إستخفاف بمشاعر الطلاب ..!

[S.J.A]

السلام عليكم ورحمة الله وبركاته



أنا أكتب هالموضوع ومقهوره من الوضع إللي حاصل ، رغم إن إللي حصل مايخصني لكن صار لوحده أعرفها

البنت قدمت على الجامعات إللي بالمدينه التعليميه ، وكلموها جامعة فرجينيا من فتره

وقالوا لها إنها مقبوله بالجامعه

طبعا البنت فرحت وخبرت أهلها

ولكن !

بعد ساعات إتصلوا لها مره ثانيه وخبروها إن تم سحب أوراق القبول منها وخلاص هي مب مقبوله في الجامعه !!

البنت إنصدمت وما إستوعبت ، راحت لهم عشان تكلم المسؤولين

قالوا لها إن الكلام صحيح ، تم قبولها ورفضها بعدين لأنهم إكتشفوا إن في ناس أكفأ لدخوا الجامعه

وخبروها إن هالشي صار مع كذا طالبه ، قبلوهم ورفضوهم

البنت مستاءه جداً من إللي صار .. وهي تقول لو إنهم رفضوها من البدايه كان أهون من إنهم يتلاعبون بمشاعرها ومشاعر أهلها

شي يقهر والله :(

إستهتار واضح من قبل الإداره في جامعة فرجينيا


.............. تم !

[Ahmed Al-Ali]

عليكم السلام ورحمه الله وبركاته

هذا إن دل على شيئ يدل على ضعف لجنه التقييم بجامعه فرجينيا وعلى قله خبرتها.

يجب على الجامعه تحدييد مقاييس اكاديميه وفنيه ، بحيث اذا استطاع الطالب ان يجتازها يتم قبوله ، وان لم يستطيع يتم رفضه.

أما ان الجامعه تقبل الطالب ومن ثم ترى طالب افضل منه وتلغي القبول منه فهذا تصرف ساذج.

كيف يتم إعطاء قبول لطالب ومن ثم يتم سحبه..!! ، والمشكله الأكبر ان الجامعه تعترف بإنها عملت الشيئ نفسه مع طالبات ٌأخر.

يجب على الطالبه المعنيه ان توجه شكوى لهيئه التعليم العالي.

اطيب تحيه
احمد العلي

[Omar Al Hazaa]

وعليكم السلام ورحمة الله وبركاته..

مشكوره اختي على الموضوع الطيب..

والله اكسروا خاطري جامعات المدينه التعليميه من كثر ماتكلمت عليهم..

يعني وييييين التطور؟؟؟
هل التطور فالخلطه الي شفنا الطلاب طالعين فيها فالتلفزون..
وهل التطور فالبنات الي كاشفين شعورهم؟؟

والله من حقها البنت تستاء..

نصيحتي خل ترفع عليهم قضيه!! (اذا كانت متفرغه وعندها وقت)

وهذا مش استهتار من الاداره؟؟
لاكن غباء..
اجرحوا البنت مسكينه..
بس ان شاءالله خير لها ..
مدام هذي حركات الاداره؟؟
والمشكله انهم يفتخرون وعملوا الحركه مع اكثر من طالب..

شنو يعطون البنت قبول وعقب يذلونها يقولون لها رجعيه؟؟
الحمدلله مابي اقول......!

قولي حق رفيجتج انتي اكبر من هالجامعه التافهه الي مايعرفون شلون يقبلون الطلاب..

[Mohammed Al-haddad]

اول شي ان مستغرب وايد وايد من الحركة الي سوها صراحة

لأني كنت مقدم حق واحد من ربعي حق الجامعة فكنت اسألهم لأنه كان مقدم الطلب متأخر ما قدر يخلصه في الوقت المطلوب قبل الدي لاين فيوم كلمتهم عن هذا الشي قالوا إذا في مكان بعدين نشوف الطلب

على اي اساس الجامعة تتخذ قرار و بعدين تتراجع هذا خطأ منهم لازم يشفون كل الطلبات قبل لا بقررون

لكن قرار مثل هذا ما يصير لأنه حتى لو ماكنت اكفئ و انا خذيت قبول او مقدم قبل ما يحق لهم يسحبون القبول و يعطونه واحد مقدم متأخر

شنو اقول ما ادري !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!

