ياليت اخواني تساعدوني

[L.E]

انا عضوة جديدة وابي منكم مساعدة انا حابة ادرس برا طبعا اكمل لأن عندي دبلوم ادارة اعمال من معهد ادارة التنمية ومحتارة بين جامعتين الاكاديمية العربية للعلوم والتنكنولجيا والنقل البحري في مصر وجامعة العلوم التطبيقية في الاردن
ياريت اللي عنده خبرة او تجربة من اي هالدولتين تنصحوني فيه وين افضل لي الاردن او مصر من ناحية سهولة الدراسة والتعامل والتخرج بسرعة والنفسية اي احد عنده او احد من هله يدرس في مصر يقولي ووين ينصحني ادرس بس ابي بسرعة وضروووري

ويعطيكم العافية

[L.E]

ولا رد عاد :(

[Omar Al Hazaa]

بسم الله الرحمن الرحيم..

مرحبا اختي L.E

اول شي هدي اعصابج..
انتي حاطه موضوعج الساعه 10 وهذا وقت نوم(بالنسبه لي وقت النوم يكون الساعه 9 هههه)

والصبح وقت دوامات محد يدخل النت..
يعني لاتستعيلين ..


وثاني شي ليش ماتكملين دراستج في قطر؟

شفيهم البنات كلهم يبون يروحون برا هههه..

اما بخصوص الاردن..
واحد من ربعي يدرس فيها..
و يقول هناك مايحبون الخليجيين..

عاد اهوه يلبس بدله ومحد يعرفه هههه..

اما مصر..
انا رحتها مرتين كا سياحه..
وكانت حلوه وايد واستانسنا فيها..
ويقولون الدراسه فيها بالعربي..
بس جامعاتهم خلط!

شوفي الي يناسبج..
والي يرضي ربج..
ولاتنسين صلاة الاستخاره..
وبالتوفيق ان شاءالله..

[L.E]

يعطيك الف عافية اخوي عمر على الرد

والله لو عندي ذرة امل في الدراسة هني ماكان تعبت وبحثت جامعات برا لأني خريجة معهد التنمية الادارية وهني عندنا مايعادلون ساعاتها وكل الطلاب اللي درسو معاي كملو برا لأن هني مافي وبما ان ان شاءالله بيعطوني تفرغ من جهة عملي بأذن الله بكمل الدراسة برا ولأني مضطرة مافي احد يحب الغربة يا عمر :( بس شنسوي هذا الحظ

يارييت تفيدني اذا عندك فكرة عن جامعات مصر مثل 6 اكتوبر وهل هي معترفة عندنا لأني تعبت اسأل ولا حصلت جواب من الجهات الرسمية

اشكرك مرة ثانية

[Omar Al Hazaa]

الله يعافيج اختي..

اختي لاتقولين مافي امل..
لأن الامل دايماً يكون موجود..

وهاي مب بس مشكلتج انتي.. حتى البنات الي يدرسون عن طريق البترول متوهقين ولازم يروحون برا ولا ياخذون جامعات بالأنتساب..

احنا الحمدلله حكومتنا ماقصرت وافتحوا الجامعات الاجنبيه الكبيره في قطر..
لاكن شلون مايقبلون بناتنا؟؟ (مع اني ضد الخلط واشوفه حرام لاكن اذا كان في قطر افضل من الي برا قطر)
شنو قوانين هالجامعات؟؟

ليكون بنوها عشان نتفرج عليها؟؟؟

وحتى الجسر الاكاديمي حاطين له شروط مالها داعي؟؟ جيب 470 فالتوفل عشان عشان تدرس اللغه!!

لازم يشوفون لهم حل.. ولازم المسؤولين يشدون حيلهم اكثر..

واحنا مانرضى ان بناتنا يروحون ويتغربون برا في دول اجنبيه وجامعات خلط..

هالشي ماراح ارضاه حق خواتي الصغار فالمستقبل..
ومابرضاه حق بناتي بعد..

اختي نصيحتي لج اقعدي في قطر..

اما بخصوص جامعة 6 اكتوبر..
انا ماعندي معلومات عن الدراسه في مصر..

والشباب يقولون ان كل الجامعات العربيه الحكوميه يكون مُعترف..

لاكن اتصلي حق المجلس الاعلى و تأكدي منهم..
لأنهم ساعات يغيرون اللستات عندهم ويبهدلون الطلاب..

اختي حاولي تدرسين في قطر ترا الجامعات وايد!!

ومايصير بس يعطونكم خيار واحد.. الي اهوه خيار الدراسه برا..

اختي استعيني بالدعاء والاستخاره..
والله يوفقج وان شاءالله تحصلين الشهادات العاليه فالدنيا والاخره..

واذا تم عندج استفسارات قوليها ولاتستحين..

