الأنـفـتـاح والـمـجـتـمـع

[Ahmed Al-Ali]

بسم الله الرحمن الرحيم

السلام عليكم ورحمة الله وبركاته

بعد دخولنا الالفيه الثالثه تطورت الدوله من الناحيه العمرانيه ، الاقتصاديه ، والتعليميه ولكن صاحب هذا التطور تغيير للمجتمع وسُمي هالتغيير بالأنفتااح.

نحن مع الأنفتااح ولكن بقيود الدين والعادات والتقاليد، وللأسف الشديد تكاد هذه القيود تختفي شيئا فشيئا..

نقاط المناقشه:
1- الأختلاط (الزماله)
2- اللبس


أولا الأختلاط:
الأختلاط يجب ان يكون في حدود العمل او الدراسه ويكون مليئ بالأحترام مابين الطرفين ، ولاشيئ سوا الأحترام .. ولكن للأسف يكاد القلب ان يحترق من الحراره ، وشاب الرأس بما رات العينين ، وأصبحت كلمه "الزماله" عذر لذنبٍ لاعذر له. فيتبادل الجنسين الضحكات وكلمات فيها من الغزل ، وتبدأ الاتصالات والمكالمات ويصبح هذاا كله بعذر الزماله.


ثانيا اللبس:
من ناحيه الشباب نشكر الله ونحمده ، شبابنا لحد الآن محافظ على لباسه التقليدي بعكس شباب بعض الدول المجاوره.
أما البنات فحدث ولا حرج ، أصبحت العباءه فستان يتزينون به ، فصارت مليئه بألوان تلفت الانظار ، وتطرز بأشكال الفراشات ومزخرفه بالرسومات. والوجه مليئ بمعدات التجميل من بودره ومسكره وشادو .. الخ
للأسف الشديد اصبحت البنت تستغل الاختلاط و الانفتاح لتغري من يحيطها من الشبان.

وهذا لاينطبق على كل البنات ، والله في بنات شوفتهم تسر البال والخاطر ، متحجبات محترمات وان تواجدن بمواقع الاختلاط.

متشوق لرؤيه آرائكم :)

[N . A . AL-KORBI]

بالبداية احب اشكرك اخوي على الموضوع الرائع

سلمت يمناك ودمت في حفظ الله ورعايته

اكيد عندي وجهة نظر ، إن شاء الله لي عوده .

[Nasser Al-Emadi]

يعطيك العافية اخوي احمد ,

اللي صاير اليوم اكبر من مسألة اختلاط ولبس
اليوم وبسبب العولمة بدأت المجتمعات تفقد هويتها وفكرها
صار الدين عبارة عن عادات , والعادات صارت شي من التراث

نرجع للاختلاط والاستغلال السيء له ,
الأسباب كثيرة منها :
تأخر سن الزواج لكلا الطرفين الشاب والشابة ,
وهذا يؤدي للفراغ العاطفي عند البعض او الغالبية ,
ولا شك بأن هذا نوع من التأثر سواء بالأفلام أو الفيديوكليبات أو حتى الغريزة والشهوات تلعب دورها ..

أما اللبس
فالشباب والفتيات فيه سواء ,
بعض الشباب تخلوا عن الثوب والغترة اللذان يعكسان هويتهم ,
فأبدلوه بالجينز الديرتي ,
وما نراه من الفتيات الغير محتشمات لا يعكسن صورة كل الفتيات ,
فأصبح الحجاب عندهن من العادات , والنفاخة فوق رؤوسهن موضة , وإظهار القدلة لا بأس فيه ..

اليوم الكثيرين مهزوزين في دينهم , لهذا بدأوا بالتأثر والإعجاب بالنماذج الغربية ,
لهذا نحتاج إلى تعزيز هويتنا والثبات عليها حتى لا ننجرف مع التيار الغربي ..

وختاماً أذكر بحديث رسول الله صلى الله عليه وسلم حيث يقول :
"أوصيكم بتقوى الله والسمع والطاعة وإن عبدا حبشيا ،
فإنه من يعش منكم بعدي فسيرى اختلافا كثيرا ،
فعليكم بسنتي وسنة الخلفاء المهديين الراشدين تمسكوا بها ، وعضوا عليها بالنواجذ"

وآسف على الإطالة ..