[N . A . AL-KORBI]

السلام عليكم ورحمة الله وبركاته

ما اقول الا الله يكون بعونها صج مسكينه ، وان شاء الله يكون في هالشي خيره لها ، ويعوضها الرحمن

اهم شي الصبر وان شاء الله راح تفرج الامور .

الله يوفقج اختي الكريمه ويوفقها ويكون بعونها الرحمن ، اهم شي لا تيأس من رحمة الله .

محد يعرف يمكن هالشي فيه خيره لها ، الكل يسعى ورى شي معين حاب يوصل له ، بس احيانا يكون هالشي

بيد الله ، قضاء وقدر ، وترى هالشي طبيعي ، انا نفس الشي ، كنت حابه ادرس برع ، وكل

شي كان ماشي تمام ، فجأة ظرف كنسل كل شي ، واضطريت اغير حتى التخصص وادرس هينا

كانت صدمه بالنسبه لي وحالتي كانت ماساه ما يعلمها الا الرحمن ، بس الحمدلله عقب الاستخارة ارتحت .

والله يعين الجميع ويثبتنا ويبارك في ايامنا .

[N.A]

بال والله قوية :( الله يكون بعونها
لازم تكلمهم وتتفاهم وياهم وتشتكي بعد لو اقدرت لان الصراحة ذي مصخره وفعلاً تلاعب
بمشاعر الطلاب والله مابي احط روحي بمكانها احس بنهارر
ربي يوفقها وخيرة ان شاءالله sigh

[Abdulla Al-Malki]

ول قمة التحطيم !!

لو انا جان قلبت عليهم السالفه .. على الاقل اطلع وانا مبرد حرتي ..

بس الصراحه عيب وحركه "سخيفه" على جامعه عالميه بمستوى فرجينا .. وأكيد هالامور اللي بعض الناس تشوفها بسيطه بس اكيد انها راح تشوه صورة الجامعه ..

على العموم .. ان شاء الله تكون خيره للبنت .. :)

[Dana Al-Kuwari]

Well

الله مو كاتب لها.
شتسوي يعني تنتحر؟

فيه الف خيار قدامها. يسكر ربي باب ويفتح الف باب.
وليش ماتخذها من ناحيه انه صلاح وربي يبي لها الخيره؟؟؟؟

ليش هالبق ديل ؟؟؟

[Ali H. Al-Emadi]

خطأ من الجامعة ولجنة تقييم الطلبات ، والمفروض يتم فرز جميع الطلبات وبعدين يتم الاختيار ، وإن حصل مثل هلخطأ ، المفروض ومن باب أولى إنهم يقبلون الطلبيين ، وذلك يعود إلى الشك في قدرات اللجنه عند اتخاذ القرار والرجوع عنه بسرعة كبيرة ،،



البنت لازم ما تيأس وما تآخذ اللي صار بسلبية ، ما انقبلت هنا ، فيه ألف جامعة غيرها ، أما إذا كان التخصص اللي تبيه مافيه إلا بالجامعة هذي بالعالم كله ،،
الله يعيين البنت ،،

[S.J.A]

عليكم السلام ورحمه الله وبركاته

هذا إن دل على شيئ يدل على ضعف لجنه التقييم بجامعه فرجينيا وعلى قله خبرتها.

يجب على الجامعه تحدييد مقاييس اكاديميه وفنيه ، بحيث اذا استطاع الطالب ان يجتازها يتم قبوله ، وان لم يستطيع يتم رفضه.

أما ان الجامعه تقبل الطالب ومن ثم ترى طالب افضل منه وتلغي القبول منه فهذا تصرف ساذج.

كيف يتم إعطاء قبول لطالب ومن ثم يتم سحبه..!! ، والمشكله الأكبر ان الجامعه تعترف بإنها عملت الشيئ نفسه مع طالبات ٌأخر.

يجب على الطالبه المعنيه ان توجه شكوى لهيئه التعليم العالي.

