ღ.. تعالوا نسولف عن الدراسه ..ღ

[Mohamed alasmakh]

السلام عليكم ورحمة الله وبركاته

اخباركم يأعضاء ومشرفين المنتدى ؟ أن شاء الله طيبين .


حبيت أسوي هل الموضوع , عشان كل واحد يتحدث

عن الدراسه والمنهج والمستوى ,, والمدارس وهل الأشياء

والمشاكل الدراسيه .

فـ حبيت أفيدكم يالغالين بهل الموضوع للتحدث عن كل مايحول بالدراسه

بداخل قطر وخارجها .


إليكم أجمل تحياتي : محمد الأصمخ .

[Mohamed alasmakh]

ويين ردوكم يالغاليييييين ..

[Nawari.Al-Qahtani]

وآيد عجبتني فكرة الموضوع

ان شالله لي باك

بعد التفاعل

[A.A.Al-Nasser]

مرحبا أخوي محمد..

إن شاء الله موضوعك هو يكون سبب رجعتي للتفاعل بعد غيبة طويلة عن موقع الحوار.. :)

والله ياخوي.. مادري احنا شسالفتنا....؟ من تدش الجامعة.. وتشوف صاحبك.. تسأله.. "اشلونك.. شخبارك.. ؟!!" يتنهد ويقول... : "الحمد لله بخير.. بس عندي هالمادة الزفتة مكرهتني فحياتي.. والا الواجب اللي مب راضي يخلص.. والا الامتحانات.. اللي موترتني وقالبة حياتي.. كل ما أدرس لها.. ما ترتفع درجتي... وإلا البروجكت.. للحين ما بديت فيه لأني مشغول بالبروجكت حق المادة الثانية لأنه مب راضي يخلص...........إلخ إلخ إلخ....!!! "

يعني يا خوي.... الواحد حاس إن الدراسة أصبحت هم لا يطاق ينتهي بتخرجك من الجامعة.....!!

:
:
:

عندي إضافات كثيرة.. لكني مب عارفة أصيغها...! ما ودي أقلب الموضوع فضفضة...

[Abrar Al-Janahei]

دراسة الجامعة غير عن المدرسة .. لازم تتغير الطريقه 180 درجه ..

سبحان الله شي غريب

في ظني افضل درساه العملية :)

[Mohamed alasmakh]

وآيد عجبتني فكرة الموضوع

ان شالله لي باك

بعد التفاعل

يو ولكمو نواري .

وان شاء الله خير

وتسلميين ع المرور

[Mohamed alasmakh]

مرحبا أخوي محمد..

إن شاء الله موضوعك هو يكون سبب رجعتي للتفاعل بعد غيبة طويلة عن موقع الحوار.. :)

والله ياخوي.. مادري احنا شسالفتنا....؟ من تدش الجامعة.. وتشوف صاحبك.. تسأله.. "اشلونك.. شخبارك.. ؟!!" يتنهد ويقول... : "الحمد لله بخير.. بس عندي هالمادة الزفتة مكرهتني فحياتي.. والا الواجب اللي مب راضي يخلص.. والا الامتحانات.. اللي موترتني وقالبة حياتي.. كل ما أدرس لها.. ما ترتفع درجتي... وإلا البروجكت.. للحين ما بديت فيه لأني مشغول بالبروجكت حق المادة الثانية لأنه مب راضي يخلص...........إلخ إلخ إلخ....!!! "

يعني يا خوي.... الواحد حاس إن الدراسة أصبحت هم لا يطاق ينتهي بتخرجك من الجامعة.....!!

:
:
:

عندي إضافات كثيرة.. لكني مب عارفة أصيغها...! ما ودي أقلب الموضوع فضفضة...

مرحباً أخوي

صحيح كلآمك ,, وحتى أن نفس الحاله بالضبط .

وصارت لي أكثر من 19 مشكلهـ مع الأساتذه ,,

والتقرير [ الله لا يراويك ] زفت ,,

والواحد مل من الدراسه ,

هههههههههههههههه

وهاذي حال الدنيا وشنسوي بعد

لازم نرضى باللي الله كاتب لنا .

وتسلم ع المرور الرووووووووعه

[Mohamed alasmakh]

دراسة الجامعة غير عن المدرسة .. لازم تتغير الطريقه 180 درجه ..

سبحان الله شي غريب

في ظني افضل درساه العملية :)

مرحباً أختي أبرار .

اي والله دراسه الجامعه صعبه من قلب .

