{ البعثات لخارج قطر ..

[Mohamed alasmakh]

السلام عليكم ورحمة الله وبركاته

اخباركم ؟


يالغاليين حبيت أسأل بخصوص البعثات مع [ مركز شباب الدوحه ] .

إلى [ أمريكاً - لندن - استراليا ] .



والله مب عارف ويين اروح ,, ؟

وأبي نصايحكم ,, البعثات زينه ولا لا ؟


وتسلمون والله

[R. Al-Harami]

مرحبا اخوي محمد وعليكم السلام ورحمة الله وبركاته ..

والله ما عندي اي خلفية بخصوص بعثات مركز شباب الدوحة .. والا كنت بجاوبك على سؤالك ..

اذا عندك اي اسئلة اكاديمة .. ان شاءالله بجاوب على اي سؤال او استفسار ..

بالتوفيق ان شاءالله

[Essa Al-Mansouri]

إلى [ أمريكاً - لندن - استراليا ] .



والله مب عارف ويين اروح ,, ؟

روح أمريكا
احسن من الرقاد في البيت
الحياة تجارب ^^

[Ahmed Al-Ali]

وعليكم السلام ورحمة الله وبركاته

والله ماعندي اي فكره عن بعثات مركز شباب الدوحه..

بس من ناحيه البلده اللي بتدرس فيها انصحك بـ " أمريكا "

امريكا نظامها عجييب في الدراسه ، تخليك على راحتك ، ماتحس انك مضغووط نفس النظام البريطاني ، وفوق هذا امريكا ارخص والحياه فيها احلى.


اذا ودك في بعثه انصحك تشوف هالجهات :
هيئه التعليم العالي
قطر للبترول
كهرماء
هيئه الطيران المدني
راس غاز

والله يوفقك ياارب .. :)
اخوك / أحمد العلي

[Ahmad Al-Saygh]

تخليك على راحتك ، ماتحس انك مضغووط نفس النظام البريطاني

مب كل التخصصات :1639_01196243240: " تخصص الهندسة المعمارية ما ينامون كله شغالين في الإستديو لول "

بس ما أحس إني مضغوط :D أستمتع بالدراسة :8888:

[Mohamed alasmakh]

تسلمون ع المرور يالغاليين ..

وأنا عمري توهـ الناس 13 سنهـ .. ,

وتسلمون ع التمرور

[Nasser Alemadi]

مرحبا اخوي محمد ..

اعتقد الشباب فاهمين غلط عن بعثات مركز شباب الدوحه ..

مركز شباب الدوحه يبعث رحلات لغه فقط ..

Language trip

وعلى حسب علمي فترة الكورس تكون شهر واحد خلال عطلة الصيف لطلبة المدارس ..

وطبعن يكون في قروبين .. قروب لطلبة الاعداديه وقروب لطلبة الثانويه .. وكل قروب يتوجه لدوله معينه ..

انا سافرت معاهم في Language trip 3

تقريبا قبل سنتين .. وكانت الرحله لكندا ..

البرنامج وااايد حلو استفدنا والله وتعلمنا الكثير ..

وكانت الرحله تقريبا متكونه من 30 طالب .. كل اثنين يسكنون مع عائله اجنبيه ..

وساعات الدراسه كانت من 9 الصبح لين 3 العصر وعقبها دواره في هالمجمعات والاماكن السيااحيه عندهم ..

غير الرحلات الي كانت المدرسه نفسها تنظمها ..

هاي تقريبا كل الي اقدر اقوله لك يا محمد واذا احتجت اي مساعده حاظرين لك خيو .. :)

.
.

[Mohamed alasmakh]

تسلم اخوي ناصر ع المساعده

وشكراً لك يالغالي

[Mohammed ALBebs]

هلا اخو يمحمد والله انا انصحك تروح بريطانيا وخاصة كيمبريدج لانها بلد الدراسة وهادئة وما بيها مشاكل وجرائم مثل امريكا وانا الحين ادرس فيها على حسابي ومرةةةةةةةةةة مرتاح الحمد لله والله يوفقك واذا تبي اي خدمة او سؤال ارسلي على الخاص وان شاء الله تعالى افيدك

[Fahad Buhendi]

روح أمريكا
احسن من الرقاد في البيت
الحياة تجارب ^^

اتفق مع هذا الرأي

الحياة تجارب

واذا اردت ان تشارك مجموعة من الطلاب القطريين المتجهين للدراسة خلال الصيف في بريطانيا فراسلني على الخاص