[Ahmed Al-Ali]

السلام عليكم ورحمة الله وبركاته

ننتظر رايج اختي الكربي :)



اليوم الكثيرين مهزوزين في دينهم , لهذا بدأوا بالتأثر والإعجاب بالنماذج الغربية ,
لهذا نحتاج إلى تعزيز هويتنا والثبات عليها حتى لا ننجرف مع التيار الغربي ..

وختاماً أذكر بحديث رسول الله صلى الله عليه وسلم حيث يقول :
"أوصيكم بتقوى الله والسمع والطاعة وإن عبدا حبشيا ،
فإنه من يعش منكم بعدي فسيرى اختلافا كثيرا ،
فعليكم بسنتي وسنة الخلفاء المهديين الراشدين تمسكوا بها ، وعضوا عليها بالنواجذ"



صدق رسول الله صلى الله عليه وسلم
يعطيك العافيه اخوي ناصر .. رد جميل :)

[Mohammed Al-haddad]

صارحة ما عندي شي جديدي اضيفه صراح الردود كفت وفت

المشكلة انا احنا نطلع او نشتكي من مشاكل عندنا في المجتمع لكن الأهم هو نحصل لها حل مب نتناقش شنو هي المشكلة ومظاهرها

فما ادري اذا في حل ثاني غير ان الواحد او الوحدة تتلتزم بدينها لا تفرط فيه لو شنو يصير العالم كله يتغير لكن عقيدتنا و دينا ثابت ( الإسلام عمره ما كان ضد تطور بالعكس هو معاه لكن لازم الواحد يتم محافظ على بعض الأشياء واهمها دينه أحنا ناخذ الي نبيه من التطور او الغرب و ما ناخذ الي ما نبيه منهم ( الي هو ضد دينا ( الغلط ))

ويعطيك العافبة اخوي احمد على هذا الموضوع المهم

[Omar Al Hazaa]

بسم الله الرحمن الرحيم..

جزاك الله خير اخوي احمد العلي..

انا مابتكلم عن بلاوي الاختلاط الي نسمعها كل يوم << لأنها تجرح المشاعر!! :1639_11196799410:

ومابتكلم عن انواع الملابس الفاضحه الضيقه الي قاموا البنات يتفننون فيها.. :w5rw:

لاكن باخذ الحديث الي جابه اخوي ناصر..

وهذي نهاية الحديث..
(فعليكم بسنتي وسنة الخلفاء المهديين الراشدين تمسكوا بها ، وعضوا عليها بالنواجذ)

ومع احترامي للبنات كلهم
(لاكني اشوف وضيفة البنت فالبيت تربي عيالها ابرك من انها تخليهم عند الخدامه)

المهم.. قولولي فأيام الرسول صلى الله عليه وسلم وفي ايام الخلفاء الراشدين ..
قولولي اذا كان هناك بنت وحده ماسكه لها مركز كبير.. كا وزاره !!
<< طبعاً مافي لأنهم افهموا وظيفة البنت الاساسيه..
سبحان الله هذا الي خلاهم يفتحون العالم..

^
^
شفتوا شلون كل شي مرتبط في بعضه؟

قال تعالى {وقرن في بيوتكن ولا تبرجن تبرج الجاهلية الأولي }.
اجوف الحريم قاعدين فالبيت! يقومون من الفجر حق الشغل حتى قبل الريايل..

ولو كان شغل البنت فيه فايده كبيره ومانقدر نستغني عنه
<< جان الرسول صلى الله عليه وسلم الخلفاء الراشدين شغلوا النساء فالوظايف الكبيره..

قال صلى الله عليه وسلم:( لن يُفْلِحَ قومٌ وَلَّوْا أمْرَهُم امرأةً")
>>واجوف بدينا نفلح وايد الحين هههه<< من الناحيه الاجتماعيه مب الاقتصاديه..

وقال الشيخ عبد الرحمن عبد الخالق>>
:" إن ثمة إجماعا على أن الولاية العامة لا تجوز أن تتولاها المرأه
.. http://www.salafi.net/articles/article2.html <<..وهذا مصدر كلام الشيخ..

وطبعا في ناس يحاولون انهم يطلعون الثغرات؟
لاكن اقول لهم ترا حديث الرسول صلى الله عليه وسلم واضح وايد ..

