طريقة حكمك على الناس !

[Jassim Al-Naama]

السلام عليكم ورحمة الله وبركاته

طريقة نظرتك للناس ..؟

كيف تحكم على الشخص الآخر ان كان محترم أم غير محترم ؟

هل عندك معايير معينة للاحترام ؟

هل شكل الشخص بالنسبة لك مهم وعلى ضوئه تحكم على احترامه أم لا ؟

فعلاً .. شلون نظرتنا للناس ؟ ! لو شفت فلان يقول انا اسوي كذا وكذا وكذا .. هل هذا كافي حتى أكون وجهة نظر عنه سلبية أم ايجابية ؟

هل تؤمن بأن تكوين وجهة نظر عن شخص معين واخلاقه واحترامه تكون بعد المعاشرة الشخصية والجلوس مع هالشخص أم ممكن من خلال قراءة ردوده او طريقة مخاطبته للغير ؟


أشئلة دارت ببالي بشكل كبير بالأيام الاخيرة من خلال بعض الردود اللي شفتها في هالقسم وارتجيت عدم الرد عليها ^^

[N . A . AL-KORBI]

السلام عليكم ورحمة الله وبركاته

بارك الله فيك اخ Jassim Al-Naama على الموضوع الهادف

طريقة نظرتك للناس ..؟

احب انظر للناس نظرة ايجابية ، وما احب اتسرع في الحكم

كيف تحكم على الشخص الآخر ان كان محترم أم غير محترم ؟

من المعاشرة ، ليس من الكلام او الرد

هل عندك معايير معينة للاحترام ؟

بالنسبة للردود صعب جدا ، لكن لابد ان تكون الردود خالية من الألفاظ المسيئة للاشخاص

ان لايكون هناك نوع من فرض الرأي على الآخرين ، لابد ان احسن الإستماع للآخرين

لابد ان احترم آراء الآخرين ، انسان لين غير متشدد ، يقبل جميع الآراء بسعة صدر

هل شكل الشخص بالنسبة لك مهم وعلى ضوئه تحكم على احترامه أم لا ؟

من تجربتي ، لا ، كثير من الاشخاص يكون مظهره الخارجي عكس المظهر الداخلي

ناس نشوفهم من اول نظرة ومانرتاح لشكلهم ، بس معدنهم طيب _ عسل _

وناس عكس ذلك ، احيانا قد يصدق المظهر .

لو شفت فلان يقول انا اسوي كذا وكذا وكذا .. هل هذا كافي حتى أكون وجهة نظر عنه سلبية أم ايجابية ؟

طبع لا ، ممكن هالكلام ماينطبق في شخصيته ، ويكون غير هالشي ، كلامه بصوب وشخصيته بصوب .

هل تؤمن بأن تكوين وجهة نظر عن شخص معين واخلاقه واحترامه تكون بعد المعاشرة الشخصية والجلوس مع هالشخص ؟

اكيد المعاشرة راح تساعدني على معرفته ، راح افهم اسلوبه ، وهالطريقة مظمونة .

في ناس انشوفهم ونقول عنهم متكبرين ، وبس نقعد وياهم ، نشوف عكس الشيء المتوقع ،

طيبة وراحة وطمأنينة من ناحية هالشخص .

أم ممكن من خلال قراءة ردوده او طريقة مخاطبته للغير ؟

اممم صراحة ، نسبة ضئيلة ، بالصراحة اخوي ، انا لاحظت فالمنتدى ، التسرع في الحكم ، ممكن

الشخص يرد بطريقة ، الكل يفهمه غلط ، وبعدين يبدأ الكل ياخذ عنه نظرة سلبية ، وانه شخص مو

محترم ، ويطلع العكس ، احنا ماشفناه ، يمكن هو طيب ومو قصده ، صدقوني كل شخص له طريقة

في التعبير ، ممكن اعبر بالكلام ، بالرسم ، كل شخص يختلف عن الثاني ، بس الحلو نتعلم من

بعض ، ونحاول نسمع وجهة كل شخص ونظرته ، شنو رايه بهالموضوع ، نعطيه فرصة ، ويكون الرد لين


بالأخير احب اوصل هلاكلام حق الكل ، ياجماعة الخير ، احنا بشر نغلط ونخطي ، وجهات نظر مختلة

آراء متفاوتة ، هالشي حلو ، لأن من خلالها راح نتعلم ، راح نرتقي ، بس العيب لما امسك برايي

حتى لو كان غلط ، لما ما احترم وجهات الآخرين

ايضا لابد ان تتمتع بروح رياضية ، اضحك ، تغشمر ، هالمنتدى فيه الكبير والصغير ، مانبي

نحسسهم بالملل ، نبيهم يضحكون ، نوصل النصيحة بطريقة الكل حابها ، مو عيب تنزل مستواك

للي اصغر منك ، رد على مشاركاتهم ، شجعهم ، احنا كن صغار واكيد مرينا بمواقفهم .

والله بعض المواضيع حبيتها وايد ، وحسيت فيها تغيير للروتين اليومي ، الحياة مو عمل ودراسة

بس ، الحياة جد ، ولعب ، وضحك ، ونقاش ، وجدل هادف .

احيانا تكتب موضوع ، ومن الردود ، وعدم الاحترام بين الآخرين ، تتندم على كتابة الموضوع

وفي بعض المواضيع يتم النقاش فيها بطريقة سلبية ، والكلام ينعاد ، " انا مع " " ان ضد "

طيب وين الحلول ؟؟؟ الله اعلم

ومواضيع ، جدا هادفه ، شكر والسلام عليكم ، لامن شاف ولا من سمع ، " وين الرد ؟ "

الله كريم

احاول اوصل حق الأعضاء ، وين تجمعاتهم ، ابي يردون على بعض المواضيع ، لأن هالشي بيفيدهم

لكن للاسف

[R.A.M]

سبحان الله انا بعد كان في خاطري انزل موضوع مماثل.. من كثر ماتكلمنا عن الناس..

انا نفسي احترت .. ليش نحكم عليهم هالشكل؟؟.. يمكن هالناس احسن منا!!

