مشاهدة النسخة كاملة : حذاري عنوان آخر ما كتبت
Ali Almarri
13-05-2005, 06:25 PM
السلام عليكم ورحمة الله وبركاته
هذي قصيده كتبتها من يومين وحبيت تكونون من أول الناس اللي يبدون رأيهم فيها
حذاري ياحبيبي لا تسوي بي سواة الغير ..............ترى مالي بعد ربي سواك انتي تسليني
تقابلنا على الدنيا الله يذكرك بالخير ..................وتفارقنا على الدنيا علام الحظ مشقيني
انا بسألك ياروحي وابي منك الخبر تفسير ................تصارحني علام الوقت قابل بينك وبيني
صحيح ان المفارق صعب وخصوصا بلا تبرير................ولكن للزمن دوره على فرقى المحبيني
يديني حرري شعري على كف الورق تحرير....... ..........وخلي كل عذال الزمن يتشمتوا فيني
ابنصح قلبي الفاشل على درب الهوى لا تسير .........ترى باقي كرامتنا غشاها الرمل والطيني
كفايه بس من طرد الهوى تهوى شراة الزير........ ......تهيم بوسط لذاتك وتنسى لك معاديني
وسلامتكم
Mohammed Al-Mansouri
14-05-2005, 05:54 AM
صح لساانك اخوي علي
وننتظر منك المزيد
Ali Almarri
14-05-2005, 06:29 AM
السلام عليكم ورحمة الله وبركاته
مرررحبا بك يابوجاسم مره ثانيه طلتك اسعدتنا ومرورك افرحنا وتعقيبك رد الروح لنا....صح بدنك يالغالي ...
بيني وبينك ما أجوف تشجيع من الأخوه أو على الأقل بالتعقيب على ما كتبت بالنقد او بالرد
هذا يخليني ما افكر اكتب مره ثانيه في موقع الشعر
بس انا عاذرهم بعضهم وقته ضيق وما يسمح له يرد
تحياتي للجميع
أخوكم /علي المري
Mohammed Al-Mansouri
14-05-2005, 06:38 AM
لا اخوي علي لا تاخذ بخاطرك.... اغلب اعضاء المنتدى من شباب بريطانيا...وهالايام هي ايام امتحانات وتسليم وااااجباااات عندهم وانت ادرى شلون الواحد يكون مشغول
فاعذرهم يالغالي وبتشوف المنتدى فيه حركه اكثر قريب ان شااء الله...بس اهم شي انت لا تحرمنا من
مشااركااتك
وسمحلي اذا ما اقترحت تعديل لاي بييت او وزن...لاني الصراحه مب شاعر ولا اكتب...بس احب الشعر مثل
اغلب الشباب
ولا تحرمنا من جديدك
Ali Almarri
14-05-2005, 07:14 AM
مرحبااا بك مليووون يابوجاسم
افااا عليك...هذولا أخواني واحطهم على راسي من فوق والله يوفقهم جميع ..
.بس دام اني عرفت انهم في امتحانات مالي عذر ..
..وبخصوص اذا عندك شي بخصوص الأبيات ترى يفرح القلب ..
.وموب لازم تكون شاعر علشان تنقد ....يكفيك الذوق الرفيع اللي تمتلكه وهذا يكفي .
.ولا تقول اني شاعر ترى بس مجرد اني اكتب في السنه حسنه
تحياتي لك يالغالي
أخوك /علي المري
Mohammed Al-Mansouri
14-05-2005, 07:31 AM
تسلم لي يالغالي وهاي من طيبك الله يسلمك
Tareq Al-Saei
14-05-2005, 01:39 PM
صح لسان الشاعر ...
نورتنا بقصيدة ثانية في المنتدى ...
كل هالزين وتقول مب شاعر ...لا تتواضع
الله يعينك يخوي ويوفقك ..