وانا على بالي كلها محاضره درسين احفاف ,, وبس .

ولما شفت الكتب والدراسه

الله يعينا والله .


أدعولنا بالنجاح

[Sh.W]

يعطيك العافية اخوي محمد
بس ليش تخرعونه جذيه
الدراسة الجامعية وايد حلوة بس غير عن المدرسة وايد
زين أنا أبي أسألج شاللي يعجبك في أكاديميتكم
واللي ما يعجبك =)

[N . A . AL-KORBI]

السلام عليكم ورحمة الله وبركاته

مشكور أخوي Mohamed alasmakh على موضوعك الأكثر من رائع .

حاليا ما أقدر أرد لأن لو رديت ماراح اسكت ، وإحتمال كبير أصيح :cry1: ، وإذا صحت ما راح أسكت .

الدراسه شي شي مو أي شي ، أحبها أموت فيها ، حبا نابع من القلب ، من زود حبها أمرض ،

دراسة الجامعه الله عليها ، والدكاتره عسل ، شقد يراعونا ، تخيلوا عندي إمتحانات هالأسبوع

ومواد تخصص ، يعني يبيلها ، إثنينه من الدكاتره مو مخليني بحالي ،

كل ماشافوني ، " وين ال H . W " ، والثاني " يابنتي إرحميني فين البرزنتيشن "

صج فاضيين ، أنا وين وهم وين ، إن شاء الله لي رجعه ، ما خلصت كلامي .

راح أفضفض عدل .

مشكور مره ثانيه والله يوفقك وتتخرج بأحسن معدل .

[R.A.M]

السلام عليكم ورحمه الله وبركاته

بالعكس اخوي Mohamed alasmakh ..

الدراسه الجامعيه وااايد سهله.. واسهل من المدرسه..

بس الفرق .. انهم في المدرسه يهتمون فيك اكثر..

بس في الجامعه انت مسؤول عن نفسك ..

واحلى مافي الدراسه الجامعيه انك تختار تخصص واحد وتدرس المواد المتعلقه فيه..

بعكس المدرسه اللي تنجبر تدرس مواد انت مااتحبها..

وبالتوفيق..

[Mohamed alasmakh]

يعطيك العافية اخوي محمد
بس ليش تخرعونه جذيه
الدراسة الجامعية وايد حلوة بس غير عن المدرسة وايد
زين أنا أبي أسألج شاللي يعجبك في أكاديميتكم
واللي ما يعجبك =)

الله يعافيج .

بس انا اللي اعرفه بالنسبه للبنات ونآسه .

وهل الشي صحيح ,, بس مع الشباب اللي يتكلم واللي يقول عندي خط باكلم الأهل ضروري ..

هههههههههه

خبرج الدراسهـ الجامعيه جذي ,

واحد من ربعي يقولي تعال جرب تدش معانا محاظرهـ ,, وقال مابتطلع من المحاضره إلا وانت ميت ضحك .

والله مدري ..

بس أفضل الدراسه خارج قطر , مثل عيال عمامي .

يقولون شوي صعبه , بس تفهم .

وتسلميين ع المرور

[Mohamed alasmakh]

السلام عليكم ورحمة الله وبركاته

مشكور أخوي Mohamed alasmakh على موضوعك الأكثر من رائع .

حاليا ما أقدر أرد لأن لو رديت ماراح اسكت ، وإحتمال كبير أصيح :cry1: ، وإذا صحت ما راح أسكت .

الدراسه شي شي مو أي شي ، أحبها أموت فيها ، حبا نابع من القلب ، من زود حبها أمرض ،

دراسة الجامعه الله عليها ، والدكاتره عسل ، شقد يراعونا ، تخيلوا عندي إمتحانات هالأسبوع

ومواد تخصص ، يعني يبيلها ، إثنينه من الدكاتره مو مخليني بحالي ،

كل ماشافوني ، " وين ال H . W " ، والثاني " يابنتي إرحميني فين البرزنتيشن "

صج فاضيين ، أنا وين وهم وين ، إن شاء الله لي رجعه ، ما خلصت كلامي .

راح أفضفض عدل .

مشكور مره ثانيه والله يوفقك وتتخرج بأحسن معدل .

هههآآآآآي

لووووووووووول

ماشاء الله عليك كلامك حلو

والأحلى " الدكاتره عسل " .


وتسلم حبوب ع المرور

[Mohamed alasmakh]

السلام عليكم ورحمه الله وبركاته

بالعكس اخوي Mohamed alasmakh ..

