قلة دين وعقل [الأرشيف] - منتدى شبكة الطلبة القطريين

Omar Al Hazaa

07-04-2008, 08:51 PM

السلام عليكم ورحمة الله وبركاته.. حطيت هالموضوع فالعام لأني بتكلم عن ضاهره انتشرت في البلاد كلها قبل الجامعه! :w5rw:

يوم الاحد 6\4\2008 ..صار مؤتمر حق طلاب التأسيسي في جامعة قطر ..وادارة الجامعه حطت الطلاب والطالبات في نفس القاعه..

البنات كانوا مسويين عرض ازياء! ..لابسين بنطلون برمودا حق الجامعه!! ولابسين عبايات ضيقه وتلمع ..والويه مصبوغ بالمكياج .. وكل وحده فيهم كانت تتشطر! :err:

الحمدلله مابنشوفهم كل يوم .. لاكن الي ابي اعرفه البنت شلون تطلع بهالطريقه كل يوم جدام الدكتور !!..خلاص مافي حياء وصار هالشي عادي !!..

و البنت بهالطريقه تصير رخيصه وماتسوى التراب.. وادارة الجامعه ماقاعده تتصرف بحزم؟ و البنت اذا كان في قوانين تجبرها >>((( بتتسنع غصبن عنها وبتلبس عدل)))<< ولا خل تساعد الخدامات فالبيت ههههه

لأن البنت عقلها ضعيف ((اغلب البنات مب كلهم)) واذا حصلت قوانين توقفها عند حدها بتتأدب على طول

انا متأكد ان البنت الي تسوي هالحركات مب طبيعيه.. وهالشي ناتج عن ضعف الثقه فالنفس ..( و ضعف الشخصيه وهاي الي يخليها تقلد وحده من الممثلات ولا وحده من ربعها الصايعات! )

وفي طالبه قبل يومين داخله النشاط الطلابي وقالت حق واحد من الطلاب وصلني استحي اروح المطعم بروحي لأن المطاعم الي عندنا زحمه !!..

وفي يوم التسجيل بداية هالكورس ..انا رحت جامعة البنات وصلت اختي وبنت خالي .. ولا تمر جدامي شلة بويات (مسترجلات) وثنتين منهم وحده شعرها طويل والثانيه شعرها قصير ما لابسين شي على راسهم !! وبعدين اذا الشباب قالوا شي تلومونهم

اتمى من ادارة الجامعه انها تتصرف وتتعامل مع هالبنات المساكين لأن هالشي بيكون في ذمتهم يوم القيامه ..وعندهم اكثر من حل..

1- يجيبون اخصائيين نفسيين يتفاهمون مع البنات 2- يحطون قوانين تمنع الملابس الفاضحه !! 3- اذا صار مؤتمر ثاني يقدرون يحطون حاجز بين الشباب والبنات ولا محد بيركز على المؤتمر هههه ..واتمنى انكم تشاركون بوضع الحلول

وللأسف الشديييد شفت اكثر من وحده من الحريم الكبار((مادري اذا كانوا أداريات أو دكاتره)) لاكنهم مايختلفون وايد في لبسهم عن البنات الصغار!! :1639_11196799410:

واتمنى من البنات الملتزمات المحترمات الي في جامعة قطر ..اتمنى منهم انهم ينصحون خواتهم ..وانتي يالبنت الي عارفه ربج وفاهمه دينج اطردي الخجل عن نفسج وتحركي اكثر وانصحيهم دايما وهذا كله بيكون في ميزان حسناتج..

ويكفي الي نشوفه فالشوارع والكورنيش والمجمعات والتلفزونات ..والدور الحين على اماكن الدراسه!

وسبحان الله كل ما تزداد المياعه تزداد صعوبة الزواج>> ماقصد الصعوبه الماديه لاكن اقصد العمر.. والطالب يبي يتزوج في بداية شبابه ((مب يضيع الشباب علفاضي وتضيع احلى سنوات العمر فالعذاب والهموم)) لاكنه مجبور يخيس يدرس فالجامعه 6 ولا 7 سنوات عشان يتزوج ..المهم مابي افتح موضوع ثاني هههه

Abrar Al-Janahei

07-04-2008, 09:20 PM

السلام عليكم اخوي عمر

خلني اعطيك نسب البنات في الجامعه

البنات بالطريقه اللي ذكرتها .. تقريبا 15% .. والمسترجلات ممكن 11%

يعني يطلع المجموع 26% من بنات الجامعه مث هالنوعيه ( اذا ماكنت غلطانه )

الباقي ما شاء الله تبارك الرحمن .. عيني عليهم بارده :)

الخير واييد .. لكن مادري ليش هالمجموعه اتبين اكثر

البنات فيهم طبع .. لازم عشان ننصح .. نصير بالبداية صديقات او حتى زماله .. يعني لازم يكون في كلام حتى لو بسيط .. وبعدين نقدر ننصح .. بس اذا اروح واتكلم على طول .. البنت بتحس بالحرج .. وبتتضايق اكون مثل اللي يات اتكحلها وعمتها

انا الاحظ ان اكثر هالبنات .. عندهم مشاكل اجتماعيه .. وحالتهم تعور القلب ويكسرون خاطري .. والبنت تدور على الحنان والعطف فتروح تمثل انها محتاجته باتها تكون مسترجله او تلبس عرس

وترى البنت ما تسوي هالحركات .. مثل تلبس برموده ومن هالاشياء الا عشان تقول

جوفوني انا موجوده ..
سواء بتسويها بطريقه صح ولا غلط

فإذا ماتحصله بطريقه دينيية سليمية الله يرضاها بتدوره بطريقه غلط ..

اذا الشباب ما يعجبهم طريقه هالبنات .. لازم يبينون ان ما يعجبهم .. لان البنت بتسوي اللي يلفت الشاب .. والبنات يجوفون ان هالطريقه تزيد اقبال الشباب لها

بعد الشباب غلطانيين في هالشي

بس ان شاء الله شوي شوي نحتويهم :)

Latifa.K

08-04-2008, 12:12 AM

بسم الله الرحمن الرحيم

السلام عليكم ورحمة الله وبركاته

أول شي اشكرك اخوي عمر على طرحك لهالموضوع وعلى غيرتك على بنات بلادك ...

ثاني شي ..
هالظاهر انتشرت في الجامعه اكثر شي في هالسنتين ...
يعني في 2006 اناا دخلت الجامعه كانو هالبنات شوووي
في 2007 صاروو اضعااف اللي نشوفهم قبل ..
صاروو البنات كلش مافيهم حياا يطلعون جدام الرياييل جنهم طالعين جدام بنات عاادي عندهم ..

اول شي كل وحده بتيي كاشخه وفل ميك اب جنهاا رايحه عرس بتشجع غيرها انهاا تكشخ ...
وثاني شي الجامعه ما حاطه قوانين تمنع هالنوعيه من الملابس والكشخه الاوفر في الجامعه..
وثالث شي تلقى اغلب البنات اهاليهم راضين عاللي قاعدين يسونه ولوو مو راضين يعني شلون بتيي البنت الجامعه مابيشوفونها اهلها شلون حاطه فل ميك اب قبل لاتروح الجامعه ...
وكذا مره اناا يوم اوصل الجامعه اشوف بنااات ايووون مع اخوانهم والا ويا ابهااتهم وطبعا الكشخه والاستايل حدث ولا حرج ...

يعني قبل لا احنا ننصحهم والا ادارة الجامعه اتحط قوانين خل اهاليهم يربونهم عدل وتكون فيهم غيره على بناتهم عشان مايسون هذا كله ...

احنا اذا بننصح .. بننصح من والا من... اوكي ممكن وحده والا ثنتين يسمعوني الباقي وهم الاغلب راح يطنشون وبيقولون لي انتي شكووو؟؟؟
حتى لو موظفات الجامعه تكلمووو وقالوو شي مابيقدروون يمنعونهم من هالشغلات ..

بقولك شغله صارت في هالايام :
موظفات النشاط عندناا قاموو يدوروون على البنات في النشاط ويشوفون اللي كاشخين بزياده جنهم يايين عرس وياخذون بطاقاتهم الجامعيه ويقولون لهم تعالو عندنا المكتب وخذوها ..

اللي صار شنووو ان هالبنات راحوو لها المكتب ... وماوقعووو لا على تعهد ولا على شي ..
قالو حق الموظفه بكل بسطه احنا اهلنا ما قالوو لناا شي وراضين انتي شدخلج فيناا..
هذي حريه شخصيه ...

يعني الموظفه شبيكون في يدهااا تسوي اذا سمعت هالكلام<<< أكيد ولا شي ...

وللأسف الحين هالنوعيه من البنات صاروو يتفاخروون في هالشغلات ...
يعني عندهم اللي ماتحجب وااااااااو هااذي كووووووول وشي خطيره ..

اسمح لي اخوي عالاطاله .. بس هالموضووع طويل لو تمينا نتكلم ما راح نخلص ...

ويعطيك العافيه :)

M.A.A.Al-Ansari

08-04-2008, 07:59 AM

جزاك الله خير على هالموضوع

يؤسفني أقول ماخفي أعظم مما رأيت

والسؤال وين أمهاتهم وآباءهم واخوانهم ؟!!

هم فئة قليلة صح وتبيّن أكبر يا "أبرار" لأنهم شاذين عن القاعدة , يتبعون المثل اللي يقول "خالف تعرف" :)

لكن أعمالهم تصير أفظع يوم عن يوم ..!

ربي يستخدمنا في علاج هالشئ ..