وكل واحد مسؤول فالمستقبل عن زوجته وبناته..
عشان نقلل من نسبة خروج البنات من البيت..

واحب اقول حق الاعضاء الي تضايقوا من الالوان..
اسمحولي وان شاءالله هالألوان تكون حلوه..
هالألوان شكلها مب بارده.. وان كان فيها لون ماعجبكم قولولي..

وفالنهايه لو البنات اقعدوا فالبيت.. قولوا شنو بنخسر ؟؟
ولا شي والدراسه الي تعلمتها البنت بتساعدها في تدريس عيالها..

اما لو البنت اقعدت فالبيت شنو بنستفيد؟

1-مافي اختلاط ومافي مناضر تجرح العين..

2-ومافي شباب يغازلون لأن مافي بنات برا البيت من الاصل..

3-مافي يهال يتربون على تربية الهنديه ولا الفلبينيه..

4- ومابنشوف بنت تضيع واتطيح في فخ الشباب الفاسد..

5-ومابنشوف شباب تعبان ويدور على الحرام لأنه يشوف بنات مب لابسين عدل..
ويوم اقترحنا لبسوهم ملابس عدله بالغصب مثل السعوديه..
قلتوا لا الاهل اهم الي مسؤولين..
وانا ماقول هالشي مسؤولية الدوله..
لاكن الحركه الي سوتها السعوديه حلوه وايد.. :err:

6-راح يزداد عطاء الشاب لأنه راح يكون مرتاح نفسياً..

7-البنات راح يكونون منتظرين الزواج..
مابتتعذر البنت بدراستها وراح يتوفر الزواج حق الشباب..
ومابيروحون الشباب برا عشان يتزوجون ولا حق الحرام..
واذا توفر الزواج راح تقل نسبة العنوسه..
بكل بساطه راح تشوفون شلون المجتمع بيتطور..

8-اذا اكبرت البنت وماشتغلت مابتحتار في وظيفتها الاساسيه!!
هل اهيه تشتغل لين الظهر وبعدين تنام لين المغرب..
ولا هل اهيه تقعد واتربي عيالها واتدرسهم..
ولا هل اهيه تروح الأعراس والعزايم والحفلات..

9-بتختفي اشياء محرمه وايد والفساد راح يقل..

اما اذا خذنا التفكير الاوروبي والامريكي راح يتحول مجتمعنا الي الأسوء..
وقبل سنه تقريباً كان في مجموعه من النساء العاملات في اوروبا..
يطالبون بوجود حد يصرف عليهم لأنهم يبون يقعدون في بيوتهم..
ونفسياتهم اتعبت ويبون يشوفون عيالهم ويقومون بدور الام..

يابنات افهموا هالكلام عدل..

ويمكن البعض يقولون ترا زمن الرسول غير والحين تطورنا وتقدمنا
احب اقول حق اصحاب هالكلام..
ترا الرسول صلى الله عليه وسلم اهوه قدوتنا..
وحتى لو وصلنا حق عام 5000 ولا عام 200000 .. احنا مأمورين بتباعه.. :err:

وفي قصه بذكرها فالنهايه..
واحد من الشباب المسلمين دخل قطار في لندن..
ووحده انقليزيه شافته اسمر وعربي وجات قربت حذاه على طول..
قالت له انت مسلم؟
قال ايه مسلم!
قالت له تتزوجني؟
قال ليش!
قالت لأن انتوا تصرفون على حريمكم وتهتمون فيهم وايد هههه. :err:

سبحان الله شوفوا تفكير الاجنبيات شلون..
ترا شغل البنت مب شطاره وفن..
عشان البنت تحس نفسها ناقصه ولا فيها عيب اذا ماشتغلت برا البيت!
والي اتقول محتاجه.. الدوله ماتقصر على المحتاجين..

والبنت اصلاً بطبيعتها ناعمة ورقيقه وماتستحمل ضغوطات الشغل والدراسه برا البيت..
مثل بنت خالي نسبتها دايماً تكون فالتسعينات..
بس جاتها حاله السنه الي طافت ليلة الامتحان بالضبط ههههه وقالت خلاص تعبت مابدرس..