معليش يا خوي ... انا باثقل عليك
كفايه بس من طرد الهوى تهوى شراة الزير........ ......تهيم بوسط لذاتك وتنسى لك معاديني
ممكن توضح المعنى من هالبيت ... لاني ما فهمته ... معلي اسمحلي لكن القصيدة حلوة
تحياتي
Mubarak Al-Marri
14-05-2005, 04:30 PM
اخوي علي
صح لسانك على القصيدة الجميله
كتاباتك اثراء لهذا المنتدى .... ونحن نفخر بوجود شاعر صاحب كلامات جميلة وابيات موزونه
كتبت فابدعت .... واخترت فأجدت..... فلايكون هذا الا لشاعر
لاتحرمنا من جديدك
ونلتمس منك العذر والسموحه لتأخير التعقيب على المشاركه
تحياتي
Ali Almarri
14-05-2005, 10:57 PM
السلام عليكم ورحمة الله وبركاته
أخوي طارق أسعدني مرورك الطيب وتعقيبك المثالي
وبعدين ما اعتبره ثقل علي بالعكس ..أذا ما كان فيه أخذ وعطى ما راح
نتطور وراح نتم في نفس المستوى والمقصد من التعقيب اما بالنقد
وهو طبعا دائما يكون في المصلحه او اثراء وهو دائما يرفع من المعنويات
طبعا البيت يعبر عما فيه بس بحاول اوضح اللي اقدر عليه
كلنا نعرف ان الزير هو انسان يهوى النساء يعني انسان
كل كم يوم يعشق له بنت وهذا ما قصدت به في الشطر الأول
أما الشطر الثاني فهو بعد تكمله للشطر الأول
فبينما الزير كان مشغول في العشق كان هناك من
يحضر له ولأخوه مكائد دون لا يشعر لأنه كان مشغول في العشق
وهذا تشبيه القلب بأنه ينشغل ي بالعشق دائما بينما العذال يكيدون له في كل مره
وبارك الله فيك وفي جهودك يالغالي
أخوك /علي المري
Ali Almarri
14-05-2005, 11:06 PM
صح بدنك يامبارك
كلماتك أثلجت الصدر وافرحت القلب ورفعت المعنويات ....معذور يالغالي والله لا يهينك
كفايه نورك ونور الشباب في ملتقى الشباب القطريين
سلمت يداك يالغالي
أخوك /علي المري
Rashed Qarh
15-05-2005, 05:04 PM
خطاك الشر يالمري عسى دربك مع التنوير:::::::::::::::::::وحذر نفسك الإول قبل تنهار وتليني
انا بنصحك والمقصد من نصحاني التحذير:::::::::::::::::::انا لي في العمر نكبه مع اغلا محبيني
سنيني دونت حسرة تسطر في العمر تسطير:::::::::::::::افتح دفتر النكبات وهاك ابرز عناويني
عشقني من عشقته عشق,عشقاً يغلب التعبير::::::وهو من بين خلق الله بكل اخلاص يغليني
فلما شاف مقداره تعدى موجة التصوير:::::::::::::::::رأى سلطة غلاه اشلون مدى تأثيرها فيني
جفاني وانصدمت اشلون كيف اشلون هذا يصير::::::كشفت ان زود حبي له سبب للنذل يجفيني
انا اذكرك والذكرى صداها للسنافي خير:::::::::::::::عسى ربي على نصحان من مثلك يقديني
واقبل مني الكلمات واسمحلي على التقصير:::::::::::::::وان عينت فيها نقص خله بينك وبيني
والسلام ختام :D :) تحياتي اخوي علي المري........................القــــــــــــــــــ ــــــــرناس
Ali Almarri
16-05-2005, 03:17 PM
السلام عليكم ورحمة الله وبركاته
بيض الله وجهك يار اشد عز الله كفيت ووفيت ياالغالي صح الله لسانك وأسمح لي على التأخير بس كان عندي أمتحان اليوم واللحين ما لي عذر استلم
خطاك السوء ياراشد عسى عمرك يطول بخير ::::::::وصاتك فوق..فوق الراس ما تنزل على عيني
كلامك صح ما يجرح وتكفا سرنا في بير :::::::::ترى من عاشر امثالك كسب عشرة ملاييني
