أستفسار

[Nory.n.n]

السلام عليكم ورحمة الله وبركاته

شحالكم عساكم طيبين..!!

حبيت اسأل اخواني الي يدرسون بالقاهره

سمعت التسجيل 15-8

بس بغيت اعرف عن...

هل السفاره توفر الكتب والمراجع والملاازم (توضح الملغي والفصول الي مايشرحها الدكتور بالجامعه)

هل توفر المدرسين

...................................

الي يدرسون (قانون)

الكورس كم ماده؟؟ كم مدرس حاط؟؟ كم المده الي يخلص بها المدرس الشرح؟؟

...................................

شالفرق بين جامعة عين شمس وجامعة القاهره..؟؟

...................................

آسفه لوطولت عليكم بالاسئله

بس انا وسواسيه وايد ولازم اسئل عن كل صغيره وكبيره قبل لاروح واتوهق

جزاكم الله خير

آنتظر ردكم لاهنتو:9:

[Abdulla.AL-Khulaifi]

السلام عليكم ورحمة الله وبركاته

وعليكم السلام ورحمة الله وبركاته

شحالكم عساكم طيبين..!!

طيبين طاب حالج

حبيت اسأل اخواني الي يدرسون بالقاهره

سمعت التسجيل 15-8

تقريبا يكون في هالفتره

بس بغيت اعرف عن...

هل السفاره توفر الكتب والمراجع والملاازم (توضح الملغي والفصول الي مايشرحها الدكتور بالجامعه)

اختي رسوم التسجيل في الجامعه 2000 باوند اول سنه ماتشمل الكتب والمراجع ...الخ يعني جوفي السفاره ممكن يجيبون لج الكتب والملخصات للمواد وتدفعين حسابهم مع حلاوه للي يجيب الكتب :9: اهم شي الحلاوه في مصر :) اما بخصوص الملغي طبعا كل شي نعرفه عن طريق المدرسين الي يعطونا الدروس , الملغي يوصل لهم لانهم يسألون من فترة لي فترة .

هل توفر المدرسين

بخصوص المدرسين ,, نادي الطلبه فيه مدرسين يعطون دروس للطلاب ويمكن تستعينين فيهم لو بغيتيهم وفي مدرسين من برى النادي ,,

...................................

الي يدرسون (قانون)

الكورس كم ماده؟؟ كم مدرس حاط؟؟ كم المده الي يخلص بها المدرس الشرح؟؟

الكورس يعتمد ,, احنا هذي السنه اول كورس 4 مواد والحين الكورس الثاني 5 مواد يعني يعتمد يختلف من سنه لي ثانيه ,,

المدرسين الي حاطهم ,, الكوري الاول حاط 3 مدرسين وواحد منهم كان يعطيني مادتين ,, اما هالكورس حاط 2 واحد يعطيني 3 مواد ومادي يعطيني اياها مدرس ثاني ,,

اما مدة الشرح فهذي تعتمد على حسب سرعة الاستيعاب الي عندج والفهم ,, يعني ساعه تقريبا حق كل حصه ,,

...................................

شالفرق بين جامعة عين شمس وجامعة القاهره..؟؟

الفرق مب كبير ,, بس الكل يقول جامعة عين شمس اصعب من القاهره بوااايد يعني يبيلها دراسه دراسه ,, والقاهره نفس الشي بس طبعا مب بنفس صعوبة عين شمس ,,

...................................

آسفه لوطولت عليكم بالاسئله

لا افا عليج وحاظرين لاستفساراتكم بالي نقدر عليه

بس انا وسواسيه وايد ولازم اسئل عن كل صغيره وكبيره قبل لاروح واتوهق

جزاكم الله خير

آنتظر ردكم لاهنتو:9:

هذي ردي لج واتمنى اني اكون افدتج بالي تحاولين تستفسرين عنه ,, وتقدرين لو تبين تستفسرين اكثر اتكلمين الملحقيه الثقافيه في مصر وعندج الملحق الدكتور سلطان المنصوري او المهتم بشؤون الطلاب واحد مصري اسمه صلاح يمكن يفيدونج اكثر .

السموحه على القصور ,,

[Nory.n.n]

مشكور ماقصرت اخوي كفيت ووفيت

بس بغيت اعرف المدرس يتم يشرح على مدى 3 شهور (مدة الكورس)

ولايقدر يخلص لي كل شي بشهر وارد قطر ويوم الامتحانات ارجع مره ثانيه؟؟

نادي الطلبه..؟ المدرسين الي فيه اروح لهم ولاهم يجون؟؟ وكم تكلفة المدرسين..؟؟

وسمعت انه فيه مواد غير مواد القانون الا وهي اللغه والتاريخ (انجليزي وفرنسي) واقتصاد

هاي بعد تحتاج مدرسين ولا من المراجع تحفظ وخلاص...؟؟

سووري مره ثانيه .............