فلي عوده... :)

[R.A.M]

فلان.. يلبس "الجينزات المشققه" ويخرج بشعره الأشعث المشبع بالمادة الشمعية.. يلبس "باندات ملونة" ويسمع أغاني " الراب" بل ويرقص " البريك دانس" على أنغامها أيضا.. له صداقات أجنبيه.. وحياته بين السينما والمجمعات والمطاعم والرياضة.. ولكن اقسم بأنكم إن جلستم معه لأعجبتم بعقله.. ولباقته.. بل النخوة والغيرة على أهله.. فهو تربية رجال ويجلس في المجالس بين الرجال.. سنه صغير وفكره عالي.. يصلي الصلاة بوقتها ويخاف الله .. "يعني حرام ما عنده".. وإذا سألته "يا فلان ليش مااتكلم؟".. ايقولك "ليش اسوي الحرام وربي امحلل لي اربع.. ليش اعور قلبي وانا ما بتزوجها..!! "..

فلانه.. ميك اب .. عبي ملونه.. دخون وعطور وكشخه.. هي في نظر المجتمع جانيه.. بينما هذه هي حياتها ولاتقصد مايتبادر في اذهانهم.. اعتادت الظهور بهذا الشكل وليس قصدا للفت الانتباه.. تظن عقلها خال من مايثريك ومشبع بالتفاهات.. ولكن بمجرد ان تتبادل معها اطراف الحديث فتجد نفسك مبهورا به.. انسانه مثقفه فاهمه واعيه واثقه.. !!
تصلي وتخاف ربها ومالها سوالف وخرابيط.. بس كشختها مجرد عرف وشي متعوده عليه خاصه من بنات عمها وخالها وماتدرون ساعات الامهات بعد!!..

نستغرب ولكن هذا هو الواقع.. اعترف اني لازلت احكم على الناس من مظهرهم الخارجي.. من طريقه كلامهم.. واغض النظر عن مافي داخلهم.. عن تفكيرهم وقلوبهم الطيبه..
لاالوم نفسي ولن الومها يوما.. فقد ترعرuت في بيئه لاترحم الناس باصدار الاحكام عليهم.. فغدوت منهم مرغمه..

هذا خطأ في نفسي فاسعى لاصلاحه.. بطريقه واحده وهي ان جمعتني الفرصه باحدهم وكان من نوع قد ارغمني مظهره على الحكم عليه مسبقا حكما جارحا لاارضاه على نفسي.. فسارضخ لاعطاءه فرصه اثبات ذاته المعاكسه لتصوراتي واحكامي المجحفه في حقه.. ونعم.. ساصدق بانه عكس تلك التصورات..

لذا علينا ان لانحكم على من حولنا الا بعد مخالطتهم.. ثم لنا مطلق الحريه في اصدار احكامنا عليهم.. فان استطعت تقديم النصح كان بها وان لم تستطع اذن فلتستر عليهم فمن ستر على اخيه المسلم ستر الله عليه يوم القيامه..وايضا من دون التشهير باسمهم..

لن انسى يوما ماقالته لي احدى الزميلات حفظها الله.. "انا اؤمن بتميز هؤلاء.. ولنعطهم الفرصه وسنرى.. فهم ليسوا كما نراهم.. بل بيئتهم وحياتهم كانت سببا في طريقه لباسهم.. حديثهم.. وتفكيرهم"..

شكرا لها.. وشكرا لكم..

وتقبلوا مني..

بالتوفيق..

[Omar Al Hazaa]

جزاك الله خير اخوي جاسم على هالموضوع الحساس!!

انا مع كلام اختي N والصراحه ماقدر ازيد عليه..
بس عندي قصه صغيره صارت لي امس يوم كنت افطر الصبح ..

كنت صاف وقاعد في سيارتي وتوني مخلص الفطور ..
وفجأه جات وحده وصفت جنبي.. انا قعدت اطالع جدامي وماطالعتها لاكن اسمع اصوات تنادي ..
ولا البنت الي قاعده جنبي تقولي (كانت تقصد لون موتري من داخل) تقول شهاللون الخطير على الصبح هههه
والله حلو وخطير ايد ويلفت الانضار ..
انا سولفت معاها ونيتي كانت طيبه!

قلت لها شنسوي بعد لازم التنويع ولازم الواحد يكون مميز ..
وبعدين نزلت من سيارتي وخذت معاي شريط عن الزواج .. (كنت احسبها ام عيال جايه تفطر و عجبها لون الموتر)
وكانت تبين من ويها انها كبيره وتعبانه شوي ..

سئلتها: اختي انتي متزوجه؟ قالت شدخل طاري الزواج لا الله لايقول ولاتذكرني فالزواج والهم والغثى ..
خلني اعيش حياتي انا مرتاحه جي .. (هني اهيه يمكن تضايقت لأني حسبتها مره كبيره ام عيال)
قلت لها: لما تكبرين تبين تعيشين وحيده بدون زوج وعيال يهتمون فيج ..
قالت: انت شفيك تنكد علي عالصبح وقالت(صباح الورد صباح الفل قود مورقن وقود مورنق)<<وقالت قود مورقن بالفرنسي هههه..

المهم وعطيتها شريط الزواج<< قالت مابسمعه.. وبعدين جبت لها شريط ثاني اسمه (عوامل محبة الله)
قالت اي هاي حلو وبسمعه ..

وقالت: ليش تبي تتزوج انت: (تبي تنصحني بترك فكرة الزواج هههه)
قلت لها: انا عايش وحيد ومتضايق لاكن اذا تزوجت
بحصل زوجه تهتم فيني واهتم فيها تسئل عني واسئل عنها..
بعدين قالت انا مابتوهق اذا بغيت اتزوج والريايل وايد اكبر واهم شنو يبون؟ يبون الفلوس! وانا عندي فلوس!
قلت لها شلون توثقين فالريال الي يبيج عشان فلوسج؟ اسكتت وماردت ..

بعدين تميت ساكت انا ..
نادتني و قالت لي انت تشتغل ..
قلت لها: لا انا طالب ادرس تأسيسي .. ( قالت: الله يعينك اكيد الدراسه مب حلوه)
قلت لها ايه وناوي ادرس برا .. وقلت لها انتي شنو تدرسين؟
قالت: انا بحرينيه ادرس في كلية الطب ..
قلت لها: الله يوفقج ..

قالت: انت ليش ماتتزوج ..
قلت لها: توني قاعد ادرس ..
قالت: عادي اشتغل وادرس.. اعرف ناس فالشركات بخليهم يشغلونك ..
قلت اتعرفين ان الشغل بدون دراسه ماينفع ..
واذا درست لين العصر وبعدين اشتغلين لين فليل متى بشوف زوجتي !!

وبعد شوي قالت: لي ترا في شيبه يلحقني كل يوم هههه ..
وكل مايشوفني يسلم علي ..
قلت: لها غطي ويهج ..
قالت: بعد (لا تكدر علي تراني والله تضايقت ولاتقولي هالكلام على الصبح)
وقلت: لها مب قصدي والله ..لاكن اذا غطيتي ويهج ماراح يلاحقج ..
قالت: اسكت ولا بحرك خلاص ..

