يوم رحت السما بالسياره

[Omar Al Hazaa]

السلام عليكم ورحمة الله وبركاته..

حلمت قبل كم يوم اني كنت اسوق موتري وفجأه الشارع تشقق وارتفع فوق لين السما.. وقامت السياره تتهزهز وجاني خوف رهيب وكرسي السياره راح بعيد عن (السكان)

وارتعبت رعب شديد وحسبت ان روحي خلاص قاعده ترتفع فوق وقلت في قلبي ملك الموت بيطلع في ويهي الحين وقلت في قلبي شدعوه هاي النهايه خلااااااص..

هالكلام كله وانا فالحلم لين الحين.. وبعدين ارتفعت ووصلت فوق فالسما..

\
/
\
/
\

وشفت نمر كبيييييير من نااار!

بعدين الحمدلله قمت من النوم..

وقلت في قلبي هالمره رحت السما بس نزلت.. لاكن المره الجايه مابنزل..

هالحلم كان سبب في توبتي الحمدلله..

وحسيت انه رساله وحبيت انقلها لكم..

[Ahmed Al-Ali]

عليكم السلام ورحمه الله وبركاته

الحمدالله ، عسى الله يثبتك اخوي عمر.

بس بسألك هل رحت لشيخ وفسر لك الحلم ؟ ، او انت عندك تفسير مفصل للحلم؟

وبنفس الوقت أخوي اطلب منك انك تقول لنا شلون كانت قصه التوبه ، وكيف تبت والتغييرات اللي صارت معاك بعد التوبه :)

وهذا لتعم الفائده :)

[Omar Al Hazaa]

مرحبا اخوي احمد..

مافسرت الحلم وماعرف مشايخ يفسرون..

فسرته من عندي ههههه وحسيت انه رساله..

واذا حد يقدر يساعدنا ويحط لنا التفسير..

بقولك قصة توبتي اخوي احمد..

اول مره عرفت فيها الدين يوم سمعت شريط الشيخ نبيل العوضي (قصص من الواقع) وتأثرت وايد من الشريط..

والصراحه توبتي بعد كان لها علاقه بالزواج..
كنت اقول في قلبي شلون ابي زوجه صالحه فالمستقبل وانا مب صالح؟

واهم شي خلاني اتوب اهوه البركه..
كنت ابي البركه تجيني في حياتي وعرفت انها من عند الله سبحانه وتعالى..
ويوم تبت الحمدلله بديت اشوف البركه في كل شي في حياتي..

وجاني حلم ثاني بعد اني كنت قاعد مع واحد فالسياره..
وهالواحد كان مسوي فلم يسب فيه الاسلام.. المهم وانا كنت قاعد معاه فالسياره..

واهوه كان يصور وفجأه طاح برج كبير على الارض..

وبعدين يوم شفنا اعادة الشريط..
طلع فالشريط ان البرج يطيح على راس الي صور الفلم واهوه قاعد حذاي فالسياره؟
انا وقف شعر جسمي وجاتني قشعريره حطيره مع خوف شدييد..
وبعدين طاح عامود كبير من السما على راس المصور وانا كنت انطر دوري؟ وتخيلت ان ملك الموت خلاص جاي..


وقمت اقول لا اله الا الله.. لا اله الا الله.. لا اله الا الله.. وتهيأت نفسياً للموت.. والحمدلله ماكنت خايف!

^
^
والله هالحلم الي انا ابي تفسيره..

وعلى طول قمت ورحت برا الغرفه خوفاً من الموت..
وعرفت اني مب جاهز! للموت..
وهذا الي خلاني اجهز نفسي الحين..
صرت اخاف ملك الموت يجيني فأي لحظه..

والتغيرات الي صارت لي بختصرها في جمله..
أي خطوه في حياتي ابيها تكون لرضى الله سبحانه وتعالى..

[Omar Al Hazaa]

اخوي احمد نبي نسمع قصة توبتك انت..

واذا حد من الاعضاء بعد عنده قصه خل يحطها..

