الشعر الطويل !!! [الأرشيف] - منتدى شبكة الطلبة القطريين

N . A . AL-KORBI

17-04-2008, 09:19 PM

السلام عليكم ورحمة الله وبركاته

مشكوووووووووووووووووووور اخوي على الموضوع الرائع ، والله لايحرمنا من هالمواضيع

والله إني استغرب منهم ، افكر اقص شعري لوعوا جبدي بالشعر الطويل :39:

شدعوه تنافس ، لا كل هاي بصوب وقصاتهم بصوب ، كل اشكال القصات يقصون

وبالعيد او أي مناسبه ، روح الحلاق وشوف ، شيسون ؟ ! ،حمام زيت للشعر ،

وبعدين سشوار ، ناقص يسوون تسريحات ، - اقولك- ترى بدوا يسوون تسريحات

شوف ماأحلى لسبير على شعرهم ، الله يهديهم ، المشكله الجيل اليديد قاعد يتأثر

وياخذ بكلامهم ، انا اخوي حمني ، تم يحن يبي يطول شعره ، عقب طلعت الروح إقتنع :10:

إن شاء الله مايعود في كلامه :talk: ، المشكله هالظاهره ظهرت فجأة ، من قبل محد كان يطول شعره

وعلى أيامنا مافي احد كان يطول شعره ، -مو معنا هالشي انا من العصر الحجري- ،

حتى الشباب الي بجيلي مايطولون شعرهم ، بس هالجيل اليديد ، عجب العجاب ، كل شي

يسوونه ، :surprised1: ، الله يهديهم ، ويبارك فيهم ، انا ما ادري من وين هالظاهره طلعت ؟

لا وشفتوا بعد الصبغات ، عجبا عجبا ، ألوان الطيف كلها على شعره ، ومنكش الشعر .

انا مو عارفه منو قاص عليه وقاله شكلك كيوت ، شكله يضحك مو شي .

خلصت ، راح اترك المجال حق اخواني واخواتي

نبي حلول ياجماعة الخير ، شنو ممكن نسوي ، مشان نقلل من هالظاهره .

Mohsin Al-shaikh

17-04-2008, 09:45 PM

السلام عليكم
والله اعتقد سبب تطويل الشعر يرجع إلى شخصية شخص نفسه الشعر الطويل يجعله مميز او له هدف لفت انظار الفتيات والله اعلم.

وفي بعض الشباب ممكن تسأله ليش بقولك مادري ليش او ممكن يتبع الاعمى...:boss:

أشكرك على الموضوع

Omar Al Hazaa

18-04-2008, 03:53 AM

هههههه موضوع حلو لاكن بعطيك سبب واحد ولاتتشرط وتقول 3 هههه

انا مطول شعري واعترف بعد اني جربت احط فيه زيت عشان يطول اكثر..

وبخلي شعري يطول وماراح اقصه وابي اللحيه تطول معاه والشنب..

والسبب>> اطلعوا اربع اسباب هههه

1- عشان اتمسك بسنة الرسول صلى الله عليه وسلم

2- وعشان ارهب الاجانب اذا رحت عندهم وهالشي يفرحني وايد..

3- هالشي يزيد من خشنوة الريال اذا كان شعره خشن نفسي هههه

4- هالشي يخلي الرجل مميز..

5- يعجبني منظر الانسان الحشاش واحب شكلي يصير نفسه!

Mohammed Al-haddad

18-04-2008, 09:07 AM

اسمحلي يا اخي عمر بس بيكون ردي قاسي و قوي اكثر من اللزوم

1 - عشان اتمسك بسنة الرسول صلى الله عليه وسلم

>>>> نفس ما قلت في البداية الشباب ما خذينها عذر لا اكثر ولا اقل اذا كانت السنة تقول هذا الشي فالرسول (ص) كان مطول شعره لأسباب حربية ( ارهاب العدو ) / لو كانت هذهي الحركة مهمة جداً لكان اجدانا وابهاتنا سوها او تمسكوا فيها نفس الحين ليش يعيني هم ما يعرفون هذي الشي ولا لا !!!!!!!!!!

2- وعشان ارهب الاجانب اذا رحت عندهم وهالشي يفرحني وايد..

>> بالعكس اخوي عمر هذي الحركة عنهم عادي لأن كل شي فري ولا تخوفهم ولا تخرعهم

3 - هالشي يزيد من خشنوة الريال

>> لا والله بالعكس تطويل الشعر للبنات ( لا اقصد اي اهانة ) ولو كان الشعر يزيد الخشونة لكان صار هذي الشي عادي اقول لك سالف عن هذي الحركة الحين روح صور صورة و شعرك طويل وروح طلع فيها جواز او بطاقة شخصية اتحدى اذا خلوك انا جدامي يوم اروح اطلع لي بطاقة شخصية رجعا واحد مارضوا يكملون اجرائاته قالوا له روح قص شعرك و ارجع بعدين ياب ابوه و حاول يتفاهم معاهم لكن ما في فايدة !!! إذا كان يزيد الخشنوة نفس ما قلت خل البترول و اماكن العمل الثانية يسمحون في تطويل الشعر الحين بالعكس ما يخلونك و يقولون لك روح قص شعرك

4- هالشي يخلي الرجل مميز

>>> الرجل ما يكون مميز بهذا الشي في اشياء وايد الرجل يكون مميز بها ( مثلاً اسلوبه / كشخته الخ ...) وهل تطويل الشعر بهذهي الأهمية انه يخليك مميز اوكي خلنا نقول انك صرت مميز بس الحين تمشي تشوي غالبية الشباب شعرهم طويل فوين يصير التميز هني

5 - يعجبني منظر الانسان الحشاش واحب شكلي يصير نفسه!

>>> اما على هذي ما عندي تعليق !!!

وارجوا انك ما تزعل من ردي اخوي عمر

Omar Al Hazaa

18-04-2008, 02:34 PM

N . A . AL-KORBI

18-04-2008, 02:46 PM

مرحبا اخوي محمد.. هههه تعقيبك حلو وانا احترمه.. عطيتك 5 اسباب وماعجبوك وكل انسان له ذوقه..

واختلاف الاذواق نعمه من الله سبحانه وتعالى ولا بتشوف الناس كلهم لابسين نفس الشي واشكالهم نفس الشي.. وانا فحياتي ترا مافتكر فالاباء والاجداد وألبس اشياء غريبه وعندي اشياء وايد مميزه.. وبعطيك كا مثال ترا انا دايما البس غتره خضره وحتى فالأعراس بعد ومافتكر في احد..

ولاتجيب طاري الزعل الله يهديك وانشاءالله مايكون بينا زعل نهائياً..

غتره خضرا ، نفس لون هالرد ، والله شي ، عجبا عجبا :surprised1:

طيب عندي سؤال لي شافوك الناس شيقولون ؟ هل ياخذون صوره تذكاريه لك ؟

اخاف باجر اجوف صورك بالمتحف ، اتغشمر ، بل انا مو مصدقه ، صج ولا تغشمر ؟ :laught2:

Mohammed Al-haddad

18-04-2008, 03:13 PM

انزين الحين سمعنا رد واحد من الشباب وين الباقي لهذي الدرجة ما في شباب مطولين شعرهم فالمنتدى

صراحة استغرب انتظر رد كل واحد شعره طويل

يلا خلوني اطول شعري معاكم !!!!!!

Nasser AL-Muftah

18-04-2008, 03:43 PM

السلام عليكم

اخوي محمد موضوع حلو

بس هل اذا انا طولت شعري او لاء هذا شي مو من خصوصيات غيري

وكل شخص وشخصيته ولا تنسى المظهر من الشخصيه

اذا انا طولت شعري عشان انطر شخص ايي يقولي والله شعرك مب حلو او حلو

بس هل في جريمه انا ارتكبتها يوم طولت شعري

طبعا انا اتكلم عن الشعر المرتب او اللي على الاقل محتشم بشعره

مب اطول شعري واحطه على كتفي واتمشى فيه
وهو اصلن كلش على قولتهم الله بالخير

والموضه شي اختياري واحنا نغيرها

يعني الشعر شي ممكن ينقص بس الاخلاق هي الاساس

هذا رايي السريع<<<< يمكن لي رجعه بشي مرتب

Abrar Al-Janahei

18-04-2008, 04:33 PM

السلام عليكم

اطول شي الواحد ممكن يخلي شعره يول له اهوه عن شحمة اذنه .. وكفاية

اما اذا زاد وزااد ,, ما يكون ناقصه الا مشمووم وعجفتين وذهب :)

ما يضر اي حد اذا شخص طول شعره .. يظر النظر .. الاشخاص اللي يجوفونه يقولون شكله مبهدل ومب نظيف .. ومب حلوة في حق الشخص .. ومب مسأله كلام الناس .. لكن الله جميل يحب الجمال .. والشعر الطويل في زمن الصحابة كان حلو .. الحين الدنيا تغيرت .. ويبين للناظر انه مب مهتم في نفسه ونظافته

اسفه على الكلام .. لكن الحق ينقال

Mohammed Al-haddad

18-04-2008, 04:49 PM

اخوي ناصر تقف حريتك عندما تتعدى على حريات الأخرين ( كنت متوقع هذي الأجابة او الرد )

الحين خلصت كل الأعذار و بدينا نقول حرية شخصية ( سؤال هل شفت هذي الحرية الشخصية من قبل ترى ظاهرة الشعر الطويل ظاهرة يديدة و موضة بس اول ما طلعت الكل هب فيها وقام يطول شعره حتى الهنود و البتان قاموا يطولون شعرهم ) صدقني ان هي مجرد موضة وحركة و الكل هاب فيها على شن ما ادري

على العين والراس شخصيتك بس صارحة ما اشوف ان شخصية الواحد تتعتمد على شعر !!! و عمره المظهر ما اهتم وايد بالشعر و خصوصاً احنا كقطرين غالبية الوقت لابسي الثوب والغترة فمب وايد مهم حركة شعرنا او قصته )

اخوي تطويل الشعر مب جريمة لكن ما في فايدة وحدة منه لو في انا اطول شعر الحين ( شافها الشباب حركة و فلا !!! و قال يلا )

احنا من قال انا ضد الموضة بس الموضة تكون عدلة ( مثلاً مب تنزل ثيابة مبهدلة و نقوم نلبسها ونقول موضة )

لازال الشعر يعني هو مشكلة قصه وخله قصير هل هو مشكلة كبيرة ..........

H.A.A.Al-Ansari

18-04-2008, 05:08 PM

ღ

.
.
.

~ السـلآم عليـكم ورحمـة اللـه وبركـآتهـ ..

..

هههههـ .. ^^"

مـآ شـآء اللـه عليـك أخـوي محمـد ..

اختـرت ظـآآآهـــره .. منتشـره فـي المجتمـع بشكـل فضيـع .. ومحيـره وآيـد نـآس .. :D

بالأصـح / هـي قضيـة مجتمـع وليـس ( ذكور أو إنآث )

لأنـي لـو مآ بهتـم فـي الشبـآب بشكـل عـآم .. لازم بهتـم فـي إخوآني ..

