ليش؟ !!!!

[Mohammed Al-haddad]

السلام عليكم ورحمة الله وبركاته

بعد ما طحنا في الشباب في الشعر الطويل جا دور البنات الحين :58: ( كلمة الحق تقال )


لماذا البنت دائما متهمة بأنها هي المسرفة ؟ هل الأسراف عند البنات حقيقة او .... ؟

مسكين الولد يشترون له كم ثوب وغترة وقحفية وعقال ونعالين و جوتي - الله يعزكم - وكم بدلة رياضية وخلاص تقعد معاه سنة او نص سنة ( يمكن كلهم على بعض ما يون ألف ريال )

البنت شوف شنو تشتري ما تخلي شي ما تشتريه في السوق اوكي خل الأغراض الأساسيه حق مدرسة حق طلعة بس شوفها ما تطلع إلا خذت الي تبيه والي ما تبيها 50 كيلو مكياج و اخرته ما تستعمل نصه لبس ما ينلبس إلا مرة وحدة وينقط ما ينلبس فشيلة و شوف كم ربطة شعر تاخذ 2000 و ما يكفون بعد !!!! و لا ننسى 50 غرشة عطر

و جان زين يكتفون بهذي بس لا كل ما تصير عزيمة ولا عرس سو نفس الحركة اوكي ما نظلم بس هم يروحون و ثياب جديدة و خياط و ما ادري وشو

مو حرام عليكم يا بنات

حتى الولد مسكين لم يروح الصالون يحلق كم ياخذ كلش كلش 30 أو 40 تعال شوف البنت مب اقل من 50 لا خمسين شوي الحين 100 وجان زين يسون شي قصت شعرتين و قالت خلاص شنو حركة


فاسمحوا لي يا بنات طحت فيكم وايد بس ليش ؟؟

[S.S.Ahmed]

:)

أخــذ راحتك أخوي,,,وكلام الحق مــاينزعل منه :)


بســم الله ابـــدأ:-

عــن نفسي فــأنــا أشد بعداً عن الإسراف......وروحــاتي للسوق كلهــا على بعضهــا ماتعدى 4 مرات في السنه...

ولكــن هذا مايعني إن الفتاة بصفة عامة مسرفه...


وخــلني أعطيك الأسباب :) :-

أولاً البنت احتياجاتهـا أكثر من احتياجات الشاب وذلك لأسباب تخص طبيعتهــا...

ثانياً الملابس: الفتاة تشتري ملابس كثيرة لأن جسمهــا أكثر تغيراً من جسم الشاب...

يعنــي مثلاً تشتري فستان أو بلوزة وبعد كم شهر إمــا يزيد وزنهــا أو ينقص,,,فتروح البلوزة أو الفستان :)

ثالثـاً الفتــاة بطبيعتهــا تحب الإعتناء بنفسهــا, وهذا أمر جيد...

ولكــــــن قضية الإسراف ليست الفتاة هــي الوحيدة المذنبه,,,بــل أهلهــا :)

----------------------------

طيب يمكن تسأل وشــو دخل أهلهــا بالسالفه,,

وبــرد عليك وبقول:-

البنت إذا امسكت زمام الأمور المادية فراح تنسى نفسهــا وتشتري اللي تبــاه....ولكــن إذا والدهــا أو والدتهــا عطوهــا مبلغ محدود -خلنــا نقول مايتجاوز 2000 شهرياً- وكــان هالمبلغ مصروفها الشهري,,ويدخل من ضمن هالمصروف أمورها المتعلقة بالدراسة ,,يعنــي إذا كانت في الجامعه لازم تحسب حسابهــا إن أبوهــا أو أمهــا ماراح يعطونها مصروف خاص غير الــ 2000 عسب تتريق أو تتغدى :) ولازم تدفع من مصروفهــا الشهري...