كــل الوود

[Nory.n.n]

ترى للحين اتريا الرد:9:

[Abdulla.AL-Khulaifi]

العفو اختي ,, والسموحه على التأخير ,,

بخصوص المدرس على حسب الي انتي تبينه ,, يقدر نفس ماقلتي يخلص وترجعين واتيين قبل الامتحانات ,, لان القانون بعد يعتمد على مجهود الطالب في الدراسه والحفظ ,,

المدرسين تبينهم اييونج بييونج المكان الي تبينه ,, اما التكلفه تختلف ,, يعني لو فالنادي 760 جنيه اما في المكان الي تبينه يزيد المبلغ بس مايزيد عن 1000 جنيه في الكورس لكل ماده ,,

طبعا المواد الي ذكرتيها تعبتر مواد اساسيه مثل التاريخ والاقتصاد لان التاريخ يتكلم عن تاريخ القانون في الماضي والاقتصاد نفس الشي مختص بالامور القانونيه ,, اما اللغه فللأسف اصبحت ماده اساسيه هذي السنه بعد ماكانت ماده تكميليه ,, الماده تشمل ( انجليزي - فرنسي ) .

اما مسألة هذي تحتاج مدرسين ولا لا انا عن نفسي احط مدرسين ,, بس انا اعتقد تجتاجين مدرسين حق التاريخ والاقتصاد اما اللغه فأعتقد 5 حصص او اقل قبل الامتحان تكفي لان اللغه مب صعبه وايد ,, والحفظ بتحتاجينه في القانون بشكل عام :39:

واي شي ثاني انا حاضر ,,

تحياتي ,,

[Nory.n.n]

تسلم يالغالي ماقصرت جزاك الله خير


بس بخصوص اللغه اختار الي انا ابيه ولا الاثنين اجباري


وبصراحه جاوبتوني عن كل شي يخطر في بالي يعطيكم العافييييييييييييييييه


سؤال خخخ<<<ادري تقولون ماتخلص اسئلتها :58:

بس هاي اخر سؤال يخطر في بالي حاليا


هل يوجد سكن طالبات ؟ وان وجد وين مكانه

ودام انه النادي الطلابي سمعت انه بس شباب يعني ماراح اشوف البنات الي هناك:(((((( بتم وحيده:(((((

ف الامتحانات تروحون الجامعه بروحكم ولا سيم الرحله مع مندوب من السفاره يراويكم وين مكان الامتحان ههه ادري فكرتي تضحك بس انا جي متخيله


وشكرن :10:

انتظر ردك اخوي عبدالله

[Nory.n.n]

:39:

:39:

:39:

:39:

:39:

:041e1a2a2b:

رقدت وانا انتظر الرد


عسى الله يوفقكم في امتحاناتكم وترجعون للمنتدى وتردون

[Abdulla.AL-Khulaifi]

ههههههه نوم العوافي ,, سوري على التأخير :16:

اختي اللغه للأسف راح نمتحن في الانجليزي والفرنسي يعني الامتحان من 20 درجه مقسومه على الانجليزي والفرنسي ,,

بخصوص السؤال عن السكن ,, للأسف تم الغاء سكن الطالبات القطريات في القاهرة ,, والوضع لحد الحين غير معروف هل سيكون هناك سكن في المستقبل ولا لا ,, :err:

اما بخصوص نادي الطلاب ,, فعلا نفس ماقلتي كله شباب والبنات مايحضرون الا في المناسبات ,, بس بخصوص التواصل تقدرين تتواصلين معاهم عن طريق السفاره ,, وان شاء الله مابتكونين بروحج , :)

سؤالج عن الروحه للامتحانات ,, طبعا في اول سنه يروح معانا مندوب من السفاره ويراوينا مكان القاعه الي نمتحن فيها ,, لان لو رحنا بروحنا ماعتقد وصلنا من كبر الجامعه

[Nory.n.n]

مشكور اخوي ماتقصر يعطيك العافيه ياربييييييييييييي

وانا عندي اهل هناك يعني السكن متوفر الحمدلله بس اسأل علشان اروح اسلم على البنات:5:

للاسف في استفسار وان شالله يكون الاخير

اذا الشهاده من عين شمس تكون فرص التوظيف متاحه اكثر بما انها جامعه قويه ولا كله واحد مع القاهره ومرتبتهم وحده؟

[Abdulla.AL-Khulaifi]

العفو اختي ,, والله يعافيج ,,

عموما انا قتلج لو بغيتي تسلمين عليهم تقدرين تروحين السفارة وهم بيعطونج ارقامهم او اي شي عشان تتواصلين معاهم ,,

اما بخصوص الجامعات فاعتقد كلهم نفس الشي عين شمس والقاهرة لان الجامعتين مسجلين في السفارة ,, بس الي بيفرق طبعا التقدير الي بتحصلينه ,, واذا كنتي تفكرين فجامعة عين شمس فاعتقد بيفتحون فرع لها في الدوحه قريب .

بالتوفيق اختي Nory.n.n

[Nory.n.n]

سمعت انا بعد بيفتحون لها فرع بس لوفتحوه اكيد بيحطون طلابات وشروط واشيا تكره الواحد حياته الله يبعدنا عنهم

خلنا في مصر تغير جو ودراسه شي ولا اروع


عسى التوفيق للجميع يارب

والف شكرا اخوووي عبدالله يعطيك االعافيييييه

جزيت خيرا على ماصنعت:9:

[Abdulla.AL-Khulaifi]

العفو اختي ,, افا عليج ماسوينا شي ,,

واهم شي تغير الجو :16:

وعقبال ماتبشرينا بالنجاح والتخرج ,,

بالتوفيق .