اطيب تحيه
احمد العلي


المشكله إن الجامعه قبلت طالبات وايد مالهم بالفن أي معرفه

وايد بنات يخلون أي حد يرسم لهم وينقبلون على هالاساس ,, هالشي فيه ظلم كبير لشريحه كبيره من الطالبات الموهوبات

وبعدين هم عندهم الوقت الكافي إنهم يدرسون كل أبلكيشن ، يعني الدراسه ماحلت لهم إلا بعد ماقبلوا البنت وبعدين شافوا إنها مو كفؤ إنها تدخل الجامعه ؟!

شي غريب الصراحه

قواك الله أخوي أحمد و شكرا على ردك


:)

[S.J.A]

والله من حقها البنت تستاء..

نصيحتي خل ترفع عليهم قضيه!! (اذا كانت متفرغه وعندها وقت)

وهذا مش استهتار من الاداره؟؟
لاكن غباء..
اجرحوا البنت مسكينه..
بس ان شاءالله خير لها ..
مدام هذي حركات الاداره؟؟
والمشكله انهم يفتخرون وعملوا الحركه مع اكثر من طالب..

شنو يعطون البنت قبول وعقب يذلونها يقولون لها رجعيه؟؟..

مرحبا أخوي عمر

والله البنت كانت تبي تشتكي عليهم ، وتكلمت بالموضوع مع مسؤولين

قالوا لها جيبي لنا ورقه من الجامعه تثبت إنهم قبلوج وبعدين رفضوج

والجامعه رافضه تعطيها ورقه تثبت هالشي

:)

[S.J.A]

اول شي ان مستغرب وايد وايد من الحركة الي سوها صراحة

لأني كنت مقدم حق واحد من ربعي حق الجامعة فكنت اسألهم لأنه كان مقدم الطلب متأخر ما قدر يخلصه في الوقت المطلوب قبل الدي لاين فيوم كلمتهم عن هذا الشي قالوا إذا في مكان بعدين نشوف الطلب

على اي اساس الجامعة تتخذ قرار و بعدين تتراجع هذا خطأ منهم لازم يشفون كل الطلبات قبل لا بقررون

لكن قرار مثل هذا ما يصير لأنه حتى لو ماكنت اكفئ و انا خذيت قبول او مقدم قبل ما يحق لهم يسحبون القبول و يعطونه واحد مقدم متأخر

شنو اقول ما ادري !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!


المشكله إنهم قالوا لها " بعد ما إرفضوها طبعا " .. بنخلي أوراقج على الـ waiting list .. في حالة كانت عندنا أماكن متوفره ممكن نعطيج فرصه

شهالتناقض!

لو البنت مب كفؤ إنها تدخل الجامعه المفروض حتى مايقولون لها بنعطيج فرصه

لكن الواحد شيقول ؟ الله كريم


مشكور أخوي محمد


:)

[S.J.A]

السلام عليكم ورحمة الله وبركاته

ما اقول الا الله يكون بعونها صج مسكينه ، وان شاء الله يكون في هالشي خيره لها ، ويعوضها الرحمن

اهم شي الصبر وان شاء الله راح تفرج الامور .

الله يوفقج اختي الكريمه ويوفقها ويكون بعونها الرحمن ، اهم شي لا تيأس من رحمة الله .

محد يعرف يمكن هالشي فيه خيره لها ، الكل يسعى ورى شي معين حاب يوصل له ، بس احيانا يكون هالشي

بيد الله ، قضاء وقدر ، وترى هالشي طبيعي ، انا نفس الشي ، كنت حابه ادرس برع ، وكل

شي كان ماشي تمام ، فجأة ظرف كنسل كل شي ، واضطريت اغير حتى التخصص وادرس هينا

كانت صدمه بالنسبه لي وحالتي كانت ماساه ما يعلمها الا الرحمن ، بس الحمدلله عقب الاستخارة ارتحت .

والله يعين الجميع ويثبتنا ويبارك في ايامنا .