يمكـــن البنــات بيعترضن ويقولن: (دام إن رب العالمين معطينــا وشو له نقتر على عمارنــا ونقتصد)

لأن البنت ماراح تتعلم إدارة الأموال إلا بهالطريقة,,,واليوم هي مدلـله عند أهلهــا,, بــاجر بتكون مع إنسان يتعب ويشقى,,ومب شرط يكون شرات مستوى أهلهــا المادي...

\\
\\\
\\
\\\
\\

ويمكــن تقول محد من الأهل يسوي جيه,,,,,فبقولك تــراني مــاتعلمت الإقتصاد في المصروف,,,وحسن إدارة الأموال إلا مـــن هالطريقة...

مــع إنــي الوحيده,,وآخــر العنقود,,,بــس أشكر أمايه وهــلي على إنهم زرعوا فيني إدارة المال....

وطبعـــاً في الإجازات إذا مــاعندي جــامعه أدلع نفسي وأشتري الملابس اللي كنت أبــاهــا,,,أمـــا أوقات الدراسه إذا كنت أريد أدلع روحــي أسير المكتبه وأشتري كتب :) وطبعــاً من مصروفي الشهــري,,,

\\
\\\
\\
\\\
\\


يعطيك الــعافيه أخوي,,,,ومــواضيعك مــرحه :)

[Omar Al Hazaa]

بسم الله الرحمن الرحيم..

عليكم السلام ورحمة الله وبركاته اخوي محمد..

اخوي.. موضوعك حلو وحساس..

والبنات مصخوها واااايد هالأيام..

مادري من وين ابتدي والله..

هل اتكلم عن الي يصرفونه الحريم على نفسهم..

مثل 1-حفلات الاعراس الي يخسرون عليها بالملاين (وفنهاية العرس كل شي ينغل فالزباله)

2- وحق كل عرس ولا حفله أو خطوبه لازم فستان خاص

فشيله اذا البنت تلبس نفس الفستان مرتين هههههه..
وسمعت خالتي اتهاوش بنتها لأنها كانت تبي فستان اب 10 الاف!! يعني لو 5 او 6 بيكون معقول!!!
(اذا حق كل عرلاس فستان! عيل كم بتصرف البنت!)

قال تعالى (ولاتسرفو ان الله لايحب المسرفين)

3-حق كل مناسبه لازم مكياج واستشوار فالصالون..

4-وفي حريم شغلتهم انهم بس يدورون فالاسواق ويشترون اشياء اهم اصلاً مب محتاجين لها..

5- مانبي ننسى الحريم الي يسافرون دول ثانيه ويتعبون ريايلهم بس عشان يتسوقون ويتميزون عن غيرهم!!
هالشي ارحم؟؟

\
/
\
/
\

والحين بعض البنات قاموا يتفلسفون ويصرفون على غيرهم من فلوس اهلهم!!

الحين انا اشوف امي شلون تصرف؟؟ على الي يسمونه الحريم (توجب!!)

1-اذا رفيجتها ولا بنت رفيجتها كانت مربيه

2-اذا رفيجتها ولا بنت رفيجتها ولا أي وحده (أو واحد) من الجماعه هههه تزوجوا (وهالترتيب يشمل النقاط الثانيه كلها)

3-اذا رفيجتها انزلت بيت جديد

4-اذا وحده جات من العمره والحج

6-حفلة نجاح البنت أو الولد فالمدرسه ولا الجامعه..

7-النقوط فالأعراس.. والاعراس لاتعد ولا تحصى هههه..

\
/
\
/
\
/

اوكي بنقول هالشي ضروري وعيب وحرام اذا البنت ماقامت توجب غيرها..

عيل احنا الريايل ليش مانسوي حق ربعنا هالشي؟؟
هاي يدل على ان بعض البنات عقولهم ناقصه..

والمشكله اذا البنت ماعنهدا فلوس وقامت اتضايق اهلها وتاخذ منهم فلوس بس عشان ربعها؟؟
وعشان ماتكون اقل من غيرها؟؟

هاي ضعف فالشخصيه والله..

والمشكله ان بعض البنات وايد يألفون!!