يعنـي القضيـه تهـم الكـل ..

شكـراً أخـوي عالموضـوع ..

وإن شـآء اللـه تكـون الإجـآبـــآت مقنعـه ..

;)

.
.

~ فـي نظـري ..

أشـوف الشعـر لـو كـآن نآعـم .. حلـو يطـول إلـى حد الرقبـه ( مب أطـول ) ..

خـلآفـاً للشعـر الخشـن .. حـلاتـه مع المنبـت ( مب أكثـر ) ..

وفـي الحآلتيـن المفـروض شعـر الولـد مـآ يكـون وآيـد طويـل وبنـآتـي ..

:16:

.
.

~ وفيمـآ يخـص السنـه ..

يآ جمآعـــه .. تـرى الـرسـول - صلى الله عليه وسلم - كـآن حلـو وسمـح ونظيـف وهيبـه .. وكـآن شعـره نآعـم ..

ومـآ أكـد عالشـعـر الطويـل .. لأن هـو كـآن يقـص شعـره أصـلاً ..

فأنتـوا لـو مـآطولتـوا شعـوركم مـآ بتخآلفـون السنـه .. لأن هـذي مو أسـآس ..

مثـل مـآ إذآ اتبعتـوهـآ مـآ بتظمنـون الجنـه .. فلا تتركون السنه ومـآ تاخذون منها إلا هالشي ..

( وكأنهـــآ موضـــه ) ... !!! :err:

..

بعـض الأشكـآل مـآ يركـب عليهـم الشعـر الطويـل .. لأن يقتـل جمآلهـم .. ويمسـح سمآحتهـم ..

فمـآلـه دآعـي يطولـونهـ .. :54y45:

.
.

~ اللـه جميـل يحـب الجمـآل ..

والرسـول - صلى الله عليه وسلم - مـآ كآن تطويلـه لشعـره مبتـذل ..

يعنـي اللـي تسوونـه مـآ يمـد للديـن بصلـه ..

واللـي شعـره مـب مرتـب .. لا يطولـه لأن مظهـره بيكـون مؤذي ..
( والمظهـر الحسـن من السنـه ) والشـي الحلـو علـى وآحـد مـب حلـو عالكـل ..

ومظهـر المسلـم مـن سمعـة الإسـلام ..
فاشحـآل اللـي يدعـي اتبـآع السنـه .. وهـو يظهـر الديـن يصـورة قبيحـه ..

بالعكـس الديـن مـن السمآحـه والليـن .. مـو القبـح ( اللـه يهديكـم ) .. :err:

لـو الشعـر طويـل وشكلـه حلـو ومرتـب ونظيـف .. عـآدي ..
بـس مآ يسـرررح شعـره عالآخـر بطريقـه مبتـذلـه ..

كـل شـي لـه حـدود .. :)

.
.

~ أمـآ فـي نظرتـي للأشخـآص ..

تجذبنـي صفـآت .. تحسسـك إن هالشخـص قمـة فـي التميـز وسـط الموجـوديـن .. لدرجـة إنك تتمنـى تكـون مثلـه .. :5:

منهـآ :-

النظآفـه والسمـآحـه ..

والأخـلاق اللـي تبـآن مـن الوجـه ..

والسمـت الحسـن فـي المظهـر ..

والـذوق فـي الكـلام والهـدوء ..

> ... ولكـن الشعـر مو مـن هـذي الشـروط ..

.
.

~ بالأخيـر ..

ولا تنسـون إن ( القرعـــه ) سنـه .. ;)

فالكـل خـل يـروح يعتمـر ويقـرّع .. بتشوف إن مو الكل بيقبـل هالشـي ..

بيقولكـ : شعـري تعبـآن فيـه وأنـآ أعـدله .. :10:

> ... للأسـف هـذآ من بآب إثبـآت حرصهـم علـى اتبـآع السنـه .. :err:

فـيآليـت محـد يدخـل الديـن إذآ جـآ يبـرر حـق نفسـه ..

لأن الديـن هـو غنـي عـن مثـل هالادعـآءآت ..

( اتبـع السنـه صـح .. وإلا لا تقـول إنهـآ سنـه ) .. !

لأن الديـن مآ عطـى هالقضيـة أهميـة كبيـره ..

.
.

~ أخـوي عمـر :

ملاحظـه علـى مـآ قلـت إذآ ممكـن ..

إن نقآطـك اللـي ذكرتهـآ .. تتعـآرض مـع بعضهـآ البعـض ..

يعنـي فـي نقـآط تنآقـــض غيرهـآ ..

فاسمـح لـي أوضحهـــم .. وأتمنـى أشـوف ردكـ علـى كـلامـي :) ..

...

5- يعجبني منظر الانسان الحشاش واحب شكلي يصير نفسه!

>> هـذي عشـآن نفسـك .. وتـرى مظهـر الإنسـآن الحشآش مو السنـه ..
لأن الرسـول انعـرف بالمظهـر الحسـن المرتـب .. مـب اللـي يخـرع ..
والا اشرآيكـ !!! :39:

..

1- عشان اتمسك بسنة الرسول صلى الله عليه وسلم
2- وعشان ارهب الاجانب اذا رحت عندهم وهالشي يفرحني وايد..

> ... هـذي النقطتيـن يتعـآرضـون .. لأن الديـن يحـرص عالسمآحـه ..
وحتـى الإرهـآب فـي الديـن بنـآء الشخصيـة وتقويـة الجسـد .. مو تطويـل الشعـر ..

فـاحنـآ لـو كنـآ حريصيـن علـى الديـن .. مـآ بنشـوه صـورتـه بعيـون الأجآنـب .. :)

..

3- هالشي يزيد من خشنوة الريال اذا كان شعره خشن نفسي هههه

>> ... وأقـدر أثبـت لـك إن الشعـــر مآ يمـد للرجـولـه بصلـه ..
ولا حتـى الشعـر الزآآآيـد عـن الحـد رجولـه ..
بالعكـس .. الرجـآل أخلاق وأفعـآل .. مو شَعَــر .. :16:

..

4- هالشي يخلي الرجل مميز..

حسـب التميـــز اللـي يرضيـك ..
لأن / مظهـر الشعـر الكثيـر مو نظيـف .. فينفّـــر النـآس !!!

وإذآ عـن التميـز / تـرى حتـى المقنّـع مميـز فـي شـوآرع قطـر ..
ولكـن مآ فيـه مـن الحسـن شعـره .. :9:

> ... إلا إذآ تشوفـه حلـو :43: .. !!!!!!!!!!

بالمقآبـل / بعـض شبـآب الشبكـه هنـي مميزيـن مآ شـآء اللـه عليهـم ( ولكنـه تميز عكس المقنّـع هههه :10: ) .. وأنـآ متأكـده إن مـآ تميزهـم شعـورهم .. فشـوف شللـي يميزهـم .. وأنـت حـدد تميزكـ اللـي تبغيـه !!! :16:

> ... السموحهـ / ولكنـي لاحظـت هالشـي .. وأنتظـر ردكـ علـى ردي .. :)

.
.

اللـه أعلـم بكـلامـي .. اللـي عنـده تعقيـب يقولـه .. :8:

وأتمنـى نشـوف ردود البقيـه ..

شكـراً أخـوي محمـد ..

والسموحـه منكـم عالإطـآلهـ ..

=")

.
.
.

ღ

N . A . AL-KORBI

18-04-2008, 05:32 PM

السلام عليكم

اطول شي الواحد ممكن يخلي شعره يول له اهوه عن شحمة اذنه .. وكفاية

اما اذا زاد وزااد ,, ما يكون ناقصه الا مشمووم وعجفتين وذهب :)

هلا والله اختي ابرار ، الله على المشموم والذهب :victory:

ياجماعة الخير احنا مو ضد تطويل الشعر ، بس الشي لي زاد عن حده انقلب ضده

ما اقولكم ، حلقوا شعركم عالصفر ، وصيروا بطيخه ، هاي كلام حمني ، والله شحلات الواحد

مرتب شعره ، بالمعقول ، طيب طول شعرك بس مو تخليه لنص ظهرك ، انتوا لوين تبونه بالضبط ؟

وسلامتكم

Mohammed Al-haddad

18-04-2008, 05:40 PM

صراحة اختي كلامك عين الصواب فالشعر الطويل من جميع النواحي ماله سبب مقنع دينياً ( وهو الأهم ) اخلاقياً و اجتماعياً

Nasser AL-Muftah

18-04-2008, 05:56 PM

اخوي ناصر تقف حريتك عندما تتعدى على حريات الأخرين ( كنت متوقع هذي الأجابة او الرد )

الحين خلصت كل الأعذار و بدينا نقول حرية شخصية ( سؤال هل شفت هذي الحرية الشخصية من قبل ترى ظاهرة الشعر الطويل ظاهرة يديدة و موضة بس اول ما طلعت الكل هب فيها وقام يطول شعره حتى الهنود و البتان قاموا يطولن شعرهم ) صدقني ان هي مجرد موضة وحركة و الكل هاب فيها على شن ما ادري

على العين والراس شخصيتك بس صارحة ما اشوف ان شخصية الواحد تتعتمد على شعر !!! و عمره المظهر ما اهتم وايد بالشعر و خصوصاً احنا كقطرين غالبية الوقت لابسي الثوب والغترة فمب وايد مهم حركة شعرنا او قصته )

اخوي تطويل الشعر مب جريمة لكن ما في فايدة وحدة منه لو في انا اطول شعر الحين ( شافها الشباب حركة و فلا !!! و قال يلا )

احنا من قال انا ضد الموضة بس الموضة تكون عدلة ( مثلاً مب تنزل ثيابة مبهدلة و نقوم نلبسها ونقول موضة )

لازال الشعر يعني هو مشكلة قصه وخله قصير هل هو مشكلة كبيرة ..........

