الماستر

[Jassim Al-Naama]

السلام عليكم ورحمة الله وبركاته

صحيح تو الناس على التخرج .. لكن ناوي ان شاء الله اكمل المستر على طول بعد لتخرج او اشتغل سنة واروح اكمل ..

عدة استفسارات عندي عن الماستر :

هل مطلوبة درجات ايضاً معينة بالتوفل او الايلز للماستر ؟

كم مدة الماستر في : أمريكا وا كندا ؟ هل يعتمد على الجامعة ؟

لو فرضنا عندي درجات اللغة اللي تأهلني للماستر .. ولكن مثلا درجة التوفل او الايلز قديمة .. هل تقبل والا لازم امتحن مرة ثانية ؟


هل اجباري اخذ لغة قبل الماستر وتكون ضمن البرنامج .؟ أو ابدأ الدراسة للمواد على طول ؟ :)

اسئلة احترت فيها واتمنى القى الاجابة عندكم :)

[Mohammed ALBebs]

السلام عليكم

هلا اخوي جاسم والله انا على حد علمي انك لازم تكون اخد امتحان الايليس حديثا ومعدلك فيه ستة ونص

ومدة الماستر بتعتمد على الجامعة اللي تبي دراستها ولازم اولا تقدم الايليس وبعدين تقدم الماستر وانا هيك

صار معي واذا حبيت ابعثلي ايميلك على الخاص ممكن ازودك بالمعلومات اللي بتساعدك لتقدم امتحانك
والله يوفقك

[Jassim Al-Naama]

عليكم السلام

يعطيك العافية اخوي محمد .. لحين تو الناس على تخرجي يمكن الصيف الجاي أبدأ ارتب اوراقي واجهز نفسي واقدم باذن الله قبل التخرج بسنة على الأكثر ^^

بالنبة للايلز .. انا قدمته من 3 سنوات واخذت فيه 7 .. وعشان جي كنت أسأل اذا لازم اقدمه مرة ثانية او تكفي الدرجة الأولى

والله يكتب اللي فيه الخير :)

والعزم ان شاء الله أميركا وبالتحديد بحاول أقدم على جورجتاون وبعدها باقي الجامعات للبزنس سكوول وان شاء الله خير ^6

[J.H.Al-Qahtani]

السلام عليكم...


التوفل تقريبا 600 والايلز حوالي ال6 ونص...

بس الحلو في برامج الماستر...انهم يمشون سالفة الأنجليزي...يعني حتى لو ماجبت الدرجة المطلوبه ..فبيخيرونك بقبول مشروط او انك تاخذ كورسين او كورس لغة اثناء الدارسة نفسها...

وإذا انت متخرج من جامعة امريكية او اجنبيه تكون اللغة الأنجليزيه هي الأساس..فيطيح عنك التوفل ....
الماستر بامريكا حوالي السنتين او السنه والنصف.....وغالبا على حسب البرنامج لانه إذا بتاخذ كورسات بس من غير اطروحة فبتكون الدراسة اقصر...وانت وشطارتك...وعلى حسب عدد الساعات اللي تاخذها...

بكندا..ومن بحثي من فترة...اقصر فترةه كانت سنتين ونص.......والدكتوراة 5-6 سنوات...


انت تقدر تستخدم التوفل القديم...لانه اثبات انك متمكن من الأنجليزي....وهاي اهم شي عندهم مو مهم إذا كان جديد او قديم...>> على حسب الكلام اللي وصلني من بعض الجامعات اللي راسلتهم

بخصوص الكورسات...يعتمد على نوعية البرنامج نفسه...إذا يتطلب لغة قويه مثل القانون والفلسفة...وتقدر اتنسق مع الادفايزر انك لو تبي تاخذ كورسات تحضيريه للماستر او كورسات الماستر نفسها ...يعني انت تحط البرنامج مع المرشد...او المنسق...


للعلم...بعض الجامعات تشترط معدل عالي..وامتحان الGRE,,,بس انت لو عندك احد الأثنين وضمان مالي...خلاص.قبولك بالجيب بإذن الله...لانه الجامعة تعطي منح لطلاب الدراسات العليا فلعشان جي رافعين الستاندرز...بس لو الضمان المالي بجيبك...خلاص....امروك سهالات ان شاء الله لو بهارفرد... اهم شي تذكر في الأبليكيشن انه عندك سبونسرك الخاص...