[Sh.W]

فكرة الموضوع حلوة،، الله يثبتك أخوي عمر،، وواصل لنا طرح مواقفك للفايدة...
ويا ريت أي حد يحب يشاركك الموضوع.. يقول لنا قصته..=)

[Dana Al-Kuwari]

ياحليلك يا عمر.
ليش جي محسس نفسك انك مجرم ومسوي بلاوي وتوبه وحاله وكانك ذابح بني ادم؟؟؟؟

ياخي انت شاب وشي طبيعي تغلط الف ومره ومرتين ومليون سنك جذي مو شي جديد
قابل للخرابيط والصياعه والتحثيل. يعني لاتحس انك مسوي منكر عادي

كل سن وله مراحله الحلوه.

انا انسانه احب اعيش مراحل حياتي كلها بحلوها ومرها وجمالها وماحس اني غلطت بحق حد.
الا اذا انت غلطت بحق حد ؟؟ هذا شي ثاني هههه

هي حلوه التوبه والله .
وصعبه ترى ماتجي الا للي ربه يحبه. وايمانه قوي
في ناس تجي التوبه لي عندهم بس قلبهم جامد وصخر مايتاثر ويقول بعدين بعدين

ماراح اقول اني احسدك بس باقول اغبطك.

[Omar Al Hazaa]

اشكرج اختي دانه على كلامج الطيب..

انا صارت لي بلاوي ومغامرااااااااات كثيره وبحثت عن الراحه في كل مكان..

وقلت اتوب وامشي عدل في حياتي وبشوف هل السعاده الي وعدنا فيها الدين حقيقيه؟

جربت ومشيت لي كم خطوه وانا ملتزم بتعاليم دينا.. فعلاً اطلعت السعاده حقيقيه..
والحمدلله مرتاح رااااااحه نفسيه وفرحان..

وعقبالكم كلكم ان شاءالله ترتاحون فالدنيا والاخره..

اختي دانه التوبه تعجبج عيل ان شاءالله بعد انتي اتوبين وراح ادعيلج..

بس ماشاءالله عليج لاحضت كلامج عن الدين وطلع وااااااايد حلو..
وفرحت يوم قريت كلامج في اكثر من موضوع.. (يوم تكلمتي عن الشيله وقلتي استغفر الله)
فرحت بعد هالكلمه والله..

ويوم تكلمتي عن الدنماركين (وقلتي بكل برائه هالشي اكيد شكله يضر دينا)
هالكلام في موضوع قديم شوي.. وان شاءالله بس ماخانتني الذاكره..

الله سبحانه وتعالى يأمر المؤمنين بالتوبه دايماً..
وشلون انا العاصي الي لين الحين ماتركت بعض الذنوب..

قال تعالى.. (يا أيها الذين امنوا توبوا إلى الله..........)

يوم تبت هني شفت الحياه..
يعني اخلاقي مع الناس وهلي صارت احسن..
صرت ماحزن على أي شي يصير لي فالدنيا وعرفت ان كل شي بقضاء وقدر..
صرت مشتاااااااااااق حق الجنه يوم عرفت النعيم واللذه الي فيها..
واشياااااء كثيره تغيرت لو بذكرها لازم اسويلي كتاب..

الله يرزقج بالسعاده والسرور فالدنيا والاخره يا دانه..
والله يهدينا اجمعين..

[Dana Al-Kuwari]

ياااااااااه

والله يا عمر صكتني رجفه لما حسستني اني حليوه وايجابيه ويطلع مني خير.
قعدت اسال نفسي قلت انا قلت هالكلام؟؟ يطلع مني يعني..

مادري ليش العالم محسستني اني مدمره واني دايما ماحط ريلي في مكان الا واعفسه هههههه

اتاريني اجي بالكلمه الطيبه ياحليلي جني شيبه
من كلمتين يعلق ويتشقق ويصدق على ويهه هههههههههههه

فديتني والله

[Omar Al Hazaa]

ياااااااه ههههههه..

انا قلت الي شفته بعيني..

ان شاءالله ياااااارب دووم تكونين فرحانه..

ماعليج من كلام العالم وخلج واثقه من نفسج..

[S.S.Ahmed]

:)

الله ينـور عليك أكثر وأكثر أخوي عمــر


وصحيح التــوبه مــافي مثلهــا,,والرجوع للطريق الصحيح هــو الفوز وربي...

