات :)

[Ahmed Alobaidly]

انا
-O

=D

ومادري ماحس ان B هي الاكثر !

[Salem Alsaqatri]

I'm AB+

I never donated blood because there is no big use of it. Only an AB can have my blood, but they can have any other blood group, hence, we are called universal recipient. So, I'm lucky. I can have any blood group =)

Oh, that means none of my children will have O -the universal donor- as their blood group!

[Salma Al-Naemi]

{ السلام عليكم ورحمة الله وبركاته ~

.
.

يعطييك العـآآفيه على طررح المووضووع الحلـوو ..

والحمــد الله نسبه الـ A واييد لوول ماتوقعت ..

وانا فصيلتي A+ ^_^

اكثر من مره احاول اتبرع مايوافقون @!

مره يقولون لي وزنج ومره يقولون لي عمرج ..

معني مره رحت ودمي اوكي تقريبا وصلت ال 12 بس يرد ينزل مع فقر الدم ..

[Anas Al-Ansari]

o هي فصيلتي

وهي كريمه تعطي كل الفصايل وماتاخذ الا من نفسها :(

دام هي الأكثر فمافي مشاكل دم في العالم المفروض ;)

[H.M.]

أنا B+
عمري ما تبرعت.. لكن ان شاء الله بحاول اتبرع في المستقبل

ابوي((الله يحفظه)) دوم يتبرع لأن فصيلته O-

:5: