مــــفـــتــــاحــــك

[Abrar Al-Janahei]

السلام عليكم ورحمة الله وبركاته

موضوع طرحت اذاعة صوت الخليج برنامج على الطاري

ايش اهوه مفتاح شخصيتك

لو تخيلنا الشخص مثل مخزن كبير ومسكر .. ايش المدخل لهلشخص ..

شنو الشي او الوسيلة اللي لو كنت\ي معصب\ـه .. او مثلا كنت في نضر الناس غامض\ـه .. او في حال احتاج لك حد يقدر يدخل لك منه .. بأي طريقه يدخلون لناس لك

بالمختصر المدخل الى شخصيتك

خولنا نكتشفكم :)

[Aljazi Almannai]

بسم الله الرحمن الرحيم
بما اني اول من بيشارك في هالموضوع .. واتشرف طبعا :) .. فخليني اصارحج بشي قبل لابداء .. انا ابي اطلق عليج لقب .. ممكن .. اكيييييد ممكن << ياواثق
ابرار ام الافكااااار << :okkiale:
بصراحه ولا مره انطرح علي هذا الموضوع .. وانا اعتبره من وجهة نظري الي بيجاوب على هالموضوع شجاع وبطل << كأنه بدينا نمدح :risatonaD:

ادخل في الموضوع

لو انا معصبه طبعا الشخص الي بيقدر يوصل لي هو الشخص المرحي او الفكاهي بالعربي الي بيخليني اضحك .. لان انا من الاشخاص الي صعبه يضحكون وهم معصبيين .. ف الابتسامه و الضحكه هم السر:risatonaD:

وفي حال ان احتاج لي احد السر في الصراحه .. ان دخل الشخص وتكلم بصراحه تاااامه .. وفعلا حسيت ان الموضوع واضح جدامي .. يقدر الشخص انه يوصلني بسهوله

وفي اشياء وايد اكثر من الي ذاكرتهم .. بس اقرب صفتين لي ولشخصيتي .. هم .. (( الابتسامه و الصراحه ))

وشكرا مجددا على هالموضوع

[Abrar Al-Janahei]

مفتاح رائع ... :):):) .. الصراحة قدور عليها لكن توصيل الابتسامة صعبة احيانا :):)

يا شجاعة يالجازي :)

في حالة تكلم معاج الشخص بصراحه ووضوح .. هل تنفذين طلبة حتى لو فيه مضره لج مثل لو بغي باخذ شيمن اغراضج ؟؟

[Sh.W]

يعطيج العافية أبرار،،وموضوع شيق،، ما اقدر اقيم نفسي ،، لو كنت معصبة أفضل إني اسكت... =)

[Abrar Al-Janahei]

السلام عليكم
اختي sh.w انا قصدي بمفتاح شخصيتج ان شلون يقدرون يدخلون لج الناس .. بأي طريقه مو بس اذا انتي معصبه

[Sh.W]

والله ما اقدر اقول لج اي شخصية مفتاحي =)،، ترى قعدت افكر وايد
بس يمكن تكون الشخصية المتفائلة وأحب دايماً ابتعد عن الناس السلبيين
اللي نظرتهم لكل شي في الحياة سلبي،، وما يحبون يواجهون التغيير ،، ومهما كان الموضوع صعب تكون ايجابية للموضوع =)

[F.Aldosari]

...السلام عليكم والرحمة والبركة...

...موضوع شيق عزيزتي " أم الأفكار "...:sorrriso:

...الإبتسامة جسر العوالم وانعكاس الروح...جعلها حبيبنا محمد صلوات الله عليه وسلامه صدقةً لما رآه منها من نفع مهما اختلفت الأقوام والأنفس وتعددت...

...الكلمة الطيبة مرآة المرء ومذيب الحواجز والشحنات...تختلف صورها وتراكيبها ويكمن أبسطها بكلمة " شكراً " التي ربط ذكرها للعباد بشكر الخالق عز وجل...

...مفتاحي F.Aldosari : الإبتسامة والكلمة الطيبة...

...تحيـــــــــــــــــاتي...

[Abrar Al-Janahei]

اختي F.Aldosari :) .. مفتاح سهل لأنسان ذو وزن وكيان ورقي :)

[Abrar Al-Janahei]

مفتاح شخصيتي ..

هي عدة اشياء

منها .. كلمة ( أبّـي , بغيت , طلبتك , ممكن ... إلخ ) اي من كلمات الطلب او الحاجة انا اسوي اي شي للطرف الآخر

النقاشات الواسعة اللانهائية مدخل الى مداخلي

طفلة بعمر سنة ونصف من مداخلي :)

[R.A.M]

هذه بعض من مفاتيح شخصيتي..

- الابتسامه اكيد رقم واحد.. لاني اتضايق اكون مع وحده ماتبتسم..
- خفه الظل والعفويه وعدم الرسميه والتكلف.. ايضا مدخل لي لاني بسهوله بقدر اتعامل معاها..
- المعرفه المسبقه.. فانا اجد صعوبه في التداخل مع الناس الجدد.. في المره الاولى.. بينما المره الثانيه تكون في قمه السهوله..
- ان هالشخص ايناقشني بمواضيع اتهمني وتفكيره ايكون اقريب من تفكيري..

واكيد في اشيا ثانيه مب متذكرتها حاليا..

وشكرا ابرار..