كنت ابي اكسبها وقلت لها اذا ويهج حلو غطيه عشان محد يلحقج ..
المهم عصبت وسدت اذنها وقالت مابي اسمع وترا والله بروح وانت خليتني اتضايق وايد ..
وشافت واحد(شكله مصري) قاعد يمشي نادته وقالت يا أخ يا أخ ويوم جا قالت له تعال ادخل فالنقاش معانا وشوف هذا قاعد ينصحني ..
وعطاني شريطين وقال لي غطي ويهج مره وحده..
(قال لها المصري على راحتج اذا تبين تمشين على النصيحه ولا تتركينها)
قالت تونا.. صباح الخير وصباح الفل والورد..

قلت لها على راحتج وماكان قصدي والله ..
وكنت ابي اوضح كلامي لاكن ماعطتني فرصه ..
قالت انتوا المطاوعه اكثر ناس تقولون كلام وماتنفذونه وماخذين الحياه بصعوبه ..
قلت لها بالعكس انا اسوي الي ابيه واشتري الي في خاطري واطلع واستانس ..

المهم.. كنت ابي اوضح لها اكثر لاكن ماخلتني اكمل كلامي ..
و قامت تتحلطم وقالت انا بروح خلاص وانت خليتني اتضايق وايد واتنكد على الصبح ..
قلت لها على راحتج بس ماكان قصدي والله ..
وقالت لي ترا الاشرطه الي عطيتني اياها ماراح اسمعها ..
بس رفيجتي تحب هالسوالف وبخليها تسمعهم ..

وقالت مره ثانيه ماراح افطر في هالوقت هههههه ..
وانا ماقدرت اقول لها غير على راحتج ..

المهم هذي البنت انا ماعرفت شلون احكم عليها.. وتضايقت وايد لأني حسيت اني ماعرفت انصحها وخليتها تتضايق على الصبح..
ورحت الجامعه وانا متكدر هههه

انا ماعرفت احكم عليها وبترك الحكم لكم!

[Abdulla Al-Malki]

جزاك الله خير اخوي جاسم على هالموضوع الحساس!!

انا مع كلام اختي N والصراحه ماقدر ازيد عليه..
بس عندي قصه صغيره صارت لي امس يوم كنت افطر الصبح ..

كنت صاف وقاعد في سيارتي وتوني مخلص الفطور ..
وفجأه جات وحده وصفت جنبي.. انا قعدت اطالع جدامي وماطالعتها لاكن اسمع اصوات تنادي ..
ولا البنت الي قاعده جنبي تقولي (كانت تقصد لون موتري من داخل) تقول شهاللون الخطير على الصبح هههه
والله حلو وخطير ايد ويلفت الانضار ..
انا سولفت معاها ونيتي كانت طيبه!

قلت لها شنسوي بعد لازم التنويع ولازم الواحد يكون مميز ..
وبعدين نزلت من سيارتي وخذت معاي شريط عن الزواج .. (كنت احسبها ام عيال جايه تفطر و عجبها لون الموتر)
وكانت تبين من ويها انها كبيره وتعبانه شوي ..

سئلتها: اختي انتي متزوجه؟ قالت شدخل طاري الزواج لا الله لايقول ولاتذكرني فالزواج والهم والغثى ..
خلني اعيش حياتي انا مرتاحه جي .. (هني اهيه يمكن تضايقت لأني حسبتها مره كبيره ام عيال)
قلت لها: لما تكبرين تبين تعيشين وحيده بدون زوج وعيال يهتمون فيج ..
قالت: انت شفيك تنكد علي عالصبح وقالت(صباح الورد صباح الفل قود مورقن وقود مورنق)<<وقالت قود مورقن بالفرنسي هههه..

المهم وعطيتها شريط الزواج<< قالت مابسمعه.. وبعدين جبت لها شريط ثاني اسمه (عوامل محبة الله)
قالت اي هاي حلو وبسمعه ..

وقالت: ليش تبي تتزوج انت: (تبي تنصحني بترك فكرة الزواج هههه)
قلت لها: انا عايش وحيد ومتضايق لاكن اذا تزوجت
بحصل زوجه تهتم فيني واهتم فيها تسئل عني واسئل عنها..
بعدين قالت انا مابتوهق اذا بغيت اتزوج والريايل وايد اكبر واهم شنو يبون؟ يبون الفلوس! وانا عندي فلوس!
قلت لها شلون توثقين فالريال الي يبيج عشان فلوسج؟ اسكتت وماردت ..

بعدين تميت ساكت انا ..
نادتني و قالت لي انت تشتغل ..
قلت لها: لا انا طالب ادرس تأسيسي .. ( قالت: الله يعينك اكيد الدراسه مب حلوه)
قلت لها ايه وناوي ادرس برا .. وقلت لها انتي شنو تدرسين؟
قالت: انا بحرينيه ادرس في كلية الطب ..
قلت لها: الله يوفقج ..

قالت: انت ليش ماتتزوج ..
قلت لها: توني قاعد ادرس ..
قالت: عادي اشتغل وادرس.. اعرف ناس فالشركات بخليهم يشغلونك ..
قلت اتعرفين ان الشغل بدون دراسه ماينفع ..
واذا درست لين العصر وبعدين اشتغلين لين فليل متى بشوف زوجتي !!

وبعد شوي قالت: لي ترا في شيبه يلحقني كل يوم هههه ..
وكل مايشوفني يسلم علي ..
قلت: لها غطي ويهج ..
قالت: بعد (لا تكدر علي تراني والله تضايقت ولاتقولي هالكلام على الصبح)
وقلت: لها مب قصدي والله ..لاكن اذا غطيتي ويهج ماراح يلاحقج ..
قالت: اسكت ولا بحرك خلاص ..

كنت ابي اكسبها وقلت لها اذا ويهج حلو غطيه عشان محد يلحقج ..
المهم عصبت وسدت اذنها وقالت مابي اسمع وترا والله بروح وانت خليتني اتضايق وايد ..
ونادت واحد مصري كان يمشي .. قالت له تعال ادخل فالنقاش معانا وشوف هذا قاعد ينصحني ..
وعطاني شريطين وقال لي غطي ويهج مره وحده..
(قال لها المصري على راحتج اذا تبين تمشين على النصيحه ولا تتركينها)
قالت تونا.. صباح الخير وصباح الفل والورد..