وقال الشيخ سليم الجدعاني في محاضرته(بنات غير)
قال في وحده من اثرياء امريكا تملك شركة طيران..
تزوجت اربع مرات وبعدين انتحرت..
شنو الي استفادته من الفلوس والمنصب؟
استفادت الهموم والانتحار.. :w5rw:

ومابي انكر الجانب الأيجابي..
لان في بنات اشتغلوا وكان لهم اثار كبيره والله..
لاكن لازم يقعدون كلهم فالبيت عشان نتجنب الفساد والمشاكل..
ويكون هالشي اتباعاً لقوله تعالى {وقرن في بيوتكن .........}
واتباعاً لحديث الرسول صلى الله عليه وسلم( لن يُفْلِحَ قومٌ وَلَّوْا أمْرَهُم امرأةً")
لأن البنات المحترمات لو خليناهم يشتغلون..
البنات الي مب محترمات بعد راح يشتغلون..
فا الله يغنينا عن شغل البنات كلهم! :err:

لاكن ادري ان هالكلام صار منسي وبقول حق من وبخلي من هههه.
وعلى الاقل راح نستمر في ابداء النصايح..
ومثل ماقلت كل واحد يمسك هله على الاقل..
واذا كانت الام والبنت يشتغلون صعب ان احنا نبعدهم عن الشغل..
لاكن الواحد يقدر يجوف بنته وزوجته فالمستقبل..

وفي وظايف ضروري ان البنت تشتغل فيها..
مثل (التدريس أو دكتورة النساء؟) وبعض الوظائف المشابه..
لاكن اغلب الوظايف مالها داعي ان البنت تشتغل فيها..


واتمنى من البنات انهم يبتعدون عن العصبيه ويقرون الكلام الي كتبته عدل والجلوس فالبيت حق مصلحتهم والله..

[Essa Al-Mansouri]

نقاط المناقشه:
1- الأختلاط (الزماله)
2- اللبس

قبل كل شيء ينبغي تبيان حدود الانفتاح ومرامي أطرافه: هل هي دينية أم اجتماعية؟

سيرد تعليقي على نقطة ال"زمالة" في الردود المقبلة.

أما بخصوص اللبس فالحوار في موجبه يذكرني بعنوان أحد الكتب وهو "القول البته في تحريم لبس الكرافتة". يجب أن نسلم لحقيقة أن المحافظة على اللبس التقليدي ليست جزءاً من الدين. يصعب القول مثلاً بأن الإسلام فرض علينا الثوب الأبيض أو العمامة أو حرم الجاكيت والقميص. وهذا لا يمنع وجود عوامل أخرى تدفع وبشدة في الإتجاه الآخر. على سبيل المثال نرى بأن مما يلزمنا بالتمسك بالملابس الهوية التي نسعى للحفاظ عليها وإعلاء شأنها. نحن لنا هويتنا التي تجذب اهتمام الناس والشعوب فلا ينبغي أن تتحلل هذه الهوية في ال"عويلم" الناشئ من عملية العولمة.

أما بخصوص لباس المرأة فللدين دخل طبعاً والقضية واضحة. مع ذلك نلاحظ بأنه ليست كل محجبة محجبة وليست كل من خلعت الحجاب فاجرة. (http://qataries.net/vb/showthread.php?t=9944)

قال تعالى {وقرن في بيوتكن ولا تبرجن تبرج الجاهلية الأولي }.
اجوف الحريم قاعدين فالبيت! يقومون من الفجر حق الشغل حتى قبل الريايل..

ولو كان شغل البنت فيه فايده كبيره ومانقدر نستغني عنه
<< جان الرسول صلى الله عليه وسلم الخلفاء الراشدين شغلوا النساء فالوظايف الكبيره..

قال صلى الله عليه وسلم:( لن يُفْلِحَ قومٌ وَلَّوْا أمْرَهُم امرأةً")
>>واجوف بدينا نفلح وايد الحين هههه<< من الناحيه الاجتماعيه مب الاقتصاديه..

الرابط التالي يفسر الكثير من الألغاز. للأسف.

http://www.islamonline.net/servlet/Satellite?pagename=IslamOnline-Arabic-Ask_Scholar/FatwaA/FatwaA&cid=1122528600910

وللحديث بقية

[Omar Al Hazaa]

اخوي المنصوري..