الدراسه الجامعيه وااايد سهله.. واسهل من المدرسه..

بس الفرق .. انهم في المدرسه يهتمون فيك اكثر..

بس في الجامعه انت مسؤول عن نفسك ..

واحلى مافي الدراسه الجامعيه انك تختار تخصص واحد وتدرس المواد المتعلقه فيه..

بعكس المدرسه اللي تنجبر تدرس مواد انت مااتحبها..

وبالتوفيق..

صحيح في المدرسه أدرس مود مااحبها

بس المشكله استاذ العلوم ,, ملغ لما يتكلم مايسكت وعصبي .

والله يكون في عووننا

وتسلم ع المرور

[N . A . AL-KORBI]

السلام عليكم ورحمه الله وبركاته

بالعكس اخوي Mohamed alasmakh ..

الدراسه الجامعيه وااايد سهله.. واسهل من المدرسه..

بس الفرق .. انهم في المدرسه يهتمون فيك اكثر..

بس في الجامعه انت مسؤول عن نفسك ..

واحلى مافي الدراسه الجامعيه انك تختار تخصص واحد وتدرس المواد المتعلقه فيه..

بعكس المدرسه اللي تنجبر تدرس مواد انت مااتحبها..

وبالتوفيق..


أختي الغاليه إحنا بتخصصنا ناخذ مواد مالها شغل بمواد التخصص ، بس يحبون يعذبونا ،

مثلا : شنو علاقة الفلسفه بالمحاسبه ؟

شنو علاقة التاريخ بالمحاسبه ؟

شنو علاقة العربي بالمحاسبه ؟ ، لو إن المحاسبه بالعربي هاي شي ثاني ، بس الماده بالإنجليزي .

ليس هناك رابط واضح .

وشكرا

[N . A . AL-KORBI]

السلام عليكم ورحمة الله وبركاته

We'll be back

شخباركم ياجماعة الخير .

الأخ Mohamed alasmakh ، الله يوفقك إن شاء الله ، وتدخل تخصص إنت حابه سواء هينا في ديرتك وبين أهلك ، أو بالخارج .

شوفوا اليوم أنا شبه رايقه ، بما إني خلصت من الإمتحانات ، لذالك راح تكون وجهة نظري مختلفه قليلا .

الدراسه حلوه بس منو الي مخرب الدراسه ؟ سؤال يطرح نفسه !

لاتخافون ، راح أجاوب على هالسؤال .

طبعا وبدون أي تردد ، أنتم !!! يامعلمينا الأفاضل !!!

نعما أنتم من أوصلتم إلينا تلك الرساله ، لكن للأسف لم يتم إستلامها وتلقيها كما كان ينبغي .

نماذج وصور تعبر عن مأسآة كثيرا من الطلبة ، إليكم بعض هذه المقططفات .

بعد هالمقدمة ، راح إندش بالعاميه ، مشان نعبر أكثر .

فيه دكاتره الله يستر عليهم ، تشوف بالإمتحان شي ، وبالي تاخذه شي ، ويقول وبكل ثقه
" الإمتحان مباشر ، والأسأله واضحه و مافيها أي تعقيدات " ، أي مباشره أنا عن نفسي للأسف ، أدرس من الكتاب ومن ال notes ، تدرون ليش ؟ بس مشان أتصيد هالدكاتره .

أم البعض الآ خر ، يمشي ورى القانون ، " قانون الجامعه كذا ، قانون الجامعه كذا " ، مايطلعونك قبل ماتنتهي المحاضره ، إلا وأنفاسك الأخيره قاعده تطلع ، " باقي دقيقه وتنتهي المحاضره " ، وفي الإمتحان " إنتهى الوقت " ، عجيبين هالدكاتره ، وتلوموني لي قلت عسل .

طبعا مش الكل ، فيه من الدكاتره عكس هالشي _ عسل من قلب _، يحببونك بالماده ، أسلوبهم قمه في الروعه ، وياخذون الأمور ببساطه ، يبسطون لك المادة ، يوصلون هالرساله و هالأمانه بذمه ، أهم شي تفهم ، تتعلم ، تستفيد من هالماده بحياتك ، المحاضره فيها شي من الضحك ، المزح ، تمر المحاضره بسرعه ، ماتحس بالوقت .

مثل مايقولون الجزائريين " الله خلق وفرق "

بس من الضحيه ، أكيد نحن ، ومن نحن ؟ طلبة أبرياء ، يعيشون حياة قاسية ، يعانون كثيرا، سهروا اليالي من أجل طلب العلم ، لم تذق اعينهم النوم .

لاتصدقون عمركم ، يايكم الدور ، فيه طلبه يبون كل شي جاهز مجهز ، مايدرسون بس يطمحون إلى الأمتياز ، " والله الدكتور ظالم يايب إمتحان ماأدري من وين " ، يعني من وين يايبه من بلاد الواق الواق أو من المريخ ؟

لا وفيه بعضهم " دكتور ممكن تأجل الإمتحان " ، الدكتور على نياته " أيوه بس إيه عذرك " ، " دكتور باجر مسافره " ، والثانيه " أنا عندي عرس ولد خال عم أمي " ، شي شي ، والثالثه قويه " دكتور مالي مزاج أداوم من الصبح لا ويوم السبت " مسجينه قطعت قلبي .

جذيه سوينا معادله ، الدائن يساوي المدين ، طبعا هاي شغل المحاسبين .

مشكور اخوي وفي إنتظار المزيد من المواضيع الرائعه .

ودمتم في حفظ الله ورعايته

[R.A.M]

أختي الغاليه إحنا بتخصصنا ناخذ مواد مالها شغل بمواد التخصص ، بس يحبون يعذبونا ،

مثلا : شنو علاقة الفلسفه بالمحاسبه ؟

شنو علاقة التاريخ بالمحاسبه ؟

شنو علاقة العربي بالمحاسبه ؟ ، لو إن المحاسبه بالعربي هاي شي ثاني ، بس الماده بالإنجليزي .

ليس هناك رابط واضح .

وشكرا


بالعكس يا الغاليه..

الفلسفه لها اهميه عظيمه في حياتنا.. وغلط ان احنا مانقرى كتب الفلسفه.. لانها اتفسر كل امر يحدث لنا .. بطريقه جدا قريبه من افكارنا كبشر وعقول مفكره..

والعربي.. حتى وان كانت الجامعه او المدرسه بكبرها اتدرس موادها باللغه الاجنبيه..
لازم ناخذ ماده اللغه العربيه.. ولابننسى الكلام كله.. ولاانتي مااتلاحظين شلون غصب عنا نص كلامنا اجنبي.. وساعات نبي انعبر بالعربي نلقى صعوبه بتذكر الكلمات اللي توصف المعنى بدقه..
انلف واندور حول المعنى.. ومب لاقين الكلمه.. لين نقولها بالانجليزي مجبورين.. وانحس انها اوصفت الموقف كامل وعطته حقه.. في حين لو عرفنا الكلمه بالعربي.. بينتابنا شعور الرضا المطلق بطريقه مضاعفه..

والتاريخ.. لو اتكلم من اليوم لين بكره عن التاريخ مابخلص.. والله الواحد يستحي الناس حوله تتكلم عن موضوع وهو مايدري عنه.. خاصه اذا متعلق ببلدنا او بالوطن العربي.. او حتى دينا الاسلامي.. وتاريخه..

طبعا.. انتي اتعرفين ان الهندسه لاياخذون فلسفه ولاتاريخ.. ولاحتى عربي.. ناخذ بس عربي (1) ومطور بعد....

فتقدرين اتقولين اني احسدكم.. :)

وبالتوفيق..

[N . A . AL-KORBI]

بالعكس يا الغاليه..

الفلفسه لها اهميه عظيمه في حياتنا.. وغلط ان احنا مانقرى كتب الفلسفه.. لانها اتفسر كل امر يحدث لنا .. بطريقه جدا قريبه من افكارنا كبشر وعقول مفكره..

والعربي.. حتى وان كانت الجامعه او المدرسه بكبرها اتدرس موادها باللغه الاجنبيه..
لازم ناخذ ماده اللغه العربيه.. ولابننسى الكلام كله.. ولاانتي مااتلاحظين شلون غصب عنا نص كلامنا اجنبي.. وساعات نبي انعبر بالعربي نلقى صعوبه بتذكر الكلمات اللي توصف المعنى بدقه..
انلف واندور حول المعنى.. ومب لاقين الكلمه.. لين نقولها بالانجليزي مجبورين.. وانحس انها اوصفت الموقف كامل وعطته حقه.. في حين لو عرفنا الكلمه بالعربي.. بينتابنا شعور الرضا المطلق بطريقه مضاعفه..

