اختلاط في في مرحلة الابتدائية

[Mohsin Al-shaikh]

السلام عليكم ورحمة الله وبركاته

اقتبس من كلام الدكتور إبراهيم الخليفي أستاذ علم النفس التربوي بجامعة الكويت من الجريدة الشرق القطرية بتاريخ 20\04\2008.

"أنَّ الأطفال من عمر رياض الأطفال وحتى الفصل الثالث الإبتدائي سيوجدون بنفس المبنى ومن الفصل الرابع سيتم الفصل بين البنات والبنين،مؤكداً أهمية هذا النوع من المدارس خاصة في ظل ماتشهده دولة قطر من تطور في المجال التعليمي والاهتمام بالتنمية البشرية،منوهاً بأنَّ دولة قطر تعتبر من الدول الرافضة للتعليم العربي ذي المنهجية المسدودة".

هل اختلاط في في مرحلة الابتدائية في مدارس الخاصة له علاقة بتطور التعليمي في قطر؟
وايش راي الشباب بموضوع اختلاط في المدارس بشكل عام.

من نظرتي اشوف ان اختلاط يقلل من عدوانية الذكور :3leahm: بذات اذا كان تواجد انثوي موجود في المدارس :Friends: .
ولكن ايضاً ممكن يسبب بعض المشاكل للفتيات في ظل نشوب صراع :457--: بين الطرفين في المدرسه مما يؤدي إلي سخرية.
انا موافق بشرط يكون الاختلاط في المبنى وليس في الصف في المرحلة الابتدائية.
اوافق على كلام الدكتور.:vba8d:

والله مادري اذا حد منكم مر بتجربة في المدارس الخاصة المدمجه يقول رايه.


نقاش من أجل المستقبل أبناؤنا :SnipeR(14): :table: .

[N . A . AL-KORBI]

السلام عليكم ورحمة الله وبركاته

مشكور اخوي على الموضوع الرائع .

بالبداية راح اتكلم عن تجربتي

في المدارس الخاصة كان خلط ، يعني صبيان وبنات ، وكانوا البنات كله يصيحون والسبه هالصبيان :16308_1189553119:

طق وانطقينا ، تشمخ وتشمخنا ، لعوزه وتلعوزنا ، بإختصار تعذبنا .

الحمدلله عدت ذيك الأيام على خير ، انا عن نفسي كملت بس سنه ، بالنسبه لأختي ،

قعدت بالبيت وماكملت ، والسبه واحد كان مكرها حياتها كل يوم طق . :angry4:

الحين اخواني في مدرسة للغات ، المدرسة خلط من الإبتدائية إلى الإعدادية

من أول إلى ثالث خلط بالصفوف ، أما من رابع إلى الإعدادية بس المبنى .

حمودي الصغير ماقدر يكمل ، وبالفعل طلع من المدرسة ، ما عجبه وضع البنات ودلعهم هاي كلامه :D

اما بالنسبة لحمني ، قاعد يجاهد والسنه الجايه راح يطلع ، هو تم لأن البنات

مو وياهم بنفس الصف على عكس حمودي كان صفه خلط .

انا يوم كنت اروح ويا اخواني شفت كل شي ، وما أأيد الخلط ، الصبيان حقوقهم محفوظة :m19asmilies-com:

اما البنات فلا والله يكسرون خاطري ، يوميا احد طاقهم ، او ملعوزهم ، كنت اروح عند اخصائية المدرسه

مشان اخوي حمودي ، فكل يوم بنت داخله على الاخصائية تشتكي من فلان وفلان ،

" هاي طقني " ، " وهاي خذ بكلتي " ، " وهاي نتف شعري " وهالشي نفسه كان ايصير وياي

شي عجيب ، اما بالنسبة لكرة القدم ، يوميا كانوا يشوتون الكره على ويهيي ،

، و يوم نوديه عند الأخصائية ، يقول " ابله والله ماشفتها "- عيار !!!-

وهالشي انا ما احبه يصير حق خواتي الصغار بعد .

غير كذا اخوي زمانا يختلف تماما عن هالزمان ، والله جد ، من قبل كان الخلط غير ، وما كان فيه

الغزو الإعلامي ، طيب ، شدخل هالشي ؟ هالشي وايد مهم ، من قبل ، شلون كانت برامج الاطفال؟

الحين شوفوا الفرق ، كل شي تغير ، والله برامج ، ما فيه شي من الطفوله ، اكبر مثال Mbc3

وللأسف هالقناة كثير من الأطفال يحبونها ، ما اعرف السبب ؟ وفيه قنوات وايد .

حتى ب اشرطة play station ، لا وكل ماتطورت اللعبه ، زاد الفساد والخراب ، اموت واعرف ،

شدخل شريط ال Driver في المقاهي والحريم ، هالشي شفته .