مثلاً وحده تقول حق رفيجتها زوجي شرالي ساعه غاليه وعقد الماس وفالصيف بيسفرني اغلى مكان فالعالم! والخخخخ!
وزوجها ماشرى لها شي.. بس عشان تفوشر وتحر ربعها وتكون مافوقها فوق ههههه..

وتقوم الثانيه وتصدق رفيجتها وتروح تحن على زوجها وتقوله
ترا رفيجتي زوجها شرا لها كذا وكذا واهيه مب احسن مني..
بكل هالغباء تروح وتصدق رفيجتها..

والمتضرر الوحيد المسكين اهوه الزوج..
راسه يعوره من الحنه.. وافلوسه اتطير هههه..

/
\
/
\
/

كل هالمشاكل الي راحت الحمدلله احنا مرتاحين منها كا شباب..

لاكن ماسلمنا والله..

وقبل لانسافر فالصيف.. امي تقعد تحاتي (((الصوايغ)))

ولما نسافر نقول حق مي نبي نطلع نبي نتمشى.. تقول اهيه وخالاتي نبي السوق نبي المحلات ههههه

انزين نبي نروح الالعاب نبي نروح الحدايق.. خلصت الفلوس وماتم شي حق الصوايغ!!!
لا بعد حطوا جدول وعاد انه الحين بيكون عادل هههه(يوم حق السوق ويوم نتمشى)

والله لو خسروا فلوس الصوايغ علينا جان قعدنا في فندق 10 نجوم هههه

لاكن شنسوي لازم نصبر.. والحمدلله صرنا مانهتم في هالدنيا الصغيره الفانيه..

/
\
/
\
/
\

وفالنهايه احب اقول حق الشباب الي داخلين على الزواج..
لاتعطون حريمكم ويه.. وانفقوا عليهم باعتدال..

يعني عود زوجتك على هالشي من وقت الملجه..
مب وقت الملجه تعطيها وتصرف عليها بدون حساب وبعد الزواج تغير ترتيبك معاها..
لأنك اذا عودتها على شي من البدايه لازم تستمر عليه ولا بتطلع لك مشاااكل كثيره..

والسموحه على الاطاله..

[Mohammed Al-haddad]

كلامكم اختي S.S.Ahmed و اخوي عمر صراحة يعجبني وايد و مقنع لكن بس في نقطة اختي S.S.Ahmed اوكي احنا نحترم طبيعة البنت وحاجتها لملابس وايد بس مو تمصخها ماخذ السوق كله ويايه البنات احس ان عندهم هواية مثل تجميع الطوابع تجميع الثياب ( لا اقصد اي اهانة مو تقولن قاعد يتطنز )

[S.S.Ahmed]

هههههههههههههههههههههههه

معــك حــق أخــوي محمد

البعض يبــالغ فــي الشراء,,,,ولكــن -وأنــا مــاأبي أغير مجرى الموضوع- وعشــان نكون منصفين, مــاتظــن إن الشباب يبالغون في أمور أخرى,,,,مثلاً أرقام السيارات :)


وأنــا قلت لك الحـــل لقضية الإسراف في الملابس...

وهـــي تربية الفتاة على الإقتصــاد في المصروف,,,,وبجيه راح تشتري الأشياء الضرورية واللي هي محتاجتهم...

[khaled Al-Marri]

كلامك صحيح اخوي ..

ومشكوور على الموضوع ..

ويعطيك الف عافية ..

[Mohammed Al-haddad]

اختي S.S.Ahmed سمعنا إلى الحين رأي واحد و عطيتنا حل بس ما يصير نحكم بناء على رأي بنت وحده من البنات هني نكون ظلمناهم

سؤال هل من الممكن وجود حلول اخرى ؟

بس هل كل البنات ملزمين او مقيدين بحد معين من المصروف الشهري ( لا اظن ) مع هذه الحالة شنو الحل ؟

الحين احنا قاعدين نتناقش لكن هل هذا الحل المطروح يطبق فعلاً او مجرد كلام ( لا اقصد احد ) ؟

إذا طبق هذا الحل هل كل البنات راح يرضون فيه ( ما بيعورن راس أهلهم و يحنون) ؟

[N.A]

لول مشيت عالسريع عالموضوع
بس مافي صالون يقص شعر بـ 50 كل شي صار غالي
الحين السشوار العادي 120 @@ لا وفي صالون كحيان.. والله بطلت عيني ذاك اليوم
لو مسشورته في الرتز احسن لي هـع نفس السعر XD

[Omar Al Hazaa]

اختي N..