لي عوده لأن الحديث في هالموضوع يطول .. وكنت بس بسجل حضور :)

ويعطيك العافية وجزاك الله خير على غيرتك عل بنات بلادك

N . A . AL-KORBI

08-04-2008, 03:02 PM

السلام عليكم ورحمة الله وبركاته

جزاك الله ألف خيرا على الموضوع الهادف .

بس أن عندي تعليق بسيط ، أتمنى من الجميع البعد عن النميمه ، شفت شي إستر عليه ، حتى يستر الله علينا دنيا وآخرة .

الحل إن قدرنا ننصحهم لازم نبادر بالنصيحة ، شلون ؟ ممكن بالبداية نتقرب منهم ، نقعد معاهم مش شرط من أولها تكون نصيحة ، بالتدرج ، بالبداية لازم نوصل لقلبهم ، وبعدين نبدأ نغير فيهم ،
ولازم مانجرحهم ، يعني نقول مثلا " والله أنا من قبل ماكنت أصلي الصلاة بوقتها بس من سمعت هالشريط حسيت بشي ثاني " ، يعني نحسسهم إن إحنا بشر نغلط بس نستفيد من غلطنا ، وناخذ بنصيحة من حب الخير لنا .

أما إذا حسيتي إنها ممكن تجرج لطريقها ، إتركيها ، بس دايم وأبدا إدعيلها في صلاتج و في قيامج لو بالفعل كنتم تحبونها في الله ، صدقوني الدعوة تستجاب ، وكم نجحت هالطريقة ، و أنا مجربتها ، ولله الحمد ، ناس أعرفهم وناس ماأعرفه ، أهم شي أدعيلهم ، إن الله يهديهم ويستر عليهم في دينهم ودنياهم وآخرتهم .

هالفئة لازم نتقرب منهم ونبتسم في ويهم ، ونبين لهم إن إحنا نحبهم ، وبالفعل إحنا نحبهم ، ونتمى لهم الخير ، ومانحسسهم إنهم غير مقبولين ، بالعكس راح تتعقد الأمور أكثر .

أرجوكم لاتتكلمون عن بنات ديرتي بهالأسلوب ، إهم بنات ديرتي ، وخواتي في الله ، وأنا أحبهم ،
ماأقول إلا
(( يعل ربي يهديهم ويستر عليهم ربي ، ويحفضهم بعينه الي ماتنام من كل شر ومن كل سوء ومن كل إثم ))

ودمتم في حفظ الرحمن

Omar Al Hazaa

08-04-2008, 05:06 PM

اختي ابرار عليكم السلام ورحمة الله وبركاته .. انتي قلتي البنات الغير محترمات! نسبتهم 26% ..والبنات نسبتهم فالجامعه كلها 73% .. يعني الشباب نسبتهم27% .. ويعني عددهم نفس عدد الشباب فالجامعه تقريبا!!

وصح كلامج هالبنات اغبلهم عندهم مشاكل اجتماعيه ..وحده من البويات تقول يوم كنت صغيره ابوي كان يلبسني ثوب ويوديني معاه المسيد لأنه ماجاه ولد ..يمكن ابوها نيته طيبه لاكن النتيجه >>بنته صارت بويه

ووحده ثانيه تقول ابوي يوم كان يسافر كان يقولي انتي ريال البيت لأن اخواني كانوا صغار ..(( وراح تحصلون قصص اكثر في برنامج الشيخ نبيل العوضي ساعة صراحه>>حلقة البويات)) وهذا الرابط http://www.emanway.com/showvcat.php?id=7 ..على موقع طريق الايمان..

واذا البنت تبي تقول جوفوني انا موجوده ترا مب من حقها اتطلع أي شي من مفاتنها ((عورتها))..

وبخصوص الشباب ..ترا في شباب وايد مستانسين على الوضع ويحبون هالشي ((لأن هالشي اهوه نقطة ضعف الشاب!!)). وهالشي معروف ان البنت اذا اختربت بتخرب الأمه كلها !

وفالنهايه ..اختي ابرار كوني حذره لما تصاحبين لج وحده من هالبنات !! لأن بنات وايد رافجوا الصايعات بنية النصيحه ..لاكن فالنهايه تخترب وتصير مثلهم ..لأن البنت عاطفتها تكون اقوى من عقلها.. ولو تشوفين الحلول الثانيه بيكون احسن

Omar Al Hazaa

08-04-2008, 05:47 PM

اختي لطيفه ..عليكم السلام ورحمة الله وبركاته .. اول شي احب اقولج عفوا .. وكلامج صحيح هالنسبه بدت تزيد ..والي مافيهم حيا ويطلعون بدون شي على راسهم انا شفتهم بعني!!

ومن ناحية بتشجع غيرها ..هالكلام بعد سمعته بنفسي وللأسف من بنت خالي !! كانت تقول حق اختي شوفيهم كاشخين!! .. انا عصبت عليها والله وقلت لها ترا البنت الي ماتستحي وماتستر نفسها تكون رخيصه وطولت معاها فالكلام .. وقالتلي فعلا البنات يتفاخرون ويقومون من الفجر ويستشورون شعورهم ويكشخون حق الجامعه اكثر من الأعراس

اختي لطيفه انتي قلتي في كلامج بننصح من وبنخلي من ..كنتي محتاره شوي وبقولج الحين من الي لازم ننصحه ومن الي النصيحه يمكن ماتأثر فيه وايد!!

((لازم نحط قواعد اساسيه)) ..والموضفه الي قلتي عنها فالنشاط فعلا ماتقدر تسوي لهم شي.. اذا كان جواب البنت ابوي يخلني واخوي ماقال لي شي

والحل واضح .. اذا ادارة الجامعه الي متمثله فالعميده >>اذا العميده بكل سهوووله حطت قوانين واضحه حق اللبس وامنعت المكياج وامنعت البنات انهم يمشون بدون مايحطون شي على راسهم..

وقالت لهم العميده الي ماتطبق هالقوانين مابتدخل الجامعه بكل بساطه.. اعتقد ان البنات بيمشون كلهم عدل.. وماراح نشوف مناظر تجرح القلب

وبعدين لما الاخ والا الاب الي يجيب بنته الجامعه ويشوفها خلاص ماتحط مكياج وماتلبس ضيق والعبايه خلاص ماتلمع بيسأل بنته ليش غيرتي ملابسج ..وبتقوله البنت لأن الجامعه امنعتنا وقالت مايصير نطلع جدام الدكاتره بهالشكل!!

تخيلوا الاب ولا الاخ شنو بيقول في قلبه ..انا بتخيل هههه ((بيقول انا وين رجولتي؟؟ الجامعه خلت بنتي تحتشم وانا ماكنت اقول لها شي ..وين غيرتي؟؟ بيكتشف انه ماعنده غيره ورجولته للأسف ضعيفه.. وهالشي الي انا اتمناه انه يصير..

لأني ماعرف شلون انصح واحد مايغار على بنته ولا اخته.. شنو بقوله؟؟ بقوله غار على بنتك ولا اختك واهوه ماعنده غيره !!

وعندي اقتراح لو انكم انتوا يالبنات الي عارفين ربكم ودينكم .. اقترح انكم تسون لكم نادي ولا قروب ولا أي شي تجتمعون فيه عشان تنصحون البنات (الي ماعرفوا ربهم ودينهم!) بشي بسيط (شريط ولا كتيب صغير) وتتناقشون اكثر فالحلول

وانا كنت متوقع ان جامعة البنات فيها حركة ونشاط دعوي؟.. وفي شريط حلو حق الشيخ عبد المحسن الاحمد اسمه (ما اقوى شخصيتها) عجيب ومؤثر ..يأثر فالشباب والله قبل البنات وبيكون حلو لو توزعونه ..

Abrar Al-Janahei

08-04-2008, 05:50 PM

اخوي عمر .. انا يوم اقول 26% قصدي من البنات بس .. يعني مو من مجموع الجامعه ..

لو افترضانا ان البنات 100% اهمه بي 26 %

ربعي محدودين في الجامعه .. لكني زمالتي واييد ,, انا اجوف ان لو اعرف البنت او على الاقل معاي في الصف .. بتتقبل النصيحه اسرع مب مثل لو انا ماعرفها خير شر واقول بها .. انا ماعرفها كلش .. بعيني تعرف انها غلطانه

Omar Al Hazaa

08-04-2008, 07:21 PM

^
^
اختي ابرار انا عارف قصدج ..وانتي مافهمتيني عدل.. كان قصدي اقولج اقولج البنات نسبتهم 73% والشباب نسبتهم 27% من الجامعه كلها ..والبنات الصايعات نسبتهم 26% من نسبة البنات الي اهيه 73% ..يعني هالنسبه قريبه من نسبة الشباب..

وبخصوص النصيحه الحين فهمت قصدج وهالطريقه انشاءالله تكون احسن.. الله يوفقج ويصلح بناتنا كلهم.. ولي رجعه بعد الصلاه..

N . A . AL-KORBI

08-04-2008, 07:52 PM

السلام عليكم ورحمة الله وبركاته

ممكن أخوي عمر ماتستخدم الألوان البارده ، لأن الكلام مو واضح ، وأنا حابه أقرأ ردودكم ،

وجزاكم الله ألف خير .

الحل الوحيد اللين والسلاسه ، مو العصبية ، لأن بهالطريقة إحنا نفقدهم ، وراح يمشون عكس كلامنا .

الجامعه ماتقدر تسوي شي ، بالعكس جامعتنا ماقصرت ، تحاول تسوي بلي تقدر عليه ، إذا أهلهم ماقدروا يمسكونهم ، شلون الإدارة راح تفرض سيطرتها عليهم .