قلت لها على راحتج وماكان قصدي والله ..
وكنت ابي اوضح كلامي لاكن ماعطتني فرصه ..
قالت انتوا المطاوعه اكثر ناس تقولون كلام وماتنفذونه وماخذين الحياه بصعوبه ..
قلت لها بالعكس انا اسوي الي ابيه واشتري الي في خاطري واطلع واستانس ..

المهم.. كنت ابي اوضح لها اكثر لاكن ماخلتني اكمل كلامي ..
و قامت تتحلطم وقالت انا بروح خلاص وانت خليتني اتضايق وايد واتنكد على الصبح ..
قلت لها على راحتج بس ماكان قصدي والله ..
وقالت لي ترا الاشرطه الي عطيتني اياها ماراح اسمعها ..
بس رفيجتي تحب هالسوالف وبخليها تسمعهم ..

وقالت مره ثانيه ماراح افطر في هالوقت هههههه ..
وانا ماقدرت اقول لها غير على راحتج ..

المهم هذي البنت انا ماعرفت شلون احكم عليها.. وتضايقت وايد لأني حسيت اني ماعرفت انصحها وخليتها تتضايق على الصبح..
ورحت الجامعه وانا متكدر هههه

انا ماعرفت احكم عليها وبترك الحكم لكم!


مرحبا اخوي عمر ..

ملاحظك في اكثر من رد انك انسان تسعى للخير ونيتك صافيه من اللي قاعد اتسويه ..
لكن المشكله يا اخوي .. ان مب بالهطريقه تنصح .. انت بالهشكل قاعد اتنفر واتشوه سمعة الدين والملتزمين..

الفن مب في النصيحه ومضمونها .. الفن انك اتوصل النصحيه بالشكل الصحيح بدون لا تجرح مشاعر ولا تخلي الطرف الثاني يفهمك غلط ..

نصيحتي للمره ثانيه .. تعلم واعرف كيف توزن الامور الاول !!

ما قصدي اني (انشبلك ) لكن اخذ كلامي على "رحم الله امرىء اهداني عيوبي"

عسى ربي يهديني ويهديك..

[Abdulla Al-Malki]

شكراً على الطرح الراقي اخوي بومحمد .. موضوعك حلو وحساس .. (وفكرة موضوعك تشابه موضوع الشعر الطويل الى حد ما) ..

على العموم .. من وجهة نظري وكواقع .. " الانطباع الاول " هو اللي يغلب على حكمنا على الناس ..
الشكل والمظهر له دور اساسي في تكوين الانطباع الاول ..

ممكن هذا الشي غلط .. لكن هذا الواقع ..

وعن نفسي الصراحه .. كلام الناس ما يهمني عن الشخص نفسه .. الا اني اشوف واتاكد بعيني .. ولو كان الكلام اللي انقال من مصدر موثوق وواحد من اعز ربعي .. راح يكون هالشي في بالي وراح اعامل الرجال مثل ما يعاملني بالضبط نفس "المرايا" !!

عدة امور تتحكم في طريقتي للحكم على الناس منها المظهر واسلوب الشخص ولباقته في الكلام .. وحتى ممكن معاملته للغير واسلوبه معاهم ..وغير هذا سمعة الرجال بين الناس ..

والصراحه الصراحه .. "الابتسامه" واحد من أسهل الطرق لكسب قلوب الناس .. الرسول صلى الله عليه وسلم ما قالها عبث لما قال " ابتسامك في وجه أخيك صدقه" أو كما قال صلى الله عليه وسلم..

والانسان البشوش يفرض احترامه عليك غصب !!!


قواكم الله

[Omar Al Hazaa]

هلا اخوي عبدالله.. وانا والله ما انصح أي وحده اشوفها فالطريق..

لاكن هالبنت صفت جنبي وقعدت تكلمني.. وعلى قد نياتي عطيتها الشريط..
<<ماعتقد ان الشريط ينفر.. بالعكس احسن طريقه حق البنت اني اعطيها الشريط وتسمع النصيحه من شيخ مب مني انا
(عشان ماقعد اسولف معاها واغض بصري على طول)

لاكن بعد ماكفاها الشريط وقعدت تتكلم معاي..

اوكي انا تكلمت معاها ورديت عليها لأني اذا طقعت لها بتزعل وبتقول عطاني الشريط وطقعلي..

ويوم قالت لي الشيبه يلحقني (شقول لها ناديه وانا بضربه !!)

قلت لها على الاقل غطي ويهج عشان مايلحقج الشيبه.. وبعد تضايقت.
.>>ماعتقد اني يوم قلت لها غطي ويهج عشان مايلحقج الشيبه ماعتقد ان هالشي ينفر من الدين..

انا صج حزنت يوم اهيه تضايقت.. لاكن ماعتقد اني غلطت في اي حركه من حركاتي..

وابيك تعطيني الحل البديل بخصوص هالقصه.. يعني لو انت صار لك هالموقف شنو كنت بتسوي<< سؤال محرج صح هههه

اخوي عبدالله جزاك الله خير على توضيحك.. وابيك تعبر عن رايك اكثر وقول انت شنو كنت بتسوي..

[Abdulla Al-Malki]

باختصار بتجي اهي تقول شاللون خطير .. بلتفت عليها وبقول مشكوره اختي من ذوقج .. وبس اصكر السالفه .. لا بقولها انتي متزوجه .. ولون غترة ريلج وشو حمره خضره عنابيه .. (دقيقه بشيك قوس قزح ) ايه صفره حمره وانت رايح ...

وبعد لو اسكت ولا اعبرها ابرك .. ازعلت كيفيها شويه البليته اللي عليها ...
لاني في النهايه لو رزيت فيسي وبنصحها بتقول هاي اكيد يبي يضبطني وبياخذني بسوالف الشيمه وانه يخاف على البنت ... حتى لو كانت نيتي صافيه (مع اني اشك ) .. (وفي هالمواقف اتحدى اي شاب يصفي نيته اتحددددددى ) .. ( طبعا ::: أنا بكلم الرقاله !! على قولة الشيخ وجدي غنيم )

انتهى

[Omar Al Hazaa]

^
^
هههههههههههههههه شدخل الغتر الحين..

اخوي عبدالله انت كيفك سكت عنها..

اخوي انت قلت انا بسكر السالفه وخل تزعل بكيفها..

اما انا نصحتها على الاقل نصحتها وعقب خل تزعل.. وانا حبيت لها الخير لأني شفتها بنت طيبه ومسكينه ومشكلتها والله لو بتزعل من النصيحه هههه.. لأن الطريقه الي استخدمتها كانت اوكي..