[A.A.Almannai]

السلام عليكم عزيزتي روحي المجلس الاعلى للتعليم وهم بيفيدونج بالجامعات العربيه الي معترف فيها

[L.E]

اخوي عمر ... نصيحتك على عيني وراسي بس احيانا ينجبر الانسان على فعل شيئ وصدقني حاولت وايد هني لأني خريجة معهد ادارة التنمية دفعة عربي ادارة اعمال وحاولت بجامعتنا وغيرها طبعا جامعاتنا اغلبها صارت باللغة الانجليزية يعني ماقدر اكمل فيها الا من الصفر وتنلغي ساعاتي وبحثت في الموضوع وايد ومثل ماقلت لك الدفعة اللي معاي يا انهم اكتفوا بالدبلوما وبعضهم كملو برا بالاردن يعني شي اضطراري وشكرا على الرد

اختي الجازي .. المجلس الاعلى ماله دخل بالجامعات العربية فقط بالجامعات الاجنبية وشكرا على الرد

[Omar Al Hazaa]

عفواً اختي L.

انا فاهمج وهذي مب غلطتج انتي..
لاكن غلطة المسؤولين عن التعليم الي مابنوا جامعات اتدرس بالعربي فالبلاد!

وتذكري..
أي خطوه تخطينها في حياتج لازم ربج يكون راضي عنها..

والله يوفقج ويسهل عليج امورج فالدنيا والاخره..

[Mohammed ALBebs]

السلام عليكم \

الاخت L.E
انا ممكن اني انصحك انك تتصل مع شخص مختص بتحصيل قبولات في بريطانيا وهو اكيد بيعرف اسم الجامعات المعترف فيها وهو جبلي قبول وانا الحين ادرس في مدينة كيمبريدج وان شاء الله الله يوفقك بامكانك ارسال ايميل لي على الخاص لازودك برقم او عنوان هذا الشخص

[Dana Al-Kuwari]

بس جامعاتهم خلط!
.


هههههههههههههههههههههههههههههههه

ضحكتني ضحك.. ماله حد
الله يهديك يا عمر. البنت تقولك بادرس برى يعني برى !!
وتقولي خلط وما خلط؟؟؟؟؟؟

الي حاطه في بالها تدرس برى شي طبيعي متقبله فكره الخلط..

ياحليلك يا عمر والله

اما بالنسبه لسوالج اختي عن الجو والنفسيه او اذا نعرف حد متخرج من مصر ولا الاردن..
فا الاجابه نعم..

واحد من الاهل يدرس في مصر.
كان قطو مغمض فالدوحه ويستحي من ظله. الحين يحط عينه في عين اكبر بني ادم قدامه
واسلوبه صار دايخ وسوقي. وكل شي عنده عبط وضحك وصاير تافه بزياده

الله واعلم. بس معروفه مصر؟؟
يعني سهرات. يعني خليجيين. يعني كابريهات على قولتهم وهلما جرا..
يعني الناس الي بتكونين حولهم انتي كا بنت امممم
مادري بس احس العالم اهناك او بالاحري خريجين مصر مش ولا بد . والسبب الاينفايرمنت الي قعدوا فيها 4 سنين او 3

مادري بس انا شخصياً ما شجع مصر ..

بخصوص الاردن ولد خالتي فيها .
في وين ياربي اربد جنه شي جي برى العاصمه.
ويقول الدكاتره نفسهم خايسه علينا " كا خليجيين"
اوافق كلام عمر .
عاد ذاك رايح بموتر ولوحه قطريه وشوفوني. قالوا تعال نعلمك السقوط شلون شكله.
بس ماشي اشوفه صارت له شويت مشاكل وشكله قدر يتفاداها ..
الله واعلم يدفع شي ههههههه

بالنسبه لج انتي كا بنت . انا اشوف الدراسه في لبنان احسن واحلى وبلد راقيه وشعب مذوق
بس في ظل الاوقات الراهنه ماشجع. راحت ايام الدراسه في بيروت.

بتوين مصر والاردن.
انا ارشح الاردن بما انها اخف زحمه وانظف واشرح لو كنتي تبين الامان والنظافه.
تبين فهلوه تبين ماتتمللين خير شر في حياتج عندج مصر . منها دراسه ومنها توسيع صدر بس البيئه مش ولا بد.

واذا تبين رايي..
لو قلتيلي فرنسا او نيوزلندا باقولج والله ياحي الحياه وتستاهل العنا والغربه .
بس السالفه سالفت مصر والاردن ماشوفهم يسوون الغربه .. واحس الشهادات الي في قطر خصوصاً فالجامعات
الراقيه الي انفتحت اقوى واحسن..

[Omar Al Hazaa]

اختي دانه انا قلت ان الجامعات خلط كنوع من التذكير..

قال تعالى(وذكر فأن الذكرى تنفع المؤمنين)