ترا الشيخ يوسف القرضاوي قال سماع المسيقى الهاديه عادي!!
وبعد نفى وجود تلبس الجن بالأنسان.. والمس الشيطاني موجود فالقراَن..
والشيخ ابن باز ومشايخ كبار اثبتوا وجود هالشي.. :w5rw:

فا انا ماحب اخذ الفتاوي من الشيخ يوسف القرضاوي..
وكل انسان حر فالمشايخ الي يحبهم ويوثق فيهم..

ومشاركة المرأه السياسيه ترى العلماء اختلفوا فيها..

فا انا حبيت اجوف دليل على مشاركت المرأه في زمن الرسول صلى الله عليه وسلم وزمن الخلفاء كلهم..
لاكن ماحصلت شي!<<ولا كان بيكون دليل اقوى من كلام الشيخ القرضاوي..

و قلت اجيب اضرار مشاركة المرأه السياسيه مره وحده..
وطلعت لاتعد ولاتحصى..

وفوايد جلوس البنت في بيتها بعد اطلعت لاتعد ولاتحصى! :err:

[Mohsin Al-shaikh]

السلام عليكم

أرد على كلام اخوي عمر وقوله الدكتور الشيخ القرضاوي حفظ الله رئيس علماء المسلمين.

كلمة مسموعه. وانت ليش تعقد نفسك ماتخذ من هاي باخذ من هاي. انت ايش ذنبك اذا خذيت من شيخ قرضاوي. حالك حال ناس والشيخ هو لي على عاتقة الكلمة لي قالها. انت ماعليك إلى الاتباع.

اما بخصوص الاختلاط ايد كلام احمد لي اقترح الموضوع ان يكون في حدود الشرع. وليش لا اذا الاختلاط كان من وراه نظره إلى الامام
مثل وصل شخص إلى درجة الاعجاب عنده خيارين يأما يبتعد عن الشر او يطلب يدها ويفك عمره.

الاختلاط في جامعة قطر :
إلى حاصل في جامعة قطر ان الدكتور رجل يدخل في قاعة البنات علشان يلقي محاضره لا تقول مافيه اختلاط هذا نوع من اختلاط الدكتور يمر في الممرات الجامعة.البنات يرحون عنده المكتب كله اختلاط.

والدكتور رجل له مشاعر واحاسيس وربنا حلله له يتزوج اربع. لي يقول ان الدكتور مايقدر. مستعد اثبت له ان فيه دكاتره تزوج من بنات الجامعة بسبب الاعجاب. ومنهم من قدم استقالته لين مايقدر يتحمل يشوف البنات متبرجات.

تتفق الروايات على أن إعجاب النبي صلى الله عليه وسلم بزينب و وقوع حبها في قلبه .

أما للبس فعتقد انا بعض البنات مصخوها وايد عاد قلنا ضيق بس مش هل درجه مخصر ولا بعد صورة مايكل
ولي حاطه شكل على عباية تقصد منه عطني رقم جوالك. بلاوي الحريم ماتنتهي ومظلوم هو الريال.

داري العالم بتقوم علي....

[Omar Al Hazaa]

^
^
عليكم السلام ورحمة الله وبركاته..

مرحبا اخوي محسن..
انت كلامك طيب ومشاركاتك حلوه وفيها الخير..

بس حاسب لاتقول لي ايش ذنبك اذ اخترت الشيخ القرضاوي

الرسول صلى الله عليه وسلم قال في اخر الزمن يطلعون دعاه على باواب جهنم<<والي يسمع كلامهم الطيب والمعسول بيجرونه معاهم لين جهنم..

انا ماقصد أي شيخ هني.. لاكن الواحد لازم يكون حذر ويبتعد عن الاشياء المشبوهه ويمشي على كلام المشايخ الكبار مثل بن باز وبن عثيميين الله يرحمهم..

وشلون الاختلاط يكون ضمن حدود الشرع.. الشرع عمره ماكان فيه اختلاط فالعمل ولا الدراسه وماشفنا هالشي ايام الرسول صلى الله عليه وسلم؟؟ بس كل انسان الله راح يحاسبه على اعماله..

اما بخصوص جامعة قطر والدكاتره.. اخبر لما يجيبون شيخ في جامعة البنات يحطون بينه وبين البنات حاجز..