ويوم سئلتها انتي متزوجه ترا كنت ماسك شريط الزواج في يدي (وهاي الشريط الي كان عندي)<<وحسبت انه بيكون مفيد لها لأني حسبتها متزوجه..
ماسئلتها عشان اروح اخطبها هههههههههه كلامك ضحكني والله..

يعني لو صارلك هالموقف انصح البنت وهالشي ابرك(لاتنصحها اذا ماعرفت تتكلم) لاكن عطها شريط على الاقل..
اما اذا ماعرفت تتكلم ولا ماكان عندك شريط ولا كنت خايف على نفسك خلك ساكت احسن..

اما بخصوص النيه.. انا دايما اتناقش معاكم في موضوع البنات الي مايحترمون نفسهم.. ومستحيل تأثر فيني أي وحده ..

لأن البنت الي ماتحترم نفسها اعتبرها صغيره ومستواها صغير (ومابي اقول كلام اكبر!) وكلامها بيكون غلط ومشاعرها بتكون مهزوزه ومب حقيقيه ولازم بتكون عندها مشاكل نفسيه..(هالشي لاحضته من ويه البنت والله) <<المهم لاتنسون الدعاء حقها وحق باقي البنات

ونصيحه حق الشباب الي يطالعون البنات ويحسبون هالشي بسيط..
(ترا قلبك بيتعب ووقت الزواج ماراح تتنهى مع زوجتك)..
وخاصه اذا قلبك كان تعبان من كثر ماتشوف البنات..
>>ترا هالشي يأثر على قدرة الرجل فالفراش(مابي اتعمق اكثر)..
(وفي له سلبيات كثيره بطول اذا كتبتها)
<<وهالكلام اذكره دكتور امريكي وقال لازم يكون القلب سليم..

وبدون ماتقرى شي عن الزواج
لو كنت ماشي على كلام الرسول صلى الله عليه وسلم
بتكون حياتك مضبوطه!
والبركه من الله سبحانه وتعالى
وتكون في اتباع شرعه

[N . A . AL-KORBI]

^
^
هههههههههههههههه شدخل الغتر الحين..

اخوي عبدالله انت كيفك سكت عنها..

اخوي انت قلت انا بسكر السالفه وخل تزعل بكيفها..

اما انا نصحتها على الاقل نصحتها وعقب خل تزعل.. وانا حبيت لها الخير لأني شفتها بنت طيبه ومسكينه ومشكلتها والله لو بتزعل من النصيحه هههه.. لأن الطريقه الي استخدمتها كانت اوكي..

ويوم سئلتها انتي متزوجه ترا كنت ماسك شريط الزواج في يدي (وهاي الشريط الي كان عندي)<<وحسبت انه بيكون مفيد لها لأني حسبتها متزوجه..
ماسئلتها عشان اروح اخطبها هههههههههه كلامك ضحكني والله..

يعني لو صارلك هالموقف انصح البنت وهالشي ابرك(لاتنصحها اذا ماعرفت تتكلم) لاكن عطها شريط على الاقل..
اما اذا ماعرفت تتكلم ولا ماكان عندك شريط ولا كنت خايف على نفسك خلك ساكت احسن..

اما بخصوص النيه.. انا دايما اتناقش معاكم في موضوع البنات الي مايحترمون نفسهم.. ومستحيل تأثر فيني أي وحده ..

لأن البنت الي ماتحترم نفسها اعتبرها صغيره ومستواها صغير (ومابي اقول كلام اكبر!) وكلامها بيكون غلط ومشاعرها بتكون مهزوزه ومب حقيقيه ولازم بتكون عندها مشاكل نفسيه..(هالشي لاحضته من ويه البنت والله) <<المهم لاتنسون الدعاء حقها وحق باقي البنات

ونصيحه حق الشباب الي يطالعون البنات ويحسبون هالشي بسيط..
(ترا قلبك بيتعب ووقت الزواج ماراح تتنهى مع زوجتك)..
وخاصه اذا قلبك كان تعبان من كثر ماتشوف البنات..
>>ترا هالشي يأثر على قدرة الرجل فالفراش(مابي اتعمق اكثر)..
(وفي له سلبيات كثيره بطول اذا كتبتها)
<<وهالكلام اذكره دكتور امريكي وقال لازم يكون القلب سليم..

وبدون ماتقرى شي عن الزواج
لو كنت ماشي على كلام الرسول صلى الله عليه وسلم
بتكون حياتك مضبوطه!
والبركه من الله سبحانه وتعالى
وتكون في اتباع شرعه


اخوي عمر انت انسان طيب ، وتحب تعطي الناس من نصايحك ، بس مثل ماقال الاخ عبدالله

" الفن مب في النصيحه ومضمونها .. الفن انك اتوصل النصحيه بالشكل الصحيح بدون لا تجرح مشاعر ولا تخلي الطرف الثاني يفهمك غلط .. "

وانا اضم صوتي للاخ عبدالله ، افرض احد من اهلها شافها ، كذا راح تسبب لها مشكلة .

وبعدين ياجماعة الخير ركزوا على الموضوع بليز ، لاتطلعون برع .

وصح لسانك اخوي عبدالله "رحم الله امرىء اهداني عيوبي" ، الله يبارك فيكم ويكثر من امثالكم

[Omar Al Hazaa]

اختي N مايصير تقولون لي ان الي سويته غلط بدون ماتقولون لي شنو الغلط؟
شنو الشي الي غلطت فيه بالضبط؟ وشنو كان لازم اسوي؟>>عشان اعرف شلون اتصرف عدل فالمره الجايه!

اختي N انا ماخرجت على الموضوع.. وتركيزي عليه وجبت لكم قصه..
وقلت لكم احكموا على البنت الي ذكرتها فالقصه.. لاكن انتوا غيرتوا السالفه..
و طلعتوا عن الموضوع وقلتولي طريقة نصيحتك غلط! وبدون ماتوضحون بعد شنو الغلط!!

واهل البنت اكيد فالبحرين.. ولو كانت تحاتي اهلها جان ماجات تسولف مع واحد ماتعرفه؟

[N . A . AL-KORBI]

اختي N مايصير تقولون لي ان الي سويته غلط بدون ماتقولون لي شنو الغلط؟
شنو الشي الي غلطت فيه بالضبط؟ وشنو كان لازم اسوي؟>>عشان اعرف شلون اتصرف عدل فالمره الجايه!

اختي N انا ماخرجت على الموضوع.. وتركيزي عليه وجبت لكم قصه..
وقلت لكم احكموا على البنت الي ذكرتها فالقصه.. لاكن انتوا غيرتوا السالفه..
و طلعتوا عن الموضوع وقلتولي طريقة نصيحتك غلط! وبدون ماتوضحون بعد شنو الغلط!!

واهل البنت اكيد فالبحرين.. ولو كانت تحاتي اهلها جان ماجات تسولف مع واحد ماتعرفه؟

اخوي عمر لاتفهمني غلط ، انا مااقصد هالشي

انت تقول ابيكم تحكمون عليها ، بقولك انا ما اقدر احكم عليها إلا بعد ما

اشوفها ، مو من اول مره اقدر احكم على الإنسان ، ولا حتى من كلامك اقدر

هالشي صعب

[Abdulla Al-Malki]

اختي N مايصير تقولون لي ان الي سويته غلط بدون ماتقولون لي شنو الغلط؟
شنو الشي الي غلطت فيه بالضبط؟ وشنو كان لازم اسوي؟>>عشان اعرف شلون اتصرف عدل فالمره الجايه!



يا شيييييخ .. واللي كتبته لك في الردود السابقه وشهو ..؟؟

اخوي عمر انا ادري لو بقعد اناقشك للسنه اليايه ما راح تقتنع بكلامي وبطلع نفسك انت الصح .. وبتقعد تكتبلي رد شطوله شعرضه ملون بالوان الطيف السبعه يمكن اكثر بعد !!

كل نقاشتك في المنتدى ولا مره قريت لك انك كنت متقبل الراي واعترفت ان اللي سويته غلط ..

هذا لسببين يا انك انسان مثقف ودكتور وفاهم في كل شي .. او انك انسان تحب تفرض رايك ويهمك انك تستعرض عضلاتك ..؟؟؟ ما اعتقد في سبب ثالث !!!

انتهى

[Omar Al Hazaa]

اختي N الحين وضح كلامج وفهمت الي تقصدينه..

[Omar Al Hazaa]

اخوي عبدالله هد اعصابك ههههه..
انا هالمره وجهت السؤال حق اختي N مب لك انت..
واهيه ماجاوبت عليه ويمكن لانها ماعرفت شنو الي انا غلطت فيه..

وانت كلامك ما اقنعني و رديت عليك رد واضح ومب بالغضب اقتنع ههههه..

واسبابك تضحك ههههههه وفي سبب ثالث بطلعه لك؟

روح ودور في كل مشاركاتي فالمنتدى..
وبتشوفني كم مره اقتنعت..
وكم مره اتأسف واندم اذا تسرعت وغلطت على احد من الاعضاء..
وانا مادخل الا عشان اتعلم منكم والله واستفيد..

واذا كان الاعتذار يقلل من القيمه والكرامه..
طز فالكرامه والقيمه الي تمنع الانسان انه يعتذر عن اخطائه!

احب انصحك اخوي اقرى المشاركات كلها عقب احكم والله يوفقك ويسعدك فالدنيا والاخره..

[N . A . AL-KORBI]

اخوي عبدالله هد اعصابك ههههه..
انا هالمره وجهت السؤال حق اختي N مب لك انت..
واهيه ماجاوبت عليه ويمكن لانها ماعرفت شنو الي انا غلطت فيه..

وانت كلامك ما اقنعني و رديت عليك رد واضح ومب بالغضب اقتنع ههههه..

واسبابك تضحك ههههههه وفي سبب ثالث بطلعه لك؟

روح ودور في كل مشاركاتي فالمنتدى..
وبتشوفني كم مره اقتنعت..
وكم مره اتأسف واندم اذا تسرعت وغلطت على احد من الاعضاء..
وانا مادخل الا عشان اتعلم منكم والله واستفيد..

واذا كان الاعتذار يقلل من القيمه والكرامه..
طز فالكرامه والقيمه الي تمنع الانسان انه يعتذر عن اخطائه!

احب انصحك اخوي اقرى المشاركات كلها عقب احكم والله يوفقك ويسعدك فالدنيا والاخره..

اخوي عمر بالعكس ، احنا نحترم رايك ، وما اعتقد الاخ عبدالله يقصد شي

بالعكس ، اثنينتكم طيبين وقلوبكم نظيفه .

وبعدين اخوي عمر اقولك الصج وماتاخذ بخاطرك علينا ، انت انسان طيب

ومشاركاتك حلوه ، وحلو بعد انك تعطي رايك وتقول الي بخاطرك ، بس حلو

بعد إنك تسمع لآراء الآخرين ، ترى كلنا نخطي ونتعلم من غيرنا ، هالشي حلو

ومافيه تقليل لقيمة الشخص ، بالعكس انت مو خسران شي ، في ناس اكبر منك

وممكن الحياة علمتهم اكثر ، واحنا مازالت معتقداتنا على قدنا .

ومثل ماقال الاخ عبدالله "رحم الله امرىء اهداني عيوبي" ، شي حلو إن

اي شخص ينصح اخوة ، نصيحة صادقة ، مافيها أي مجاملة ، لأن هالشي

راح يكون لصالحه .

والله يوفق الجميع

[Omar Al Hazaa]

^
^
كلامج صحيح اختي وانا والله استفدت منكم وايد..
لاكن اخوي عبدالله فهم اني ماحب اتقبل الرأي الاخر..
وانا فهمته اني اتقبل والله..
وكم مره اعترفت اني غلطان وهالشي مب عيب..

اخوي عبدالله حبيته والله وحبيت كلامه..
واحنا لما نتناقش مب شرط ان الواحد لازم يقتنع..
احياناً الانسان يقتنع واحياناً لا..
والعلماء مختلفين في اشياء كثيره قبل لا نختلف فيها احنا..
اهم شي ان الحب والموده يستمرون بينا ومحد يشيل في خاطره..

[S.S.Ahmed]

:)

أخوي جــاسم

تساؤلاتك جدليه وفلسفيه..

فــ الفلاسفــه القُدمــاء مثل سُقراط وأرسطو وحتى الحديثين مثــل نيتشــا وشوبنهــور قــد أجمعُ على إن معــايير الأخلاق متفاوته ونسبيه وهــي تعتمد على خلفية الإنسان الدينيه والإجتماعيه وحتى الشخصيه...



يعني الأمر متفاوت من مجتمع لمجتمع وحتى من شخص لشخص...
---------------------------

ربمــــا أحكم على الشخص بأنهُ (محترم) أو لا بنــاءاً على خلفيتي الإجتماعيه....فإذا خالف العرف والتقليد الصالح فسوف أقول بأنهُ لايحترم المجتمع...وهكــذا..