[Dana Al-Kuwari]

من غير مفاتيح
هو يعتمد على الي قدامي..

من الي قدامي؟؟؟
اذا رجل ياشيخ اصير له سبير مو بس مفتاح وارضى بسرعه وامشي قلبي معاهم طيب وسموح << اهم شي
اذا انثئ خلها تهذر لين ماربي يشوف لها .. والله لو تجيب المفتاح الاصلي بعد اقولها مايفتح جربي مفتاح ثاني ههههه

[Abrar Al-Janahei]

بيييييه ليش كل ذي ؟ عسى المانع خيرر

[Aljazi Almannai]

في حالة تكلم معاج الشخص بصراحه ووضوح .. هل تنفذين طلبة حتى لو فيه مضره لج مثل لو بغي باخذ شيمن اغراضج ؟؟

مرحبا عزيزتي .. ويسرني ردج على مشاركتي
انفذ طلبه .. نعم انفذه بس بحدود .. يعني شي واقعي ومايجلب لا له ولا لي اي مضره
ولو فيه مضره .. طبعا اتجنب وقوع المضرات .. بس لو مضره خفيفه واعطيج مثال .. اذا اخوي ماسوى الي ابوي طلبه منه مثلا ناسي و راح عن باله او مامداه الوقت .. ويبيني اوقف معاه وابرر لابوي .. طبعا ابوي بيعصب (( اذا كانت الشغله ضروريه )) عليه وعلي .. لكن بعد دقايق تسكر الموضوع .. هاي اقدر اقولج مضره خفيفه وبعدين يعتمد على الشخص الي طلب وقفتي معاه
اما بياخذ شي من اغراضي .. انا عندي مبدا اخذوا الي تبونه بس بلييييز يرجع لي مثل ما استلمتوه .. وعطييييج مثال اختي الصغيره ماتاخذ مني مكياج او اكسسوارات الا وشي نااااااقص << وتعودنا طبعا

اسفه عزيزتي ع الاطاله
تقبلي تحياتي

[Dana Al-Kuwari]

في حالة تكلم معاج الشخص بصراحه ووضوح .. هل تنفذين طلبة حتى لو فيه مضره لج مثل لو بغي باخذ شيمن اغراضج ؟؟



امممم ايه انفذه..
لسبب بسيط...
لاني ببساطه ماحب نفسيه الشاب لما يوصخ نفسه ويرد من غير نفس..
اقوله فلان يقول هلا..
انزين شفيك؟؟ ها لا مافي عادي
ويتم عالويه العابس وينكد عيشتي

ماتسوى والله فا امشيله الي يبي

[Abrar Al-Janahei]

هل تعرفون مفتاح شخصية المقربين منكم .. :) ؟

[E.E.A]

بصراحه حاولت كذا مره اشارك في هذا الموضوع الحلو بس ماقدرت لان فعلا ما اقدر،، يمكن اقرب الناس لي يعرفون عن شخصيتي اكثر مني

لكن اذا


هل تعرفون مفتاح شخصية المقربين منكم .. :) ؟


ممممممممم نعم اعرف ويمكن اعرف مفاتيحهم كلهم:;):

يعني مثلا اخواني ،، واحد فيهم وااااااااايد طيب ووايد تهمه المشاعر والاحاسيس باختصار رومنسي يعني الكلمه الطيبه ما تضيع فيه

والثاني انسان واقعي ما يحب الرومنسيه ،، تهمه دراسته وشغله وبس ،، ولازم ندخل له من مدخول البزنس والشغل

[Dana Al-Kuwari]

^
^

بكل تآكيد !!!!

بس الا ابوي العود .. شيبتنا
احس مفاتيح العالم كلها ماتفتح قفله يعطيه العافيه هههه

وثاني شخص نسيبي.
هالانسان ماضن جاي معاه مفتاح.. مقفل من ربي

الباقي الحمدلله مفاتيحهم واسبيرهم كلها في مخباي :)

[Abrar Al-Janahei]

بس الا ابوي العود .. شيبتنا
احس مفاتيح العالم كلها ماتفتح قفله يعطيه العافيه هههه

ههههههههههههه ... كلهم يادانة .. انا أعاني يوميا من جدة كلامها ألغاز حتى لو تبي تطلب خبز :) وكله على راسي

[Abrar Al-Janahei]

ممممممممم نعم اعرف ويمكن اعرف مفاتيحهم كلهم

:):) ..


هل سهل تعرفين مفتاح شخص تعرفين معرفه اولية ؟ او مثل ما يقولون صداقة جديــدة

[E.E.A]

هل سهل تعرفين مفتاح شخص تعرفين معرفه اولية ؟ او مثل ما يقولون صداقة جديــدة [/QUOTE]

على حسب الشخص ومدى القرب اللي بيني وبينه، يعني في ناس اعرفهم سنيين بس علاقتي فيهم سطحيه ،، وفي ناس عرفتهم من سنتيين او 3 سنوات وكانت بينا ايام حلوه ومره،، قدرت اعرفهم واعرف اسلوبهم ومفاتيحهم :)

[M.A.A.Al-Ansari]

اعتقد اي :okkiale:

أو بالأصح على الأغلب اي

أحس إني أعرف الشخص من قعدة سوالف وحده فيها أخذ وعطى ومايكون فيها تصنّع

واحبها نعمه من ربي مب مهارة مكتسبة