امـتـحـانـات الايــلــز في البحرين }

[Bader Al-Bader]

السلام عليكم ورحمة الله وبركاته

شخباركم ,

لو سمحتوا بغييت منكم رقم المعهد البريطاني الي في البحرين , او بالاحرى رقم المركز الي نقدم فيه امتحان الايلز , مادري اذا هو المعهد البريطاني ولا لا , لو حد من الاخوان او الاخوات عنده الرقم ياليت يحطهـ اهنيه , واذا عنده رقم الفاكس بعد باكون شاكر لهـ ,,

س:2 , يقولون الايلز الي في البحرين اسهل من الي في قطر , يعني النماذج الي اتجيهم اهناك اسهل منا , مادري اذا في حد جرب يمتحن ايلز في البحرين ,؟

س:3 , سؤال اخير , في حد يعرف متى امتحانات الايلز في البحرين ؟


يعطيكم العافيه ,,

[Abdulla H.Al-Hajri]

وعليكم السلام ورحمه الله وبركاته.... مرحبا اخوى بدر .... انا رايح اليوم ان شاء الله البحرين عشان امتحن عندهم الايلز .... وبصراحه انا ممتحن العام عندهم وهى تقريبا اسهل من الدوحه وأنا انصحك إنك تروح وتمتحن هناك ... هاى ارقامهم تفضل أخوى0097317261555 وبالنسبه للفاكس والله مااعرفه بإمكانك انك تتصل وهم ان شاء الله بيعطونك التفاصيل كامله للتسجيل وبالنسبه لأقرب موعد حسب علمى بيكون فى 31_5 وأتمنى انى قدرت اوصلك المعلومات الكافيه وإذا عندك أى سؤال او أى استفسار أنا حاظر ويعطيك العافيه

[Bader Al-Bader]

^^^^^^^^^^^^

يعطيك العافيه اخوي , كفييت و وفييت

عاد اذا رجعت من هناكـ قولنا شلون الامتحان سهل ولاصعب ^^ ,, اي الامتحانات تكون يوم السبت صح ؟

[Abdulla H.Al-Hajri]

الله يعافيك أخوى بدر ...أكيد إن شاء الله اول ماارجع بقولك شلون كان الامتحان الله يعينى هههه.... وبخصوص الامتحان بيكون يوم السبت وكل الامتحانات تكون يوم السبت وبعطيك أنا الرابط مال البريتش كانسل البحرين اللى فيه المواعيدhttp://www.britishcouncil.org/ar/me-bahrain.htm وإذا عندك بعد أى سؤال أنا حاظر

[A.A.M.A.A]

السلام عليكم
اخوي // Bader Al-Bader
بالنسبه لامتحان الايلز في البحرين
في شهر 3 صادف انا ورفيجتي عندنا امتحان ايلز
انا في البحرين وهي في الدوحه
قدمنا وطلع الامتحان نفسه
هاذي امتحانات عالميه اتجييك في كل مكان نفس شي
بس اللهم السبيكنج غير ....
انا مثلك قالوا قدمي في البحرين اسهل .. رحت وقدمت طلع نفس الشي ...

[Mohammed m. Bujassoum]

هلا والله بدر, شحالك :)

الرقم مثل ماقال اخوي عبدالله هو 0097317261555 ورقم Ext هو 243

انا قدمت في قطر وجبت 5.5 وقدمت فالبحرين بعد جبت 5.5 بس درجات الدوحه كانت احسن

الله يسلمك امتحان البحريين بالنسبة للي شفته انا كان وايد اصعب من الدوحه, وحتى في شباب راحوا عقب سبوع من امتحاني وقالوا ان الامتحان الثاني نفس الشي صعب, يمكن هو حظنا جي لاني انا بعد سمعت مثلك ان هو اسهل

<<<< والله يننتوني الي يقول اسهل والي تقول نفس الشي والي يقول صعب :@

خخخخخخ بس قدم انت ماراح تخسر شي, قدم هنيه وهناك

الله يوفقك انشالله :D

واذا عندك اي استفسار لايردك الا كيبوردك =D
اخوكـ// محمد بوجسوم

[Bader Al-Bader]

A.A.M.A.A

وعليكم السلام والرحمهـ

اهاا , مادري انا قلت يمكن النماذج الي تجيهم اسهل , مادري يصير جي ولا لا ,, بس من بعد تجربتج انتي ورفيجتج , قلت لا خلاص نفس الشيء


Mohammed m. Bujassoum

حيالله الشيفيلداوي ,

نفس الدرجات , هههههههه حظك الله بالخير :SnipeR(14):

انا عادي , عندي سنهـ كاملهـ ,, لاني انا في ثاني ثانوي , انا جربت امتحن في قطر , والنتيجهـ 4 , كنت احل اي شيء , لاني كانت حاط في بالي ان هالامتحان بس تجربهـ , فـ محليت عدل

يعطيكم العافيه

[Mohammed m. Bujassoum]

احم ليفربوليين حاليا :D

الحمدلله هاي يدخل على اني استحق هالدرجه مب بالحظ :P

اي فالصيف حاول تستغل وقتك ادخل مراكز ومعاهد, تبي نصيحه شخصيه ادخل اكسبرشن الي في نيوهرايزن الصراحه معهد ماعليه كلام

والله يوفقك انشالله

والايلز مع الوقت تجيك منه خبره وعقب خلاص ماتخاف من شي اسمه طريقه الامتحان لانك بتكون متعود عليها :)

[Abdulla H.Al-Hajri]

السلام عليكم ورحمه الله وبركاته.... أنا تونى راجع من البحرين وبصراحه أخوى بدر الامتحان ووووووووووووووووووووووووووووووووووايد سهل شفت شلون كررت حرف الواو مثل ماقلتلك أسهل من اللى قدمته فى الدوحه وبصراحه أنا أنصحك إنك تجرب حظك وتمتححن فى البحرين مب خسران شى جرب هناك و ترا يوم امتحنت أنا اليوم ماتوقعت هالكم الهائل من القطريين اللى يمتحنون معاى حسبالى بنكون 3 أو 4 هههه تخيل 12واحد يمتحن من قطر الله يزيدهم إن شاء الله وإذا عندك أى استفسار ثانى أو ملاحظه أنا حاظر بفيدك بكل ماعندى والشباب أظنهم بعد كفوا ووفوا ماقصروا ويعطيكم العافيه

[A.A.M.A.A]

السلام عليكم
اخوي // Abdulla H.Al-Hajri
انا اليوم كان عندي امتحان ايلز في الدوحه ..
عشان نتاكد اكثر اذا النماذج نفسها ولا لا ..
الرايتنج الاول كانوا حاطين لنا 2 graphs
1- about the property crimes
2- violent crimes
صح...؟؟؟