اللهم آمين

الله يعوضها ، وإن شاء الله يكون إللي صار خيره لها

جزاج الله خير أختي على ردج الطيب

:)

[S.J.A]

بال والله قوية :( الله يكون بعونها
لازم تكلمهم وتتفاهم وياهم وتشتكي بعد لو اقدرت لان الصراحة ذي مصخره وفعلاً تلاعب
بمشاعر الطلاب والله مابي احط روحي بمكانها احس بنهارر
ربي يوفقها وخيرة ان شاءالله sigh


ربي يكون بعونها

و إن شاء الله مايتكرر هالموقف مع أي حد ثاني ، لأن بالفعل شي يقهر

:(

[S.J.A]

ول قمة التحطيم !!

لو انا جان قلبت عليهم السالفه .. على الاقل اطلع وانا مبرد حرتي ..

بس الصراحه عيب وحركه "سخيفه" على جامعه عالميه بمستوى فرجينا .. وأكيد هالامور اللي بعض الناس تشوفها بسيطه بس اكيد انها راح تشوه صورة الجامعه ..

على العموم .. ان شاء الله تكون خيره للبنت .. :)


إن شاء الله ، الله يسمع منك أخوي

:)

شكراً على الرد

[S.J.A]

Well

الله مو كاتب لها.
شتسوي يعني تنتحر؟

فيه الف خيار قدامها. يسكر ربي باب ويفتح الف باب.
وليش ماتخذها من ناحيه انه صلاح وربي يبي لها الخيره؟؟؟؟

ليش هالبق ديل ؟؟؟


لا .. و ليش تنتحر ؟!

إنتي قلتيها not big deal !

ما أقول إلا الله لايحط أي أحد بمكانها

:)

[S.J.A]

خطأ من الجامعة ولجنة تقييم الطلبات ، والمفروض يتم فرز جميع الطلبات وبعدين يتم الاختيار ، وإن حصل مثل هلخطأ ، المفروض ومن باب أولى إنهم يقبلون الطلبيين ، وذلك يعود إلى الشك في قدرات اللجنه عند اتخاذ القرار والرجوع عنه بسرعة كبيرة ،،



البنت لازم ما تيأس وما تآخذ اللي صار بسلبية ، ما انقبلت هنا ، فيه ألف جامعة غيرها ، أما إذا كان التخصص اللي تبيه مافيه إلا بالجامعة هذي بالعالم كله ،،
الله يعيين البنت ،،

آميييين ، و يعين الجميع أخوي

:)

[Essa Al-Mansouri]

Well

الله مو كاتب لها.
شتسوي يعني تنتحر؟

فيه الف خيار قدامها. يسكر ربي باب ويفتح الف باب.
وليش ماتخذها من ناحيه انه صلاح وربي يبي لها الخيره؟؟؟؟

ليش هالبق ديل ؟؟؟

إن شاء الله إذا الله كتب في المستقبل وانقبلت قبول تام كامل شامل في جامعة هارفورد مثلاً على سبيل المثال.
وجوني بعد كم يوم وقالوا لي ترى هونّا ما نبغيك.

هذي أنا شخصياً اشوفها بق ديل..

حتى لو بعد ما سمعت الخبر هونت وقررت أترك جامعتهم المصخرة, شغلهم ما ينتهي. مب متأكد من قوانينا لكن قوانينهم (اللي متبهدل الحين قاعد أدرسها) تطلع حقي غصبن عليهم سواء قالولي مسبقاً ان احتمال يرفضوني وﻻ لا (حتى لو كاتبينها في العقد ما فرقت), وطبعاً نحاسة حتى لو اني قررت أرفض الانضمام لجامعتهم ﻻزم أرفع قضية بس أبهدل عيشتهم (وبالمرة تدريب حقي حق المستقبل), والقضية بتكون ناجحة ويمكن باجر تتدرس في جامعتهم.

أجل أدرس قانون عالفاضي!؟ >>أخرتها ما بيسوي شي..

[F.H]

أجل أدرس قانون عالفاضي!؟ >>أخرتها ما بيصير شي..

إن شاءالله بعد ماترجع قطر وتخلص دراستك راح تكتشف إن القانون بالدراسة شي والواقع بقطر شي ثاني ...


لو كان عندها إثبات بقبولها قبل سحب القبول منها يمكن قدرت تاخذ حقها ... بس للأسف مافي إثبات ..