حتى لو كان الاستشوار اب 200 ولا 400 ريال..

هاي مب عذر عشان البنت تخسر فلوسها..
على شعر بينغسل وعلى مكياج بينمسح وعلى فستان بتقطه بعد العرس فالكبت..

حق اعراس الاهل اوكي خل يسون هالشي..

لاكن البنات قاموا يسون هالشي في كل مناسبه..
واعذار بعض البنات تكون (عشان اكون حلوه ويخطبوني هههههه)

[Mohsin Al-shaikh]

الموضوع مالا نهاية...> لو تقعدون من ليوم لين بكرة البنت ماتتغير تحب الزينة وتحب تتباها..

صراحه كل وحده وعلى حسب ضروفها المادية وكيف تربت..والتربية شي ضروري ...

وعلى الشخص المقبل على حياة الزوجية ان يختار المراءة التي تقدر ضروف زوجها.. الاختيار السليم..قولهي تعالي - { أن المبذريين كانوا أخوان الشياطيين }.

[Sh.W]

اختي N..

حتى لو كان الاستشوار اب 200 ولا 400 ريال..

هاي مب عذر عشان البنت تخسر فلوسها..
على شعر بينغسل وعلى مكياج بينمسح وعلى فستان بتقطه بعد العرس فالكبت..

حق اعراس الاهل اوكي خل يسون هالشي..

لاكن البنات قاموا يسون هالشي في كل مناسبه..
واعذار بعض البنات تكون (عشان اكون حلوه ويخطبوني هههههه)

معاااااااك حق في هالنقطة،، اذا لكل مناسبة ما له داعي

[Dana Al-Kuwari]

اييييييييييه
ذكرتني بايامي فالدوحه ايام الثانويه.
من الساعه 3 العصر تلاقيني ماخذه شاور وساعتين وربع على شعري كان طويل والله.
وميك اب وساعتين انقي شالبس واتمخطر في هالبيت ماعندي شغل الا مجابله المرايه..
اقعد فالبيت اسلم على عم وخال وخاله..
يجي المغرب اطلع واروح السوق اخم الاولي والتالي. الي ناقصني ولي مب ناقصني.
كنت برنسيسه والله و 24 ساعه متعدله مادري شعندي هههه


حالياً والله شخصيتي تغيرت وابتعدت كل البعد عن الماضي.
المكياج قل عن قبل نظراً للحياه الطلابيه البحته والضيقه الي اعيشها.
اللبس صار جينز وشيرتات وجاكيتات و وينك يالباااب.
الشعر من عقب ماكان يسحب قصينه وخلصنا لا ربطات ولا غيره .
دايماً هدد واخليه ناتيورال.

يعني تقدر تقول كل الميزانيه قلت بشكل عنيف ههههههههههههه

نفس الوضع يكون فالدوحه.
مالي بارض اشيل شنطه واتدلع فيها مثل مايسوون البعض واخرتها فالبيت تتراقع ويا خواتها بالنعل فالمطبخ :)

سويج وبوك وايد بعد وزين مني اني اشيله من الحر الوحده مالها مزاج استغفر الله تحط شيله على راسها.
برى مرتاحين نحط كل شي في مخبى الجينز ولا فالجاكيت .. بس فالدوحه صعبه عباه وشيله وغثى.

بشكل عام خف الصرف عندي والاسراف وصرت حالي حال الشباب الي تكلمت عنهم.
شي سريع سريع وخلاص ويدبر نفسه من عاشر القوم 7 سنوات صار منهم ههههههه

اذا باسرف باسرف. يكون فالساعات