محتاج خدمة صغيرة عن جامعة ليدز

[mohamed alotbi]

السلام عليكم ورحمة الله وبركاته

شخباركم اخواني الطلبة والطالبات ف بريطانيا

مابي اطول عليكم

بس بغيت منكم الي يدرس ف جامعة ليدز يجاوبني او احد ثاني يقدر يجاوبيني

انا انشالله بغيت ادرس تخصص هندسة بترول ف جامعة ليدز بس ابغي اعرف بعض الاشياء عنها

مثل 1- اشلون عن السنه التأسيسيه رسومه لان انا مابي ادرس في الجسر باروح على حسابي وعقب التأسيسي بأحول بعثتي على البترول وامتى تبدأ واشلون التسجيل لها ولازم اتكون عندي شهادة مثل التوفل والايلتز

2- وشلون عن المنطقة هناك من حيث الطلبة القطريين ، الجو بعد شلون حار بارد متوسط

3- وهل تبعد وايد عن جامعة نيوكاسل

واخيرا بغيت من الي ف جامعة ليدز يطرشلي ايميله على الخاص حتى اكلمه اكثر عن الجامعة

ومشكورين وعساكم على القوة

[Thani Al-malki]

السلام عليكم ورحمة الله وبركاته

هلا ومرحبا فيك اخوي محمد

1- السنة التأسيسيه رسموها تقريبا للهندسه 10000 - 14000 باوند
على حسب التخصص

ولازم تكون عندك شهاده ايلز والثناويه فوق 85%

ومب شرط تكون فوق ال85% ممكن الجامعه اعطيك اووفر اذا كانت نسبتك اقل

2- وفيها نسبة من الطلبه القطريين شوي كبيره
تقريبا عددنا وصل 80 او اكثر

والجو نفس بريطانيا متقلب جدا
دافي في الصيف وبارد بالشتا

3- تبعد عن مدينة نيو كاسل ساعه ونص تقريبا بالقطار


وحاولت اطرش لك رساله عالخاص بس يكتبون لي انك انت مسكر هالخاصية

واذا بغيت اشيا ثانيه انا حاضر

[mohamed alotbi]

اخوي بس 1000 او 14000 باوند شاملة السكن واشياء ثانية ولا

[Essa Al-Mansouri]

السلام عليكم ورحمة الله وبركاته

انا انشالله بغيت ادرس تخصص هندسة بترول ف جامعة ليدز
اسكت لا يسمعونك تكسس :linguino:


اخوي بس 1000 او 14000 باوند شاملة السكن واشياء ثانية ولا


http://www.leeds.ac.uk/students/international_students_finance.htm

طال عمرك هذي مب شاملة سكن ولا شي.
هذي بس لعيون الجامعة علشان تدخلها.

تبي سكن واشياء ثانية احسب حسابك بحدود 700 باوند فالشهر

(هو ترى بشكل عام يمدحون البترول ^^)

[Sultan Al-Kuwari]

Hala mohamed .. thani said 10000£ not 1000£ .. you need around 1000£ monthly for living ..
and the bad news is that University of leeds don't have this major ..

so it is better to search for another university
..

wish u all the luck ..

salam