سؤال ..!!؟ [الأرشيف] - منتدى شبكة الطلبة القطريين

مشاهدة النسخة كاملة : سؤال ..!!؟

Nory.n.n

14-05-2008, 09:59 PM

السلام عليكم ورحمة الله وبركاته

لوسمحتو بغيت استفسر منكم واستفيد من تجاربكم

انا أبي اقوي اللغه عندي

شنو احسن بلد لتعليم اللغه؟

هل مدة شهر تكفي؟

وانا ابي جهة تنظم لي يعني تسجل بالمعهد ومع الاسره الي بسكن معاها وين هالمعاهد والمراكز الي تسوي هالخدمه؟

ولا اسافر واروح للسفاره القطريه شنو أحسن؟

ولازم أسافر علشان أتمكن من اللغه (زيادة حصيلة المفردات والاكسنت)؟

احذا بيتنا في وايد مجمعات سكنيه فكرت اروح واتعرف على اجانب بس مادري هاي صح يقوي اللغه ولا...؟

سوري طولت عليكم بالاسئله .. السموحه

Ahmed Al-Ali

14-05-2008, 10:51 PM

شنو احسن بلد لتعليم اللغه؟

بريطانيا ، امريكا وكندا

هل مدة شهر تكفي؟

من تجربتي الشخصيه مده شهر لم تحسن من لغتي بشكل كبير ، قد تكون هذه المده مفيده اذا كان الطالب كثير الأحتكاك مع الطلبه الأجانب ويستخدم اللغه بشكل مستمر ويحاول الأبتعاد عن الأخوه العرب في هذه الفتره حتى لايستخدم اللغه العربيه.

وانا ابي جهة تنظم لي يعني تسجل بالمعهد ومع الاسره الي بسكن معاها وين هالمعاهد والمراكز الي تسوي هالخدمه؟

اذا كانت بريطانيا هي اختيارج فعليج بـ"British Counci"

ولا اسافر واروح للسفاره القطريه شنو أحسن؟

أنا افضل انج ترتبين كلشي من الدوحه وايد افضل

ولازم أسافر علشان أتمكن من اللغه (زيادة حصيلة المفردات والاكسنت)؟

مب شرط ، اعرف طلاب وايد درسوا اللغه الانجليزيه في معاهد بالدوحه ولغتهم ممتازه واحسن مني

وفي نقطه مهمه نسيتيها ألا وهي السكن ، بما انج رايحه شهر واحد ، فعندج خيارين يا انج تسكنين بسكن خاص بالمعهد اللي بتدرسين فيه ، او انج تسكنين مع عائله

وطبعا اذا رحتي البرتش كانسل هم بيرتبون لج كلشي وبيخبرونج بأماكن السكن المتاحه.

Nory.n.n

15-05-2008, 10:46 AM

اخوي احمد مشكور على الرد يعطيك العافيه

بس انا اتصلت للبرتش كانسل وللاسف الشديد هالخدمه غير متوفره حاليا

والمعاهد بقطر يدرسون اشيا عاديه ماستفيد منها

ياليت الي يعرف مركز ينظم هالرحلات يفيدنا ...

Dana Al-Kuwari

15-05-2008, 11:20 AM

اول شي احسن مكان لتعلم اللغه .. بريطانيا!!!!!
وانا شخصياً بدايه مرحلتي الدراسيه كانت بلندن بس حولت امريكا لظروف معينه. لاتخافون مانطردت ههه
بريطانيا تتعلمين فيها قواعد اللغه. والشباب الي يجونا من لندن ماشالله اساسهم احسن منا بعد.

امريكا يمكن لانها خليط شعوب وكل واحد مايجيج لغته الام انجليزيه.
وانتي تبين تتعلمين ويتضح لج انج تتعلمين اكسنت انجليزي روسي ولا انجليزي ايرش.
خصوصاً مناطق الايست كوست..

طول عمري اعتبر لندن المكان المثالي لدراسه اللغه الانجليزيه السليمه.