حلت دنياك يالغالي تحلى بالصبر يالطير ::::::::ترى لأفتح لك الماضي بتدعي للمساكيني
ترى صبري تعدا الحد ومن زوده كسر لمبير :::::::ولو مجنون يدري بي وقف وقفه يحييني
ثمان سنين ياراشد وانا صابر ولابه خير ::::::::::جفا وعناد وليا جيت بابه ما يحاكيني
صحيح المسأله طالت ولكن أستلم تعبير :::::::سلام الله على أهل (...)دارن للمزاييني
حبيبي ناعم أطراف بلمسه يجبر التكسير :::::::وقربه يبري العله وبعده زاد ما فيني
وعينه عين شيهان على وكره بوقت عصير :::::::ورمشه كنه جنود المعارك في المياديني
كفايه مابي ازود بوصفن يبلشك يالطير :::::اخاف تحبها مثلي وتنسى انك تلاحيني
اخاف اوصف أردوفه وتسألني مكانه وير:::::واخاف اوصف المبسم وتصبح ما تدانيني
ترى ما فيه في قولك كلامن يعتبر تقصير ::::::.حشى والله يالغالي كلامك له موازيني
أخوك /علي المري
Hassan Al-Ibrahim
16-05-2005, 04:16 PM
صح لسانك يا علي
صحيح أن المفارق صعب وخصوصا بلا تبرير :: ولكن للزمن دوره على فرقى المحبيني
ولسانك يا راشد
جفاني وانصدمت اشلون كيف اشلون هذا يصير :: كشفت أن زود حبي له سبب للنذل يجفيني
ويعطيك العافية يا علي على ردك الأخير
حبيبي ناعم أطراف بلمسه يجبر التكسير :: وقربه يبري العله وبعده زاد ما فيني
وعينه عين شيهان على وكره بوقت عصير :: ورمشه كنه جنود المعارك في المياديني
كفايه مابي ازود بوصفن يبلشك يالطير :: أخاف تحبها مثلي وتنسى أنك تلاحيني
أخاف أوصف أردوفه وتسألني مكانه وير:: وأخاف أوصف المبسم وتصبح ما تدانيني
شعركم يا علي و يا راشد صادق في حروفه و في التعبير
المنتدى يفتخر بوجود المبدعين أمثالكم يا راشد و يا علي و لا تحرمونا من جديدكم
Mohammed Al-Mansouri
16-05-2005, 04:28 PM
ما شااااء الله علييكم يا شباااااب
:D
ننطر منكم المزييييييييييد...
وصدق اخوي حسن.. المنتدى يفتخر بمشااركااتكم ووجوودكم شعراء بمستوااكم فيه
Meteb Al-Qahtani
16-05-2005, 07:34 PM
السلام عليكم ورحمة الله
تسلم اخوي علي على الابيات الجميله وصح لسانك وبصراحه فرحت
يوم شفت مشاركاتكم انت ومحمد المنصوري في المنتدى .
الله يعطيكم العافيه
اخوكم
متعب القحطاني
Mohammed Al-Mansouri
17-05-2005, 09:01 AM
عليكم السلام ورحمة الله وبركاته
تسلم اخوي متعب..نتشرف نكون اعضاء فهالمنتدى الهادف الي يجمع شباب طيبين ومثقفين وعلى قدر من الاخلاق الله يكون في عونهم جميعا ان شااء الله
وتسلم اخوي متعب مره ثاانيه
Ali Almarri
17-05-2005, 01:26 PM
السلام عليكم ورحمة الله وبركاته
أخوي حسن ..صح بدنك ..وبيض الله وجهك ووجه أخوي راشد هو البركه كلها واحنا نتعلم منه...
أبشر يا حسن وترى الفخر لنا بوجود امثالك في الموقع ولا هنت
.................................................. .....................................
أخوي محمد يامرحبا بك وصح بدنك يالغالي ..وترى كله من أخوي راشد
والا ترى انا مثل ما قلت ما أكتب شي من القصيد الا في السنه
حسنه ولي الفخر بفخركم وترى أنا اللي افتخر بكم وبأخوي راشد جعله على القوه
.................................................. .....................................
