المساعد الشخصي الرقمي

مشاهدة النسخة كاملة : أستفسار عن المجلس الأعلى

Ahmed AL-fahad
21-04-2008, 01:22 AM
السلام عليكم ورحمة الله وبركاته

أخواني في منتديات شبكة الطلبة القطريين عندي استفسار محيرني.

انا يا الربع رحت هيئة التعليم العالي وانا على رغبه في الدراسة بالخارج فقالوا لي الشروط انك
ما تعدي خمس سنيين من تخرجك من الثانوية وانا صارلي اربع اسنيين وعشر شهور
وقالولي قدم امتحان أيلس ولا توفل واختار الجامعه ألي تبيها وجيب الموافقه من الجامعه حيث
اني مقدم على جامعه عن طريق مكتب الــ ( أي دي بي ) والحين منتظر امتحان الأيلس
بعد شهر................

السؤال...... هل ممكن يرفضوا الطلب وهل هم متشددين من ناحية اختيار المبتعثين...

وانا سمعت انهم ممكن يخلون اول سنة على أحسابي طيب اذا خذيت كورس انجليزي هل تعتبر السنة
الأولى او فترة التأسيسي تكون على احسابي السؤال وشهي السنه الأولى ألي تكون على أحسابي
كورس الأنجليزي ( في حالة اذا ما خذيت درجه في الأيلس) او كورس الانجليزي و التاسيسي يعني سنتين على حسابي.

ومشكوريييييين على تعاونكم معي واسف على الأطاله
Ahmed AL-fahad
22-04-2008, 09:46 PM
شسالفه المنتدى شكله مهجور
Mohsin Al-shaikh
22-04-2008, 10:12 PM
هلا اخوي أحمد

التأسيسي هو انجليزي في معضم الجامعات في بريطانيا يعني مايحتاج ايلتس. اذا نجحت في سنة تأسيسية عليك تختار تخصص المناسب من نفس الجامعة علشان يعطونك شهادة قبول وتوديها حق المجلس الاعلى للتعليم. ولازم تصدق شهادة تأسيسي من السفارة القطرية في بريطانيا.

اشكرك على الموضوع
Hend.AL.M
23-04-2008, 03:17 AM
أخوي السنه اللي بتكون على حسابك هي السنه اللي بتدرس فيها بالبرنامج التأسيسي عشان تتحسن

اللغه عندك

وبعد ماتخلص ... ممكن تحول عالهيئه بس عاد مادري شنو شروط التحويل :/



موفق :)
Ahmed AL-fahad
23-04-2008, 07:17 PM
مشكورييييين على المرور بس يا خوي محسن قالولي كورس الأنجليزي في استراليا ياخذ سنه والتأسيسي سنه.
طيب بخصوص الشهاده ما هو المستوى المطلوب اخاف اني اخلص بعدين تدري مرات المجلس يعطونك اعذار عشان يرفضونك

على كل حال however........
عندي سؤال اتمنى منكم الاجابه عليه لانه بالنسبه لي مهم جدا .......هل من الممكن انهم يعطون الطالب قرض
للدراسة لأني عندي مبلغ أخاف انه ما يكفي حق مصاريف المعيشه. وشكرا للأخوان محسن وهند على مرورهم الطيب
Hend.AL.M
25-04-2008, 06:57 AM
اخوي لا تعتمد على الكلام اللي يقولونه الناس !!

انت دش سايتات الجامعات وجوف بنفسك شنو متطلبات الجامعه وشلون ممكن تنعفي منها

وبخصوص التكالييف ماقد سمعت عن قروض من الهيئه ,, بس عندك البنوك منها بنك الدوحه يعطي قروض للطلبه

بصراحه انا ماعرف شنو ستاندرد المتطلبات للجامعات الاستراليه بس اللي اعرفه انه الدراسه هناك

شوي صعبه وناس وايد يردون من هناك فشوري انك تفكر بمكان ثاني تدرس فيه أسهل من استراليا

وخاصه انك مثل ماقلت تبي تدرس كورسات انجلش .. حط ببالك ان على جذي بتطول وايد بالدراسه مابين كورسات وفاونديشن

وغير التخصص .. عندك برتش متطلبات جامعاتهم تمام 6 بالايتلس .. وأميركا بعد متطلباتهم اوكي

( مجرد رأي )

:) موفق
Ahmed AL-fahad
26-04-2008, 09:40 AM
مشكوووووره اختي هند على نصايحج القيمه وبخصوص قروض البنك رايحلهم اشوف شسالفه

وجزاج الله الف خير