موفق يارب

[Jassim Al-Naama]

أختي القحطاني : يعطيج العافية وماقصرتي :)

ببدأ من الصيف ان شاء الله بالتحضير لامتحانات الماستر .. وبشوف امتحان الــ GRE مع أني اول مرة اسمع عنه !! ؟

بالنسبة للضمان المالي الحمدلله بنسبة 70 % لقيت سبونسر للماستر وان شاء الله خير ..
ببدأ أراسل الجامعات من اللحين صحيح تو الناس على الموضوع لكن .. مابي اتخرج بعد سنتين واتوهق .. اخلص اموري من اللحين وارتاح بعدين واقدر اكمل على طول ان شاء الله

بالنسبة للغة .. العزم اني اقدم مرة ثانية الامتحانات لأن ماودي اخذ كورسات انجليزي مرة ثانية .. :) بحاول اختصر الوقت قد ماقدر واتخرج بأسرع وقت ممكن

وجزاج الله خير وماقصرتي :)

[Jassim Al-Naama]

انزين

استفسار ثاني للي عندهم معلومات عن ماستر امريكا

لازم وورك اكسبيرينس ؟ والا ممكن الشهادات التطوعية او المؤتمرات تكفي ؟ .. ودي اكمل الدراسة على طول بعد التخرج وما أتأخر لان عارف نفسي

بتم بالدوحة -- مني مناك تمر سنتين .. ثلاث .. اربع وبس !! انتهى حلم الدراسات العليا >< خاصة ان امس سألت عن الماستر بجامعة قطر . يقولون مطلوب 500 توفل !! طالعت الدكتور ة !! باستغراب ! وليش 500 ؟؟؟؟؟؟؟؟

قالت عشان اندخل كل الطلبة القطريين !! قلت ايوا بس هاي ماستر مب باكالوريوس ! لازم على الاقل 550 لاتحسسون الطلبة بالاستهزاء من برنامج الماستر اللي عندكم -- بالنهاية اسمه ماستر ولازم الطالب يتعب فيه عشان يحصل الدرجات المطلوبة مانبي ناس تطلع لسوق العمل بشهادة ماستر واللغة عندها اي كلام والمعلومات نفس الشيء .. سألت عن المواد قالت كذا وكذا .. قلت هذول اخذهم اللحين بالجامعة .. قالت اي بس مطور !!.. !! قلت اوك يعطيج العافية وطلعت ! وتتكنسل فكرة اكمل ماستر بالدوووووووحة نهائيا

وطبعا احترم كل الطلبة اللي يكملون الماستر الجامعة عندنا بس مادري احس ماراح يأهل الطلبة بقوة لدخول سوق العمل والله أعلم .. وافضل دراسته بالخارج


اللحين ::

هل كل جامعات أميركا تطلب الوورك اكسبيرين والا ؟؟ وكم المعدلات المطلوبة بالجامعة .. الجي بي اي ؟

شكراً

[J.H.Al-Qahtani]

there is a GRE course in qatar (basically it is math and english-unless you are taking the subject one). i am planning enshallah to take it this summer if my plan A didn't work out.

some schools recommend that you take it but it is not mandatory!!..while for other schools it is a must.

any way..

well..u don't need any work experience or any volunteer work in order to apply for MS program.

as a minumm GPA is 3..but some schools accept 2.75 with additional conditions

and they need 600 in tofel or near to it.
6.5 in IELTS
and u need 2 to 3 recommendation letter
and your financial statement

that is all..


(sorry for typing in english...)

[Dana Al-Kuwari]

انا الي اعرفه انك كنت في استراليا يا جاسم وطقيت..
شكلك تبي تعيد الكره.

قطريه 100٪ ها ؟؟
هههههههههههههههههههه


موفق عزيزي وعلى هالخشم انت بس عزم وانشالله كل شي بوقته حلو.

[Sharifa Al-Nisf]

انتهى حلم الدراسات العليا >< خاصة ان امس سألت عن الماستر بجامعة قطر . يقولون مطلوب 500 توفل !! طالعت الدكتور ة !! باستغراب ! وليش 500 ؟؟؟؟؟؟؟؟

قالت عشان اندخل كل الطلبة القطريين !! قلت ايوا بس هاي ماستر مب باكالوريوس ! لازم على الاقل 550 لاتحسسون الطلبة بالاستهزاء من برنامج الماستر اللي عندكم -- بالنهاية اسمه ماستر ولازم الطالب يتعب فيه عشان يحصل الدرجات المطلوبة


... بالعكس أنا مع قرار الجامعة ان 500 درجة للماستر، وبداية جيدة ومدروسة...


... يعني احنا لحقنا على الجسر والدراسة بالانجليزي ( < وكنا نشوف 530 تعجيزية!) ...


... لكن فكر في الدفعات قبل 2003 كانت دراستهم كلها بالعربي،،( فـ 500 لبعضهم تعجيزية! )...


.. عمر التوفل ماكان مقياس للغة شخص...


... فالبداية بـ 500 حلوة،، واشجع رغبتهم في التسهيل على القطريين لدراسة الماستر...


... وبالنسبة للمواد اللي تاخذها الحين،، لأن خطتك جديدة ومطورة،، بس الخطط القديمة ماخذوا هالمواد،، وأكيد ليما توصل لمرحلة الماجستير بتزيد المواد وبتتخصص أكثر...

:)

.
.
.


... أعلنوا من كم يوم عن برنامج ماجستير وايد حلو من كلية الدراسات الاسلامية في المدينة التعليمية في التمويل الاسلامي بيبدا السنة الجاية إن شاء الله ...