الأطفال ابرياء ، وللأسف يحبون يقلدون ، صارت افلامهم كلها فساد ودمار ، والاهل ياغفلين لكم الله

وعقب لي شافوا منه تصرف غلط ، هاوشوه وطقوه ، بتقولون ، شدخل طيب بالمدرسه ؟

تخيلوا وهالكلام صج ، الحين البنات الي بصف اول وفي مدارس خاصه ، صاروا يهتمون بشكلهم

، وصاروا يقلدون التلفزيون ، من مسلسلات ، وافلام ، وغيرها من وسائل .

هالشي مو بصالحهم ، واكيد الاهل غافلين ، كلن لاهي بشغله وتجارته ..........الخ

اتمنى إن الكل يقول وجهة نظره بذمه ، هذولي بناتنا وعيالنا واخوانا نبي الخير لهم ،

كل شي تغير ، ولو يصير خلط ممكن تكون النتائج سلبيه وهالشي كلنا مانبيه ولا نرضاه .

والله يحفضهم بعينه الي ماتنام

ومشكور اخوي والله يبارك فيك .

[Omar Al Hazaa]

مشكور اخوي محسن على هالموضوع الحلو والخطير..

1-وعلى الحركات الي ذكرتها اختي N اشوف ان الاختلاط ماينفع حق عيالنا.. لأن الغزو الاعلامي فعلاً اثر عليهم وماخلاهم في حالهم..

2-اليهال في هالسن يحبون التقليد ..والولد يمكن يقلد البنات والبنات يمكن يقلدون الاولاد وبعدين بتنشأ لنا شخصيات مهزوزه(بويات و......!!) المهم. اخوي كان في صف اول في مدرسة كامبردج ووالله انه قال لي انا احب وحده اسمها فاطمه.. وكنت ابي اصيده وقلت له تحبها وايد ولا شوي ههههه قام واستحى! هاي نتايج الخلط..(وللتوضيح اخوي كان في صف اول كي جي على ما اعتقد والحين يدرسه في مدرسه حكوميه)!! ياهل مادخل الصف الاول وعنده هالمشاعر..

3- الخلط حرام ويمكن حد يطلع ويقول هذولا يهال صغار(والتفكير الاجنبي ماراح يأثر علينا).. بس البنت الي عمرها 8 ولا 9 سنوات تكون في سن الزواج والبنت تبلغ بسرعه.. المهم.. انا ماقول زوجوا بناتكم بسرعه لاكن اقول ان البنت تفهم..

4- والرسول صلى الله عليه وسلم تزوج عائشه رضي الله عنها وعمرها 8 سنوات وفي روايه تقول عمرها 9 سنوات..(وهالشي ماأثر عليها رضي الله عنها الا بالعكس اطلعت خبيره فالدين والفقه)<<لحد يقول الرسول غير لان الرسول صلى الله عليه وسلم قدوتنا ولازم نتعلم من كل سننه..

انا ماقول زوجوا بناتكم بسرعه لاكن لو هالشي حصل راح يكون شي عادي وطبيعي(مهما كان كلام دكاترة النساء والدكاتره النفسيين). المهم يعني البنات مهما كانوا صغار مايصير نحطهم مع الاولاد في مدرسه وحده..

والي يقول خل انحطهم مع بعض خل يقول شنو الفايده؟ ولي رجعه بعدين لأن الموضوع خطير.

[Shaikha AB]

انا اضم صوتي للاخت N.A.AL-KORBI

مع اني ولله الحمد ماجربت هذي المدارس وبلاويها إلا اني متاكدة ان مامنها فايدة

وما وراها غير ويع الراس:icon23:

الحين عشان خاطر عدوانية الذكور نضحي بالبنات :fs: مايسوى عليهم:_bounced__by_GirlFl

المدارس مثل ماهي الحمد لله على احسن حال


ومشكور على طرحك للموضوع:70:

[Omar Al Hazaa]

^
^
وعلى فكره الاجانب اتعبوا من الخلط وقاموا يفصلون في مدارسهم.. والحين يبون يطرشون لنا مشاكلهم(عشان يطلعون عيالنا مضطربين نفسياً) لاحول ولا قوة الا بالله..

ولازم ماناخذ أي شي منهم على طول.. وبحاول اني اشوف وجهة نضر الدين في هالكلام..

[Abdulrahman Fakhroo]

لو نتكلم ونصارخ من اليوم الى باجر

قطر لن تغير من سياستها ودائما ترى كل شي من الغرب هو: تطور!!

انا اشوفه............ تدهور!!!

مااقول الا: حسبي الله ونعم والوكيل

[Omar Al Hazaa]

^
^

اذا كان تدهور لازم مانسكت عنه..

والحين حاطين اعلان في جريدة الشرق (عن انشاء مدرستين من اوروبا فالدوحه)..

الحين بعض الجامعات الخلط خربت البنات (مثل وحده تدرس فالطب وجايه تكلمني تبي تسولف معاي)<<هالقصه ذكرتها في موضوع ثاني..

هاي بنات الجامعه الكبار الي فيهم عقل؟.. شلون عيل اذا الخلط صار عند الصغار..