حتى الأهالي لاتلومونهم ، في كثير منهم مو عارف شي عن بنته ، وإلى متى يتموا يراقبونهم ، كلنا كبرنا وكلنا مسؤلين عن أنفسنا ، ماعدنا صغار .

في حلول أخرى بأسلوب أرقى ، النصيحة لازم تكون بإسلوب ، مايكون فيه إحراج لشخص نفسه ،
أفكر قبل كل شي وأعمل ألف حساب حق هالشي ، وأتوقع الردود الي راح تقابلني ، لازم أصبر وماأفقد الصبر ، ممكن تكون هالنصيحة من لمة ويمعة بنات ، ونتم ناقش فيها أمور مختلفه ، طبعا ندمج هالفئة ويانا ، نسمع منهم ، وإن شاء الله راح إيتم هالشي .

حتى الشباب ممكن ينصحون ، مو عيب إذا شفت وحده ، تقدم حقها النصيحة ، بإسلوب ، الي يبي الخير راح يسويه ، وفيه ألف حل ممكن ، من مسج وفيه حلول وااااااااااااااااايد .

ومشكور اخوي وجزاك الله ألف خير .

Omar Al Hazaa

08-04-2008, 08:16 PM

اختي الانصاري.. الله يعافيج.. مشكوره على مرورج وكلامج كله صحيح وننتضر مشاركتج الجايه..

Omar Al Hazaa

08-04-2008, 08:39 PM

Latifa.K

09-04-2008, 10:59 PM

وانا كنت متوقع ان جامعة البنات فيها حركة ونشاط دعوي؟.. وفي شريط حلو حق الشيخ عبد المحسن الاحمد اسمه (ما اقوى شخصيتها) عجيب ومؤثر ..يأثر فالشباب والله قبل البنات وبيكون حلو لو توزعونه ..

في هالشغلات عندناا وفي محاظرت دينيه وفي جماعاات دينيه ...
بس الاشكال اللي تتكلم عنهاا مابتفكر انهاا تحضر جلسه دينيه والا بتسمع محاظره والا والا ...

هم همهم يكشخون وايون الجامعه من الصبح لين الظهر يستعرضون ويقعدون في النشاط والا ستاربكس العلوم واذا لهم خلق يحضرون المحاظرات احضرو واذا مالهم خلق مايحضرون عاادي ...

يعني اصلا تفكيرهم كلش مو تفكير طالبه جامعيه ... يعني ناس همها انها تلفت انتباه الاخرين
بأي طريقه من الطرق حتى لو بالغلط ...

اقتراحاتك اللي ذكرتها رائعه اخوي عمر .. ويا ليت الجامعه تحط قوانين تمنع هالشغلات في الجامعه عشان ماتزيد هالنوعيه من البنات ...<<< لان هو الحل الوحيد اللي بيساعد في حل هالمشكله .. طبعا مع النصح والارشاد من قبل الطالبات ..

ويعطيك العافيه عالموضوع :)

N . A . AL-KORBI

09-04-2008, 11:53 PM

اختي الكربي ..عليكم السلام ورحمة الله وبركاته ..اول شي احب اقولج اسف اذا جرحت شعورج بكلامي عن هالفئه من البنات.. لاكن والله هالشي يجرحني اكثر والانسان يتكدر لما يشوف هالمياعه.. وماحطيت هالموضوع الا عشان نتناقش فيه ونشوف له حلول..

وماحطيته بقصد النميمه ولا اني افضح حد..

واسمحيلي اذا الالوان ماكانت واضحه.. بس وضحيلي اذا ممكن ((أي لون)) الي ماكان واضح لأني صرت محتار وعشان ماحطه مره ثانيه..والحين بحط لونين البنفسجي الغامج والاخضر الغامج وانشاءالله يكونون واضحين

وكلامج صحيح بخصوص الاسلوب الي تستخدمينه حق النصيحه ..وهاي الاسلوب الأمثل.. والله يوفقج واتمنى من البنات انهم يشدون حيلهم اكثر وانشاءالله يستفيدون من النصايح الي قلتيها..

اختي انا اختلف معاج يوم قلتي الجامعه مابتقدر تسوي شي اذا اهلهم ماقدروا.. لأن البنت يوم كانت فالثنويه كانت تلتزم بقوانين الثنويه الثابته لاكن فالجامعه ماحصلت أي قانون يردعها..

ولازم الجامعه بكل بساطه تمنع المياعه والعبايات الضيقه والمكياج الخ.. والبنت الي ماتسمع الكلام يكون مصيرها الطرد من الجامعه..

واللين والسلاسه ينفعون اكثر لما تشوفينهم في اماكن عامه مثل المستشفيات المجمعات الخ ..وينفعون بعد حق الجامعه

لاكن الافضل ان الجامعه تمنعهم بقوانين صارمه في اسرع وقت لأن هالشي حرااام ولأن البنات الصايعات قاموا يزدادون بصوره عجيبه وقاموا يؤثرون على غيرهم ويروحون مباني الشباب بملابسهم ومكياجهم

ماسمعوا عن الحديث الي في معناه ان البنت الي تحط عطر وتمشي جدام قوم عشان يشمونه تعتبر زانيه.. ومادروا ان اكثر اهل النار من النساء.. البنت اذا اختربت بتخرب الكل معاها.. المسئله خطره واهم يشوفون هالشي عادي..

لاكن اذا يتابعون المسلسلات والافلام فالتلفزون.. انا والله مالومهم.. وهالحركات الي يسونها يمكن تبين في نضرهم عادي وشي طبيعي..لأنهم 24 ساعه يشوفونها فالتلفزون جدام عينهم فا صار هالشي مألوف ويشوفونها في كل رمضان ((الاهل كلهم يتجمعون على المسلسلات))

ومابي انسى برنامج ستار اكاديمي والبرامج الي يطلعون فيها شباب وبنات خليجيين على الهوى لابسين بدلات وسوالف وستايل وحركات!! ويسمونها برامج شبابيه !!.. والله الواحد يختنق من كل صوب..

يعني بالعربي تربوا واهم صغار على هالمناضر الي فالمسلسلات والافلام وصار شي طبيعي وصعب يتغيرون.. الدين قل عندهم والفتن اكثرررت.. وهاي من علامات الساعه نقص الدين و ظهور الكاسيات العاريات.. وهاي كله يدل على ان نهاية الزمن قربت

اهم شي كل انسان ((يشوف شنو الي عليه)) ويسويه على طول والباقي على الله سبحانه وتعالى.. والله يهدي الجميع..

مشكور اخوي عمر والله يبارك فيك ويكثر من أمثالك .

بالنسبه للألوان ، إستخدموا الي تبونه ، بس الفسفوري و الألوان الفاتحه وايد ، أرجوا إنكم تبتعدون عنها ، هالكلام للكل ، وجزاكم الله ألف خير .

اخوي عمر بالعكس إنت ماقصرت يوم طرحت هالموضوع ، موضوعك يبين غيرتك على خواتك المسلمات ، والله إن إحنا نتكدر لما نشوفهم بهالشكل ، نبي حل ، مانبي نخسرهم ، وغير كذا أتضايق يوم أسمع عن أباء أو أمهات ، ماتوا حسره وقهر على بناتهم ،

صدقوني التغيير لازم يكون من البنت نفسها ، لازم تكون مقتنعه بهالشي ، مو غصبا عنها ، بالنسبه للجامعه ، ترى الجامعه ماقصرت قاعده تسوي محاضرات دينيه عن هالفئة ، بس منو يحضر ، محد قاعد يحضر منهم ،

" الله يهديهم ربي " ، صج إن هالظاهره في الجامعه أكثر من المدرسه ، بس للأسف هذولي البنات كانوا يسوون هالشي ، مشان يتبعون قوانين المدرسه ، مو حب في هالشي أو رغبه منهم ، إحنا نبي هالتغيير يكون منهم ، بإقتناعهم ، بدون أي سيطرة ، أو فرض رأي .

الحين ما عادت الجامعه بس الي فيها هالأشكال ، الحين نشوفهم بكل مكان ، بالأسواق ، والحدائق ، والمجمعات ، والله إني صرت أكره أطلع المجمعات ، ماأقدر أتحمل أشوف هالشي وأسكت ، لأني أحبهم في الله ، وأخاف عليهم من دنيا مالها أمان ، ممكن بأي لحظة الروح تطلع وتغادر هالجسد ، بس للأسف طلعت والخاتمه سيئه ، صدقوني العين تدمع تلقائيا يوم إتشوفهم بهالحاله .

مشكور اخوي عمر وجزاك الله ألف خير وأتمنى إن رسالتي توصل حقكم كلكم ، نبي نكسبهم مانبي نخسرهم ، اخوي عمر انا شد انتباهي عنوان موضوعك ، عندي سؤال لو فرضا وحده من هالفئة دشت وشافت هالردور هل تتوقع إنها راح تكمل قراءة هالردود ، ام إنها راح تتطلع وماراح تكمل ، صدقوني صعب إن نقذف عليهم هالكلمات .

الكلام الحلو ، والدعوات الطيبه شي جميل ولها تأثير قوي .

أسأل الله العظيم رب العرش الكريم أن يبارك فيكم وأن يرزقكم حبه ورضاه .

ودمتم إخوتي في الله ، في حفظ الرحمن ورعايته .

إختكم في الله

Essa Al-Mansouri

10-04-2008, 02:30 AM

اخوي عمر انا شد انتباهي عنوان موضوعك ، عندي سؤال لو فرضا وحده من هالفئة دشت وشافت هالردور هل تتوقع إنها راح تكمل قراءة هالردود ، ام إنها راح تتطلع وماراح تكمل ، صدقوني صعب إن نقذف عليهم هالكلمات .