شنو المشكله لين كان الشعر طويل هل هو مشكله كبيره

وبعدين محد قال حريه شخصيه

وبعدين اتقول حريه الاخرين شنو بيظرهم انا شعري طويل او قصير او قرعه

بس في زمانا هذا يحبون المظهر اول شي يتكلم عليه

وبعدين مب انت او انتي اللي يقررون من الصح ومن الغلط

بمعنى اخرى اذا عاجبني شي وانت لاء اشرب ماي البحر

اهم شي ما يقرب صوب الدين بشي

Ali H. Al-Emadi

18-04-2008, 05:59 PM

فيه انقراض للشباب في الموضوع ،، لوول

ترى الشعر ماهو بحرام للي يبي يخليه ولا بحرام للي يبي يشله ،،
والتطويل ما يكون إلى ما شاء الله ،، له حدود ، بالنسبه للشباب ،،
صح مهما طال الشعر ما راح يفقد رجولته البني آدم ولكن فيه حد لازم ما يتعداه ،،
مثل اللي شعره على كتفه وإلا رابطه ورى ظهره ... الخ ،، هذوله مالهم لزمه ،،
الشعر عند الشباب يكون عند الرقبه وخلاص ،، وجهة نظري بالنسبه لطول الشعر الأقصى ،،
أكثر من الرقبه ، هاي مبالغه ومغالاه ،،
المشكله ان التحديات زايده وكل واحد يرمق الثاني بنظره ويقول شوف شعري اطول ، وإلا أنعم ،،

وترى فيه ناس يكون شكلهم مرتب بالشعر الطويل ،،
وناس شكلهم مرتب بالشعر القصير ،،

خلاصه ،
1- الشعر الطويل للي يكون شعره ناعم أو شبه ناعم ، مب خشن ،، ويهتم فيه بترتيبه وتمشيطه ومب الاهتمام المبالغ فيه (حمام خاص للشعر ... الخ) ترى ما اعرف بلاويهم ،،، بس الحريم اخبر فيهم ،،
2- فيه ناس يطولون شعرهم لأنهم يلبسون بدلات بسبب اعتقادهم الشخصي بأنه افضل أو شكلهم يكون أفضل ،، (وايد ملاحظ بالشباب اللي يدرسون بره)

في النهايه ترى الموضوع هاي يعتمد على ذوق الناس ،،
ولولا تعدد الأذواق لما شفنا اختلاف الاشكال ،،

وعلى فكره انا شعري مب قصير ، بس مب طويل بشكل مبالغ فيه ،،
علشان يتوضح موقعي من الإعراب ،،

F.H

18-04-2008, 06:00 PM

الصراحة ...

إلي شعره طويل ومبالغ بالطول لين الكتف منظره يرفع الضغط .. ومقرف من جد .. مع احترامي لكم مافي أي هيبه ..

خاصة هل أيام المتشبهين بالنساء منتشرين بقطر .. ومناظرهم مع شعرهم الطويل فوق المقرف..

صرنا مانفرق بين البنت والولد !!

وهذا راي أغلب البنات ..

Mohammed Al-haddad

18-04-2008, 06:11 PM

Nasser AL-Muftah

18-04-2008, 06:16 PM

اخوي ناصر و اخوي علي ترى تطويل الشعر إلى حد معين اوكي يعني ما يطوف الرقبة بس أذا طال عن حده هني المشكلة و الغالبية شعرهم اطول من اللازم بوايد صراحة

الكل له ذوق في اختيار ملابس و شكله لكن مرات هذي الذوق يتعدى المعقول و يصير على العكس ما ابي اقول شنو يصير ......... لكنه بمعنى اخر شي غريب

ما يطوف الرقبه <<<مب انا اقرر اذا شعر غيري, انا بس اقول رايي

ممكن انا انتقد بس لكن اني افرض رايي هذا تعدي

المعقول <<<في مجتمع صار المعقول هو الصح بمعنى اخر الشي اذا كان غلط والناس

تعودت عليه في نظره صار صح وشي عادي

Mohammed Al-haddad

18-04-2008, 06:25 PM

اخوي ناصر انا ما فرضت رايي ولكن قاعدين نتكلم عن واقع ( بطول شعرك طوله بحدود و الحدود هذي مب انا او واحد غيري يحطها تكون هذي الحدود مرات دينية او مجتمعية هل كل شي يوافق عليه المجتمع خطأ او كل شي يرفضه المجتمع صح ؟؟؟؟ ولكن لم يحطها المجتمع تكون هذي الحدود غالبية الأحيان منطقية ( تعتمد على العقل ) بالله عليك اذا انا اشوف شاب ما اقدر افرقه عن بنية بسبة الشعر هذي مب مشكلة !!!!!
والمشكلة ليش ؟؟؟؟؟

للأسف هذهي الظاهر تعود عليها المجتمع و صارت عادية لكن بتم عند فئة معينة غلط ومب عادية واظن الكل يعرف منو هذي الفئة

ارجوا انك ما تزعل من ردي

N . A . AL-KORBI

18-04-2008, 06:29 PM

السلام عليكم ورحمة الله وبركاته

مافي شي اسمه افرض رايي على غيري ، في شي اسمه وجهات نظر ، من خلالها

نقدر نوصل لحل ، ونغير من اسلوبنا او حتى منظرنا ، إذا كنا غلط ، وحلو إن الواحد

يسمع حق غيره ، ويتقبل وجهة نظر كل شخص ، لأن هالشي لصالح الكل .

Nasser AL-Muftah

18-04-2008, 06:33 PM

عاااااااااااااادي اكيد

ترى شعري مب طويل نفسهم

بس خل اسوي جو في الموضوع شوي ^_*

ترى المجتمع الحاليا بتتعب لين تعرف شنو اللي يبيه وشنو لاء

فمثل ما نقول ارضاء الناس غايه لا تدرك

ويعطيك العافيه

بس اسمحلي اقولك هذا الموضوع مب مال نقاش

لانه في النهايه ما له اي حل والبنات اكيد ضد

Ali H. Al-Emadi

18-04-2008, 06:33 PM

أخوي محمد ،،
هاي اللي قلته ، ان اللي يزيد عن حده ينقلب ضده ،،

ترى الموضوع لازم ناخذه من ناحيه اجتماعيه وفكريه وليس دينيه ،،

لأن الدين ما حرم الشيء هاي ،،
ولكن نظره المجتمع إليه وتفكير الأشخاص الآخرين إليه ،،

احنا ما نبي نثير مثل هالموضوع اللي زاد عن حده في الدوحه بدون أي بحث للحلول ،،

احنا نبي حلول فعاله ، نبي طريقه نوصل لهم ،،
نبديلهم اشمئزازنا من شعورهم الطويله المبالغ فيها بطريقة مؤدبة ومحترمة ،،

يعني تقوله ، ما شاء الله عليك منور مثل القمر لولا إنك مبالغ بتطويل شعرك ،،

بطريقه تقدر تكسبهم ،،
ترى إذا بتسئل ليش مطول شعرك ، بيردون بحريه شخصيه ، شكلي أحلى جذي ، موضه (اللي مخربه شبابنا) ... الخ ،،
واكثر ما يضحك ان معظمهم بيكون شكلهم افضل والشعر قصير ،،

وإلا باجر تنتشر موضه القرعه من جديد ، يقوم يشل شعره ومثلا اهله يقولون له تعبان على شعرك ،،
بيقول عاادي ، علشان الموضه والشي السائد بيقول عادي ،،

وإن شاء الله نقدر نأثر بالشباب بالصوره المطلوبه ،،

Ali H. Al-Emadi

18-04-2008, 06:41 PM

ناصر ،، ردودك تحسسني اني قاعد ويا واحد من هذوله اللي شعرهم طويل ،،
معصب ، ومايبي يغير وجهة نظره ، وعاجبه حالته اللي ميننته ،،

على فكره تطويل الشعر ،، يطيح الشعر بشكل أكبر من اللي شعره قصير ،،

F.H

18-04-2008, 06:41 PM

بس اسمحلي اقولك هذا الموضوع مب مال نقاش

لانه في النهايه ما له اي حل والبنات اكيد ضد

بالعكس هل موضوع لازم يتم النقاش فيه ... لو ماكان منتشر بقطر ماكنا شفنا قانون من ولي العهد بمنع تطويل الشعر لطلاب المدارس..

ظاهرة الشعر الطويل عند الشباب صارت منتشره ومبالغ فيها وتحديدا صرنا متشبهين بالغرب باختيار قصات الشعر الطويلة ..

وراي البنات مو الأساس بالسالفة ..

المهم شلون ممكن تساعد تحد من هل ظاهره ..

Nasser AL-Muftah

18-04-2008, 06:50 PM

افا عليك يا علي

وادري عن اللي تقول عنه

بس اهم شي حسستك

السموحه لو حسستكم اني معصب

ترى عادي مجرد راي ودخلت عكس الكل

Mohammed Al-haddad

18-04-2008, 06:59 PM

صراحة واحد من الحلول الي انا اقترحها انك تحرجه نفس ما قلت قول له عطني 3 اسباب مقنعة لتطويل الشعر لكن ما في اسباب من البداية

فما ادري شنو تتقترحون من ردود (مثلاً تقص عليه و تقول له في حلاق زين و اول ما يقعد تعطيه قرعة بتشوفه يصيح و يقولك شعري تعبان عليه و مربيه و أكلته وسهرت عليه الليل و حتى دهن الهنود حطته فيه ههههههه )

فعطونا حلول يا شباب ويا بنات

Ali H. Al-Emadi

19-04-2008, 01:36 AM

إذا كان الشخص تعرفه فهاي امره مب وايد صعب ،،

ولكن الأمر الصعب اهوه ، لما الشخص ما تعرفه وأول مره تشوفه ،،

مستحيل بيسمع كلامك وأنت توك شايفه ،،
عقليات الشباب مختلفه ومثل ما قلت الدين ما حرم تطويل الشعر للرجال ولذلك راح يرجع الموضوع للحريه الشخصيه ،،

اشرايكم بالترويج لموضه جديده ألا وهي الشعر القصير ،،

Omar Al Hazaa

19-04-2008, 08:34 AM

Omar Al Hazaa

19-04-2008, 08:38 AM

واغلب الأراء المعارضه كانت من البنات واكيد هالشي من الغيره ههههه.. والاعذار كانت شنو

1- الشعر مب مرتب.. الحمدلله شعري متوسط مب خشن ومب ناعم وعاجبني واهم شي اني ابيه يطول
2-موضه وبتنتهي.. عندي ان شاءالله ماراح تنتهي

3- ما منه فايده.. بالنسبه لي مفيد

4- مب مهمه حركة الشعر.. عندي مهمه

5-موضه مش مرتبه.. شعري رتبته وبعد شوي بستشير البنات هههه

6-مظهره راح يكون مؤذي.. اذا مؤذي مب مشكلتي والله هههه وكل انسان لازم يهتم في نضافته

7- المنظر مقرف اذا كان الواحد متشبه بالنساء.. الحمدلله مش تشبه بالنساء

8- في حدود دينيه ومجتمعيه للشعر؟؟ هالعذر ماله اساس من الصحه! واذا كانت مجتمعيه ماتهمني..

9 -الشعر الطويل يطيح>> يعني شعر البنات ليش مايطيح وانا شعري طويل وبعد ماطاح!! بس الي يطول شعره واهوه مب نضيف هالي الي شعره يطير

وفي شباب وايد شعورهم احسن من شعور البنات وانعم.. في بعض البنات شعرهم يكون يابس ورايح فيها هههه وهالشي يخليهم يغارون..

اخوي ناصر المفتي ترا مافيها شي لو طولت شعرك وخليته لين ظهرك.. هالشي مب حرام الا بالعكس يعطي الواحد شكل..

معاي واحد من الربع ينادونه بن لادن وشعره طويييل لو تشوفونه بتقولون توه جاي من افغانستان هههه ومايلبس عقال دايما يلبس عمامه سوده..

الي بيطول شعره هالشي حلو لاكن مايكون املط ويحك خدوده بالموس لأنه بيشبه البنات ولازم يخلي لحيته..

وبحط لكم صور مجاهد انا احبه وهاي االي خلاني اطول شعري

http://www.arab7.com/up/file/1183506501453.jpg

شوف الخشونه شلون (هذا الزعيم خطاب الله يرحمه)

http://alwahaibis.jeeran.com/kkk.jpg

وهذي صوره ثانيه وقت الاجتماعات
^
^
^

هاي يوضح اختلاف الاذواق.. مجاهد اصلع(والصلعه تعطي الريال خشونه) والثاني مطول شعره وواضح من الصوره ان الشعر يزيد من القوه والخشونه اذا كان مع اللحيه

وفالنهايه حبيت اوضح لكم ان هذا ذوقي وكل انسان له ذوق..
"
"
"
"
"
اختي H الانصاري اشكرج على تعقيبج الحلو

بوضحلج انا ليش ابي ارهب الكفار.. لأن احنا مأمورين فالقراَن بالأرهاب.

قال تعالى((َأَعِدُّواْ لَهُم مَّا اسْتَطَعْتُم مِّن قُوَّةٍ وَمِن رِّبَاطِ الْخَيْلِ تُرْهِبُونَ بِهِ عَدْوَّ اللّهِ وَعَدُوَّكُمْ وَآخَرِينَ مِن دُونِهِمْ لاَ تَعْلَمُونَهُمُ اللّهُ يَعْلَمُهُمْ وَمَا تُنفِقُواْ مِن شَيْءٍ فِي سَبِيلِ اللّهِ يُوَفَّ إِلَيْكُمْ وَأَنتُمْ لاَ تُظْلَمُونَ [الأنفال : 60]))

الحمدلله هالشي موجود فالقراَن وهالحقيقه الحلوه العجيبه ناس وايد يجهلونها ويتفاجئون منها.. نصيحتي للكل تعلموا اكثر عن دينكم..

مابي احط تقسير الايه عشان مانطلع برا الموضوع بس هذا توضيح لج اختي H الانصاري..

ومشكوره اختي على التوضيح بخصوص مظهر الانسان الحشاش.. اما بخصوص النقاط الثانيه وضحت لج ان هالشي مفيد للخشونه وينفع للتميز.. (ومع ذلك كل انسان له وجهة نضر وذوق)

N . A . AL-KORBI

19-04-2008, 08:48 AM

السلام عليكم ورحمة الله وبركاته.. ماشاءالله الموضوع صار طويل هههه

اختي N الكربي.. ايه صج انا البس غتره خضره بس لونها احلى من الي فالمنتدى.. والناس لين جافوني يقولون لي كشخه هههه..

والثوب الي البسه بعد يابس.. واحد من ربعي اول ماشافني قالي شفيك تغيرت شلون عضلت.. قلت له الثوب مايقصر هههه وفي حركات ثانيه افضل اني اخليها سريه..

اخوي عمر لا يكون زعلت ترى كنت اتغشمر ، ا خضر يعني ا خضر :thinking:

اما بالنسبه لثوب اليابس قصدي الخيام :laught1: ، هالشي معروف ،
وشايفته ، جنه طلعنا عن لب الموضوع .

Omar Al Hazaa

19-04-2008, 09:26 AM

ههههه شدعوه ازعل.. مادري والله اذا طلعتي عن لب الموضوع ولا لا لاكن اعتقد ان هاي حوارات وعادي تقولين أي شي..

لاتخلين شي في قلبج..

A.Alhajri

19-04-2008, 10:50 AM

شعر عن شعر يفرق

في مراهقين ايطولون شعرهم بطريقه ماتخليهم رجال بلعكس تبين انهم مهتمين في شكلهم وايد

وشادين الحيل وهذا انطباع مش حلو عن الريال
وهذا الي يوصل للكتووف بشكل مقزز !!

في بعضهم يطولونه بس مجرد ان يكون في شعر فوق الاذن وهاي انا اشوفه عاادي

وحلو ومايقلل من هيبت الريال

لن الشعر الطويل مثل ماقالو للحريم

يعني يالي اتطولون شعركم تخيلو بنت قاصه بووي !! شنو انطباعكم عنها بالذمه

N . A . AL-KORBI

19-04-2008, 11:03 AM

يعني يالي اتطولون شعركم تخيلو بنت قاصه بووي !! شنو انطباعكم عنها بالذمه

صح كلامج اختي ، اكيد راح يقومون الدنيا ويقعدوها ، انا مو ضد الشعر الطويل ، بس مثل ماقلتي اختي

اهم شي مايعطونه كل الاهتمام ، ومايكون طويل بشكل مقزز

Nasser AL-Muftah

19-04-2008, 12:54 PM

[
[COLOR="Indigo"]اخوي ناصر المفتي ترا مافيها شي لو طولت شعرك وخليته لين ظهرك.. هالشي مب حرام الا بالعكس يعطي الواحد شكل..

اهم شي اسلوبك الحلو

على قولتك هذا حوار عام وطلع اللي في قلبك بس في احترام للكل

لكن انك اتيي تطنز ناصر المفتي هذي المصخره مب حوار وبعدين

يعطيك شكل وماري شنو يعني خطاب اللحين هو الوحيد من بين

كل المسلمين لانه مجاهد فلازم اتقتدي فيه <<<تفكير مميز واللي مايقتدي فيه مب ريال

وبعدين تفكيرك حلو يا الرجل بطول شعره يعطيه خشونه <<<وقذاره وينسى اخلاقه

سبحان الله اللي صار الاقتداء بالشكل ونسى كل شي من الاخلاق

Mohammed Al-haddad

19-04-2008, 01:44 PM

اخواني ترى احنا لين الحين قاعد نتناقش اذا كان الشعر الطويل صح او غلط ترى حتى لو طلع غلط مالك امل ان الشاب الي مطول شعره بيقصه لانه بيقعد يخترع له اعذار ( ما اقصد اي واحد من الشباب الي ردوا ) اهم شي انه ما يتفشل او يمكن يخليه بس عناد

بس في عندي تعقيب على نقطة انه مو مهم راي البنات و انهم معارضين انا اتحدى ان غالبية الشباب مطولين الشعر بس علشان يشفونهم البنات غير و حركه ( واقع ) ولحد يزعل من هذهي النقطة ويقول انا مهتم بشكلي عل العين والراس لكن في ناس يكشخون كشخة غير بس علشان البنات يشوفونه و ينبهرون فيه !!!! و الشعر الطويل جزء اساسي من هذي الكشخة ( اذا مو مصدقيني تقدرون تروحون اماكن و تشفون شنو الي يصير )

و اظن ان الغالبية تقول انه غلط ( حقيقة )

فحنا نبي حلول للمشكلة لأن الشباب لا يمكن يقتنعون ( بس ترى اختلاف الأراء ما في مشلكة ولا يفسد الحوار ) في حلول من الدولة ضيقت عليهم وايد في المدارس و الأماكن الرسمية و .....

بس شلون قدر تقنع الي جدامك اذا كان شاب تعرف من قبل او ما تعرفه نبي حلول يا شباب و يا بنات ( بس معليش يا بنات ترى البنات ما عندهم خبرة او معرفة كافية عن الشباب )

N . A . AL-KORBI

19-04-2008, 02:43 PM

السلام عليكم ورحمة الله وبركاته

ما اقول الا " حشره مع الناس عيد " ، و " الثوب ماينشق بين عاقل ومجنون "

وسلامتكم

Omar Al Hazaa

19-04-2008, 05:11 PM

اخوي ناصر المفتاااح اسف والله اني ماقريت اسمك عدل.. في عايله والله اسمها المفتي؟؟ وانا قريت اول حرفين وحسبت عائلتك المفتي والله.. وانت اصلا متى افتيت عشان انا اتطنز مره وحده على عائلتك؟؟ اسمحلي اخوي ولا تزعل

H.A.A.Al-Ansari

19-04-2008, 05:17 PM

ღ

.
.
.

وكـلامي عـن الارهـآب كـآن مـن الآيـه ..

( ما استطعتم من قـوة ومـن ربـآط الخيـل .. )

> ... وأعتبـر هـذآ مـآ يدخّـل الشعـر .. :)

.
.

وإذآ عـن الأفغـآن .. تـرى عـآدآتهـم غيـر عنـآ ^^" ..

.
.

بـس جآيـز تكـون مسألـة اختـلاف أذوآآآق .. وكلـن لـه ذوقـه ..

..

عالعمـوم شكـراً عالتوضيـح ..

ومثـل مآ قلتـوا كلكـم .. الشعـر مـب مسألـة ديـن ..

بـس بعـد هـي ظآهـره بيـن شبـآب ..

فحطـوا فبآلكـم فـي أي شي تسوونـه .. مـآ يكـون فيـه ( لآ إفـرآط ولا تفريـط ) ..

يعنـي الاعتـدآل فـي الأمـور أولـى .. :)

.
.

واللـي كـللل همـه شكلـه وشعـره > ... ( مسكين ) ..

لأن ( هـم الأمـة ) أكبـر مـن مجـرد شكليـآت ..

وهـذآ اللـي قصدتـه مـن كلآمـي .. ( ظآهـرة الشبـآب اللـي متدنـي باهتمآمـآته ) ..

واللـه يهـدي الجميـع للخيـر .. :)

.
.
.

ღ

Latifa.K

19-04-2008, 05:32 PM

هدو شباب ولاحد يفهم الثاني غلط ...

وان شاء الله بتتوصلون لحلول بس بالهداوه كل شي يصير ... :)

Ali H. Al-Emadi

19-04-2008, 07:13 PM

اخواني ترى احنا لين الحين قاعد نتناقش اذا كان الشعر الطويل صح او غلط ترى حتى لو طلع غلط مالك امل ان الشاب الي مطول شعره بيقصه لانه بيقعد يخترع له اعذار ( ما اقصد اي واحد من الشباب الي ردوا ) اهم شي انه ما يتفشل او يمكن يخليه بس عناد

إذا شخص عنده التطويل صحيح ،، غيره التطويل عنده غلط ،،
وفي ناس عندهم الشي عادي والموضوع راجع للشخص نفسه ،،

من الناحيه الاجتماعيه ، ما اقول انه عادي ولكن للحد اللي ذكرناه سابقاً اللي اهوه عند الرقبه ،،
وحتى قبل ، الأهل كانوا يرتبون شعر ولدهم إذا كان ناعم مثلاً وإلا شكله يطلع مرتب مع الشعر ، بحيث يخلونه طويل بس طبعاً يخلونه لحد الرقبه ويمكن اشوي اقصر بعد ،،
بس مثل التطويل اللي انشوفه اليوم ، ما اظن كان فيه ،،

أما الناحية الفكرية ، فما اظن راح نلقالها حل ، لأن اللي انشوفه اليوم ،، يا تقتنع باللي اقوله يا لا تحاول ،،

- ليش ما نسوي تصويت علشان انشوف آراء الأعضاء ؟
ممكن تعرف آراء الغالبية بالموضوع

Mohammed Al-haddad

19-04-2008, 07:18 PM

فكرة حلوة اخوي علي لكن اظن ان الأستفتاء ما راح يقدم ولا يأخر في شي ( مجرد رأي )

لكن على الأغلب ما في غير انا ننطر لموضة يدية تطلع او يملون الشباب من هذي الموضة فما ادري اذا في حلول اخرى

Abrar Al-Janahei

19-04-2008, 07:33 PM

انا اصوت للوسطية ..

