من كتاباتي بسيط الهدايا

[Salem Al-Halbadi]

السلام عليكم ..

ان شاء الله تنال ع اعجابكم ... سالفة هالقصيدة : ان واحد من الشباب عزيز ووبغيت اشكره

وامدحة وابين له اني مانسيت وقفته وبعد بغيت احذرة من بعض ربعة

واستحيت اقوله فلقيت القصيدة احسن وسيلة ...


بسيط الهدايا


ابدي كلامي بالحمد لله القايل .............. نزيد النعم ع القوم الشاكرين

واشكره ع كل الجمايل ............ اللي كثير بها الناس غافلين

ثم اوصي سلامي لولد الحمايل .......... اللي ع العوق يبراه وحن عارفين

بوقت به كثير عن الحق مايل ........... وعلى ردى السيرة سايرين

يازين دنيا بها ناس اصايل ............ للوفا والخير والجود حافظين

واوصيه بالاصيل ولد الاصايل .......... لي بانت خملات غطاها عن الشامتين

والحر مايصحب الا حر القبايل .......... لي صاحب دونه عاعا وقدره يشين

وحذرك من للحكي والنم شايل ........... ينملك وينم فيك وقوله يازين

واستر عيوب بانت لك في حايل ......... كل له عيوب وخلك من الساترين

والصلاة ع حامل اشرف الرسايل ....... وعلينا ال البيت الاشراف الغر الميامين.




والمسامحة ووتراني مبتدئ وياريت لو في نقد طيب ترى يامرحبا وسهلا
:) :) :)

[Mohammed Al-Mansouri]

صح لسانك اخوي سالم

وصدقت

بوقت به كثير عن الحق مايل ......... وعلى ردى السيرة سايرين

يازين دنيا بها ناس اصايل ......... للوفا والخير والجود حافظين

[Salem Al-Halbadi]

صح بدنك ... والله ومرحبتين بشباب استراليا ..

:) :) :)

تسلم وماقصرت على المرور ... اخوي محمد

وتراني ماالي كلش في الشعر ... لكن هه تقدر تقول خواطر

[Mohammed Al-Mansouri]

الله يحيييييك اخوي سالم

اذا هاذي بدايااااتك اشوفه شي حلو الصراااحه

وعندك ما شاااء الله شباب مب هينين فكتاباتهم يفيدووونك اكثر مني

ولك اطيب تحيه

[Ahmed Alsulaiti]

صح لسانك ياخوي

ابدعت والله

استمر انشالله

والى الافضل انشالله

اخوك:احمد السليطي

[Saoud Al-Emadi]

يازين دنيا بها ناس اصايل ............ للوفا والخير والجود حافظين

واوصيه بالاصيل ولد الاصايل .......... لي بانت خملات غطاها عن الشامتين

والحر مايصحب الا حر القبايل .......... لي صاحب دونه عاعا وقدره يشين

وحذرك من للحكي والنم شايل ........... ينملك وينم فيك وقوله يازين






صح لسانك اخوي سالم

صراحه كلمات ولا اروع

وماشالله عليك ابيات عجيبه

وانشالله توصل لرفيجك

واتمنالك التوفيق انشالله

ويعطيك الف عافيه على انك شاركتنا بهالقصيده

[Salem Al-Halbadi]

محمد المنصوري

تسلم ياخوي على الكلام الطيب وصدقت الشباب هني... ماشاء الله الواحد يتعلم منهم
..........

اخوي احمد السليطي

مرحبتين بشباب بورتسموث .. صح بدنك وتسلم على المرور والكلام الراقي
.........

سعود العمادي

اقوول ماشاء الله منووريين شباب بورتسموث ... الصراحة كلامكم يشجع الواحد .... وابشرك الرسالة وصلت

[Mohamed Al-Naimi]

.. عليه الصلاه والسلام ..

.. تسلم اخوي سالم .. صح الله لسانك ..

.. زين والله هالايام الواحد ينصح اخوه ..

.. جزاك الله خير ..

[Salem Al-Halbadi]

صح بدنك ياالغالي .... وحياك الله ياخوي محمد .. وتسلم على مشاركتك الطييبة

ويعطيكم العافية شباب بورتسموث

:) :) :)

[Mubarak Al-Marri]

اخوي سالم

صح الله لسانك

نصائح مفيده

وكلمات جميله..... والى الامام دائما

تحياتي

[Salem Al-Halbadi]

مرحبتين باخوي مبارك ووصح الله بدنك


وتسلم ياطويل العمر على المرور


والسموحة

[Salem Al-Mannai]

السلام عليكم ..

هلا والله يابوغنيم ... :)

حي الله اهل كوفنتري ...

صح الله اللسانك ... على هالقصيده ..

وانشالله بدايه طيبه يالغالي ..

لكن عندي تعليق بسيط .. على بعض الأشياء




حاول تختار مفردات القصيده .. بشكل بسيط في البدايه ..

مثال .. كلمة ((عا عا )) .. ماتناسب مع البيت ؟؟؟ وماشوف لها معنى ؟؟


وثانيا " حاول اتجر القصيده .. على لحن ..

مثال انك اتلحن البيت .. وهذا بعد ماتكتب البيت .. الأول

وهذي اسهل طريقه ممكن توزن فيها القصيده ..

وفي طريقه ثانيه .. صعبه اشوي

وهي الحرف الساكن والمتحرك ..

0 /

بحيث انك تشوف تشكيل البيت الأول وتمشي مع الأبيات الباقيه ..


وبالنسبه للطريقه الأولى ..

يجب ان تكون هناك .. سلاسه .. في لحن القصيده ..

فأذا واجهت صعوبه في نطق البيت .. فهذا معناتها البيت مكسور ..

_______________________________


وثالثا"

اوقات ممكن معنى البيت يذهب بعيد عن مقصد الشاعر ...

وهذا في أخر شطر من البيت الأخير ..

والواحد يتجنب الشبهات

الأن الصلاه ماتجوز الا على (( الرسول صلى الله وعليه وسلم))ءءءءءء


وتحياتي لك..

واتمنى اني قدرت افيدك ..

وانشالله مافي اي شي يظايقك ..



اخوك


SALEM AL-MANNAI

[Salem Al-Halbadi]

وعليكم السلام ... مرحبتين والله بالسمي

وحياك الله يااخوي ... وصح الله بدنك


مشكور ع تعليقاتك المفيدة اللي اتفق معاك في بعضها واختلف معاك في بعضها


اولا

كلمة عاعا هي استعارة مكنية للديك ويمكن اتفق معاك انها ماتناسب البيت ... ولكن اختلف معاك

في معناها لانك لو قريت بداية البيت فبتعرف المغزى وايضا قديم الشعر بتحصلها موجودة

................




الاقتراح الثاني جدا طيب وهاذانا نحاول ... اما قصدك في الحرف الساكن والحرف المتحرك او بمعنى

اصح النظم الهلالي ... تراه كلش مب حولي ... ويعطيك العافية يالسمي



...............




اما الاخيرة ... اقولك حبيبي اسمحلي بس اقول ...


اللهم صل على محمد وعلى ال محمد


:) :) :)




عزيز وغالي ومشكور ع النصايح .... والسموحة




اخوك سالم

[Salem Al-Mannai]

العفو والله يا بوغنيم ..

بالنسبه .. (لعاعا) في البدايه ... غير صحيحه ولايختلف عليها أثنين ..

لأن اذا .. جيت لحالة للأستعاره .. فأنت تاخذ صفه من صفات الديك .. وانت تقصد .. صوت الديك ...!! اذا ماخاب ظني

والديك ... يكاكي .. .. وما يعاعي ..

وفي الأول والأخير .. اخوي انت شاعر القصيده .. وانت أدرى بمعانيها ..

وعلى قولة المثل


المعنى في قلب الشاعر ..

___________________________

وبالنسبه لنقطه الأخيره ..

ارجع واقول المعنى ... في قلب الشاعر ..

لكن

الصلاه ... على محمد وأل محمد المقصود .. بها .. أمة محمد أجمعين .. والمسلمين .. كافه

وليس

أل بيت الرسول ..

لأأنك قلت

صلو علينا .. أل البيت ..

وهنا في خصوصيه .. وليس عموميه .. على أمة محمد أجمعين

فأي واحد يقرى البيت .. واسأل أي شاعر فاهم ومتمكن


لأن في مغزى بيتك


صلو علينا أل البيت .... والسموحه منك .. كأنك أتقول .. صلو على سالم الحلبدي .. وسلالته ونسبه ..

!!!!


وفي الأخير أخوي الغالي ..

هذا مجرد نقد .. وتوضيح ..

وانا ودي لك بالأفاده .. انشالله

واتمنى ان كلامي مايظايقك .. لان في الأول والأخير .. هدفي .. انك اتوجه في الطريق الصحيح

لتطوير .. موهبتك ...

تحياتي لك .. يالغالي ..


اخوك


salem al-mannai

[Salem Al-Halbadi]

بالنسبة ل عاعا ياخوي ... يمكن تشبيه بليغ ... عاد انت رقعها لان هالشغلات في مادة العربي

انا ضعيف فيها



وللشغلة الثانية

شكلي فاهمها غلط كل هالمدة

لوووول

ياخي سائل شيخ دين وقال لي عادي ... بس كان المفروض اتاكد اكثر

على كل ن جزاك الله الف خير

ولا تعتقد اني تضايقت.. والله بالعكس اشكرك واحييك على ارشاداتك وانت اخو عزيز وغالي


اقول شخبار الشباب عندك المسند والكعبي

[Jassim Al-Naama]

السلام عليكم

صح لسانك سالم على القصيدة

الصراحة ابدعت

وهالبداية تدل على كاتب موهوب ولك مستقبل كبير

واصل الكتابة وعلينا القراءة

تحياتي المعطرة

[Salem Al-Halbadi]

وعليكم السلام اخوي جاسم النعمة

ومرحبتين بشباب استراليا

صح بدنك .. وكلك نظر طال عمرك

واشكرك ع كلامك الطيب وع المرور




تحياتي لك وتوصل الدوحة بالسلامة ان شاء الله

اخوك سالم بن محمد