المساعد الشخصي الرقمي

مشاهدة النسخة كاملة : معاناة شاعر

Ali Almarri
20-05-2005, 04:42 AM
السلام عليكم ورحمة الله وبركاته

قرأت من كم يوم قصه لشخص خان فيه الزمن وبار فيه أصحابه وكتب قصيده

يمثل فيها معاناته ....ولما قرأتها تهيضت وذكرت قصه لي قديمه ولكن فيها علامات أستفهام

لم أجد لها أي جواب الى الآن ..والله كريم ...المهم كتبت كم بيت

وان شاء الله تعجبكم وتحوز على رضائكم

تنام عيون خلق الله وجفني ساهر ما نام .....ترى ما هو بحب بس شي ما علمنا به

ترى من عافه أصحابه يضيع حسبة الأيام ....والا ياكثر ملح الرجل لامن كثروا أصحابه

ترى القصه حقيقيه وصارت لي بدون أحلام....بعد ما كانوا أصحابي غدينا في طرف غابه

تراها سالفة مطعم ودفع حساب يالحكام ....دهم بيتي بلا حجه وبان الحسد وأسبابه

ترى عز الله اني كنت أحسبه للزمان أحزام .....وطلع ما ينفع لسود الليالي فاتل أشنابه

صغير العقل مابه عقل يبغي الطيب له بخصام .....زعل من شوفته للمدح ربط عندي أطنابه

وقام يحرض العالم علي وصار لي نمام ......وشفت الناس تنظر لي بعين البغض وشهابه

الا ياشينها حسد وبغض وكبر وأستعظام......وحكي في القفى ما فاد حكي النذل بذيابه

صحيح انه خذلني بس أجيله للعدى لطام .....الى من كسروا وجهه أبخذل كل طلابه

ترى من عادة الطيب يسامح غلطة الظلام ....وأذا ما فاد فيهم طيب يمكن يحرق ثيابه

وسلامتكم

أخوكم /علي المري
Saoud Al-Emadi
20-05-2005, 04:47 AM
صح لسانك اخوي علي

صراحه كلمات واضحه المعنى

ومافيها اي غموض

ويعطيك الف عافيه اخوي
Ali Almarri
20-05-2005, 05:00 AM
هلا بك يالغالي ..صح بدنك

والغموض اللي قصدته مش في القصيده الغموض في القصه نفسها لأني لم اجد سبب

يجعل الشخص اللي قصدته يزعل او يكون عداوات بدون علمي


سلمت يداك يابو عبد العزيز ولاهنت على المرور والتعقيب
Mohammed Al-Mansouri
20-05-2005, 12:49 PM
صح لسااااااانك اخوي علي... وما عاش من صار لك نمام

تحياتي
Abdulaziz Al-Kuwari
20-05-2005, 12:51 PM
ياخوي الظاهر ان هالشخص ماعرف حقوق الخوة.. فمن حق الاخ ان يعفو عن زلات اخيه قال ابو الدرداء رضي الله عنه: اذا تغير اخوك, وحال عما كان عليه فلاتدعه لاجل ذلك فان اخاك يعوج مرة ويستقيم اخرى...
وصح لسانك
Ali Almarri
20-05-2005, 04:03 PM
السلام عليكم ورحمة الله وبركاته


أبو جاسم نورت المشاركه يالغالي وصح بدنك ما عليك زود يالغالي


.................................................. .....................................


أبو سعود يامرحبا بك وجزاك الله خير ..وصح بدنك يالغالي



أخوكم /علي المري
Saoud Albinali
20-05-2005, 04:37 PM
الا ياشينها حسد وبغض وكبر وأستعظام......وحكي في القفى ما فاد حكي النذل بذيابه

صحيح انه خذلني بس أجيله للعدى لطام .....الى من كسروا وجهه أبخذل كل طلاب

ترى من عادة الطيب يسامح غلطة الظلام ....وأذا ما فاد فيهم طيب يمكن يحرق ثيابه

صح لسااااااانك اخوي علي
:) :) :) :) :) :) :)
s3oood
Salem Al-Halbadi
20-05-2005, 06:34 PM
صح لسانك اخوي علي

وماشاء الله قصيدة معبرة والله يعينك ...



والمسامحة
Hassan Al-Ibrahim
20-05-2005, 07:06 PM
علي قصيدتك رائعة و تمس واقعنا بشكل مباشر

كثير منا يواجه ناس للاسف ما تنفع لسواد الليالي و لا ينشد بها الظهر

و المشكلة و الأدهى أن الشخص منا يعتقد أن هالناس بتوقف معاه وقت الشدايد

لكن هذي حال الدنيا

صح لسانك
Ali Almarri
20-05-2005, 09:48 PM
مرحبا بكم جميع والله نورتوا المشاركه

اخوي سعود مرحبااا مليووون .....صح لسانك يالسنافي نورت المشاركه

.................................................. .............................................

أخوي سالم مرحبا ومسهلا نورت المشاركه ...صح بدنك ومسموح يالغالي



.................................................. ...............................................
أخوي حسن ...أنشهد أنك صادق والله بس الله كريم ...وصح بدنك يالغالي



أخوكم /علي المري
Tareq Al-Saei
21-05-2005, 02:32 AM
صح لسانك يا بوحسن ... ماشاء الله عليك اتحفتنى في كل مشاركة ...

امثالي يعجزون عن الاضافة في وجودك ...

وترى يا خوي هذي الدنيا ... فيها الصديق والعدو ... والدنيا زيلة وهي ما تسوى ... والله يغنيك بالريايل عن الحساد ... وصدقني لازم تفرح بمذمة الحساد ... ومثل ما قال المتنبي :

وإذا أتتك مذمتي من حاسد ::: فهي الشهادة لي بأني كامل ..

والحق لازم يظهر لو طال ...

اسمحلي على الاطالة لكن القصيدة شدتني الصراحة والله يعطيك العافية
Mubarak Al-Marri
21-05-2005, 05:27 AM
صغير العقل مابه عقل يبغي الطيب له بخصام .....زعل من شوفته للمدح ربط عندي أطنابه


صح لسانك اخوي علي

انا اشهد انك ابدعت...... والمعاناه لابد منها للمعرفه معادن الرجال

الف الف شكر على المشاركه الطيبه

تحياتي
Ali Almarri
21-05-2005, 10:26 AM
مرحبا ومسهلا أخوي طارق....صح بدنك يالغالي

يفرحني وجودك في كل مشاركه لي ...ويزيدني فخر تعقيبك عليها

ويرفع الراس كونها شدتك واعجبتك وهذا من ذوقك ما عليك زود يالغالي

وأنشهد والرجال ما تنعرف الا في المواقف الصعبه

.................................................. .....................

أخوي مبارك مرحبااا بك ومسهلا عداد حصمات الرمال


صح بدنك يالغالي...وما عليك زود ..والعفو انا الود ودي اكتب كل يوم قصيده

وأضعها بين أيديكم بس ما نبي نطلع من جوهر أجتماعنا والمقصد منه

وان شاء الله فيه قصيده جديده أسمها ((المكياج ))ولو أن العنوان يضحك

بيض الله وجهك وسلمت أنت والأخوان على ردودكم الطيبه

أخوكم