مــن الصعب أن أعطيك جواباً حاسمــاً,,فقد تكون الإجابة عن تساؤلاتك مستحيله,,وسوف تكون مختلفه لأنهــا تنبع من أشخاص مختلفون..

------------------------

الـســـؤال المهم هـــو:

هـــل تظن أن معاييرك في الحكم على الأشخاص تأتي من مصادر تثق بهــا؟؟ أم إنهــا تنبع مــن التقليد الأعمى للعـــادات التي فُرِضت علينا فرضاً, وليس لهــا علاقة بالشرع لا من قريب ولا من بعيد؟؟


أخي الكريم,,,المهم أن تبني أحكامك على قناعه,,وأن لا تكون مُقلد فقط للأعراف الباليه...فالأحكــام في النهــاية تكون مسئولية من قام بهــا...فالله عزوجل سُيحاسب الإنسان ذاته على كل حرف قاله,,وكل حكم أصدره,,ولن يُحاكم الأعراف...


مــاأريد توصيله هــو:

ربمــا نُصدر حُكماً في حق شخصاً مــا يكون كفيلاً إمــا برفعه أعلى عليين,,أو بإنزاله أسفل السافلين,,فنكون قــد حكمنــا على الإنســـان حُكماً جــائراً...




سدد الله خطاكم...

[S.S.Ahmed]

:)

عُذراً

مــاشفت النقاش الحاصل بين أخواني عمر وعبدالله إلا بعد مارديت...




أخــوي عمــر

لــو كنت أنــا مكان البنت -وأسأل الله السلامة والعافيه على الجرأة اللي المفروض ماتصدر من مسلمة- وهذا كلام افتراضي,,وكلمتني أنت بهذي الطريقة فراح يحصلي أمرين:

أولاً راح أستحي على حالي لأن شــــاب صغير السن قاعد ينصحني بمحبه..

ثانياً راح أُعجب فــي تلقائيته وبرائته في النصح,,وراح أتقبل كلامه بصدر رحب..

-------------------

أخوي عمــر

طريقتك -من وصفك لنا- مــافيهــا أي خلل,,والبنت هــي اللي ماتبي تسمع النصيحه,, قــال تعالى : (أولئك الذين طبع اللهُ على قلوبهم وسمعهم وأبصارهم)

فالنصيحـه هــي أثقل من الحديد -وسمي أثقل شي بالأرض- على قلوبهم.....

ودائمــاً مــا يتذرعون بقولهم ((دايم المطاوعه متشددين ومتعصبين ومتخلفين )) وإلى آخره من الكلام اللي يدل على جهلهم بحياة المتدين....


-------------------------

أخوي عمـــر

الله يثبتك...وأنت صاحب نيه طيبه وصالحه,,ومانزكي على الله أحد....

ولكن أسمح لأختك الكبيرة تعطيك نصيحه :)

عــليك بالحذر,,,وكــون كمــا قال عليه الصلاة والسلام : ((المــؤمن كيسٌ فطنٌ حذِر)) ,,فكــن دائمــاً واعٍ ,,وأعرف جيداً إن أختيار الوقت المناسب والصياغه الجيده أمر مهم لتوصيل النصيحه....

أغبطك على بــرائتك وطهـارة قلبك......سدد الله خطاك أخي...

[Adel Al-Jalham]

السلام عليكم ورحمة الله وبركاته

اشكرك اخوي جاسم على طرحك لهذا الموضوع الرائع وهذا ليس بغريب من شخص رائع مثلك

بالنسبه للحكم على الانام فسبحان من خلقها وخلق التباين فيها فلكل شخص زاويه ورؤيه تميزه عن غيره في اتخاذ الاحكام او اصدار القرارات فالبعض يحكم بزاويه تربيته وبيئته المحطيه به ولكن هناك كما ذكر الذين سبقوني مايسمى بالانطباع الاول وهذا الانطباع قرأت عنه مقاله لدكتور لايحضرني اسمه ولكنه قال ان الناس تحمل طاقات كهربائيه موجبه وسالبه وبحكم هذه الموجات يصدر الحكم فأذا كانت متشابهه حدث التنافر واذا مختلفه حدث التجاذب طبعا يبقى هالكلام نظري بحت
اما بالنسبه لي كشخص طبيعي وعادي فاسبحان الله بعض الناس ترتاح لهم من الله وبعض الناس ماترتاح لهم من اول مره بس مع الايام وعشرتهم تعرفهم اكثر وتندم على الايام الي كنت ماخذ عنهم فكره سلبيه ,فالعشره والمعرفه الجيده للشخص يجب ان تسبق الحكم عليه والا لايجب ان نعمل قضاه ونورد الاحكام على كيف ماتشتهي انفسنا بل ان البعض من الناس قد يحكموا بصوره سلبيه مسبقه ويروجوا هذه الصوره السلبيه مع عدم حدوث اي تعايش من قبل الشخص المعني

بالنسبه لاخوي عمر
ياخوي ماشاء الله عليك صار لي مده اقرى نقاشك ومواضيعك الشيقه ومغامراتك وصراحه مواضيعك وردوك تضيف نكهه حلوه للموضوع اتمنى انك تواصل وبقوه

اما بالنسبه لقصه (وشو هاللون الخطير) فما اقول الا ياخوي مثل ماقالت لك الاخت الي سبقتني كان تغاضيت وسفهت ابرك من انك ترد لان من وجهه نظري اندافعها بدون حياء ولاخجل هو قله حياء وقله الادب وبما انها كبيره فا فيه مثل يقول (( كبرت لحاهم والعقل ماجاهم)) كان الاجدر فيك انك تختصر وتقول شكرا وترفع دريشتك احسن من انك تقلب ملفها الاجتماعي :D المره الثانيه اذا وحده قالت لك (وشو هاللون الخطير) قولها شكرا من ذوقج وانهى الحوار ومثل ماقال اخوي عبدالله انت يمكن مسكت نفسك وماتحرشت بس لو غيرك ماعرف اشكان بيصير المفروض انك ماتعطيها وجه لانه كان بيكون لها درس ورادع انها ماتعيدها و لاتكررها مع غيرك بس بتجاوبك معاها شجعها على الاخذ والعطاء ومواصله الحديث ويمكن لو ماعطيتها الشريط وشافت منك حزم كان عادي تسولف وياك لليوم الثاني على العموم اتمنى انك استمتعت بأفطارك ذاك اليوم :D


واسمحولي على الاطاله

[Omar Al Hazaa]

مــشــكــوره اختي S على كلامج الطيب..
احرجتيني والله..