بخصوص ان شهر تكفي تعلم اللغه.
والله من تجربتي ماحس اني بافيدج. لاني كنت اتكلم واسولف مع العالم اكثر من اني ادرس او احضر كلاسات..
تعلمت اللغه من كثر ما اهذر فالشارع واتعرف على جنسيات واحتك فالامريكان واروح الجم والاماكن الي يتوافد فيها
الطلاب الي في سني. وهالشي خلى الرايتنغ عندي اغلبه غير فورمال للاسف.
اذكر مره بروفيسور قط الاوراق في ويهي قالي لما تكتبين ريبورت طالبه جامعيه بعدين سلميه هههههههههههههه

يعني الجانب الاكاديمي مهم مهم مهم !!!!!!!!
حتى لو كنا نتكلم ونتحاور وفلونت فالكلام. خذيها قاعده.
الاختلاط مو دايماً جيد.

بعدين وين تسكنين ويا عايله من صجج؟
العالم تشرد من العوايل والسبه الملاغه. اسمع سوالف والله واقول الحمدلله ساكنه بروحي ومفتاحي في يدي
ولا حد يقولي ارجعي الساعه 5 العصر ولا حد يقولي غسلي المطبخ ولا يملغ علي ويقولي تعالي مناسبات العايله.

اما بخصوص سفارات الدوحه فا لا تعتمدين عليها ... لا تعليق

وبخصوص السفر علشان تقويه اللغه.
فا والله اعرف شباب ماشالله فالدوحه لغته تصك لغتي ومثل ماقال اخوي الفاضل احمد
مو شرط ..

Nory.n.n

15-05-2008, 12:09 PM

تسلمين يالغاليه

كفيتي ووفيتي

وضحتي لي الصوره يعطيج الف عافيه

Fahad Buhendi

15-05-2008, 08:48 PM

السلام عليكم ورحمة الله وبركاته

لوسمحتو بغيت استفسر منكم واستفيد من تجاربكم

انا أبي اقوي اللغه عندي

شنو احسن بلد لتعليم اللغه؟

رايي الشخصي بريطانيا هي افضل مكان - وهناك قرابة 400 جامعة تدرس اللغة الانجليزي بالصيف في بريطانيا وهي مسجلة لدي المجلس الثقافي البريطاني

هل مدة شهر تكفي؟

لاتكفي - ولكنها ترفع من مستوى اللغة

وانا ابي جهة تنظم لي يعني تسجل بالمعهد ومع الاسره الي بسكن معاها وين هالمعاهد والمراكز الي تسوي هالخدمه؟

بعض المعاهد والكليات في بريطانيا تساعد في إيجاد عائلة او سكن .. والبعض لا

ولا اسافر واروح للسفاره القطريه شنو أحسن؟

السفارة القطرية لاتساعد احد - الموظفين هناك يبحوث عن مصالحهم فقط .. راي شخصي

ولازم أسافر علشان أتمكن من اللغه (زيادة حصيلة المفردات والاكسنت)؟

نصيحة سافر وتعلم اذا عندك سيولة مالية - واذا ماعندك فانصحك بقراءة كتب انجليزية مبسطة من مكتبة جرير

احذا بيتنا في وايد مجمعات سكنيه فكرت اروح واتعرف على اجانب بس مادري هاي صح يقوي اللغه ولا...؟

ما انصحك

سوري طولت عليكم بالاسئله .. السموحه

موقع بع اسم 400 معهد معترف بها لتدريس اللغة الانجليزية بالصيف

http://www.britishcouncil.org/accreditation-az-list.htm#M

وهذا معهد يدرس اللغة الانجليزية لمدة 4 الى 12 اسبوع في بريطانيا - بتكلفة 165 جنيه استرليني للاسبوع - وتكلفة السكن قرابة 100 جنيه بالاسبوع مع عائلة وتكلفة المعيشة قرابة 100 جنيه بالاسبوع مع مواصلات

http://www.bbsi.co.uk/courses/summer-courses-in-english/general-english_english-schools-england/

واذا عندك اي سؤال فانا حاضر

سلام

Nory.n.n

15-05-2008, 10:31 PM

تسلم اخوي يعطيك العافيه

انا قررت الحين اروح معهد بيرلتز يمدحونه شرايكم؟؟

لانه كله بريطانين ويجبرونك تتكلم اللغه هناك لوماتعرف يكتبون الجمله ويقولون لك اقراها ومنها راح اقرى كتب واحاول احتك بالاجانب الي هنا لاني خايفه من السفر وخاصه للحين مب محصله جهه ترتب لي :( واخاف من الدول الاجنبيه

اشكر كل الي رد على الموضوع واي كلمة وردت فيه افادتني كثيرا لكم كل الشكر والتقدير

Dana Al-Kuwari

15-05-2008, 10:51 PM

في نقطه توني منتبهه عليها.
بخصوص انج تتعرفين على اجانب فالدوحه..