واحب اوجه رساله حق الحكومه.. (انتوا الكبار حطيتوا لهم جامعات خلط)
لاكن الصغار غير واذا جبتوا المدارس الاجنبيه خلوا البنات في صوب والشباب في صوب..
<<لأنهم في ذمتكم والله سبحانه راح يحاسبكم..

[N . A . AL-KORBI]

خلكم من السياسة ياجماعة الخير ، حتى لوتم وضع مدارس مختلطة ، هناك مدراس غير مختلطة ،

الأهل هم المسؤلين ، وإنشاء الله هالشي ماراح يستوي ، اهم شي نعلم اخوانا الصغار ، ونبين لهم كل شي

نعلمهم الصح من الغلط ، لان احتمال يكملون دراستهم برع او حتى في هالجامعات المختلطة

الوالد دخل اخواني هالمدارس مشان اللغة ، بس الحمد لله مانغفل عنهم ، ودايم نعلمهم الصح من الغلط

اهم شي التربية السليمة ، والوعي ، والمراقبة باستمرار ، ولا تغفل عنهم ، ترى هم في ذمتنا

الله يستر عليهم ربي ، ويحفظهم من كل سوء

وإنشاء الله مايصير خلط ، خصوصا في هالمراح ، اطفال ابرياء ، يتصرفون ببرائة

[Anas Al-Ansari]

خلكم من السياسة ياجماعة الخير ، حتى لوتم وضع مدارس مختلطة ، هناك مدراس غير مختلطة ،

الأهل هم المسؤلين ، وإنشاء الله هالشي ماراح يستوي ، اهم شي نعلم اخوانا الصغار ، ونبين لهم كل شي

نعلمهم الصح من الغلط ، لان احتمال يكملون دراستهم برع او حتى في هالجامعات المختلطة

الوالد دخل اخواني هالمدارس مشان اللغة ، بس الحمد لله مانغفل عنهم ، ودايم نعلمهم الصح من الغلط

اهم شي التربية السليمة ، والوعي ، والمراقبة باستمرار ، ولا تغفل عنهم ، ترى هم في ذمتنا

الله يستر عليهم ربي ، ويحفظهم من كل سوء

وإنشاء الله مايصير خلط ، خصوصا في هالمراح ، اطفال ابرياء ، يتصرفون ببرائة

انا اتفق ان التريبة هي الأساس الي تنبي عليه شخيصة الطفل لازم البيت يرسخ القيم لازم تشحن الأطفال بالأخلاق والقيم والدين وانا اشوف وايد اطفال من اهلي يحطون لهم مطوع يحفظ اليهال القران اشوف امهات يجيبون قصص يقوونهم في العربي ويربون هاي اهم اكيد من اي شي ثاني

بالنسبة حق موضوع هاي النوع من المدارس انا مو معاه لأن انا ولد واعرف شلون الأولاد شرسين راح ينظلمون البنوتات الكتاكيت وراح يكرهون الدراسه ومافي فايده من الدمج احسه عوار راس اكثر

اهم شي كل واحد يربي عياله على المعدن الأصيل عشان بكره الدنيا بتتغير وراح يواجه اختلاط في اي مرحله في حياته وتحديات المفروض لو اساسه صح مايتاثر بالمستقبل بعدين

[Omar Al Hazaa]

^
^
انا اختلف معاكم..

لأن في ناس ياخذون كل جديد بدون تفكير..
ويقولون يالله الدوله جابت هالمدارس(هذا اهوه التطور والمستقبل)
يالله بندخل عيالنا فيها عشان يستفيدون من اللغه ومن التطور فالمدارس الاوروبيه..

وخاصه لو كان الاب والام دارسين في دول اجنبيه!
بيقولون احنا ماتأثرنا ويالله لازم ندخل عيالنا الحين..

وهذا الي خلاني اعتبر ان هالشي اهوه مسؤلية الدوله..
لأن في ناس تفكيرهم ضعيف ومايعرفون مصلحة عيالهم!

[Dana Al-Kuwari]

انا فاتحه موضوع بهالخصوص يمكن من سنه ولا ثنتين..
جد عيالنا حالهم مب حال.

ولد اخوي النتفه الياهل يجيني يقولي احب وحده اسمها مها فالمدرسه وهو توه صف رابع ؟؟؟؟؟
ماشالله المشاعر عندهم ملتهبه على بكير :)

واطلع من الكلاس وشفتها شعرها طويل وياشر لي على خصره وفي كلاس الرياضه ارفعت يدها بين ظهرها.
قالت ابعدي على عضيدي الي يابك والله

شالمصخره؟
ودوه مدارس غير مختلطه . زين شالفايده عقب ماتفتحت عينه وحب وعشق ههه

انتوا عبالكم مدارس اجنيه الي الولد يقعد احذى البنت وريله احذى ريلها وعااادي عنده
والوضع طبيعي.
احنا عيالنا غير نمونه ماينفع .
وانا ضد هالنوعيه من المدراس بعد ماشفت النتايج