ليكون يحسبون ان الشيخ مايصير يشوف البنات لاكن الدكتور عادي؟

وادارة الجامعه فيهم الخير..
لاكن انا من وجهة نضري مافضل ان الاداره تكون نسائيه لقوله صلى الله عليه وسلم
( لن يُفْلِحَ قومٌ وَلَّوْا أمْرَهُم امرأةً")

[S.S.Ahmed]

:)

وعليكم السلام ورحمة الله وبركاته...


أخوي أحمد العلي

مــوضوعك ذو شجن...

والأكيــد بأنهُ قد طُرِحَ من قبل ولكن بصور مختلفه....ولا ضير مــن التكرار ففيه عبرة للشطــار :)

---------------------

الإنفتاح حاله مثل حال غيره,,لهُ جانبان: السلبي والإيجابي..

فالإيجابي هو ماوصلنــا لهُ من نهضة وتطور في مستوى العمران, الإقتصاد, التعليم, وحتى الفكر..

ولكــن هذا لا ينفي وجود الكثير من السلبيات, والتي كان من الممكن تقليصهــا بالإدارة الحكيمه, ومنهــا: الإختلاط المبالغ فيه, إنعدام الحشمه للأسف, إنعدام الحياء من الفتيات والشبان, تخلي الأهل عن المسؤوليات..


أقول لك أخي وكوني فتــاة فأنــا أشعر بالحرج والخنق عندمــا أخرج وأرى فتاة في مقتبل العمر وذات الأربعة عشر والخامسة عشر ربيعاً تضع المكياج كأنهــا (....)

والأدهــى بأن أبيهــا,أخيهــا, وأمهــا يمشون بيجوارهــا ويدعون بأنهــا لازالت (صغيره) فـالتتمتع!!!!

سبحـــان الله عندمــا نلومهم تكون (صغيره),,,ولكنهــا عندمــا تذهب لشراء المكياج ولباس النساء تقول لوالدتهــا (أنــا كبيرة)!!!!

-------------------

لقــــد رأيت أن موضوعك قــاد لمواضيع أخرى قد أُثيرت مــن قِبل أخي عمــر :) والذي أعتبره ذو فكــر متشعب لربطه للامور ببعضهــا...

بصــراحــة أرغب وبشدة في التعقيب على كلامه,,,ولكني قبل ذلك أستأذنك,,فإن أذنتَ لي فسوف أعقب,,وإن لم تأذن فلابأس,,يكفيني شرف الرد على موضوعك :)




سدد الله خطاكم جميعاً...

[Omar Al Hazaa]

اختي S عندي تعقيب على الاهل وتقصيرهم!!

اختي تقدرين تشاركين ماعتقد انج لازم تاخذين الاذن..
اخوي احمد انا اعرفه..
اهوه انسان طيب ويحب الخير ماعتقد انه بيرفض تعقيبج..

وبخصوص الاهل..
ما يربون عيالهم عدل!
وبعدين يتوقعون منهم البر والمعامله الحسنه فالمستقبل..


مثلاً.. يجيبون الدش حق عيالهم ويخلونهم يعيشون معاه 24 ساعه..
ولما نقول لهم لا حرام.. يقولون حالهم حال غيرهم..
خل يطالعون افلام اليهال والمسلسلات.. خل يستانسون اهم شماخذين من الدنيا!!

وبعدين لما يكبرون العيال على تربية الدش(على المسلسلات الي اغلب حركاتها تكون(......)
وعلى ام بي سي 2 الي اغلب افلامها تكون(.......)

ولما يتفرجون 24 ساعه على النساء الكاسيات العاريات..
وعلى قصص الحب الرومنسيه!!

الشاب ماراح يكتفي بالنضر!!
والبنت ماراح تكتفي بس بمشاهدة قصص الحب!!

يروح الولد يصيع ويدخن زقاير ويغازل و(........).. الخخخخخخ
والبنت تروح تتعرف لها على شلة بنات صايعات واخلاقها تصير فاسده وتضيع و(......)

ومساكين يحسبون هالشي فله ووناسه ومالومهم لأنهم تربوا على هالشي!!

وبعدين يجي الاب ويقول حق ولده الله ياخذ حقي منك انا شلون قصرت عليك!!
ليش تفشلني جدام الناس وليش وليش الخخ

وتجي الام وتصيح وتقول حق بنتها ليش اختربتي ليش تغيرتي..
وليش ماتصلين.. ليش تعصين ربج وتجيبين لنا الفضايح.. احنا ماقصرنا عليج اكلناج وشربناج..
وكل شي تبينه شريناه لج!!