كلام صحيح... ذكرني بسالفة أزلية (http://qataries.net/vb/showthread.php?t=9944)

من هذا المنطلق يفضل مراعاة مقدار عالي من الدقة في الحوار بجانب الصدق (http://qataries.net/vb/showthread.php?t=12615)
خاصة أن ترى في ناس في هالمنتدى منهم :SnipeR(14):

Latifa.K

10-04-2008, 08:18 AM

كلام صحيح... ذكرني بسالفة أزلية (http://qataries.net/vb/showthread.php?t=9944)

من هذا المنطلق يفضل مراعاة مقدار عالي من الدقة في الحوار بجانب الصدق (http://qataries.net/vb/showthread.php?t=12615)
خاصة أن ترى في ناس في هالمنتدى منهم :SnipeR(14):

اوكي احنا ماغلطنااا اخووي عيسى
قلنا اللي قاعدين نشوفه

وبعدين لو كلامنا غلط والا فيه شي ... لوو في وحده من هالفئه اهني في المنتدى وتقول ان كلامنا غلط
يفضل انها ترد عليناا عشان نعرف شنو وجهة نظرهم هم بالموضوع لان الموضوع خاص فيهم..

يمكن هم الصح واحنا الغلط شدراك .. ههههه

Hazaa AL Hazaa

10-04-2008, 01:39 PM

مشكور اخوي عمر على هالموضوع هههههههههههههههههههه وبس هاي اللي عندي <لوول هههههه

Omar Al Hazaa

10-04-2008, 02:00 PM

Omar Al Hazaa

10-04-2008, 02:34 PM

عفوا اختي الكربي وتسلمين على كلامج الطيب.. وانشاءالله الالوان الي احطها الحين تعجبج..

اختي طريقتج فالنصيحه حلوه وايد وانشاءالله الله يبارك فيها .. وانا ماعندي اعتراض على الكلام اللين الطيب الحلو لاكن هالبنات قاموا يزيدون للأسف.. والنتيجه ماراح تكون حلوه فالنهايه!!

بقولج قصه حلوه.. مرت (زوجة) خالي راحت الكويت مع اهلها وادخلوا اول مجمع وخذوا فيه لفه وحده بس واطلعوا (يعني ماتموا خمس دقايق) قلنا لها ليش شسالفه..

قالت يتطنزون علينا كلهم ويقولون يالننجا يالننجا هههه (يقصدون سلاحف الننجا >>رسوم يهال) وقالت لأن احنا كنا الوحيديين الي لابسين نقاب فالمجمع !! واهم هناك ماعندهم هالشي.. والبنت الي تلبس عبايه هناك تعتبر عندهم متدينه وايد ومافوقها فوق..

كلام يجرح وقاعدين شوي شوي نشوفه في قطر..وبنات وايد الحين يقولون النقاب يفشل هههه سبحان الله..

اوكي البنت الي ماتحترم نفسها ومطلعه مفاتنها فالمجمعات والاسواق>> كيفها محد بيمنعها الا اهلها.. لاكن فالجامعه بتأثر على غيرها ..لأن البنات المحترمات المتدينات مايروحون الا الجامعه>> مايروحون المجمعات الا نادر

لاكن الجامعه يقعدون فيها كل يوم.. والحين الصايعات بدو يفصخون الشيله وشوي شوي العبايه (مثل بعض الدول الخليجيه) واذا هالكلام بيجرحهم مايهمني والله.. لأني قلت الحقيقه وحركاتهم الي يسونها تجرح اكثرررر

ولازم ابين عيوبهم عشان نشوف لها حلول..

وبعد حركاتهم التفاهه يجون ويقولون البنت المتدينه (جامده وثقيله وماتضحك) رديت عليهم وقلت البنت المتدينه ماتضحك 24 ساعه لاكن اذا اضحكت ضحكه وحده<< ضحكتها بتكون غاااليه..

Omar Al Hazaa

10-04-2008, 03:01 PM

اخوي عيسى المنصوري احب اشكرك على مرورك

وترا اذا انا مابينت عيوب البنات الصايعات عيل بحط حلول حق شنو؟ حق الهوا هههه؟

ترا انا والله اتكلم جد وماعتقد ان في بنت انفضحت من كلامي.. واذا في وحده قرت كلامي وعصبت.. احسن عشان تتأدب وتفكر عدل في الي قاعده تسويه..

لاكن كل الي اسويه الحين اني قاعد احط بعض العيوب الصغيره! عشان نشوف لها حلول..

ومثل ماقالت اختي M الانصاري ترا ((الخافي اعظم)) وماقلنا غير شي بسيط..

واتمنى ان مشاركتك الجايه تكون مفيده اكثر..

Omar Al Hazaa

10-04-2008, 03:09 PM

اختي لطيفه ..ماعتقد ان في بنت بتشارك وبتقول عادي لازم اطلع مفاتني ولازم اكشخ.. لاكن الي بتقول هالكلام هذي صج بتكون منتهيه و رايحه فيها

وراح احط لكم بعدين مثال حلو يوضح شلون القوه فادت في تأديب البنات الي مافيهم ادب وحياء!!

Latifa.K

10-04-2008, 11:03 PM

الله يعافيج اختي لطيفه.. وهذا الي انا متوقعه انهم مايهتمون فالنصايح ومايحضرون الانشطه الدينيه .. وحتى محاضرات الجامعه(( محاضرات التخصص!)) وهذا الي خلاني اقترح ان الجامعه تحط قوانين ثانيه..

هالشي يدل على ان عقولهم فاضيه.. بس همهم زينه وكشخه وبعدين اذا تزوجت وحده منهم وقال لها زوجها اطبخي لي بتقول ماعرف!! لاكن اذا قال لها حطي مكياج ولا سئلها شنو انواع الماركات؟ بتقول اعرف ..ومادري شلون بتربي عيالها!! اذا كانت هذي حركاتها..

ماعتقد انها بتعرف تربي عيالها.. لأنها بتشتغل الصبح وفليل لازم تحافض على كشختها وعلى الستايل فالعزايم والعيال بيكبرون على تربية الخدامه.. ووايد ازواج يشتكون ويقولون زوجتي تحط مكياج حق العرس لاكن حقي لا!!

وهذا للأسف الي خلا نسبة الطلاق توصل 38% في بلادنا ..
>>>>((((((((والبنت الي ماتأدي حقوق ربها بيسهل عليها انها تضيع حقوق زوجها !!)))))))) <<<<

بس للأسف شباب وايد مغترين في هالنوعيه من البنات>> الي تكون حلوه لاكن دينها ضعيف وبس شاطره تضحك وتكشخ وتتطنز على الناس >>

>>وبعدين يقول الي خطبها عادي اهم شي انها تصلي وتصوم ((مايدري انها متعوده تتطنز ويمكن تتطنز عليه جدام رفيجاتها وماعتقد انها بتحفض اسراره؟ وهذا اكثر شي ممكن يخلي الزوج يعصب)).. ولما تكثر عليه المشاكل ((مابي ادخل في مشاكل ثانيه)) بعدين يعرف قيمة البنت الي عارفه ربها .. لاكن للأسف حتى الشباب اغلبهم ضايعين..

يعني قلة الحيا مشكله تجر مشاكل اخرى .... مالها نهايه ...

وبعد حركاتهم التفاهه يجون ويقولون البنت المتدينه (جامده وثقيله وماتضحك) رديت عليهم وقلت البنت المتدينه ماتضحك 24 ساعه لاكن اذا اضحكت ضحكه وحده<< ضحكتها بتكون غاااليه..
:w5rw:

اختي لطيفه ..ماعتقد ان في بنت بتشارك وبتقول عادي لازم اطلع مفاتني ولازم اكشخ.. لاكن الي بتقول هالكلام هذي صج بتكون منتهيه و رايحه فيها اكيد ما راح تقول انه عاادي و انها لازم تكشخ ... بس ممكن تفهمني شنو وجهة نظرها في اللي قاعده هي تسويه في نفسها .... اكيد ما راح تسوي شي الا وهي تحس انه صح مو غلط..
عالعموم الله يهديهم ويكبر عقولهم ..

وراح احط لكم بعدين مثال حلو يوضح شلون القوه فادت في تأديب البنات الي مافيهم ادب وحياء!!
ننتظر المثال في مشاركتك اليايه :)
وجزاك الله الف خير

Abrar Al-Janahei

11-04-2008, 01:27 AM

يا جماعه الدنيا للحين فيها خير :)

مثل ما اقول واكرر .. اخيرة البنات اكثر بألف مره من اللي تتكلمون عنهم .. وذلين فيهم خير بعد ,,

البنات عندهم وجهة نظر .. أسأل البنات اللي يحطون مكيا يقولن لي( ان انا احط مكياج حق نفسي .. ما ابالغ ولا اطلع كريهه ..
انا ابي اطلع حلوة واجوف نفسي حلوة مب عشان الشباب ومب عشان يقولون عني حلوة .. بس حق نفسي

والعبايات اللي البسها البسها لي انا احي اكون مرتبه وانيقه .. ما حب اجوف روحي مبهدلة .. ومثل ما الشباب يكشخون احنا بعد بني نكشخ )

كنت افكر في وجهت النظر هاذي .. فيها صح وخطأ

وبعد
وفي بنات يحطونه عشان ينقال لهم ترى طالعه حلوة او ان يلفتون النظر

هاي بعد وجه نظر

بس عندي سؤال اتمنى الشباب يجاوبوني ..