فا والللللللللله مانصح..
خصوصاً اذا تقصدين الشباب والشابات الي في سنا.
يجونج مغسول مخهم وتشربوا من الدم العربي صح .
تخيل ييجيج امريكي ولا كندي بس لوتي يعدي على اخوانا المصريين هههههههههه

تحيس انهم مو بريئين اني مور. ومصحصح وعارف الجو نادر ماتلاقين مغفل.
سبحان الله الوطن العربي يصحي اكبر دمب فالعااالم.

غير مشاكلهم الي ماتخلص..

Omar Al Hazaa

17-05-2008, 02:44 AM

هذا رقم مركز قطر للتعليم..
يسهلون حق الي يبي يروح بريطانيا..
هذا رقمهم ومطرشين لي رساله (عيش معانا مغامرة الصيف في بريطانيا أو اسبانيا ههههه)

4322247 .. بس اهم ترا تابعين للمعهد البريطاني..

اختي اذا بغيتي مكان عدل..
اختاري لج معهد جامعه..
ويفضل انها تكون اول جامعه على لستة الجامعات المعترف فيها فالمجلس الاعلى..

ولاتروحين بنفسج؟؟ روحي مع قروب بنات ولا مع حد من خوانج..
والله يوفقج..

ولاتحاتين اللغه الانقليزيه..
في ناس دارسين لهم 6 ولا 7 لغات..
ترا المخ يستوعب بس محتاج شوية نشاط..

مادريتوا عن الشباب الي يروحون الهند عشان يتعلمون اللغه الهنديه ولغة الاوردو ههههه..

Ahmed Al-Ali

17-05-2008, 03:21 AM

انا قررت الحين اروح معهد بيرلتز يمدحونه شرايكم؟؟

انا كنت مخطط اجيب اخوي بريطانيا بالصيف يتعلم لغه ، لكن الوالد سجله في معهد Berlitz ، كلمت اخوي وقلت له ها شلون المعهد؟

قالي ان المعهد ممتاز ، وطريقه تدريسهم جداً حلوه ويقول الشي الاحلى ان الحد الأقصى للمجموعه 7 طلاب ، وطبعا تركيز المدرس واستعياب الطالب يزيد كل ما قل العدد ، والحمدالله يقولي مستفيد معاهم وايد.

والله يوفق الجميع :)

Fatma A.Al-shemary

17-05-2008, 04:30 AM

Nory.n.n

17-05-2008, 12:23 PM

مشكورين ماقصرتو يعطيكم الف عافيه ياااارب

اخوي احمد صراحه شجعتني وايد وايد اني اروح واسجل عندهم الف شكر لك

واختي فاطمه اتمنى الي يعرف يرد على استفسارج

Fahad Buhendi

17-05-2008, 03:50 PM

السلام عليكم ورحمة الله وبركاتة

اعتقد ماقصروا اخواني وخواتي بالردود
بس عندي كمن سؤال ولا عليكم كلافة..

انا ناوية اروح مع مركز قطر للتعليم ان شاءلله >>جامعة كامبرج مع مجموعة بنات دورة ايلز..
اشرايكم في الجامعة ؟؟ وهل بستفيد لمدة شهر اذا كنت مداومة مع الكلاسات؟؟وهل الشهادة اللي باخذها اخر الكورسات بتفيدني مستقبلا لما اقدم على الجامعة او الوظيفة وخاصة انها من الجامعة المعروفة كامبرج؟؟

ولكم جزيل الشكر ..