رايج يهمني وخليتيني افرح وارتاح..
يوم قلتي ان الطريقه الي استخدمتها فالنصيحه مافيها خلل..

وانتي ماشاءالله عليج مشاركاتج قليله..
لاكنها تكون مؤثره وفيها ادب عالي..

وصح كلامج النصيحه ترا احيانا تكون ثقيله..
ويوم كنت ضايع..
كنت اتضايق في بعض الاحيان لما احد ينصحني لاكن كنت افكر فالنصيحه واخاف..
والهدايه تكون بيد الله..

لاكن الحمدلله الله سبحانه وتعالى كتب لي الهدايه..

واسئل الله ان يرزقنا اجمعين الثبات فالدنيا والاخره..

مشكوره اختي S على نصيحتج..
والجمدلله بديت اقدم على الجامعات الاسلاميه الكبيره..
عشان اغير اسلوبي الضعيف...
وعشان اتعلم اكثر و يبتعد عني الجهل..

لأن العلم يرتب كل شي في حياة الانسان..
واهوه الي يوصل الانسان للحياه السعيده فالدنيا والاخره..

اختي S ان شاءالله الله يعطيج على قد نياتج وعلى اسلوبج الراقي ..
والله يرزقج بالسعاده والسرور فالدنيا والاخره..

[Omar Al Hazaa]

حبيبي الغالي عادل..
عليكم السلام ورحمة الله وبركاته..

انت ماشاءالله عليك من القدامى فالمنتدى.. (لاكن مشاركاتك خفيفه في منتدى حوارات الاعضاء وفالعام!)
وانا توني صغير وبادي فالحياه وقاعد اتعلم منكم..

اخوي عادل كلامك افـتـخـر فيه..
واحرجتني الله يهديك بكلامك..

مشكور اخوي على نصيحتك..
والمره الجايه ان شاءالله ماراح اقلب ملفها الاجتماعي ههههه..
بس ماكان قصدي اني افتح ملفها الاجتماعي..
سئلتها عن الزواج عشان شريط الزواج كان في يدي..
وقلت خل انصحها لأني كنت ابي اكتشف تفكيرها..

وماعتقد ان هالشي بيتكرر وان شاءالله مايتكرر..
واذا تكرر ان شاءالله بكون جاهز بالعلم وراح اتبع نصايحكم..

بحاول اني اخلي عندي اشرطه حلوه حق التوزيع فالسياره..
وماراح اتكلم وبحاول اسكر الموضوع بسرعه..

مشكور اخوي على كلامك الطيب والله يوفقك ويسعدك فالدنيا والاخره..

[Mohsin Al-shaikh]

السلام عليكم

والله اخوي جاسم انت شخص روعة في موضوعاتك وهذا يدل على خبرة في تعامل والمخاطبة.

اما عن الموضوع فهو يعتمد على الخبرة في المخاطبة وتعامل.

لأن الشخص اذا ماعنده خبره في المخاطبة وتعامل تحس ان بعض كلامة جارح بذات اذا كتب.

وفي رايي الحمدالله شاركت في كثير من معارض عن طريق قطر للبترول وتعلمت شي هو كيف اكسب الزبون بسلوب المخاطبة.

كلمات يجب التوخي الحذر منها.

وهي كتالي : لا او ماوافق راي..عط المجال حق غيرك..إذا انت عندك وانا ماعندي...خطاء أملائي..أسمحلي اخوي انت غلطان...وغيرها.

سلوب المفروض يكون:

كتالي: اوافق الراي في بعض لكن..أنتظر الرد..أنشالله لي عندك بكون عندي..إذا علمت بالخطاء راسله على خاص...والله في رأيي.. وغيرها

استخدام رسائل خاص مفيد جدا لعدم الاحراج غير.

عندما تعامل الناس بسلوب لطيف تكسبة ويطمأن قلبة..

ونصحتي التوخي الستهزاء (ايش دخل الحين) في الموقع بضحك(هههه)..والتكبر بالمعرفة..

أرجوا استخدم كلمات فيها اسم الله لتجنب التكبر.

كلمة جميلة (أرجوا ان لاتفهموني غلط) الحمدالله شخص عادي مثلكم وانتمنا لكم الخير والسعادة والنجاح في الدنيا والاخرة.



أشكرك

[Shaikha.S]

السلام عليكم ورحمة الله وبركاته
شكرا على مواضيعك المميزة التي تدل على عمق ندر وجوده في أيامنا
طريقة نظرتك للناس ..؟
نطرتي للناس بشكل عام نظرة كلها احترام وتقدير أحب أن أشعر الاخر بإنسانيته

كيف تحكم على الشخص الآخر ان كان محترم أم غير محترم ؟
طريقة الكلام هي خير دليل ولكنها ليست دقيقة معظم الاحيان

هل عندك معايير معينة للاحترام ؟
لا ,أحب أن أحترم الجميع مما يفرض على الأخرين احترامي فأنا شعاري هو عامل الناس كما تحب أن يعاملوك

هل شكل الشخص بالنسبة لك مهم وعلى ضوئه تحكم على احترامه أم لا ؟
بكل صراحة نعم ربما البعض يعتبرها سطحية ولكن بالنسبة لي أن الشكل هو المفتاح الأول لفهم الماثل أمامك

فعلاً .. شلون نظرتنا للناس ؟ ! لو شفت فلان يقول انا اسوي كذا وكذا وكذا .. هل هذا كافي حتى أكون وجهة نظر عنه سلبية أم ايجابية ؟
نعم بعض الأحيان تكون كلماته خير برهان وبعضها تحتاج إلى براهين لئؤكد لك صدق كلامه ولكن بالنسبة لي أنا لا أفضلها بل يجب أن أتتبع تصرفاته لأعرف صدق ادعائاته

هل تؤمن بأن تكوين وجهة نظر عن شخص معين واخلاقه واحترامه تكون بعد المعاشرة الشخصية والجلوس مع هالشخص أم ممكن من خلال قراءة ردوده او طريقة مخاطبته للغير ؟
أؤمن بوجهتي النظر فالمعرفة الشخصية هي طريقة فضلى لمعرفة الغير ولكن التكنولوجيا فرضت علينا أسلوب آخر لمعرفة الاخر من خلال ردوده فتستشعر ماهية أفكاره ومدى اتساع مداركه يمكنك بشكل غير دقيق الحكم عليه