توصتوا في طول الشعر يا شباب

Mohammed Al-haddad

19-04-2008, 07:51 PM

انا اصوت للقرعة هههههههههههه

Nasser AL-Muftah

19-04-2008, 07:55 PM

خلاااااااااااااااص قريب اشيل شعري قرعه

خللااااااااااااااااص

Ali H. Al-Emadi

19-04-2008, 08:04 PM

شكلك بيطلع أحسن بالقرعه يا ناصر ........................................ لووول ، اتغشمر

ومثل ما تفضلت الأخت أبرار ،، الوسطية أفضل حل ،،

Mohammed Al-haddad

19-04-2008, 08:25 PM

واخيراً اقتنع ناصر (الحين باقي عمر و علي ) المفروض نغير اسم الموضوع و نخليه الي يدش يصير قرعة !!!!!!!!

وان شاء الله اول ما تحلق قرعة نغنيلك اقرع قريقع طاح في الطاسة هههههههههه

الوسطية هي الأفضل ( احم الحمد لله انا شعري عادي لا قرعة ولا طويل كلش )

Ali H. Al-Emadi

19-04-2008, 08:59 PM

أنا اطلع من الحسبه ، لأني مثل ما ذكرت مب قصير ولا طويل ،، بالمختصر وســط ،،

Mohsin Al-shaikh

19-04-2008, 09:34 PM

Nasser AL-Muftah

19-04-2008, 10:47 PM

بخصووووووووووووووووص

شعري مب طويل

بس انا كنت مقرع من قبل وللحين ماقتنعت

محسن كلامك عين العقل

هذه تدل على الشخصيه

Omar Al Hazaa

19-04-2008, 11:18 PM

اختي H الانصاري والله انا عن نفسي والله همي مب الشعر.. وعندي هموم ثانيه راح توضح فالمستقبل!

وانا وضحت رايي فالبدايه وقلت اختلاف اذواق لاكن استغربت شلون الموضوع طول والكل شارك فيه لاكن المواضيع الثانيه ماشوف فيها مثل هالتفاعل..

Omar Al Hazaa

19-04-2008, 11:23 PM

Abrar Al-Janahei

19-04-2008, 11:33 PM

وحتى لو الشعر نزل لين ركبتي ولا ريلي ماراح يحرر فلسطين ولا العراق هههه

صاج :) .......

Abdulla Al-Malki

20-04-2008, 01:36 AM

وانتوا الحين قاعدين تحاولون انكم تغيرون الشعر الطويل بالغصب ههههه

وان حاولنا نسوي شي فالمواضيع الثانيه بالغصب تقولون مايصير ههههه.. يالله كله واحد..

والموضوع مايستاهل وحتى لو الشعر نزل لين ركبتي ولا ريلي ماراح يحرر فلسطين ولا العراق هههه.. واهم شي انه مب حرام واذا على كلام الناس الحمدلله هاي اخر شي ممكن افتكر فيه..

اهم شي الجوهر والقلب والاعمال والتصرفات>>اهم من الشكل ومن قرعه ولا صلعه ولا شعر طويل..

نصيحتي ركزوا على الاشياء الي ممكن تفيد الامه اكثر..

خلاص اخوي ما يحتاي تلبس ولا تهتم في نفسك كل هالامور ما راح تحرر فلسطين على قولتك ..

اللبس الاكل المظهر .. كلها امور تبين شخصية ومعدن الانسان .. وهل هو متمسك ومعتز باسلامه وثقافته ..؟؟؟؟ .. وهذا ما يخفي اهمية الاهتمام في الجوهر !!!

بس في العاده عشان اتعرف اللي في الداخل شوف اللي برع .. و" الكتاب باين من عنوانه "

هذا كله في صوب وسالفة " عشان اتمسك بسنة الرسول صلى الله عليه وسلم
.. يعجبني منظر الانسان الحشاش واحب شكلي يصير نفسه "

سنة الرسول صلى الله عليه وسلم ومنظر الحشاش !!!!!!! كفو ... كلام جميل جداً !!!!!!

انا اقول اخوي تكبر اشوي وتفهم الدنيا اكثر .. وبعدين تعطي رايك بشكل موزون وعقلاني !!!

قواكم الله

Abrar Al-Janahei

20-04-2008, 02:03 AM

كلامك يا عبدالله صح ..

المظهر يعكس اللي داخل الانسان ( مب دايما ) .. الصحابة كانوا يتعطورن ويتكشخون .. وتطويل الشعر ندهم كان جمال .. مثل الحين عند الشباب اللي يلبس ويترتب ومصقل ومعدل عمره

انتوا الحين تلبسون غتره بطريقه ما كانوا يلبسونها في زمن الرسول

طريقه الغتره الحين يمشي ماها اكر الشعر القصير

اما في زمن الصحابه كان طريقه لبسهم للغرة .. غير .. كانوا يلفونها وجزء منها يكون ملفوف على الرقبة .. وكان حلو مع هالطرقه في اللبسه يكون الشعر طويل .. ويكون شكلهم جدا حلو ومرتب .. انا اظن عشان هللون الرسول عليه الصلاة والسلامكان شعره طول ( لين شحمة اذنه )

وهاي من وجهة نظري .. مو بالظبط بالظبط نقلدهم ..

احنا الحريم ما نلبس حجاب مثلهم اهما كان ندهم شي يسمونه ناطق .. ينلف على الخصر .. يكون لونه مل لون غطاء الراس .. كانت ثيابهم ملونه .. ويتجنبون الاسود .. الحين كله اسود وفي عباية وشيلة

كان عندهم التفلج حسن .. الحين لاء مو حسن بالمره

الزمن يتخلف

مقايييس الجمال تختلف

وبعدين يا عمر .. شكل الانسان المرتب يدخل القلب ..الناس تحب اطالعه وترافجه ..

ويا عبدالله

بس في العاده عشان اتعرف اللي في الداخل شوف اللي برع .. و" الكتاب باين من عنوانه "

ما يصير تقول هللون .. عادة اللي برع مو مل اللي داخل .. اهوه صج .. يعطي لمحة .. لكن في بعض الناس خارجهم غير داخلهم ..
ناس مبهلدين ما يعرفون يلبسون .. بس احسن منهم مافي ..

الله سبحانه وتعالى يعطي اهوه الوحيد اللي يقرر طبيعة هالانسان

ومو كل كتاب يبين من عنوانه ..

دعوا الخـلـــــــق للخــــــالــــــــق ... مو لام الناس تفكر مثلنا .. ولا شرايكم ؟!

Abdulla Al-Malki

20-04-2008, 04:07 AM

مرحبا اختي ابرار ...

محد يعرف اللي بداخل الانسان غير الله والانسان نفسه ... هذا شي منتهين منه ..
بس في العاده احنا كبشر نحكم على المظهر الخارجي ..

لما انشوف وحده لابسه ضيق في ضيق والمكياج تارس الويه .. والشعر والحجاب الله بالخير ... شراح انفكر على طول ؟؟؟ ..

الجواب :بنحكم عليها من المظهر الخارجي .. وبنعرف البيئه اللي تربت فيها واشلون هي تفكر بالضبط ..

وهذا اللي يسمونه " الانطباع الاول "

وبعد مخالطتنا للشخص وناخذ ونعطي وياه .. اهني يتاكد الانطباع الاول او ممكن يتغير هالانطباع !!

مثال للتوضيح : مثلا افرضوا ان انا كشاب رحت الكويت .. وطبعا من المعروف ان شباب الكويت الغتره والعقال والثوب مو هو اللبس اللي يفضلونه .. وانا بثوبي وغترتي وعقالي بين الجنزات والتيشرتات والموضات ..

صنف راح ياخذ انطباع .. اني انسان معتز ببلدي وثقافتي الاسلاميه العربيه ..
صنف اخر راح ياخذ انطباع .. اني انسان رجعي ومتخلف وما امشي على الموضه ...

شفتي اشلون الانطباع الاول يتغير .. لكن في الحالتين الجوهر واللي بداخلي واحد !!

الخلاصه : ليش ما احنا نترك انطباع اول حلو .. وليش ما احنا نهتم في المظهر والجوهر ..؟؟

Abrar Al-Janahei

20-04-2008, 02:35 PM

لما انشوف وحده لابسه ضيق في ضيق والمكياج تارس الويه .. والشعر والحجاب الله بالخير ... شراح انفكر على طول ؟؟؟ ..

الجواب :بنحكم عليها من المظهر الخارجي .. وبنعرف البيئه اللي تربت فيها واشلون هي تفكر بالضبط ..

وهذا اللي يسمونه " الانطباع الاول "

وبعد مخالطتنا للشخص وناخذ ونعطي وياه .. اهني يتاكد الانطباع الاول او ممكن يتغير هالانطباع !!

الخلاصه : ليش ما احنا نترك انطباع اول حلو .. وليش ما احنا نهتم في المظهر والجوهر ..؟؟

كلامك واضح وصحيح يا عبدالله :)

مره كنت اقرى في موضوع عن تقبل الطرف الآخر .. وعلامات الشخصية الأولى
بعد ما شرح الكاتب هالنقطه اللي انتي ذكرتها

قال .. الافضل والأفضل .. ان ما يكون عندنا انطباع اول ..مهما كان الخارج يوصف الداخل .. انت بدل المعادلة .. خل الداخل يوصف الخارج ..
قليل من الاشخاص في العالم يسونها .. وصعبة ..
بس افضل :)

الانطباع الاول مهم ..

فلو يا عمر كان شكلك حشاش مثل ما قلت تحب يكون .. ظنتي ماراح تتوظف .. :P

كل اناء بما فيه ينضح ..

مش .. الكتاب باين من عنوانه

Ali H. Al-Emadi

20-04-2008, 05:03 PM

عبدالله المالكي ،،

ابعدنا عن جو الجدال ورجعنا للنقاش مع نقاط جميلة جداً ،،

احنا نتحدث عن المجتمع وموقفه (اعتقاده، وجهات النظر) عن تطويل الشعر المبالغ فيه ،،
ما قاعدين نقول شل شعرك وإلا صير قرعه ،،

واختلاف الوقت والطريقة اللي يكشخون فيها نقطة جميلة اختي ابرار ،،

ومثل ما قال أخوي عبدالله في هلزمن الواحد يآخذ رايه عن الشخص من أول انطباع ،،
سواء من شكله الخارجي ، وإلا تصرفاته ،،

ومنظر الانسان الحشاش اللي بديتوا تتكلمون عنه ، يعطي انطباع سيء أكثر من ماهو منظر ،،
وما اظن ان احد راح يتقبله إلا اللي مثله يحب الشخص الحشاش ،،

Omar Al Hazaa

20-04-2008, 09:52 PM

هههههه.. بسم الله الرحمن الرحيم..