وبالنهاية هذا خيره لها ،، يمكن الله كاتبلها تدرس بمكان ثاني غير فرجينيا .. صح الشي بزعل ..

بس الواحد يقوي إيمانه بالله ويتوكل عليه .. هل جامعة ماقبلوها في ألف جامعة غيرها ..

[Omar Al Hazaa]

^
^
^
هالشي ماينسكت عنه..
وشدعوه المحاكم مايعرفون شلون يطلعون الاثبات..
لو يبون الاثبات بيجيبونه ومابي اقول شلون!

تجار مخدرات وحشيش كبار اقدروا يصيدونهم!
اثبات من جامعه مابيقدرون يجيبونه هههه..

وين الدستور والقانون.. مايصير والله هالكلام..
ماتكفي يعني شهادة البنت مع الي صار لهم نفس حالتها؟؟

نبي جواب؟

[Rafeef.Ahmad]

إن شاءالله بعد ماترجع قطر وتخلص دراستك راح تكتشف إن القانون بالدراسة شي والواقع بقطر شي ثاني ...


لو كان عندها إثبات بقبولها قبل سحب القبول منها يمكن قدرت تاخذ حقها ... بس للأسف مافي إثبات ..

وبالنهاية هذا خيره لها ،، يمكن الله كاتبلها تدرس بمكان ثاني غير فرجينيا .. صح الشي بزعل ..

بس الواحد يقوي إيمانه بالله ويتوكل عليه .. هل جامعة ماقبلوها في ألف جامعة غيرها ..


أنا صارلي نفس الشي بس الله عوضني خير بمكان ثاني وهم مايعطون شي يثبت القبول كل شي يبلغونا فيه شفوي فشلون الواحد يقدر ياخذ حقه إذا ماعنده إثبات ؟

[F.H]

أنا صارلي نفس الشي بس الله عوضني خير بمكان ثاني وهم مايعطون شي يثبت القبول كل شي يبلغونا فيه شفوي فشلون الواحد يقدر ياخذ حقه إذا ماعنده إثبات ؟


أختي حتى لو الجامعة إغلطت بالإسلوب إلي تتبعه .. إذا كانت حاطة شروط للقبول وأنا ماشفت شروط القبول في فرجينيا هل قانون يعطيها الصلاحية إن ترفض قبولج وتحولج لقائمة الإنتظار .

بهل حاله بكون الحق معاهم لأن هم أصحاب السلطة ، والقانون واضح من البداية .

أما إذا ماكان عندهم قانون لهل أمر .. تقدرين ترفعين قضية عليهم دام شروط القبول كلها تنطبق عليج ،، وهم رافضينج للكفائه .. ومحد يقدر يحكم على كفاءة الشخص إلا إذا عطاه فرصة ..

مع هل شي فرجينيا إلي أعرفه عندهم امتحان قبول ويطلبون ترسمين بعض الرسومات .. ماأدري إذا ليحن هل شرط موجود للقبول ..

هم يقدرون يثبتون عدم الكفاءة بالروسومات إلي قدمتيها .. خاصة إنهم جهة صاحبة القرار والخبره ..


بس سالفة إن ماعندج إثبات وتبغين تثبتين هل شي ماهو سهل ،، قانون الإثبات بقطر راح يطلب منج بحالتج محرر رسمي لأنج تعاملتي مع جهه رسمية تثبت القبول ...
وتقدرين تحتجين بالمحررات العرفية بس مافي جامعة تتعامل مع الطالب بمحرر عرفي .. وفي أمور ثانية ممكن تقدمينها كإثبات أو إتطالبين فيها مثل الشهود والبينه والإقرار ......... إلخ

بس كل شي بالإثبات له شروط .. وعلى حسب تقدير المحكمة إذا بتقبل أو لاء وعلى حسب نوع القضية وموضوعها (( مدنية ، تجارية ، جنائية )) .. والشرح يطول بهل موضوع ..

والجامعة بسهوله تقدر تنكر إنهم إقبلوج وممكن يقولون صار سوء فهم .. أو أي شي ثاني ..

في النهاية : (( عسى أن تكرهوا شيء وهو خير لكم ))