شنهو الشي اللي تسويه البنت يخلي الشباب يفكرون انها من زينه او مب محترمه ؟

ترى البنات ما يعرفون

عشان ما نظلم حد

N . A . AL-KORBI

11-04-2008, 10:03 AM

السلام عليكم ورحمة الله وبركاته

شخباركم ياجماعة الخير ، وجهات نظر تختلف من شخص لآخر ، وهذا الشي جدا رائع ،

فلا بد أن نحسن الإستماع للآخرين ونتقبل آرائهم بسعة صدر ، ونضع وجهات نظرنا ، لنصل جميعنا الى بر الأمان .

بالنسبه لهالفئة من البنات ، وإحنا البنات بشكل عام ، لابد أن نعرف قبل الخروج من المنزل ،

إلى أين سنذهب ؟ وماهو مقصدنا وهدفنا من ذاك المكان ؟ لماذا أنا ذاهب لذاك المكان ؟

جميع هذه التساؤلات لابد أن أصدرها لنفسي ، حتى استطيع أن أرسم الشكل والهيئة التي لابد أن أكون عليها.

مثلا :
1. الجامعه ، لماذا أذهب إلى الجامعه ؟ وماهو مقصدي من الجامعه ؟

الجامعه مكان لتعلم ، ليس مكان للمناسبات والإحتفالات ، فلابد أن أحترم الحرم الجامعي وأن أحترم نفسي ، حتى ألقى الإحترام من الجميع .

2. السوق ، مكان لشراء المستلزمات والمتطلبات ، ليس مكان للهو والضحك ، فالسوق كذلك له حرمة خاصة به ، ولابد أن أحترم حرمات السوق ، وأحترم نفسي ، كيف ؟ بغض البصر ، بخفض الصوت ، بعدم إظهار المفاتن ، أصون نفسي ، وأحميها لأن لنفسي علي حق ، فلما أجعلها سلعة رخيصة الثمن .

3. قاعات الإحتفالات والمناسبات ، هنا أخيتي ، تستطيعين ، أن تأخذي حريتك ، لكن تحت شروط ،
لابد أن يكون المكان فقط للنساء ، تستطيعين أن ترتدين ماشئتي ، وتفعلين ماشئتي ، لكن تذكري أنك لم تخرجي عن إطار ديننا الحنيف ، لأن ذاك المكان ، أيضا له حرمته .

وهناك العديد من الأماكن كلا له حرمته الخاصه ، ليس معنى ذلك ، أننا نضغط عليك ، وإنما لتحظي بالإحترام من الآخرين ، وأهم شي أن الرب يكون راض عنك ، فلما أخيتي ، تطرين من رحمة المولى جل جلاله ، بعطر ، أو بإظاهر مفاتنك ، لابد أن نشكر الإلاه على هذه النعم ، كيف ؟ بأن أصون نفسي ، وأحميها ، أجعلها غالية الثمن ، ليست رخيصه .

ودمتم في حفظ الله ورعايته

Omar Al Hazaa

12-04-2008, 12:06 AM

اختي لطيفه .. اشكرج على مشاركتج.. وهذا المثال الي كنت بقوله!

احنا نسمع ان بعض الخليجيات يفصخون العبايه والشيله لما يوصلون مطارات اوروبا (بدون محد يجبرهم!)

ونسمع ان كل الاجنبيات الي يوصلون مطار السعوديه يلبسون عبايات ..(مجبورين وغصبن عنهم)

سبحان الله من كان يتوقع ان المسيحيه الكافره الي تطلع مع شباب طول حياتها مره وحده تلبس عبايه وتتستر!

وهالشي بالعكس مأثر في سمعة الاسلام يوم الاجنبيه البست عبايه غصبن عنها.. وخلى الاجنبيات يستغربون

الا بالعكس قاموا الاجنبيات يسئلون اكثر عن الاسلام والجواب الي حصلوه يقول>> الجوهره الغاليه الانسان لازم يغطيها عشان يحافض عليها والمراه فالاسلام نفس الجوهره يغطيها ويحميها

وبسبة هالشي اجنبيات وايد اسلموا ! ماكرهوا الاسلام عشانهم البسوا عبايات بالغصب! وبتحصلون قصص كثيره في شريط الشيخ نبيل العوضي اسمه(ثمرة الفضيله)

احنا ماقلنا حق حكومتنا سوي مثل ما سوت السعوديه (واذا بيسون مثل السعوديه هالشي بيكون طيب هههه

لاكن كل الي نتمناه ان جامعة قطر تحط قوانين حلوه تخلي البنات يستعدلون في ملابسهم .. لأنهم فالجامعه بيأثرون على غيرهم ..

وانا الي سمعته ان هيئة الامر بالمعروف والنهي عن المنكر كانوا يشلطون البنت الي ماتلبس عدل بالخيزرانه <<هذا شكله احلى حل ههههه..

Omar Al Hazaa

12-04-2008, 01:00 AM

اختي ابرار صح كلامج الدنيا فيها خير لاكن الشر للأسف زااد! ووجهات النضر الي قلتيها ترا مش احنا الي نحكم اذا صح ولا غلط ومهما كانت نية البنت الخطأ بيتم خطأ ..
والانسان مايصير يروح ويعمل أي معصيه من المعاصي ويقول نيتي كانت طيبه !

والأثم بينحسب على البنت مهما كانت نيتها.. يعني البنت راح تضر نفسها وتضر غيرها الي يطالعونها مهما كانت نيتها.. والشباب راح يغازلونها وراح تحصل اثم كل واحد طالعها !

وبخصوص السؤال الاخير ..مايصير انا اروح ازني ولا اشرب خمر ولا اتعامل بالربا وبعدين اقول ماعرف ..

لأن الملكين لما يسئلون الانسان فالقبر ويجاوب عليهم ماعرف شنو بتكون ردة فعلهم! يضربونه بمطرقه بحجم الجبل ويتم يغوص ستين سنه تحت الارض! (سبحان الله مدة اول ضربه فالقبر تساوي حياة الانسان كلها فالدنيا!)

ويوم القيامه الي اهوه يوم الحساب بس! مدتة خمسين الف سنه .. والناس شوي وبيموتون على هالدنيا الصغيره هههه ويتضايقون على اتفه سبب! ومايدرون ان الدنيا مجرد طريق للمسكن أو البيت الأبدي! والي يكون يا جنه أو نار

يعني هالشي مب هين والبنت الي تبي ترتاح في قبرها لازم تفهم اهيه شنو قاعده تسوي؟

ومش الشباب الي يحطون القواعد ويقولون هالبنت محترمه وهالبنت صايعه .. في تعليمات واضحه من الرسول صلى الله عليه وسلم توضح حق البنت شلون لازم تكون في حياتها ..

ونهى الرسول صلى الله عليه وسلم البنت عن التبرج واظهار المفاتن"وقال الي تحط عطر وتمر جدام قوم عشان يشمونه تعتبر زانيه الخ.. واعتقد علموكم هالأشياء فالمدارس! والبنت كل حركه تسويها لازم تقيسها من وجهة نظر الدين!

وانشاءالله الله يهدي البنات كلهم والشباب ويصلحهم والله يهدينا اجمعين..

Omar Al Hazaa

12-04-2008, 02:03 AM

اختي الكربي ..عليكم السلام ورحمة الله وبركاته.. كلامج صحيح وكل شي له مقصد وله ترتيبه .. وانشاءالله البنات يستفيدون من النصايح والأداب الي حطيتيها انتي

Omar Al Hazaa

15-04-2008, 01:08 AM

انصح البنت المحتاره انها تسمع محاضرات تكون فيها قصص حق البنت وراح انزل محاضره قريب

S.S.Ahmed

15-04-2008, 04:32 AM

:)

بــارك الله فيك أخوي على الطــرح....

مـــوضوع تعبنــا منه,,,وتعبت عيونــا مــن شوفته كــل يوم...

ولكــن إللي لفت إنتباهي هــي النسبة اللي حطتهــا أختي أبــرار...

يعنــي بصراحـــه ظلمتي الجامعه بهذي النسبه :)

احنــا مب بصدد تطريت الجــو,,وأنــا أتفق معاج إن هالنسبه هي اللي طــافحه على السطح...ولكــن هذا مــايعني إنهم أقليه...

بصـــراحــه دائمــاً أقول لأهــلي ومن حولي إني أنـا وزميلاتي مــن الأقليات في الجامعه,,,لأن الغالبيه الساحقه -وهذه مب مبالغه ابداً- هــي المسترجلات ومــايتبعهن مــن بنــات الحيــاء ماعرف لهن طريق...

أخـــوي اللي أنت شفته هـــو اللي حــاصل في جامعتنــا....وهذه الفئة بالذات ظلمــت البنــات المحافظــات...

أتمنــى لهم الهدايــة....

بارك الله فيك...