اخوي عبدالله المالكي.. احب اشكرك على كلامك وعلى نصايحك..

وصح كلامك توني صغير وان شاءالله اكبر واتعلم.. وانا الحين ماشاركت معاكم الا عشان اتعلم وعشان العلم الي عندي ضعيف وخبرتي بعد ضعيفه..

انا اقصد بمنظر الانسان الحشاش الي انتوا خذتوه وتركتوا غيره من الاسباب ههههه اقصد فيه الشنب الطويل حده الي أي واحد يشوفه يتخرع>>وابي الي يشوفني يتخرع هههه وطبعا الغتره بعد دايماً اقطها على صوب مثل الحشاش..

لاكن الحين بخصوص الغتره غيرت حركتي واخترعت ترمبه سحريه الكل يسألني عنها.. لاكن الشنب بخليه يطول نفس الحشاش>>وماقلت بشم حشيش ولا بدخن زقاير ولا بدمن على المخدرات..

Omar Al Hazaa

20-04-2008, 10:04 PM

اما بخصوص المظهر.. اخذوا هالقاعده مني

(الي جوهره وقلبه وصفاته طيبين ودينه كان اوكي راح ينعكس هالشي على شكله ومظهره الخارجي) يعني بدون مانطول الكلام.. (وانتوا عارفين الاحاديث الي في معناها ان الله جميل يحب الجمال والنضافه من الايمان) وأي شخص بيقول انا اعرف ديني وملتزم لاكن مايهتم في نضافته وجماله! >> هالشخص ماعرف دينه عدل

اخوي عبدالله انا ماقلت اني مابهتم في شكلي ولا مظهري.. وبالعكس لو تشوفني بيعجبك شكلي هههه ولا شتبيني اقولك عيل؟

اما بخصوص الكتاب يبين من عنوانه>>

>> قال تعالى ( ومن الناس من يعجبك قوله في الحياة الدنيا ويشهد الله على ما في قلبه وهو ألد الخصام. وإذا تولى سعى في الأرض ليفسد فيها ويهلك الحرث والنسل والله لا يحب الفساد. وإذا قيل له اتق الله أخذته العزة بالإثم فحسبه جهنم ولبئس المهاد. ومن الناس من يشري نفسه ابتغاء مرضاة الله والله رءوف بالعباد) <<(عنوان الكتاب غير والي فالقلب غير)

وفي شباب وايد يحطون على نفسهم سلفيات ويشترون مواتر ويكشخون(ياخذون رنجات ولا مرسيدسات) المهم وكاشخين اخر كشخه.. وبقولها بصراحه اهم فالبحرين ......! ناس!.. اختاروا الكلمه المناسبه..

لاكن اذا جاوا قطر تشوفونهم نضاف وكاشخين وتحسبون الواحد منهم عنده احسن الشهادات واحسن الوضايف..
ومثال ثاني الاجانب.. شكلهم مافي احلى منه لاكن اخلاقهم وجوهرهم!!.. يمكن اخلاق وجوهر وحركات الحيوانات احسن منهم!

بختصار الكتاب مايبين من عنوانه!! هذا من وجهة نضري والكل له وجهة نضر.. ونحترم وجهات النظر كلها

Omar Al Hazaa

20-04-2008, 10:52 PM

اختي ابرار احب اشكرج على توضيحج..

اما بخصوص الشغل.. اول شي انا ابي اشتغل شغل فيه توجيه للشباب والأمه وطموحي تغير وااايد.. وراح اتبع بعض الخطوات الي اتأهلني اني اشتغل هالشغل.. ومحد يقدر يمنعني عشان شنبي طويل ولا لحيتي ولا شعري؟

الا بالعكس اعتقد ان شكلي راح يجذب بعض الشباب الضايعين واحب اني اكون قريب من قلوبهم.. وماراح يخرعهم شنبي الطويل لاكن اعتقد ان الي بيتخرع اهوه الي يحلق لحيته؟

عندي تخطيط كبير للمستقبل لاكن مابي اطلع عن الموضوع.. والشركات الي تمنع الشخص صاحب اللحيه الطويله ولا الشنب ولا الشعر.. لو فيهم خير جان امنعوا الي يحلق لحيته وخالف سنة الرسول صلى الله عليه وسلم وخلاص صار مافي فرق بين خدوده وخدود البنات هههه..

يعني استتراتيجية بعض الشركات ماتعجبني وفي اشياء كثيره راح احاول اني اغيرها فالمستقبل.. ونصيحه حق الي يحلق لحيته.. ترا اللحيه اكبر مظهر يوضح الفرق بين الرجل والمرأه.. وايام الرسول صلى الله عليه وسلم كانوا يعتبرون الي يحلق لحيته مثل المنافق! وحلق اللحيه حرام لاكن تطويل الشعر مب حرام ..

ولو تطويل الشعر كان فيه ضرر جان حرمه الرسول صلى الله عليه وسلم الي لاينطق عن الهوى.. ومن هالمنطلق انا راح اطول شعري.. وماتهمني نضرة المجتمع فأي حركه من الحركات الي اسويها لأنها صارت نضره وضيعه وتافهه في اغلب الأمور(ماقصد نضرتكم في موضوع الشعر الطويل) وهالكلام وضحته في موضوع (خايف وخايفه من كلام الناس)

S.S.Ahmed

20-04-2008, 10:52 PM

:)

السلام عليكم ورحمة الله وبركاته...

المــوضوع مــوجه للشبــاب في المقام الأول..

ولكن اسمح لي من وجهة نظر امــرأة أبدي رأيي...

بســم الله:-

الشعـــر بالتأكيد نصف الجمال,,سواءاً للمــرأة أو حتــى للرجل...

وطــول الشعر المقبول لا عيب فيه....وأنـا لا أعترض عليه...

ولكــن كمــا هو الحال في المثل المستهلك ((كل شي يزيد عن حده ينقلب ضده)) فـ بالتأكيد الطول الزائــد لدرجة أن الشاب (يربط) شعره أمـر حقيقةً مقزز,,ولا جاذبيه أو حتى نظافه فيه...

أمــا بالنسبة لتعذر الشباب بأن هذه سنة المصطفى عليه الصلاة والسلام...فذلك لأنهم في تلك الأيام الشعر الطويل أمر عــادي عندهم....يعنــي هــي عادات وتقاليد...

والآن نراهــا أيضاً قد رجعت هذه العادة.....

يعني بمجمل الأمر لا أعترض على الشعر الطويل والذي لا يتعدى شحمة الأذن,,أو أدنى بقليل,,,

أمــا تحت الكتف فـــلاااا...

-----------------------------

بالنسبة لأخوي عمــر

فأسمح لي أخوي محمد إن أعقب على كلامه...

أنــا لستُ أنتقد هنــا,,,ولكن ردك لفت إنتباهي كثيراً,,وليس بطريقة الإعجاب بالرد....

جميل إن الإنسان يحترم رغباته الشخصية-بشرط أن لاتتعدى على حريات غيره-...وأنت أخي عمــر ماشاء الله عليك :) شخصيتك بمجمله جيده...

ولكــن أن تلبس (غترة خضراء) فالأمــر فيه ريب.....لأنك لا تفعل هذا لنفسك...وأنا أستطيع أن أجزم بذلك..

لا أعلم....على الرغم من إيمــاني بحرية الإنسان إلا إننـي أؤمــن أيضاً بأن على الإنسان أن لا يشذ عن عــادات مجتمعه مهماً كـانت شخصيته منفتحه ومنطلقه...

---------------------------

هــذا رأي شخصي,,,ولا أضمــر إلا كل الخير والإحترام لأخي عمــر :)

بــارك الله فيكم...

Omar Al Hazaa

20-04-2008, 11:16 PM

اخذي راحتج اختي S ..

بالنسبه حق الغتره الخضره ترا انا مافهمت قصدج.. عندي غتره حمره..لونها احمر غامج.. وغتره ثانيه لونها بين البنفسجي والعنابي.. وناوي اشتري غتره بنيه وغتره سوده.. تقريبا كل الالوان هههه..

وسؤالي اختي اهوه انتي ليش تجذمين اني ماسوي هالشي حق نفسي.. وعيل اسويه حق من؟ وعلى فكره شباب وايد يلبسون غتر ملونه؟ هالشي مايعتبر شذوذ عن المجتمع!!

وعيل لو شفتي الاشياء الثانيه الي انا شاذ فيها عن الناس جان استغربتي..

بس انا اشوفه شي طبيعي ومثل ما تفكيري شاذ شوي عن تفكيركم في اشياء كثيره لازم شكلي بيكون شاذ شوي ..

اختي S وجهة نضرج مميزه وانا احترم رايج الشخصي.. واستمري في ابداء رايج..

Abrar Al-Janahei

21-04-2008, 12:03 AM

الا بالعكس اعتقد ان شكلي راح يجذب بعض الشباب الضايعين واحب اني اكون قريب من قلوبهم

الله يوفقك يا عمر .. ان شاء الله تجذب هالشباب الضايعين للخير :)

Omar Al Hazaa

21-04-2008, 12:37 AM

^
^
شكراً اختي ابرار.. والله يوفقج انتي بعد

N . A . AL-KORBI

21-04-2008, 12:45 AM

اخضر

:43:

احمر

:13:

بنفسجي

:43:

بني

:13:

اسود

عفوا اخوي عمر ، من وين تشتري هالغتر ؟ هل هالغتر موجوده بالدوحه ؟

هل فيه ألوان ثانيه بعد ؟

وشكرا

Omar Al Hazaa

21-04-2008, 01:05 AM

N . A . AL-KORBI

21-04-2008, 01:21 AM

ههههههه شفيج اختي N فتحتي عيونج ..

هالغتر موجوده في سوق واقف وسوق العلي <<بس سوق واقف ارخص هههه..

وموجوده تقريباً في كل المحلات الي تبيع ملابس رجاليه وفي كل الالوان الي تعجبج.. بس ليش تسئلين؟

وبعد في غتره اتي على اربع الوان اخضر واسود وبني وازرق بس ماتنفع هههه.. اذا نزلوا غتره لونها اخضر واسود بشتريها..

مشكور اخوي ، لا ، بس حبيت استفسر ، مشان بعيد الفطر إن الله عطاني عمر اشتري حق

حمني وحمودي غتره من هالألوان ، مشان تجذب الناس .

لازم كلامك اقنعني ، وإذا انزلت الوان ثانيه ، بليز خبرنا .

وشكرا

Dana Al-Kuwari

21-04-2008, 04:00 AM

تلوع جبدي من الشاب الي مطول شعره
احسه طالع من كهف ومنظره غير حضاري..

فاللكجر قدامي واحد سعوي من النوع الي مطول شعره
وقسما بربي اشوف شعره احس حد كات بيبسي ولا شي والذبان يحوم على شعره ومقرف
مادري ليش يجيني احساس البيبسي والذبان على اي واحد شعره طويل ..