\\
\\\
\\
\\\
\\

أختــي دانــة :)

تــراج الخير والبركة,,,وإللي يقول إنج إذا دخلت مكان عفستيه فهذا مايحبج ولا يحب لج الخير,,,بالعكس كفــايه عفويتج وعدم نفاقج (وهذا شي صرنــا نفتقده)

وكـلامج فيه صواب إن الإنسان يعصي ويتوب,,بــس مب معنــاته إنه يجرب كل شي وهــو يعرف إن هذا حرام في الدين أو غير جائز,,لأن لاتنسين إن الإنسان مسئول عن الصغيرة قبل الكبيرة,,,وكمــا إن الله عزوجــل غفوراً رحيم فهـو شديد العقاب...


المقصــد إن الدين الإسلامي يختلف عن الأديان الآخر لأنه ضمن خيري الدنيا والآخرة للمسلم....يعني رب العالمين مــاحرم شي إلا لأن فيه مضره للإنسان,,,أمــا مادون ذلك فهو حلال...الدين الإسلامي مــب دين رهبنه وزهد في الدنيا :)


يعنــي مــاأحلاهــا من حياة إذا عشنــاهــا بكل مــافيهــا من متع,,ولكــن إلتزام حدود الدين :)



وأنتِ إنســانه ذات روح جميلة,,ولكن حــاول إنهــا مــاتُدنس بأفكار غير سويه :)

\\
\\\
\\
\\\
\\
\\\
\\


أخــوي عمــر

بالنسبة لتوبتي أو الأصح رجعتي للطريق الصحيح كــانت ولله الحمد مبكره, يعني وأنــا في ثالث ثانوي....

وأنــا عشت مراهقتي بالطول والعرض إلا الكبائر والعياذ بالله....

يعنــي جربت أمور كثبرة في الحياة, ومــاراح أقول إني ندمــانه عليهــا لأنهــا هــي اللي خلتني أعمل مقارنة بينهــا وبين الأمور في طاعة الله,,وهـي اللي تدفعني دائمــاً أن أشكر الله سبحانه..

ورجوعي كــان بسبب حــادثة غيرت مجرى حياتي,,وغيرت مبادئي وطريقة نظرتي للحياة...

وتدرجت في إلتزامي,,فكنت في بدايته شديدة التعصب (وهذا غالباً مايحدث مع الملتزمين في أول إلتزامهم) ولكــن مع الوقت,,ومع كثرة القراءة ومــع تحكيم العقل في أمور كثيرة أصبحت أكثر إتزاناً ووسطيه...


وهــذا لايعني بأننــي لا أُذنب أو أعصي,,,بــل والله لازلت أعصي وأنهر النفس الآمــارة بالسوء,,وأكثر وقتي أخجل حتى مــن الدعــاء.....ولكني أتذكر قوله تعالى: (ياآيها الذين أسرفوا على أنفسهم لا تقنطوا من رحمة الله) فأحمده وأشكره..

\\
\\\
\\
\\\
\\


اللهـــم إنــي أصبت فبتوفيقٍ منك وفضلا,,وإن أخطأت فمن نفسي ومن سوء عملي والشيطان...





سدد الله خطاكم...

[Omar Al Hazaa]

مرحبا اختي S..

مشكوره على كتابة قصة توبتج..
وماشاءالله توبتج كانت مُبكره..
تذكري ترى اهم شي الثبات..

وفعلاً بعض الاشياء الي كانت موجوده في حياة الانسان قبل التوبه تساعده وايد اذا تاب..
مثلاً.. بعد التوبه اكتشفت ان المسلسلات كانت هم وغثى وحزن والم..

اكتشفت ان عدم غض البصر يخلي المخ يكون لاهي..
يخلي القلب يحزن ويحترق ويتعذب..
وماكنت اقدر اركز ولا افكر فأي شي..

وكل شي انقلب بعد التوبه

اختي S..
بخصوص الشده والوسطيه..
ماعليج من هالكلام وكل شي في دينا واضح..
اتبعي تعاليم الدين والله يرزقج بالثبات..

ادعي ربج دايماً وقولي "يااارب لاملجأ ولا منجأ منك الا اليك"
وخلي قلبج دايماً يكون متعلق مع خالقه في كل صغيره وكبيره..

ولاتنسينا من دعائج..