Anas Al-Ansari

15-04-2008, 01:31 PM

Latifa.K

15-04-2008, 04:34 PM

مشكور اخوي عمر على طرحك الموضوع انا مابي اتكلم فيه لأنكم ماقصرتو فيه

بس الي حبيت اقوله ان الحمدلله مجتمعنا يوم نقارنه في وايد مجتمعات يتم ممتاز ومحافظ

الشي الي صار يزعجني ان كل ما اطلع مع حد من الشباب ولا تكلم معاه في احد هذه المواضيع يحسسوني ان الدنيا مافيها خير وان كل البنات فاسدات ومايستحون ليش جي النظره السلبيه

انا اشتغلت في مؤتمرات ودورات في الجامعه وخارجها مع بنات جامعتي والحمدلله اشوف وايد ناس فيهم اخلاق واحترام وخجل

اوكي ما اقول ان مافي متبرجات ولا بنات يلفتون في اكيد وعلينا نبهمم بس حتى هاي النوع ليش نشوفه بعين ان خلاص منتهي ولا راح يصلح امره في يوم ممكن عملهم غلط بس يمكن قولبهم فيها خير بس تحتاج توجيه باجر من اختها ولا رفيجتها او حتى ريلها

صح في عيوب احنا علينا نصلحها ما اعتقد ان لو اشهرنا لو تكلمنا او حتى كانت نظرتنا سلبيه راح نحقق شي ايجابي كثر ماهو سلبي

وسلامتكم

عدل كلامك اخوووي أنس ...

مثل ما قلت مو كل بنت متبرجه يعني يكون تفكيرها غلط
ياماا شفنا بنات من هالنوعيه بس نظرتهم وتفكيرهم صح 100%
ويمكن يعرفون الصح من الغلط اكثر من البنات المحتشمات..
بس حاطين في بالهم فكرة الكشخه يعني انهم بس يكشخون لنفسهم يحبون يطلعون بمظهر حلوو جدام الكل ...
بس يا ليت لو هالنوعيه تلقى من ينصحها وتتقبل منها الكلام ويحتشمون اكثر حق نفسهم
عشان يصيرون كاملين مع ان الكمال لله سبحانه ..

Latifa.K

15-04-2008, 04:35 PM

كل الشكر لك اخووي عمر عالموضوع وعالمثله اللي عطيتنا ايااها
وان شاء الله نسوووي اللي قلت لناا عليه
ماقصرت الشيخ
وجزاك الله خير عالموضوع الرائع والنقاشااات الرائعه منك
ويعطيك العافيه

Omar Al Hazaa

15-04-2008, 09:02 PM

اختي S مشكوره على مشاركتج..

كلامج يدل على ان المسترجلات اكثروا..

وانتي تحسين نفسج انتي وربعج من الاقليات فالجامعه.. انا ترا حسيت نفس احساسج يوم فكرت اني اتمسك بديني اكثر..

لاكن شفت الكفار شلون يفتخرون في دينهم وكل ماصار لهم شي راحوا وباسوا الصليب الي لابسينه والاعب قبل لا يدخل الملعب لازم يطق على صدره ثلاث طقات هههه

وقلت في قلبي اذا الاجانب يفتخرون في دينهم واهوه غلط عيل احنا ليش مانفتخر في دينا واهوه دين الحق وليش نستحي من سنة رسولنا صلى الله عليه وسلم.. بس الشيطان لازم يوسوس على الي يدور على الحق.. وهذا ابتلاء من الله سبحانه وتعالى

قال تعالى (ألم. أحسب الناس أن يتركوا أن يقولوا آمنا وهم لا يفتنون . ولقد فتنا من قبلهم فليعلمن الله الذين صدقوا وليعلمن الكاذبين) سورة العنكبوت..

المؤمن لازم اتجيله ابتلائات واذا صبر راح يحصل السعاده فالدنيا والاخره..وحتى واحد من الصالحين قال في معنى كلامه ((انا احس بسعاده عظيمه في قلبي واذا كانت هالسعاده بعد راح تكون موجوده معاي فالجنه>> هالشي راح يكفيني..والدنيا مجرد طريق صغير.. مانقدر نقارنها مع حياة البرزخ ولا مع يوم القيامه

وفي زمن نبينا ابراهيم كانوا يعيشون مئات السنين ..والولد الصغير اذا صار عمره 100 سنه يعني توه طالع من سن المراهقه هههه<< ترا احنا في نعمه بالمقارنه مع اعمارهم

اهم شي انج انتي تصبرين وماعليج منهم ولا من حركاتهم وحاولي تنصحينهم قد ماتقدرين

وانا امس نزلت محاضره حلوه لاكن صار بيني وبين الاداره سوء تفاهم وانشاءالله بنحط المحاضره مره ثانيه بعدين .. وفيها قصص وايد حلوه ومؤثره وايد..

Omar Al Hazaa

15-04-2008, 09:13 PM

عفواً اخوي انس << واحب اقولك ان الكلمه الي قلتها فالحفله كانت وايد حلوه

اخوي كلامك صحيح وبلادنا لين الحين فيها خير والدليل انتوا وكلامكم الحلو والمفيد

لاكن الي سمعته من كلام البنات ان المسترجلات وربعهم اكثروا واهم قاعدين معاهم اكثر ويشوفونهم كل يوم ..واكثر من بنت قالت هالكلام وشفته بعيني بعد

وحتى لو كانت النسبه 1 ولا 2% احنا لازم ننصح ولازم نتحد ونتعاون ونطرح المواضيع المهمه عشان نشوف لها حلول ومايصير نسكت ..

<< وانا اختلف معاك لأن لو تكلمنا واشهرنا العيوب راح نطلع لها حلول وهالشي ايجابي ولازم نأمر بالمعروف و ننهى عن المنكر

Omar Al Hazaa

15-04-2008, 09:33 PM

عفواً اختي لطيفه ..الله يعافيج.. ومشاركاتج انتي اهيه الي حلوه والله..

وكلامج صحيح في بنات وايد يعرفون الصح والغلط لاكن؟

<< البنت الي تلبس ضيق واهيه تعرف ان الي تلبس ضيق راح تدخل من ضمن الكاسيات العاريات الي لايجدن ريح الجنه >> وبعد تستمر وتلبس وتقول انا قصدي اكشخ!!

والي تعرف ان الي تحط عطر وتمره فيه جدام قوم عشان يشمونه تعتبر من الزواني ..(والعطر حرام البنت تحطه حق المسيد) شلون عيل الجامعه والاسواق !! شلون بعدين تحط العطر وتمر جدام الشباب ولا الدكاتره وتقول انا قصدي اكشخ..

مايصير انا اشرب الخمر وانا عارف انه حرام ولا ازني واقول ابي اعدل مزاجي هههه وقصدي كان طيب

عيل اذا استنتجنا ان السالفه خطيره ونتيجتها وعذابها فالاَخره مب بسيط والبنات الي يسون هالحركات >(((مايفهمون)))< ان عقابها خطير .. والي تنكتب مع الزواني والله ماراح تستحمل عذاب الزناه فالنار..

لازم انتي يا اختي لطيفه والبنات الثانين كلهم لازم>(((تفهمونهم)))< و توصلون لهم بأسلوب حلو وبكلام طيب ان هالشي عذابه خطير ومب هين والبنت والله ماراح تستحمل فالقبر ويوم القيامه.. لازم تتحدون وتطرحون الحلول وتعملون على تنفيذها لأن هالشي في ذمتنا كلنا والله

قال تعالى (( والعصر إن الإنسان لفي خسر إلا الذين أمنوا وعملوا الصالحات وتواصوا بالحق وتواصوا بالصبر)) اعتقد الايه واضحه بدون تفسير .. واذا ماتواصينا بالحق والصبر عن المعاصي والصبر على الطاعات راح نكون خسرانيين ..

والي عنده حل يضيفه والله يجزيه الجنه..ويسعده فالدنيا والاخره

Abrar Al-Janahei

16-04-2008, 05:38 PM

اخوي عمر

لا تكتب انشاء الله هللون .. بلاغيا تعتبر خطأ في حق الله سبحانه وتعالى .. وتعنى انشاء ( يعني صنع ) الله < حاشا لله >

اكتبها هللون ( ان شاء الله )

والله يوفقك :)

-----------------------

عيل اذا استنتجنا ان السالفه خطيره ونتيجتها وعذابها فالاَخره مب بسيط والبنات الي يسون هالحركات >(((مايفهمون)))< ان عقابها خطير .. والي تنكتب مع الزواني والله ماراح تستحمل عذاب الزناه فالنار..

كلامك صحيح يا عمر وجزاك الله خير

في حادثه ان الفضل كان جالس عند رسول الله ومن بعد مسافه ليست بعيده امرأه ذات حسن وجمال .. فالتفت الفضل ينظر إليها .. فأخذ الرسول عليه الصلاة والسلاة بوجه الفضل وأداره اليه

غض النظر هيه كفيله بحل أكثر المشاكل
الشباب ماكانوا بعرفون ان البنت لابسه ضيق ولا وسيع اذا غضوا البصر
الشباب ما كانوا بيعرفون اذا البنت حاطه مكياج ولا لا اذا غضوا البصر
الشباب ما كانوا بيجوفون مفاتن المرأه الماره جدامهم اذا غضوا البصر

كان يقدر رسول الله حبيبي محمد ان يذهب يتكلم مع المرأه
لاكنه ادار وجه الفضل

العطر والرائحه مكانهم ثاني .. لانها حركه غير شعورية في الانسان .. الشخص من من نفسه يقدر يشم اللي يبيه وما يشم اللي يبيه

لكن يقدر يختار شنو يجوف

العينان تزنيان و زناهما النظر .. وعذان الزنا كبير في نار جهنم

اذا البنت لابسه اللس لابسته ومسويه كل شي
مو من حق الشاب ان يجوفها .. ( اهيه غلطانه من راسها لساسها ) يختم هالاغلاط بانه يجوفها ..