لاعت جبدي قسم بالله

الشعور الطويله حلوه عالاجانب الي يطيح على خده والعيون زرق والخشم السيده
شي ربااني يسعد لي ربي ..

بس خليجي اسمر وشفايفه سود من الزقاير وركبته ملحه ومغبره وجاي مطول لي شعره
والمشكله حارقه بالاستشوار ولا في فايده.. عبدالناصر درويش قاعد والله

Omar Al Hazaa

21-04-2008, 06:30 AM

عفواً اختي N والله يخليلج حمني وحمودي و ان شاءالله بخبرج اذا انزلت الوان ثانيه..

Omar Al Hazaa

21-04-2008, 06:38 AM

N . A . AL-KORBI

21-04-2008, 12:06 PM

احب اغتنم الفرصه وعندي سؤال للبنات اذا تعرفون زيت ولا خلطه تخلي الشعر يطول وايد! هههه عشان ماتقولون الريال مايهتم في شعره.. لأني اهتم وعندي خلطه سحريه من الهند استعملها دايماً ومفعولها كان عجيب..

المهم ويوم رحت الحلاق عشان ارتب شعري قال لي شعرك اسود وايد.. قلت له قو ماشاءالله لاتصكني بعين هههه..

واختي بعد قالت لي شعرك اسود وايد>> قلت لها من الخلطه وقالت عيل انا بعد بستعملها هههه..

اخوي عمر ما طلبت شي ، إنشاء هالخلطه تفيدك ، جيب ورقة وقلم وسجل معاي المقادير

اخواني واخواتي الأعزاء بناء على طلب الاخ عمر ، سأضع بين ايديكم هذه الخلطة

الخلطة السحرية لتطويل وتكثيف وتنعيم الشعر

ملمس حريري ، رونق ، كثافة مابعدها كثافة ( خاص للشباب ) :3leahm:

اولا : اخط مجموعة من الزيوت الطبيعة ، بشرط ان تكون هذه الزيوت مستخلصه من جبال الهملاي

إذا لم تتوفر ، فالرجاء إبلاغي ، حتى اتمكن من إيصال الخدمة إلى المنازل

ثانيا : ضع هذه الزيوت في قدر وامزجه جيدا الى ان تتجانس معا

ثالثا : ضع القدر على النار ، واجعله لمدة نص ساعة على نار متوسطة الحراره الى مرتفعة الحراره

رابعا : ضع هذا الخليط على الشعر مباشرة

وبعدها ستحصل على النتيجة المتوقعة ، تساقط الشعر

لا تخف فهذا دليل على ان المفعول يعمل بشكل جيد ، استمر ، لاتتوقف ، فالنتيجة مضمونة ،

والتجربة خير برهان .

لاتدعون علي ياجماعة الخير

والله ما اكذب عليكم تخيلوا هالخلطة حصلتها بمنتدى ، وتميت مندمجه مع الخلطة ، واكتب ،

بعدين ياتني الصاعقة ، تصرقعت من قلب ، ولا هاي شنو معناه ، هاي معناه اكتب وصيتك قبل

ما تجازف حسبي الله ونعم الوكيل ومن بعدها ماعاد صرت اصدق المنتديات .

بس هاي زينه وايد حق الشباب .

شنقول إحنا ياجماعة الخير لاتعطون اهتمام حق الشعر ، طولوا بس بااعتدال .

ومثل ماقال الاخ Nasser AL-Muftah اذا عاجبني شي وانت لاء اشرب ماي البحر

وسلامتكم

Essa Al-Mansouri

21-04-2008, 03:49 PM

الموضوع بدأ بفرض الآراء على الباقين. ومع الوقت تطور النقاش ليتم تقبل وجهات النظر بشكل أكثر رحابة.

في ناس فالموضوع معارضين فكرة التطويل بالمرة لا صوب الكتف ولا الرقبه ولا غيره. أنا مع نظرية ان مافي شي يمنع الشخص من اطالة الشعر طول ما الإطالة محترمة. في ناس يركب عليهم الشعر الطويل بشكل لا يقلل من رسميتهم وهيبتهم.

http://www.hinduonnet.com/thehindu/fr/2004/05/14/images/2004051401340101.jpg

وحتى لو زادت عن حدها في حالات استثنائية طالما أمكن تبريرها فلا مانع لها (مثل الحال مع خطاب). للتذكير حواجز اطالة الشعر اجتماعية وليست دينية بالدرجة الأولى.

ويمكن أن تتحول الحواجز إلى دينية في بعض الحالات مثل حال التشبه بالنساء. لكن المتشبه بالنساء قد لا يحتاج إلى شعر يطول عن الكتف ولا حتى الرقبة, الشعر مب شرط يكون عامل رئيسي للتشبه بالنساء. ضف إلى ذلك قلة عددهم بين البقية من مطيلي الشعر.

وبخصوص القانون اللي نزل لطلاب المدارس, القانون ممتاز وما عليه كلام. الطلاب في مثل هذه المرحلة من العمر قد لا يكونوا مؤهلين لتشكيل شخصياتهم بالشكل السوي, ولذا لزم سد بعض الذرائع. القانون غير متحيز ويحقق سير معتدل للعملية التربوية.

إذا رجعنا للأسباب الإطالة نشوفها تتركز في شخصية الانسان. الرجال إذا عاجبه يطول شعره بيطوله لا تشبهاً بالنساء ولا بحد. هذي شخصيته وهو اللي يشكلها. طبعاً قد يسيء البعض تشكيل الشعر بشكل يقلل من رسميتهم مما يؤدي إلى تفاوت شديد في تقبل الناس له من الانطباع الأول.وهذا يعتمد على مدى تعصب الناس تجاه والضواهر الجديدة. إطالة الشعر قد لا تكون تجديداً. بعض عادات القبائل تقتضي إطالة الشعر تمسكاً بالتقاليد. لكن يوجد تجديد في حال إطالته بقصد التشبه بالنساء (وياشين السرج عالبقرة).

لكن إذا استثنينا هذه الفئة نرى بأن الكثير من الناس غير مقيدين من هذه الناحية ويمكنهم بناء شخصياتهم بالشكل الأمثل. وهذا قائم على تقبل المجتمع للضاهرة. يعني الشاب الأفغاني يمكن يفضل يعكس شخصيته بالشعر الطويل بين أبناء مجتمعه, وكبتن المافيا يمكن يداوم مع ال ponytail ويتاجر ويتابع العمليات وهيبته ثابتة بين الكباتن (مع أن تطويل الشعر على ما يقال خاص للبنات!!).

وهذه وصلة لكل من حدد الطول إلى الرقبة.......
http://www.islamweb.net/ver2/library/BooksCategory.php?bk_no=15&ID=3&idfrom=2&idto=423&bookid=15&start=12

المجتمع في البداية يحتاج يحط المعيار وعليه يتم يتقبل الأفراد, ولا ننسى بأنه لا توجد حواجز دينية. المسألة بعدها تكون مسألة أذواق وكيفية تشكيل شخصية. إذا شخص ما عجبه ذو الشعر الطويل رغم أعتدال اطول, فغيره 100 بيعجبهم.

يعني يالي اتطولون شعركم تخيلو بنت قاصه بووي !! شنو انطباعكم عنها بالذمه

What? like the one in Hitman? either Black or Red hair? Wearing black in black? Rock, Punk, or even Goth style? ? Listening to symphonic metal?
Where the hell is that?!??

قاعد أبين ان لولا اختلاف الأذواق لما طلعت السلع :16:
أهم شي محد يشتط...

Omar Al Hazaa

21-04-2008, 11:42 PM

ههههههه اختي N مشكوره على الخلطه بس خليني اتم على الخلطه الي عندي ابرك..

وهلمثل اذا عاجبني شي وانت لا اشرب ماي البحر.. تراه ماينفع لأن مافيه احترام للأراء.. وماي البحر بعد مالح مايصير نشربه.. اختي N لاتاخذين أي مثل وتمشين عليه على طول..

Omar Al Hazaa

21-04-2008, 11:45 PM

اخوي عيسى المنصوري: ماشاءالله عليك مشاركتك جابت الموضوع بطريقه محايده! وانت عبرت بكل وضوح عن الكلام الي صار لي مده وانا احاول اوضحه..

وينك ماشاركت من زمان هههه..

وفالنهايه الجسم بكبره راح ياكله الدود فالقبر!

Ahmad Al-Saygh

22-04-2008, 10:36 AM

بس خليجي وركبته ملحه ومغبره

وأنا كنت على ثقة إني أقدر أمثل إني مكسيكي إذا قلت No hablo ingles بس ركبهم غير خخخ

Dana Al-Kuwari

22-04-2008, 12:08 PM

^
^

مااالك امل ههه
علامه الجوده اصليه فيكم.. نطلعكم من بين مليون شخص.

لا وزدتوا موضه الشعر الغجري الي يخرع خلاص مايحتاي
نطلعكم من بين مليار شخص هالمره

يازينا يالبنات
مانبين الحمدلله وبرمائيين .. ندخل فالمجتمع الامريكي بسرعه .. من وين؟؟ من اوكرانيا ههههههه

طيب انا ابي كل واحد يجترئ ويقول انا شعري طويل.. << طبعاً للي مطول شعره
ويقول لنا هوا ليش مطوله والاسباب الي ادت لتفاقم المساله

<<< تحس بان الموضوع بيدخل فالمواضيع القديمه ومحد راح يرد ..

Salem Alsaqatri

23-04-2008, 08:02 AM

بسم الله الرحمن الرحيم ^

بس خليجي اسمر وشفايفه سود من الزقاير وركبته ملحه ومغبره وجاي مطول لي شعره
والمشكله حارقه بالاستشوار ولا في فايده.. عبدالناصر درويش قاعد والله
.....
..

يازينا يالبنات
مانبين الحمدلله وبرمائيين .. ندخل فالمجتمع الامريكي بسرعه .. من وين؟؟ من اوكرانيا ههههههه

From what I know and seen Ukraine chics are usually blonde or at least have fair skin, not to mention that they have European-Russian facial features (i.e. straight noses, blue eyes.. etc). So, if you wanna pass with the least bit of credibility go with a more modest choice maybe greek or cypriot -someone from Cyprus-.
;)

And as far as I'm concerned, we do pass as latin or at least as Italian, especially if we had long black hair.
:16:

Oh! blue eyes went outta fashion quite a while ago..
:)

Dana Al-Kuwari

23-04-2008, 12:45 PM

^
^

ياحبيبي انا اتكلم من منبر مجتمع امريكي..
يعني لما يعرف ولايات بلاده عالخريطه بالاول بعدين يجيني ويتكلم هههه

هذا ويهي بعد لو عرف وين موقع اوكرانيا عالخريطه العالميه.
وانت تقولي خشومهم طويله وشقر وعيون خضر.

