باختصار .. نحن فخر قطر !!

[Abdulla Al-Malki]

السلام عليكم ورحمة الله وبركاته

اللهم لك الحمد لما ينبغي لجلال وجهك وعظيم سلطانك !!! :)


29-4 يوم يسطر في تاريخ الطلبه القطريين في ليدز .. باختصار هو عيد لكل القطريين في بريطانيا ..

الحمد لله تم الانتهاء من المعرض القطري الثقافي الثاني بنجاح "مبهر" و " مميز " كالعاده ..

الكل كان حاط في مخيلته ان المعرض راح يكون احسن من السنه اللي فاتت .. وفعلا طلبتنا ما خيبوا الظن ..

افتتاح مثالي للمعرض ..ثم الافتتاح الرسمي.. ومن ثم توافد عدد كبير من الزوار بشكل ما ينوصف .. لدرجه ان في بعض ساعات المعرض "مالك محط رجل" ..

شكراً للشخصيات الكبيره التي شرفت المعرض بحضورها ..
شكراً لكل الداعمين للمعرض ..
شكراً لمجلس ادارة النادي وعلى راسهم اخوي سلطان ..
شكراً للشبكة الطلبه القطريين ..

واكبر شكر ..لكل طالب وطالبه في النادي القطري على جهودهم .. تعبتوا .. لكن ولله الحمد جت ثمرة النجاح .. اللي انستنا سهر وتعب ليالي وايام..

ما ابي اكثر الكلام .. ولا احرق عليكم المعرض .. بس هذي مجرد فضفضه ..


وترقبوا التقرير الكامل للحدث بكل جوانبه من البدايه الى النهايه .. لنحكي لكم تفاصيل قصة "كان يا مكان"..

كلمة اخيره ..في المعرض اللي فات كنا انقول ان اسم المعرض صار من .. نفتخر كوننا قطريون الى قطر تفتخر بنا ..



السنه .. وبشهادة الجميع :

"نحن فخر قطر "!!

http://img512.imageshack.us/img512/8757/dsc02862copyxt1.jpg

[Abdulla Al-Mohannadi]

بسم الله الرحمن الرحيم

ماقدر الا اقول كفيتوا ووفيتوا ياهل ليدز المحترمين أثلجتم صدورنا بهذا الأبداع...
ولا اقول لي عوده ان شاء الله (هذي عشانك يابوبراهيم) :) لأن الكلام مايوفي في حقكم ..

ونحن بصدد التقرير ... وتسلم يابوبراهيم على هاي الطرح المشوق للتقرير

ودمتم بخير

[Mohammed Al-Buainaine]

نعم.. انتم فخر قطر,,
:)
مو قليل ابداً اللي انجزتوه, وتعبتوا عليه وسهرتوا ليالي وانتوا تحضرون له
انا مو ندمان الا على شي واحد, اني ماحضرت المعرض !
بس بشهادة الكل, كفيتوا ووفيتوا ياعيال قطر وماقصرتوا.. يعطيكم العافية على جهودكم الجبارة هالسنة, والسنة اللي طافت..

واحنا بإنتظار التقرير الكامل على احر من الجمر :15:

[G.Rashid]

كفيتـوا و وفيتوا ..
بانتظار التقرير :)

[Abdulrahman Al-Menhali]

يستاهلون طلاب وطالبات ليدز ان يكونون فخر قطر

ونترقب تقريرك اخوي عبدالله :)

[Abdulla Al-Malki]

مشكورين كلكم ..

للرفع ..