النظره الاولى لك والثانيه عليك

ما كان في بنات بتكشخ ولا تتعدل ولا تسوي هالحركات اللي نجوفها الحين
اذا كان الشباب ما يطالع

وترى ذي جهاد .. جهاد النفس
:)

Latifa.K

16-04-2008, 07:57 PM

في حادثه ان الفضل كان جالس عند رسول الله ومن بعد مسافه ليست بعيده امرأه ذات حسن وجمال .. فالتفت الفضل ينظر إليها .. فأخذ الرسول عليه الصلاة والسلاة بوجه الفضل وأداره اليه

غض النظر هيه كفيله بحل أكثر المشاكل
الشباب ماكانوا بعرفون ان البنت لابسه ضيق ولا وسيع اذا غضوا البصر
الشباب ما كانوا بيعرفون اذا البنت حاطه مكياج ولا لا اذا غضوا البصر
الشباب ما كانوا بيجوفون مفاتن المرأه الماره جدامهم اذا غضوا البصر

كان يقدر رسول الله حبيبي محمد ان يذهب يتكلم مع المرأه
لاكنه ادار وجه الفضل

العطر والرائحه مكانهم ثاني .. لانها حركه غير شعورية في الانسان .. الشخص من من نفسه يقدر يشم اللي يبيه وما يشم اللي يبيه

لكن يقدر يختار شنو يجوف

العينان تزنيان و زناهما النظر .. وعذان الزنا كبير في نار جهنم

اذا البنت لابسه اللس لابسته ومسويه كل شي
مو من حق الشاب ان يجوفها .. ( اهيه غلطانه من راسها لساسها ) يختم هالاغلاط بانه يجوفها ..

النظره الاولى لك والثانيه عليك

ما كان في بنات بتكشخ ولا تتعدل ولا تسوي هالحركات اللي نجوفها الحين
اذا كان الشباب ما يطالع

وترى ذي جهاد .. جهاد النفس
:)

أختي ابرار المثال اللي ذكرتيه حلوو ...
وصحيح ان الانسان يقدر يتحكم بحاسية النظر
بس ما يقدر يتحكم بالشم لان هااي شي غصبن عنه ...

بس مو معناته ان البنت تطلع وهي لابسه ضيج والا حاطه ميك اب اوفر ...
بعد هالشغلات تعتبر فتنه
وتلفت ...
اذا مابتلفت انتباهنا احنا البنات بتلفت انتباه الشباب أكيد ...
لان دايم كل جنس يميل للجنس الاخر ويجذبه شي معين فيه ...

قال تعالى: “قل للمؤمنين يغضوا من ابصارهم ويحفظوا فروجهم ذلك أزكى لهم. ان الله خبير بما يصنعون. وقل للمؤمنات يغضضن من ابصارهن ويحفظن فروجهن ولا يبدين زينتهن إلا ما ظهر منها وليضربن بخمرهن على جيوبهن ولا يبدين زينتهن إلا لبعولتهن أو آبائهن أو آباء بعولتهن أو ابنائهن أو ابناء بعولتهن أو اخوانهن أو بني اخوانهن أو بني اخواتهن أو نسائهن أو ما ملكت ايمانهن أو التابعين غير اولي الاربة من الرجال أو الطفل الذين لم يظهروا على عورات النساء ولا يضربن بأرجلهن ليعلم ما يخفين من زينتهن وتوبوا الى الله جميعا ايها المؤمنون لعلكم تفلحون”

في الايات المذكوره بالاعلى تعني ان مو بس الشباب يغضون البصر
حتى النساء لازم يحتشموون ولايظهرون العورات ...

يعني عشان ما نلوم الشباب ونقول أن هم اللي يطالعون ..
اوكي في فئه بتغض البصر لانها عارفه ان هالشي غلط ..
بس في فئه من الشباب ما راح تغض البصر يبون يشبعون رغبات في داخلهم ...

يعني يفضل ان البنت تستر نفسهااا احسن من انها تعرض نفسها لمواقف او انهاا تتعرض لمضايقات من الطرف الاخر . وبعد الشاب يحاول قد مايقدر انه يغض البصر..

ملخص كلامي: أن الفئتين البنات والشباب لازم يتبعون قول ربنا سبحانه وتعالى في الايخ السابقه . ..

وكل الشكر لج اختي ابرار .. :)

Omar Al Hazaa

16-04-2008, 08:52 PM

اختي ابرار احب اشكرج على المشاركه وعلى التوضيح الطيب بخصوص كلمة ان شاء الله ..

و كلامج صحيح بخصوص غض البصر وزنا العين .. لاكن هذا مايحل مشكلة البنات الي يتبرجون ويضهرون مفاتنهم !!

واذا البنت كانت جايه مبنى تأسيسي البنين ولا مبنى النشاط الطلابي ترا نضره وحده تكفي عشان نعرف اذا كانت لابسه ضيق على كل جسمها وصابغه ويها بالمكياج !! وهالشي يكفي لجرح القلب والمشاعر

وغض البصر طبعا هالشي مهم لاكن اذا انا غضيت بصري عن البنت المتبرجه(الكاشخه) هالشي ماراح يبعهدا عن النار وماراح يدخلها الجنه

واتمنى انج تكونين استفدتي من بعض الحلول الي انطرحت فالموضوع وانصحوا هالبنات لأنهم مايفهمون شي وفي ذمتكم ترا (يابنات جامعة قطر) وفي ذمتنا كلنا ..

واحب اوضحلج ترا اغلب الشباب الحين مايعرفون غض البصر وانا كنت منهم قبل فتره ماكانت كبيره والله وكنت احسب ان اثم هالشي صغير!! .. وهذي نقطة ضعف الشاب والرسول صلى الله عليه وسلم كان يخاف علينا من(فتنة النساء) فا الرسول حذر من هالبنات الي مايستحون وقال(فتنة النساء) ماقال فتنة الشباب << يعني البنت اذا اختربت بتخرب الكل معاها وهالشي مب بسيط ..

والي مايعرفون شنو غض البصر(موجودين يوم الخميس والجمعه فالمجمعات) وكل ربعي الي فالجامعه مافي منهم غير واحد بس يغض البصر ويقولون هاي معصيه خفيفه واذا تزوجت بتوب وهالكلام للأسف كنت انا بعد اقوله بنفسي.. والشاب ماراح يغازل له وحده محترمه وساتره نفسها الا بالعكس راح يحترمها وبيعصب على الي يغازلها!! >>

<<وللأسف الشديد الكاسيات العاريات لازم يكثرون لأنهم من علامات الساعه ومن علامات نهاية الزمن.. وعشان جي لازم نحل المشكله من جذورها والبنت الي ضايعه (في زمن الفتن والضياع) لازم تمسكون يدها وتوجهونا نحو النور والهدايه.. ومب لازم تصير مطوعه مره وحده ..لاكن على الاقل خل تعدل ملابسها وتبتعد عن النار والقبر..

Omar Al Hazaa

16-04-2008, 09:31 PM

مشكوره اختي لطيفه على مشاركتج الطيبه.. وكلامج صحيح الكل عليه واجبات لازم ينفذها (الشاب والبنت)
والكل لازم يغض بصره .. ولاتنسون انصحوا البنات الي معاكم

امس كنت قاعد اسولف مع شيخنا بعد صلاة الفجر وقالي لاتروح حق ربعك السابقين وتنصحهم الا اذا شفت نفسك قادر لأنهم راح يخربونك..

وانا بعد اقولكم نفس هالكلام ..وشوفوا البنات الملتزمات فالجامعه والي لهم خبره كبيره وخلكم معاهم وساعدوهم..

بعطيكم مثال حلو .. احنا عندنا فالمسيد لوحات وعليها نصايح وحركات .. ليش ماتحطون لوحه كبيره وتحطون فيها صور حلوه بأسلوب يجذب الي يطالعها ..وتوضحون البنت الي تلبس ضيق شنو مصيرها والي تحط عطر شنو مصيرها والي تحط مكياج الخ..

وخلوا اللوحه في مكان واضح وكل البنات لازم يشوفونها .. هذا اقتراح بسيط مادري اذا ينفع ولا لا .. والحين نبي الحلول والي عنده حل يحطه وراح نتناقش فيه..

N . A . AL-KORBI

16-04-2008, 10:01 PM

مشكور اخوي فزاع على نصايحك الحلوه ، والله يقدرنا على عمل الخير

تكفون ياجماعة الخير ، الله يرضى عليكم ، الألوان الفاتحه واااااااااااااايد لاتستخدمونها ،

لأن نظري راح فيها واحتمال ألبس نظاره ، والله ما أكذب عليكم توني أمس رايحه المستشفى .

و الأم فظيع بعيني ، و حابه اقرأ ردودكم ، بليز .

Omar Al Hazaa

16-04-2008, 11:34 PM

مااتشوفين شر اختي N خلاص ان شاء الله ماراح احط الالوان الجامده.. واجوفج قمتي تسميني فزاع ههههه

انا بعد مستغرب وتوني ملاحظ ان اسم الموضوع تغير بدون ماغيره انا هههه بس احب اشكر الي غيره لأنه صار احسن!

اسمحيلي اختي N والله اني متفشل منج وان شاءالله راح ادعيلج.

N . A . AL-KORBI

16-04-2008, 11:57 PM

الله يبارك فيك ويكثر من امثالك يا اخ عمر

وجزاك الله الف خير

Abrar Al-Janahei

17-04-2008, 01:20 AM

اخوي عمر .. غض البصر واييد يحل مشاكل .. اذا البنت ماحصلت حد يطالعها مب لازم يغازلها بس على الاقل يالطعها باعجاب .. ما بتسوي في روحها اللي تسويه

غض البصر .. غض البصر ... غض البصر

-------------

في الجامعه واييد في خيرر .. مافي مكان ما فيه لوحه او نصيحه او ارشاد .. واييد بنات وجماعات فيهم الخير ..