اذا بلاده الي هي بلاده فيها من كل قطر اغنيه.. الاسمر والابيض والوردي والبيج

ياخي كلمني بما يعقل ههههههههههههههههااااااي

F.H

23-04-2008, 03:58 PM

تنبيه :

راح يتم إلغاء أي مشاركة وجدت للدردشة وغيرت مسار الموضوع ..

-----------------------------------------------------------------------------------------------

وجهات النظر تختلف بالموضوع .. إلي يتكلم من ناحية دينية .. وإلي من ناحية اجتماعية ..

موضوع الشعر الطويل إلي البعض يتحجج فيه إن من زمن الصحابة كان موجود ولرهبة العدو وغير من هل كلام ..

1- زمن الرسول عليه الصلاة والسلام والصحابة وقبيلة قريش يتطغى فيه طابع البداوة إلي معروف عنهم من عاداتهم إطالة الشعر .. وهل أمر يختلف من مجتمع لآخر ..

2- موضوع بث الرهبة في نفس العدو هذا يكون فترة الحرب .. الرسول عليه الصلاة والسلام أمر والد سيدنا أبو بكر بصبغ الشعر لإخافة العدو ،، ورد حديث آخر للرسول عليه الصلاة والسلام من يصيغ الشعر بالسواد تحرم عليه رائحة الجنة ..

كل حكم بني على السبب وموقف معين ..

3- المجاهدين لما يطولون شعرهم فترة الحرب .. هذا أمر مقبول لهم ،، بس الشباب إلي عايشين بقطر لاحرب ولا شي عندهم .. يطولون الشعر ليش !! عشان يرهبون العدوا !! وين قاعدين في العراق ولا فلسطين !

أمر إطالة الشعر بمجتمعنا شاذ ،، وسالفة إرهاب العدو ، كلام مردود عليه وغير منطقي ..
(( إن الله جميل يحب الجمال )) الإنسان المسلم في دولة مسالمة لازم يطلع بأبهى حله وأنظف صورة .. عشان يحبب الغير مسلم بدينة مو يسبب له رعب!! ..

شلون نبغي ننشر الدعوه ونهدي الناس وأول إنطباع نسببه للغير (( إرهاب ولا منظر مقرف ))

وإذا بنقيس أمر الشعر الطويل ،، عندنا اليهود المتطرفين من ديانتهم المحرفه الشعر الطويل ولا يعجفونه بطريقة معينة .. وعندهم اللحية الطويلة ..

المجوس معروف عنهم إطالة الشعر ..

أمر إطالة الشعر لو زاد عن حده يدخل بالدين ،، خاصة لو اتخذ صورة تشبه بالنساء إلي حاصل اليوم ..

ويليت يكون في جدية بالنقاش بالمستقبل واحترام لآراء الغير بدل مانغير الموضوع وندخل بالنقاش بأمور تافه ..

Mohammed Al-haddad

24-04-2008, 12:00 AM

نفس ما قلتي اختي F.H كلامك صح
و العادة هذي ما اطلعت إلا الحين ( باستنثناء بعض القبائل (بعض) خاصة الي عاشين إلى الآن في مجتمعهم الخاص ( الريفي او البدوي ) لحد يفهمني غلط ارجوكم فهم لو طولوا شعرهم لهم جزء من الأحترام لأسبابهم الخاصة لكن لم اني احنا نطول شعرنا بعدها تصير مشكلة ني نقعد ندور على أعذار ( مستعدين نطلع اعذار من تحت الأرض بس مبررات فقط لا أكثر حقيقة هذي الي صاير )

وبالنسبة لنقطة الشخصية ما اظن ان جزء من شخصيتي بيكون شعري ( ما اقصد اني ما اهتم بشكلي او اني ما اهتم بشعري ) لكن خلنا نكبر عقلنا شوي و ما نربط شخصية انسان بشعر

بس في نقطة في النهاية اخوي عيسى ترى محد فرض رايه

S.S.Ahmed

24-04-2008, 12:48 AM

:)

المـــوضوع هــو حرية شخصية,, إن لم يكن فيها مضايقة للغير, و أقصد هنا مضايقة جسديه أو معنويه...

أما إذا كان شكل الشاب مقزز,,أو غيره فهذا يرجع لهُ بالدرجة الأولى...

أتــوقع إن بدأنـا في تقبل الأمور التي لا تُخالف ديننــا ومنهـاجنــا في الحياة فسوف نعيش وسط مجتمع متحضر وراقي, يستمع للآخر من غير تشنج أو هجوم...

---------------------------

F.H

أشكركِ على المداخله.... ولكــن أسمح لي أن أرد على تساؤل أخي عمر,,لأنهُ لم يفهم نقطتي جيداً :)

(... وإن حذفتيهــا,,فأنــا أُبيحكِ ...)

أخي عمــر:-

ماقصدته هــو أن الإنسان بطبيعته يحب لفت الإنتباه...ولكن أحياناً يلجأ لأمور تطرفيه وغريبه جداً,,ويًصبح أُضحوكه..مثــل مثلاً أرتدا الثوب بالمقلوب...أو ثقب جميع الجسد بالسلاسل,,,يعني من هذه الأمثلة...

وعندمــا يسلك الإنسان هذا المسلك فبتأكيد أن هنــاك خللاً مــا في فكره ومنظوره للحياة...

الشذوذ في مجمله ليس بحميد -مع إن هناك شواذ جميله-....

وأنت قلت بأنك حتى في تفكيرك مختلف عن غيرك,,وأنــا أقول بأن تفكيري مختلف عنك وعن أخواني وأخواتي الكرام....والإختلاف هنــا ليس بشذوذ,,بــل هو مطلوب حتى تكون الحياة ثريه....

فلو تشابهنــا في فكرنــا لمــا رأيت الإختراعات والروائع -وأيضاً الغرائب- في الحياة...

---------------------------

بــوركتم جميعاً,,,

Omar Al Hazaa

24-04-2008, 03:29 AM

بسم الله الرحمن الرحيم..
عندي تعقيب على كلامج اختي F.H

1- ايام الرسول فعلاً كان زمن بداوه والحين الناس تحضروا واتركوا الشعور الطويله..
واذا الناس تغيروا خلاص لازم نتغير معاهم! << ماحب اني اتبع هالسياسه..

2- قال تعالى ( محمد رسول الله والذين معه أشداء على الكفار رحماء بينهم تراهم ...........)
ولاننسا عقيدة الولاء والبراء..
هذا الي خلاني افكر اني اصير شديد في شكلي على كا بدايه..

اما الارهاب بالكلام والحركات.. اولاً هالشي راح يكون موضوع دراستي في الايام الجايه..

3-احنا الحين في فترة حرب ودفاع عن الاسلام.. (مب في فترة دعوه وخواتنا واطفلنا يموتون كل يوم)
(بعطيج اخر دوله تم احتلالها وتم تكثيف الهجمات عليهاا امس) ((الصومال))
غزتها القوات الاثيوبيه بمساعدة امريكا وهالكلام فالأخبار..
وكان في تحذير من كارثه انسانيه فالصومال..
وهذا كله بس عشان بس ماتطلع دوله اسلاميه بقيادة محاكم الصومال الاسلاميه..
^
^
والله لو نتناقش في هالموضوع وشلون نقدر نساعدهم
بيكون احسن من النقاش فالشعر..

لاكن احنا مانحس وصار التقتيل فالمسلمين في كل مكان شي عادي..
ولين الحين تقولون نبغي ننشر الدعوه!! الفرض العين ان احنا ندافع عن اخوانا؟

وامريكا تخطط من كل صوب واحنا لين الحين نخاف من كلمة جهاد..

المهم ..هذا الي خلاني استعد بالشكل الارهابي..
وراح استعد بالعلم ان شاءالله..
واذا احتجتي توضيح اكثر اختي بخصوص فترة الحرب انا حاضر..
بس مابطول عشان مانطلع عن الموضوع..

وبخصوص صبغ الشعر.. ترا الزيت الي استعمله فيه اعشاب طبيعيه وزيت جوز الهند..
>>لاكنه يقوي الشعر ويخلي لونه اسود..

Omar Al Hazaa

24-04-2008, 03:38 AM

اختي S هذا كلامج>> ولكــن أن تلبس (غترة خضراء) فالأمــر فيه ريب.....لأنك لا تفعل هذا لنفسك...وأنا أستطيع أن أجزم بذلك..

لا أعلم....على الرغم من إيمــاني بحرية الإنسان إلا إننـي أؤمــن أيضاً بأن على الإنسان أن لا يشذ عن عــادات مجتمعه مهماً كـانت شخصيته منفتحه ومنطلقه...<<

انا فهمت انج تقصدين هالشي شذوذ عن المجتمع.. الغتره والشعر..
ويوم انتي اعتبرتي هالأختلاف البسيط فالالوان والملابس شذوذ..
قلت لج عيل انا شاذ في اشياء كثيره ومنها تفكيري!
لأني مافهمت انتي شتقصدين بالشذوذ؟
بس مشكوره على التوضيح..

F.H

24-04-2008, 04:03 AM

واذا الناس تغيروا خلاص لازم نتغير معاهم! << ماحب اني اتبع هالسياسه..

مع إن كلامي واضح ،، المقصود مو الناس ... المقصود المجتمع يتغير ، الزمن يتغير ويتطور.. لهل سبب فتاوي العلماء تتغير .. لأن الإسلام يواكب العصور والتطور ..

هذا الي خلاني افكر اني اصير شديد في شكلي على كا بدايه..

اما الارهاب بالكلام والحركات.. اولاً هالشي راح يكون موضوع دراستي في الايام الجايه..

موضوع دراستك راجعلك الأمر فيه مايهمني ..

3-احنا الحين في فترة حرب ودفاع عن الاسلام.. (مب في فترة دعوه وخواتنا واطفلنا يموتون كل يوم)
(بعطيج اخر دوله تم احتلالها وتم تكثيف الهجمات عليهاا امس) ((الصومال))
غزتها القوات الاثيوبيه بمساعدة امريكا وهالكلام فالأخبار..
وكان في تحذير من كارثه انسانيه فالصومال..
وهذا كله بس عشان بس ماتطلع دوله اسلاميه بقيادة محاكم الصومال الاسلاميه..
^
^
والله لو نتناقش في هالموضوع وشلون نقدر نساعدهم
بيكون احسن من النقاش فالشعر..

شي طبيعي إن حضرتك تلف وتدور وتغير من محور النقاش بكل موضوع ..

محور نقاشنا بهل موضوع : (( ظاهرة الشعر الطويل بمجتمع قطر ))

مانتكلم عن حروب ومجتمعات ثانية وهل شي واضح جدا بالموضوع .. ودامك تعيش بدولة مسلمه فيها استقرار وأجانب الواجب عليك تنشر الإسلام بينهم وتهديهم ..

بدل ماتنصح غيرك يناقش بموضوع يختلف عن ظاهرة تطويل الشعر ،، إنصح نفسك ماتطلع من الموضوع وتتناقش في زيت الشعر ونوعه وللمره الثانية أنبه عليك ماتطلع خارج الموضوع ..