استفسار عن جامعة القاهره ..

[Rowda M Al-Ali]

السلام عليكم ورحمة الله وبركاته


أخوانا في مصر

بغيت أسأل عن التسجيل للصيف و الخريف الجاي في جامعة القاهره

يعني أبي آخذ مواد في الصيف إن أمكن (اذا مازال التسجيل متاح) أو على الخريف الجاي شهر 9

دخلت موقع الجامعه بس ما فادني بشي


بس ياليت تفيدوني هل خلص التسجيل ولا للحين يقبلةن طلبات؟

وش هي طلباتهم ؟ و رسومهم ؟ و متى يبدون ومتى يخلصون؟


وجزاكم الله خير : )

[Ahmed AL -Mansouri]

وعليكم السلام اختي
بالنسبه طال عمرج للتسجيل في الصيف ... جامعة القاهره
مافيها صيفي ... والجامعه طال عمرج
نظام فصول مب ساعات يعني مايصير تاخذين مواد معينه ..
كل فصل له موادمقرره على الطالب
اختي التسجيل في يبدأ شهر 8 وطلباتهم
1_صوره من الشهاده الثانويه مصدقه من وزارة التربيه والتعليم وسفارة جمهورية مصر العربيه
في الدوحه وتصدق ف وزارة الخارجيه

2_صورة من شهاة الميلاد مصدقه من الخارجيه

3_عدد 8 صور شخصيه

4_ صوره من جواز السفر

وانشالله اكون وصلت المعلومه بالشكل الصحيح
وسمحيلنا على القصور

[Ahmed AL -Mansouri]

نسيت طال عمرج اوضح الرسوم
بالنسبه للرسوم 200 دولار عندالتسجيل تدفعينها مع
الاوراق .... واذا تمت الموافقه رسوم سنه اولى 2000 باوند
الفصلين الاول والثاني
وبعدها تستوي كل سنه 1000 باوند للفصلين
وفي طال عمرج رسوم للشهاده الثانويه اذا قديمه كل سنه
تدفيعن عنها 400 جنيه

[Abdulla.AL-Khulaifi]

كفيت ووفيت يالمنصوري ,,

اختي من الجامعات الي تعطي صيفي هي الجامعات الخاصه اما الحكوميه فما اعتقد ان تعطي صيفي

[Rowda M Al-Ali]

اهاا

ماقصرتوا اخواني

الجامعه الأمريكية للأسف , الصيفي فيها ما يناسبني


و جامعة 6 اكتوبر , مادري اذا هي ماشيه على نظام الساعات ولا لا


بس بعيده شوي

[Abdulla.AL-Khulaifi]

اختي بخصوص جامعة 6 اكتوبر تعتمد على التخصص ,,

في تخصصات نظام ساعات ,, وفي تخصصات نظام كورسات ,,

اما على المسافه ,, صدقتي بعيده شوي ,,

الله يوفقج ,,

[Rowda M Al-Ali]

جامعة مصر للعلوم والتكنولوجيا

بعد في 6 اكتوبر


قد سمعتوا عن هالجامعة؟

هي نظام ساعات

والصيفي فيها جدا يناسبني

بس انا اول مره اسمع بها وقلبي ناغزني :D

[Abdulla.AL-Khulaifi]

اي اختي انا سمعت عنها

الي متأكد منه ان في واحد من قطر يدرس فيها وعلى حساب الدوله بعد بس مادري اذا تخرج ولا للحين

بس هذي نفس ماقلتي في 6 اكتوبر

بس انتوا اعتقد سامحتلكم الجامعه تاخذون صيفي استفسروا منها عن الجامعات الي ممكن تنقبل منها

[Ali S Al-Marri]

اختي ممكن نعرف شنو التخصص اللي تبين تدرسينه عشان نقدر نوجهج بالطريقة الصحيحة

[Ahmed Alobaidly]

يعطيكم العافيه
ماقصرتوا معلومات مهمة مفيدة لابعد الحدود
اخوي ناوي يسجل في اي جامعة بمصر

فـ ابي اللي يقدر يساعدنا شوي
انا رايح مصر باذن الله 3 الشهر وابي كل المتطلبات اللي لازم نوديها ويانا
وابي اعرف عن التخصصات التقنية مثل هندسة ميكانيكية

..
:)

[Abdulla.AL-Khulaifi]

اخوي التخصصات حاليا ماقدر افيدك فيها

اما بخصوص الاوراق المطلوبه : الشهادة الثنويه تكون مصدقة من / 1- وزارة التربية . 2- وزارة الخارجية . 3- السفارة المصريه

صورة من شهادة الميلاد وتودي معاك الاصل احتياط يمكن يطلبونها ولو قدرت اتصدقهم بعد صدقهم

صوره من جواز السفر وصورة من البطاقة الشخصيه

صور شخصيه تقريبا 14 صورة

200 دولار لامور التسجيل

اما حساب الجامعه فهذا لاحقا عقب ماتحصل على الموافقة والقبول من الجامعة

طبعا تتوجه للسفارة وهم ان شاء الله بيساعدونك في كل الامور

اتمنى اكون افدتك

[Ahmed Alobaidly]

الصراحه وايد افدتني يالغالي
تسلم والله

:)

[Abdulla.AL-Khulaifi]

الله يسلمك اخوي وحاظرين لكم في اي وقت

بالتوفيق

[Nawari.Al-Qahtani]

عندي استفسآر بسيط =) سلمكم الله

بالنسبه لجامعة القاهرهـ \\ هل يبون شهادة ايلتز ~ ؟؟

والا مومهم بس المهم هو اللي ذكرهم اخوي الخليفي فوق وبس !؟



وعندي استفسآر آخر


ولو مثلآ احد تخصصه فالثآنويه العامه أدبي ... يقدر يتخصص تخصص علمي ؟؟

[Abdulla.AL-Khulaifi]

اختي نواري ,,

بخصوص شهادة الآيلتز ماعتقد لو كان التخصص باللغه العربيه وهذا اغلب الظن ,,

طبعا بخصوص لو واحد ادبي ويدخل تخصص علمي اتوقع يعتمد على نوع التخصص الي يبغيه ,,