اقليه بس اللي لهم هالحركات لكن حركاتهم بزياده ..
عشان هللون مسلط عليهم الضوء

في خير .. اللي لهم حركات معروف مكانهم ..

حلهم مثل حل اللي يدخنون

الحل الساري للمدخنين ان صاروا يعزلونهم عن كل شي .. تبي ادخن اطلع برع
او لك غرفه في مكان ما يصير ادخن جدام الناس

لما يحسون هالبنات انهم منبوذين .. بيراجعون نفسهم

بس واللله من داخل فيهم خير وغيره على الاسلام وقلوبهم طيبه

الله يهدي الجميع

R.A.M

18-04-2008, 12:51 AM

السلام عليكم ورجمه الله وبركاته

تقريبا انتوا كفيتوا ووفيتوا بالموضوع..

يقال ان البنت اتسوي هالشي للبحث عن الاهتمام وسد النقص.. وللاسف اهي تحصل عليه بهالطريقه ..
يعني لو احنا مانلتفت لهم وخاصه الشباب.. لو انهم ايمرون على البنات اللي طالعين بهالشكل ومايلتفتون لهم بيموتون من القهر.. لان هذا اللي اهي اصلا تبيه.. وانت ياللي اتطالعها عطيتها هالشي..

والله ان واحد كان يمشي في حال سبيله.. ايطالع الارض.. مروا عليه البنات ايطالعونه.. عاد اهو مالتفت لهم.. اضحكوا بصوت عالي وقالوا : (بل.. انزين طالع).. علنا تطلب منه ايطالعها..!!

وعن الجامعه.. فعلا هم قلائل.. وانا متأكده انهم ايوون على شان الدراسه بس بالاضافه الى ذلك ايسوون اللي ايسوونه.. والسبب البيت والصديقات ..

احنا وقعنا في الجامعه على اوراق ان احنا نبيهم ايحطون قوانين اتحد من اللبس والشغلات اللي ايسوونها.. فإن شاءالله ايطبقون القرار..

وبالتوفيق..

Omar Al Hazaa

18-04-2008, 01:21 AM

كلامج صحيح اختي ابرار ومانبي نختلف.. انتي تقولين غض البصر وانا اقول البنت لازم تستعدل من نفسها وبنتم لين بكره هههه.. وكلامج صحيح هالبنات لما يحسون انهم منبوذين بيراجعون نفسهم وانشاءالله يتغيرون

لاكن الخوف انهم مايتغيرون ويأثرون على غيرهم وتكبر المشكله..

اهم شي انتوا الحين ركزوا على البنات وانصحوهم .. والشباب خليهم علينا.. والكل يقوم بدوره وينصح ربعه واخوانه وهله كلهم والباقي على الله..

وانا اليوم سحبت خواني الصغار 3 ووديتهم محاضره وعطيت امي شرط وابوي شريط واختي 3 اشرطه حقها وحق رفيجاتها ثنتين.. وماقول هالكلام رياء لاكن عشان اعطيكم مثال .. وعشان الواحد على الاقل ينبه الناس الي جنبه..

اختي ابرار كلامج طيب وشي زين ان الانسان يتفائل بالخير.. لاكن البنت حتى لو في داخلها غيره على الاسلام لاكن ملابسها غلط هالشي ماراح ينجيها من العذاب وانا ماقول هالكلام الا لأني ابي لهم الخير وخل يتضايقون فالدنيا! بس مايتضايقون فالاخره!

Omar Al Hazaa

18-04-2008, 01:35 AM

اختي R.A.M عليكم السلام ورحمة الله وبركاته

اختي كلامج صحيح بخصوص ان البنت تغتاض اذا الواحد ماشافها وهالشي جربته بنفسي والبنات قاموا يقولون كلام الله يهديهم بس مابي اقول شنو قالوا..

وفعلاً هالشي شنقول عنه(البنت تبي الكل يشوفها عشان تتطمن على على شكلها وجمالها) << شلون بعدين بتصبر على زوج واحد!

وان شاء الله الجامعه توافق على الاوراق الي انتوا وقعتوها.. والجامعه اصلاً اهيه اساس المشكله.. وهاي نتيجة الحريه الزايده.. وان شاءالله الله يبارك في جهودكم كلكم..

وانتوا تبون الشباب يغضون البصر عشان البنت تتأدب ..هالشي ترا صعب والشباب الحين اغلبهم مايغضون البصر ولما يروح السينما في بنات ويطالعهم ولما يروح مسراحيه بعد نفس الشي وفالتلفزون وفي كل مكان.. ولما نقول له غض البصر يقول الدين مب تشدد وماراح ادخل النار واذا تزوجت بتوب الخ.. وفي شباب وايد ماتكفيهم النضره!! ونسمع عن بلاويهم الي فالبحرين

لاكن البنت الي تطلع وملابسها غلط متكشفه ومتبرجه ترا هالشي عقابه خطير ومانقدر نصبر لين ماكل الشباب يغضون بصرهم عشان البنت تلبس عدل << هالحل حلو لاكن من الصعب انه يتحقق.. المهم.. كل واحد فيكم ينصح الي جنبه والله يجيب الي فيه الخير.. وانشاءالله ادارة الجامعه تتحرك وتسوي شي! >>وادارة الجامعه من العصنر النسائي ولازم يثبتون ان العنصر النسائي قد المسؤوليه..

Abrar Al-Janahei

18-04-2008, 01:47 AM

لاكن البنت حتى لو في داخلها غيره على الاسلام لاكن ملابسها غلط هالشي ماراح ينجيها من العذاب وانا ماقول هالكلام الا لأني ابي لهم الخير وخل يتضايقون فالدنيا! بس مايتضايقون فالاخره!

الله يجزيك خير يا عمر :)

Omar Al Hazaa

18-04-2008, 02:14 PM

^
^
"
"
"
حياج الله اختي ابرار..

Omar Al Hazaa

21-04-2008, 06:52 AM

اختي في مثال حلو سمعته في محاضره عجيبه اسمها (بنات غير) حق الشيخ سليم الجدعاني.. وكانت محاضره خطيره ولازم الواحد عينه تدمع لما يسمعها وانصح الكل انه يسمعها..

المهم.. هالمثال تقدرين تقولينه حق رفيجتج الي ماتتستر عدل..

امسكي في يدج حبتين كافي(شوكولاته) لاكن وحده خليها مكشوفه والثانيه خليها بقرطاسها..

المهم وقدميهم حق البنت الي ماتتستر عدل وقوليلها اخذي وحده..

واكيد بتاخذ حبة الكافي الي عليها قرطاسها.. (لأن الذبان ممكن انه كان يدور على الحبه المكشوفه)

وبعدين قولي لها ترا هالمثل يشبه البنتين البنت الي تلبس عدل والبنت الي تتكشف.. والبنت الي تتكشف محد راح يختارها لان الناس ممكن يحسبونها......! مادري شقول لاكن ماراح يرتاحون لها..

هذا مثال بسيط بدون ما نرجع لحكم الدين وان شاءالله يكون مفيد..

Abrar Al-Janahei

21-04-2008, 02:00 PM

اخوي عمر .. عندي ملاحضه على عنوان الموضوع

الناس تمسك هالكلمة وتترك التكملة دائــــــــــــــــــما

الحديث اللي فيه هالجزء كالتالي

( ما رأيت من ناقصات عقل ودين أغلب لذي لب منكن )

وهاي جملة انا اعتز فيها .. الرسول عليه الصلاة والسلام يمدحنا :)

رغم نقاص العقل والدين لاسباب بينها الروسل عليه الصلاة والسلام في الحديث ..

إلا النساء يضلون .. يقدرون على الرجال اللي اهمه اصحاب اللب

وفي قولة الرسول الكريم .. ما رأيت .. يعني محد يقدر على الرجل الا المرأه :)

والله سبحانه وتعالى .. بين في القرآن الكريم في قصة يوسف .. ( إن مكرهن عظيـم )

الله سبحانه وتعالى لما يوصف شي يكون أبلغ الوصف لان اهوه خلق الاشياء ويعرف كل صفاتها

.. فلما يوصف ان مكر النساء عظييم .. يوصفه بالعظـــم ,, انا اعتبره مــــدح من رب الجـــلالة
:)

Omar Al Hazaa

21-04-2008, 11:32 PM

اختي ابرار فهمتي اسم الموضوع غلط..

والحديث الي انتي ذكرتيه(ناقصات عقل ودين) لاحضي ترا انا ماقلته فالموضوع وماقلته فاي رد من الردود..

واسم الموضوع كان قلة ادب ودين وعقل ومادري والله من غيره وخلاه بهالطريقه.. كنت متعجب! وذكرت هالشي في رد سابق..

وهالحديث انا سمعت معناه في محاضره كان اسمها (عائله خمس نجوم) وماكان يقلل من احترام البنت ابداً..

وناقصات دين(معناها ان البنت لما تجيها الدوره (الحيض) تنقصها صلوات وبعض العبادات) وهذا اهوه نقص الدين.. لاكن بعض الشباب والبنات يفهمونه بطريقه ثانيه..

اما ناقصات عقل(نقص العقل اهوه في شهادة البنت. صوت بنتين=صوت رجل واحد) وبس هذا اهوه المعنى وهذا مايقلل من اهمية البنت ومن تفكيرها..

وفي بنات واااايد ماشاءالله عليهم اذكى من الشباب واختراعاتهم واقتراحاتهم تكون تكون عجيبه وخطيره..

وفي بنات بعد قاموا يجاهدون (منذ قديم الزمان ولين الحين) وصاروا شهداء.. وهالشي صعب على بعض الشباب!