فاطمــه الشمــري

جامعة كامبردج ماعليها كلام وهي جامعة عملاقة .. بس ياليت تجيبين لي اسم الجامعة بالضبط عشان احدد مستوى الجامعة

لان هناك الكثير من الجامعات والكليات والمعاهد تسمى كامبردج مع اضافة اسم ثاني كنوع من الاحتيال اللفظي

وهذا موقع يحدد مستوى الجامعة في الانجليزي مع المجلس الثقافي البريطاني ... لان هناك مئات المعاهد (الفاشلة) الي تدرس انجليزي في بريطانيا :

http://www.britishcouncil.org/accreditation-az-list.htm#M

وبالنسبة للشهادة شيء جيد ... ولكن في الوظيفة.. الي يحدد مستوى الانجليزي هو طريقة حديثك باللغة الانجليزية بالمقابلة ... الي تتم غالبا هذه الايام باللغة الانجليزي وليس بالشهادة فقط ..

وهذه الايام .. هناك شركات مثل قطر للبترول وغيرها تشترط اجتياز اختبار لغة انجليزية للتوظيف .. واعرف شخص لم يتوظف لانه فشل في هذا الاختبار

وبالتوفيق في دراستك اللغة

A.Al-mohammadi

17-05-2008, 05:03 PM

مرحبا إختي فاطمه..:5:

إسمحيلي افيدج ببعض الامور بما انه لي بعض التجارب مع هالمركز..
اولا اذا سجلوج في College في كامبردج ف نصيحه لتروحين وتضيعين وقتج لانه مستواها تعبان وايد ومش المستوى المطلوب انه يكون للطالب اللي مفكر يدرس في بريطانيا..

اتمنى انه تفكرون عدل قبل لا تاخذون اي قرار يمكن تندمون عليه نفس مااحنا ندمنا..واي استفسار انا حاضره..

والله يوفق الجميع..

Fatma A.Al-shemary

17-05-2008, 06:19 PM

Fahad Buhendi

17-05-2008, 06:34 PM

شكرا لك اخوي بوهندي .. والله ماعرف بالضبط اي جامعة اللي عرفته انها كامبرج بس
وشكرا لج اختي بنت المحمدي ..
عيل اشتنصحوني وين اروح هو على كيفي اختار البلاد انتو شتشوفون؟
ابي اقوي السبيكنق عندي بس والرايتنق تمام الحمدلله .. !!
هي دورة ايلز اللي في جامعة كامبرج مادري اشوفها اوكي ؟؟
بس قلت نسئل مجرب !!!

نصيحة روحي ادرسي

بتستفيدين لغة ولو شي بسيط وبتستفيدين حياة

الدنيا تجارب .. والتجارب ماتتكرر

واذا حصلتي اسم الجامعة او الكلية فابعثي لي اياه وانا حاضر

وحاولي تقرأين كتب انجليزية .. انا لغتي كانت جداً ضعيفة وماتحسنت الا لما بدأت اقرأ كتب مثل كتب الموسوعة المبسطة للعلوم والتاريخ

وبالتوفيق

A.Al-mohammadi

17-05-2008, 08:46 PM

أخوي فهد صح كلامك انه التجارب ماتتكر..بس بتتكرر اذا ماتعلمنا من تجارب غيرنا وممكن نطيح في نفس الخطأ.:err:.وأنا بالعكس اشجع الكل انه يروح ويدرس ويتعلم بغض النظر عن مستواهم في ال English.. بس الواحد اذا بيتغرب يتغرب على شي عدل ويستاهل ويقدر يحصل على نتيجه تفيده..
مب اسافر وارجع بلادي ولا كأني درست وتعلمت شي..:43:

إختي فاطمه..هم بيسجلونج في Cambridge Regional College:err: صح.. إذا طلعت هي الكليه ابتعدي عنها وفي وايد معاهد وكليات أقوى من هذا المستوى..واذا حابه اساعدج انا حاضره باللي تبينه..واعتبيريني اختج..:5:

والله يوفق الجميع..:16:

Fatma A.Al-shemary

17-05-2008, 09:27 PM

تسلمين يالغاليه .. ماقصرتي بس انا اذا بروح عن طريق مركز قطر للتعليم عشان جي ماقدر اختار على كيفي بس اقدر اختار البلاد اما الجامعات على كيفهم .. ان شاءلله بكره بسئل اي جامعه وبرد عليكم .......يعطيكم العافيه

فاطمـه الشمـــــــري