الاب والام يطلعون بمظهر البريء والابناء اهم الغلطانين..
لا بالعكس والله..

انت كا اب مدام ربيت عيالك على المشاهد الوصخه فالتلفاز (الي الله سبحانه وتعالى مايرضاها)
لازم تتحمل العقوق الي يجيك فالمستقبل..
ولاتتوقع الحق بيكون معاك يوم القيامه.. بالعكس والله..
يمكن الله سبحانه وتعالى يعاقبك انت..

ولازم تتعاقب على تقصيرك.. قال صلى الله عليه وسلم.. (كلكم راع وكلكم مسؤول عن رعيته)

وانتي كا ام مدام خليتي عيالج كل واحد عنده دش في غرفته..
وبناتج خليتيهم يتعرفون على كل من هب ودب..
ومايهمج الدين لاكن اهم شي ان صديقات بنتج يكونون من مستواج!!!

وعيالج الصغار بعد تخلينهم يدورون فالمجمعات مع ربعهم..
شلون تبينهم يطلعون على تربية المجمعات؟

لاتتوقعين ان بنتج بتكون جنبج فالمستقبل..
وشي طبيعي اذا عقتج؟؟.. وان دعيتي عليها يمكن الدعاء يرجع عليج انتي..

واحنا كا شباب ترا مقبلين على الزواج..

اتمنى من الكل ينتبه على هالأشياء التافهه الصغيره..
مثل المسلسلات والافلام والبرامج الواطيه..
ولاتستهينون فيها لأن لها اثر كبير على الصغار..

العلم فالصغر كالنقش على الحجر..

يعني اذا اليهال تربوا على هالشي..
لاتتوقعون ان امتنا بتنهض وبتقدر اتدافع عن نفسها..
والاهل لايتوقعون البر من عيالهم..

ولاتتوقعون ان الفساد راح يقل..
وتوقعوا ان نسبة الطلاق راح تزيد؟؟(لأنه يشوف زوجته غير والي فالمسلسلات(الخيال)غير!!

ونفس الشي الزوجه(تشوف زوجها غير والي فالأفلام (الخيال) كلامهم رومنسي وعاطي وخطير)

وكذلك نسبة العنوسه راح تكبر؟؟
مابي اوضح شلون لأني بطول وايد اذا وضحت..

ويكفي.. ان الله سبحانه وتعالى..
حرم علينا رؤية المشاهد الي فيها عري واظهار المفاتن والعورات..

[Omar Al Hazaa]

وفي قصه احب اذكرها..
سمعتها في محاضره لاكن نسيت اسمها..

احب اوجه هالقصه حق الشباب..
لأن المره بطبيعتها عاطفتها تكون قويه..

كان ياما كان في (زمنا الحاضر)..

دخل الرجل الى بيته..
وشاهد بنته الصغيره امام التلفاز..

ولاكن.. شاهد شيئاً خطيراً جداً..

شاهد اثار قبلات على التلفاز..

وراح بسرعه عشان يضرب بنته الصغيره البريئه المسكينه..

قالت له البنت بكل برائه..

لاتضربني هذي امي الي الي قبلت التلفزون؟؟

انصدم الاب!!

قالت له البنت..
امي يوم شافت فنانها المفضل(الي تموت فيه) على التلفزون..
قامت تقبله وماقدرت تمسك نفسها؟؟
انتهت القصه


وعشان نكون واضحين.. ممكن الريال بعد يحب له ممثله من التلفزون..

فا واجب كل بنت وشاب فالمستقبل اذا كانوا مقبلين على الزواج..
لازم تنضفون بيوتكم من المشاهد الي الله سبحانه وتعالى مايرضاها..

واذا تقدرون تسون شي في بيوتكم حاليا حاولوا انكم تسونه..

لاتقولون فشيله!! احنا مب غير عن الناس؟؟
ولا عقابكم راح تشوفونه فالدنيا قبل الاخره..

وكل انسان حر في حياته..
والي مايمشي في حياته صح اهوه الخسران الوحيد؟؟

والي يقول في باله هالشي تافه..
لايقول فالمستقبل ليش المشاكل اتجيني من كل صوب!!