أخوي متعب القحطاني .....مرحبا ومسهلا تراحيب المطر ...نور الموقع بوجودك يا بو مبارك
صح بدنك والفرحه ما تكتمل الا بوجودك ووجود أخواني الأعضاء
أخوي متعب ياريت تطرش لي رقمك على أيميلي
x1x1@westnet.com.au
لا تستغربون أخوي ابومبارك صار لي منه تقريبا أربع سنوات وأخباره أنقطعت عني
فالحمد لله اللي جمعنا في هالمكان المبارك
تحياتي للجميع والعذر والسموحه منكم على التأخير في الرد عليكم
أخوكم/علي المري
Jassim Al-Khaldi
21-05-2005, 07:12 PM
صح الله إلسانك أخوي علي عالأبيات الرائعه وأكثر
إبصراحه هذا شرف لي إني اتعرف عليك ماشاء الله عليك والله قلبك حامل الصداقه
حتى ربعك مانسيتهم الله يوفقك في دنياك
صدقني الشباب إلي مثلك ما شاء الله راح يتوفقون في حياتهم مع هالأخوه والصداقه
الله يوفقنا ويكثر من ربع الخير
أخوك الصغير جاسم الخالدي
Ali Almarri
22-05-2005, 01:23 PM
مرحبا بك يابو محمد ..صح بدنك يالغالي ...وأنا اعتبره شرف لي
تواجدك معنا ...وأعجابك بما كتبنا ....يزيدنا شرف....ومعرفتك تزيدنا ترف
وخوتك أنت وشرواك تبعد الهم وتزيد في الروح ...ومن كلامك يعلم الله
اني تمنيت أني اعرفك من زمان ..وهذا المطلوب وأنا أخوك التواصل الدائم
بين الأخوان ....والله لا يهينك يالخالدي..وما عليك زود
أخوك /علي المري
الله يعطيك العافيه اخووويعلى الابيات الحلووه والى الامام
اختك
Ali Almarri
22-05-2005, 01:47 PM
مرحبا أختي مشكوره على المرور RRR
وأحنا ما سوينا شي ولا هنتي
Jassim Al-Naama
22-05-2005, 05:02 PM
السلام عليكم
صح لسانك اخوي علي
وتسلم على القصيدة الرووعة
بانتظار المزيد من ابداعاتك
تحياتي المعطرة
Ali Almarri
22-05-2005, 08:36 PM
السلام عليكم ورحمة الله وبركاته
مرحبا بك أخوي جاسم ...وصح بدنك
وابشر ان شاء الله اذا فيه جديد راح تكونون اول المتطلعين عليه
أخوك/علي المري
Rashed Qarh
22-06-2005, 09:03 AM
اهنيبك فخول المنتدى والي على التحرير::::::واهنيبك ميادين الشعر احلى مياديني
ولك برسل تحياتي بعد عذري على التأخير ::::::ترى والله موب قصدي ولكن حكمة اسنيني
اذا خلك على وصفك جدير يغير التفكير ::::::خل الحكم في يده كما حكم السلاطيني
أذا خصره كما خصر السبوق الي على التحضير ::::::واذا رمشه اذا سلهميضحي بالمزايني
فكتب له رصيد البنك والأقصاد والتوفير ::::::وغل النفس في الأخطار لعينا داعج العيني
فهو يستاهل الفدوة جماله يعتبر تبرير ::::::لوضع الروح في نيران هجران المحبيني
هذا الرد واسمحلي على التأخير والتقصير ::::::انا شفته علي كالدين وجيتك اوفي بديني
تحياتي المعطرة
السلام عليكم
صح لسانك اخوي وماشالله عليك انا بصراحه عجبتني القصيده والى المزيد ان شالله ويعطيك الف عافيه
Rashed Qarh
24-06-2005, 05:19 PM
صح بدنك وصبرك علي هذا قليل مهما ترى من تضحيات
Hamad Al-Qahtani
24-06-2005, 08:17 PM
صح السانك .. اخوي علي ..
صح السانك .. واخوي راشد ..
ياليت عندي الموهبه هاذي ..
في انتظار المزيد ان شاء الله ...
اخوكم حمد القحطاني
Rashed Qarh
26-06-2005, 05:19 PM
صح بدنك اخوي احمد القحطاني ولازم نشوف مشاركتك ...ونشوف ابداعات لك على هذا المنتدى الفريد المسلي المفيد
Ali Almarri
21-07-2005, 06:36 AM
هلا وغلا بك يابوعبدالله وصح لسانك يالغالي
صح بدنك أخوي حمد القحطاني
لي رجعه للموضوع عن قريب
vBulletin® v3.7.3, Copyright ©2000-2008,