والتاريخ.. لو اتكلم من اليوم لين بكره عن التاريخ مابخلص.. والله الواحد يستحي الناس حوله تتكلم عن موضوع وهو مايدري عنه.. خاصه اذا متعلق ببلدنا او بالوطن العربي.. او حتى دينا الاسلامي.. وتاريخه..

طبعا.. انتي اتعرفين ان الهندسه لاياخذون فلسفه ولاتاريخ.. ولاحتى عربي.. ناخذ بس عربي (1) ومطور بعد....

فتقدرين اتقولين اني احسدكم.. :)

وبالتوفيق..

هلا والله أختي الغاليه ، لاتحسيدينا تكفين ترى إحنا نعاني ، أنا معاج بكلامج إن الفلسفه والتاريخ واللغه العربيه مهمه ، بس إحنا الحين نبي نركز بتخصصاتنا ، ليش عوار الراس ، ماقاعده أحس إني أدرس محاسبه ، هالمواد قاعده تشتت ، واكيد أختي تعرفين بسالفت المعدلات وهالمواد لازم تاخذين فيها اوكي ، أو راح ينزل معدلج ، كلامج كله صح ، بالفعل هالمواد مهمه بحياتنا ، ومثل ماقلتي أختي هالأيام لغتنا صايره مكسره ، شوي عربي شوي إنجليزي ، صايرين هنود ، بس هالمواد في منها الي ماخذينه من قبل ، إعادة معلومات ، ماجايبين شي جديد ، لا وبعض الدكاتره يتفلسف في تحوير الأسأله ، والماده سخيفه .

الحمد لله على كل حال ، الله يعينا كلنا ، ونتخرج .

تحياتي للجميع

[R.A.M]

الله يعافيج .

بس انا اللي اعرفه بالنسبه للبنات ونآسه .

وهل الشي صحيح ,, بس مع الشباب اللي يتكلم واللي يقول عندي خط باكلم الأهل ضروري ..

هههههههههه

خبرج الدراسهـ الجامعيه جذي ,

واحد من ربعي يقولي تعال جرب تدش معانا محاظرهـ ,, وقال مابتطلع من المحاضره إلا وانت ميت ضحك .

والله مدري ..

بس أفضل الدراسه خارج قطر , مثل عيال عمامي .

يقولون شوي صعبه , بس تفهم .

وتسلميين ع المرور

بالعكس مب شرط ان الدراسه وناسه للبنات.. اعرف بنات وايد ماايحبون يدرسون..

بس تقدر اتقول ان البنت اتفكر جديا في الدراسه لانها اتكون متاكده انها ماراح تنجح في حياتها من غير دراسه.. مب شرط انها اتحب هالشي..

اما الشباب ممكن يستخفون بالدراسه وخاصه الجامعيه لانه اصلا ايعرف انه بيقدر يلقى شغل بشهاده او بدون.. بغض النظر عن الشغل والراتب.. نادرا مايهتمون بهالناحيه.. خاصه وعندهم مشاغل ثانيه في بالهم.. دايما تبعدهم عن الدراسه.. واهمها انهم ناس مايقعدون في البيت دقيقه وحده.. << الاغلبيه..

وفعلا انواع الاستهتار في صفوف الشباب وهالشي يعتمد على الدكتور او المدرس نفسه وحفاظه على هيبته جدامهم.. ومب معناته هالشي مب موجود عند البنات بعد.. بس.. نااادرا.. ومثل ماقلت يعتمد على الدكتور او المدرس.. لان الطالب بشخصيته سواء في الجامعه او المدرسه اهو نفسه ونفس التصرف ونادرا مايطور اسلوبه ويرتقي فيه.. ويبي له ناس اتأدبه اخلاقيا وشلون يحسن التصرف ويحترم اللي جدامه .. بس بالطريقه الصح..

وللاسف الطلاب مايدرون ان هالشي يضايق الباقي.. يعني مب شرط ان كل الطلاب يبون يستفيدون من المحاضره بس اكيد ان معظمهم يتضايقون من الاستهتار الحاصل في الصف..
حتى لو ضايق خلقه من المحاضره ومجبور يحضر..

وسمعنا وايد ان الدراسه بره اسهل بوايد.. وبالنسبه لي اذا الخطه تتضمن مواد تخصص اقل من مواد الانجلش.. فالدراسه في هالجامعه اكيد اسهل من جامعه قطر.. اللي خطتنا كلها مواد تخصص.. وكم من ماده بس.. خارج التخصص..

بالتوفيق..

[Mohamed alasmakh]

السلام عليكم ورحمة الله وبركاته

Back

اولاً : أحب أشكر الأخت // R.A.M على ردهـآ الحلو ..

ثانياً : أحب أشكر الأخت // N . A . AL-KORBI على ردوهـآ الرائعهـ ,, وآلصـراحهـ أبدعتيـَ أبداع في الردود وأنا أستفدت من كلآم وآيـد ,, شكراً لج أختي الغاليه .

وأخيراً : أحب اذكركم بأن نرجع للموضوع من جديد ,, ونبي نشوف ردودكم يالغالين

[Rashid AL-Kuwari]

والله عن الدراسه ترى في اسباب وايد ان اتخلي
الواحد يكرهها او ان يمل من الماده نفسها
يعني في مب الدكاتره بعض الدكاتره هم يخلون
الواحد يكره مادتهم يعني واحد ستغرب لين مل من
ماده ويسمع ناس حوليه مستمتعين في دراستها
وهاي السبب يكون من الدكتور ولازم نلقاله حل
وفي ناس هم مايعرفون اشلون يسلون عمرهم
في الماده او بالحرا انهم يسهلون الماده علا عمرهم
وهاي طامه كبرا لازم ان يعدلها الواحد باسرع وفت
اما في صنف الي يدرس برى الي متضايق من الغربه
ومو مستانس في مدينته او او او الخ .....
هاي الي مايقدر ع الغربه انا ما انصحه يكمل دراسته برى
انصحه يرجع لانه بيضيع علا عمره وقت وهاي محسوب عليه
وعلا عمره الي الي بيضيع ...................
اسمحولي علا مداخلتي والصراحه استفت
من كلامكم وايد اشياء
مشكوووورين وعساكم ع القوه

[Mona Al-Hammadi]

الدراسه متعه وفي اختلاف كبير بين الجامعه والمدرسه طبعا المدرسه لعبه ووناسه ودراسه وقت الامتحان ومعدلاتنا تب اما الجامعه حياه غير وعلى حسب من جامعه لين جامعه المدينه التعليميه كرف مثل ماقال اخوي الي في كارنجي مافي وقت يفكر الانسان في حاله اما جامعه قطر ضغط بس اهون من المدينه التعليميه ... كل الانسان يختلف في مدى قوته واستحماله والدراسه يبيلها صبر طويل مثابره والمثابره اتعب شي لين اتحافظ علي مستواك عشان ما ينزل بس تتدرون متى بنحس بطعم الدراسه لين نتخرج ان شاءالله بتكون ايامها حلوه عكس الحين وفي ناس مشاءالله عليهم ياكلون الكتب وفيهم حب للعلم ولاستفاده بعني الواحد يدرس مب عشان ينجح عشان يستفيد ويعرف اكثر من الي كان يعرفه لازم في ايحاء اثناء الدراسه وصدقوني ان الوقت يمشي بسرعه عكس لما تكون فاضي بدون شغل ومتملل

[R.A.A]

السلام عليكم ورحمة الله وبركاته

ما أجملها من أيام و يا أمتعها من لحظات. حين تغفى العين بين صفحات الكتاب و يسهى العقل بالتفكير فيما بين طياتل الكتاب.

وبعد التخرج فعلا حلاوة النجاح ينسيك كل التعب و تعود بذاكرتك لكل لحظة إجتهاد بأمتنان كبير.

ما أحلاها من أيام

أذكر اني عندما اضيق ذرعا و هما ونكدا وغما من صعوبه مادة او طول كتابة بحث او مقال او أيأس من الحصول على المعلومة و أجوب مكتبة الجامعه كالمعتوه أسأل كل من أتوقع ولا أتوقع منه مساعدتي أتذكر شي واحد فقط يهون علي كل ذلك. إلا والله: ان الملائكة حاظري كل مجلس علم و ان كل ساعه هي مباركة عندما تكون خالصة في طلب العلم لوجه الله.

بالتوفيق لنا ولكم اخوتي و أخواتي
Enjoy it, because you will miss it big time

[Areej Saeed]

مشكور اخوي على هالموضوع الحلوو ..
والله الدراسه حلوة ومب حلوة في نفس الوقت وكل مرحله تختلف عن الثاانيه والجامعه مرحللله ثانيه وغير عن المراحل الباقيه اناا احسهااا احلى لكن مب اريح لانك تكون مظغوط ووووايد ممب نفس الراااحه ايام العلميه :35_1:
يالله الله يعينااا ويوفقنااااا :smile: